chandrika லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
chandrika லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வியாழன், 17 நவம்பர், 2011

தனிச்சிங்களச் சட்டம் தவறானது! சந்திரிகா ஒப்புதல்


சந்திரிகா ஒப்புதல்
news
எனது தந்தையார் எஸ்.டபிள்யூ.ஆர்.டீ. பண்டாரநாயக்க கொண்டுவந்த தனிச்சிங்களச் சட்டமே இலங்கை இனப்பிரச் சினையின் மூலத்தவறாக அமைந்துவிட்டது. இவ்வாறு ஒப்புதல் வாக்குமூலம் அளித்துள்ளார் முன்னாள் ஜனாதிபதி சந்திரிகா குமாரதுங்க.
அமெரிக்காவிலுள்ள பல்கலைக்கழகமொன்றில் மாணவர்களுடன் நடைபெற்ற கலந்துரையாடல் ஒன்றின்போதே அவர் இவ்வாறு தெரிவித்தார். 
 
இதன்போது அவர் மேலும் தெரிவித்தவை வருமாறு:
தனிச்சிங்களச் சட்டத்தால் தமிழ் மக்களுக்கும் ஏனைய சிறுபான்மை இனங்களுக்கும் சொல்லமுடியாத அளவுக்குப் பாதிப்புக்கள் ஏற்பட்டன. அவர்கள் கல்வி, வேலைவாய்ப்பு என்பவற்றை அடைந்துகொள்வதில் தனிச்சிங்களச் சட்டம் பெரும் தடையாக அமைந்தது. குறிப்பாக தமிழ் மாணவர்கள் பல்கலைக்கழகத்துக்குச் செல்வதைச் சிக்கலுக்குள்ளாக் கக்கூடிய சட்டங்கள் அனைத்தையும் ஆட்சியில் இருந்தவர்கள்நான் உட்பட கொண்டுவந்தனர்.
 
இது இனமுரண்பாடுகளை இன்னும் அதிகரிக்கச் செய்தது. இனத்துவ அடையாள அரசியல் ஒரு தவறான பாதையாகும். சாதகமான மாற்றங்களை ஏற்படுத்த வேண்டுமெனில் பன்மைத்துவமே பயன்படுத்தக்கூடிய சிறந்த தெரிவாகும்.
போர் முடிந்த பின்னரும்கூட தாம் எதிர்பார்த்த எதுவுமே நடைபெறாததால் மக்கள் சோர்வடைந்துள்ளனர். இளைய தலைமுறையினரிடமிருந்து உருவாகக்கூடிய புதிய அரசியல் தலைமை மூலமே போருக்குப் பின்னான காலத்திலாவது இனப்பிரச்சினைக்கு தீர்வினைக் காணமுடியும்.
 
இலங்கையின் இனப்பிரச்சினை காரணமாக அங்குள்ள மக்கள் எப்படி ஒரு சொர்க்கத்தை இழந்தார்கள் என்பதைத்தான் நீங்கள் (அமெரிக்கப் பல்கலைக்கழக மாணவர்கள்) எம்மிடமிருந்து கற்றுக்கொள்ள வேண்டும் என்றார்.

வியாழன், 28 ஜூலை, 2011

Chandrika Kumaratunga berates Sri Lankan government

Chandrika Kumaratunga (right) with Mahinda Rajapaksa in 2005 Mrs Kumaratunga argues that her successor Mahinda Rajapaksa (left) is leading a divided nation

Chandrika Kumaratunga berates Sri Lankan government

Former Sri Lankan President Chandrika Kumaratunga has condemned the current government, saying it has failed to win peace in the country after the war.
She alleged that members of ethnic minorities are leaving the country in response to its policies.
Giving a lecture in Colombo, she said her children had reacted with anguish to a controversial TV documentary on alleged war-time atrocities.
Mrs Kumaratunga ended her second term as president six years ago.
She has always been critical of her successor, Mahinda Rajapaksa, but these remarks are perhaps her strongest yet.
Mrs Kumaratunga said the government was not committed to sharing power with ethnic minorities and warned that if it continued its "winner-takes-all" policy, large numbers of minority people would continue to leave the country - referring to Tamils, and to Burghers or people of mixed descent.
She said Sri Lanka was now a "terribly divided nation" and that the state was against everyone who opposed it, whatever their ethnic group.
And she said both her adult children, who lived abroad, had telephoned her, one of them sobbing, when the British station Channel 4 broadcast a documentary purporting to show war crimes by both sides in the war.
After it her son said he was ashamed to call himself Sinhalese and Sri Lankan, she said.
The government says the documentary is a fake.
Mrs Kumaratunga's blame was not all directed at the current government.
She said that Sri Lankans should have the humility to admit they had "failed as a nation".
And she strongly criticised an act introduced by her own father as prime minister, which elevated the Sinhala language above others: she said it caused ethnic riots and contributed to the war by excluding minorities.
The former president's remarks came as local elections appeared to confirm the country's ethnic divisions, with a Tamil party victorious in the north and the president's party sweeping the board elsewhere.

