வியாழன், 2 செப்டம்பர், 2010

மரணத்தின் பிடியில் இருந்து மீண்டுள்ளேன்': பிடல் காஸ்ட்ரோ

First Published : 01 Sep 2010 12:00:00 AM IST


வாஷிங்டன், ஆக.31: மரணத்தின் விளிம்புக்கே சென்று தான் மீண்டுவந்துள்ளதாக கியூபாவின் முன்னாள் அதிபரும், முதுபெரும் கம்யூனிஸ தலைவருமான பிடல் காஸ்ட்ரோ (84) உருக்கமாக தெரிவித்துள்ளார். கடந்த சில ஆண்டுகளுக்கு முன்னர் உடல்நிலை கடுமையாகப் பாதிக்கப்பட்ட நான், மீண்டும் பிழைப்பேனா என்று நினைத்தேன். ஆனால் நான் மரணத்தை வென்றுவிட்டேன் என்றும் மெக்ஸிகோ நாட்டின் பத்திரிகை ஒன்றுக்கு அளித்த பேட்டியில் பிடல் காஸ்ட்ரோ கூறியுள்ளார்.பத்திரிகைக்கு அளித்த பேட்டியில் அவர் மேலும் கூறியது: உடல் நலம் பாதித்த போது நான் பிழைத்திடுவேனா, இல்லை இறந்திடுவேனா, மருத்துவர்கள் என்னை காப்பாற்றிவிடுவார்களா, இல்லை முடியாது என்று கையைவிரித்திடுவார்களா என்றெல்லாம் அடுக்கடுக்கான கேள்விகள் என்னுள் எழுந்தன. ஆனால் உடல் மிகவும் மோசமடைந்த நிலையில் இருந்து மீண்டுவிட்டேன். உடல்நிலை தேறி மருத்துவமனையில் இருந்து வீட்டுக்குத் திரும்பிய நான் மீண்டும் வழக்கமான நிலைக்குத் திரும்ப கடுமையாகப் போராடினேன். உடல்நல பாதிப்பால் எனது கால்களும், கைகளும் செயலிழந்து காணப்பட்டன. இதனால் கால்களையும், கைகளையும் பழைய நிலைக்கு கொண்டுவர முயன்றேன். எழுந்து நிற்பதே கடினமாக இருந்தது. எனினும் வைராக்கியத்துடன் கஷ்டப்பட்டு எழுந்து நடந்தேன். பேனாவை எடுத்து எழுதி கைக்கு வேலை கொடுத்தேன். உள்ளத்தையும், உடலையும் மீண்டும் புத்துணர்வாக வைத்துக்கொண்டேன். இதனால் என்னால் ஓரளவுக்கு வழக்கமான வாழ்க்கைக்கு திரும்ப முடிந்தது. இழந்த உடல் எடையையும் மீட்டுள்ளேன். இப்போது 85 கிலோ எடை உள்ளேன். எனினும் உணவு, மருந்து எடுத்துக்கொள்ளும் விஷயத்தில் மருத்துவர் ஆலோசனையை தீவிரமாகக் கடைப்பிடித்து வருகிறேன். எனது உடல்நிலை குறித்து மருத்துவர்களிடம் ஆலோசித்து ஆலோசித்து, அவர்களிடம் சந்தேகத்தையும், கேள்விகளையும் எழுப்பி மருத்துவம் சம்பந்தமாக நான் நிறைய விஷயங்களை தெரிந்து கொண்டேன். சரியாக சொல்வதென்றால் நான் பட்டம் பெறாத டாக்டராகிவிட்டேன் என்றார் பிடல் காஸ்ட்ரோ. இந்த பேட்டியின் போது பிடல் காஸ்ட்ரோ உற்சாகமாகவும், மகிழ்ச்சியாகவும் இருந்தார். கேட்கும் கேள்விகளுக்கு நகைப்புடன் பதில் அளித்து எங்களை  சிரிக்க வைத்துவிட்டார் என்று பிடல் காஸ்ட்ரோவிடம் பேட்டி கண்ட மெக்ஸிகோவின்  பத்திரிகையாளர் தெரிவித்துள்ளார். கியூபாவை ஏறக்குறைய அரைநூற்றாண்டு காலம் ஆட்சி செய்தவர் கம்யூனிஸ தலைவர் பிடல் காஸ்ட்ரோ. 2006-ன் மத்தியில் அவர் திடீரென உடல்நிலை பாதிக்கப்பட்டார். அவரது இரைப்பையில் பிரச்னை ஏற்பட்டது. அவர் மரணத்தின் விளிம்புக்கே சென்றுவிட்டார். பிடல் காஸ்ட்ரோ உடல்நிலை பாதிக்கப்பட்டது அவர் மீது உயிரையே வைத்திருந்த கியூபா மக்களுக்கு பெரும் சோகமாக அமைந்தது. எனினும் அவர் மெதுவாக உடல்நலம் தேறினார். உடல்நிலை பாதிக்கப்பட்டதால் அதிபர் பதவியில் தன்னால் சிறப்பாகச் செயல்பட முடியாது என்று பிடல் காஸ்ட்ரோ கருதினார். இதனால் அதிபர் பதவியை தனது சகோதரர் ராவுல் காஸ்ட்ரோவிடம் 2008-ல் ஒப்படைத்துவிட்டு அரசின் சிறப்பான செயல்பாட்டு தேவையான ஆலோசனைகளை மட்டும் வழங்கி வருகிறார்.
கருத்துக்கள்

வாழ்க நலமாய்ப் பாரிலே! வாழிய வாழிய பல்லாண்டு! நலமும் வளமும் சூழ நீடூழி வாழ்க! அனைத்து நாட்டு விடுதலைப் போராளிகளுக்கும் வழிகாட்டியாய் வாழ்க! ஈழ விடுதலைக்கு எதிராகச் சிங்களத்துடன் கை கோக்கும் பழிச் செயலை நீக்கி உண்மையான மனித நேயத்துடன் வாழ்க! வரலாற்றில் பொய்யன் என்று பெயர் பெறாமல் இருக்க தமிழர் தாயகப் போராட்டத்திற்குத் துணை நின்று வாழ்க! உங்கள் வழியில் நடைபோடும் விடுதலை உணர்வாளர்களுக்கு எதிராகத் திசை திரும்பாமல் மண்ணின் மைந்தர்களே மண்ணை ஆட்சி செய்யத் துணை நின்று வாழ்க! வாழ்த்துகளுடன் இலக்குவனார் திருவள்ளுவன்
By Ilakkuvanar Thiruvalluvan
9/2/2010 6:26:00 AM
come on thalaiva
By Tamilan In Qatar
9/1/2010 12:36:00 AM
இலங்கை மறு குடியமர்வு பணிகளில் இந்தியர்களை ஈடுபடுத்தமாட்டோம்: நிருபமா ராவ் மறுப்பு


