agitations லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
agitations லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வியாழன், 26 ஜூலை, 2012

இலண்டன் ஒலிம்பிக் விழாவில் இராசபக்சே : போராடத் தயாராகும் தமிழர்கள்

  மாலை மலர்
ஒலிம்பிக் தொடக்க விழாவில் பங்கேற்கும் ராஜபக்சேவுக்கு எதிராக லண்டனில் தமிழர்கள் போராட்டம்
லண்டன், ஜூலை 26-

உலகின் மிகப் பெரிய விளையாட்டான ஒலிம்பிக் போட்டி லண்டனில் நாளை (27-ந்தேதி) தொடங்கி ஆகஸ்டு 12-ந்தேதி வரை நடக்கிறது. ஒலிம்பிக் போட்டியின் தொடக்க விழா நாளை கோலாகலமாக நடக்கிறது. இந்த தொடக்க விழாவில் இலங்கை அதிபர் ராஜபக்சே கலந்து கொள்கிறார். ராஜபக்சே லண்டன் செல்ல இருக்கும் தகவலை அவரது செய்தி தொடர்பாளர் ஜெயசேகரா உறுதிப்படுத்தி உள்ளார்.

ஒலிம்பிக் தொடக்க விழாவில் பங்கேற்க இருக்கும், ராஜபக்சேவுக்கு எதிராக போராட்டம் நடத்த லண்டனில் உள்ள தமிழர்கள் திட்டமிட்டு உள்ளனர். இதை அங்கிருந்து வெளிவரும் “தி இன்டிபென்டன்ட்” என்ற பத்திரிகை தெரிவித்துள்ளது. எலிசபெத் மகாராணியின் வைர விழாவில் பங்கேற்க லண்டன் சென்று இருந்த ராஜபக்சேவுக்கு எதிராக ஆயிரக்கணக்கான தமிழர்கள் ஏற்கனவே போராட்டம் நடத்தி இருந்தனர் என்பது குறிப்பிடத்தக்கது.

ராஜபக்சே ஒலிம்பிக் தொடக்க விழாவுக்காக லண்டன் அழைக்கப்பட்டது முற்றிலும் பொருத்தமற்றது என்று இனப் படுகொலைக்கு எதிரான தமிழர்கள் அமைப்பை சேர்ந்த ஜான் ஜனநாயகம் தெரிவித்துள்ளார். லண்டன் செல்ல உள்ள இலங்கை குழுவுக்கு எதிராக சட்ட நடவடிக்கை எடுக்க வாய்ப்புள்ளதாக உலக தமிழர் பேரவையின் பேச்சாளர் சுரேன சுரேந்திரன் கூறியுள்ளார்.

மேலும் அவர் கூறும் போது ஒரு நாட்டின் தலைவர் என்ற போர்வையில் இருந்தே அவர் போர் குற்றச்சாட்டுகளில் இருந்து தப்பித்து கொள்கிறார் என்றார்.

இலண்டன் ஒலிம்பிக் விழாவில்  இராசபக்சே : போராடத் தயாராகும் தமிழர்கள்

First Published : 26 Jul 2012 12:48:11 PM IST


லண்டன், ஜூலை 26 : லண்டனில் நாளை துவங்க உள்ள ஒலிம்பிக் போட்டியின் துவக்க விழாவில் இலங்கை அதிபர் மகிந்த ராஜபக்சே பங்கேற்க உள்ளதாக தகவல்கள் தெரிவிக்கின்றன.இந்நிலையில், ராஜபக்சேவுக்கு எதிராக, லண்டனில் பெரிய அளவில் போராட்டம் நடத்த அங்குள்ள தமிழர்கள் தயாராகி வருவதாக லண்டனில் வெளியாகும் ஆங்கில நாளேடு செய்தி வெளியிட்டுள்ளது.

புதன், 27 ஜூன், 2012

இலங்கையில் தமிழர்கள் நிலம் பறிப்பு : பிரான்சு பாராளுமன்றம் முன்பு ஈழத் தமிழர்கள் போராட்டம்

இலங்கையில் தமிழர்கள் நிலம்  பறிப்பு : பிரான்சு பாராளுமன்றம் முன்பு ஈழத் தமிழர்கள் போராட்டம்

இலங்கையில் விடுதலை புலிகளுக்கும், ராணுவத்துக்கும் இடையே நடந்த போர் முடிவுக்கு வந்து 3 ஆண்டுகள் நிறைவு பெற்றுவிட்டன. போரின்போது இடம் பெயர்ந்த தமிழர்கள் ராணுவத்தின் முள்வேலி முகாம்களில் அடைக்கப்பட்டுள்ளனர்.

ஆனால், தமிழர்கள் பகுதிகளில் அவர்கள் வாழ்ந்த நிலப்பரப்பு ராணுவத்தால் அபகரிக்கப்பட்டு அங்கு சிங்களர்கள் குடியமர்த்தப்படுகின்றனர். தமிழர்களின் வழிபாட்டு தலங்கள் மற்றும் அடையாள சின்னங்கள் அழிக்கப்பட்டு வருகின்றன.

இதற்கு எதிர்ப்பு தெரிவித்து இலங்கையில் தமிழர்கள் போராட்டம் நடத்தி வருகின்றனர். இந்த விவகாரத்தை சர்வதேச அளவில் கொண்டு செல்லும் வகையில் பிரான்சு தமிழீழ மக்கள் பேரவை சார்பில் பாரீசில் உள்ள அந்நாட்டின் பாராளுமன்றம் முன்பு போராட்டம் நடத்தப்பட்டது.

தமிழீழ மக்கள் பேரவை தலைவர் திருகோதி தலைமையில் நடந்த இந்த போராட்டத்தில் நூற்றுக்கணக்கான தமிழர்கள் கலந்து கொண்டனர். பிரான்சில் தற்போது பாராளுமன்ற கூட்டம் நடைபெற்று வருகிறது. அந்த நேரத்தில் கட்சிகள் தங்களது பிரதிநிதிகளை அனுப்பி தமிழீழ மக்களின் போராட்டத்துக்கு ஆதரவு தெரிவித்துள்ளன.

