தன்­னார்­வத்­ தொண்டு புரிந்தேன்.

தன்­னார்­வத்­துடன் சேவை செய்தேன்!

கிரா­மங்­களில், எய்ட்ஸ் விழிப்­பு­ணர்வை ஏற்படுத்­தி­ய­தற்­காக, 196 நாடு­களின் சர்­வ­தேச எய்ட்ஸ் மாநாட்டில் பங்­கேற்ற, நித்­தி­யா­னந்தம்: நான், கோவை மாவட்­டத்தை சேர்ந்­தவன். பள்­ளியில் படிக்கும் போதே, சேவை செய்­வதில் ஆர்வம். நண்­பர்கள் உத­வி­யுடன், 2002ல், தியான பொது
சேவை மையம் துவங்கி, பல சமூக சேவை­களை செய்து வரு­கிறேன். கோவையில் உள்ள, 450க்கும் மேற்­பட்ட கிரா­மங்­களில், எய்ட்ஸ் மற்றும் குடும்­பக்­கட்­டுப்­பாடு விழிப்­பு­ணர்வு பிர­சா­ரத்தை, சிறப்­பாக செய்தேன். மாவட்ட ஆட்­சியர் உத­வி­யுடன், இரு­பாலர் சுய­உ­தவி குழுவை ஏற்­ப­டுத்தி, 30 ஆயி­ரத்­திற்கும் மேற்­பட்­டோ­ருக்கு தொழிற்­ப­யிற்சி தந்து, வேலை­வாய்ப்­பையும் ஏற்­ப­டுத்­தினேன். சில மருத்­து­வ­மனை­களை ஒருங்­கி­ணைத்து, இல­வச மருத்­துவ முகாம் மூலம், முழு உடல் பரி­சோ­தனை மற்றும் கண் பார்­வை­யற்­ற­வர்­க­ளுக்கு அறுவை சிகிச்­சை­களை செய்தோம். குஜ­ராத்தில் நடந்த பூகம்­பத்தின் போது, 5 லட்ச ரூபாய் மதிப்­பி­லான மருந்­து­களுடன், நாங்கள் ஒரு குழு­வாக சென்று, ஆறு மாதங்கள் தங்கி சேவை செய்தோம். தமி­ழ­கத்தில், சுனாமி அதிகம் பாதித்த நாகை மற்றும் வேளாங்­கண்ணியில் தங்கி, பாதிக்­கப்­பட்­ட­வர்கள் பசி­யாற, உண­வு­களை பங்­கிட்டு கொடுக்கும் கிரா­மப்­பு­றங்­களில், எய்ட்ஸ் விழிப்­புணர்வை சிறப்­பாக செய்­த­தற்கு, 2012ல் வாஷிங்­டனில் நடந்த, 196 நாடுகள் பங்­கேற்ற சர்­வ­தேச எய்ட்ஸ் மாநாட்டில், பங்­கேற்கும் வாய்ப்பு எனக்கு கிடைத்­தது. இம்­மா­நாட்டில், ஹிலாரி கிளிண்டன், உலக வங்கி தலைவர் என, பலர் பங்­கேற்­றனர். இந்த ஆண்டு, நியூ­யார்க்கில் உள்ள ஐ.நா., சபையில் நடந்த
மாநாட்டில், எய்ட்ஸ் தொடர்­பாக, 450 கிரா­மங்­களில் நான் செய்த விழிப்­பு­ணர்வு பற்­றிய ஆய்வு கட்­டு­ரையை சமர்ப்­பித்தேன். அதன் கார­ணமாக, உலக எய்ட்ஸ் அமைப்பின், தன் னார்வ தொண்டு நிறு­வன அங்­கீ­காரம் பெற்ற பணி­யா­ள­ராகும் வாய்ப்பை பெற்­றது, பெரு­மை­யாக உள்­ளது. என் சேவையை பாராட்­டிய சேலம் கலெக்டர், சிறந்த இளைஞர் விருது வழங்­கினார்.

நற்பயனுக்காகத் தொண்டாற்றினேன்!

புண்ணியம் கிடைக்கச் சேவை செய்தேன்!

