இரவீந்திரநாத் தாகூர் நினைவு நாள்: தேசிய கீதத்தை 1இலட்சம் பேர் பாடிச் சாதனை

இந்தியா வந்த இங்கிலாந்து அரசரை வரவேற்றுப் பாடிய பாடலை நாட்டுப்பாடலாக ஏற்றதே பெரும் இழுக்கு. அடிமை நாட்டில் அடிமை பாடிய பாடலை 100,00 பேர்  சேர்ந்து பாடியது அதை விடப் பெரும் இழுக்கு.

அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்!

ரவீந்திரநாத் தாகூர் நினைவு நாள்: 

தேசிய கீதத்தை 1 லட்சம் பேர் பாடி சாதனை

Tirupathi திங்கட்கிழமை, ஆகஸ்ட் 08, 12:38 PM IST

முந்தைய பதிவுகள் 5

இமெயில் பிரதி

திரைப்படம்

திருப்பதி, ஆக. 8-

 

இந்திய தேசிய கீதத்தை இயற்றிய கவிஞர் ரவீந்திர நாத் தாகூர் சொந்த மாநிலம் ஆந்திரா ஆகும். இவரது நினைவு நாள் நேற்று கடைபிடிக்கப்பட்டது. இதையொட்டி திருப்பதியில் 1 லட்சம் பேர் பங்கேற்று தேசிய கீதத்தை பாடும் நிகழ்ச்சியை திருப்பதி சிட்டி சேம்பர் அமைப்பு ஏற்பாடு செய்து இருந்தது.

 

திருப்பதி மகதி, ஆடிட்டோரியத்தில் நடந்த நிகழ்ச்சியில் பள்ளி மாணவ-மாணவிகள் ஆசிரியர்கள் 1 லட்சம் பேர் கலந்து கொண்டனர். அனைவரும் கையில் தேசிய கொடி ஏந்தி இருந்தனர். 1 லட்சம் பேரும் ஒன்றாக இணைந்து தேசிய கீதத்தை 20 முறை பாடினார்கள்.

 

நிகழ்ச்சியில் ஆந்திர கனிம வளதுறை மந்திரி கல்லா அருணாகுமார், சித்தூர் எம்.பி. சிவப்பிரகாசம் உள்ளிட்டோரும் கலந்து கொண்டு தேசிய கீதத்தை பாடினர். இது ஒரு கின்னஸ் சாதனை என பதிவு செய்யப்பட்டது.

 

நிகழ்ச்சியில் மந்திரி கல்லா அருணாகுமார் பேசும் போது, தேசிய கீதம் இருக்கும் வரை ரவீந்திர நாத் நம்முடன் வாழ்ந்து கொண்டுதான் இருப்பார். அவரை யாரும் மறக்க முடியாது என்றார்.

1 1

<a href='http://ads.reach360ads.com/www/ads/click.php?n=a9a7d93e&cb=INSERT_RANDOM_NUMBER_HERE' target='_blank'><img src='http://ads.reach360ads.com/www/ads/ad_view.php?zoneid=1189&cb=INSERT_RANDOM_NUMBER_HERE&n=a9a7d93e&ct0=INSERT_CLICKURL_HERE' border='0' alt='' /></a> 

 

கருத்து

 

Tuesday, August 09,2011 06:28 PM, Ilakkuvanar Thiruvalluvan said: இரவீந்திநாத்து தாகூர் இன்றைய மே.வங்காளத்தில் உள்ள கல்கத்தாவி்ல் பிறந்த வங்காளி. சொந்த மாநிலம் ஆந்திரா எனத் தவறாகக் குறிக்கப்பட்டுள்ளது. அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்! மொழியைக் காப்போம்! இனத்தைக் காப்போம்! இக்கருத்துக்கு உங்கள் கருத்து .....?

Tuesday, August 09,2011 06:19 PM, Ilakkuvanar Thiruvalluvan said: இந்தியா வந்த இங்கிலாந்து அரசரை வரவேற்றுப் பாடிய பாடலை நாட்டுப்பாடலாக ஏற்றதே பெரும் இழுக்கு. அடிமை நாட்டில் அடிமை பாடிய பாடலை 100,00 பேர் சேர்ந்து பாடியது அதை விடப் பெரும் இழுக்கு.அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்! மொழியைக் காப்போம்! இனத்தைக் காப்போம்! இக்கருத்துக்கு உங்கள் கருத்து .....?

Tuesday, August 09,2011 02:00 AM, முல்லை இஸ்லாமி சொறி மைந்தன் said: ஜனங்களில் மனங்களில் பசிபட்டினி துன்பம் பாருங்கள் இதுதான் இந்தியா, பஞ்சா.....பசிக்குது போடு பரோட்டா தாளிச்ச தக்காளி குருமா...... வெங்காய வடையாம் ஊத்தப்பம் கொடையா.... எல்லாம் வைத்தெரிச்சல் எங்க பரதேசி பான்னாடை மனுசங்களுக்கே... இட்டலி.... சட்டினி..... ராத்திரிக்கி........ பட்டினி.......... சுட சுட சுட சுட காப்பி.........! இக்கருத்துக்கு உங்கள் கருத்து .....?

