நாளை உலகச் சிக்கன நாள்: “சேமிக்கும் பழக்கத்தைக் கடைபிடிக்கவேண்டும்; முதல்வர் வேண்டுகோள்

நாளை உலக சிக்கன நாள்: “சேமிக்கும் பழக்கத்தை கடைபிடிக்கவேண்டும்; ஜெயலலிதா வேண்டுகோள்

Chennai சனிக்கிழமை, அக்டோபர் 29, 1:08 PM IST

மதிப்பீடு இல்லை

இமெயில் பிரதி

சென்னை, அக் 29-

 

உலக சிக்கன நாளையொட்டி முதல்-அமைச்சர் ஜெயலலிதா வெளியிட்டு உள்ள அறிக்கையில் கூறி இருப்பதாவது:-  

 

சேமிப்பின் அவசியத்தை பொது மக்களுக்கு எடுத்துரைக்க ஆண்டு தோறும் அக்டோபர் திங்கள் 30-ம் நாள் உலக சிக்கன நாளாக நாடு முழுவதும் கொண்டாடப்படுகிறது. இன்றைய சேமிப்பு, நாளைய பாதுகாப்பு என்பதால் எதிர்கால வாழ்க்கை நலனை கருத்தில் கொண்டு சேமிக்கும் பழக்கம் சிறுவயது முதலே வரவேண்டும்.

 

நாடும், வீடும் நலம் பெற, மக்கள் வாழ்வு வளம் பெற அனைவரும் சேமிக்கும் பழக்கத்தை கடைபிடிக்க வேண்டும்.   அஞ்சலகங்களில் சேமிப்புத் திட்டத்தில் சேர்ந்து சேமிக்கும் போது அத்தொகை சிறு துளி பெரு வெள்ளம் போன்று பெருந்தொகையாகி நாட்டு முன்னேற்றத்திற்காகவும், நல்ல பல வளர்ச்சித் திட்டங்களுக்காகவும் பயன்படுத்தப்படும்.

 

எனவே தான், தமிழக அரசு சேமிப்பின் அவசியத்தை பொதுமக்களுக்கு எடுத்துரைத்து சேமிக்கும் பழக்கத்தை ஊக்குவிக்கிறது. இந்த உலக சிக்கன நாளில் தமிழக மக்கள் அனைவரும் தங்கள் வாழ்வு வளம் பெறவும், இந்தியாவிலேயே தமிழ்நாட்டை முதன்மை மாநிலமாக உருவாக்கிடவும் வீட்டிற்கு அருகிலுள்ள அஞ்சலகத்தில் ஒரு அஞ்சலகத் தொடர் சேமிப்புக் கணக்கை தொடங்கி சேமித்திட வேண்டுமென அன்புடன் கேட்டுக் கொள்கிறேன்.

 

இவ்வாறு முதல்- அமைச்சர் ஜெயலலிதா கூறியுள்ளார்.

 

நிதி அமைச்சர் ஓ.பன்னீர் செல்வம் விடுத்துள்ள அறிக்கையில், புரட்சித் தலைவி அம்மாவின் நல்லாட்சியில் மக்கள் சிக்கனமாக வாழ தங்களின் வருவாயிலிருந்து இயன்ற அளவில் சேமித்து வாழ்வில் வளம் பெற வேண்டும் என்று உலக சிக்கன நாளில் அன்புடன் கேட்டுக் கொள்கிறேன்

என்று கூறியுள்ளார்.

announcement of exam.result dates - minister opposed: + 2, பத்தாம் வகுப்பு தேர்வு முடிவு தேதி அறிவிப்புக்கு அமைச்சர் எதிர்ப்பு