23 ஆண்டுகளாக, 500க்கும் மேற்பட்ட ஆதரவற்ற உடல்களை அடக்கம் செய்ததுடன், 35 பயணிகளை காப்பாற்றியதற்கு, அண்ணா பதக்கம் பெற்ற, ஓட்டுநர் இராசகோபால்: நான், கன்னியாகுமரி மாவட்டம், மார்த்தாண்டம் அருகேயுள்ள, கொடுங்குளத்தை சேர்ந்தவன். குடும்ப வறுமையால், 10ம் வகுப்பு வரை படித்தேன். லாரி கிளீனராக கடுமையாக உழைத்து, சொந்தமாக மினி லாரி வாங்கினேன். ஒரு முறை சவாரிக்கு செல்லும் வழியில், சாலை விபத்தில் சிக்கியவரை, மருத்துவமனைக்கு அழைத்து செல்லாமல், போலீஸ் மற்றும் பொதுமக்கள், கூட்டமாக வேடிக்கை பார்த்தனர். நான், அடிபட்டவரை உடனே மருத்துவமனைக்கு கொண்டு சென்று, உயிர் பிழைக்க வைத்தேன். "நீ நல்லா இருக்கணும்...' என, அவர் வாழ்த்தியதை, நான் புண்ணியமாக கருதினேன். அந்த வாழ்த்து, என் வாழ்க்கையை மாற்றியமைத்தது. ஏனெனில், ஒரு வேளை நான் விபத்தில் சிக்கி, மற்றவர்கள் இப்படி வேடிக்கை பார்த்தால், என் மனநிலை எப்படி இருக்கும் என, சிந்தித்தேன். அன்று முதல், யார் உயிருக்கு போராடினாலும், இறந்து கிடந்தாலும் அவர்களுக்கு உதவினேன். இதுவரை, 500க்கும் மேற்பட்ட ஆதரவற்ற உடல்களை நல்லடக்கம் செய்ததுடன், 15 உடல்களை உறவினரிடம் சேர்த்துள்ளேன். 20க்கும் மேற்பட்டவர்களை, மருத்துவமனையில் சேர்த்து, உயிர் பிழைக்க வைத்தேன்.
மார்த்தாண்டத்திலிருந்து நாகர்கோவிலுக்கு லோடு ஏற்ற, மினி லாரி ஓட்டி செல்லும் போது, என் லாரியை அரசு பேருந்து வேகமாக கடந்தது. அப்பேருந்தின் பின் பக்க இரட்டை சக்கரங்களில் ஒன்று இல்லாமல் இருப்பதை கண்டு, லாரியை வேகமாக ஓட்டி அரசு பேருந்தை நிறுத்தினேன்.
பின், ஓட்டுனர் இறங்கி வந்து பார்த்த போது தான், சக்கரங்களின் நட்டுகள் சரியாக மாட்டப்படாமல் இருந்தது கண்டுபிடிக்கப்பட்டு, 35 பயணிகளின் உயிரையும் காப்பாற்றினேன். அதற்காக, 2011ம் ஆண்டு வீர தீர செயலுக்கான, "அண்ணா பதக்கம்' வழங்கி, தமிழக அரசு பாராட்டியது. தொடர்புக்கு: 98431 07819

தமிழுக்கு த் தொண்டாற்றிய சப்பானியர்!

