ஒளிப்படம் எடுப்பது ஊட்ட மருந்து உண்பதுபோல் - விவேகானந்தன்

ஒளிப்படம் எடுப்பது ஊட்ட மருந்து உண்பதுபோல் - விவேகானந்தன்

செய்தி : "புகைப்படம் எடுப்பது டானிக் சாப்பிடுவது போல''- சொல்கிறார் விவேகானந்தன்

 

 

அந்த பாலைவனத்தின் நடுவே ஒவியம் வரைந்தது போல ஒட்டகங்களை மனிதர்கள் நடத்திச் செல்கிறார்கள். அதனை புகைப்படமாக பலரும் பலவித கோணங்களில் எடுக்கிறார்கள். அதில் ஒருவர் தலையும், தாடியும் நரைத்த நிலையில் மூன்று கேமிராக்களை தொங்கவிட்டுக்கொண்டு ஒரு இளைஞரின் விறு,விறுப்போடும், விவேகத்தோடும் வித்தியாசமாக படம் எடுக்கிறார்.
அனைவரது படங்களும் அன்று மாலை போட்டுக் காண்பிக்கப்பட்டு விவாதிக்கப்படுகிறது. அந்த படங்களில் வித்தியாசமானதாக இருந்ததாக பலராலும் பராட்டப்பெற்ற படங்கள் அந்த பெரியவர் எடுத்ததுதான்.
புகைப்பட பிரியர்களால் விவி என்று மரியாதையுடன் அழைக்கப்படும், அனைவரையும் "காட் பிளஸ் யு' என்று வாழ்த்தக்கூடிய அந்த பெரியவரின் பெயர் பி.ஏ.விவேகானந்தன்.
‌சென்னை அரும்பாக்கத்தைச் சேர்ந்தவர், கல்லூரியில் பட்டப்படிப்பு முடித்த கையோடு ஸ்டேப் பாங்க் ஆப் இந்தியாவில் வேலைக்கு சேர்ந்தவர், முதல் சம்பளத்தில் வாங்கிய முதல் பொருளே கேமிராதான்.
இப்போது 72 வயதாகும் விவேகானந்தனுக்கு புகைப்படங்கள் எடுப்பது என்றால் உயிர், அதுதான் என்னை "டானிக்' போல செயல்பட்டு உற்சாகமூட்டிக் கொண்டு இருக்கிறது, சந்தோஷம் கொடுக்கிறது. கேமிராவைக் கையில் எடுத்துவிட்டால் எனது எல்லா கவலைகளையும் மறந்துவிட்டு உல்லாச பறவையாகி விடுகிறேன்.
கிட்டத்தட்ட அரை நூற்றாண்டாக எனது தோளில் தொங்கும் கேமிரா எடுக்காத படங்களே இல்லை. நான் போகாத ஊரும் இல்லை. நான் ஒரு பயணக்காதலன். விடுமுறை கிடைத்தால் போதும் கேமிராவோடு ஏதாவது ஒரு வட மாநிலத்திற்கு போய்விடுவேன்.
இதுதான் ஏரியா என்று வைத்துக் கொள்வது இல்லை, எந்த படமாக இருந்தாலும் அதை அழகாக, வித்தியாசமாக உயிரோட்டமாக வெளிக்கொணர முயற்சிப்பேன், இருந்தாலும் "டேபிள் டாப்' படங்கள் எடுப்பது என்பது எனக்கு அத்துபடியான விஷயம் என்கிறார். இவரது படங்களை நிறைய பத்திரிகைகளில் வெளிவந்துள்ளது.
இவரது படங்கள் ஸ்டேட் பாங்க் ஆப் இந்தியாவிற்கு சொந்தமான முக்கிய அலுவலகங்களில் இப்போதும் நிரந்தர புகைப்பட கண்காட்சியாக அலங்கரித்துக் கொண்டு உள்ளது.
பாங்க் வேலையில் இருந்து ஒய்வு பெற்றபிறகு இப்போது இன்னும் தனது பயணத்தை விரிவுபடுத்திக் கொண்டுள்ளார், சமீபத்தில் அமெரிக்கா போய் அங்கும் நிறைய புகைப்படங்களை எடுத்துக்கொண்டு வந்திருக்கிறார்.
இவ்வளவு புகைப்படம் எடுக்கிறாரே ஆனால் இதை எப்போதுமே காசாக்க முயன்றதில்லை, இது எல்லாமே எனது தனிப்பட்ட சந்தோஷத்திற்காக மட்டுமே என்கிறார். இங்கே துவங்கி அமெரிக்கா வரை உள்ள பல புகைப்பட கழகங்களில் உறுப்பினராவார்.
இவர் தனது படங்களை, தனது கலையை, தனக்குள் முடக்கிக் கொள்ளவில்லை, புகைப்படம் கற்றுக்கொள்ள விரும்பும் மாணவர்களுக்கு இலவசமாக பாடம் சொல்லிக் கொடுக்கிறார். புகைப்படம் தொடர்பான போட்டிகளுக்கு நீதிபதியாக சென்று வருகிறார், புகைப்பட பயிற்சி முகாமில் கலந்து கொண்டு தற்போதைய நவீனம் பற்றி பகிர்ந்து கொள்கிறார்.
பலருக்கு குருவாக இருந்தாலும் இவர் தனது குருவாக பாக்கியதுரை, சாய்நாத், வாசுதேவன் உள்ளிட்டோரை கருதுகிறார். பிர்லா குழுமத்தைச் சேர்ந்த கே.ஜி.மகேஷ்வரி, மற்றும் டி.என்.ஏ.பெருமாள், கே.பொன்னுசாமி ஆகியோர்களுடன் அமர்ந்து புகைப்பட நீதிபதியாக செயல்பட்டதையும், மதுரை புகைப்பட கருத்தரங்கில் பலர் முன்னிலையில் தினமலர் வெளியீட்டாளர் டாக்டர் ஆர்.லட்சுமிபதியால் கவுரவிக்கப்பட்டதையும் பெருமையாக கருதுகிறார்.
யாரும் எனது படத்தை உபயோகிக்ககூடாது "காப்பி ரைட்' இருக்கு என்று சொல்லும் இந்தக் காலத்தில், பிளிக்கர்.காமில், விவி1942 என்று பிரவுஸ் செய்தால் நான் எடுத்த படங்கள் அனைத்தும் வரும், எனது எந்த படங்களை வேண்டுமானாலும் யாரும் எடுத்து இலவசமாக கையாளலாம் என்று சொல்லக்கூடியவர் இவர்.
விவேகானந்தனுடன் தொடர்பு கொள்ள: 9790970221.
முக்கிய குறிப்பு: இவர் எடுத்த சில படங்களை சிவப்பு பட்டையில் உள்ள போட்டோ கேலரி பகுதியில் பார்க்கவும்.