போராட்டத்தில் திருச்சோதி பேசும்போது எமது மண் எமக்கு வேண்டும். தமிழர்களின் பாரம்பரிய பிரதேசங்களான இலாபம் முதல் அம்பாறை வரை நிலங்கள் தமிழர்களிடம் ஒப்படைக்கபட வேண்டும். அதை இலங்கை செய்யாத பட்சத்தில் தமிழர்களின் நிலங்களை பாதுகாக்க வேண்டும் என வலியுறுத்தும் போராட்டம் ஒவ்வொரு வாரமும் பிரான்சு பாராளுமன்றம் முன் நடைபெறும்.

பிரான்சு வெளியுறவு துறை அமைச்சருக்கு தமிழீழ மக்களின் இன்றைய நிலையை கடிதம் மூலம் விளக்கி பிரான்ஸ் அரசாங்கம் ஐ.நா. சபைக்கு கொண்டு செல்ல வலியுறுத்தப்படும் என்று தெரிவித்தார்.

புதன், 19 அக்டோபர், 2011

அடக்குமுறைக்கு எதிராக அமைதி வழியில் கிளர்ந்தெழத் தயார் – யாழ். பல்கலைக்கழக மாணவர்கள்

அடக்குமுறைக்கு எதிராக அகிம்சை வழியில் கிளர்ந்தெழ தயார் – யாழ். பல்கலைக்கழக மாணவர்கள்