கொழும்பு, செப். 1:  இலங்கை வடக்கு மற்றும் கிழக்குப் பகுதிகளில் தமிழர்களை மறுபடியும் குடியமர்த்துவதற்கான பணிகளில் இந்தியத் தொழிலாளிகளை ஈடுபடுத்தமாட்டோம் என்று இந்திய வெளியுறவுச் செயலர் நிருபமா ராவ் கூறினார்.உதவிகள் அனைத்தும் இலங்கை மூலமே மேற்கொள்ளப்படும் என்றும் அவர் கூறினார்.இலங்கையில் இந்தியா மேற்கொண்டு வரும் மறு குடியமர்வு மற்றும் நிவாரணப் பணிகளில் இந்தியத் தொழிலாளிகளை ஈடுபடுத்த இருப்பதாக இலங்கை பத்திரிகைகளில் செய்தி வெளியானது. இதை நிருபமா திட்டவட்டமாக மறுத்தார்.இலங்கையில் உள்ளூர் தொழிலாளர்களைக் கொண்டே கட்டுமானப் பணிகள் உள்பட அனைத்து நிவாரணப் பணிகளும் மேற்கொள்ளப்படும் என்று அவர் கூறினார்.மூன்று நாள் பயணமாக இலங்கை சென்றுள்ள நிருபமா ராவ், தற்போது வடக்குப் பகுதியில் போரினால் பாதிக்கப்பட்டு அகதி முகாம்களில் அவதிப்படும் தமிழர்களை நேரில் பார்வையிட்டு வருகிறார். செவ்வாய்க்கிழமை வவுனியா செட்டிகுளத்தில் உள்ள முகாமை பார்வையிட்டார். புதன்கிழமை முல்லைத் தீவில் உள்ள அகதி முகாம்களை அவர் பார்வையிட்டார்.விடுதலைப் புலிகளுக்கு எதிரான போரில் இறுதிக்கட்டத்தில் முல்லைத் தீவு மக்கள் பட்ட துயரங்களை, துன்பங்களை நினைவுகூர்ந்த அவர், அப்படிப்பட்ட துயரத்திலும் நெஞ்சுறுதியோடு இருந்த முல்லைத்தீவு மக்களை அவர் பாராட்டினார். உங்கள் உறுதி இரும்பைப் போன்றது என்று அவர் வர்ணித்தார்.முல்லைத்தீவில்÷போரினால் பாதிக்கப்பட்ட மக்களுக்கு வீடுகளை கட்டிக் கொடுத்து மறு குடியமர்வு செய்து அவர்களது வாழ்வாதாரத்துக்கான உதவிகளைச் செய்ய இந்தியா தயாராக உள்ளது என்றார் அவர். அப் பகுதி மக்களிடம் குறைகளைக் கேட்டறிந்தார். முல்லைத் தீவு மாவட்ட அதிகாரிகளிடமும் அவர் ஆலோசனை நடத்தினார்.பின்னர் திரிகோணமலைக்கு சென்று கிழக்கு மாகாண முதல்வர் பிள்ளையனைச் சந்தித்தார். அம் மாகாணத்தில் இந்தியா சார்பில் வீடுகளை கட்டிக் கொடுப்பது குறித்து இருவரும் ஆலோசித்தனர்.விதவைகள், வயோதிகர்கள், ஊனமுற்றோர் என போரினால் பாதிக்கப்பட்ட பல்வேறு தரப்பினரையும் அடையாளம் கண்டு அவர்களுக்கு உதவ வேண்டும் என்று அவர் கேட்டுக்கொண்டார். திரிகோணமலைப் பகுதியில் உள்ள திருகோனேஸ்வரம் கோயிலுக்குச் சென்று அவர் வழிபட்டார்.முன்னதாக, செவ்வாய்க்கிழமை வடக்கு ஓமந்தை என்ற இடத்தில் உள்ள விடுதலைப் புலிகளின் 3 வலுவான பதுங்கு குழிகளை அவர் பார்த்தார். வெடிக்காத கண்ணி வெடிகள், வெடிகுண்டுகளை இலங்கை ராணுவ அதிகாரிகள் நிருபமாவிடம் அப்போது காண்பித்தனர். அப் பகுதியில் மறு குடியமர்வு செய்யப்பட்டுள்ள தமிழர்களைச் சந்தித்து அவர்களுக்கு விவசாய உபகரணங்களையும் வீட்டு உபயோகப் பொருள்களையும் அவர் வழங்கினார். அகதி முகாம்களில் சிரமப்படும் தமிழர்களுக்குத் தேவையானவற்றை இலங்கை அரசு செய்துதரும் என்று அவர் நம்பிக்கை தெரிவித்தார். அவருடன் இலங்கைக்கான இந்தியத் தூதர் அசோக் காந்தா, துணைத் தூதர் விக்ரம் மிஸ்ரி மற்றும் இலங்கை அதிகாரிகளும் சென்றனர்.ராஜபட்சவுடன் சந்திப்பு: வியாழக்கிழமை இலங்கை அதிபர் ராஜபட்ச மற்றும் வெளியுறவு அமைச்சர் ஜி.எல். பெரிஸ்ûஸ நிருபமா சந்திக்கிறார்.
கருத்துக்கள்

விடுதலைப்புலிகளுக்கு எதிரான போரில் என்று கூறியிருந்தார் என்றால் அது வரலாற்றுத் தவறு அல்லவா? தமிழ்மக்களுக்கு எதிரான சிங்கள - இந்தியப் போரில் என்று அல்லவா கூறியிருக்க வேண்டும். இவ்வாறு சொல்ல இயலாமல் போர் என்று பொதுவாகக் குறிப்பிட்டதைச் செய்தியாளர்கள் விடுதலைப் புலிகளுக்கு எதிரான போர் எனக் குறிப்பிடுகின்றனரா? எவ்வாறிருப்பினும் கொலைகாரன் கூட்டாளிக்கு உதவச் செல்வானா? தன்னால் வாழ்விழந்தவர்களின் குடும்பங்களுக்கு உதவச் செல்வானா? ஏதோ பூ சுற்றுகிறார்கள். சுற்றட்டும்! சுற்றட்டும்! காலம் விரைவில் விடை கூறும். தமிழர்தாயகம் தன்னுரிமையுடன் தலைநிமிர்ந்து வாழும். 
அன்புடன் இலக்குவனார் திருவள்ளுவன்
By Ilakkuvanar Thiruvalluvan
9/2/2010 6:17:00 AM
Why this Bull Shit: Do you use Indians to kill Tamils, or are you scared that tamils will take revenge or scared that Chinese workers will beat them up. Niruma you have done too much Tamil killings and Tamils are not dogs to eat the bones thrown by you and wag the tails. They will join the Chinese to take revenge on India.
By Marrikar
9/2/2010 6:15:00 AM
நிருபமா அவர்களே, முகாமில் இருந்த மக்கள்கிட்ட பேசுனீங்களா? அவங்க குறைய கேட்டீங்களா? தமிழருக்கு அதிகாரப் பகிர்வு பற்றி ஒரு வார்த்தையும் வரலியே? இல்ல நீங்களும் எங்களை ஏமாத்துறதுக்கு சும்மா விசிட் போனீங்களா? மதுரைக்காரன்.
By மதுரைக்காரன்
9/2/2010 4:20:00 AM
உங்கள் கருத்தைப் பதிவு செய்யுங்கள்