செவ்வாய், 26 ஜூலை, 2011

Give power to thamizhs - Chandrika: தமிழர்களுக்கு அதிகாரம் வழங்குங்கள்: இராசபட்சவுக்குச் சந்திரிகா அறிவுரை

தன் ஆட்சியையும் தன்தந்தையின் ஆட்சியையும் சேர்த்தே குறை கூறியுள்ளதால்  இவ்வுரையை அரசியல் காரணங்களுக்கான ஏமாறறு உரை என்று எடுத்துக் கொள்ள  இயலாது. உண்மையிலேயே சிங்களக் கொடுமைகளையும் தமிழர்களுக்கு ஏற்படும் அழிவுகளையும் பார்த்து மனம் வருந்தி உணர்ந்து தெரிவிக்கும் கருத்துகளாகத்தான் எடுத்துக் கொள்ள வேண்டும். இதனால் இவர் போன்ற எண்ணம் உள்ளவர்கள் துணிந்து தங்கள் சிங்கள வெறிக்கு எதிரான கருத்துகளைக் கூறும் வாய்ப்பு ஏற்படுகிறது. தனித்தனி உரிமை உடைய கூட்டரசு நாடுகள் என வலியுறுத்தி வெற்றி காண்பது நன்று. அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்! 
 
 தமிழர்களுக்கு அதிகாரம் வழங்குங்கள்: 
ராஜபட்சவுக்கு சந்திரிகா அறிவுரை
 

First Published : 26 Jul 2011 01:56:53 AM IST

Last Updated : 26 Jul 2011 03:29:59 AM IST

கொழும்பு, ஜூலை 25: தமிழர்களுக்கு அதிகாரம் வழங்குங்கள், இலங்கையின் அனைத்துச் சிறுபான்மை இனங்களும் ஆட்சி அதிகாரத்தில் பங்கேற்கும் வகையில் கூட்டாட்சி முறையை ஏற்படுத்த நடவடிக்கை எடுங்கள் என்று இலங்கை அதிபர் மகிந்த ராஜபட்சவுக்கு முன்னாள் அதிபர் சந்திரிகா குமாரதுங்க அறிவுரை கூறினார்.  கொழும்பு நகரில் ஞாயிற்றுக்கிழமை நடைபெற்ற நிகழ்ச்சியில் பேசிய அவர் நாட்டில் இப்போது காணப்படும் சிங்களப் பேரினவாத ஆதிக்கப் போக்கு குறித்து மிகுந்த கவலை தெரிவித்தார். இது இப்படியே நீடித்தால் நாட்டில் மீண்டும் கலவரங்கள் வெடிக்கும் என்று எச்சரித்தார்.  "சர்வாதிகாரியைப் போல நடந்து கொள்ளாதீர்கள். இலங்கையின் அனைத்துத் தமிழர்களையுமே விடுதலைப் புலிகள் என்று பாவித்து பகைமை பாராட்டாதீர்கள்.  தமிழர்களுடன் அதிகாரத்தைப் பகிர்ந்து கொள்வதால் நம்முடைய வலிமை குன்றிவிடாது; மாறாக அவர்களுடைய உழைப்பு, திறமை, அறிவு காரணமாக இலங்கைக்கு எல்லா துறைகளிலும் அபாரமான முன்னேற்றம் ஏற்படும்.  இலங்கை என்றாலே சிங்களத்துக்கும் பெளத்தத்துக்கும்தான் முன்னுரிமை என்ற கொள்கை மூலம் நாட்டை குழப்பத்துக்கு இட்டுச் செல்லப் பார்க்கிறது அரசு.  இலங்கையில் உள்ள அனைத்துச் சிறுபான்மை இனங்களின் தலைவர்களுடன் பேசி அவர்களுக்குத் தேவைப்படும் சலுகைகளையும் உரிமைகளையும் அரசு வழங்க முன்வர வேண்டும்.  