இலங்கை அரசு தமிழ் பேசும் மாணவர்களின் மீது அடக்கு முறைகளை அன்றைய காலகட்டங்களில் தரப்படுத்தல்களில் இருந்து ஆரம்பித்து பின்னர் அவை படுகொலை என்ற வடிவத்திற்கு மாற்றம் செய்யப்பட்டு இன்று எமது இனத்திற்கான தனித்துவ கலாசாரங்களை அழித்தும் இனந்தெரியாத தாக்குதல்கள் என்ற போர்வையிலும் தமிழ் மாணவர்கள் மீதான அடக்குமுறைகளை தொடர்ந்த வண்ணம் இருக்கின்றது.
யாழ். பல்கலைக்கழக மாணவர் ஒன்றியம் இன்று விடுத்துள்ள ஊடக அறிக்கையில் இவ்வாறு தெரிவிக்கப்பட்டுள்ளது. அவ்வறிக்கையில் கூறப்பட்டுள்ள விடயங்கள் வருமாறு:
எமது பல்கலைக்கழகமானது தமிழ் பேசும் மக்களால் என்றும் உயர்ந்த இடமாக பார்க்கப்படுவதுடன் இன்றுவரை தமிழ் பேசும் மக்களின் உரிமைக்குரலாக உலகம் எங்கும் வியாபித்து நிற்கின்ற அதேவேளை எங்கள் உரிமைக்குரலை நசுக்குவதற்கு கடந்த பல வருடங்களாக இலங்கை அரசுகள் முயன்று வருகின்றன இது உலகத்திற்கே தெரிந்த உண்மை.
அதன் ஒரு அங்கமாகவே இன்று எமது பல்கலைக்கழக மாணவர் ஒன்றியத்தலைவர் காடையர்களால் காட்டுமிராண்டித்தனமாக தாக்கப்பட்டுள்ளார்.
ஒரு பல்கலைக்கழகத்தின் மாணவர்களினை வழிநடாத்திச் செல்லும் மிகப்பெரிய பொறுப்பு பல்கலைக்கழக மாணவ ஒன்றியம் மற்றும் அதன் மாணவ ஒன்றிய உறுப்பினர்களையே சாரும். இது இலங்கையில் உள்ள அணைத்து பல்கலைக்கழகங்களிற்கும் பொதுவான ஒன்றே. ஆனால் எமது பல்கலைக்கழக மாணவர் ஒன்றியமானது இன்றுவரை எமது மாணவர்களை மட்டுமன்றி அனைத்து தமிழ் பேசும் மக்களையும் வழிநடாத்தி சென்றுகொண்டிருக்கின்றது.
இந்த உயரிய இடத்தினை பல்கலைக்கழக மாணவர்களாகிய நாம் எத்தனையோ விலைமதிப்பில்லா உயிர் தியாகங்கள் மற்றும் எம் ஒவ்வொருவரினதும் இனப்பற்றின் ஊடாகவே அடைந்தோம். இந்த உயரிய இடத்தில் இருக்கும் எமது மாணவ ஒன்றிய தலைவருக்கு 16-10-2011 (நேற்று) ஞாயிறு மதியம் 1-30 மணியளவில் யாழ் பழம் வீதியில் உள்ள இலங்கை படையினரின் காவலரனில் இருந்து சுமார் 50 மீட்டர் அருகில் வைத்து இனந்தெரியாத நபர்கள் என்று அழைக்கபடும் அதேவேளை எமது மக்களால் கௌரவமாக இனந்தெரிந்த நபர்கள் என அழைக்கபடுவோரால் கோழைத்தனமாக தாக்கப்பட்டுள்ளார்.
இந்த கோழைத்தனமான தாக்குதலானது “நாங்கள் எங்கே வேண்டுமானாலும் எப்போதும் உங்களை தாக்குவோம் உங்களிற்கு கேட்பதற்கு யாரும் இல்லை”; என்ற ஒர் செய்தியை தமிழ் பேசும் மக்களாகிய எங்கள் எல்லோருக்கும் சொல்லி செல்கின்றது.
இதற்கு தமிழ் பேசும் மக்களாகிய நாம் என்ன பதில் சொல்ல போகின்றோம். எங்கள் அமைதியை சிலர் தமக்கு சாதகமாக பயன்படுத்தி அதில் குளிர் காய எண்ணுகின்றனர். இதை நாம் தெடர்ந்தும் அனுமதிப்பதா? இன்று எமது பல்கலைக்கழக மாணவ ஒன்றிய தலைவருக்கு நடந்தது நாளை எங்கள் ஒவ்வொரு மாணவர்களிற்கும் நாடக்காது என்பதற்கு என்ன உத்தரவாதம் எங்களிடம் இருக்கின்றது? இதற்கு நாம் என்ன செய்ய போகின்றோம்.
நாட்டில் தற்போது ஜனநாயகம் நிலவிவருவதாகவும் வடக்கு கிழக்கில் தமிழ் பேசும் மக்கள் எந்த பிரச்சினைகளிற்கும் முகம் கொடுக்காமல் இருந்து வருவதாகவும் வெளி உலகத்திற்கு காட்டிக்கொள்ளுகின்றது இலங்கை அரசு ஆனால் நேற்று எமது மாணவ ஒன்றிய தலைவர் மீதான தாக்குதல் மற்றும் இதற்கு முன்னர் நடந்த தாக்குதல்கள் வடக்கு கிழக்கில் ஜனநாயகம் இல்லை என்ற செய்தியோடு இராணுவ ஆட்சியே நடைபெறுவதை காட்டி நிற்கின்றது.
வட கிழக்கை இவ்வாறான செயற்பாடுகள் மூலம் அடக்கி வைக்கலாம் என இலங்கை அரசு நினைக்குமானால் எதிர் காலத்தில் இலங்கை அரசு பல எதிர் விளைவுகளை எதிர்கொள்ள நேரிடும் என சுட்டிக்காட்ட விரும்புகின்றோம். பட்டப்பகலில் நடந்த இந்த சம்பவங்களில் இருந்து சர்வதேச சமூகம் நாங்கள் எவ்வாறான நிலைமைகளில் இருந்து கொண்டிருக்கின்றோம் என்பதை புரிந்து கொள்ள வேண்டும்.
எமது பல்கலைகழத்திற்கு பெரும்பான்மை இன மாணவர்களின் வரவு இன்று அதிகரித்துள்ள வேளையில் தமிழ் மாணவர்களின் தலைமைத்துவத்தை விரும்பாத சில தீய சக்திகளின் செயற்பாடே இந்த தாக்குதலாகும். இது போன்ற காட்டுமிராண்டி தாக்குதல்களை நடாத்துபவர்களை நாம் உடனடியாக இனங்கான வேண்டும்.
அவர்களை சட்டங்களிற்கு முன் நிறுத்தவேண்டும். இல்லையேல் இனிவரும் காலங்களிலும் எமது தமிழ் பேசும் ஒவ்வொரு மாணவர்களும் இந்த தாக்குதல்களுக்கு உள்ளவார்கள். எனவே யாழ் பல்கலைக்கழக மாணவ சமூகமாகிய நாம் மாணவ அடக்கு முறைகளிற்கு எதிராக முக்கிய சில கோரிக்கைளை முன்வைத்து அகிம்சை வழியில் கிளர்ந்தெழ ஆயத்தமாக உள்ளோம்.
1.ஒவ்வொரு தமிழ் மாணவர்களினதும் பாதுகாப்பை உறுதிப்படுத்தப்பட வேண்டும்.
2.மாணவ ஒன்றி தலைவரினை தாக்கியவர்களை உடன் சட்டத்தின் முன் நிறுத்தப்படவேண்டும்.
3.மாணவர் ஒன்றிய தலைவருக்கு தாக்குதல் நடாத்தப்பட்ட இடத்திற்கு அருகில் இலங்கை படைகளின் காவலரன் உள்ளது எமது பாதுகாப்பிற்கு இல்லாத அது போன்ற பாடசாலை மற்றும் எமது பல்கலைக்கழகத்திற்கு மற்றும் மக்கள் செறிந்து வாழும் இடங்களிற்கு காவலரங்களை உடனே அகற்ற வேண்டும்.
4.மாணவர்களின் சுதந்திரமான செயற்பாடுகளிற்கு அனுமதியளிக்கப்பட வேண்டும்.
5.மாணவர்களின் தனித்தவமான செயற்பாடுகளில் இனந்தெரியாதோர் என அழைக்கப்படவோர் தலையிடுவது நிறுத்தப்பட வேண்டும்.
6.மாணவர்களாகிய நாம் எங்கு செல்லவும் அனுமதியளிக்கப்பட வேண்டும்.
கோரிக்கைகளை வெற்று கோரிக்கைகளாக நாம் தெரிவிக்கவில்லை. அதனூடாக நாம் எமது அனைத்து தமிழ் பேசும் மாணாவர்களின் உரிமைகளாகவே தெரிவித்து கொள்கின்றோம். எங்கள் மாணவ உரிமை கோரிக்கைகளை நிலைநிறுத்தம் வரை நாங்கள் எங்கள் விரிவுரைகளை நிறுதியுள்ளோம். எனவே எங்கள் கோரிக்கைகளை விரைவாக செயற்படுத்தி அதற்கு தீர்வு வழங்குவதன் மூலம் கற்றலை சிறப்பாக முன்னெடுத்து செல்ல உதவிடுமாறு விரைவாக கேட்டுக்கொள்கின்றோம்.
இதற்கு விரைவான தீர்வினை பெறுவதற்கு எங்களுடன் எல்லா பாடசாலைகள் உயர் கல்விக்கூடங்கள் மற்றும் எங்கள் தமிழ் தேசத்தின் சமூக அமைப்பக்கள் ஒவ்வொன்றையும் எம்முடன் இணைந்து கொள்ளுமாறு வேண்டிநிற்கின்றோம் நாங்கள் அனைவரும் விரைவாக ஒன்றிணைவதன் மூலம் எங்கள் பலத்தினை நிரூபிப்போம்.
நாங்கள் அனைவரும் ஒன்றிணைவதன் மூலம் எங்கள் உரிமைகளை ஒவ்வொன்றாக பெற்றுக்கொள்வோம். நாம் அனைவரும் ஒன்றுபட வேண்டிய காலம் எங்கள் முன் கணிந்துள்ளது. அதை நாம் சரி வர பயன்படுத்துவதன் மூலம் எமது இலக்குகளை விரைவு படுத்துவோம்.
நன்றி
மாணவர் ஒன்றியம்
யாழ் பல்கலைக்கழகம்