காட்டுக்குள் ஓடி தப்பிக்க முயற்சி செய்தார் பிரபாகரன்: கூட்டாளி தகவல்


கொழும்பு, ஆக. 27: ராணுவம் நடத்திய இறுதிக் கட்டத் தாக்குதலின்போது காட்டுக்குள் ஓடி தப்பிக்க விடுதலைப்புலிகள் இயக்கத் தலைவர் பிரபாகரன் முயற்சி செய்தார், ஆனால் முடியாமல் போனது என்று அவரது கூட்டாளி தெரிவித்துள்ளார்.  ராணுவம் தனது தாக்குதலை நாளுக்கு நாள் தீவிரப்படுத்தவே பிரபாகரன் அச்சமடைந்தார். ராணுவம் தோற்கடித்தால் தனி ஈழக் கனவு ஈடேறாது என்று அஞ்சிய பிரபாகரன் எப்படியாவது தப்பிக்கவேண்டும் என்று தன்னால் முடிந்த மட்டும் போராடிப் பார்த்தார். அப்போது வடக்குப்பகுதியில் ராணுவம் பாதுகாப்பு அரணை வலுப்படுத்தியிருந்தது. அதை உடைத்து காட்டுக்குள் புகுந்து தப்பிக்க முயற்சித்தார் பிரபாகரன்.  இந்த தகவலை அவரது நெருங்கிய கூட்டாளியும் இலங்கை அதிகாரிகளிடம் பிடிபட்டுள்ளவருமான கோகுலம் மாஸ்டர் விசாரணையில் தெரிவித்துள்ளார். ராணுவம் நடத்திய இறுதி கட்டத் தாக்குதலின்போது பிரபாகரனுடன் இருந்தவர் மாஸ்டர்.  பிரபாகரன் தப்பிக்க முயற்சி செய்த தகவலை தன்னிடம் அதிகாரிகள் நடத்திய விசாரணையில் 3 மாதங்களுக்கு முன் மாஸ்டர் தெரிவித்தார்.  மே 18-ம் தேதி பிரபாகரன் வன்னி பகுதியில் கொல்லப்பட்டார். அதற்கு ஒரு நாள் முன்னர்தான் ராணுவ அரணை முறியடித்து புதுக்குடியிருப்பு வனப்பகுதிக்குள் தப்பியோடப் பார்த்தார் பிரபாகரன்.  தப்பும் முயற்சி நிறைவேறாவிட்டால் நம்மை ராணுவம் கூண்டோடு அழிக்கும்.  அப்படிப்பட்ட சூழ்நிலை உருவானால் இலங்கைத் தமிழர்களுக்கு தனி ஈழம் அமைப்பது என்ற கனவு ஈடேறாது என்று பிரபாகரன் அப்போது கூறியதாக கோகுலம் மாஸ்டர் தெரிவித்துள்ளார். இந்த செய்தியை பத்திரிகை ஒன்று வெளியிட்டுள்ளது.  மே 18-ம் தேதி காலையில் எங்களது தனி ஈழக்கனவு கலைந்து போனது என விசாரணை அதிகாரிகளிடம் மாஸ்டர் குறிப்பிட்டுள்ளார்.  வடக்கில் உள்ள விஸ்வமடு பகுதியை ராணுவம் கைப்பற்றியதும் அருகேயுள்ள புதுக்குடியிருப்புப் பகுதிக்கு தனது முகாமை பிரபாகரன் மாற்றிக்கொண்டார். அங்குள்ள பகுங்கு குழிகளில் பதுங்கியவாறு சண்டையை வழி நடத்தினார்.  இலங்கைத் தாக்குதலை முறியடிக்க தமது படைக்கு 12 வயது சிறுவர்களையும் 50 வயதுக்கு மேற்பட்டவர்களையும் கூட பிரபாகரன் சேர்த்துக் கொண்டார். அவர்களுக்கு குறுகிய கால பயிற்சி கொடுத்து மக்கள் படை என்ற பெயரில் போரில் ஈடுபடுத்தினார் என்று மாஸ்டர் தெரிவித்துள்ளார்.

கருத்துக்கள்

100க்கு மேற்பட்ட கருத்துப் பதிவுகளை உடைய இச் செய்தியில் என் கருத்தின் அடிப்படையிலான 2 பதிவுகள் உள்ளன. ஆனால், என் கருத்துப் பதிவுகள் இல்லை. (1. செய்திபற்றியது. 2. மற்றொருவரின் மேற்கோள் திருத்தம் பற்றியது.)நரகல் நடைக் கருத்துகளை ஏற்கும் தினமணி என் நடுநிலைக் கருத்தை ஏன் எடுத்தது என்று தெரியவில்லை.
வருத்தத்துடன் இலக்குவனார் திருவள்ளுவன்
By Ilakkuvanar Thiruvalluvan
9/2/2010 6:06:00 AM
ஆங்கில மேதை சீனிவாச சாஸ்திரிக்கு நினைவு இல்லம் அமைக்கப்படுமா?


நீடாமங்கலம்: புகழ் பெற்ற ஆங்கில மேதை வலங்கைமான் சங்கரநாராயண சீனிவாச சாஸ்திரிக்கு தமிழக அரசு நினைவு இல்லம் அமைக்க வேண்டும் என இந்தப் பகுதி மக்கள் எதிர்பார்க்கின்றனர்.  திருவாரூர் மாவட்டம், வலங்கைமான் சிறந்த அறிஞர்களை பெற்ற பகுதியாகும். அவர்களில் ஒருவர்தான் சங்கரநாராயண சீனிவாச சாஸ்திரி. இவர் 22.9.1869-ல் வலங்கைமானில் ஓர் எளிய குடும்பத்தில் பிறந்தவர். இவரது தந்தை சங்கரநாராயண சாஸ்திரி.   சீனிவாச சாஸ்திரி கும்பகோணம் நேட்டிவ் உயர்நிலைப் பள்ளியிலும், பின்னர், குடந்தை அரசுக் கல்லூரியிலும் பயின்றவர். ஆங்கிலம், சமஸ்கிருதம் ஆகிய இரு மொழிகளிலும் முதலிடம் பெற்ற இவர், சேலம் நகராட்சிக் கல்லூரியில் ஆசிரியராகப் பணியாற்றினார்.   அதைத்தொடர்ந்து, 1894-ல் சென்னை திருவல்லிக்கேணி இந்து உயர்நிலைப் பள்ளியில் தலைமை ஆசிரியராகப் பணியில் சேர்ந்து, 8 ஆண்டுகள் பணியாற்றினார். இவர் தனது பணியின் போது, தனது ஆங்கிலப் புலமையை வெளிப்படுத்தியதோடு, சிறந்த நிர்வாகி எனவும் பாராட்டுப் பெற்றார்.   அண்ணாமலைப் பல்கலைக்கழகத்தில் துணைவேந்தராகப் பணியாற்றிய இவர், கொல்கத்தா பல்கலைக்கழகத்தில் கமலா என்ற தலைப்பில் ஆற்றிய உரை அனைவராலும் பாராட்டப்பட்டதாகக் கூறப்படுகிறது.   திருவல்லிக்கேணி உயர்நிலைப் பள்ளியில் பணியாற்றிய போது, மெட்ராஸ் ஆசிரியர் கில்ட் என்ற அமைப்பை உருவாக்கினார். கூட்டுறவுத் துறையில் ஈடுபாடு கொண்ட சீனிவாச சாஸ்திரி, 1904-ல் திருவல்லிக்கேணி அர்பன் கோ-ஆபரேட்டிவ் சொசைட்டி என்ற அமைப்பை ஏற்படுத்தினார். 1906-ல் இந்திய சுதந்திரப் போராட்ட வீரர் கோபாலகிருஷ்ண கோகலேயைச் சந்தித்த சாஸ்திரி, அவருடைய சர்வென்ட்ஸ் ஆப் இந்தியா சொசைட்டியில் சேர்ந்தார். 1915-ல் அதன் தலைவரானார்.   1908-ல் இந்திய தேசிய காங்கிரஸில் சேர்ந்த சாஸ்திரி, சென்னை மாவட்ட காங்கிரஸ் கமிட்டி செயலாளராக 1911 வரை இருந்தார். இவர் 1913 முதல் 1916 வரை சென்னை மேலவை உறுப்பினராகப் பணியாற்றினார். மாநில கவுன்சில் உறுப்பினராகவும் இருந்தார்.   இந்த நிலையில், லீக் ஆப் நேஷன்ஸ் பிரதிநிதியாக சாஸ்திரி பிரிட்டன் சென்றார். ஆங்கிலத்தில் இவருக்கு இருந்த புலமை உலக அறிஞர்களால் பாராட்டப்பட்டது. காந்தி தனது பத்திரிகையில் சாஸ்திரியை தனது மூத்த சகோதரர் எனப் பாராட்டியுள்ளார். சாஸ்திரியின் விமர்சனங்களை அப்போது காந்தி வரவேற்றாராம்.   இவருடைய ஆங்கில ராமாயணச் சொற்பொழிவு பலராலும் பெரிதும் பாராட்டப்பட்டு, பின்னர் புத்தகமாக அச்சிடப்பட்டது. இவரது ஆங்கிலப் பேச்சில் மயங்கியவர்கள் வெள்ளி நாக்கு படைத்த பேச்சாளர் என சாஸ்திரியை பாராட்டினர்.  பிரிட்டனில் 1916- 1919-ல் ஐந்தாம் ஜார்ஜ் சக்கரவர்த்தியால் பாராட்டப்பட்ட பெருமைக்குரிய சாஸ்திரிக்கு, ரைட் ஹானரபில் என்ற பட்டத்தை ஆங்கிலேயர்கள் வழங்கினர்.   மிகச் சாதாரண குடும்பத்தில் பிறந்திருந்தாலும், தனது கடின உழைப்பால் மிகச்சிறந்த கல்வியாளராகவும், பேச்சாளராகவும், அரசியல்வாதியாகவும் சாஸ்திரி விளங்கினார்.   இத்தகைய சிறப்பிற்குரிய சீனிவாச சாஸ்திரி தனது 76-வது வயதில் சென்னை மயிலாப்பூரில் காலமானார். அவரது அறிவுத்திறன், பொது வாழ்க்கை ஈடுபாடு, பெருமை அனைத்தும் சாஸ்திரிக்கும், அவரது குடும்பத்தினருக்கும் மட்டும் எனச் சொல்லி, தட்டிக்கழித்துவிட முடியாத ஒன்றாகும்.   தமிழ், ஆங்கிலம் என இரு மொழிகளுக்கும் பெருமை சேர்த்துள்ளது வலங்கைமான் என்பது குறிப்பிடத்தக்கது. வலங்கைமான் வட்டம், உத்தமதானபுரம் உ.வே. சாமிநாதய்யர் தமிழ் மொழிக்கு வளம் சேர்த்து, அதன் பெருமைக்காகப் பாடுபட்டார். இதையடுத்து, அவருக்கு உத்தமதானபுரத்தில் நினைவு இல்லம் ஏற்படுத்தி தமிழக அரசு சிறப்பு செய்துள்ளது.    இரு மொழிக் கொள்கையாக தமிழுக்கு முதலிடம் அளித்ததுடன், ஆங்கிலத்தையும் ஏற்றுக்கொள்கிற தமிழக அரசு, வலங்கைமான் நகரில் ஆங்கில மேதை சீனிவாச சாஸ்திரிக்கும் நினைவு இல்லம் அமைக்க வேண்டும் என்பதே அனைவரது விருப்பமாக உள்ளது.
கருத்துக்கள்