- எல்.முருகராசு,

ஒளிப்படம் எடுப்பதில் புதுமையை ச் செய்யவிரும்பும் கார்த்திகேயன்..

ஒளிப்படம் எடுப்பதில் புதுமையை ச் செய்யவிரும்பும் கார்த்திகேயன்..

ஆர்.கார்த்திகேயன்.

http://www.dinamalar.com/more_picture_html.asp?Nid=716554


செய்தி பத்திரிகை நிறுவனத்தில் நியூஸ் மற்றும் இன்போகிராபிக் டிசைனராக வேலை பார்ப்பவர்.
வேலையின் போது இவர் கவனத்திற்கு வரும் பத்திரிகை புகைப்படங்களை அடிக்கடி பார்த்ததில் இவருக்கு புகைப்படக்கலை மீதும் ஒரு கண் விழுந்தது.
இதன் காரணமாக நேரம் கிடைக்கும் போது பத்திரிகை புகைப்படக்கலைஞர்களுடன் சென்று, அவர்கள் படமெடுக்கும் பாங்கினை மனதில் வாங்கி பதியவைத்துக்கொண்டே வந்தார்.
இதே போல தானும் ஒரு சொந்தமாக ஒரு கேமிரா வாங்கி நிறைய படங்கள் எடுக்கவேண்டும் என்று எண்ணியிருந்தார்
சமீபத்தில் சொந்தமாக நிக்கான் டி.90 கேமிரா வாங்கினார், கேமிரா வாங்கிய அதிர்ஷ்டம் உ.பி., மாநிலம் அலகாபாத்தில் நடைபெறும் மகா கும்பமேளாவைக் காண செல்லும் வாய்ப்பு கிடைத்தது.
கங்கை, யமுனை, சரஸ்வதி ஆகிய மூன்று புண்ணிய நதிகள் கலக்கும் திரிவேணி சங்கமத்தில் 12 ஆண்டுகளுக்கு ஒரு முறை நடக்கும் மகா கும்பமேளாவில் நீராட உலகம் முழுவதிலும் இருந்து மூன்று கோடி பேர் வருவார்கள் என்பதும், அவர்களில் வெளி உலகத்திற்கு தங்களை காட்டாமல் இருந்து வரும் நாகா சாமியார்கள் எனப்படும் நிர்வாண சாமியார்களும் இருப்பார்கள் என்பதும் விசேஷமாகும்.
இது சம்பந்தமான படங்களை எடுத்துக்கொண்டு," நான் எடுத்த படங்களை பாருங்கள், நன்றாக இருக்கிறதா என சொல்லுங்கள் என தயக்கத்துடன் காண்பித்தார்.,உண்மையிலேயே படங்கள் அனைத்தும் நன்றாக இருந்தன்.,ஒரு வித்தியாசமான கோணத்தில் படம் பிடிக்கப்பட்டு இருந்தது. அதில் இருந்து தேர்வு செய்த படங்களை நமது பொக்கிஷம் பகுதியில் முதல் முறையாக கடந்த இரண்டு மாதங்களுக்கு முன் கார்த்திகேயேனின் கும்பமேளா அனுபவங்கள் என்ற தலைப்பில் பிரசுரம் செய்திருந்தோம். கார்த்திகேயனுக்கு கடல் கடந்த பகுதிகளில் இருந்தெல்லாம் நல்ல வரவேற்பும், பாராட்டுக்களும் கிடைத்தது.
இதில் கார்த்திகேயேனுக்கு ரொம்பவே உற்சாகம்.
