murugan temple லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
murugan temple லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், 22 நவம்பர், 2010

முருகன் கோயில், இலண்டன்

தமிழ்ப்பெருங்குடி மக்களே! தமிழ் இறைநெறிப் பாடல்களைப்பாடித் தமிழில் வழிபாடு செய்பவர்களையே கோயில்களில் பூசாரிகளாக அமர்த்துங்கள். பிறரை அமர்த்தாதீர்கள். அன்புடன் இலக்குவனார் திருவள்ளுவன்

ஞாயிறு, 29 ஆகஸ்ட், 2010

குப்பைகளால் துர்நாற்றம் வீசும் கோயில் குளம்


கோயில் குளத்தில் கொட்டப்பட்டுள்ள குப்பைகள்.
ஸ்ரீபெரும்புதூர், ஆக. 28: பிளாஸ்டிக் கவர்கள் குப்பைகளால் துர்நாற்றம் வீசும் வல்லக்கோட்டை முருகன் கோயில் குளத்தை சீரமைக்க பக்தர்கள் கோரிக்கை வைத்துள்ளனர்.ஸ்ரீபெரும்புதூர் அடுத்த வல்லக்கோட்டை பகுதியில் புகழ்மிக்க சுப்பிரமணிய சுவாமி திருக்கோயில் உள்ளது. கோயிலின் அருகே திருக்குளம் அமைந்துள்ளது. இத்திருக்குளத்தில் கோயிலுக்கு வரும் பக்தர்களும், மொட்டை அடிக்கும் பக்தர்களும் குளித்து விட்டு சாமியை தரிசனம் செய்வது வழக்கம்.இக்கோயில் குளம் தற்போது கோயிலின் அருகில் இருக்கும் கடைகளில் இருந்து வீசப்படும் பிளாஸ்டிக் கவர்கள் மற்றும் குப்பைகளாலும் அருகில் உள்ள குடியிருப்புகளைச் சேர்ந்தவர்கள்  துணி துவைப்பதாலும், குளத்தில் படிந்துள்ள பாசியாலும் தற்போது அசுத்தமடைந்து துர்நாற்றம் வீசுகிறது. இதனால் கோயிலுக்கு வரும் பக்தர்கள் குளத்தில் நீராட முடியாத சூழ்நிலை உள்ளது.இதைத் தவிர்க்க கோயில் குளத்தில் படர்ந்துள்ள பாசிகள் மற்றும் குப்பைகளை அகற்ற வேண்டும் எனவும் துணி துவைப்பதற்கு தடை விதிக்க கோயில் நிர்வாகம் முன்வர வேண்டும்  எனவும் பக்தர்கள் கோரிக்கை விடுத்துள்ளனர்.
கருத்துக்கள்

தமிழ் வளர்ச்சியில் நாட்டம் கொண்ட தினமணி திருப்பெரும்புதூர் எனக் குறிக்கலாமே. திருமுருகன் திருக்கோயில் எனக் குறிப்பிடலாமே! 
அன்புடன் இலக்குவனார் திருவள்ளுவன்
By Ilakkuvanar Thiruvalluvan
8/29/2010 3:36:00 AM
உங்கள் கருத்தைப் பதிவு செய்யுங்கள் *

வியாழன், 15 ஏப்ரல், 2010

கவுகாத்தி:அசாம் மாநிலத்தில், ஒரு குறிப்பிட்ட வழிபாட்டில் பெண்களுக்கு விதிக்கப் பட்டிருந்த தடையை மீறி, அவர்களை அந்த வழிபாட்டில் கலந்து கொள்ள அசாம் கவர்னர் வழிகாட்டியுள்ளார்.அசாம் மாநிலத்தில் கி.பி.,15ம் நூற்றாண்டில், சங்கரதேவர் என்பவரால் உருவாக்கப்பட்ட வைஷ்ணவ சம்பிரதாயத்தில், அதன் வழிபாட்டிடத்தில் பெண்களுக்கு பல நூற்றாண்டுகளாக அனுமதி மறுக்கப்பட்டு வந்தது. அதன் வழி பாட்டிடத்தில் பெண்கள் நுழைவதில்லை.