பதிவு செய்த நாள் : ஜூன் 16,2013,00:00 IST

  கருத்துகள் (3)     கருத்தை பதிவு செய்ய  

தமிழுக்கு த் தொண்டாற்றிய சப்பானியர்!
தமிழ் மொழிக்கு தொண்டு செய்ததற்காக, பிரதமரிடமிருந்து  தாமரை த திரு (பத்மசிரீ) விருது பெற்ற, தமிழறிஞர் நொபுரூ கராஷிமா: நான், ஜப்பான் நாட்டை சேர்ந்தவன். தமிழகத்தின் பல பெற்றோர், தங்கள் குழந்தைகளை இங்கிலிஷ் மீடியத்தில் படிக்க வைக்க, பல லட்சங்களை செலவிடுகின்றனர். ஆனால் நான், தமிழ் மொழி மீதான ஆர்வத்தால், ஜப்பானிலிருந்து பல ஆயிரம் மைல் தூரத்தை கடந்து, தமிழகம்
வந்தேன். தமிழ் மொழியை கற்று, புலமை பெற்றேன்.
நான், வரலாற்றை ஆய்வு செய்யும் அறிஞர் என்பதால், தமிழக கல்வெட்டுகளையும், தமிழினத்தின் வரலாறு தொடர்பான நூல்களையும் படித்து, தென்னக வரலாற்றை அறிந்து கொண்டேன். தமிழக கல்வெட்டுகள் தொடர்பாக நான் ஆராய்ந்தவற்றை, 10க்கும் மேற்பட்ட நூல்களாக வெளியிட்டுள்ளேன். இவை, கல்வெட்டு தொடர்பான ஆராய்ச்சிகளுக்கு உதவியாக உள்ளன.
தமிழ் பற்றிய ஆராய்ச்சி முடிந்ததும், மீண்டும் ஜப்பான் சென்று, டோக்கியோ பல்கலை கழகத்தில், தெற்காசிய வரலாற்று பேராசிரியராக பணியாற்றினேன். டாய்ஷோ பல்கலை கழகத்தில், இந்தியவியல் துறையின் பேராசிரியராக பணியாற்றிய போது, என்னை போன்று பல ஆராய்ச்சி மாணவர்களை
உருவாக்கினேன். நான், "சர்வதேச தமிழ் ஆராய்ச்சி சங்கத்தின்' தலைவராக பணியாற்றும் காலத்தில், 1995ல், ஜெயலலிதா முதல்வராக இருந்த போது, தஞ்சையில் நடைபெற்ற, "எட்டாவது உலக தமிழ் மாநாட்டை' வெற்றிகரமாக நடத்தினேன்.
தமிழுக்கு தொண்டு செய்ததற்காக, கடந்த ஏப்., 5ம் தேதி, "பத்மஸ்ரீ' விருது வழங்கி, பாராட்ட அழைத்த போது, என் உடல் நிலை சரியில்லை. அதனால், பிரதமர் மன்மோகன் சிங், ஜப்பானிய பயணமாக சமீபத்தில் வந்த போது, என்னிடம் விருது வழங்கினார். சக்கர நாற்காலியில் நான் அழைத்து வரப்பட்ட போது, பிரதமருக்கு வணக்கம் சொல்லி பேச ஆரம்பித்த நான், இறுதியாக, "நன்றி' சொல்லி தமிழராக நடந்து கொண்டேன்.

நகர்த்தலும் உயர்த்தலும் -லிப்டிங்அண்டு ஷிப்டிங்!

பள்ளத்தில் உள்ள வீட்டை, மேல் நோக்கி உயர்த்தும் புதிய தொழில்நுட்பத்தை கூறும்,
இன்ஜினியர் சுஷில்: நான், ஆரம்பத்தில் பில்டிங் கன்ஸ்ட்ரக்ஷன் பணியில் தான் ஈடுபட்டிருந்தேன். கன்ஸ்ட்ரக்ஷன் தொடர்பான ஆராய்ச்சிக்காக, வெளிநாடுகளுக்கு சென்ற போது, பள்ளத்தில் உள்ள வீட்டை, 3 அடிக்கு மேல் உயர்த்தும் தொழில்நுட்பத்தை, தெரிந்து கொண்டேன். இன்று வீடு கட்டுவது, வாழ்நாள் கனவாக உள்ளது.கஷ்டப்பட்டு கட்டினால், சில காலங்களிலேயே சாலைகள் உயர்த்தப்படுவதால், ஆசையாக கட்டிய வீட்டிற்குள், மழைநீர் வரும் அளவிற்கு, சாலைகளை விட, கீழே இருக்கும் நிலை ஏற்படுகிறது. இக்குறைபாட்டை தவிர்க்க தற்போது, "லிப்டிங் அண்ட் ஷிப்டிங்' என்ற புதிய தொழில்நுட்பம் பயன்படுகிறது. இதன் படி, வீட்டின் மொத்த தரைதளத்தையும் சுற்றி, குறிப்பிட்ட ஆழத்துக்கு பள்ளம் தோண்டி, "பேஸ்மென்ட்'டின் சரிபாதியை அறுத்து, அந்த இடத்தை சுற்றிலும் இரும்பு தகட்டை பொருத்த வேண்டும்.இரும்பு தகட்டின் கீழ், எல்லாபுறமும் சரியான உயரத்தில், ஜாக்கிகள் பொருத்தப்பட வேண்டும். பின்னர், தரைதளத்தில் இருக்கும் பைப் லைன், செப்டிக், டிரெய்னேஜ் போன்ற கனெக்ஷன்கள், டெம்ரரியா செதுக்கி, எல்லாம் சரியாக அமைந்த பின், "கவுன்ட் டவுன்' ஆரம்பிக்கும். பள்ளத்தில் உள்ள வீட்டை உயர்த்தும் இத்தொழில்நுட்பம், முழுக்க முழுக்க, மனித உழைப்பை நம்பியே செய்யக் கூடிய வேலை.இயந்திரங்களை பயன்படுத்தாததால், நொடிக்கு நொடி, கவனமாக செயல்படுவது முக்கியம். எல்லா ஜாக்கிகளும் சரியான நேரத்தில், 108 தடவை சரியாக இயக்கப்பட்டால், கட்டடம், 4 அங்குலம் உயர்ந்து விடும். தனி வீடு, அபார்ட்மென்ட், காம்ப்ளக்ஸ் என, எதை வேண்டுமானாலும் இம்முறையில் உயர்த்தலாம், நகர்த்தலாம். வீட்டின் அமைப்பு மாறாமல் இருப்பதோடு, கட்டடத்தின் ஆயுளும் தொடர்கிறது.இதனால், நேரம், புது வீடு கட்டும் பணம் போன்றவை, நமக்கு மிச்சமாகின்றன. ஐரோப்பிய நாடுகளில், சர்வசாதாரணமாக பயன்படுத்தப்படும் இத்தொழில்நுட்பம், விரைவில் இந்தியாவில் பயன்படுத்தும் நிலை வரும்.