சனி, 17 செப்டம்பர், 2011

வீட்டில் விளக்கேற்றாமல் வங்கதேசிகள் போராட்டம்

வீட்டில் விளக்கேற்றாமல் வங்கதேசிகள் போராட்டம்

தினமணி நாளிதழிலிருந்து
பதிவு செய்த நாள் : September 12, 2011


டாக்கா,செப்.11: வங்கதேசத்தில் இந்திய நிலப்பகுதிகள் என்று அழைக்கப்பட்ட பகுதிகளில் இதுவரை வசித்து வந்த தங்களுக்கு வங்கதேசக் குடியுரிமை வழங்க வேண்டும் என்று கோரி நூற்றுக்கணக்கானோர் சனிக்கிழமை இரவு வீட்டில் விளக்கேற்றாமல் இருட்டிலேயே வசித்து எதிர்ப்பு தெரிவித்தனர். ஞாயிற்றுக்கிழமை இரவும் இந்த எதிர்ப்பு தொடரும் என்று அறிவித்தனர்.  நாடு சுதந்திரம் அடைந்தபோது (1947) இந்தியாவுக்கும் அப்போதைய கிழக்கு பாகிஸ்தானுக்கும் இடையிலான நிலத்தைப் பிரிப்பதில் அப்போதைய பிரிட்டிஷ் ஆட்சியாளர்கள் வேண்டும் என்றே சில குளறுபடிகளைச் செய்துவிட்டனர்.  அதன்படி இந்திய நிலப்பகுதி தொடர்ச்சியாக இல்லாமல் ஆங்காங்கே சிறு சிறு தீவுகளைப் போல நிலப்பகுதியிலேயே பிரிக்கப்பட்டன. இதனால் வங்கதேசிகளும் இந்தியர்களும் மற்றவர் நிலப்பகுதியைக் கட்டாயம் கடந்தாக வேண்டிய சூழல்கள் ஏற்பட்டன. பெரும்பாலான சமயங்களில் மக்கள் தங்களுக்குள் அனுசரித்துப் போனாலும் ஏதேனும் முரண்பாடுகள் அரசுகளுக்குள் ஏற்படும்போது இந்த மக்களின்பாடு திண்டாட்டமாகிவருகிறது.  எல்லை காப்புப் படையினர் இவர்களைத் தங்கள் நாட்டு எல்லைக்குள் அத்துமீறி நுழைந்ததாகக் கைது செய்யும் அவலம் அரங்கேறியது. இதைத் தீர்க்கத்தான் சமீபத்தில் பிரதமர் மன்மோகன் சிங் வங்கதேசம் சென்றபோது இருவருக்கும் நிலப்பரப்பு இழப்பு இல்லாமல் எல்லைகளைப் பிரிக்க ஒப்பந்தம் செய்துகொள்ளப்பட்டது. அப்படி வங்கதேசத்தில் சேர்க்கப்பட்ட தங்களுக்கு வங்கதேசக் குடியுரிமை வழங்க வேண்டும் என்று கோரி, வங்கதேசிகள் விளக்கை ஏற்று மறுத்து கிளர்ச்சி செய்தனர். இவர்கள் இதுவரை நாடற்றவர்களாகவே கருதப்பட்டு வந்தனர் என்பது குறிப்பிடத்தக்கது.

திங்கள், 8 ஆகஸ்ட், 2011

ஈழச்சிக்கல் - ஆக.12 இல் தில்லியில் ம.தி.மு.க. ஆர்ப்பாட்டம்

ஈழப்பிரச்சினை: ஆக.12-ல் தில்லியில் 
ம.தி.மு.க. ஆர்ப்பாட்டம்

First Published : 08 Aug 2011 11:35:09 AM IST

Last Updated : 08 Aug 2011 11:57:41 AM IST

சென்னை, ஆக.8: ஈழப் பிரச்னை தொடர்பாக தில்லியில் இந்திய நாடாளுமன்றத்துக்கு அருகே ஆகஸ்ட் 12-ம் தேதி மதிமுக சார்பில் ஆர்ப்பாட்டம் நடைபெற உள்ளதாக அக்கட்சியின் பொதுச்செயலர் வைகோ தெரிவித்துள்ளார்.இதுகுறித்து அவர் வெளியிட்ட அறிக்கை:இலங்கையில் தமிழர் தாயகப் பகுதிகளில் குவிக்கப்பட்டு உள்ள சிங்கள இராணுவத்தையும், போலீசையும் உடனடியாக அகற்றவும், சிங்களக் குடியேற்றங்களைத் தடுப்பதோடு, அக்கிரமமாகக் குடியேறியவர்களை வெளியேற்றவும், இந்திய அரசும், உலக நாடுகளும் உரிய நடவடிக்கைகளை மேற்கொள்ளவும், ஈழத்தமிழர் தேசிய இனப்பிரச்சினைக்கு, சுதந்திரத் தமிழ் ஈழ தேசம் மட்டுமே தீர்வாக முடியும்.எனவே அதற்கான பொது வாக்கெடுப்பை அனைத்து உலகப் பார்வையாளர்கள் கண்காணிப்பில் நடத்துவதற்கும், அந்த வாக்கெடுப்பில் உலகின் பல நாடுகளில் உள்ள புலம் பெயர்ந்த ஈழத்தமிழர்கள் அந்தந்த நாடுகளிலேயே அந்த வாக்கெடுப்பில் பங்கேற்கவுமான நடவடிக்கைகளை ஐ.நா. மன்றம் முன்னெடுப்பதற்குமான கோரிக்கைகளை வலியுறுத்தவும்; இதற்கு இந்தியாவில் கட்சி, மாநில எல்லைகளைக் கடந்த ஆதரவைத் திரட்டவும், ஆகஸ்ட் 12 ஆம் நாள் வெள்ளிக்கிழமை காலை 10.00 மணி அளவில், நாடாளுமன்றத்துக்கு அருகில் உள்ள ஜந்தர் மந்தரில், என்னுடைய தலைமையில் அறப்போர் ஆர்ப்பாட்டத்தை மதிமுக நடத்த இருக்கின்றது. ஈழத்தமிழ் உணர்வாளர்களும் இந்த அறப்போரில் பங்கு ஏற்குமாறு அன்புடன் வேண்டுவதாக வைகோ தனது அறிக்கையில் குறிப்பிட்டுள்ளார்.

