அறக்கட்டளை லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
அறக்கட்டளை லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

ஞாயிறு, 15 செப்டம்பர், 2013

தமிழில் முதல் மதிப்பெண்கள் பெற்ற மாணவர்களுக்குப் பரிசு

தமிழில் முதல் மதிப்பெண்கள் பெற்ற மாணவர்களுக்குப் பரிசு வழங்கும் விழா







கரந்தை செயகாந்தம் துரைக்கண்ணு சேக்கிழார்விழா அறக்கட்டளை சார்பில் 10-ம் வகுப்பு பொதுத்தேர்வில் தமிழில் முதல் மதிப்பெண்கள் பெற்ற மாணவ, மாணவியர்களுக்கு பரிசு மற்றும் சான்றிதழ் வழங்கும் விழா சிதம்பரம் ஞானப்பிரகாசர்தெரு சேக்கிழார் மண்டபத்தில் சனிக்கிழமை நடைபெற்றது.
சேக்கிழார் அறக்கட்டளை துணைத் தலைவர் எஸ்.திருநாவுக்கரசு பிள்ளை தலைமை வகித்தார். அறக்கட்டளை தலைவர் க.சுவாமிநாதன் முன்னிலை வகித்தார். அறக்கட்டளை நிறுவனரின் புதல்விகள் சென்னை சுந்தரகுமாரி ராதாகிருஷ்ணன், யுஎஸ்ஏ டாக்டர் கிருஷ்ணகாந்தி, புதல்வர் வி.எஸ்.மணி ஆகியோர் மாணவ, மாணவியர்களுக்கு பரிசு மற்றும் சான்றிதழ்களை வழங்கிப் பாராட்டினர். பரிசு பெற்ற மாணவர்கள்: எஸ்.சண்முகப்பிரியா (ராமகிருஷ்ணா மேல்நிலைப்பள்ளி), கே.ஹாலிக்ரகுமான் (ஆறுமுகநாவலர் மேல்நிலைப்பள்ளி), என்.நிவேதா (அரசு பெண்கள் மேல்நிலைப்பள்ளி), என்.சாகித்தியா (அரசு பெண்கள் மேல்நிலைப்பள்ளி).
விழாவில் டாக்டர் பழநிசுவாமிநாதன், ஆறுமுகநாவலர் மேல்நிலைப்பள்ளி அறங்காவலர் டாக்டர் எஸ்.அருள்மொழிச்செல்வன், தலைமை ஆசிரியர் வி.சுப்பிரமணியன், தமிழாசிரியர்கள் மு.கல்யாணராமன், பி.தமிழ்செல்வி உள்ளிட்டோர் பங்கேற்றனர்.