நினைவில்லம் ஆட்சி மாற்றத்திற்கு ஏற்ப நலிந்து அழிந்து போகும். எனவே, அங்குள்ள கல்விக் கூடம் ஒன்றிற்கு அவர் பெயரைச் சூட்டலாம். 
அன்புடன் இலக்குவனார் திருவள்ளுவன்
By Ilakkuvanar Thiruvalluvan
9/2/2010 5:39:00 AM
We expect fast action from our C>M and other administrative personnel on this promised memorial. let his real greatness be known forever. MVV
By mvvrajan
9/2/2010 5:32:00 AM
உங்கள் கருத்தைப் பதிவு செய்யுங்கள்
ஐ.ஏ.எஸ்., ஐ.பி.எஸ். பயிற்சியில் சேர விண்ணப்பிக்கலாம்


சென்னை,  செப்.1: ஐ.ஏ.எஸ். மற்றும் ஐ.பி.எஸ். பயிற்சியில் சேர விண்ணப்பங்கள் வரவேற்கப்படுகின்றன.÷இதுகுறித்து மாவட்ட ஆட்சியர் வெ. ஷோபனா, செவ்வாய்க்கிழமை வெளியிட்டுள்ள செய்திக்குறிப்பு: சென்னை அண்ணா நகரில் உள்ள இந்திய குடிமைப் பணி தேர்ச்சி மையத்தில் ஐஏஎஸ் மற்றும் ஐபிஎஸ் உள்ளிட்ட ஆட்சிப் பணிகளுக்காக நடத்தப்படும், 2011-ம் ஆண்டுக்கான குடிமைப் பணிகள் உள சார்புத் தேர்வுக்கு முழு நேரம் மற்றும் பகுதி நேர பயிற்சி நடைபெற உள்ளது.÷இதற்கு ஆதிதிராவிடர், பிற்படுத்தப்பட்டோர், முஸ்லிம், மிகவும் பிற்படுத்தப்பட்டோர், சீர்மரபினர் மற்றும் இதர வகுப்பைச் சேர்ந்த பட்டப் படிப்பு முடித்து, குறைந்தபட்சம் 21-வயது நிரம்பிய மாணவ,மாணவிகளிடம் இருந்து விண்ணப்பங்கள் வரவேற்கப்படுகின்றன.÷இந்தப் பயிற்சிக்கு மாணவர்களை சேர்க்கும்பொருட்டு, அக்டோபர் 31-ம் தேதி நுழைவுத் தேர்வு நடைபெறவுள்ளது. இதில் கலந்து கொள்ள தகுதியுள்ள மாணவர்கள் அகில இந்திய குடிமைப் பணித் தேர்வு பயிற்சி மையத்தின் முதல்வருக்கு வரும் செப்டம்பர் 15-ம் தேதிக்குள் விண்ணப்பிக்க வேண்டும்.
கருத்து
இ.ஆ.ப., இ.கா.ப., பயிற்சி என்பது அப்பணிகளுக்குத் தெரிவு செய்யப்பெற்றவர்களுக்கு வழங்கப்படுவது. இச் செய்தியில் குறிப்பிடுவது அப்பணிகளுக்கான தேர்விற்கான பயிற்சி ஆகும். எனவே, தேர்வுப் பயிற்சி என்று குறிப்பிடுவதே பொருத்தமாக இருக்கும். 
அன்புடன் இலக்குவனார் திருவள்ளுவன்

By Ilakkuvanar Thiruvalluvan
9/2/2010 5:33:00 AM
முதல்வரின் கருத்து துரதிருஷ்டவசமானது: ஏ.பி. பரதன் பேட்டி