செவ்வாய், 19 ஏப்ரல், 2011

cong. drama against the killings of fishermen : மீனவர் படுகொலையைக் கண்டித்து சென்னையில் காங். ஆர்ப்பாட்டம்

எதிர்க்கட்சி ஆகப் போவதால் நடத்தும் நாடகம் . என்றாலும் பாராட்டுகள். காங்.கிற்குப் பொறுப்பில்லை என மக்கள் நினைக்க மாட்டார்கள். தமிழ் நாட்டுக் காங். அடிமைத்தனததைத் தளர்த்தி மத்திய காங்.கிற்கு எதிராகக் குரல் கொடுப்பதாகவே எண்ணுவார்கள்.  ஈழத்மிழர் படுகொலைகளுக்கும் மீனவர் படுகொலைகளுக்கும் தமிழ் முதலான தேசிய இனங்களுக்கு எதிரான ஒடுக்கு முறைகளுக்கும் காங்.கே காரணம் என்பதால் உரிய தண்டனையை அக்கட்சி பெறும். 
அன்புடன் இலக்குவனார் திருவள்ளுவன் 
/ தமிழே விழி! தமிழா விழி! / 
எழுத்தைக் காப்போம்!  மொழியைக் காப்போம்! இனத்தைக் காப்போம்! 



மீனவர் படுகொலையைக் கண்டித்து சென்னையில் காங். ஆர்ப்பாட்டம்


சென்னை, ஏப்ரல் 18: தமிழக மீனவர்கள் இலங்கைக் கடற்படையால் கொல்லப்படுவதைக் கண்டித்தும், அண்மையில் மர்மமான முறையில் இலங்கைக் கடற்பகுதியில் இறந்து போன தமிழக மீனவர்கள் படுகொலையைக் கண்டித்தும் சென்னை, மயிலாப்பூரில் காங்கிரஸார் ஆர்ப்பாட்டம் நடத்தினர். இலங்கைத் தூதரகம் அருகில் தமிழக காங்கிரஸ் தலைவர் கே.வி.தங்கபாலு தலைமையில் இந்த ஆர்ப்பாட்டம் நடந்தது. ஆர்ப்பாட்டத்தில் கலந்துகொண்டவர்கள் இலங்கைக்கு எதிரான கோஷங்களை எழுப்பி, மீனவர்கள் கொல்லப்படுவது நிறுத்தப்பட வேண்டும் என்று வலியுறுத்தினர். பின்னர் போலீஸார் கே.வி.தங்கபாலு உள்ளிட்ட காங்கிரஸார் சிலரை கைது செய்து போலீஸ் வாகனங்களில் ஏற்றினர்.

சனி, 12 மார்ச், 2011

Dinamani editorial about Libiya: தலையங்கம்: அந்நியர் புகலென்ன நீதி?

சரியான மறு கோணத்தை வெளிப்படுத்தி உள்ளீர்கள். பாராட்டுகள். ஆனால், அதே நேரம், போராட்டங்களை ஒடுக்க கடாஃபி மேற்கொள்ளும் அடக்கு முயற்சிகள் கொடுமை வாய்ந்தவை என்பதையும் சுட்டிக் காட்டி இருகக வேண்டும். 
அன்புடன் இலக்குவனார் திருவள்ளுவன்
/ தமிழே விழி! தமிழா விழி! /

தலையங்கம்: அந்நியர் புகலென்ன நீதி?