Monday, August 08,2011 12:52 PM, மாயாண்டி said: ஜன கண மன அதிநாயக ஜெய ஹே பாரத பாக்ய விதாதா. பஞ்சாப சிந்து குஜராத மராத்தா திராவிட உத்கல வங்கா. விந்திய இமாசல யமுனா கங்கா உச்சல ஜலதி தரங்கா. தவ சுப நாமே ஜாகே, தவ சுப ஆஷிஷ மாகே, ஜாஹே தவ ஜெய காதா. ஜன கண மங்கள தாயக ஜெயஹே பாரத பாக்ய விதாதா. ஜெய ஹே, ஜெய ஹே, ஜெய ஹே, ஜெய ஜெய ஜெய, ஜெய ஹே. On Monday, August 08,2011 02:25 PM, ஆனந்த் said : சூப்பர் மாயாண்டி On Monday, August 08,2011 04:25 PM, raga said : நான் இதை இரண்டு முறை படித்தேன். சூப்பர். பக்கா.வெரி குட் maayandi இக்கருத்துக்கு உங்கள் கருத்து .....?

 

மகாகவியும் மகாத்மாவும்

லா.சு. ரங்கராஜன்

First Published : 04 Jun 2010 12:17:00 AM IST

Last Updated :

வீந்திரநாத் தாகூரின் 150-வது பிறந்த தினத்தை ஆண்டு முழுவதும் நாடு முழுவதும் விமரிசையாகக் கொண்டாடும் பொருட்டு, பிரதமர் மன்மோகன் சிங் தலைமையில் ஒரு விழாக்குழு மே 9-ம் தேதி புதுதில்லியில் அமைக்கப்பட்டுள்ளது.1941-ல் தமது 80-வது வயதில் காலமான ரவீந்திரநாத் தாகூர் தலைசிறந்த மகாகவி மட்டுமல்ல; சிறுகதை, நாவல், நாடகம், கட்டுரை ஆகியவற்றையும் திறம்படப் படைத்துள்ளார். இவர் உருவாக்கிய ரவீந்திர சங்கீதம் பிரசித்தமானது. தவிர, அவர் கைதேர்ந்த வண்ண ஓவியரும்கூட. கடைசி பதினேழு ஆண்டுகாலத்தில் அவர் தீட்டிய 3,000 நவீன பாணி ஓவியங்களும், வரைந்த கோட்டுச் சித்திரங்களும் கொல்கத்தா விஸ்வபாரதி அரங்கில் காட்சிக்கு வைக்கப்பட்டுள்ளன.1861 மே 7-ம் தேதி கொல்கத்தாவில் ஒரு செல்வந்த நிலச்சுவான்தாரின் கடைசி மகனாகப் பிறந்தவர் தாகூர். வீட்டிலேயே அறிவியல், கணிதம், இசை, ஓவியம், வடமொழி, வங்காளி, ஆங்கிலம் ஆகிய பல கலைகளைக் கற்றறிந்தார். எட்டாம் வயதில் கவிதை புனையத்தொடங்கினார். பதினைந்தாம் வயதில் அவர் எழுதிய சிறுகதை, வங்க சிறுகதைத் தொகுப்பு நூலில் வெளியாயிற்று.வழக்கறிஞர் பட்டம் பெறுவதற்கு இங்கிலாந்து சென்ற அவர் அந்தப் படிப்புப் பிடிக்காமல் இரண்டே ஆண்டில் இந்தியா திரும்பினார். 1883-ல் திருமணம். ஆனால் 1902-ல் மனைவி மரணம். மறுமணம் செய்துகொள்ளவில்லை. 1901-ல் சாந்திநிகேதனில் ஓர் ஆசிரமப் பள்ளியை நிறுவினார். அதுவே பிற்காலத்தில் விஸ்வபாரதி பல்கலைக்கழகமாகப் பரிணமித்தது. அவர் வங்க மொழியில் இயற்றிய ""கீதாஞ்சலி'' கவிதைத் தொகுப்பின் ஆங்கில மொழிபெயர்ப்பு 1913-ல் வெளியானது. அதற்காக இலக்கிய நோபல் பரிசு அதே ஆண்டில் வழங்கப்பட்டது.