local body election லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
local body election லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

ஞாயிறு, 25 செப்டம்பர், 2011

Local body elections - pending tax paid: உள்ளாட்சி த் தேர்தலில் வரி நிலுவை செலுததப்படுகிது.

உள்ளாட்சி தேர்தலில் அரசியல் கட்சிகள் தனித்து போட்டியால் நகராட்சி, பேரூராட்சி, ஊராட்சிகளுக்கு பெருகும் வருவாய் `வரி பாக்கி தீவிரமாக வசூல் ஆகிறது

பதிவு செய்த நாள் : 24/09/2011



தமிழக உள்ளாட்சி தேர்தலில் அரசியல் கட்சிகள் இடையே கூட்டணி ஏற்படாமல் தனித்து போட்டியிடுவது அ.தி.மு.க., தி.மு.க. தவிர, மற்ற கட்சியினரிடையே கலக்கத்தை ஏற்படுத்தினாலும், தமிழக உள்ளாட்சி அமைப்புகளுக்கு வரி பாக்கியை வசூல் செய்ய நல்ல தருணம் என்பதால் அரசுக்கு வர வேண்டிய வரி பாக்கிகள் பெரும்பாலும் வசூல் ஆகும் நிலை உள்ளது.
தனித்து போட்டி
தமிழக உள்ளாட்சி தேர்தல் அடுத்த மாதம் 17 மற்றும் 19-ந் தேதிகளில் நடைபெறவுள்ளது. இதில் போட்டியிட அ.தி.மு.க. மற்றும் தி.மு.க. கூட்டணி கட்சியினர் கடந்த சில மாதங்களாக கடும் போட்டியில் இறங்கியிருந்தார்கள்.
அ.தி.மு.க., தி.மு.க., காங்கிரஸ், பா.ம.க., ம.தி.மு.க., விடுதலைசிறுததைகள், கம்யுனிஸ்டு கட்சியினர் என முக்கிய கட்சிகள் எல்லாம் தேர்தலில் தனித்து போட்டியிடுகின்றன. இது, அரசுக்கு நல்ல வருவாயை ஏற்படுத்தி தந்துள்ளது. பொதுவாகவே அரசுக்கு செலுத்தவேண்டிய சொத்து வரி, தொழில் வரி, குடிநீர் கட்டணம் உள்பட அனைத்தையும் செலுத்துவதில் அரசியல்வாதிகள் அக்கறை காட்டுவது இல்லை.
அரசுக்கு வருவாய்
ஆனால், தேர்தலில் போட்டியிட வேண்டுமானால் உள்ளாட்சி அமைப்புகளுக்கு கட்டவேண்டிய வரி பாக்கியை கட்டியே தீரவேண்டும் என்ற சூழ்நிலையில், வேறு வழிஇல்லாமல் இப்போது வரி பாக்கியை செலுத்தி வருகிறார்கள்.
சென்னை புறநகர் பகுதியில் மட்டும் சுமார் ரூ.3 கோடி வரை இதுபோல வரி பாக்கி வசூல் ஆகும் என அதிகாரிகள் தெரிவித்தனர். தமிழகம் முழுவதும் பல கோடி ரூபாய் வசூல் ஆகும் நிலை உள்ளது.
உள்ளாட்சி அமைப்புகளில் தலைவர்கள், கவுன்சிலர்கள் பதவி வகித்தவர்கள் கூட, தங்கள் வீட்டு வரி பாக்கியை கட்டாமல் இருந்துள்ளனர். புறநகர் நகராட்சியில் பாதாளசாக்கடை திட்டம் நடைபெறும் பகுதியில் நகராட்சி தலைவராக இருந்தவரே, பாதாளசாக்கடை கட்டணம் கட்டாமல் இருந்துள்ளார். தேர்தலில் போட்டியிட நகராட்சி அதிகாரிகளிடம் தடையில்லா சான்று பெற இந்த வரிகளை கட்டியே ஆக வேண்டும் என அதிகாரிகள் தெரிவித்ததால், பல அரசியல்வாதிகள் `என்ன கொடுமை சார்? நம்ம கூட வரி கட்டவேண்டியுள்ளது, என மனம் நொந்தபடி வரி பாக்கியை செலுத்தி வருகின்றனர்’.
போட்டி அதிகமாக உள்ளதால் எந்த கட்சி வேட்பாளராவது தேர்தல் நடத்தைகளில் தவறு செய்கிறார்களா? என அதிகாரிகளைவிட போட்டி வேட்பாளர்கள் தீவிரமாக கண்காணித்து வருகிறார்கள். வேட்பாளர்கள் சொத்து கணக்குகளை சரியாக காட்டுகிறார்களா? என்பதை கண்காணிப்பதில் பலர் ஈடுபட்டுள்ளனர்.
இதனால் முக்கிய கட்சி வேட்பாளர்கள் கூட சொத்து கணக்குகளை எப்படி காண்பிப்பது, அனைத்து சொத்துகளையும் காண்பித்தால் வருமானவரி சோதனைக்கு ஆளாகுவோமா? என்றெல்லாம் சிந்தித்து வருகிறார்கள்.

வியாழன், 8 செப்டம்பர், 2011

எங்களிடம் காசுமில்லை; நெஞ்சில் மாசுமில்லை:வைகோ



தூத்துக்குடி:""உள்ளாட்சித் தேர்தலில் ம.தி.மு.க., தனித்து போட்டியிடும். எங்களிடம் காசுமில்லை; நெஞ்சில் மாசுமில்லை,'' என, அக்கட்சி பொதுச் செயலர் வைகோ தெரிவித்தார்.

தூத்துக்குடி மாவட்டம் சாத்தான்குளம் அருகேயுள்ள பனைக்குளத்தில், கட்சி நிர்வாகி இல்ல திறப்பு விழாவில் கலந்து கொண்ட வைகோ கூறியதாவது: நெல்லையில் ம.தி.மு.க., சார்பில், அண்ணாதுரையின் 103வது பிறந்த நாள் விழா மாநாடு, செப்.,15ம் தேதி நடக்கிறது. இதில், முக்கிய முடிவுகள் எடுக்கப்பட்டு, தீர்மானங்கள் நிறைவேற்றப்படும். நெல்லை மாவட்டம் கூடங்குளம் அணுமின் நிலையத்திற்கு எதிராக, பார்லியில் முதல் குரல்கொடுத்தது நான் தான்.உலகில் ஜப்பான், ஜெர்மன் உள்ளிட்ட பல்வேறு நாடுகளில் அணு உலைகளை மூட நடவடிக்கை எடுக்கப்பட்டு வருகிறது. கூடங்குளம் அணுமின் நிலையத்திற்கு எதிராக பொதுமக்கள், மீனவர்கள் போராடி வருகின்றனர். அவர்களுக்கு ம.தி.மு.க., ஆதரவு தெரிவிக்கிறது. இந்த அணுமின் நிலையத்தில் சிறு அளவு ஆபத்து ஏற்பட்டாலும், மீனவர்களின் வாழ்வாதாரம் கடுமையாக பாதிக்கப்படும்.

உள்ளாட்சித் தேர்தலில் ம.தி.மு.க., தனித்து போட்டியிடும். எங்களிடம் காசுமில்லை; நெஞ்சில் மாசுமில்லை. எனவே, உள்ளாட்சியில் ஊழலற்ற நேர்மையான நிர்வாகத்தை தர, எங்கள் கட்சியினரை மக்கள் தேர்ந்தெடுக்க வேண்டும். திருச்சி மேற்குத் தொகுதி இடைத்தேர்தல் போட்டி குறித்து இன்னும் முடிவு செய்யவில்லை. டில்லி ஐகோர்ட் வளாகத்தில் வெடிகுண்டு வைக்கப்பட்டு பலர் பலியாகியுள்ள சம்பவம் கண்டிக்கத்தக்கது. இந்தியாவில் மரண தண்டனை முற்றிலும் ஒழிக்கப்பட வேண்டுமென்பதே, எங்களது கட்சியின் நிலைப்பாடு.இவ்வாறு வைகோ கூறினார்.