கணினி வழிக் கல்வி; "கைப்பணத்தில்' ஆசிரியர் தொண்டு

http://img.dinamalar.com/data/large/Tamil_News_large_693830.jpg

கணினி வழிக் கல்வி; "கைப்பணத்தில்' ஆசிரியர்  தொண்டு

காரைக்குடி: காரைக்குடி அருகே புதுக்குடியிருப்பு, ஊராட்சி ஒன்றிய தொடக்க பள்ளி மாணவர்கள், கணினி வழிக் கல்வியில் கலக்கி வருகின்றனர்.

புதுக்குடியிருப்பு ஊராட்சி ஒன்றிய தொடக்கப்பள்ளியில் ஒன்று முதல் ஐந்து வகுப்புகளில், 66 மாணவர்கள் படிக்கின்றனர். இதில் கூலி வேலை செய்வோரின் குழந்தைகள் அதிகம். தலைமை ஆசிரியர் லாரன்ஸ் முயற்சியால், கணினி மூலம் கல்வி கற்கின்றனர். அவரது செலவில், பொது அறிவு, பாட சம்பந்தமான "சிடி' க்களை வாங்கி வைத்துள்ளார். ஒவ்வொரு பாடத்துக்கும் முன்பு, அது குறித்த தகவல்களை "சிடி' மூலம் மாணவர்களுக்கு கற்பிக்கிறார்; பொது அறிவு "சிடி' க்களும் காட்டப்படுகிறது. ஒன்றாம் வகுப்பு மாணவர்களுக்கு, கணினியில், "மவுஸ்' கையாளுதல், கூட்டல், கழித்தல் கணக்கு போடுதல் உள்ளிட்டவை கற்றுத்தரப்படுகிறது. உணவு நேரத்திற்குப் பின், "டிவி' மூலம் "டிஸ்கவரி சேனல்' ஒளிபரப்பப்படுகிறது. மாணவர்கள் வனங்கள், வன உயிரினங்கள், கடல் வாழ் உயிரினங்களை பற்றியும் அறிந்து கொள்கின்றனர். "ஸ்போக்கன் இங்கிலீஸ்' கற்று கொடுக்கப்படுகிறது. தலைமை ஆசிரியர் கூறுகையில், ""அறிவியலின் வளர்ச்சி, நாளுக்கு நாள் வளர்ந்து வருகிறது. புத்தகப் படிப்போடு, உலகம் பற்றிய அறிவை, மாணவர்களுக்கு வளர்க்க வேண்டும். அனைவருக்கும் கல்வி இயக்கம் மூலம் கொடுக்கப்பட்ட "சிடி' க்களும் உள்ளன. மாணவர்களே "சிடி' யை போட்டு, பாடத்தை அறிந்து கொள்ள கற்றுக் கொடுக்கிறோம்,'' என்றார்.