ரவீந்திரநாத் தாகூரும் மகாத்மா காந்தியும் 20-ம் நூற்றாண்டின் தலைசிறந்த சிந்தனையாளர்களாகக் கருதப்படுகின்றனர். பல விமர்சகர்கள் அவ்விருவரையும் ஒப்பிட்டுப் பல்வேறு கோணங்களில் எழுதியுள்ளனர்.1941 ஆகஸ்ட் 7 அன்று தாகூர் காலமானார். காந்திஜியின் தனிநபர் சத்தியாக்கிரகத்தில் ஈடுபடவிருந்த ஜவாஹர்லால் நேரு கைது செய்யப்பட்டு அப்போது சிறையில் இருந்தார். தாகூர் மறைவு பற்றித் தமது அன்றைய சிறை டயரியில் நேரு இவ்வாறு எழுதினார்: ""காந்திஜியும் தாகூரும் ஒருவருக்கொருவர் முழுதும் மாறுபட்டவர்களாக இருப்பினும், நம் நாட்டில் தோன்றிய மகத்தான மனித வரிசையில் அவ்விருவருமே இந்தியாவின் ஆன்மாவைப் பிரதிபலிக்கின்றனர். ஏதோ குறிப்பிட்ட சீரிய பண்பு பொருந்தியவர்கள் என்றில்லாமல் இன்றளவில் உலகிலுள்ள சிறப்புமிக்க மாமனிதர்களின் பொதுத் தோற்றத்தில் காந்தியும் தாகூரும் தலைசிறந்தவர்கள் என்பதே எனது கணிப்பு. அவ்விருவருடன் நெருங்கிப் பழகும் வாய்ப்புப் பெற்றது நான் பெற்ற பெரும் பேறு''.காந்திஜி தார்மிகம் செறிந்த அரசியல்வாதி. ஆனால், தாகூர் அரசியலிலிருந்து விலகியே நின்றார் என்று சொல்வாருண்டு. அது அவ்வளவு சரியல்ல. இந்திய சுதந்திரப் போராட்டத்தில் தாகூர் நேரடியாகப் பங்குகொண்டதில்லை என்றபோதிலும், 1905-ல் வைஸ்ராய் கர்ஸன் பிரபு வங்கத்தை இரு தனி மாகாணங்களாகப் பிரிவினை செய்ததை எதிர்த்து வங்க மக்கள் திரண்டெழுந்து அவ்வெழுச்சி தேசிய இயக்கமாக உருவெடுத்தபோது அப்போராட்டத்தில் ரவீந்திரநாத் தாகூர் தீவிரமாகக் கலந்துகொண்டார்.1913-ல் நோபல் பரிசு வழங்கப்பட்டதை அடுத்து, பிரிட்டிஷ் உயர் அரசாங்கம் 1915-ல் தாகூருக்கு "ஸர்' பட்டம் அளித்துக் கௌரவித்தது. 1919 ஏப்ரல் 13 அன்று அமிர்தசரஸ் ஜாலியன் வாலாபாக் மைதானத்தில் கூடியிருந்த அப்பாவி மக்களின் மீது ஆங்கிலேய ராணுவ ஜெனரல் டயர் உத்தரவின் பேரில் தொடர்ந்து துப்பாக்கிச்சூடு நிகழ்ந்து நூற்றுக்கணக்கானோர் உயிரிழந்தனர்.நாட்டைப் பதறச் செய்த அந்தப் படுகொலையைக் கடுமையாகச் சாடிய தாகூர், தமக்கு முன்னர் அளிக்கப்பட்ட "ஸர்' பட்டத்தை உடனடியாகத் துறந்தார். ஆனால் அச்சமயம் ஜாலியன் வாலாபாக் படுகொலையைக் கண்டித்து மகாத்மா காந்தி எவ்வித அறிக்கையும் வெளியிடவில்லை; 1915-ல் தமக்கு பிரிட்டிஷ் அரசாங்கத்தால் அளிக்கப்பட்ட கெய்ஸர் -இ - ஹிந்த் தங்கப் பதக்கத்தையும் துறக்கவில்லை என்பது குறிப்பிடத்தக்கது. பிரிட்டிஷ் அரசாட்சிக்கு எதிராக ஒத்துழையாமை இயக்கத்தை 1920 ஆகஸ்ட் முதல் தேதி காந்திஜி தொடங்கி வைத்தபோதுதான் தமக்கு முன்பு அளிக்கப்பட்டிருந்த கெய்ஸர் - இ - ஹிந்த் பதக்கத்தையும், தென்னாப்பிரிக்காவில் போயர் யுத்தம் மற்றும் ஜூலு புரட்சியின் போது புரிந்த ராணுவ மருத்துவ சேவைகளுக்காகவும் அளிக்கப்பட்ட பதக்கங்களையும் காந்திஜி துறந்தார்.