வியாழன், 28 ஜூலை, 2011

Chandrika Kumaratunga berates Sri Lankan government

Chandrika Kumaratunga (right) with Mahinda Rajapaksa in 2005 Mrs Kumaratunga argues that her successor Mahinda Rajapaksa (left) is leading a divided nation

Chandrika Kumaratunga berates Sri Lankan government

Former Sri Lankan President Chandrika Kumaratunga has condemned the current government, saying it has failed to win peace in the country after the war.
She alleged that members of ethnic minorities are leaving the country in response to its policies.
Giving a lecture in Colombo, she said her children had reacted with anguish to a controversial TV documentary on alleged war-time atrocities.
Mrs Kumaratunga ended her second term as president six years ago.
She has always been critical of her successor, Mahinda Rajapaksa, but these remarks are perhaps her strongest yet.
Mrs Kumaratunga said the government was not committed to sharing power with ethnic minorities and warned that if it continued its "winner-takes-all" policy, large numbers of minority people would continue to leave the country - referring to Tamils, and to Burghers or people of mixed descent.
She said Sri Lanka was now a "terribly divided nation" and that the state was against everyone who opposed it, whatever their ethnic group.
And she said both her adult children, who lived abroad, had telephoned her, one of them sobbing, when the British station Channel 4 broadcast a documentary purporting to show war crimes by both sides in the war.
After it her son said he was ashamed to call himself Sinhalese and Sri Lankan, she said.
The government says the documentary is a fake.
Mrs Kumaratunga's blame was not all directed at the current government.
She said that Sri Lankans should have the humility to admit they had "failed as a nation".
And she strongly criticised an act introduced by her own father as prime minister, which elevated the Sinhala language above others: she said it caused ethnic riots and contributed to the war by excluding minorities.
The former president's remarks came as local elections appeared to confirm the country's ethnic divisions, with a Tamil party victorious in the north and the president's party sweeping the board elsewhere.

புதன், 27 ஜூலை, 2011

ilangai local body results - verdict for thamizh eezham: vaiko and ramdoss: இலங்கை உள்ளாட்சித் தேர்தல் முடிவுகள்: தனித் தமிழ் ஈழத்துக்கான தீர்ப்பு: வைகோ,இராமதாசு கருத்து

இலங்கை உள்ளாட்சித் தேர்தல் முடிவுகள்:
தனித் தமிழ் ஈழத்துக்கான தீர்ப்பு: வைகோ, ராமதாஸ் கருத்து
First Published : 27 Jul 2011 01:28:10 AM IST

சென்னை, ஜூலை 26: இலங்கை உள்ளாட்சித் தேர்தலில் தமிழர் கட்சிகளுக்கு கிடைத்துள்ள வெற்றி, தனித் தமிழ் ஈழத்துக்கான தீர்ப்பாகும் என்று மதிமுக பொதுச்செயலாளர் வைகோ, பாமக நிறுவனர் டாக்டர் ராமதாஸ் ஆகியோர் கருத்து தெரிவித்துள்ளனர்.இது குறித்து திங்கள்கிழமை அவர்கள் வெளியிட்ட அறிக்கை:வைகோ: இலங்கையில் சுமார் 22 ஆண்டுகளுக்குப் பிறகு நடைபெற்ற உள்ளாட்சித் தேர்தலில் விடுதலைப் புலிகளின் ஆதரவு பெற்ற தமிழ் தேசியக் கூட்டமைப்பு பெரும் வெற்றி பெற்றுள்ளது.இலங்கைத் தமிழர் பிரச்னைக்கு தனித் தமிழ் ஈழமே தீர்வு என்று 1976-ல் வட்டுக்கோட்டையில் நடைபெற்ற மாநாட்டில் தந்தை செல்வா தீர்மானம் நிறைவேற்றினார். அதன் பிறகு 1977-ல் நடைபெற்ற நாடாளுமன்றத் தேர்தலில் 90 சதவீத தமிழர்கள் இந்தத் தீர்மானத்துக்கு ஆதரவாக வாக்களித்தனர். அதுபோல, இப்போது நடைபெற்ற உள்ளாட்சித் தேர்தலிலும் தமிழ் ஈழ ஆதரவாளர்களையே தமிழர்கள் தேர்ந்தெடுத்துள்ளனர். தனித் தமிழ் ஈழம் அமைவதற்கான முன்னோடி தேர்தல் முடிவாக இதனை எடுத்துக் கொள்ள வேண்டும்.மக்களிடம் வாக்குப் பதிவு நடத்தி அதன் அடிப்படையில் எரித்ரியா, கிழக்கு தைமூர், தெற்கு சூடான் நாடுகளை ஐ.நா. சபையும், உலக நாடுகளும் அமைத்துக் கொடுத்தன. அதுபோல உலக நாடுகளின் பார்வையாளர்கள் முன்னிலையில் தனி ஈழத்தை அமைப்பதற்காக ஈழ மக்களிடம் வாக்கெடுப்பு நடத்த வேண்டும் என்று வைகோ கேட்டுக் கொண்டுள்ளார்.டாக்டர் ராமதாஸ்: வன்முறை, பணபலம் ஆகியவற்றை மீறி இலங்கையில் நடைபெற்ற உள்ளாட்சித் தேர்தலில் தமிழ் தேசிய கூட்டமைப்பு அதிகமான இடங்களில் வெற்றி பெற்றுள்ளது. இதன் மூலம் ராஜபட்ச அரசு மீது தங்களுக்கு நம்பிக்கை இல்லை என்பதையும், தனித் தமிழ் ஈழமே தேவை என்பதையும் ஈழத் தமிழர்கள் உணர்த்தியுள்ளனர். தனித் தமிழ் ஈழத்துக்கான தீர்ப்பாக இந்த தேர்தல் முடிவுகள் அமைந்துள்ளன. சிங்களவர்கள் அதிகமாக வாழும் பகுதிகளில் அதிபர் ராஜபட்சவின் கட்சி வெற்றி பெற்றுள்ளது. இதன் மூலம் இலங்கையில் தமிழர்களும், சிங்களவர்களும் இணைந்து வாழ வாய்ப்பே இல்லை என்பது இன்னொருமுறை நிரூபிக்கப்பட்டுள்ளது.இந்தியா உள்ளிட்ட உலக நாடுகள் இதனை உணர்ந்து தமிழர்கள் வாழும் பகுதிகளைப் பிரித்து தனித் தமிழ் ஈழம் அமைக்க நடவடிக்கை எடுக்க வேண்டும். இதற்காக தமிழகத் தமிழர்கள் உள்பட உலகெங்கும் வாழும் தமிழர்களிடம் பொது வாக்கெடுப்பு நடத்த வேண்டும் என்று ராமதாஸ் வலியுறுத்தியுள்ளார்.