தொண்டினைத் தொடரும் மூதாட்டி

சொல்கிறார்கள் : தினமலர்

"சேவையை த் தொடர்கிறேன்!'

சமூக சேவையாற்றி வரும், 82 வயதான ரத்தினம்: ராஜபாளையம் அருகில், ஜமீன்கொல்லம் கொண்டான் கோட்டையில், பெரிய பண்ணையார் குடும்பத்தில் பிறந்தேன். நல்ல வசதியான குடும்பம் என்பதால், மதுரையில் செயின்ட் பெசன்ட் கான்வென்ட்டில் படித்தேன். நன்றாக படிப்பேன்; இருந்தாலும், பெண் என்பதால், 10ம் வகுப்பிற்கு மேல் படிக்க வைக்கவில்லை. நான் பள்ளியில் படித்த போது, சேவை செய்வது குறித்து, என் ஆசிரியர் வகுப்பு எடுத்தார். எளியவர்களுக்கு உதவி செய்ய வேண்டும் என்ற எண்ணம், அப்போதே என் மனதில், ஆழமாக பதிந்து விட்டது. கடந்த, 1950ல், திருமணத்திற்குப் பின், கணவர் ஆறுமுகத்தின் சொந்த ஊரான தளவாய்புரத்திற்கு வந்தேன். மாமியாரின் கட்டுப்பாட்டில் குடும்பம் இருந்ததால், அவரை மீறி என்னால் எதுவும் செய்ய முடியவில்லை. ஆனாலும், வீட்டு வேலையாட்களுக்கு, சிறிய உதவிகள் செய்து கொண்டே இருப்பேன். எங்கள் ஊர் பஞ்சாயத்தில், பெண்கள், "வார்டு மெம்பராக' பொறுப்பிற்கு வர வேண்டும் என, என் மாமனாரிடம் விவாதம் செய்து, ஊராட்சி மன்ற உறுப்பினராகி விட்டேன். "வாசுகி மகளிர் மன்றம்' ஆரம்பித்து, அதன் மூலம், மாணவர்களுக்கு கல்வி உதவித் தொகை கிடைக்க உதவினேன். வயல் வேலை செய்யும் பெண்களால், தங்கள் குழந்தைகளை சரிவர கவனிக்க இயலாது. எனவே, அப்பெண்களின் குழந்தைகளுக்காக, பாலர் பள்ளியைத் துவங்கினேன். ராஜபாளையம் கலெக்டர் உதவியுடன், எங்கள் ஊர் பெண்களுக்கு, தையல் கற்றுக் கொடுக்க பயிற்சி பள்ளியை துவங்கினேன். என் அழைப்பை ஏற்று, முதலில் ஐந்து பெண்கள் மட்டுமே வந்தனர். பின் படிப்படியாக, 50, 60 என, எண்ணிக்கை கூடியது. பயிற்சிக்கு வரும் பெண்களின் குழந்தைகளை பாலர் பள்ளியில் வைத்து, நானே கவனித்து வந்தேன். அன்றைய கால கட்டத்தில், நான் சமூக சேவையில் ஈடுபட, என் கணவர் உறுதுணையாக இருந்தார். இப்போது, என் இரு மருமகள்களின் துணையுடன், என் சேவையை தொடர்கிறேன்.

தமிழர் பகுதிகளில் நிவாரணப் பணி:
ஆர்.எஸ்.எஸ். கிளை அமைப்புக்கு
இலங்கை அரசு அனுமதி

தினமணி

எம்.சரவணன்

First Published : 23 Jun 2009 02:40:44 AM IST

தொடரட்டும் தொண்டு! மலரட்டும் மனித நேயம்! ஆளட்டும் மண்ணின் மைந்தர்கள்! வெல்லட்டும் தமிழ் ஈழம்!

அன்புடன் இலக்குவனார் திருவள்ளுவன்

By Ilakkuvanar Thiruvalluvan
6/23/2009 4:15:00 AM