தேர்வுத்தாள் திருத்தம், மதிப்பெண் பதிதல் முதலான அனைத்துப் பணிகளும் முடிந்த பின் தேர்வுத்துறை  இய்க்குநரே தேர்வு முடிவு வெளிவரும் நாளை அறிவிக்கலாம். எனினும் மரியாதை கருதி அரசு செயலர் மூலம் அறிவிக்கலாம். முதலிடம் பெறுபவர்களுக்கு அரசு  பரிசுகள் தருவதால் அமைச்சர் மூலம் தெரிவிக்கும் வழக்கம் வந்திருக்கலாம். அந்த வழக்கம் வந்த பின்பு அதை மாற்ற வேண்டிய தேவை இல்லை. சரி, அதை மாற்றுகிறார்களா? அப்பொழுது என்ன செய்யலாம்? ௧. அறிவித்துள்ளதால் வேறு ஒன்றும் சிக்கல் இல்லாக் காரணத்தால், பெருந்தன்மையாகக் கண்டுகொள்ளாமல் இருக்கலாம. அல்லது ௨. இடைக்கால  அரசின் முதல்வராக முதல்வர் மட்டும் பொறுப்பில்  இருக்க மற்ற அமைச்சர்கள் அனைவரும் கூண்டோடு விலகலாம். அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்!

 

+ 2, பத்தாம் வகுப்பு தேர்வு முடிவு தேதி அறிவிப்புக்கு அமைச்சர் எதிர்ப்பு

First Published : 25 Apr 2011 02:59:22 AM IST

Last Updated : 25 Apr 2011 05:22:41 AM IST

சென்னை, ஏப். 24: பிளஸ் 2, பத்தாம் வகுப்பு தேர்வு முடிவுகள் தேதி அறிவிக்கப்பட்டதற்கு, பள்ளிக் கல்வித் துறை அமைச்சர் தங்கம் தென்னரசு எதிர்ப்பு தெரிவித்துள்ளார்.  பிளஸ் 2, பத்தாம் வகுப்பு தேர்வு முடிவுகள் முறையே மே 14, 25 ஆகிய தேதிகளில் வெளியிடப்பட உள்ளதாக பள்ளிக் கல்வித் துறை செயலர் டி.சபிதா அறிவித்தார். இந்த அறிவிப்பு அரசைக் கலந்து ஆலோசிக்காமல் பள்ளிக் கல்வித் துறையே தன்னிச்சையாக அறிவித்துள்ளதாக அந்தத் துறையின் அமைச்சர் தங்கம் தென்னரசு குற்றம் சாட்டியுள்ளார்.  இதுகுறித்து, சென்னையில் செய்தியாளர்களிடம் ஞாயிற்றுக்கிழமை பேசிய அவர், ""தேர்வு முடிவு தேதிகளை அறிவிப்பது தொடர்பாக பள்ளிக் கல்வித் துறையின் அதிகாரிகள், அதன் அமைச்சரைக் கலந்து ஆலோசித்து விட்டு முதல்வரின் ஒப்புதலைப் பெறுவர். அவர் அனுமதி அளித்த பிறகு, பள்ளிக் கல்வித் துறை அமைச்சர் மூலமாக தேர்வு முடிவு தேதி அறிவிக்கப்படும். இதுவே வழக்கமான நடைமுறை. ஆனால், இதற்கு மாறாக, பள்ளிக் கல்வித் துறை செயலரே தேர்வு முடிவு தேதியை அறிவித்துள்ளார். இந்த விஷயத்தில் பள்ளிக் கல்வித் துறை இயக்குநரகம் தன்னிச்சையாக செயல்பட்டுள்ளது. தேர்தல் தேதி முடிவு அறிவிப்புக்கும், தேர்தல் நடத்தை நெறிமுறைகளுக்கும் தொடர்பில்லை'' என்று தெரிவித்தார்.  தொடரும் மோதல்: நடத்தை நெறிமுறைகளால் மக்கள் நலப் பணிகள் தடைபடுவதாக முதல்வர் கருணாநிதி அறிக்கை ஒன்றில் குறிப்பிட்டிருந்தார். இதையடுத்து, நலத் திட்டப் பணிகளை அமைச்சர்கள் பார்வையிடவும், அரசு வாகனங்களைப் பயன்படுத்தவும் தேர்தல் ஆணையம் அனுமதி அளித்தது. இந்த நிலையில், பள்ளித் தேர்வு முடிவு தேதியை தங்களை கலந்து ஆலோசிக்காமல் பள்ளிக் கல்வித் துறை தன்னிச்சையாக அறிவித்துள்ளது என்ற அந்தத் துறை அமைச்சரின் திடீர் புகாரால் கல்வித் துறை வட்டாரத்தில் பரபரப்பு ஏற்பட்டுள்ளது.