திங்கள், 25 ஜூலை, 2011

தமிழ் ஈழம் அமைவதற்கான முன்னோடி: தேர்தல் முடிவுகள் குறித்து வைகோ கருத்து

தமிழ் ஈழம் அமைவதற்கான முன்னோடி: தேர்தல் முடிவுகள் குறித்து வைகோ கருத்து

First Published : 25 Jul 2011 12:30:30 PM IST


கொழும்பு, ஜூலை.25: இலங்கையில் நடந்து முடிந்த உள்ளாட்சித் தேர்தல் முடிவுகள் தமிழ் ஈழம் அமைவதற்கான முன்னோடி என்று மதிமுக பொதுச்செயலர் வைகோ கருத்து தெரிவித்துள்ளார்.இதுகுறித்து அவர் வெளியிட்ட அறிக்கை: இலங்கையில் சுமார் 22 ஆண்டுகளுக்குப் பின்பு நடைபெற்ற உள்ளாட்சித் தேர்தலில், விடுதலைப்புலிகளின் ஆதரவு பெற்ற தமிழ்த் தேசியக் கூட்டமைப்பு, தமிழர்களின் தாயகம் வடக்கு-கிழக்கு மாநிலங்களில், பெருவாரியான இடங்களில் வெற்றி பெற்று உள்ளது. இந்தப் பகுதியில் உள்ள 26 மாகாண கவுன்சில்களில், 18 மாகாண கவுன்சில்களைக் கைப்பற்றி உள்ளது; 183 உறுப்பினர்கள் வெற்றி பெற்று உள்ளனர். வெற்றி பெற்றவர்களுக்கு, மதிமுக சார்பில் வாழ்த்துகளைத் தெரிவித்துக் கொள்கின்றேன்.இலங்கை நாடாளுமன்றத்துக்கு 2004 ஆம் ஆண்டு நடைபெற்ற தேர்தலில், விடுதலைப்புலிகளின் ஆதரவுடன் போட்டியிட்ட தமிழ்த் தேசியக் கூட்டமைப்பு 22 இடங்களில் வெற்றிபெற்றது.தனித்தமிழ் ஈழமே தீர்வு என்று, 1976 ஆம் ஆண்டு வட்டுக்கோட்டையில் தந்தை செல்வா நிறைவேற்றிய தீர்மானத்துக்குப் பின்னர், 1977 ஆம் ஆண்டு, இலங்கை நாடாளுமன்றத்துக்கு நடைபெற்ற தேர்தலில், வடக்கு கிழக்கு மாநிலங்களில், 90 விழுக்காடு தமிழர்கள் அந்தத் தீர்மானத்தை ஆதரித்து வாக்கு அளித்தனர். அதேபோலத்தான், இப்போது, உள்ளாட்சித் தேர்தல்களிலும், தமிழ் ஈழ ஆதரவாளர்களையே தேர்ந்து எடுத்து இருக்கின்றார்கள்.  இது தமிழ் ஈழம் அமைவதற்கான முன்னோடித் தேர்தல் முடிவுகள் என்றே கொள்ள வேண்டும்.எரித்ரியா, கிழக்குத் தைமூர், தெற்கு சூடான் ஆகிய பகுதிகளில், தனி நாடு அமைப்பதற்காக, அம்மக்களிடையே வாக்குப்பதிவு நடத்தி, புதிய நாடுகளை அமைத்துக் கொடுத்த ஐ.நா. மன்றமும், உலக நாடுகளும், அதேபோல தமிழ் ஈழத்தை அமைப்பதற்காக, தமிழ் ஈழ மக்களிடம் பொது வாக்குப்பதிவை நடத்திட வேண்டும் என்று, அண்மையில் நடைபெற்ற பிரஸ்ஸல்ஸ் மாநாட்டில் நான் தெரிவித்த கருத்தை, உலகம் முழுமையும் உள்ள தமிழ் ஈழ ஆதரவு அமைப்புகள் வரவேற்று உள்ளன.எனவே, உலக நாடுகளின் பார்வையாளர்கள் முன்னிலையில், தமிழ் ஈழம் அமைப்பதற்கான வாக்குப் பதிவை நடத்திட வேண்டும். அந்த வாக்குப்பதியில், உலகின் பல நாடுகளில் தஞ்சம் அடைந்து உள்ள ஈழத்தமிழர்கள், அந்தந்த நாடுகளிலேயே வாக்கு அளிப்பதற்கு ஏற்பாடு செய்ய வேண்டும் என்றும்; இலங்கையில் தமிழ் இனக்கொலை நடத்திய ராஜபட்ச மற்றும் அவரது கூட்டாளிகளை உலகக் குற்றவியல் நீதிமன்றத்தின் கூண்டில் நிறுத்தித் தண்டிப்பதற்கும் நடவடிக்கைகளை ஐ.நா. மேற்கொள்ள வேண்டும் என்றும் கேட்டுக்கொள்வதாக வைகோ தனது அறிக்கையில் குறிப்பிட்டுள்ளார்.

தமிழ்த் தேசியத்தை ஒற்றுமையுடன் உலகுக்குக் காட்டியுள்ள எமது மக்களுக்கு நன்றி! சரவணபவன் நா.உ..

தமிழ்த் தேசியத்தை ஒற்றுமையுடன் உலகுக்குக் காட்டியுள்ள எமது மக்களுக்கு நன்றி! சரவணபவன் எம்.பி.

நன்றி! நன்றி! எமது உயிரிலும் இனிய தமிழ்பேசும் எமது உறவுகளே!  இந்த வெற்றிக்கு வித்திட்டு தமிழ்த் தேசியத்தை ஒற்றுமையுடன் உலகுக்குக் காட்டியுள்ள எமது மக்களுக்கு நன்றி செலுத்தக் கடமைப்பட்டுள்ளேன். இவ்வாறு தமிழ் தேசியக் கூட்டமைப்பு நாடாளுமன்ற உறுப்பினர் சரவணபவன் தனது நன்றியைத் தெரிவித்துள்ளார்.
எம்மைப் பெரும்பான்மை பலத்துடன் வெற்றிகொள்ளும் வகையில் அமோக ஆதரவை தமிழ்த் தேசியக் கூட்டமைப்புக்கு வழங்கினீர்கள். இது தமிழ்த் தேசியக் கூட்டமைப்பு வேட்பாளர்களுக்கு மட்டும் கிடைத்த வெற்றியல்ல! முழுத் தமிழ் இனத்துக்கும் கிடைத்த வெற்றி!
ஐ.நா. நிபுணர் குழுவாலும் சர்வதேச நாடுகளாலும் மனித உரிமை மீறல்கள் தொடர்பாகக் குற்றஞ்சாட்டப்பட்டிருக்கும் ஜனாதிபதி, தமிழ் மக்கள் தங்கள் பின்னால் நிற்பதாகக் காட்ட இத்தேர்தலைப் பயன்படுத்த முனைந்தார்.
எங்கள் பிரச்சினைகளை நாங்கள் தீர்ப்போம் வெளியார் தலையீடுகள் தேவையில்லை என ஜனாதிபதி வடக்கின் பிரசாரக் கூட்டங்களில பிரகடனம் செய்தார். அது வெளிநாடுகளின் தலையீட்டைத் தமிழர்கள் எதிர்க்கிறார்கள் என்பதை தமிழர்களின் வாக்குகளாலேயே காட்ட முயன்றதான ஏமாற்று வித்தை. ஆனால் தமிழ் மக்கள் ஏமாறவில்லை.
எமது தேசியம், எமது சுயநிர்ணயம் என்பவை தொடர்பாக தமிழ் மக்கள உறுதியுடன் நிற்கிறார்கள் என்பதன் வெளிப்பாடுகள்தான் இத்தேர்தல் முடிவுகள்.
தமிழ் மக்களின் குருதியில் அரசியல் நடத்தி அதிகாரம் செலுத்தும் டக்ளஸ் கூட்டுக்கு தமிழ் மக்கள் தாம் ஏமாறும் இனம் இல்லை என்பதை இத்தேர்தல் மூலம் வெளிப்படுத்தியுள்ளார்கள்.
இந்த வெற்றிக்கு வித்திட்டு தமிழ்த்தேசியத்தை ஒற்றுமையுடன் உலகுக்குக் காட்டியுள்ள எமது மக்களுக்கு நன்றி செலுத்தக் கடமைப்பட்டுள்ளேன்.
இதேவேளை இந்த வெற்றிக்கு நாம் மேற்கொண்ட செயற்பாடுகளுக்கு எதிர்வு கூறும் நடவடிக்கையில் எம்முடன் இணைந்து பங்காற்றிய ஊடகங்கள், ஊடக நண்பர்கள் மற்றும் அனைவருக்கும் நன்றியைத் தெரிவித்துக் கொள்கின்றேன்.
தமிழ்த்தேசியக் கூட்டமைப்பின் வெற்றி உங்களின் வெற்றி எம்மை அடக்கு பவர்களும் அவர்களுக்கு அடிவருடி வயிறு வளர்க்கும் கூட்டத்துக்கும் கிடைத்த தோல்வி!
எனவே இந்தத் தேர்தல் தமிழ் மக்களின் வெற்றி என்று கூறிக்கொள்வதில் மகிழ்ச்சியடைகிறேன்!
பல்லாயிரம் நன்றிகள்.
ஈ.சரவணபவன்
நாடாளுமன்ற உறுப்பினர், யாழ்.மாவட்டம்,
தமிழ்த் தேசிய கூட்டமைப்பு
Short URL: http://meenakam.com/?p=30921