நீண்ட இடைவெளிக்கு பிறகு கடந்த வாரம் மீண்டும் அவருடனான சந்திப்பு நிகழ்ந்தது,
அதே தயக்கத்துடன் இப்போது ஒரு முயற்சி எடுத்துள்ளேன், பார்த்துவிட்டு சொல்லுங்கள் என்றார்.
பலரும் அறியாத பழங்கால இசைகளில் ஒன்று கைலாய இசை., சிவன் கோயில்களில் இரவு நேர சுவாமி புறப்பாட்டினை அறிவிக்கும் விதமாக, இந்த இசை முழங்கப்படும். இந்த இசை, இசைக்கும் போது சத்தமும், சந்தோஷமும் அதிகமாகவே இருக்கும்.
உரல், பிரம்மதாளம், தாரை, நெடுந்தாளை, திருச்சின்னம், எக்காளம், சங்கு, கொம்பு, கொக்கரை என்பது போன்ற பல்வேறு வாத்திய கருவிகளைக் கொண்டு இசைக்கப்படும் இந்த இசையை எந்த காரணம் கொண்டும் பணம் வாங்கிக்கொண்டு கற்றுக்கொடுக்கக்கூடாது என்பது இதன் முக்கிய விதியாகும். இதயபூர்வமாக இந்த இசையை கற்றுக்கொள்ள ஆசைப்படும் யார் வேண்டுமானாலும், தங்களுக்கு பிடித்த வாத்திய கருவிகளை இசைக்க கற்றுக் கொள்ளலாம்.
திருக்காரணி திருக்கைலாய வாத்ய குழு என்ற இந்த இசைக்குழுவைச் சேர்ந்தவர்களுக்கு முழு நேர தொழில் என்பது வேறாகும். வியாபாரமோ, வேலையோ பார்த்து வருவார்கள், கோயில் விழா நேரங்களில் ஒருங்கிணைந்து இசைத்துவிட்டு சென்று விடுவார்கள்.
இப்படிப்பட்ட அபூர்வ கலைஞர்களை சென்னை சைதாப்பேட்டை கோயில் ஒன்றில் சந்தித்த போட்டோகிராபர் கார்த்திகேயன், உங்களை "பிளாஷ் லைட் 'உபயோகிக்காமல் படம் எடுக்கப் போகிறேன், அதுவம் கறுப்பு, வெள்ளையில். ஆகவே நீங்கள் பாட்டுக்கு உங்கள் இசைத் தொழிலை பாருங்கள், நான் என் வேலையை பார்க்கிறேன் என்று சொல்லிவிட்டு இரவு 11 மணிக்கு ஆரம்பித்து அதிகாலை நான்கு மணிவரை அவர்கள் கூடவே இருந்து எடுத்த படங்களில் சிலவற்றை தேர்ந்து எடுத்து இந்த வார பொக்கிஷத்தில் பிரசுரித்துள்ளோம்.
படங்களை சிவப்பு பட்டையில் உள்ள போட்டோ கேலரியில் பார்க்கலாம்.
அப்பரேச்சர், மற்றும் ஷட்டரில் முடியாத விஷயங்களை கடைசியில் ஐஎஸ்ஒ கொண்டுதான் எடுக்கமுடியும். அந்த முயற்சியே இந்த படங்களாகும்.
இந்த கைலாய இசையைக் கற்றுக் கொள்ளவோ, மேலும் அறிந்து கொள்ளவோ விரும்புபவர்கள் யுவராஜ் என்பவருடன் தொடர்பு கொள்ளவும் அவரது எண்: 9940341564.
படங்கள் குறித்து கார்த்திகேயனுடன் பேச விரும்புபவர்களுக்கு அவரது போன் எண்: 8754481047.