Email

Print

Delicious

Digg

Facebook

Twitter

7 கருத்துகள்

கருத்துகள்

அப்படி அமைச்சர்கள் நிர்வாகம்? முயுமைகைய தி மு க ஆளுமை இயந்து விட்டது. அமைச்சர் தனக்கு தேவையானவர்கள் தேர்ச்சி பெற முயலுகிறார் பேலும்

By Mahesh
4/25/2011 8:35:00 AM

அதிகாரிகள் அவர்களே அடுத்து dmk ஆட்சி அமைக்க போகுது உங்களக்கு இருக்கு ஆப்பு minister thangam thenarasu கே வ (education department ) இதை நான் நடுநிலை வாதியாக சொல்றேன்

By uthai
4/25/2011 7:49:00 AM

அதிகாரிகள் அவர்களே அடுத்து dmk ஆட்சி அமைக்க போகுது உங்களக்கு இருக்கு ஆப்பு minister thangam thenarasu கே வ (education department ) இதை நான் நடுநிலை வாதியாக சொல்றேன்

By uthai
4/25/2011 7:35:00 AM

இந்தத் தங்கத்திற்கு என்னவாயிற்று?தேர்வு முடிவுகள் எப்போது வெளியிட்டாலும்- இவருக்கும் இவரது தலைவருக்கும் என்ன ஆயிற்று?

By இராமசாமி சேகர்
4/25/2011 7:32:00 AM

இவரும் ,தன்னுடைய தலைவனைப் போலவே பேச ஆரம்பித்து விட்டார் .என்னைக் கலந்து ஆலோசிக்கவில்லை,என்னை மதிக்கவில்லை என்று .அப்படியே அறிவித்ததினால் என்ன குடிமுழுகிவிட்டது . உன்னுடைய தலைவர் தான் ," கல்யாண வீட்டுக்குப் போனால் மாப்பிள்ளையாக இருப்பேன் ,இழவுவீட்டுக்குப் போனால் பிணமாக இருப்பேன் " என்று ஆலாய்ப் பறப்பார் ,நீங்கள் எல்லோருமே அப்படியே இருக்கிறீர்களே !

By மூர்த்தி
4/25/2011 6:48:00 AM

இருந்தாலும் இப்படியெல்லாமா நடப்பது? தேர்தல் ஆணையம் படுத்தும் பாடு , பாவம், ரொம்ப டூ மச்!

By ஜெயராஜ் வி.சி.
4/25/2011 5:48:00 AM

மந்திரிகள் தான் அலுவலகத்துக்கு சென்று கோப்புகளை பார்த்து அனுமதிக்க வேண்டும். அவர்கள் தேர்தல் முடிந்த பிறகும் கோப்புகளை பார்த்ததாக தெரியவில்லை. வீணாக தேர்தல் கமிஷன் மேல் பழி போட தலைமை செயலகம் பக்கமே அமைச்சரவை எட்டி பாரக்க வில்லை!

By velumani
4/25/2011 5:45:00 AM

உங்கள் கருத்தைப் பதிவு செய்யுங்கள் *

 

 

T.N. and P. Election on apr.13: தமிழகம், புதுவையில் ஏப்ரல் 13- இல் வாக்குப் பதிவு

சிதம்பரச் சூத்திரத்தைப் பின்பற்றலாம் என எண்ணி, வாக்குப் பதிவிற்கும் எண்ணிக்கைக்கும் இடையே 1 மாத இடைவெளி போலும்! பிற மாநில வாக்குப் பதிவு என்பது போலிக்காரணம். தேவையற்ற திருட்டுத்தனம், வழிப்பறி முதலானவற்றிற்கே வழி வகுக்கும்.
வாக்குப் பதிவு அன்று உள்ளுக்குள் வைக்கப் போகுமஒப்பாரியை வெளிப்படையாக வைக்க 1 மாதம் தேவையல்லவே! 