அரசின் அடக்குமுறைக்கு எதிராக தமிழ்த் தேசியக் கூட்டமைப்புக்குத் மக்கள் ஆதரவை வழங்கி உள்ளனர்

அரசின் அடக்குமுறைக்கு எதிராக தமிழ்த் தேசியக் கூட்டமைப்புக்குத் மக்கள் ஆதரவை  வழங்கி உள்ளனர்

நேற்று நடைபெற்று முடிந்த உள்ளூராட்சித் தேர்தலில் தமிழ்த்தேசிய கூட்டமைப்புக்கு பெரு வெற்றி கிடைத்துள்ளது. அரச அடக்குமுறைக்கு எதிராக மக்களை வாக்களிக்கக் கோரிய தமிழ்த் தேசியக் கூட்டமைப்புக்குத் தமது ஏகோபித்த ஆதரவைத் தெரிவித்துள்ளனர்.
வடக்கில் உள்ள 20 பிரதேச சபைகளில் 18 சபைகளையும் கிழக்கில் அம்பாறை மாவட்டத்தில் நடந்த இரு சபைகளையும்கூட கூட்டமைப்பே கைப்பற்றி உள்ளது.
யாழ். மாவட்டத்தில் 3 நகரசபைகளுக்கும் 13 பிரதேச சபைகளுக்கும் கிளிநொச்சியில் 3 பிரதேச சபைகளுக்கும் முல்லைத்தீவில் ஒரு பிரதேச சபைக்கும் தேர்தல் நடத்தப்பட்டது.
கிழக்கில் அம்பாறை மாவட்டத்தில் 2 பிரதேச சபைகளுக்கும் வாக்களிப்பு இடம்பெற்றது. திருகோணமலை மாவட்டத்தில் 3 பிரதேச சபைகளுக்கும் தேர்தல் நடைபெற்றது.
யாழ். மாவட்டத்தில் 48 சதவீத வாக்களிப்பு இடம்பெற்றதாக தெரிவத்தாட்சி அதிகாரி இமெல்டா சுகுமார் அறிவித்தார். கிளிநொச்சி மற்றும் முல்லைத் தீவு மாவட்டங்களில் 65 சதவீத வாக்குகள் பதிவாகி இருந்தன என்று அந்தந்த மாவட்ட தெரிவத்தாட்சி அதிகாரிகள் தெரிவித்துள்ளனர்.
கிழக்கிலும் 60 சதவீதத்துக்கும் அதிகமான வாக்குப் பதிவு இடம்பெற்றுள்ளது.வன்னியில் சுமார் 30 வருடங்களின் பின்னர் முதல் தடவையாக உள்ளூராட்சித் தேர்தல் நடைபெற்றுள்ளது.
படையினரின் கெடுபிடிகள், அச்சுறுத்தல்கள் மற்றும் லஞ்சம் கொடுத்தல் ஆகிய பல முறைப்பாடுகள் பதிவாகி இருந்த நிலையிலும் வாக்காளர்கள் தமிழ்த் தேசியக் கூட்டமைப்புக்கே தமது பெரும் ஆதரவையும் வழங்கி உள்ளனர்.
அரச தரப்பினரின் சட்டவிரோதச் செயற்பாடுகள், கடும் அச்சுறுத்தல்கள், அராஜகங்களின் மத்தியில் வடக்கில் உள்ளூராட்சித் தேர்தல்கள் நடத்தப்பட்ட நிலையிலும் மக்கள் தமிழ்த் தேசியக் கூட்டமைப்புக்கு வாக்களித்திருப்பது அவர்களின் தேசிய உணர்வைக் காட்டுகின்றது என்று கூட்டமைப்பின் யாழ். மாவட்ட நாடாளுமன்ற உறுப்பினர் ஈ.சரவணபவன் தெரிவித்தார்.
தமக்குப் பெரு வெற்றியை ஈட்டித் தந்த தமிழ் மக்களுக்கு கூட்டமைப்பினர் தமது நன்றிகளையும் தெரிவித்துள்ளனர்.
இதேவேளை வாக்கு எண்ணும் நிலையங்களில் இருந்து இன்று அதிகாலை 3.30 மணிக்கு கிடைத்த தகவலின் படி வடக்கில் 18 சபைகளை வென்றமை உறுதிப்படுத்தப்பட்டுள்ளது.
எனினும் உத்தியோகபூர்வமாக அறிவிக்கப்பட்ட முடிவுகளின் படி நெடுந்தீவு பிரதேச சபை தவிர்ந்த ஏனையவை தமிழ்த் தேசியக் கூட்டமைப்பின் வசமாகின.
உத்தியோகப்பற்றற்ற முடிவுகளின் படி வேலணை பிரதேச சபை மட்டும் அரசு பக்கம் போக எஞ்சியவற்றில் கூட்டமைப்பு வெற்றி பெற்றது.
இதேவேளையில், தெற்கில் இடம்பெற்ற உள்ளூராட்சி சபைத் தேர்தலில் நேற்று அதிகாலை வரை வெளிவந்த முடிவுகளின் பிரகாரம் சகல பிரதேச சபைகளின் அதிகாரத்தையும் ஆளும் ஐக்கிய மக்கள் சுதந்திரக் கூட்டமைப்பு கைப்பற்றியுள்ளது.
செய்தி வழிமூலம்: உதயன்