கோவை, செப். 1: கம்யூனிஸ்டுகள் குறித்து தமிழக முதல்வர் கருணாநிதி கூறும் கருத்துகள் துரதிருஷ்டவசமானது என்று இந்திய கம்யூனிஸ்ட் கட்சியின் அகில இந்திய பொதுச் செயலர் ஏ.பி.பரதன் கூறினார். தமிழகத்திலும் மாவோயிஸ்டு தாக்குதல், வன்முறை, கொலைவெறித் தாக்குதல்களை கட்டவிழ்த்து விட கம்யூனிஸ்டுகள் திட்டமிட்டு வருவதாக கருணாநிதி  குற்றஞ்சாட்டினார்.÷இதற்குப் பதில் அளிக்கும் விதமாக இந்திய கம்யூனிஸ்ட் கட்சியின் பொதுச் செயலர் பரதன், கோவையில் செய்தியாளர்களிடம் புதன்கிழமை கூறியது: சத்துணவு ஊழியர்களின் போராட்டத்தை கம்யூனிஸ்டு கட்சியினர் தூண்டிவிடவில்லை. அவர்களது நீண்டகால கோரிக்கைகள் நிறைவேற்றப்படவில்லை என்பது தான் போராட்டத்தைத் தூண்டியுள்ளது. இப்படியிருக்க, கம்யூனிஸ்டுகளைப் பற்றி முதல்வர் கருணாநிதி கூறியுள்ளது அதிர்ச்சியையும், ஆச்சரியத்தையும் ஏற்படுத்தியுள்ளது. அவர் கூறியுள்ள கருத்துகள் துரதிருஷ்டவசமானது. போராட்டம் என்பது ஜனநாயக ரீதியாக ஏற்றுக் கொள்ளப்பட்டது. சத்துணவு ஊழியர்கள் மேற்கொண்ட போராட்டம் வேலைநிறுத்தம் அல்ல. அப்படியிருக்க முன்கூட்டியே நோட்டீஸ் கொடுத்திருக்க வேண்டும் என்பது தேவையற்றது. கோரிக்கைகளுக்காக போராடுவது குற்றம் அல்ல; ஆனால் சத்துணவு ஊழியர்கள் குற்றவாளிகளைப் போல நடத்தப்பட்டுள்ளனர். ÷அவர்களின் நியாயமான கோரிக்கைகளை ஏற்றுக் கொள்வதும், விடுவதும் முதல்வரின் கையில் இருக்கிறது. இப்படியிருக்க, அவர்களது போராட்டத்துக்காக கம்யூனிஸ்டுகளை பழிபோடுவது ஏற்புடையதல்ல. இருப்பினும் இந்த குற்றச்சாட்டை பரிசாகவே ஏற்றுக் கொள்கிறோம். ஏனெனில், அடித்தட்டு மக்கள், உழைக்கும் வர்க்கத்தினரின் கோரிக்கைகளுக்கு கம்யூனிஸ்டு கட்சிகள்தான் எப்போதும் துணை நிற்கும். கம்யூனிஸ்டுகளையும், மாவோஸ்டுகளையும் ஒன்றுபடுத்தி முதல்வர் கருணாநிதி கருத்து தெரிவித்துள்ளார். சத்துணவு ஊழியர்களின் போராட்டம் எவ்வித வன்முறையும் இன்றி ஜனநாயக முறைப்படிதான் நடந்தது. ஆனால், முன்னாள் பிரதமர் இந்திரா காந்தியின் பொதுக் கூட்டத்தில் திமுகவினர் கல்லெறிந்த சம்பவத்தையெல்லாம் அவர் மறந்துவிட்டார். இடதுசாரிகள் ஆளும் மாநிலங்களில் அது இல்லை, இது இல்லை என்று அவர் குறிப்பிடுகிறார். திமுக அரசு செய்யாத நல்ல பல விஷயங்களை இடதுசாரிகள் ஆளும் மாநிலங்கள் கடைப்பிடிக்கின்றன. எல்லாவற்றுக்கும் மேலாக, திமுக அங்கம் வகிக்கும் ஐக்கிய முற்போக்கு கூட்டணி அரசுக்கு மாவோயிஸ்டுகளைப் பற்றி நன்றாகவே தெரியும். அக் கூட்டணியில் அங்கம் வகிக்கும் உறுப்பினர் ஒருவரே மாவோயிஸ்டுகளின் பேரணியை துவக்கி வைத்துள்ளதையும் முதல்வர் கருணாநிதி மறந்துவிட்டார்.  கம்யூனிஸ்டு கட்சிகளுடன் இதற்கு முன் திமுக கூட்டணி வைத்திருந்ததே, அப்போது கம்யூனிஸ்டுகள் பற்றி தெரியவில்லையா?. தனக்கும், தனது கட்சிக்கு எதிர்காலம் சாதகமாக இல்லை என்பதாலேயே இத்தகைய கருத்துகளை முதல்வர் கூறிவருகிறார். தமிழக முதல்வர் இனிமேல் இதுபோன்ற தாக்குதல்களை நிறுத்திக் கொள்ள வேண்டும் என வேண்டிக் கேட்டுக் கொள்கிறேன். மணல் கொள்ளையில் ஈடுபடுவோர் மீதெல்லாம் தமிழக அரசு நடவடிக்கை எடுப்பதில்லை. நியாயமான கோரிக்கைகளுக்காக போராடுவோர் மீது அடக்குமுறையை கட்டவிழ்த்து விடும்போதுதான் மாவோயிஸ்டுகள் உருவாக்கப்படுகின்றனர். நியாயமான கோரிக்கைக்காக ஜனநாயக ரீதியில் போராடிய சத்துணவு ஊழியர்கள் மீது மேற்கொள்ளப்பட்ட நடவடிக்கையை தமிழக அரசு கைவிட வேண்டும். அகில இந்திய வேலைநிறுத்தம்...: தொழிற்சங்க உரிமைகளைப் பாதுகாப்பது, தொழிலாளர் நலச் சட்டங்களை தீவிரமாக அமல்படுத்துவது, விலைவாசி உயர்வைக் கட்டுப்படுத்துவது உள்ளிட்ட கோரிக்கைகளுக்காக தொழிற்சங்கங்கள் சார்பில் செப்.7-ல் அகில இந்திய வேலைநிறுத்தப் போராட்டம் நடைபெறுகிறது. இப் போராட்டம் வெற்றி அடைவதோடு, வரலாற்றில் இடம் பிடிக்கக் கூடிய போராட்டமாக இருக்கும். யாருக்கும் கவலையில்லை...: குறைந்தபட்ச செயல்திட்டத்தின் அடிப்படையில் காங்கிரஸ் தலைமையிலான அரசுடன் இடதுசாரிகள் கூட்டணி வைத்தன. அந்த செயல்திட்டத்தில் இருந்து விலகும்போதெல்லாம் அதைச் சுட்டிக் காட்டினோம். மக்களைப் பாதிக்கும் விஷயங்களைத் தடுத்து நிறுத்தினோம். இப்போதைய காங்கிரஸ் தலைமையிலான அரசுக்கு குறிக்கோள், கோட்பாடுகள் கிடையாது. மத்திய அமைச்சர்கள் ராசா, அழகிரி என யாராக இருந்தாலும் அவரவர் விரும்பிய போக்கில் செயல்பட்டுக் கொண்டிருக்கின்றனர். மத்திய அரசு கிடங்குகளில் இருக்கும் உணவு தானியங்களை பற்றாக்குறை மாநிலங்களுக்கு வழங்க வேண்டும். இந்திய வெளியுறவுத் துறைச் செயலர் நிருபமா ராவின் இலங்கை பயணம் அங்குள்ள தமிழர்களின் நலனுக்குச் சாதகமாகவே இருக்கும் என்றார்.
கருத்துக்கள்

ஈழத்தமிழர்கள் வாழ்வுரிமை தொடர்பில சிங்கள- ஆரிய அடிமையாகக் குரல் கொடுக்கும் இவரது கட்சியை எப்படிக் குற்றம் சுமத்தினாலும் பொருததமே! நாட்டு மக்கள் மீதான வன் கொடுமைப் போர் நடைபெற்ற காலத்தில் இங்கிருந்து தூதுப் போர்வையில் சென்றவர்கள் போரை விரைவுபடுத்திப் பல்லாயிரக் கணக்கானவர் மடியக் காரணமாக இருந்தனர். கொடுந்துயரத்துக்குக் காரணமானவர்கள் செல்வதை அங்குள்ள தமிழர்களின் நலனுக்குச் சாதகமா இருக்கும் என்று சொல்வதே இவர்களின் தமிழ்ப்பகை உணர்வை வெளிப்படுத்துகிறது. காங்கிரசோடு சேர்ந்து ஆரிய அடிமைகளான போலி மார்க்கசியக் கட்சியினரும் மடியட்டும்.தினமணிக்கு வேண்டுகோள். தமிழர் நலனுக்குப் போராடும் இ.பொ.கட்சி என்னும் பெயரில் இ.பொ.க.(மா) -ஐக் குறிப்பிட வேண்டா. அது வேறு கட்சி. இது வேறு கட்சி. 
அன்புடன் இலக்குவனார் திருவள்ளுவன்
By Ilakkuvanar Thiruvalluvan
9/2/2010 5:14:00 AM
உங்கள் கருத்தைப் பதிவு செய்யுங்கள்