காந்திஜியின் மீது குருதேவ் தாகூர் தனிப்பட்ட முறையில் பெருமதிப்பும் மரியாதையும் வைத்திருந்தார். இந்தியாவுக்கு அரசியல் ரீதியாகத் தலைமை தாங்கி மக்களை வழிநடத்திச் செல்ல காந்திஜி ஒருவர் மட்டுமே முற்றிலும் தகுதி வாய்ந்தவர். தம்மால் அது இயலாது என்று தாகூர் நன்கு அறிந்திருந்தார். 1916-ம் ஆண்டிலேயே காந்திஜியை "மகாத்மா' என்று குறிப்பிட்டு, அந்தப் பட்டத்தைப் பிரபலப்படுத்தியவரும் ரவீந்திரநாத் தாகூர்தான்.இவ்வாறாயினும், இவ்விரு மாமனிதருக்கிடையே ஆழ்ந்த கருத்து வேறுபாடுகள் இருந்து வந்தன. அவற்றைப் பற்றி தாகூர் வெளிப்படையாகவே கண்டனம் எழுப்பினார். சுதந்திரப் போராட்டத்தில் வரம்புகடந்த தேசிய ஆர்வத்துக்கும், குறுகிய தேச பக்திக்கும் முக்கியத்துவம் அளிப்பதை தாகூர் ஏற்கவில்லை.விஞ்ஞானி சந்திர போஸின் மனைவி அபலா போஸýக்குத் தாகூர் 1908-ம் ஆண்டில் எழுதிய கடிதத்தில், ""குறுகிய தேசிய மனப்பான்மை அல்லது நாட்டுப்பற்று நமது ஆன்மிக உயர்வின் புகலிடமாக இருக்க மாட்டாது. மானிட வர்க்கம் முழுவதுமே நமது அடைக்கலம் ஆகும். வைரத்துக்கான விலையைக் கொடுத்து வெறும் கண்ணாடிக் கற்களை நான் வாங்கத் தயாரில்லை. மானிட வர்க்கத்துக்கு எதிராகக் குறுகிய தேசபக்தி ஜெயகோஷம் போடுவதை நான் ஒருக்காலும் ஏற்க மாட்டேன்'' என்று கூறியுள்ளார். பின்னர் ஒத்துழையாமை இயக்கத்தின்போது தேசியம் என்று கூக்குரலிட்டுப் பாமர மக்களை ஆட்டுமந்தைபோல் தலைவர்கள் இட்டுச் செல்வதையும் கடுமையாகச் சாடினார்.கைராட்டையின் பெருமையையும் நூல் நூற்பதன் அவசியத்தையும் காந்திஜி திரும்பத் திரும்ப வலியுறுத்திக் கூறி வருவதை தாகூர் கண்டித்தார். ""மாடர்ன் ரிவ்யூ'' (செப்டம்பர் 1928) இதழில் ""சர்க்கா வழிபாடு'' என்ற தலைப்பில் எழுதிய கட்டுரையில் தாகூர் இவ்வாறு சாடினார்:""கைராட்டையை அதன் குறிப்பிட்ட தகுதிக்கு மேல் உயர்த்திப் பிடிப்பதை எனது பகுத்தறிவும் மனசாட்சியும் ஏற்கவில்லை. சர்க்காவுக்கு அளவுக்கு மீறி முக்கியத்துவம் கொடுப்பதால் இந்திய மறுமலர்ச்சிக்குப் புரிய வேண்டிய அதிமுக்கிய பணிகளில் கவனம் செலுத்த இயலாமற் போய்விடும். செக்குமாடுபோல் சர்க்காவை ஒரே மந்த கதியில் சுழற்றிக் கொண்டிருப்பது சாவு போன்ற வெறுமையே ஆகும்; அது புத்தி மழுங்கச் செய்யும் காரியம் என்பதே எனது துணிபு.'' இந்தக் குற்றச்சாட்டுக்குப் பதிலளித்து ""கவியும் சர்க்காவும்'' என்ற தலைப்பில் காந்திஜி தமது ""யங் இந்தியா'' (5-11-1925) வாராந்திரியில் எழுதிய கட்டுரையின் சாராம்ச வாசகம் இதுதான்:""மகாகவியின் கண்டன விமர்சனம் கவிதா ரூபமாய் மிகைப்படுத்தி வர்ணிப்பது என்ற வகையில் அவரது உரிமையாம். அதனை நான் எதிர்ப்பதற்கில்லை. ஆயினும், ஒரே மாதிரியான கைராட்டையின் சுழற்சி, சாவு போன்ற வெறுமைக்கு ஒப்பானது அல்லவே அல்ல. பார்க்கப் போனால் சூரியனும் கிரகங்களும் ஒரேமாதிரியான இயந்திரகதியில்தான் இயங்குகின்றன. பாதை தவறினால் அதோ கதிதான்...