Short URL: http://meenakam.com/?p=30944

தமிழ் மக்கள் ஒன்றிணைவே த.தே.கூவின் வெற்றி – சந்திரநேரு சந்திரகாந்தன்

தமிழ் மக்கள் பல்வேறு அழுத்தங்களுக்கு மத்தியில் ஓரணியின் கீழ் ஒன்றிணைந்து தமது அபிலாசைகளை அரசுக்கும் சர்வதேசத்திற்கும் நடந்து முடிந்த உள்ளூராட்சி சபைத் தேர்தல் மூலம் தமிழ் மக்கள் நன்குணர்த்தியுள்ளனர் என தமிழ் தேசியகூட்டமைப்பின் அம்பாறை மாவட்ட முன்னாள் பாராளுமன்ற உறுப்பினர் சந்திரநேரு சந்திரகாந்தன் தெரிவித்தார்.
அம்பாறை மாவட்டத்தில் திருக்கோவில், காரைதீவு ஆகிய இரு பிரதேச சபைகளுக்கு நடைபெற்ற உள்ளூராட்சி சபைத் தேர்தலில் தமிழ்த் தேசிய கூட்டமைப்பு போட்டியிட்டு வெற்றி பெற்று இரு சபைகளையும் கைப்பற்றியுள்ளது எனவே தமிழ்த் தேசியகூட்டமைப்பிற்கு வாக்களித்த தமிழ் மக்கள் மற்றும் புலம்பெயர்ந்து வாழும் அனைவருக்கும் நன்றி தெரிவித்து அறிக்கையொன்றை முன்னாள் பாராளுமன்ற உறுப்பினர் எஸ்.சந்திரகாந்தன் வெளயிட்டுள்ளார்.
தமிழ் மக்களை அரசியல் ரீதியாக தோற்கடிக்க வேண்டுமென தமிழ்த் தேசிய கூட்டமைப்பிற்கு எதிராக அரசு பல்வேறு அழுத்தங்கள் கொடுத்து அமைச்சர்கள் பட்டாளத்துடன் குடிகொண்டு செயற்பட்டனர் ஆனால் தமிழ் மக்கள் தமிழ் தேசிய கூட்டமைப்பு தான் தமிழ் மக்களின் ஏக பிரதிநிதி என்பதைஎள்ளளவும் மாறாது தமிழ் மக்கள் ஒரணியில் ஒன்றிணைந்து உணர்த்தியுள்ளனர்.
தேர்தல் மூலம் தமிழ் மக்களின் அபிலாசைகளை சின்னாபின்னமாக்கி அதனை உடைத்தெறிய பலவழிகளிலும் அரசும் அதன் அருவருடிகளான தமிழ் அரசியல் வாதிகள்ஊதுகுழலாக செயற்பட்டனர் இவைகள் அனைத்தையும் தமிழ் மக்கள் சிறுபொருட்டாக மதித்து செயற்பட்டு தமது நீண்டகால அபிலாசைகளை அடைவதற்கான முதல் படியில் கால் வைத்துள்ளனர்.
எனவே தமிழ் மக்கள் இவ்வாறே எதிர்காலத்தில் ஓரணியில் திரண்டு எமது அபிலாசைகளையும் இலட்சியத்தையும் அடைய ஒற்றுமையாக தடம்புரளாது செயற்படவேண்டும்.
தமிழ் மக்களின் அபிலாசைகளுக்கு எதிராக தடமபுரண்டு செயற்படுகின்ற தமிழ் அரசியல் வாதிகளே இனியாவது யதார்த்தத்தை உணர்ந்த தமிழ் மக்களின் அபிலாசைகளுக்காகசெயற்பட முன்வரவேண்டும்.
அம்பாறை மாவட்டத்தில் தமிழ்த் தேசிய கூட்டமைப்பு போட்டியிட்ட தமிழ் பிரதேச சபைகள் அனைத்தையும் கைப்பற்றி நாங்கள் தமிழர்கள் என தலைநிமிர்ந்து நிற்கின்றனர்.
தமிழ்த் தேசிய கூட்டமைப்பிற்கு வாக்களித்த என் அன்பான இனிய தமிழ் மக்கள் புலம்பெயர்ந்து வாழும் தமிழ் மக்கள் அனைவருக்கும் நன்றிகள் என அவ்வறிக்கையில் அவர் தெரிவித்துள்ளார்
Short URL: http://meenakam.com/?p=30972
Share/Bookmark

சலுகைகளைப் புறந்தள்ளி உரிமைக்குர​லை ஓங்கிஒலித்​த தமிழ் மக்களுக்கு நெஞ்சார்ந்​த நன்றி!

சலுகைகளைப் புறந்தள்ளி உரிமைக்குர​லை ஓங்கிஒலித்​த தமிழ் மக்களுக்கு நெஞ்சார்ந்​த நன்றி!

நடந்துமுடிந்த உள்ளுராட்சித் தேர்தலில் தமிழ்த் தேசிய கூட்டமைப்பிற்கு வாக்களித்த தமிழ் மக்களுக்கு வன்னிமாவட்ட பாராளுமன்ற உறுப்பினர் சிவசக்தி ஆனந்தன் தனது நன்றிகளைத் தெரிவித்துள்ளார்.
தேர்தலில் தமிழ்த் தேசிய கூட்டமைப்பிற்கு வாக்களித்த தமிழ் மக்களுக்கு வன்னிமாவட்ட பாராளுமன்ற உறுப்பினர் சிவசக்தி ஆனந்தன் தனது நன்றிகளைத் தெரிவித்துள்ளார். அதன்போது அவர் தெரிவித்ததாவது: சிங்கள மக்கள் அரசாங்கக் கட்சியான ஐக்கிய மக்கள் சுதந்திரக் கூட்டமைப்பை ஆதரித்துள்ளனர். அதனைப்போன்றே தமிழ் மக்கள் தங்களது ஆதரவினைத் தமிழ்த் தேசியக் கூட்டமைப்பிற்கு வழங்கியுள்ளனர். எனவே அரசாங்கம் எமது மக்களின் தீர்ப்பை ஏற்று காலதாமதம் செய்யாமல் இனப்பிரச்சினைக்கு உரிய முறையில் விரைந்து தீர்வு காண முன்வரவேண்டும் என்று கேட்டுக்கொள்கின்றேன் என்று தெரிவித்துள்ளார்.
அவரது அறிக்கையின் முழுவிபரம் வருமாறு:
அடம்பன் கொடி திரண்டால் மிடுக்கு என்ற பழமொழிக்கு ஏற்ப வாக்கை மட்டுமே ஆயுதமாகக்கொண்டு ஆயுதம் ஏந்தியும், நாய், கோழி என்பனவற்றை வெட்டிப்போட்டும், மலக்கழிவுகளைவீசியும் அச்சுறுத்தி, உதவிகள் என்ற பெயரில் பல்வேறு பொருட்களை வழங்குவதுபோல் நடித்து, ஏதோ அபிவிருத்திப்பணிகளைத் தாங்கள் வேகமாக முன்னெடுத்துவருவதாகக் காட்ட முற்பட்டு எமது உரிமைகளை மறைக்க முற்பட்டபோதும் எமது மக்கள் எமக்குரித்துடைய உரிமைகளை எமக்கு வழங்கினால் எமது தேவையை உணர்ந்து அபிவிருத்தியை நாமே முன்னெடுப்போம் என்று தங்களது குரலை தமிழ்த் தேசியக் கூட்டமைப்பின் வேண்டுகோளை ஏற்று இலங்கை அரசாங்கத்திற்கும் சர்வதேச சமூகத்திற்கும் நன்றாகக் கேட்கும் வகையில் ஓங்கி ஒலித்துள்ளார்கள். அவர்களுக்கு வன்னி மக்கள் சார்பாக எனது நன்றிகளைத் தெரிவித்துக்கொள்கின்றேன்.
வடக்கு-கிழக்கு மக்கள் தாங்கள் தொடர்ந்தும் ஏமாற்றப்பட்டுவருவதை உலகிற்கு எடுத்தியம்பியுள்ள அதே நேரத்தில், இறுதியுத்தத்தில் தாங்கள் சந்தித்த கொடுமைகளையும் கொடூரங்களையும் நன்கு மனத்தில் இருத்தி தங்களது சோகங்களையும், வேதனைகளையும் இறக்கிவைக்கும் ஒரு இடமாகவே இந்தத் தேர்தலைச் சந்தித்துள்ளமை இதுவரை காலமும் இல்லாத அளவிற்கு நீங்;கள் அளித்துள்ள வாக்களிப்பிலிருந்து நிரூபணமாகின்றது.
அச்சுறுத்தலுக்கு அடிபணியாமல் அன்பளிப்புகளுக்கு நன்றிக்கடன் என்றபெயரில் உரிமையை விட்டுக்கொடுக்காமல் உங்களது துணிச்சலை அமைதியான முறையில் உலகிற்கு உணர்த்திய உங்களது நெஞ்சுரத்தை மனமார வாழ்த்துகின்றேன்.
எமது காணிகள் பறிபோகாமல் தடுப்பதற்கும், எமது பிரதேசத்தின் அபிவிருத்தியை விரைவாக மேற்கொள்வதற்கும் எமது உரிமைகளை வென்றெடுப்பதற்கும் உங்களது வாக்கு எங்களுக்குப் பக்கபலமாக இருக்கும். சர்வதேச சமூகம் இனியும் எமது பிரச்சினையில் பார்வையாளராக இருக்க முடியாது என்பதையும் எமது இறைமையை நாம் யாருக்கும் தாரைவார்த்துவிடவில்லை என்பதையும் மீண்டும் ஒருமுறை உங்களது வாக்குப் பலத்தால் நிரூபித்துவிட்டீர்கள்.
இனியாவது அரசாங்கம் தடுத்துவைத்திருக்கும் அரசியல் கைதிகள் அனைவரையும் நிபந்தனையின்றி விடுவிக்க முன்வரவேண்டும் என்று இத்தருணத்தில் கோருகின்றேன்.
எத்தடைகள் வரினும் எமது உரிமைக்குரல் சர்வதேசத்தில் ஓங்கி ஒலிக்கும் என்பதை மட்டும் உறுதியுடன் சொல்லிக்கொண்டு அரசாங்கத்தின் அனைத்துக் கொடூரங்களுக்கும் சாட்சிகளாக இருக்கும் நீங்கள் எமக்கிட்டுள்ள ஆணையை சிரமேற்கொண்டு எமது பணியைச் செவ்வனே செய்வோம் என்று தேர்ந்தெடுக்கப்பட்ட பிரதிநிதிகள் திடசங்கல்பம் எடுத்துக்கொள்ள வேண்டும் என்று கேட்டுக்கொள்கின்றேன்.
இத்தருணத்தில் புலம்பெயர் உறவுகளின் பங்களிப்பை நாம் மறக்க முடியாது. அவர்களின் பணி அளப்பரியதுளூ வார்த்தைகளில் வர்ணிக்க முடியாதது. உள்ளுராட்சி அதிகாரசபைகளுக்கான தேர்தலை மிகவும் முக்கியமான தேர்தலாக அரசாங்கம் மாற்றியதிலிருந்து அச்சு ஊடகம், இலத்தரணியில் ஊடகம் மற்றும் இணைய ஊடகத்துறையினர் தமது பங்களிப்பினை மிகவும் காத்திரமாக வழங்கியுள்ளனர். அவர்களுக்கும் எனது நெஞ்சார்ந்த நன்றிகள் என்று குறிப்பிடப்பட்டுள்ளது.