நண்பர் கிருட்டிணராசு அவர்களே! உங்கள் பாராட்டிற்கு நன்றி. (தமிழனுக்கும் நன்றி.)ஆரியக் கருத்தைக் குறை கூறுவதால் ஆரியர்களை வெறுப்பதாகப் பொருள் கொள்ளக் கூடாது. ஆரியத்தைக் காப்பதற்காகச் சிலர் ஆரியம் என்பது வெள்ளைக்காரர்களால் கட்டிவிட்ட கதை என்கிறார்கள். அப்படியாயின் ஆரியம் குறித்த பல செய்திகள் சமற்கிருதத்திலேயே உள்ளனவே. தமிழ் உணர்வாளர் பாரதியார் கூட ஆரியமயக்கத்தால் வரலாற்றுப்பிழையாக ஆரிய நாடெங்கள் நாடே என்றார். ஆரிய நாட்டினர் ஆண்மையோடு இயற்றும் சீரிய முயற்சிகள் என்றார். உங்கள் கேள்விகளுக்கான விடைகளை முன்னரே தமிழறிஞர்கள் அளித்துள்ளனர். தமிழிய இதழ்களில் வந்துள்ளன. உங்களின் மின்வரியைத்தெரிவித்தால் நான் வாய்ப்பு ஏற்படும் பொழுது அவற்றைத் தெரிவிக்கின்றேன். வெள்ளையர்களை நானும் ஆரியன் நீயும் ஆரியன் என்று மயக்கி ஏமாற்றியவர்களைப் பற்றி அறிவீர்களா? தமிழ்நாட்டில் வாழும் ஒரு பகுதியினர் தங்களை ஆரியர்களாக எண்ணிக் கொண்டுதானே தமிழுக்கு எதிரான அழிப்பு வேலைகளில் ஈடுபட்டு வருகின்றனர். அவ்வாறான சூழலில் ஆரியத்தை வெல்வதுதானே மனித நேயம் மிக்கவர்களின் கடமையாக இருக்க வேண்டும்? 
அன்புடன் இலக்குவனார் திருவள்ளுவன்
By Ilakkuvanar Thiruvalluvan
9/2/2010 4:39:00 PM
கம்யூனிஸ்ட் சித்தாந்தமே நம்து கூட்டு குடும்ப வாழ்க்கை முறையே ஒட்டிய துதான்.
By Indian nation
9/2/2010 3:38:00 PM
ம.கி.சந்திர மௌலீஸ்வரன், அன்புள்ள தினமணி, நம் நாட்டுக் கம்யூனிஸ்டுகளுடன் 1945க்கு முன்பிருந்தே ஒரு மிக நல்ல பழக்கம் உயிருடன் உயிராக ஒட்டிப் பிறந்திருக்கிறது! அது மிக வசதியான 'ஞாபக மறதி'. சீனப் படையெடுப்பு முதல் கம்பபோடிய இனப் படுகொலை, ரஷ்யச் சிதறல், க்யூபா (அ)ராஜாங்கம், கி.ஜெர்மனி 'வளர்ச்சி' வரை அவர்கள் மறந்த நிகழ்ச்சிகள் எல்லாம் அவர்களுக்குப் பாதகமானவைதாம்! காலாவதியான ஒரு சித்தாந்தத்தை வைத்துக்கொண்டு காலம் 'தள்ளும்' இவர்கள் ஜனநாயக நாட்டிலிருந்து கொண்டுதானே செங்கொடி பிடிக்கிறார்கள்? கடந்த ஆட்சியில் 'அணுசக்திக் கொள்கை மீதான அரசு ஆதரவை மறுபரிசீலனை' செய்தே எத்தனை பெட்டி பணம் சேகரித்தார்கள்! இவர்களால் தந்தை மார்க்ஸிற்கு மாபெரும் கேவலம்! ம.கி.சந்திர மௌலீஸ்வரன், auztrapriyaa@gmail.com 02Sep2K10-Thursday-0257
By ம.கி.சந்திர மௌலீஸ்வரன்
9/2/2010 2:59:00 PM
DONT WORRY MR BARDHAN. THIS IS THE STYLE OF OUR CHIEF MINISTER. WHOEVER COMES IN HIS WAY AND TRY TO DISTURB HIS INTENTION, HE WILL CALL LIKE THIS ONLY. IT MAY BE A SURPRISE FOR YOU TO LISTEN SUCH COMMENTS FROM A PERSON WHO IS CHIEF MINISTER, BUT WE ARE USED TO IT. YOU SHD FEEL HAPPY THAT HE DID NOT CALL THE COMMUNISTS AS BARTARDS, TRAITORS AND ALL THOSE THINGS.
By Abhishtu
9/2/2010 2:17:00 PM
தமிழர் நலனுக்குப் போராடும் இ.பொ.கட்சி என்னும் பெயரில் இ.பொ.க.(மா) -ஐக் குறிப்பிட வேண்டா. அது வேறு கட்சி Yes Right Brother Ilakkuvanar Thiruvalluvan
By Tamilan In Qatar
9/2/2010 8:30:00 AM
இலக்குவனார் திருவள்ளுவன் அவர்களின் கருத்துகளை நான் தொடர்ந்து படித்துவருகிறேன். அவைகள் சீறிய சிந்தனையிலிருந்து உதிப்பதாகவே தோன்றுகிறது. ஆனால் அவர் அடிக்கடி "ஆரிய" "ஆரியன்" என்கிற் வார்த்தையை அடிக்கடி உபயோகப்படுத்துகிறார். அது அவரின் தரத்தை தாழ்த்துகிறது. பிரித்தாளும் சூழ்ச்சிக்கு மொத்த சொந்தக்காரர்களான ஆங்கிலேயரின் கட்டுகதைத்தான் ஆரிய இனம் என்பதை ஆங்கிலேய சரித்திர வல்லுனர்களே ஒப்புக்கொண்டுள்ளனர். தமிழக சுயநல அரசியல்வாதிகள்தான் ஓட்டுக்காக பாமர மக்களை ஏமாற்றுவதற்க்காக "ஆரிய" வார்த்தைகளை உபயோகிக்கிறார்கள் என்றால் அறிவு ஜீவியாக தோற்றமளிக்கும் "இலக்குவனார் திருவள்ளுவன்" கூடவா அந்த பித்தலாட்ட வார்த்தையை உபயோகிக்கவேண்டும்" இலக்குவனார் பதில் அளிக்கவேண்டும்.
By krishnaraj
9/2/2010 7:25:00 AM
I am not a supporter of Communists or their views. However the decent way in which Mr Bharathan has replied to the CM has to be appreciated. Eventhough Mr Karunanidhi oflate is saying that he is the only decent politician, his ways and means are not decent and there is no dignity either.
By G Sankaran
9/2/2010 7:10:00 AM
சட்டக் கல்லூரி மாணவர் மீது தாக்குதல்: 7 போலீஸôர் இடைநீக்கம்