புதன், 3 அக்டோபர், 2012

உசுபெகிசுதானில் தமிழ் ஆய்வு - Tamizh research in Uspikisthan

உசுபெகிசுதானில் தமிழ் ஆய்வு

First Published : 03 October 2012 05:31 AM IST
இந்த விழாவில் விருது பெற்றவர்கள் சிலர் ஆற்றிய உரையின் சாராம்சம்:
லோலா. மக்துபா: திராவிட மொழிக் குடும்பத்தின் பிரதான மொழியான தமிழுக்கும், உஸ்பெஸ்க் மொழிக்கும் நிறையத் தொடர்புகள் உள்ளன. இரு மொழி
களுக்கிடையே உள்ள தொடர்புகள் குறித்து நேரடி ஒப்பாய்வு, தொகுப்பாய்வு நடைபெறுகிறது.
கு.சின்னப்பபாரதியின் பவளாயி நாவலில் பெண் விடுதலை குறித்து குறிப்பிட்ட கருத்துகள்தான் உஸ்பெகிஸ்தானிலும் இப்போது எதிரொலித்து வருகிறது.
இதை அடிப்படையாகக் கொண்டுதான் அங்கு தமிழை வளர்க்கும் வகையில் தமிழாய்வு நிறுவனம் நடத்தப்படுகிறது என்றார் அவர்.
உபாலி லீலாரத்ன: கு.சின்னப்பபாரதியின் மூன்று நாவல்கள் சிங்களத்தில் மொழி பெயர்க்கப்பட்டுள்ளது.
இதைத் தொடர்ந்து, இலங்கையில் இப்போது தமிழர்களும், சிங்களர்களும் கு.சி.பா. பற்றியே பேசுகின்றனர்.
நாடுகள் எதுவானாலும் மொழி, இனம், சாதி ஆகியவற்றின் பெயரால் ஏற்படும் மோதல்களே சகோதரர்களாக வாழும் மக்கள் மத்தியில் வேறுபாடுகளை உருவாக்குகிறது. இவ்வாறான வன்முறையை வளர்ப்பது மனித குலத்துக்கு எதிரானது.
புலவர் செ.ராசு: கல்வெட்டுகள் பண்டைய வரலாற்றை பறைசாற்றுகின்றன.
அத்தகைய கல்வெட்டுகள் குறித்த ஆய்வுகளும், பதிப்புகளும் அதிகரிக்கப்பட வேண்டியது அவசியம். நமது வரலாற்றில் 122 ஆண்டு கால கல்வெட்டுகள் அச்சுக்கு வராததால் பல வரலாற்றுத் தகவல்களை வளரும் சமுதாயத்துக்குத் தெரியப்படுத்த இயலவில்லை.
எனவே, கல்வெட்டுகள் மூலம் வரலாற்றை அறிவோம், அதை வரும் காலத்துக்கு அறிவிப்போம்.