சமஸ்கிருத மொழியில் வல்லுனரான, அசாம் கவர்னர் ஜே.பி.பட்நாயக், மாநிலத்திலுள்ள பல 'சாத்ரா' என்ற வழிபாட்டு அரங்கில் வழிபட்டுள்ளார். அவர் கடந்த 4ம் தேதி, பார்பேட்டா என்ற இடத்திலுள்ள சாத்ராவுக்குச் சென்றபோது, அந்த இடத்துக்கு வெளிப்புறத்தில் பெண்கள் கூட்டமாக நின்று கொண்டிருப்பதைக் கண்டார்.பின்னர் அதற்கான காரணத்தைத் தெரிந்து கொண்ட அவர், சாத்ராவின் உயர்மட்ட அதிகாரியைச் சந்தித்து, வைஷ்ணவ சம்பிரதாயத்தை நிறுவிய சங்கரதேவரோ அவரது சீடர் மாதவதேவரோ, இவ்விதம் வழிபாட்டு அரங்கில் பெண்களுக்கு அனுமதி மறுக்கப்படுவதை குறிப்பிட வில்லை என்று தக்க சான்றுகளுடன் எடுத்துக் காட்டினார்.

சாத்ரா அதிகாரியும் அதை ஏற்றுக் கொண்டார். ஆனால், கடந்த சில ஆண்டுகளுக்கு முன் அனுமதி வழங்கப் பட்டப்போதும் கூட, பெண்களே இந்த வழிபாட்டு அறையில் நுழையாமல் இருந்தனர் என்று கூறினார். பின்பு கவர்னருடன் 20 பெண்கள் உள்ளே சென்று வழிபட்டனர்.மறுநாள், ஐந்து பெண்கள் உள்ளே சென்று வழிபட்டனர். அதில் ஒருவர் 51 ஆயிரம் ரூபாயையும், அமெரிக்காவில் வசிக்கும் மற்றொரு பெண் நாலாயிரத்து 800 ரூபாயையும் காணிக்கையாக அளித்தனர்.

அசாமின் பிரபல இலக்கியவாதியும், ஞானபீட விருது பெற்றவருமான மமோனி ரைசன் கோஸ்வாமி, கவர்னரைச் சந்தித்து வரலாற்றுச் சாதனை புரிந்ததற்கு வாழ்த்து தெரிவித்தார்


நகல் எடுக்க | எழுத்தின் அளவு: Decrease font Enlarge font |
வாசகர் கருத்து
ஹலோ mr திருவள்ளுவன்,என்ன சொல்றிங்க மாதவா அண்ட் சங்கரா இந்த ரெண்டு பெரும் தமிழ் பேர் இல்லையே! 2000 வருஷத்திற்கு முன்ன திருக்குறள் ' ஆதி பகவன் முதற்றே உலகு ' என கூறுகிறது ! தமிழ் என் தாய்மொழி, ஹிந்து என் மதம்! தெரிந்துகொள்! இந்தியன் என்று சொல்வோம் ! ஜெய் ஹிந்த்!
by ka விஜயகுமார்,singapore,India 15-04-2010 09:40:15 IST
சங்கரத் தேவர் , மாதவத் தேவர் என்னும் பெயர்கள் 15 ஆம் நூற்றாண்டு வரையிலும் தமிழர்கள் அசாமில் செல்வாக்குடன் வாழ்ந்தமையைக் காட்டுகின்றது. இந்தியக் கண்டம் முழுவதும் பரவியிருந்த தமிழ் மொழியும தமிழ் இனமும் அழிவைச சந்தித்ததன் காரணம் பிற மொழிச் சொற்களைக்கலந்து மொழிக் கொலை புரிந்து புதிய மொழிகள் உருவாக வழி வகுத்ததே! இனியேனும் மொழிக் கொலையைத் தடுப்போம்! நம மொழி காப்போம்! நம் இனம் காப்போம்!
by I. Thiruvalluvan,chennai,India 15-04-2010 03:10:32 IS
++++++++++++++++++++++++++++++++++++++++++++++++++++++++++++++++++++++++++++