என்னுடைய தகப்பனார் பண்டார நாயக தலைமையிலான அரசு உள்பட அனைத்து அரசுகளுமே தமிழர்களின் கோரிக்கைகளை முறையாகப் பரிசீலித்து அவர்களுடைய தேவைகளைப் பூர்த்தி செய்யத் தவறியதால்தான் இந்தப் பிரச்னை இப்படி பூதாகரமாக வளர்ந்து நாட்டையே 30 ஆண்டுகள் நெருக்கடியில் தள்ளியது.  சிங்களத்துக்கு இணையான அந்தஸ்து தமிழுக்கும் வேண்டும் என்று தமிழர் இயக்கங்கள் தொடர்ந்து முன்வைத்த கோரிக்கைகள் அலட்சியப்படுத்தப்பட்டன; இதனால் தமிழர் பகுதிகளுக்கு அதிக அதிகாரங்கள் வேண்டும் என்ற கோரிக்கை பிறந்தது. அந்த கோரிக்கையும் ஏற்கப்படாததால் கூட்டாட்சி வேண்டும் என்று கேட்கப்பட்டது. அதையும் நிராகரித்த காரணத்தால் தனி தமிழ் ஈழம் வேண்டும் என்ற கோரிக்கை பிறந்தது.  அரசு நிர்வாகத்தில் தமிழர்களுக்கு எந்தவித பங்கும் இல்லை, கல்வி - வேலைவாய்ப்பில் அவர்களுக்கு ஏதும் கிடையாது, எங்கும் எதிலும் சிங்களம் மட்டுமே என்ற கொள்கை காரணமாகவே மிகப் பயங்கரமான மோதல்கள் வெடித்தன.  என்னுடைய தலைமையிலான அரசு உள்பட அனைத்து அரசுகளுமே தமிழர்களின் கோரிக்கைகளைத் தொடர்ந்து புறக்கணித்ததாலேயே தமிழர்களிடையே 5 போராளிக் குழுக்கள் தோன்றின. அவர்களில் முன்னணியில் இருந்த விடுதலைப் புலிகள் இயக்கம் உள்பட அனைத்துமே தமிழ் ஈழம் என்ற தனி நாட்டுக்காகப் போராடின.  இந்த நிலையில்தான் இப்போதைய அரசு முழுக்க முழுக்க ஒரு சர்வாதிகார அரசு போல நடந்துகொள்வதைப் பார்த்து வியப்படைகிறேன். ஜனநாயகத்தை வலுப்படுத்தாமல், மனித உரிமைகளை மதிக்காமல் நேர் எதிரான பாதையில் இன்றைய அரசு நடைபோடுகிறது; இதனால் நாட்டில் கலகம்தான் வளரும்.  அனைத்துச் சிறுபான்மை இனங்களுக்கும் சம வாய்ப்பையும் உரிமையையும் வழங்க கூட்டாட்சி முறையைக் கொண்டுவாருங்கள். தமிழர்களுடன் அதிகாரத்தைப் பகிர்ந்துகொள்ளுங்கள்' என்று இலங்கை சுதந்திரக் கட்சியின் உறுப்பினராக இப்போதும் நீடிக்கும் சந்திரிகா அறிவுரை கூறினார்.  அவர் 1994 முதல் 2005 வரை இலங்கை அதிபராகப் பதவி வகித்தார். அவருக்குப் பிறகு அவருடைய கட்சியைச் சேர்ந்த மகிந்த ராஜபட்ச ஆட்சிக்கு வந்தார்.

திங்கள், 25 ஜூலை, 2011

இலங்கையின் கொலைக்கள காணொளி : சந்திரிகா கண்ணீர்

தன் உள்ளம் கரைந்து உருகியதற்குச் சந்திரிகா முதன்மை கொடுத்துச் சிங்கள மக்களைத் திரட்டித் தமிழ் மக்கள் தனி உரிமையுடன் ஆட்சி செய்ய தமிழ் ஈழம் மலர வகை செய்ய வேண்டும். சிங்கள வெறி பிடித்த தலைவர்களுக்கு எதிராகத் துணிந்து போராட வேண்டும்.
அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்!