அன்புடன்
 இலக்குவனார் திருவள்ளுவன்

/தமிழே விழி! தமிழா விழி/

தமிழகம், புதுவையில் ஏப்ரல் 13-ல் வாக்குப் பதிவு

First Published : 02 Mar 2011

Publish Post

02:47:50 AM IST

Last Updated :

சென்னை, மார்ச் 1: தமிழகம், புதுச்சேரியில் சட்டப் பேரவைத் தேர்தலுக்கு ஒரே கட்டமாக ஏப்ரல் 13-ம் தேதி வாக்குப் பதிவு நடைபெறும் என அறிவிக்கப்பட்டுள்ளது.  ஒரு மாதத்துக்குப் பிறகு மே 13-ம் தேதி வாக்குகள் எண்ணப்படுகின்றன.  தேர்தல் தேதி அறிவிக்கப்பட்டதைத் தொடர்ந்து, செவ்வாய்க்கிழமை மாலையில் இருந்து தேர்தல் நடத்தை விதிமுறைகள் அமலுக்கு வந்துள்ளன. இதனால், புதிய திட்டங்கள், அறிவிப்புகளை தமிழகம், புதுச்சேரி அரசுகள் அறிவிக்க முடியாது.  தமிழக சட்டப் பேரவையின் காலம் மே 16-ம் தேதியும், புதுச்சேரி பேரவையின் காலம் மே 28-ம் தேதியும் முடிவடைகின்றன. இதையடுத்து சட்டப் பேரவைத் தேர்தலை நடத்துவதற்கான ஆயத்தப் பணிகளில் தேர்தல் ஆணையம் ஈடுபட்டுள்ளது.  தேர்தல் தேதிகளை முடிவு செய்வது குறித்து தலைமைத் தேர்தல் ஆணையாளர் எஸ்.ஒய்.குரேஷி தலைமையில் தில்லியில் ஆலோசனைக் கூட்டம் செவ்வாய்க்கிழமை நடைபெற்றது. மாலை 6 மணிக்கு தேர்தல் தேதி குறித்த அறிவிப்பை குரேஷி வெளியிட்டார்.  இதுகுறித்து தில்லியில் செய்தியாளர்களுக்கு அவர் அளித்த பேட்டி:  தமிழகம், புதுச்சேரியில் நடைபெறவுள்ள தேர்தலில் போட்டியிடுவதற்கான வேட்புமனு தாக்கல் மார்ச் 19-ம் தேதி தொடங்குகிறது. வாக்குப் பதிவு ஏப்ரல் 13-ம் தேதியும், வாக்கு எண்ணிக்கை மே 13-ம் தேதியும் நடைபெறுகின்றன.  புகைப்பட வாக்காளர் அடையாள அட்டை: தமிழகத்தில் மொத்தம் 4.59 கோடியும், புதுச்சேரியில் 8 லட்சத்து 5,124 வாக்காளர்களும் உள்ளனர். அவர்களுக்கு புகைப்பட வாக்காளர் அடையாள அட்டைகள் வழங்கப்பட்டுள்ளன. புதுச்சேரி மாநிலத்தில் 100 சதவீதமும், தமிழகத்தில் 99.9 சதவீதமும் அடையாள அட்டைகள் அளிக்கப்பட்டுள்ளன.  பாதுகாப்புப் பணிகள்: தேர்தல் பணியில் மத்திய மற்றும் தேர்தல் நடைபெறும் மாநிலத்தைச் சாராத பிற மாநில போலீஸôர் ஈடுபடுத்தப்படுவர்.  