சென்னை, செப். 1: திருக்கழுக்குன்றம் காவல் நிலையத்தில் சட்டக் கல்லூரி மாணவர் அசோக் குமார் தாக்கப்பட்டது தொடர்பாக எழுந்த புகாரின் அடிப்படையில், அந்தக் காவல் நிலையத்தின் 2 உதவி ஆய்வாளர்கள் உள்பட 7 போலீஸôர் தாற்காலிக பணி நீக்கம் செய்யப்பட்டுள்ளனர் என டிஜிபி லத்திகா சரண் அறிவித்துள்ளார்.  இது தொடர்பாக சென்னையில் அவர் வெளியிட்ட அறிக்கை விவரம்:  கடந்த மாதம் 17-ம் தேதி தனியார் பேருந்து நடத்துனர் வாசுதேவன் மற்றும் சிலர், ஒரு தகராறு தொடர்பாக சென்னை டாக்டர் அம்பேத்கர் அரசினர் சட்டக்கல்லூரி மாணவர் அசோக் குமாரை திருக்கழுக்குன்றம் காவல் நிலையத்தில் ஒப்படைத்து புகார் அளித்தனர்.  இந்த புகாரின் அடிப்படையில் வழக்குப் பதிவு செய்த போலீஸôர் அசோக்குமாரை கைது செய்து காவல் நிலைய பிணையில் அனுப்பினர்.  ஆனால், அசோக்குமார் அன்று மாலையே செங்கல்பட்டு அரசு மருத்துவமனைக்கு சென்று திருக்கழுக்குன்ற காவல் நிலையத்தில் இருந்த போலீஸôர் தன்னை தாக்கியதாகக் கூறி சிகிச்சைக்குச் சேர்ந்தார்.  அசோக்குமார் அளித்த புகாரின் பேரில் திருக்கழுக்குன்ற காவல் நிலையத்தல் வேறு ஒரு வழக்குப் பதிவு செய்யப்பட்டது. மருத்துவமனையில் சிகிச்சைக்காக சேர்ந்த அசோக்குமார் தூக்கிட்டு தற்கொலைக்கு முயன்றபோது காப்பாற்றப்பட்டு தீவிரச் சிகிச்சை பிரிவில் சேர்க்கப்பட்டார்.  பின்னர் அவர் சென்னையில் உள்ள தனியார் மருத்துவமனையில் சேர்க்கப்பட்டார். அவரது சிகிச்சைக்கான செலவுகளை அரசே ஏற்றுக்கொள்ளும் என முதல்வர் கருணாநிதி அறிவித்தார்.  இந்நிலையில், அசோக்குமாரின் புகாரின் அடிப்படையில் பதிவு செய்யப்பட்ட வழக்கில் குற்றம்சாட்டப்பட்ட, திருக்கழுக்குன்ற காவல் நிலைய உதவி ஆய்வாளர் சரவணன், சிறப்பு உதவி ஆய்வாளர் ரத்தினசாமி, தலைமைக் காவலர்கள் குப்புசாமி, ராஜேந்திரன், முதல் நிலை காவலர்கள் செüந்தரராஜன், பார்த்திபன், நடராஜன் ஆகியோர் புதன்கிழமை தேதி தாற்காலிக பணி நீக்கம் செய்யப்பட்டனர்.வழக்கு சிபிசிஐடி-க்கு மாற்றம்: திருக்கழுக்குன்றம் காவல் நிலையத்தில் பதிவு செய்யப்பட்ட 2 வழக்குகளும் முதல்வர் கருணாநிதியின் உத்தரவின் பேரில் சிபிசிஐடி போலீஸôர் விசாரணைக்கு மாற்றப்பட்டுள்ளது என்று டிஜிபி தனது அறிக்கையில் குறிப்பிட்டுள்ளார்.
கருத்துக்கள்

காவலராகச் செயல்படாமல் அடக்காளராக வதைக்கும் காவல்துறையினரையும் அதற்குக் காரணமானவர்களையும் தண்டித்தால் இனிக் காவல் துறையினர் ஏவல் துறையினராகச் செயல்படமாட்டார்கள்.
அன்புடன் இலக்குவனார் திருவள்ளுவன்
By Ilakkuvanar Thiruvalluvan
9/2/2010 5:01:00 AM
உங்கள் கருத்தைப் பதிவு செய்யுங்கள் *
ஜெயலலிதாவுக்கு அக்டோபர் 7-ல் பாராட்டு விழா


சென்னை, செப். 1: அதிமுக பொதுச்செயலாளர் ஜெயலலிதாவுக்கு இந்திய சமூக நீதி பாதுகாவலர் பட்டம் வழங்கும் விழா அக்டோபர் 7-ம் தேதி நடைபெற உள்ளது.÷அகில இந்திய மூவேந்தர் முன்னேற்றக் கழகத் தலைவர் டாக்டர் ந.சேதுராமன், வன்னியர் கூட்டமைப்புத் தலைவர் சி.என்.ராமமூர்த்தி ஆகியோர் இது தொடர்பாக சென்னையில் புதன்கிழமை கூறியதாவது: ÷தமிழகத்தில் 69 சதவீத இடஒதுக்கீடு தொடரும் வகையில் உச்ச நீதிமன்றம் அண்மையில் தீர்ப்பு வழங்கியது. ÷இதையடுத்து, தமிழ்நாடு இடஒதுக்கீட்டு சட்டத்தை இயற்றியதற்காக ஜெயலலிதாவைப் பாராட்டி, அவருக்கு இந்திய சமூக நீதி பாதுகாவலர் பட்டம் வழங்க முடிவு செய்யப்பட்டுள்ளது.÷இதற்கான விழா சென்னையில் அக்டோபர் 7-ம் தேதி நடைபெற உள்ளது என்றனர்.
கருத்துக்கள்

பாராட்டு ஆணவத்தை வளர்க்க உதவுமேயன்றி வழிநடத்த உதவாது. இவ்வாறெல்லாம் பாராட்டுவது மூலம் அவர்தான் நாளை ஆட்சி அமைக்கப் போகிறார் என்னும் கனவை அவருள்ளே விதைத்து வீழ்ச்சிக்கு வழி வகுக்கின்றனர். ஆரிய எண்ணத்தை அகற்றித் தமிழிய எண்ணததைத் தமக்குள் விதைத்துக் கொண்டார் எனில் காலம காலமாக உலகம் அவரைப் பாராட்டும். உண்மையிலேயே தமிழ் நலச் செயல்பாடுகளில் கருத்து செலுத்திப் பாடுபட்டார் எனில் அவர் கனவாகி அவரும் நலம் பெறுவார். நாடும் நலம்பெறும். 
வாழ்த்துகளுடன் இலக்குவனார் திருவள்ளுவன்
By Ilakkuvanar Thiruvalluvan
9/2/2010 4:54:00 AM
உங்கள் கருத்தைப் பதிவு செய்யுங்கள் *
தோள் வலி உடையவன் நான்: முதல்வர் கருணாநிதி