First Published : 12 Mar 2011 12:31:00 AM IST

Last Updated : 12 Mar 2011 03:53:09 AM IST

லிபிய அதிபர் மும்மார் கடாஃபி ஒரு சர்வாதிகாரி என்பதிலும், அவரது ஆட்சி பொற்கால ஆட்சியொன்றும் அல்ல என்பதிலும் யாருக்கும் மாறுபட்ட கருத்து இருக்க முடியாது. அதேநேரத்தில், உலக சர்வாதிகாரிகளில் மிகவும் மோசமான சர்வாதிகாரி என்றோ, ஏனைய ஆட்சியாளர்களைவிட அவரது தலைமையிலான ஆட்சி மோசமானதென்றோ வர்ணிக்கவும் முடியாது என்பதுதான் நிஜம்.லிபிய அரசியலையும், லிபியாவின் கடந்த நூற்றாண்டு சரித்திரத்தையும் புரிந்து கொள்ளாமல் எழுதும் பல மேலைநாட்டுப் பத்திரிகைகளும், கடாஃபியை ஒரு கொடுங்கோலனாக வர்ணிப்பதன் மூலம் பரபரப்பை ஏற்படுத்த முயலும் தொலைக்காட்சிச் சேனல்களும், குழம்பிய குட்டையில் மீன் பிடிப்பதுபோல லிபியாவில் ஏற்பட்டிருக்கும் குழப்பத்தைப் பயன்படுத்தி அந்த நாட்டின் எண்ணெய் வளத்துக்குக் குறிவைக்கும் ஏகாதிபத்திய சக்திகளும், பிரச்னையை வளர்க்க முயற்சிக்கின்றனவே தவிர, முறையான தீர்வுக்கு வித்திடவில்லை என்பதை யாருமே சொல்லத் தயாராக இல்லை. இதற்குக் காரணம், அதிபர் மும்மார் கடாஃபியை வீழ்த்தியாக வேண்டும் என்று மேலைநாடுகள் கடந்த 30 ஆண்டுகளாகவே திட்டமிட்டு வருவதுதான்.உலக எண்ணெய் வளத்தில் 2% லிபியாவில்தான் கிடைக்கிறது. இன்னும் பல எண்ணெய்க் கிணறுகள் கண்டுபிடிக்கப்படக் கூடும் என்பதுதான் எதிர்பார்ப்பு. ஆனால், எல்லா எண்ணெய்க் கிணறுகளையும் ஒரே நேரத்தில் பயன்படுத்தாமல், நீண்ட காலத்துக்கு லிபியாவின் எண்ணெய் வளத்தைத் தக்க வைத்துக் கொள்ள வேண்டும் என்கிற அதிபர் மும்மார் கடாஃபியின் பிடிவாதம், அமெரிக்கா உள்ளிட்ட மேலைநாடுகளுக்கு எரிச்சல் ஊட்டுவதில் ஆச்சரியம் என்ன இருக்கிறது?1951-ல் இத்தாலியக் காலனியாக இருந்த லிபியா விடுதலை பெற்று சுதந்திர நாடானது. லிபியாவின் கிழக்குப் பகுதியான சைரனைக்காவின் முக்கியமான செனூசி ஆதிவாசி இனத்தைச் சேர்ந்த ஒன்றாவது இத்ரிஸ் என்கிற ராஜா, லிபியாவின் மன்னரானார். லிபியாவின் மேற்குப் பாதியில் கதத்ஃபா, மாக்ரஹா, வர்ஃபல்லா என்கிற மூன்று முக்கியமான ஆதிவாசி இனங்களும் கதத்ஃபா இனத்தவரான மும்மார் கடாஃபியின் தலைமையில் உள்நாட்டுக் கலகத்தில் ஈடுபட்டு, மன்னராக இருந்த முதலாம் இத்ரிசைப் பதவியிலிருந்து துரத்தி 1969-ல் ஆட்சியைக் கைப்பற்றின.1969-ல் பதவியைக் கைப்பற்றியது முதலே, ஆதிவாசி இனக் குழுக்களின் முக்கியத்துவத்தை உணர்ந்து வைத்திருக்கும் அதிபர் மும்மார் கடாஃபி மேற்கு லிபியாவின் முக்கியமான இனங்களான கதத்ஃபா, மாக்ரஹா, வர்ஃபல்லா, ஃபெஸ்ஸன், திரிபோலித்தானியா போன்றவற்றின் முழுமையான ஆதரவையும், நம்பிக்கையையும் தக்க வைத்திருப்பதால்தான் இன்றுவரை அதிபராகத் தொடர முடிகிறது. எகிப்து, டுனீசியா போன்ற நாடுகளின் அதிபர்களைப்போல அல்லாமல் மும்மார் கடாஃபி தனது பெயரில் வெளிநாட்டு வங்கிகளின் பணம் சேர்த்து வைத்திருக்கிறார் என்றோ, அளவுக்கு அதிகமான ஆடம்பர வாழ்க்கை வாழ்ந்ததாகவோ அவர்மீது குற்றச்சாட்டுகளும் கிடையாது. தன்னைச் சுற்றி பெண்களைக் காவலர்களாக வைத்திருக்கிறார் என்கிற ஒரே ஒரு குற்றச்சாட்டுதான் மீண்டும் மீண்டும் எழுப்பப்படுகிறது.மேற்கு லிபியாவைச் சேர்ந்த அதிபர் மும்மார் கடாஃபி புத்திசாலித்தனமாக கிழக்கு லிபியாவைச் சேர்ந்த ஆதிவாசி இனக்குழுக்களை பொருளாதார ரீதியாக வளர விடாமலும், அவர்கள் பெரிய அளவில் ஆயுதங்கள் வைத்துக் கொள்ளாமலும் பார்த்துக் கொண்டிருக்கிறார் என்பது உண்மை. மேலும், தனது ராணுவத்தையே முழுமையாக நம்பாமல் பிரித்தாளும் சூழ்ச்சி மூலம் தனது கட்டுப்பாட்டில் வைத்திருக்கிறார் என்பதும் நிஜம்.கிழக்கு லிபியாவைச் சேர்ந்த இனக்குழுக்கள்தான் இப்போது அதிபர் மும்மார் கடாஃபிக்கு எதிராகக் கிளம்பி இருக்கிறார்கள். ஆனால், மேற்கு லிபியாவிலுள்ள எல்லா இனக்குழுக்களும் அவருக்கு ஆதரவாக இருப்பதால்தான், எகிப்திலும் டுனீசியாவிலும் ஏற்பட்டதுபோல, லிபியாவில் உள்நாட்டுக் கலகம் இன்னும் தொடர்கிறதே தவிர, ஆட்சி மாற்றம் ஏற்படவில்லை. இப்படிப்பட்ட சூழ்நிலையில், லிபியாவின் உள்நாட்டுப் பிரச்னையில் தலையிட்டுப் புரட்சியாளர்களுக்கு உதவ வேண்டும் என்கிற முனைப்புடன் வல்லரசு நாடுகள் செயல்படத் துடிக்கின்றன.பிரிட்டிஷ் பிரதமர் டேவிட் கேமரூன், புரட்சியாளர்களுக்கு ஆயுதங்களைப் பாராசூட் மூலம் விநியோகம் செய்தால் என்ன என்று யோசனை கூறுகிறார். சவூதி அரேபியா மூலம் ஆயுதங்களைத் தந்து உதவினால் என்ன என்று அமெரிக்கா யோசிக்கிறது. புரட்சியாளர்களுக்கு எதிராக விமானத் தாக்குதல் நடத்தும் லிபிய அரசும் படைகளை முடக்க, அந்த நாட்டிலுள்ள விமானநிலையங்களின் மீது குண்டு வீசித் தகர்த்தால் என்ன என்று யோசனை கூறுகிறார் அமெரிக்க செனட்டர் ஜான் கெர்ரி. இன்னொரு செனட்டரான ஜான் மெக்கெய்ன், இராக்கில் நடத்தியதுபோல நேசப்படைகள் நுழைந்து, அதிபர் மும்மார் கடாஃபியைப் பதவியிலிருந்து அகற்றிப் புதிய ஆட்சியை நிறுவினால் தவறில்லை என்கிறார்.லிபியாவில் உள்நாட்டுக் கலகம் ஏற்பட்டிருப்பது உண்மை. அதிபர் கடாஃபியின் அரசு, ஆட்சியை எதிர்த்துப் போராடும் புரட்சியாளர்களுக்கு எதிராகத் தனது முழு ராணுவ பலத்தையும் பிரயோகித்துக் கலகத்தை அடக்க முயற்சிக்கிறது என்பதும் உண்மை. அதற்காக, எந்தவிதத்திலும் சம்பந்தமில்லாத மேலைநாட்டு ராணுவம் இன்னொரு நாட்டின் உள்நாட்டுப் பிரச்னையில் வலியப்போய் தலையிட்டு நியாயப் பஞ்சாயத்து நடத்த முயற்சிப்பதை எப்படி அனுமதிப்பது, அங்கீகரிப்பது?நமது காஷ்மீரிலும்தான் பிரச்னை இருக்கிறது. நமது ராணுவமும், எல்லைப் பாதுகாப்புப் படையும் காஷ்மீர் தீவிரவாதிகளுக்கு எதிராக அடக்குமுறையில் ஈடுபடுகிறது. இது தவறு என்று கூறி நாளை அமெரிக்காவோ, சீனாவோ தனது ராணுவத்தை அந்தத் தீவிரவாதிகளுக்கு ஆதரவாக அனுப்பினால், இந்திய எல்லைக்குள் நுழைந்தால் அதை நாம் அனுமதிக்க முடியுமா?அதிபர் மும்மார் கடாஃபி அரசின் ராணுவத்தின் கை ஓங்கி வருவதாகவும், புரட்சியாளர்களின் எதிர்ப்புக் குறைந்து வருவதாகவும் தெரிகிறது. உள்நாட்டுக் கலகத்துக்கு மேற்கு லிபிய ஆதிவாசி இனக்குழுக்களுக்கும், கிழக்கு லிபிய இனக்குழுக்களுக்குமான பதவிப் போட்டிதான் காரணம். ஆனால், அமெரிக்கா உள்ளிட்ட மேலைநாட்டினரின் அக்கறைக்குக் காரணம் லிபியாவின் எண்ணெய் வளம். 2003-ல் இராக். 2011-ல் லிபியா. என்றுதான் தணியும் இந்த ஏகாதிபத்திய மோகம், தெரியவில்லையே!