மா தவம் ( பெருந்தவம்) செய்தவன் மாதவன்; சங்கு அறுக்கும் தொழில் புரிபவன் சங்கரன். எனவே, இவை நல்ல தமிழ்ச் சொற்களே.தேவர் என்பதும் நல்ல தமிழ்ச் சொல். தேவர் அனையர் கயவர் என்கிறார் தெய்வப்புலவர் திருவள்ளுவரும். தேவர்கள் ஆட்சிப் பொறுப்பில் இருந்தனர். எனவே, சமயத் தலைமைப் பொறுப்பில் தேவர்கள் இருந்ததில் வியப்பில்லை. இந்தியா என்பது ஆங்கிலேயர் வந்த பின் அமைந்த அரசியலமைப்பு. நாம் மொழியாலும் இனத்தாலும் நாட்டாலும் தமிழர்களே. ஆனால், அரசமைப்பால் இந்தியர்கள். இன்றைய சூழலில் இந்த அரசமைப்பு சிதைவு படக் கூடாது என்பது உண்மைதான். அதே நேரம் நாம் தமிழர்கள் என்பதும் வரலாறு சொல்லும் உண்மை.எனவே, நண்பரே உண்மையைப் புரிந்து கொள்க. அன்புடன் இலக்குவனார் திருவள்ளுவன்


செவ்வாய், 11 ஆகஸ்ட், 2009

புத்த விகாரமாகிறது கதிர்காமம் முருகன் கோயில்?



நமது நிருபர் சென்னை, ஆக. 10: இலங்கையில் உள்ள புகழ்பெற்ற கதிர்காமம் முருகன் கோயிலை புத்த பிக்குகள் தங்களின் முழுமையான கட்டுப்பாட்டுக்குள் கொண்டு வந்துள்ளனர் என்று தகவல் அறிந்த வட்டாரங்கள் தெரிவிக்கின்றன. இக்கோயிலின் அருகே சிறிய புத்தர் கோயிலையும் கட்டியுள்ளனர். இது இலங்கையில் வசிக்கும் தமிழர்களை மிகவும் வேதனை அடைய வைத்துள்ளது. இலங்கையின் தெற்குப் பகுதியில் உள்ள கதிர்காமத்தில் உள்ள முருகன் கோயில் மிகவும் புகழ் பெற்றது. இலங்கைத் தமிழர்கள் மட்டுமல்லாது பல்வேறு நாடுகளில் உள்ள தமிழர்களும் இங்கு வந்து வழிபடுவது வழக்கம். சில ஆண்டுகளுக்கு முன்பு இந்தக் கோயிலின் நிர்வாகப் பொறுப்பை பித்த பிக்குகள் கைகளுக்கு இலங்கை அரசு மாற்றியது. இப்போது பூஜை செய்யும் உரிமையும் தமிழர்களிடம் இருந்து பறிக்கப்பட்டு புத்த பிட்சுகளே பூஜை செய்கின்றனர். வழக்கமான முறைப்படி பூஜை செய்யாமல் வெறும் ஊதுபத்தியை மட்டுமே புத்த பிக்குகள் பயன்படுத்துகின்றனர். அதுமட்டுமல்லாது கதிர்காமம் முருகன் கோயிலுக்கு அருகிலேயே சிறிய புத்தர் கோயிலையும் அமைத்து அங்கு சில புத்த பிக்குகள் நிரந்தரமாகத் தங்க ஆரம்பித்துள்ளனர் என்கிறார் முருகன் கோயில் அருகே உள்ள தெய்வானை அம்மன் கோயிலை நிர்வகித்து வரும் சுவாமி விஞ்ஞானனந்தா. காசியைச் சேர்ந்த இவர் பல ஆண்டுகளாக இந்தக் கோயிலை நிர்வகித்து வருகிறார். தெய்வானை கோயிலையும் கைப்பற்ற புத்த பிக்குகள் முயற்சித்து வருகின்றனர். இது தொடர்பான வழக்கு இலங்கை நீதிமன்றத்தில் நடந்து வருகிறது. கதிர்காமம் முருகன் கோயில் புத்த பிக்குகளின் பிடியில் சிக்கியிருப்பது இலங்கைத் தமிழர்களை கவலை அடைய வைத்துள்ளது. இதுதவிர இலங்கையின் தேயிலைத் தோட்டங்களில் உள்ள கோயில்களும் புத்த ஆலயங்களாக மாற்றப்பட்டு வருகின்றன என்றும் தெரிய வருகிறது. 15 நாள்கள் இலங்கையின் பல்வேறு பகுதிகளில் சுற்றுப்பயணம் செய்துவிட்டு திங்கள்கிழமை சென்னை திரும்பியவர் இந்தத் தகவல்களை உறுதிப்படுத்தினார்.
கருத்துக்கள்