அரசு செய்ய வேண்டியதை அறக்கட்டளை செய்கிறது: கு.சின்னப்பபாரதி

அரசு செய்ய வேண்டியதை அறக்கட்டளை செய்கிறது: கு.சின்னப்பபாரதி

தமிழ் மொழிக்காகவும், இலக்கிய வளர்ச்சிக்காகவும் பணியாற்றும் படைப்பாளிகளை கௌரவிக்க வேண்டிய அரசின் பணியை கு.சி.பா. அறக்கட்டளை செய்து வருகிறது என்று எழுத்தாளர் கு.சின்னப்பபாரதி கூறினார்.
நாமக்கல்லில் செவ்வாய்க்கிழமை கு.சி.பா. அறக்கட்டளை சார்பில் நடைபெற்ற 2012ஆம் ஆண்டுக்கான இலக்கிய விருதுகள் வழங்கும் விழாவில் கு.சின்னப்பபாரதி பேசியது:
தினமணி ஆசிரியர் கே.வைத்தியநாதன் எந்த விருதையும் ஏற்க மாட்டேன் என்ற கொள்கையுடையவர். இருப்பினும், 2012ஆம் ஆண்டுக்கான விருதுக்கு அவரது நூலை ஓர் எழுத்தாளர் அனுப்பியிருந்தார். தேர்வுக் குழுவினர் அந்த நூலைத் தெரிவு செய்தனர். விருது அறிவிப்புக்காக ஆசிரியரைத் தொடர்பு கொண்ட போது கல்வெட்டு ஆராய்ச்சியாளர் செ.ராசுவுக்குத்தான் அதை வழங்க வேண்டும் என்றார்.
இருப்பினும், தேர்வுக் குழுவின் முடிவை மாற்ற முடியாது என்று வற்புறுத்திக் கூறியதையடுத்தே அவர் ஒப்புக் கொண்டார். பரிசையும், விருதையும் விரும்பாதவர்கள் உலகில் இன்றும் உள்ளனர் என்பதற்கு தினமணி ஆசிரியர் கே.வைத்தியநாதன் ஓர் உதாரணம்.
இலக்கியவாதிகளுக்கு விருதுகள், பரிசுகள் அளிக்கப்படுவது அவர்கள் மேலும் சிறந்த படைப்புகளை உருவாக்க வேண்டும் என்பதற்காகவும் அவர்களது ஆர்வத்தைத் தூண்டவும், ஊக்கப்படுத்தவும்தான்.
தமிழகத்தில் உள்ள தமிழ் எழுத்தாளர்களுக்கு பரிசளிக்க இங்கு ஏராளமானவர்கள் உள்ளனர். ஆனால், புலம் பெயர்ந்து வாழும் தமிழ் எழுத்தாளர்களுக்கு பரிசளிக்க யாரும் இல்லை.
அரசு நிறுவனம் செய்ய வேண்டிய இந்தக் கடமையை எளிய நிறுவனமான கு.சி.பா. அறக்கட்டளை செய்கிறது. நமது கோரிக்கைகளை மேலும் வலிமையாக எடுத்துச் செல்லவும், அவை சாத்தியப்படவும் வெளிநாட்டு தமிழ் அறிஞர்கள் தங்களால் இயன்றவரை இந்த அறக்கட்டளைக்கு நிதி உதவி அளிக்க வேண்டும். அது அறக்கட்டளையின் வைப்பு நிதியில் வைக்கப்பட்டு விருது பெறுபவர்களுக்கு வழங்கப்படும் என்றார் அவர்.
பெரியார் பல்கலைக்கழக துணைவேந்தர் கே. முத்துச் செழியன்: எழுத்து என்பது பணம், புகழ் சேர்ப்பதற்காக இருக்கக் கூடாது. சமூக அவலங்களுக்கு எதிராகவும், பசி, பட்டினி, வேலையின்மை ஆகியவற்றுக்கு எதிராகவும் குரல் கொடுக்க வேண்டும். வறுமை, மக்களின் வாழ்வாதாரப் போராட்டங்களுக்கு வலு சேர்க்க வேண்டும்.
தொடர்ந்து 50 ஆண்டுகளுக்கும் மேலாகத் தமிழில் கலைக் களஞ்சியம் தொகுப்பை வெளியிடுவதில் தடை ஏற்பட்டது என்று உயர் நீதிமன்ற நீதிபதி ராமசுப்பிரமணியன் வருத்தத்துடன் குறிப்பிட்டார். இனி எந்த தவறும் நிகழாத வகையில் தமிழை வளர்க்கும் பணியில் பல்கலைக்கழகங்களும் முனைப்புடன் பணியாற்றும். கலைக் களஞ்சியம் தொகுப்பு தொடர்ந்து வெளியிடப்படும் என்றார் அவர்.
ஜெம் கிரானைட்ஸ் அதிபர் இரா.வீரமணி: இந்தியா வளர்ச்சி பெறாத நாடு என யாரும் கூற முடியாது. ஆங்கிலேயர் காலத்திலேயே இந்தியா வளர்ச்சி பெற்ற நாடாகத்தான் இருந்தது. இன்றும் வளர்ச்சி பெற்றுத்தான் உள்ளது. விஞ்ஞானம், பொருளாதாரம், சிந்தனை ஆகியவற்றில் தன்னிறைவு பெற்ற நாடே வளர்ச்சி பெற்ற நாடாகும்.
வணிக நோக்கில் கடல் கடந்து சென்று தமிழர்களின் பெருமையைப் பறைசாற்றியது மறுக்க முடியாது. இதன் தொடர்ச்சியாகத்தான் இன்று உலகின் அனைத்து நாடுகளிலும் தமிழர்கள் இடம் பெற்றுள்ளனர். அந்தப் புலம்பெயர்ந்த தமிழர்களைக் கௌரவிக்கும் வகையில் கு. சின்னப்பபாரதி அறக்கட்டளை சார்பில் விருது வழங்கப்படுவது பாராட்டுக் குரியது என்றார் அவர்

திங்கள், 22 மார்ச், 2010

அனைத்துவழி கல்வி முறையிலும் தமிழை பயிற்றுமொழியாக்க வேண்டும்: தி.க.சி.