மாவட்டங்களில் சட்டம்-ஒழுங்கைக் காப்பதற்கு போலீஸ் உயரதிகாரிகளுக்கு உரிய அறிவுரைகள் வழங்கப்படும். பதற்றமான இடங்களில் நிலைமை உன்னிப்பாக கவனிக்கப்பட்டு, தேர்தல் சுதந்திரமாக நடைபெற வழிவகுக்கப்படும்.  தேர்தல் நடைமுறைகளைக் கண்காணிக்க பல்வேறு வகைகளிலான பார்வையாளர்கள் நியமிக்கப்படுவர். பொது பார்வையாளர்கள், வேட்பாளர்களின் செலவுகளைக் கண்காணிக்கும் பார்வையாளர்கள், நுண் பார்வையாளர்கள் என மாவட்டம்தோறும் அதிகாரிகள் நியமிக்கப்படுவர்.  கேமரா மூலம் கண்காணிப்பு: வேட்புமனு தாக்கல், மனுக்கள் பரிசீலனையில் தொடங்கி அனைத்து நடவடிக்கைளும் விடியோ படம் எடுக்கப்படும். வாக்குகள் பதிவு செய்யப்பட்ட மின்னணு வாக்குப் பதிவு இயந்திரங்கள், முக்கியமான பொதுக் கூட்டங்கள், தபால் வாக்குகளை அனுப்பும் நடவடிக்கை, மின்னணு வாக்குப் பதிவு இயந்திரங்களின் முதல் கட்ட பரிசோதனை உள்ளிட்ட அனைத்தும் விடியோ மூலம் படம் எடுக்கப்படும்.  பதற்றமானவை என கருதப்படும் வாக்குச்சாவடிகள், வாக்கு எண்ணிக்கை மையங்கள் டிஜிட்டல் கேமரா மூலம் படம் பிடிக்கப்படும் என்றார் குரேஷி.  ஒரு மாத அவகாசம்: தமிழகத்தில் தேர்தல் பணியில் 2.5 லட்சம் அரசு ஊழியர்கள், ஆசிரியர்கள் ஈடுபடுத்தப்பட உள்ளனர். 54 ஆயிரத்து 19 வாக்குச் சாவடிகள் அமைக்கப்பட்டுள்ளன.  தமிழகம், புதுச்சேரியில் ஒரே கட்டமாகத் தேர்தல் நடத்தப்படுகிறது. வாக்குப் பதிவு தேதிக்கும், வாக்கு எண்ணிக்கை தேதிக்கும் சரியாக ஒரு மாத இடைவெளி உள்ளது. இதுபோன்று வாக்குப் பதிவுக்கும், வாக்கு எண்ணிக்கைக்கும் இடையே நீண்ட கால இடைவெளி இருப்பது இதுவே முதல் முறை என்று தேர்தல் ஆணைய வட்டாரங்கள் தெரிவித்தன.  தேர்தல் அட்டவணை  தமிழகத்தில் 234 தொகுதிகளும், புதுவையில் 30 தொகுதிகளும் உள்ளன. இரு மாநிலங்களிலும் ஒரே கட்டமாக ஒரே நாளில் தேர்தல் தேதி அறிவிக்கப்பட்டுள்ளது.  வேட்புமனு தாக்கல் - மார்ச் 19  மனு தாக்கல் செய்ய கடைசி நாள் - மார்ச் 26  மனுக்கள் பரிசீலனை - மார்ச் 28  மனுக்களை திரும்பப் பெற கடைசி நாள் - மார்ச் 30  வாக்குப் பதிவு - ஏப்ரல் 13  வாக்கு எண்ணிக்கை - மே 13  