திங்கள், 31 ஆகஸ்ட், 2009

இலங்கைத் தமிழர்களை காப்பாற்றக் கோரி 2ம் தேதி ரயில் மறியல்: திராவிடர் கழகம்

First Published : 31 Aug 2009 12:41:15 AM IST


சென்னை, ஆக. 30: இலங்கையில் முகாம்களில் அடைக்கப்பட்டுள்ள தமிழர்களை காப்பாற்றக் கோரி வரும் புதன்கிழமை (செப்டம்பர் 2) ரயில் மறியல் நடத்தப்படும் என்று திராவிடர் கழகம் அறிவித்துள்ளது.

இதுகுறித்து அதன் தலைவர் கி. வீரமணி வெளியிட்டுள்ள அறிக்கை:
இலங்கைப் போரில் பல லட்சம் தமிழர்கள் கொன்று குவிக்கப்பட்டனர். அதுபோதாது என்று முகாம்கள் என்ற பெயரில் முள் வேலிகளுக்குள் 3 லட்சம் தமிழர்கள் முடக்கி வைக்கப்பட்டு, மிருகங்களை விட கேவலமாக நடத்தப்படுகின்றனர். இதற்கு மேலும் ஈழத் தமிழர்கள் துன்பத்தை அனுபவிக்கவே முடியாது. இந்திய அரசு இதில் உடனடியாக தலையிட்டு முகாம்களில் உள்ள தமிழர்களைக் காப்பாற்ற வேண்டும். இந்தக் கோரிக்கையை வலியுறுத்தி சென்னை சென்ட்ரல் ரயில் நிலையத்தில் செப்டம்பர் 2-ம் தேதி ரயில் மறியல் போராட்டம் நடத்தப்படும். பெரியார் திடலில் இருந்து அன்று காலை 10 மணிக்கு ஊர்வலமாகச் சென்று போராட்டத்தில் ஈடுபட உள்ளதாக அறிக்கையில் தெரிவித்துள்ளார் வீரமணி.

-----------------------------------------------------------------

1/2)

செப்.2 அன்று ஓணம் ;எனவே, இந்நாளை மாற்ற வேண்டும் என முடிவெடுக்கக் கூடாது. நம்பியார்களும் மேனன்களும் தமிழின அழிவிற்கு மூலக் காரணமாக இருப்பதால் மலையாளிகளுக்கு உணர்த்துவதற்காக அன்றே போராட்டம் நடை பெற வேண்டும்.

2. ஆனால், ஆளுங் கட்சிகளுக்குப் பின்பாட்டு பாடுவதையே கொள்கையாகக் கொண்டுள்ளதாலும் இந்த அடிப்படையில் நடந்து முடிந்த தேர்தலில் கொலைகாரக்கும்பலுக்கு ஆதரவு தந்ததாலும் இவர் மீது நம்பகத்தனமை மனித நேய ஆர்வலர்களிடம் இல்லை.

ஆதலின் தன்னைத் தமிழ் இன ஆர்வலராகக் காட்டிக் கொள்ள இந்தப் போராட்டம் இடம் தராது.

3.இலங்கை மக்களுக்கும் ஈழ மக்களுக்கும் ஆதரவாகப் பெரும் பெரும் போராட்டங்கள் நடத்தப்பட்டும் காங்.கின் தவறான வீம்பான தமிழின எதிர்ப்புக் கொள்கையால்தான் ஈழ மக்கள் அழிவைச் சந்தித்துக் கொண்டிருக்கின்றனர். எனவே, எப் போராட்டத்தாலும் பயன் இல்லை. ----

--- தொடர்ச்சி 2/2 காண்க

அன்புடன் இலக்குவனார் திருவள்ளுவன்

2/2)

4. எல்லா மாநிலங்களிலும் அனைத்துத் தரப்பாரையும கூட்டி ஈழத் தமிழர்களின் உரிமைக்கு ஆதரவான நிலையை எடுக்கும் வகையில் விளக்க வேண்டும். அவர்கள் மூலம் காங். அரசை நெருக்க வேண்டும்.5. பன்னாட்டுத் தலைவர்களையும் சந்தித்து இதே போன்று விளக்கி வலியுறுத்தி அனைத்து நாடுகளும் தமிழ் ஈழத்தை அங்கீரிக்க ஆவன செய்ய வேண்டும்.