கலைஞர் 87 நூலை, சென்னையில் முதல்வர் கருணாநிதி முன்னிலையில், மாநில நிதியமைச்சர் க.அன்பழகன் புதன்கிழமை வெளியிட, அதனைப் பெற்றுக் கொள்கிறார் புதுவை முதல்வ
சென்னை, செப். 1: தோள் வலி உடையவன் நான் என்று முதல்வர் கருணாநிதி குறிப்பிட்டார். கருணாநிதியின் 87 வயதைக் குறிக்கும் வகையில், பல்வேறு கட்சிகளைச் சேர்ந்த தேசிய மற்றும் தமிழகத் தலைவர்கள் என 87 பேர் அவரைப் பற்றி தெரிவித்த கருத்துகள் கலைஞர் 87 என்ற பெயரில் நூலாகத் தொகுக்கப்பட்டுள்ளது. தி.மு.க.வைச் சேர்ந்த மாநிலங்களவை உறுப்பினர் வசந்தி ஸ்டான்லி தொகுத்துள்ள அந்த நூல் வெளியீட்டு விழா சென்னை மியூசிக் அகாதமியில் புதன்கிழமை நடைபெற்றது. அந்நிகழ்ச்சியில் முதல்வர் கருணாநிதி பேசியதாவது: இந்த நூல் ஒரு அருமையான நூலாகும். என்னுடைய நெருங்கிய நண்பர்களும், என்னுடைய நிரந்தரப் பகைவர்களும் இந்நூலில் என்னைப் பாராட்டியிருக்கிறார்கள். இது எதிர்காலத்துக்கு பயன்படக் கூடிய ஒரு சிறந்த ஆவணமாகத் திகழ்கிறது. இவ்வாறு ஒரு நூலைத் தொகுத்து, தி.மு.க.வின் ஆவணமாக்க வேண்டும் என்ற நோக்கிலான வசந்தி ஸ்டான்லியின் பணி போற்றத்தக்கது. அவர் இதன் மூலம் மற்றவர்களுக்கு வழிகாட்டியாகத் திகழ்கிறார். இந்த நூலின் கடைசி பக்கத்தில், அவரது ஆயுள் முடியும் நேரத்தில் விழியோரம் உருண்டோடும் ஒரு துளி கண்ணீர் என் பாதத்தை நனைக்க வேண்டும் என்று எழுதியிருக்கிறார். இது போன்ற வரிகளை நான் விரும்பக் கூடியவன் அல்ல. கண்ணீரை துடைப்பதுதான் தி.மு.க.வின் நோக்கமே தவிர, யாரையும் கண்ணீர் விடச் செய்வது அல்ல. தமிழ்நாட்டில் கண்ணீரைக் காணாமல் செய்வதுதான் தி.மு.க. அரசின் கொள்கை. தோள் வலி: எனக்கு கடந்த இரு நாள்களாக கடுமையான தோள் வலி. செவ்வாய்க்கிழமை மருத்துவமனைக்குச் சென்று ஒரு மணி நேரத்துக்கும் மேல் சிகிச்சை எடுத்துக் கொண்டு, ஒரு நாள் முழுவதும் ஓய்வெடுத்த பிறகுதான் நான் இந்த விழாவில் கலந்து கொண்டிருக்கிறேன். இதுபோன்று 3 மணி நேரம், 4 மணி நேரம் நடைபெறும் நிகழ்ச்சிகளிலெல்லாம் நான் கலந்து கொள்வது பெரும் பாதிப்பை ஏற்படுத்தும் என்று எனக்கு சிகிச்சை அளிக்கும் மருத்துவ நிபுணர் எச்சரித்தார். மேலும் அவர் கூறும்போது, கவியரங்கம் என்றெல்லாம் கூறிக்கொண்டு பல மணி நேரம் நடைபெறும் நிகழ்ச்சியில் கலந்து கொள்கிறீர்களே, உங்களுக்குத் தெரியாத கவிதைகளையா அவர்கள் பாடுகிறார்கள், இவ்வாறு நீங்கள் கலந்து கொள்வது முறையா? என்றும் கேட்டார்.நான் இன்னும் தெரிந்து கொள்ள வேண்டியவை அந்தக் கவிதைகளில் இருப்பதால்தான் கலந்து கொள்கிறேன் என்று அவரிடம் தெரிவித்தேன். எனக்கு ஒன்றும் பெரிய, பயங்கரமான நோய் எதுவும் இல்லை. வெறும் தோள் வலிதான். தோள் வலிக்கு இரண்டு பொருள் உண்டு. தோளில் வலியை ஏற்படுத்துவது என்பது ஒன்று. தோள் வலி உடையவன் என்றால் வீரன் என்ற மற்றொரு பொருளும் உண்டு. ஆம், நான் மிகுந்த தோள் வலி உடையவன். அதனால்தான் இவ்வளவு அல்லல்கள், ஆபத்துகள், சோதனைகளைத் தாங்கக்கூடிய வலிமை எனக்குக் கிடைத்திருக்கிறது’ என்றார் கருணாநிதி. நிகழ்ச்சிக்குத் தலைமை வகித்து, நூலை வெளியிட்டுப் பேசிய நிதியமைச்சர் க. அன்பழகன், இந்தியாவெங்கும் உள்ள பல தலைவர்களுக்கு வழிகாட்டும் தலைவராக கருணாநிதி திகழ்கிறார். இது அவரே தேடிக் கொண்ட வலிமை. அவரது உழைப்பால் கிடைத்த பெருமை என்றார். நூலைப் பெற்றுக் கொண்டு பேசிய புதுச்சேரி முதல்வர் வி. வைத்தியலிங்கம், முதல்வர் கருணாநிதியின் எழுத்துகள் மூட நம்பிக்கைகளை தகர்க்கும் ஆயுதமாக, வளர்ச்சித் திட்டங்களுக்கு ஏற்படும் தடைகளை உடைத்தெறியும் நெம்புகோலாக, சோர்ந்து போவோர்க்கு நம்பிக்கை தரும் ஊன்று கோலாக விளங்குகிறது என்றார். நிகழ்ச்சியில் பீட்டர் அல்போன்ஸ் எம்.எல்.ஏ., திரைப்பட இயக்குநர்கள் பாரதிராஜா, பார்த்திபன், கவிஞர் வைரமுத்து, முனைவர் இரா. செல்வகணபதி, ஜெயந்தி தங்கபாலு ஆகியோர் பேசினர். முன்னதாக தே. கருணாநிதி வரவேற்றார். நிறைவாக வசந்தி ஸ்டான்லி நன்றி கூறினார்.
கருத்துக்கள்

தோள்வலிமை மிக்கவர் கலைஞர் என்பதில் ஐயமில்லை. எனவே அவரைப்பற்றிய இந்நூல் தொகுப்பு பாராட்டிற்குரிய பணியே. அவரின் பன்முகச் சிறப்புகளைப் பலர் வாயிலாக அறியும் வாய்ப்பு ஏற்படுகிறது. அதே நேரம் தம் குடும்பத்தினரின் விழியோரம் கண்ணீர் வரக்கூடாது என்பதற்காக ஈழத்தமிழர்கள் செந்நீர் குடிக்கப்படவும் உலகத்தமிழர்களின் கண்ணீர் பெருக்கெடுத்தோடவும் காரணமாக இருந்து விட்டாரே என்ற அவலத்தையும் நாம் மறக்க இயலாது. தம்முடைய வரிகளையே மீள நினைத்துப் பார்த்தார் என்றால் களங்கத்தைத் துடைக்கும் விதமாகச் செயல்பட்டுத் தமிழர் தாயகத்தை மலரவிட்டு உண்மையிலேயே உலகத் தமிழர்களின் கண்ணீர் துடைத்த பெருமகனாவார். 
குடும்பப்பற்றைத் துறந்து தமிழினப்பற்றை ஏற்க வேண்டும் இலக்குவனார் திருவள்ளுவன்.
By Ilakkuvanar Thiruvalluvan
9/2/2010 4:45:00 AM
இவன் நல்லா பிள்ளையவும் கிள்ளி விட்டு தொட்டிலையும் ஆட்டுறான் !!! அரசு வங்கியில கடன் வாங்கி கட்ட முடியாதவ MP ஆகி...இந்தப் புத்தகத்துல எப்படித்தான் எம்பி எம்பி குதிக்கிறாளோ ???...எதைத்தான் ஏப்பம் விட்டாளோ !!! இவன் கண்ணீரைத் துடைப்பவனாகத் தெரியவில்லை ! மக்கள் கண்ணீரைக் குடிப்பவனாகத் தெரிகிறது !!! @ rajasji
By rajasji
9/2/2010 4:31:00 AM
உங்கள் கருத்தைப் பதிவு செய்யுங்கள்
//////
தோள்வலிமை மிக்கவர் கலைஞர் என்பதில் ஐயமில்லை. எனவே அவரைப்பற்றிய இந்நூல் தொகுப்பு பாராட்டிற்குரிய பணியே. அவரின் பன்முகச் சிறப்புகளைப் பலர் வாயிலாக அறியும் வாய்ப்பு ஏற்படுகிறது. அதே நேரம் தம் குடும்பத்தினரின் விழியோரம் கண்ணீர் வரக்கூடாது என்பதற்காக ஈழத்தமிழர்கள் செந்நீர் குடிக்கப்படவும் உலகத்தமிழர்களின் கண்ணீர் பெருக்கெடுத்தோடவும் காரணமாக இருந்து விட்டாரே என்ற அவலத்தையும் நாம் மறக்க இயலாது. தம்முடைய வரிகளையே மீள நினைத்துப் பார்த்தார் என்றால் களங்கத்தைத் துடைக்கும் விதமாகச் செயல்பட்டுத் தமிழர் தாயகத்தை மலரவிட்டு உண்மையிலேயே உலகத் தமிழர்களின் கண்ணீர் துடைத்த பெருமகனாவார்.
குடும்பப்பற்றைத் துறந்து தமிழினப்பற்றை ஏற்க வேண்டும் இலக்குவனார் திருவள்ளுவன்.
By Ilakkuvanar Thiruvalluvan
9/2/2010 4:45:00 AM  ( கலைஞரின் அன்பனான என் கருத்தை ஏன் எடுத்தீரோ தினமணியாரே!)