full pledged thamizh virtual university- C.M. announced: தமிழ் இணையக் கல்விக் கழகம் முழுமையான பல்கலைக்கழகமாகும்: முதல்வர் கருணாநிதி

தமிழ்க்காப்பு அமைப்புகளின் கோரிக்கையை ஏற்று முழுமையான இணையப் பல்கலைக்கழகமாகப் பெயர் மாற்றப்பட்ட இணைய கல்விக் கழகத்தை ஆக்குவதற்குப் பாராட்டுகள்! 

வாழ்த்துகளுடன் இலக்குவனார் திருவள்ளுவன்

தமிழ் இணையக் கல்விக் கழகம் முழுமையான பல்கலைக்கழகமாகும்: முதல்வர் கருணாநிதி

First Published : 22 Feb 2011 03:45:29 AM IST

Last Updated :

சென்னை, பிப். 21: தமிழ் இணையக் கல்விக் கழகம் முழுமையான பல்கலைக்கழகமாக நிலை உயர்த்தப்படும் என்று முதல்வர் கருணாநிதி அறிவித்துள்ளார்.  கடந்த 1999-ம் ஆண்டு தமிழ் இணைய மாநாடு நடைபெற்றது. மாநாட்டில் பங்கேற்ற முதல்வர் கருணாநிதி, இணைய வழியில் தமிழ் மொழியை வளர்க்கும் வகையில் தமிழ் இணையப் பல்கலைக்கழகம் தோற்றுவிக்கப்படும் என்று அறிவித்தார்.  அந்த அறிவிப்புக்கு இணங்க, தமிழ் இணையப் பல்கலைக்கழகம் உருவாக்கப்பட்டது. 1975-ம் ஆண்டு தமிழ்நாடு சங்கங்கள் பதிவுச் சட்டத்தின் 27-வது பிரிவின் கீழ் இணையப் பல்கலைக்கழகம் பதிவு செய்யப்பட்டது. இதன்மூலம், மழலைக் கல்வி, சான்றிதழ் படிப்பு, பட்டயம், மேற் பட்டயம், பட்டம், முதுகலை என்ற நிலைகளில் சான்றிதழ்கள் வழங்கப்பட்டு வருகின்றன.  இணையப் பல்கலைக்கழகம் சங்கங்களின் பதிவுச் சட்டத்தின் கீழ் தோற்றுவிக்கப்பட்டதால் அதற்கு சான்றிதழ்களை வழங்கும் அதிகாரம் இல்லை. பட்டயம் மற்றும் பட்டப் படிப்புகளுக்கு சான்றிதழ்கள் வழங்கும் பொறுப்பு தஞ்சை தமிழ்ப் பல்கலைக்கழகத்திடம் ஒப்படைக்கப்பட்டது.  இதனிடையே, தமிழ் இணையப் பல்கலைக்கழகத்தை உண்மையிலேயே பல்கலைக்கழகமாக்க முயற்சிகள் நடைபெற்றன. இதற்கு, பல்கலைக்கழக மானியக் குழுவின் அனுமதி கோரப்பட்டது. சங்கங்களின் கீழ் பதிவு என்பதால் அதற்கு அனுமதி கிடைக்கவில்லை. இதையடுத்து, பல்கலைக்கழகத்தின் பெயர் பன்னாட்டுத் தமிழ் பயிற்சி இணையம் என மாற்றப்பட்டு, பின்னர் தமிழ் இணையக் கல்விக் கழகம் என பெயர்  மாற்றம் பெற்றது.  நடவடிக்கை: இந்த நிலையில், இணையக் கல்விக் கழகத்தை, முழுமையான பல்கலைக்கழகமாக மாற்ற போதிய நடவடிக்கைகள் எடுக்கப்படும் என முதல்வர் கருணாநிதி திங்கள்கிழமை வெளியிட்ட செய்திக் குறிப்பில் தெரிவித்துள்ளார்.  அதில் அவர் கூறியிருப்பது: தமிழ் இணையக் கல்விக் கழகம் தமிழ் மொழியின் இலக்கண இலக்கியங்களையும், தமிழ்மொழி வரலாறு, தமிழ்ப் பண்பாடு போன்றவைகளையும் பயில விரும்புவோரின் தேவைகளை நிறைவு செய்வதற்கு உதவும் வகையில் இந்நிறுவனம் பிற பல்கலைக் கழகங்களைப் போல முழுமையான பல்கலைக் கழகமாக நிலை உயர்த்தப்படும். அதற்கெனச் சட்டம் இயற்றுவதற்குத் தேவைப்படும் நடவடிக்கைகள் மேற்கொள்ளப்படும் என்று அவர் தெரிவித்துள்ளார்.