சென்னை, ஜூன் 30: அறிவியல் தமிழ் மன்றத்தின் தலைவராக வேழவேந்தன் நியமிக்கப்பட்டுள்ளார். இதுகுறித்து, முதல்வர் கருணாநிதி செவ்வாய்க்கிழமை வெளியிட்ட உத்தரவு: ""அறிவியல் தமிழ் மன்றம், தமிழ் வளர்ச்சித் துறையின்கீழ் செயல்பட்டு வருகிறது. இதன் தலைவராக, கடந்த 2006-ம் ஆண்டில் இருந்து மணவை முஸ்தபா இருந்து வந்தார். அவர் உடல்நலம் பாதிக்கப்பட்டு, கடந்த பல மாதங்களாக மருத்துவ சிகிச்சை மேற்கொண்டு வருகிறார். அறிவியல் தமிழ் மன்றத்தின் தலைவர் பொறுப்பில் இருந்து தாமாக முன்வந்து விலகிக் கொள்ள விரும்புவதாக அரசுக்கு கடிதம் அனுப்பியுள்ளார். அந்தக் கடிதத்தை ஏற்று, அறிவியல் தமிழ் மன்றத்தின் தலைவர் பொறுப்பில் இருந்து மணவை முஸ்தபா விடுவிக்கப்பட்டார். அவரது இடத்தில் புதிய தலைவராக கவிஞர் கா.வேழவேந்தனை நியமனம் செய்து முதல்வர் கருணாநிதி செவ்வாய்க்கிழமை உத்தரவிட்டுள்ளார்.
கருத்துக்கள்
அன்புடன் இலக்குவனார் திருவள்ளுவன்
By Ilakkuvanar Thiruvalluvan
7/1/2009 3:58:00 AM
7/1/2009 3:58:00 AM