½) இன் தொடர்ச்சி மக்களுக்கு நம்பிக்கை புகலிடமான கோயில்களில் கை வைக்கும் பொழுது கூட இங்குள்ள இந்து சமயத் தலைவர்கள் உலக எதிர்ப்பைத் திரட்டா விடடால் சமயத் தலைவர்கள் என்று ஏன் உலா வர வேண்டும் என்று தெரியவில்லை? சப்பானிய புத்த ஆலயங்களில கூட முருகன் உருவச் சிலைகள் இருக்கும் பொழுது போலிப் புத்தர்கள் திருமுருகன் திருக்கோயிலைப் புத்த ஆலயமாக மாற்றுவது முறையல்ல. அயோத்திக்கு ஆர்ப்பரிக்கும் சமயத்தலைவர்களும் அமைப்பினரும் தொன்மை வரலாற்றுச் சிறப்பு மிக்க கதிர்காமர் கோயில் முதலான தமிழ்த் தெய்வ உறைவிடங்கள் கைப்பற்றப்படுவது குறித்துக் கவலைப்பட மாட்டார்கள். உண்மையான இறைப் பற்றாளரகளும் இனப் பற்றாளர்களும் உலகத்தின் கவனத்தை ஈர்த்து இவ்வழிவுகளை நிறுத்த முயல வேண்டும்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
8/11/2009 3:50:00 AM


By Ilakkuvanar Thiruvalluvan
8/11/2009 3:50:00 AM

1/2) வழிபடும் இடமாக மட்டும் அல்லாமல் மக்களுக்கு அடைக்கலம் தரும் இல்லமாகவும் திகழ்ந்த புகழ் மிகுந்த கதிர்காமர் கோயில் பற்றிய செய்தி மட்டும் இப்பொழுது கவனத்திற்கு வருகிறது. முல்லைத் தீவை நாசப்படுத்திக் கைப்பற்றியவுடன் சிங்களப் பாதுகாப்பு அமைச்சர் இங்குள்ள நீர் நிலைகள் முழுமையும் புத்த தடாகைகள் ; கோயில்கள் அனைத்தும் 'புத்த விகாரங்கள்'. இது குறி்த்து வரலாற்றுச் செய்திகளை வெளியிடுவோம் எனப் பொய்க் கதைகளை அவிழ்த்து விட்டார். தமிழர் பகுதிகள் அனைத்திலும் சிங்களப் பெயர்ப்பலகைகள் மட்டும் அணி செய்து வரும் புதிய மாற்றங்கள் குறித்தும் படச் செய்திகள் வந்தன. வன்முறையி னால் இனப் படுகொலை செய்தது போதாது என்று வதை முகாம்களில் உள்ளவர்களை விசாரணைக்கு அழைத்துச் சென்று கொல்வதும் நடைபெறுவதாகச் சிங்களச் செய்திகளே தெரிவிக்கின்றன. குடும்பக் கட்டுப்பாடு முகாம்கள் என்ற போர்வையில் கட்டாய இன அழிப்பு நடவடிக்கையிலும் சிங்கள அரசு ஈடுபட்டு வருகிறது. இவ்வாறான பண்பாட்டு மொழி அழிப்பு குறித்தும் இன அழிப்பு குறித்தும் இந்தியா கண்டிக்காததன் காரணம் சிங்கள அழிப்புப் பணிகளுக்கு வித்தாயும் விழுதாயும் காங். அரசும் இன அழிப்பு அதிகாரிகளும் நடந்து கொள்வதுதான்.

-இலக்குவனார் திருவள்ளுவன். தொடர்ச்சி 2/2) காண்க

By Ilakkuvanar Thiruvalluvan
8/11/2009 3:49:00 AM

This all done by Italy madam who is not a Hindu person,she doesn't know the Hindu philosophy and the sin if any one do wrong thing in his or her human life. It is bad consequences for the entire Tamil and Hindy community. If Sri Murugan has a power , HE can change any things in order. Till Sri Murugan come we all Tamil look up the sky and wait for the Hindu temples back to in Hundus lands instead of Buddist Temple.

By Nadarajan
8/11/2009 2:59:00 AM

Normal circumstances the mighty Hidustan would have defended their religion. Under Italian Catholic, Bar maid´s Rule. Hindus are distroyed. I don´t understand how come the Interlectuals India are permitting this. I can understand poor massses selling their votes for money. Karunanithy prostituting for Ministrial for his family. Chithambaram for his political gains. How about the others who are patriotic to India. Why don´t you topple this corrupt Government before China gains full control of Indian Ocean call it Chinese Ocean. Wake up Indian Interlectuals.

By Ram Chetty
8/11/2009 1:45:00 AM