தினந்தோறும் அரைமணி நேரமேனும் ஓர் யக்ஞமாக அனைவரும் நூல் நூற்க வேண்டும் என்றுதான் கூறி வருகிறேன்; நாள் முழுதும் அல்ல. கிராமப்புறங்களில் மக்கள் வேலையின்றி சோம்பித் திரிவதை அகற்றி, ஏழைகளின் பொருளாதாரத்துக்கு ஓரளவு வருவாய் ஈட்டித்தரும் சாதனமே கைராட்டை. கிராமாந்திரங்களில் சர்க்கா நிலைபெற்றால், பொருளாதாரம், சுற்றுச்சூழல், சுகாதாரம், கால்நடை பராமரிப்பு எல்லாமே மேம்படும்'' என்றெல்லாம் காந்திஜி வாதித்தார்.இத்தகைய கருத்து மோதல்களுக்கிடையேயும் காந்திஜியும் தாகூரும் ஒருவருக்கொருவர் பெருமதிப்புடன் கடைசிவரை நேசம் பாராட்டி வந்தனர். ""மனிதாபிமானி காந்தி'' என்ற தலைப்பில் தாகூர் 1938-ல் எழுதிய கட்டுரையில் காந்திஜியைக் கீழ்க்கண்டவாறு புகழ்ந்துள்ளார்.""காந்திஜி அரசியல்வாதி. சிறந்த நிர்வாகி. மக்களின் பெருந்தலைவர். தார்மிக சீர்திருத்தவாதி என்ற சிறப்புகள் ஒருபுறமிருக்க, இவற்றுக்கெல்லாம் மேலாக இவைசார்ந்த அன்னாரது நடவடிக்கைகள் எதுவுமே மானிட வர்க்கத்தின்பால் அவர் கொண்டுள்ள அன்பையும் அருளிரக்கத்தையும் கட்டுப்படுத்தவில்லை. மாறாக, அப் பேரன்பு அவரது அனைத்துச் செயல்பாடுகளுக்கும் உத்வேகம் அளிக்கிறது.''ரவீந்திரநாத் தமது பிற்கால வாழ்வை சாந்திநிகேதன் பள்ளியையும் விஸ்வபாரதி அமைப்பையும் மேம்படுத்துவதன் பொருட்டே அர்ப்பணித்தார். 1941 ஆகஸ்ட் 7 அன்று தாகூர் மறைந்ததையொட்டி மகாத்மா காந்தி வெளியிட்ட இரங்கல் செய்தியில், ""ரவீந்திரநாத் தாகூரின் மரணத்தில் நாம் இந்தச் சகாப்தத்தின் மிகச்சிறந்த கவியை மட்டும் இழக்கவில்லை; அபரிமித மனிதாபிமானியையும், ஆர்வமிக்க தேசியவாதியையும் இழந்துவிட்டோம். அவரது சக்திமிக்க தனித்தன்மை, தடம் பதிக்காத பொது நடவடிக்கை ஏதுமில்லை. சாந்திநிகேதனத்திலும் ஸ்ரீநிகேதத்திலும் நம் நாடு முழுவதற்கும், ஏன், இவ்வையகம் முழுவதற்கும் ஓர் மரபுரிமைச் செல்வத்தை அளித்துச் செல்கிறார்'', என்று அஞ்சலி செலுத்தினார். தாகூர் 1911-ல் புனைந்த ""ஜன கண மன...'' பாடல் இந்தியா சுதந்திரம் பெற்றபின் இந்திய தேசிய கீதமாக ஏற்கப்பட்டது மிகப் பொருத்தமே ஆகும். 1972-ல் கிழக்குப் பாகிஸ்தான் பங்களாதேஷ் என்ற தனிநாடாகப் பிரிந்த பின் தாகூர் முன்பு எழுதிய ""அமர் சோனா பங்களா...'' என்ற பாடல் அந்நாட்டின் தேசிய கீதமாகத் தேர்ந்தெடுக்கப்பட்டது. உலகின் இரு தனித்தனி நாடுகள் ஒரே கவியின் பாடலைத் தங்கள் தேசிய கீதமாக வரித்தது மகாகவி தாகூரின் பெருமைக்கு ஓர் எடுத்துக்காட்டு.