இலங்கையின் கொலைக்கள விடியோ: 
சந்திரிகா கண்ணீர்
First Published : 25 Jul 2011 10:16:29 AM IST


கொழும்பு, ஜூலை.25: கொழும்பில் நடைபெற்ற மறைந்த முன்னாள் நீதிபதி ஆனந்த பாலகிருஷ்ணரின் நினைவுப் பேருரையில் உரையாற்றிய இலங்கை முன்னாள் அதிபர் சந்திரிகா குமாரதுங்க தனது உரையின் இறுதிக்கட்டத்தின்போது  கண் கலங்கியதுடன் தழுதழுத்த குரலில் உரையாற்றியதாக அந்த நாட்டின் இணையதளச் செய்திகள் தெரிவிக்கின்றன.இனங்களுக்கிடையிலான நல்லிணக்கம், சமத்துவம், அரசியல் தீர்வு, அதிகாரப் பகிர்வு, சமமான அபிவிருத்தி உள்ளிட்ட துறைகளின் முக்கியத்துவம் தொடர்பாக தனது உரையில் சுட்டிக்காட்டிய சந்திரிகா, உரையின் இறுதிப் பகுதியில் சமீபத்தில் சர்ச்சையை ஏற்படுத்தியிருந்த இலங்கையின் கொலைக்களம் என்ற விடியோ தொடர்பாக கருத்து தெரிவித்தார்.இந்த விடியோவை பிரிட்டன் தொலைக்காட்சியில் பார்த்த 28 வயதான தனது மகன் தான், சிங்களவன் என்று கூற வெட்கப்படுவதாக அழுதவாறு கூறியதாக சந்திரிகா குறிப்பிட்டார். மேலும் தனது மகளும் இவ்வாறே தெரிவித்தார் என்று அவர் கூறினார்.இதைக்கூறும்போது கண் கலங்கிய முன்னாள் அதிபர் சந்திரிகா சற்றுநேரம் அமைதியாகிவிட்டு மீண்டும் தழுதழுத்த குரலில் உரையைத் தொடர்ந்தார். இந்த நிகழ்ச்சியில் தூதர்கள், ஊடகவியலாளர்கள், சமூக அமைப்பின் பிரதிகள் உள்ளிட்ட பலர் கலந்துகொண்டனர்.சமூகங்களையும் சமாதானத்தையும் உள்ளடக்கும் வகையிலான பொருளாதார அபிவிருத்தி என்ற தலைப்பில் சந்திரிகா இந்த நிகழ்ச்சியில் உரையாற்றியதாக அந்த இணையதளச் செய்திகளில் தெரிவிக்கப்பட்டுள்ளது.
கருத்துகள்

ராஜபட்சே சர்வதேச குற்றவாளியாக அறிவிக்கும் நேரம் வந்தவுடன் யார் யாரெல்லாம் உண்மையை உலகுக்கு சொல்கிறார்கள் நீதி நிச்சயம் ஒரு நாள் வெல்லும்.
By தக்பீர் அலி
7/25/2011 1:49:00 PM
இவரது குடும்பம்தான் இலங்கையில் உல்ல அவ்வலவு பிரச்சனைக்கும் காரனம்.
By valluvan
7/25/2011 1:45:00 PM
I am not at all surprised to Chandrica's son Vimukthi Kumaratunga's reaaction to the C4 documentary. Because,his father Vijey Kumaratunga,who was a popular film star,before he got married to Chandrica,was a honest politician among the sinhalese.He was very sympathatic to Tamils struggle for freedom.That was the reason he was killed by the Janatha Vimukthi Perumuna racists.If he was not killed,he would have become president and not Chandrica, and earlier than Chandrica and the island would not have faced the destruction and degrading in the eyes of the IC. Vimukthi means 'liberation' in sinhala language.
By Kumar.
7/25/2011 12:59:00 PM
மனிதம் செய்யுங்கள் மானிடரே! மதம் ஜாதி எல்லாம் எவனோ ஒருவனின் வசதிக்காக எற்பதடுத்த பட்டது. ஆயிரகனக்கான மக்கள் கொல்லப்படும் போது பார்த்துகொண்டிருக்கும் எந்த கடவுளும் வழிபட தகுதி இல்லாதது. மதம் களைவோம் மனிதம் காப்போம் மானிடரே !
By Hakkim
7/25/2011 12:49:00 PM
இலங்கையுள்ளவர்களும் மனிதர்கள்தான் அவர்களுக்கும் வலி தெரியும். அராஜகம் எங்கெல்லாம் இருக்கிறதோ அங்குகெல்லாம் இதுபோன்ற துயர காட்சிகள் இருக்கும். இதற்கு அவர்கள் கேடயம்மாக பயன்படுத்துவது ஜாதி, மதம், மொழியை தான். இலங்கையில் கொடுரமாக கொல்லப்பட்டவர்கள் தமிழர்கள் அல்ல மனிதர்கள் என்ற எண்ணம் அனைத்துலக மக்களுக்கும் வர வேண்டும். அப்போதுதான் தவறு செய்தவர்கள் தண்டிக்கபடுவார்கள். வராத வரை இது போன்ற \ kaa
By சுரேஷ் S
7/25/2011 12:28:00 PM
குற்றமுள்ள நெஞ்சு குறுகுறுக்கிறது போலும்!உண்மை எது? பொய் எது? ஒன்றுமே புரியலே!?!
By வேந்தன்
7/25/2011 12:19:00 PM
நீலி கண்ணீர்
By Madhu
7/25/2011 12:08:00 PM
உங்கள் கருத்தைப் பதிவு செய்யுங்கள் *