Short URL: http://meenakam.com/?p=30922

த.தே.கூ.வின் வெற்றி அனைத்துத்தேசத்துக்கும் அரசுக்கும் விடுக்கப்பட்ட தெளிவான செய்தி

த.தே.கூ.வின் வெற்றி சர்வதேசத்துக்கும் அரசுக்கும் விடுக்கப்பட்ட தெளிவான செய்தி

நடைபெற்று முடிந்த உள்ளூராட்சித் தேர்தலில் தமிழ்த் தேசியக் கூட்டமைப்பை அமோக வெற்றி பெறச் செய்ததன் மூலம் தமிழ் மக்கள் இலங்கை அரசுக்கும், சர்வதேச சமூகத்திற்கும் தெளிவான செய்தியை உரத்துச் சொல்லியிருக்கிறார்கள் என்று அக்கட்சி விடுத்துள்ள அறிக்கையில் தெரிவிக்கப்பட்டுள்ளது. அந்த அறிக்கையில் மேலும் குறிப்பிடப்பட்டுள்ளதாவது,‘ஐக்கிய நாடுகள் சபையும் சர்வதேச சமூகமும் இலங்கை அரசு போர்க்குற்றங்களை இழைத்திருக்கிறது எனவும், இது தொடர்பாக நீதியான விசாரணை தேவை எனவும் வற்புறுத்தி வரும் மிக முக்கியமான காலகட்டத்திலேயே இத்தேர்தல் நடந்து முடிந்திருக்கிறது.சர்வதேச சமூகம் கொடுத்து வரும் இந்நெருக்கடிகளில் இருந்து தப்புவதற்காக அரசு உள்ளூராட்சித் தேர்தல்களில் வென்று தமிழ் மக்கள் தம் பக்கம் என்று காட்டுவதற்காகப் பெரும் பாடுபட்டது. அரச இயந்திரம் முழுவதையும் களமிறக்கி உள்ளூராட்சித் தேர்தலை ஒரு யுத்தம் போல எதிர் கொண்டது. இலவசங்களை அள்ளி வீசியது. வேலைவாய்ப்புகளை வழங்குவதாக வெற்று வாக்குறுதிகளை அளித்தது. வேட்பாளர்களை என்ன விலை கொடுத்தேனும் வாங்க முயற்சித்தது.அவர்களை அச்சுறுத்தித் தேர்தலிலிருந்து விலக வைக்க முயற்சித்தது. உளவியல் ரீதியான பீதியை ஏற்படுத்திப் பொதுமக்களை வாக்களிப்பில் கலந்துகொள்ள விடாமல் தடுத்தது. வாக்காளர்கள் மீது கழிவு எண்ணெய் ஊற்றித் தாக்குதலும் நடத்தியது. ஆனால் ஆசை வார்த்தைகளையும், அச்சுறுத்தல்களையும் பொருட்படுத்தாது தமிழ் மக்கள் தமிழ்த் தேசியக் கூட்டமைப்பைப் பெரும் வெற்றிபெறச் செய்துள்ளனர். அரசையும் அதன் தரப்பினரையும் படுதோல்வி அடைய செய்துள்ளனர்.வடக்கு கிழக்கு இணைந்த தமது தாயக்கத்தில் சகல அதிகாரங்களுடன் கூடிய அரசியல் சுயாட்சி வேண்டும் என்பதே தமிழ் மக்களின் கோரிக்கையாக உள்ளது. எந்த சலுகைகளுக்காவும் அச்சுறுத்தல்களுக்காகவும் தங்கள் அரசியல் அபிலாசையை விட்டுக் கொடுக்க மாட்டோம் என்பதைத் தமிழ்த் தேசியக் கூட்டமைப்பை வெற்றி பெற செய்ததன் மூலம் மீண்டும் ஒரு முறை பிரகடனப்படுத்தியிருக்கிறார்கள்.தமிழ் மக்களின் ஜனநாயக பூர்வமான தீர்வுக்கு தலை வணங்கி, இனி மேலும் காலம் தாழ்த்தாது அரசியல் தீர்வினை முன்வைக்க வேண்டும் என்று தமிழ்த் தேசியக் கூட்டமைப்பு இலங்கை அரசைக் கேட்டுக்கொள்கிறது.தமிழ் மக்கள், தமிழ்த் தேசியக் கூட்டமைப்பை வெற்றிபெறச் செய்ததன் மூலம் ஐக்கிய நாடுகள் சபையின் பரிந்துரையில் முன்மொழியப்பட்டுள்ள அரசின் போர்க்குற்றங்களுக்கும் மனித உரிமை மீறல்களுக்கும் பாரபட்சமற்ற சர்வதேச விசாரணை தேவை என்பதை ஏற்று வழிமொழிந்திருக்கிறார்கள்.தமிழ் மக்களின் இந்த தீர்ப்புக்கு மதிப்பளித்து இலங்கை அரசு சர்வதேச விசாரணையை ஏற்று நடைமுறைப்படுத்த வேண்டும் என்று தமிழ்த் தேசியக் கூட்டமைப்பு கேட்டுக் கொள்கின்றது. தமிழ் மக்கள் தமது தாயகத்தில் கௌரவமாகவும், சுதந்திரமாகவும் வாழ்வதற்கு ஏற்ற அரசியல் தீர்வை பெற்றுக் கொள்ளும் வகையில் இலங்கை அரசைச் சர்வதேச சமூகம் தொடர்ந்தும் வற்புறுத்த வேண்டும் என்றும் தமிழ்த் தேசியக் கூட்டமைப்பு கேட்டுக்கொள்கிறது.எமது வேண்டுகோளை ஏற்றுப் பல்வேறு அச்சுறுத்தல்களுக்கும், நெருக்கடிகளுக்கும் மத்தியிலும் வாக்குச் சாவடிகளுக்குச் சாரி சாரியாகச் சென்று தமிழத் தேசியக் கூட்டமைப்புக்கு வாக்களிப்பதை ஒரு தேசியக் கடமையாக நிறைவேற்றி வைத்த தமிழ் மக்களுக்குக் கூட்டமைப்பு தனது நெஞ்சம் நிறைந்த நன்றிகளைத் தெரிவித்துக்கொள்கிறது’ என்று அந்த அறிக்கையில் மேலும் குறிப்பிடப்பட்டுள்ளது.
Short URL: http://meenakam.com/?p=30982

விதி வெல்ல வாக்களித்தோம் வலி தந்தாரை தோற்கடித்தோம்!