கருத்துக்கள்

வடநாட்டிலுள்ள கவிஞர்கள், தலைவர்கள் பிறந்த நாள் கொண்டாட்டங்களை இந்தியா முழுமையும் கொண்டாடவும் உலகநாடுகளில் தூதரகங்கள் சார்பாகச் சிறப்பு நிகழ்ச்சி நடத்தவும் மத்திய அரசு நிதி ஒதுக்குகிறது. ஈராயிரம் ஆண்டைக் கடந்த தொல்காப்பியர், திருவள்ளுவர், இளங்கோ அடிகள் முதலான புலவர்களுக்கும் வள்ளலார், தாயுமானவர் முதலான வாழ்வியல் அறிஞர்களுக்கும் பாரதியார், பாரதிதாசன் முதலான பாவலர்களுக்கும் மத்திய அரசு விழா எடுப்பதில்லை. தமிழின் பெயரால் ஆட்சிக்கு வருபவர்கள் இதற்கான முயற்சியும் எடுப்பதில்லை. அங்ஙனமாயின் எங்ஙனம் வளரும் ஒருமைப்பாடு?

அன்புடன் இலக்குவனார் திருவள்ளுவன்

By Ilakkuvanar Thiruvalluvan
6/4/2010 3:42:00 AM

உங்கள் கருத்தைப் பதிவு செய்யுங்கள்

மேற்கு வங்க தேர்தலை மையமாகக் கொண்ட பட்ஜெட்டா?

First Published : 25 Feb 2010 12:50:28 AM IST

Last Updated :

புது தில்லி, பிப்.24: மக்களவையில் தாக்கல் செய்யப்பட்ட ரயில்வே பட்ஜெட் மேற்கு வங்க மாநிலத்தை மையமாகக் கொண்டு தயாரிக்கப்பட்ட பட்ஜெட் எனக் கூறப்படுவதால் மம்தா பானர்ஜி மிகுந்த வேதனையடைந்துள்ளார்.பட்ஜெட் தாக்கல் செய்யப்பட்ட பிறகு நடந்த செய்தியாளர்கள் கூட்டத்தில் தனது வேதனையை அவர் வெளியிட்டார். இத்தகைய குற்றச்சாட்டுகள் அனைத்தும் அரசியல் ரீதியில் கூறப்படுபவை. அதே பாணியிலான கேள்வியை செய்தியாளர்களாகிய நீங்களும் கேட்காதீர்கள் என்று அவர் கேட்டுக் கொண்டார்.எதிர்வரும் சட்டப்பேரவைத் தேர்தலைக் கருத்தில் கொண்டு மேற்கு வங்க மாநிலத்துக்கு சிறப்புச் சலுகைகள் அறிவிக்கப்பட்டுள்ளனவா என்று செய்தியாளர்கள் கேட்டதற்கு அவர் இவ்விதம் பதிலளித்தார்.மக்களவையில் பட்ஜெட்டை தாக்கல் செய்து பேசுகையில் பல எம்பிக்கள் குறுக்கிட்டுக் கொண்டேயிருந்தனர். தங்கள் தொகுதிக்கு முக்கியத்துவம் அளிக்க வேண்டும் என்று வற்புறுத்திக் கொண்டேயிருந்தனர். 800 மக்கள் பிரதிநிதிகளையும் ஒரு பட்ஜெட்டில் திருப்திபடுத்த இயலாது என்று அப்போது பானர்ஜி குறிப்பிட்டார். வேகன் தொழிற்சாலை ஒரிசா, ஆந்திரம் மற்றும் அசாமில் அமைக்கப்படும் என தெரிவிக்கப்பட்டுள்ளது. பெரும்பாலான தொழிற்சாலைகள் பிற மாநிலங்களில்தான் அமைக்கப்படுவதாக அறிவிக்கப்பட்டுள்ளது.இதற்காக மேற்கு வங்க மாநிலத்தைப் புறக்கணித்துவிட முடியாது. மற்ற அமைச்சர்கள் தங்கள் மாநிலங்களுக்கு எந்த வகையில் முக்கியத்துவம் அளிக்கிறார்களோ அதேபோலத்தான் தானும் செயல்படுவதாக அவர் கூறினார்.மேற்கு வங்க மாநிலம் வளர்ச்சிப் பணிகளிலிருந்து முற்றிலும் புறக்கணிக்கப்பட வேண்டும் என்று விரும்புகிறீர்களா? என்று அவர் கேள்வியெழுப்பினார்.கொல்கத்தா மெட்ரோ ரயில் இணைப்பு விரிவாக்கம், துறைமுக இணைப்புக்கு விரிவாக்கம், ரவீந்திரநாத் தாகூரின் 150வது பிறந்த நாளை ஒட்டி சம்ஸ்கிருத எக்ஸ்பிரஸ் ரயில் அறிமுகம், பாரத தீர்த்த யாத்திரை ரயில் சேவை உள்ளிட்டவை மேற்கு வங்க மாநிலத்துக்காக அறிவிக்கப்பட்ட சிறப்புத் திட்டங்களாகும்.

கருத்துக்கள்

இரவீந்திர நாத தாகூர் அவர்களின் 150 ஆவது பிறந்த நாளை முன்னிட்டு வங்கமொழியின் பெயரால் தொடர்வண்டி இயக்கவது அல்லது அவரது நூலான கீதாஞ்சலியின் பெயரால் இயக்குவது என்பது பொருத்தமாக இருக்கும். சமற்கிருதத்தின் பெயரால் இயக்குவதை நிறுத்த வேண்டும். அன்புடன் இலக்குவனார் திருவள்ளுவன்

By Ilakkuvanar Thiruvalluvan
2/25/2010 3:10:00 AM

உங்கள் கருத்தைப் பதிவு செய்யுங்கள் *

அவமதிக்கப்படும் தமிழ்த்தாய் வாழ்த்து, தேசிய கீதம்..