செவ்வாய், 11 ஜனவரி, 2011

No scheme for peace in Ilangai-chandrika: இலங்கையில் நிரந்தர அமைதித் திட்டம் அரசிடம் இல்லை:சந்திரிகா புகார்

இலங்கையில் அமைதி ஏற்பட வேண்டுமானல் அங்கே  தனித்தனி உரிமையுடைய இலங்கை-ஈழக்கூட்டரசு நாடுகள்  மலர வேண்டும். ஆனால், தமிழர்க்கு எதிரான கொலை வெறிச் செயலில் ஈடுபடுவதுடன் மக்களையும் கொலை வெறி உணர்விற்கு ஆளாக்கும் புத்தசமயத்தலைவர்களும் அரசியல் தலைவர்களும் படைத்தலைவர்களும் இருக்கும் பொழுது அமைதி எப்படி ஏற்படும்? கண்ணீர்த்துளி போல்காட்சியளித்துக் குருதிக் கடலாக மாறியுள்ள இலங்கையில் மக்கள் நலமாக வளமாக அமைதியாக வாழ அங்கே உள்ள புத்த சமயத் தலைவர்களை நாடு கடத்த வேண்டும். அரசியல்வாதிகளுக்கும் மக்களுக்கும் வெறி ஊட்டுபவர்கள் அவர்கள்தாம். உண்மையான  புதத நெறியைப் பரப்ப எண்ணும் இளந்துறவிகளிடம் சமயப் பொறுப்பை ஒப்படைத்துப் போரில்லாத் தீவாக அமைதி தவழும் தீவாக மக்கள் உரிமையுடன் வாழும் நாடுகளாக மாற்ற வேண்டும். 
அன்புடன் இலக்குவனார் திருவள்ளுவன்
 
 
இலங்கையில் நிரந்தர அமைதித் திட்டம் அரசிடம் இல்லை:
 
சந்திரிகா புகார்

First Published : 10 Jan 2011 02:39:59 PM IST

Last Updated : 10 Jan 2011 02:45:04 PM IST

கொழும்பு, ஜன.10- இலங்கையில் நிரந்தரமாக அமைதியை ஏற்படுத்தும் திட்டம் ராஜபட்ச அரசிடம் இல்லை என்று முன்னாள் அதிபர் சந்திரிகா குமாரதுங்க கூறியுள்ளதாக தகவல்கள் வெளியாகியுள்ளன.கொழும்பு ஊடகம் ஒன்றுக்கு அவர் அளித்த பேட்டியில் இவ்வாறு தெரிவித்துள்ளார் என்று இலங்கைத் தமிழ் இணையதளங்களில் செய்தி வெளியாகியுள்ளது."இலங்கையில் சுமார் 20 லட்சம் தமிழர்கள் உள்ளனர். நாட்டின் மக்கள் தொகையில் 10 சதவீதம் பேர் அதிருப்தியிலும் கோபத்திலும் உள்ளபோது பலமான நாட்டை உருவாக்க முடியாது" என்றும் சந்திரிகா குமாரதுங்க கூறியதாக அந்த இணையதளச் செய்தியில் தெரிவிக்கப்பட்டுள்ளது.