திருநெல்வலி, மார்ச் 21: தமிழ்நாட்டில் அனைத்துவழி கல்வி முறையிலும் தமிழை பயிற்று மொழியாக்கும் வகையில் செம்மொழி மாநாட்டுக்கு முன்னர் சட்டம் இயற்ற வேண்டும் என, சாகித்ய அகாதெமி விருது பெற்ற இலக்கிய திறனாய்வாளர் தி.க. சிவசங்கரன் வேண்டுகோள் விடுத்துள்ளார்.திருநெல்வேலியில் ஞாயிற்றுக்கிழமை, புத்தா பண்பாட்டு ஆய்வு மையமும், சித்திர சபையும் இணைந்து தி.க.சி.யின் 86-வது பிறந்தநாள் விழாவைக் கொண்டாடின. எழுத்தாளர் ச. செந்தில்நாதன் தலைமையில் நடைபெற்ற இந்த விழாவுக்கு, தினமணி ஆசிரியர் கே. வைத்தியநாதன் முன்னிலை வகித்து, தி.க.சி.யைப் பாராட்டி பேசினார்.விழாவில், தி.க.சி.யின் ஏற்புரை:என்னை "படைப்பாளிகளின் படைப்பாளி' என புகழ்ந்துரைத்தனர். அந்த புகழுரைக்கு முழுத் தகுதி உடையவர், சொந்தக்காரர் வல்லிக்கண்ணன்தான். அவரிடம் ஆணவம், மேட்டுக்குடி தன்மை, குறுங்குழுவாதம் ஆகிய மூன்றும் இல்லாமல் இருந்ததுதான் அதற்குக் காரணம்.இன்றைய எழுத்தாளர்கள் இந்த குணங்களால் பிறரை வதைத்து வருகின்றனர். தமிழ்நாட்டில் உள்ள சில அறிவுஜீவிகளிடம் இந்த மூன்று குணங்களும் இருந்துகொண்டு கேடு விளைவித்து வருகின்றன. இதை ஒழித்தால்தான் நல்லது.தமிழ்ச் சமுதாயத்தின் அடிப்படையில் மாற்றம் தேவை. இல்லையெனில் நமது சுதந்திரமும், ஜனநாயகமும் பறிபோய்விடும். இதற்கு களப்பணியாளர்கள் பணியாற்ற வேண்டும். இன்றைய ஊடகங்கள் உண்மையைத் தெரிவிக்க மறுக்கின்றன. அவை மக்களை மூளைச்சலவை செய்து வருவதை எல்லோரும் அறிவோம்.கல்வியின் தரத்தில் மாற்றம் கொண்டு வர வேண்டும். செம்மொழி மாநாடு மேட்டுக்குடி மக்களுக்காக நடைபெற உள்ளதா அல்லது சாதாரண மக்களுக்காக நடைபெற உள்ளதா? செம்மொழி மாநாடு தமிழை வாழ வைக்கவா அல்லது தற்பெருமையைப் பறைசாற்றவா? இதை செயல்பாடுகள் தெளிவுபடுத்தும். செம்மொழி மாநாட்டுக்கு முன்னதாக, தமிழ்நாட்டில் அனைத்துவழி கல்வி முறையிலும் தமிழை பயிற்றுமொழியாக்க சட்டம் இயற்ற வேண்டும். இதுவே தமிழ் வளர்ச்சிக்கு செய்ய வேண்டிய முதலாவது பணியாகும். அப்போதுதான் செம்மொழி மாநாடு நடத்தப்படுவதன் நோக்கம் நிறைவேறும் என்றார் தி.க.சி.விழாவில் பேராசிரியர் ஆ. சிவசுப்பிரமணியன், எழுத்தாளர் ஜெயப்பிரகாசம், மானுடவியலாளர் தொ.