-எல்.முருகராசு

அஞ்சல் தலையில் உங்கள் ஒளிப்படம் இடம்பெற வேண்டுமா?

By dn, சென்னை

First Published : 02 May 2013 05:04 AM IST

வாடிக்கையாளர்களின் புகைப்படத்துடன்கூடிய அஞ்சல் தலைகளை அறிமுகப்படுத்தும் புதிய திட்டம் சென்னையில் வெள்ளிக்கிழமை (மே 3) தொடங்கப்பட உள்ளது.
"எனது அஞ்சல் தலை' எனப் பெயரிடப்பட்டுள்ள இத்திட்டம், சென்னை, அண்ணா சாலையில் உள்ள தலைமை அஞ்சல் அலுவலகத்தில் அறிமுகப்படுத்தப்பட உள்ளது.
இது குறித்து அஞ்சல்துறை வெளியிட்ட செய்திக் குறிப்பு: வாடிக்கையாளர்களின் விருப்பத்திற்கேற்ப அவர்களின் புகைப்படங்களுடன் கூடிய அஞ்சல் தலைகளை வெளியிட அஞ்சல்துறை முடிவு செய்துள்ளது.
இந்தத் திட்டத்தில் அஞ்சல் தலைகளின் இடதுபுறத்தில் வாடிக்கையாளர்களின் புகைப்படம் இடம் பெற்றிருக்கும். ரூ.5 மதிப்பு கொண்ட இந்த அஞ்சல் தலைகளை இந்தியா முழுக்க தபால்களை அனுப்பப் பயன்படுத்தலாம். "எனது அஞ்சல்தலை' தேவைப்படும் வாடிக்கையாளர்கள், வெள்ளை நிற பின்னணியில் எடுக்கப்பட்ட பாஸ்போர்ட் அளவு புகைப்படத்துடன் விண்ணப்பப் படிவத்தைப் பூர்த்தி செய்து அண்ணா சாலையில் உள்ள அஞ்சல்தலை சேகரிப்பு மையத்தில் சமர்ப்பிக்க வேண்டும்.
புகைப்படத்துடன் கூடிய 12 அஞ்சல் தலைகளைப் பெற கட்டணமாக ரூ.300 செலுத்த வேண்டும். இது குறித்த கூடுதல் விவரங்களுக்கு 044-28543199 என்ற தொலைபேசியில் தொடர்பு கொள்ளலாம்.

கும்பமேளாவில் கார்த்திகேயன் கைவண்ணம்

• 
• 
• 
• 
• 
• 
• 
• 
• 

செய்தி : கார்த்திகேயனுக்கு அலகபாத் கும்பமேளா தந்த அற்புத அனுபவம்

 

 

ஆர்.கார்த்திகேயன்.

செய்தி பத்திரிகை நிறுவனத்தில் நியூஸ் மற்றும் இன்போகிராபிக் டிசைனர் வேலை பார்ப்பவர்.