புலம்பெயர் சொந்தங்களே, தமிழக உறவுகளே: உரத்துக் குரல் கொடுங்கள். விதி வெல்ல வாக்களித்தோம் வலி தந்தாரை தோற்கடித்தோம்!

நெற்றிப்பொட்டில் துப்பாக்கி முனை மரணம் கொடுக்கக் காத்திருக்கும் போதும் எங்கள் உணர்வுகளை சாகடித்து விட்டு நடக்க முடியாது என்கிற உணர்ச்சி வெளிப்பாட்டைதமிழர்கள் நடந்து முடிந்திருக்கின்ற உள்ளுராட்சி சபைத் தேர்தல் மூலம் வெளிப்படுத்தியிருக்கின்றார்கள்.யாரெல்லாம் எமக்கு மரணம் கொடுத்தார்களோ அவர்களெல்லாம் புனிதர்களாகி வந்தபோதும், நாங்கள் சிந்திய இரத்தம் உறையும் முன்னர் தாய் மண்ணை முத்தமிடுவதாய் கூறிக்கொண்டு எங்கள் இரத்தத்தை சுவை பார்த்தவர்கள் மீட்பர்களாய் மாறி வந்தபோதும், எங்கள் உணர்வுகளை சாகடித்து விட்டு நடக்க முடியாது என்கிற உணர்ச்சி வெளிப்பாட்டை தமிழர்கள் நடந்து முடிந்திருக்கின்ற உள்ளுராட்சி சபைத்தேர்தல் மூலம் வெளிப்படுத்தியிருக்கின்றார்கள்.குழந்தைக்கும், தாய்க்கும், தந்தைக்கும் நெற்றிப் பொட்டில் துப்பாக்கி வைக்கப்பட்டது. உங்கள் ஆட்சி முடிந்து விட்டது. இப்போது எங்கள் ஆட்சி நடக்கிறது. இப்போதும் ஆடினால் நாயைப்போல் சுடப்படுவாய் தெருவில், இதுதான் இப்படித்தான் அதிகாலை வேலிகளைப் பிரித்துக்கொண்டு முகமூடிகளுடன் ஏ.கே47 தாங்கி வந்தவர்கள் சொன்னார்களாம். எங்கேயோ…! எப்போதோ கேட்டது போன்றதொரு ஞாபகம் வருகிறது. இதுதான் இலங்கையில் முடிந்து விட்டதாய் சொன்னார்கள்.ஆனால் இப்போதும் உயிரோடு இருக்கின்றது. ஆகவே தமிழர்கள் பிரிந்து வாழ தமிழீழம் கேட்டதில் என்ன தவறிருக்க முடியும்? தந்தையை, தாயை, மகளை நான்குபேர் பிடித்து வைத்திருக்க ஒரு பல்கலைக்கழக மாணவனை வீட்டு முற்றத்தில் போட்டு காட்டுமிராண்டித்தனமாக ஒரு கொலைகாரனைப் போல் சுற்றி நின்று அடித்தார்கள். இது இந்தியன் ஆமி காலத்தில் நடந்த சம்பவத்தின் கதையல்ல, கடந்த 22ம் திகதி கிளிநொச்சியில் நடந்த சம்பவம். நம்பமுடியவில்லைத்தான் எம்மாலும் முதலில், நம்பித்தான் ஆகவேண்டும் என்று உணர்ந்து கொண்டோம்.சம்பவ இடத்திற்கு சென்று அந்த மக்களுடன் பேசியபோது, நாங்கள் பேசிக்கொண்டிருந்தபோது வெறிநாய்களைப்போல் சிலர் அங்குமிங்கும் ஒடித்திரிந்து நாங்கள் யார்? என்ன செய்கிறோம் என அவதானித்துக் கொண்டிருந்தபோது. இதுதான் எல்லாம் முடிந்த தேசத்தில் நடந்து கொண்டிருக்கும் கதை.25 அமைச்சர்கள் 325 கோடியுடன் கிளிநொச்சி, யாழ்ப்பாணத்தில் முகாமிட்டார்கள். தமிழர்களுடைய தன்மானம் என்ன விலை? முள்ளிவாய்க்காலில் நாங்கள் செய்த வெறித்தனத்தை மறப்பதற்கு எவ்வளவு பணம் கேட்கிறீர்கள் என்று கேட்டுக் கொண்டே.ஒன்றை மட்டும் மறந்துபோனார்கள் அவர்கள். கொடுத்தது வலி மட்டுமல்ல, வடுவும்தான் அது தமிழன் என்றொரு இனம் வாழும் வரைக்கும் வாழ்ந்து கொண்டிருக்கும் என்பதை.தாயை, தந்தையை, பிள்ளையை, மனைவியை, கணவனைப் பறிகொடுத்தவன் மறப்பானா? நடந்தது எல்லாவற்றையும் மறந்து விடுங்கள் என்ற வார்த்தையும், உயர்த்திய கைகளும், சிரித்த முகமும், நாங்கள் உங்கள் நண்பன் என்ற வார்தைகளும் முள்ளிவாய்க்காலில் தமிழன் சிந்திய இரத்ததிற்கு ஈடாகுமா?இன்றும் கூட தமிழர்கள் மீது புரிந்த வெறித்தனத்திற்க்கு மன்னிப்புக்கோர முடியாதவர்கள், வாழவேண்டிய பிள்ளைகள் கண்கள் கட்டப்பட்டு கோழைகள் கைகளில் உள்ள துப்பாக்கிகளால் கொல்லப்படுவது கண்டு மனம்வருந்த முடியாதவர்கள், எப்படி எங்கள் நண்பனாகமுடியும்? எப்படி எங்கள் சகோதரனாக முடியும்? இதைக்கூட உணர்ந்து கொள்ள முடியாத மடையர்களாக தமிழர்கள் இருந்து விடுவார்கள் என்ற மமதைக்குத்தான் தமிழர்கள் சொல்லிக் கொடுத்தார்கள் சரியான பாடம்.தேர்தலுக்கு முதல்நாள் இரவும் சுவரொட்டிகள் ஒட்டப்பட்டன, ஒலிபெருக்கி மூலம் விளம்பரம் செய்யப்பட்டது, மதுப் போத்தல்கள், தீப்பெட்டிகள், இராணுவத்தினரால் கொடுக்கப்பட்டது, ஒரு வாக்குச் சீட்டு 2 ஆயிரம் தொடக்கம் 3 ஆயிரம் வரைக்கும் விலை பேசப்பட்டது.வாக்குச் சாவடிக்கு மிக அருகில் புலனாய்வாளர்களும், சிவில் உடையில் இராணுவத்தினரும் நின்று கொண்டு வெற்றிலைக்கு வாக்களியுங்கள் என்று கேட்டுக் கொண்டு நின்றார்கள்,நள்ளிரவு கிளிநொச்சி மாவட்டத்தில் வட்டக்கச்சி, மாயவனூர், சம்புக்குளம், மலையாளபுரம், பராதிபுரம், கோணாவில், கனகாம்பிகைக்குளம், போன்ற பகுதிகளுக்குள் நுழைந்த ஆயுததாரிகள் சுமார் 6 ஆயிரத்திற்க்கும் மேற்பட்ட வாக்குச் சீட்டுக்களைப் பறித்தார்கள்.வீட்டில் தனித்திருந்த பெண்ணின் தலைமுடியை ஜன்னலால் பிடித்து இழுத்து தங்கள் வெறித்தனத்தைக் காட்டினார்கள். வீடுகளுக்கு அலவாங்குகளால் குத்தி வீட்டில் இருந்த பொருட்களைக் கொள்ளையடித்து அடக்குமுறையின் உச்சத்திற்கே போனார்கள், ஆனால் அடக்குமுறைக்கும் உங்கள் வெறித்தனத்திற்க்கும் அடங்கி அழுத தமிழன் இதே நாளில் (23ம்திகதி) 1983ம் ஆண்டு இறந்துபோய்விட்டான். பின்னர் தமிழன் யார்? எப்படியானவன் என்று சொல்ல நீங்கள் இடித்தாலும் மாவீரர் துயிலுமில்லங்கள் சாட்சி.இப்போது நாமும் சாட்சி. தமிழ்த் தேசியம் தமிழரின் தாயகத்தில் பெரு வெற்றி பெற்றிருக்கின்றது. தமிழன் சுதந்திரமாக வாழ விரும்புகிறான் என்பதற்கு இதுவொரு சிறந்த சமிக்ஞை. இதில் எங்கள் மக்களும் பலர் விரும்பியோ விரும்பாமலோ அரசிற்கு வாக்களித்திருக்கிறார்கள். இவர்களுக்காக பரிதாபப்பட மட்டும்தான் நம்மால் முடியும்,வாக்குப் பெட்டிக்கு அண்மையில் செல்லும்போது கண்முன்னே துடித்துத் துடித்து இறந்தவர்கள், இறந்த பிள்ளையை தூக்கிப் புதைக்க முடியாமல் மணல்தரையில் விட்டு வந்தது, உடல் சிதறிப்போய் கிடந்த பிள்ளை என எமக்கு நடந்த கொடுரங்கள் கண்முன்னே வராதுபோனது துன்பம்தான்.ஆனால் இந்தத்தேர்தல் மூலம் நாம் ஒரு யதார்த்ததை உணர்ந்த்தியிருக்கின்றோம். புலம்பெயர் மக்களே, தமிழக சொந்தங்களே, நாங்கள் முள்ளிவாய்க்காலில் சிந்திய இரத்தம் இன்னமும் உறையாமலிருக்கின்றது. நீங்கள் உறையும் பனியிலும், கொழுத்தும் வெயிலிலும் நின்று எமக்காக போராடிக் கொண்டிருப்பதால். தாயகத்தை நேசிப்பவன் தாயகத்திற்க்காக வாழ்பவன் இன்னமும் உயிரோடு இருக்கிறான்.புலம்பெயர் சொந்தங்களே, தமிழக உறவுகளே உரத்துக் குரல் கொடுங்கள். விதி வெல்ல வாக்களித்தோம் வலி தந்தாரை தோற்கடித்தோம்….!தாயகத்திலிருந்து சுதந்திரன். த.தே.கூட்டமைப்பு
suthanthiran86@gmail.com
Short URL: http://meenakam.com/?p=31015