சி.வ.சு. ஜெகஜோதி

First Published : 23 Jan 2010 01:07:00 AM IST

Last Updated :

நாம் எந்த ஒரு விழாவில் கலந்து கொண்டாலும் முதலில் தமிழ்த்தாய் வாழ்த்தும் முடிவில் தேசிய கீதமும் இசைக்கப்படுகிறது. தமிழில் எத்தனையோ நல்ல பாடல்கள் இருந்தும் மனோன்மணியம் பெ.சுந்தரம் பிள்ளை எழுதிய பாடலை மட்டும் ஏன் தமிழ்த்தாய் வாழ்த்தாக முதலில் பாடுகிறார்கள். நோபல் பரிசு பெற்ற மகாகவி ரவீந்திரநாத் தாகூர் எழுதிய வங்க மொழிப்பாடலை ஏன் தேசிய கீதமாகப் பாடுகிறார்கள். தமிழ்த்தாய் வாழ்த்துப் பாடலை எழுதியவர் மனோன்மணியம் பெ.சுந்தரம் பிள்ளை. இவர் தமிழின் பெருமைகள் அனைத்தையும் மொத்தம் 15 பாடல்கள் மூலம் வெளிப்படுத்தியுள்ளார். இப் பாடல்களில் முதல் பாட்டினை மட்டும் எடுத்துக் கொண்டு 2-வது பாடலின் கடைசி வரியையும் சேர்த்து தமிழ்த்தாய் வாழ்த்தாக இந்தப் பாடல் அனைத்து அரசு விழாக்களிலும் ஒலிபரப்பாகிறது.மொத்தமுள்ள 15 பாடல்களையும் பாடினால் நீண்ட நேரமாகிவிடும் என்பதால்,சுருக்கமாகப் பாடிட வேண்டும் என்பதற்காக சுருக்கப்பட்டு பாடப்பட்டு வருகிறது.முதல் பாடலின் முதல் வரி நீராருங் கடலுடுத்த என்று துவங்குகிறது. 2-வது பாடலின் கடைசி வரியான உன் சீரிளமைத் திறம் வியந்து செயல்மறந்து வாழ்த்துமே வாழ்த்துதுமே வாழ்த்துதுமே என்ற வரியை முதல் பாடல் பாடி முடிக்கும் போது கடைசியாகச் சேர்த்துப் பாடப்படுகிறது. தமிழின் பெருமைகளை, உயர்வுகளைச் சொல்கிறது இப் பாடல். இறைவனுக்கு அடுத்து தமிழே தெய்வம் என்று இப் பாடல் சொன்னதால்தான், இதுவே தமிழ்த்தாய் வாழ்த்தாகப் பாடப்பட்டு வருகிறது.தமிழின் பெருமைகளை அனைவரும் அறிந்து, மதித்துப் போற்ற வேண்டும் என்பதற்காகவே விழாக்களின் துவக்கத்தில் இப் பாடலை ஒலிபரப்புகிறார்கள்.நோபல் பரிசு பெற்ற வங்க மொழிக் கவிஞர் ரவீந்திரநாத் தாகூரால் இயற்றப்பட்ட பாடலே இன்று அரசு விழாக்களின் நிறைவில் பாடும் தேசீய கீதமான ஜன கண மன என்று துவங்கும் பாடல். இந்தியத் தாயே மக்களின் இன்ப துன்பங்களைக் கணிக்கின்ற நீயே எல்லோருடைய மனத்திலும் ஆட்சி செய்கிறாய் என்பது முதல் வரிக்கான பொருளாகும். பாடலின் முடிவில் இந்தியாவின் இன்ப துன்பங்களைக் கணிக்கின்ற தாயே உனக்கு வெற்றி வெற்றி வெற்றி என்று முடிகிறது. இந்தியாவில் உள்ள அனைத்து மொழி பேசும் மாநில மக்களையும் ஒன்றிணைத்து இந்திய தேசத்தின் ஒருமைப்பாட்டை வலியுறுத்தியதால் தான், இந்தப் பாடலை தேசிய கீதமாகத் தேர்வு செய்து அறிவித்தது அரசு.தமிழ்த்தாய் வாழ்த்து பாடும்போது அனைவரும் எழுந்து நின்று தாய்க்கு வணக்கம் செலுத்துவதைப் போல, சிரத்தைத் தாழ்த்தி வைத்துக் கொண்டு பாட வேண்டும். அதேபோல, பெருமைக்குரிய நம் தேசத்தின் சிறப்புகளைச் சொல்லும் தேசிய கீதத்தைப் பாடும் போது கூனாமல், குனியாமல், ஆடாமல், அசையாமல் நேராக நின்று தலையை நிமிர்த்தி கம்பீரமாக பாட வேண்டும்.இன்று எத்தனையோ விழாக்களில் தமிழ்த்தாய் வாழ்த்தும், தேசிய கீதமும் பல வகைகளில் அவமதிக்கப்பட்டு வருகின்றன.