இந்த வேலை எப்படிப்பட்டது என்றால் பத்திரிகை புகைப்படக்கலைஞர்கள், மற்றும் கார்ட்டூனிஸ்ட்கள், நிருபர்கள் போன்ற படைப்பாளிகள் தரும் படைப்பை மெருகேற்றி பக்கங்களில் நேர்த்தியாகவும், வித்தியாசமாகவும், அழகுபடவும் சேர்க்கும் அருமையான பணி.
இதற்காக டில்லி, பெங்களூருவில் நடந்த சர்வதேச கருத்தரங்குகளில் கலந்துகொண்டு தனது பணியை மேம்படுத்திக்கொண்டவர்.
வேலையின் போது இவர் கவனத்திற்கு வரும் பத்திரிகை புகைப்படங்களை அடிக்கடி பார்த்ததில் இவருக்கு புகைப்படக்கலை மீதும் ஒரு கண் விழுந்தது.
இதன் காரணமாக நேரம் கிடைக்கும் போது பத்திரிகை புகைப்படக் கலைஞர்களுடன் சென்று, அவர்கள் படமெடுக்கும் பாங்கினை மனதில் வாங்கி பதிய வைத்துக் கொண்டே வந்தார்.
இதே போல தானும் ஒரு சொந்தமாக ஒரு கேமிரா வாங்கி நிறைய படங்கள் எடுக்கவேண்டும் என்று எண்ணியிருந்தார், இவரது இந்த எண்ணம் ஈடேற நான்கு ஆண்டுகளாயிற்று.
சமீபத்தில் சொந்தமாக நிக்கான் டி.90 கேமிரா வாங்கினார், கேமிரா வாங்கிய அதிர்ஷ்டம் உ.பி., மாநிலம் அலகாபாத்தில் நடைபெறும் மகா கும்பமேளாவைக் காண செல்லும் வாய்ப்பு கிடைத்தது.
கங்கை, யமுனை, சரஸ்வதி ஆகிய மூன்று புண்ணிய நதிகள் கலக்கும் திரிவேணி சங்கமத்தில் 12 ஆண்டுகளுக்கு ஒரு முறை நடக்கும் மகா கும்பமேளாவில் நீராட உலகம் முழுவதிலும் இருந்து மூன்று கோடி பேர் வருவார்கள் என்பதும், அவர்களில் வெளி உலகத்திற்கு தங்களை காட்டமால் இருந்து வரும் நாகா சாமியார்கள் எனப்படும் நிர்வாண சாமியார்களும் இருப்பார்கள் என்பதும் விசேஷமாகும்.
இதற்காக கடந்த பிப்ரவரி மாதத்தில் ஏழாம் தேதி துவங்கி பதிமூன்றாம்தேதி வரையிலான எட்டு நாட்கள் அங்கேயே முகாமிட்டு, இரவு இரண்டு மணிக்கு வீசும் உறையவைக்கும் குளிரையும் பொருட்படுத்தாமல் பல படங்களை எடுத்து வந்துள்ளார்.
பல படங்கள் அருமையாக வந்துள்ளது. அடுத்த மகா கும்பமேளா வரை பேசப்படும் இந்த ஆவண படங்களில் இருந்து சில படங்கள் இங்கே உங்கள் பார்வைக்கு வழங்கப்பட்டுள்ளது. இந்த பக்கம் பருப்பு வேகாத நிலையில், கும்பமேளாவிற்கு தன் தொண்டர்கள் சகிதம் சென்று, அங்குள்ள அகடா (சாமியார்களுக்கான மடம்) ஒன்றை மதுரை ஆதினத்தை பிடித்தது போல பிடித்து, அந்த மடத்தின் மகா மண்டேலஸ்வரர் என்ற பட்டம் சூட்டிக்கொண்டு, கங்கையில் புனித நீராட தங்க பல்லக்கில் வந்த நித்யானந்தாவை, இவர் மட்டுமே படமாக பதிவு செய்துள்ளார் என்பதும் குறிப்பிடத்தக்கது.
கார்த்திகேயன் படத்திற்கு கீழே உள்ள போட்டோ கேலரி என்ற சிவப்பு பட்டையை கிளிக் செய்து கும்பமேளாவில் எடுத்த படங்களை பார்க்கலாம், படங்கள் குறித்து கார்த்திகேயனிடம் பேசுவதற்கான எண்: 8754481047.

- எல்.முருகராசு
 

கிணற்றுக்குள் தவறி விழுந்த சிறுத்தை மீளும் முயற்சி - ஒளிப்படம்

அசாம் மாநிலம் கவுகாத்திக்கு அருகே மதுப்பு வனப்பகுதியில் கிணற்றுக்குள் தவறி விழுந்த சிறுத்தை குழாய் ஒன்றினை ப் பற்றிக் கொண்டு மேலே ஏறி வர முயலும் காட்சி.

- தினமலர் 

சீரான பாம்பன் பாலம் - ஒளிப்படம், தினமலர்