இலங்கைத் தேர்தல்: வட பகுதியில் தமிழ்த் தேசியக் கூட்டமைப்பு வெற்றி

இலங்கைத் தேர்தல்: வட பகுதியில் தமிழ் தேசிய கூட்டமைப்பு வெற்றி

First Published : 25 Jul 2011 01:24:00 AM IST


கொழும்பு, ஜூலை 24: இலங்கையில் நடைபெற்ற உள்ளாட்சித் தேர்தலில் வட பகுதியில் தமிழ் தேசிய கூட்டமைப்பு அமோக வெற்றி பெற்றது. இது விடுதலைப்புலிகள் ஆதரவு கட்சியாகும்.  தமிழர்கள் அதிகம் வசிக்கும் இலங்கை வட பகுதியில் இக் கட்சி 18 மாகாண சபைகளை கைப்பற்றியது; ராஜபட்சவின் ஐக்கிய மக்கள் சுதந்திரக் கூட்டமைப்பு வட பகுதியில் 2 மாகாண சபைகளை மட்டுமே கைப்பற்றியுள்ளது.  இலங்கையில் மொத்தம் உள்ள 65 மாகாண சபைகளுக்கு உறுப்பினர்களைத் தேர்ந்தெடுக்க சனிக்கிழமை தேர்தல் நடைபெற்றது. இதில் பதிவான வாக்குகள் ஞாயிற்றுக்கிழமை எண்ணப்பட்டு முடிவுகள் அறிவிக்கப்பட்டன.  வட பகுதியில் மொத்தம் உள்ள 26 மாகாண சபைகளுக்குத் தேர்தல் நடைபெற்றது. இதில் 18 மாகாண சபைகளை தமிழ் தேசிய கூட்டமைப்பு கைப்பற்றியுள்ளது. மற்றொரு தமிழ் அமைப்பான தமிழ் ஐக்கிய விடுதலை முன்னணி (டியுஎல்எப்) இரண்டு மாகாண சபைகளையும், ராஜபட்சவின் ஐக்கிய மக்கள் சுதந்திர கூட்டமைப்பு 2 சபைகளையும் கைப்பற்றி உள்ளன. ஐக்கிய மக்கள் சுதந்திர கூட்டமைப்பு, இத்தேர்தலில் ஈழ மக்கள் ஜனநாயக கட்சியுடன் கூட்டணி வைத்து போட்டியிட்டது.  இக்கட்சியைச் சேர்ந்த டக்ளஸ் தேவானந்தா ராஜபட்ச அமைச்சரவையில் இடம் பெற்றுள்ளார். இதனால்தான் வட பகுதியில் இரு மாகாண சபைகளை ராஜபட்ச கட்சி பெற முடிந்தது.  தேசிய அளவில் இத்தேர்தலில் ஐக்கிய மக்கள் சுதந்திர கூட்டமைப்பு 45 மாகாண சபைகளை கைப்பற்றி உள்ளது. இலங்கையின் தெற்குப் பகுதியில் உள்ள பெரும்பாலான மாகாண சபைகளில் அக்கட்சி சார்பில் போட்டியிட்டவர்கள் மூன்றில் இரண்டு பங்கு இடங்களில் வெற்றி பெற்றுள்ளனர்.  இத்தேர்தலில் இலங்கையின் முக்கிய எதிர்க்கட்சிகள் படுதோல்வி அடைந்துள்ளன.  குறிப்பாக ஐக்கிய தேசிய கட்சி மற்றும் மார்க்சிஸ்ட் ஜேவிபி ஆகிய கட்சிகள் ஒரு மாகாண கவுன்சிலைக்கூட கைப்பற்றவில்லை.  ஆனால் விடுதலைப்புலிகளுக்கு எதிரான வீரசிங்கம் ஆனந்த சங்கரி தலைமையிலான தமிழ் ஐக்கிய விடுதலை முன்னணி 2 மாகாண சபைகளைக் கைப்பற்றி உள்ளது.  இத்தேர்தலில் ரஜபட்சவின் ஐக்கிய மக்கள் சுதந்திர கூட்டமைப்பு 512 இடங்களிலும்,  தமிழ் தேசியக் கூட்டமைப்பு 183 இடங்களிலும் வெற்றி பெற்று உள்ளன. அதுபோல்  முக்கிய எதிர்க்கட்சியான ஐக்கிய தேசிய கட்சி 137 இடங்களிலும் ஜேவிபி 13 மற்றும் தமிழ் ஐக்கிய விடுதலை முன்னணி 12 இடங்களிலும் வெற்றி பெற்றுள்ளன.  தேர்தல் குறித்து இலங்கை மீன் வளத்துறை அமைச்சர் ரஜிதா சேனரத்னே கூறுகையில்,  இலங்கையில் 25 ஆண்டுகளுக்குப் பிறகு வட பகுதியில் உள்ளாட்சி தேர்தல் நடைபெற்றுள்ளது. மொத்தம் 2,200 வாக்குச்சாவடிகளில் வாக்குப் பதிவு நடந்தது. ஒருசில சிறிய சம்பவங்களைத் தவிர தேர்தல் அமைதியாக நடந்து முடிந்துள்ளது என்றார்.