பரமசிவன், கவிஞர் கலாப்பிரியா, பேராசிரியர் "மேலும்' சிவசு, "யுகமாயினி' ஆசிரியர் சித்தன், கவிஞர் மதுமிதா, எழுத்தாளர்கள் ஜி.ஜி. ராதாகிருஷ்ணன், கோ.மா. கோதண்டம், செ. திவான், உஷாதேவி, ரஜினி பெத்தராஜா, ராஜேஸ்வரி, பேராசிரியர்கள் நா. ராமச்சந்திரன், நயினார், கீழக்கலங்கல் ஜீவானந்தம் படிப்பக நிறுவனர் சண்முகவேலு ஆகியோர் பேசினர்.முன்னதாக, கவிஞர் கிருஷி வரவேற்றார். எழுத்தாளர் கழனியூரன் நன்றி கூறினார்.தஞ்சை தமிழ்ப் பல்கலை.யில் தி.க.சி. பெயரில் அறக்கட்டளைவிழாவிற்குத் தலைமை தாங்கிய எழுத்தாளர் ச. செந்தில்நாதன் பேசியதாவது:எழுத்தாளர்களை வாழும் காலத்திலேயே வாழ்த்த வேண்டும். தி.க.சி.யின் பெயரில் ஒரு அறக்கட்டளை ஏற்படுத்த வேண்டும். அந்தப் பணியை தினமணி செய்ய வேண்டும். அதற்கான நிதியை எழுத்தாளர்கள் சேர்ந்து உருவாக்க வேண்டும் என்றார்.அவரது கோரிக்கையை ஏற்றுக்கொண்ட தினமணி ஆசிரியர் கே. வைத்தியநாதன், தஞ்சாவூர் தமிழ்ப் பல்கலைக்கழகத்தில் அந்த அறக்கட்டளை ஏற்படுத்த முயற்சிகள் மேற்கொள்ளப்படும் என்று அறிவித்தார்.அறிவிப்பை வெளியிட்ட உடன் அங்கிருந்த எழுத்தாளர்கள் பலர் முன்வந்து நன்கொடைகளை அளித்தனர். மேலும், நன்கொடைகளை அளிக்க விரும்பும் இலக்கிய ஆர்வலர்கள் ""தி.க. சிவசங்கரன், 21-இ. சுடலைமாடன் கோயில் தெரு, திருநெல்வேலி நகரம், திருநெல்வேலி-6'' என்ற முகவரிக்கு பணமாகவோ, டி.டி.யாகவோ அனுப்பலாம் என அறிவிக்கப்பட்டுள்ளது.
கருத்துக்கள்

கல்வி மொழி, வணிக மொழி, ஆட்சி மொழி, ஆலய மொழி, கலைமொழி என எல்லா நிலைகளிலும் தமிழை அரங்கேற்றாமல் ஆரவார விழாக்களால் என்ன பயன் விளையப் போகிறது? இவற்றைக் கூறி ஆட்சிப் பீடமேறிய திமுக செய்யாவிட்டால் வேறு எக்கட்சி இவற்றை நடைமுறைப்படுத்தும். எனவே, உடனடியாக த் தமிழ்நாட்டில் தமிழே தலைமையாய்த் திகழவும் தமிழரே முத்னமையாக விளங்கவும் ஆவன செயதல் வேண்டும. 2)தி.க.சி. பெயரில் அறக்கட்டளை ஏற்படுதத ஒப்புக் கொண்ட தினமணி ஆசிரியர் அவர்களுக்குப் பாராட்டுகள். வாழ்த்துகளுடன் இலக்குவனார் திருவள்ளுவன்

By Ilakkuvanar Thiruvalluvan
3/22/2010 3:48:00 AM
உங்கள் கருத்தைப் பதிவு செய்யுங்கள் *