எந்த விழாவாக இருந்தாலும், மதிப்புமிக்க இரு பாடல்களும் அங்கு கூடியிருக்கும் மக்களால் பாடப்படுவதில்லை, குறுந்தகடுகள்தான் பாடுகின்றன. பாடிக் கொண்டிருக்கும் போதே குறுந்தகடு சிக்கிக் கொண்டு பாடல் வரிகள் தடுமாறுவதும், வார்த்தைகள் தடுமாறுவதும் சகஜமாகவே நடக்கின்றன. மிகப் பழமையான குறுந்தகடுகளையே தொடர்ந்துபயன்படுத்துவதால், வார்த்தை தடுமாற்றங்கள் தொடர்கின்றன. சில விழாக்களில் முதலில் உள்ள இரு வரிகளை விட்டுவிட்டு அடுத்த வரியிலிருந்து பாடல் ஒலிபரப்பாகிறது.இன்னும் சில விழாக்களிலோ பாடலின் கடைசி வரி முடிவதற்குள் குறுந்தகடு முன்பாகவே முடிந்து விடுகிறது. எத்தனையோ விழாக்களில் குறுந்தகடு ஒலிபரப்பாகிக் கொண்டிருக்கும்போதே மின் தடை ஏற்படுகிறது. ஒலி பெருக்கி வைத்திருப்பவரிடம் சம்பந்தப்பட்ட குறுந்தகடு இல்லை என்பதற்காகவே சில நிகழ்ச்சிகள் தமிழ்த்தாய் வாழ்த்தும், தேசிய கீதமும் இல்லாமலேயே கூட முடிந்து விடுகின்றன. ஒலிபெருக்கிக்காரரும் முக்கியப் பிரமுகர்கள் வருவதற்கு முன்பாகவே பாடலை சரியாகத் தேர்வு செய்து வைக்க வேண்டும் என்பதற்காக அடிக்கடி போட்டுப் பார்த்து பாடல்களை கொஞ்சம், கொஞ்சமாகக் கொன்று பிறகு மீண்டும் உயிர்ப்பிக்கிறார்.பறவைகளும், விலங்குகளும் பாட நினைத்தால் பாட முடியாது. அவற்றுக்கெல்லாம் இல்லாத அற்புத சக்தி மனிதனிடம் இருக்கிறது. அதுதான் பாடும் சக்தி, பேசும் சக்தி. இந்த அற்புத சக்தி மனிதர்களிடம் இருந்தும் ஏன் பாடுவதில்லை? குறுந்தகடுகளை நம்பித்தான் இருக்க வேண்டுமா? சின்னஞ்சிறு வயது திருஞானசம்பந்தரை வயது முதிர்ந்த திருநாவுக்கரசர் பல்லக்கில் வைத்து தூக்கிச் சென்றது பாடலுக்காகத்தான். சகோதரர்களே, சகோதரிகளே என்று தொடங்கியதால் தானே சுவாமி விவேகானந்தரின் வாக்கை இந்த உலகம் மதித்து உயர்த்தியது அவர் வாய் திறந்து பேசியதால் தானே. எனவே பாடுவதும், பேசுவதும் இறைவன் மனிதனுக்கு அளித்துள்ள மகத்தான சக்திகள். இதனைப் பயன்படுத்தாமல் போவதால் எந்தப் பலனுமில்லை.தமிழ்த்தாய் வாழ்த்தும்,தேசிய கீதமும் நம் நாட்டின் மதிப்பு மிக்க சொத்துகள். அவை நம்மால் பாடப்படும் போதும் தொடர்ந்து பேசப்படும் போதும் தேசப்பற்றும், மொழிப்பற்றும் வாழு ம். பாடல்களை மனப்பாடமாகப் பாட வேண்டும்.

கருத்துக்கள்

சனகனமன பாடல் இந்தியாவை வாழ்த்தும் பாடல் அலல. இந்தியாவிற்கு வந்த ஆங்கிலேய அரசரை வாழ்ததி வரவேற்ற பாடல். அரசமைப்பு அளவில் இந்தியா விடுதலை பெற்றாலும் தொடர்ந்து ஆங்கிலேயரின அடிமையாகவே இருக்கிறோம் என்பதை இதன் மூலம் நாம் உணர்த்துகிறோம். எனவே வங்கக்கவிஞரின் இப்பாடல் பாடப்பட்ட சூழலை உணர்ந்து வேறொரு நாட்டுப்பண்ணை இந்திய அரசு அறிமுகப்படுதத வேண்டும. ஒரே மெட்டில் அவரவர் தாய்மொழியில் பாடும் வண்ணம் நாட்டுப்பாடல் இருக்க வேண்டும். அன்புடன் இலக்குவனார் திருவள்ளுவன்

By Ilakkuvanar Thiruvalluvan
1/23/2010 2:57:00 AM

உங்கள் கருத்தைப் பதிவு செய்யுங்கள் *