அன்புடன் இலக்குவனார் திருவள்ளுவன்

வியாழன், 16 ஜூலை, 2009

மாணவர்கள் மீது போலீஸ் தடியடி ஏன்? - முதல்வர் கருணாநிதி



சென்னை, ஜூலை 15: தலைமைச் செயலகத்தில் நுழைய முற்பட்டு காவல் துறை அதிகாரிகளைத் தாக்கி சட்டம் - ஒழுங்கு பிரச்னையை ஏற்படுத்தியதால்தான் மாணவர்கள் மீது தடியடி நடத்தப்பட்டது என்று முதல்வர் கருணாநிதி கூறினார். எதிர்க்கட்சியினர் கூறும் குற்றச்சாட்டுகளில் உண்மை இருக்குமானால், இந்தச் சம்பவம் குறித்து மேலும் விசாரித்து நடவடிக்கை எடுக்கப்படும் என்றும் அவர் தெரிவித்தார். பேரவையில் அதிமுக உறுப்பினர் டி. ஜெயக்குமார், பா.ம.க. உறுப்பினர் வேல்முருகன், மார்க்சிஸ்ட் உறுப்பினர் மகேந்திரன், இந்திய கம்யூனிஸ்ட் உறுப்பினர் சிவபுண்ணியம், ம.தி.மு.க. உறுப்பினர் ஞானதாஸ் ஆகியோர் புதன்கிழமை எழுப்பிய சிறப்பு கவன ஈர்ப்பு தீர்மானத்துக்கு முதல்வர் அளித்த பதில்:- ""சமச்சீர் கல்வி வேண்டும், பள்ளி - கல்லூரிகளில் நன்கொடையைத் தடை செய்ய வேண்டும் உள்ளிட்ட கோரிக்கைகளை முழக்கமிட்டு இந்திய மாணவர் சங்கத்தின் அகில இந்திய இணைச் செயலர் செல்வா, அதன் மாநிலத் தலைவர் ராஜேஷ் குமார் மற்றும் சங்கத்தைச் சேர்ந்தவர்கள் முன் அனுமதி ஏதும் இன்றி தலைமைச் செயலகத்துக்குள் அத்துமீறி நுழைய செவ்வாய்க்கிழமை முற்பட்டனர். சட்டப் பேரவை நடைபெற்றுக் கொண்டிருப்பதை காவலர்கள் சுட்டிக்காட்டி அவர்களைத் தடுத்த நிறுத்த முற்பட்டபோது, தள்ளிக் கொண்டு உள்ளே நுழைய முயற்சித்து அவர்கள் காவலர்களுடன் தகராறில் ஈடுபட்டனர். சட்டப் பேரவை நிகழ்ச்சிக்கு குந்தகம் ஏற்பட்டு விடாமலும் தலைமைச் செயலகத்துக்குள் மாணவர்கள் அத்துமீறி நுழைந்து விடாமலும் இருப்பதற்காக காவல் துறையினர் எச்சரிக்கை செய்தனர். அதைக் கேட்காமல் மாணவர்கள் நடந்து கொண்டதால், வேறு வழியின்றி குறைந்தபட்ச பலத்தை காவல் துறையினர் பிரயோகித்து கூட்டத்தினரைக் கலைத்தனர். 19 பேர் காயம்: இந்தச் சம்பவத்தில் ஒரு ஆய்வாளர், மூன்று காவலர்கள் மற்றும் இந்திய மாணவர் சங்கத்தைச் சேர்ந்த 16 பேர் காயம் அடைந்தனர். தற்போது மருத்துவமனையில் 5 பேர் மட்டுமே உள்ளனர். அதிலும் நான்கு பேர் "டிஸ்சார்ஜ்' செய்யப்படும் நிலையில் உள்ளனர். இந்தச் சம்பவம் குறித்து விசாரணை செய்தபோது, குழுமிய 72 பேரில் 49 பேர்தான் மாணவர்கள் என்றும் மீதமுள்ள 23 பேர் மாணவர்கள் அல்லாதவர்கள் என்றும் தெரியவந்துள்ளது. மாணவர்களின் பெயரால் போராட்டத்தைத் தூண்டிவிட்டு, அதை மேலும் மேலும் தொடர்ந்து கொண்டிருப்பவர்களின் நடவடிக்கைகளைப் பற்றி புரிந்து கொள்ள முடியும். பெற்றோருக்குத் தகவல்: இதில் கலந்து கொண்ட 49 மாணவர்களின் பெற்றோருக்கும் அவர்கள் படிக்கும் கல்வி நிறுவனங்களின் முதல்வர்களுக்கும் சட்ட மீறல்கள் குறித்து மாநகர ஆணையர் தகவல் அனுப்பியுள்ளார். மேலும் மாணவர்கள் மீது இந்திய தண்டனைச் சட்டப் பிரிவு 147, 341, 353, 323, 188-ன் கீழ் வழக்குப் பதிவு செய்யப்பட்டு, கைது செய்யப்பட்டனர். பின்னர் மாலையில் ஜாமீனில் விடுவிக்கப்பட்டனர்'' என்றார் முதல்வர் கருணாநிதி. டி. ஜெயக்குமார் (அதிமுக): இந்தச் சம்பவத்தில் நியாயமான கோரிக்கைகளை அரசின் கவனத்துக்குக் கொண்டுவர வந்த மாணவர்கள் மீது போலீசார் கண்மூடித்தனமாக தாக்குதல் நடத்தியுள்ளனர். அத்தகையோர் மீது நடவடிக்கை எடுக்க வேண்டும். வேல்முருகன் (பா.ம.க.): இந்தச் சம்பவத்தில் ஒட்டுமொத்த காவல் துறையின் மீது குறை இல்லை. தலைமைச் செயலகப் பணியில் ஈடுபடும் போலீசாருக்கு, போராட்டத்தில் ஈடுபடுவோரைச் சமாதானப்படுத்தும் பக்குவம் இல்லை. மாறாக, போலீசார் தடியடி நடத்தியதில் மாணவர்கள் காயம் அடைந்துள்ளனர். பாக்கியா, அனீஃப் என்ற இரண்டு மாணவர்கள் உயிருக்குப் போராடி வருகின்றனர். முதல்வர் கருணாநிதி (குறுக்கிட்டு): உயிருக்குப் போராடும் மாணவர்களுக்கு உரிய சிகிச்சை அளிக்கப்படும். மகேந்திரன் (மார்க்சிஸ்ட்): மாணவர்கள் மீது தடியடி நடத்தி காயம் ஏற்படுத்திய காவல் துறையினர் மீது அரசு நடவடிக்கை எடுக்க வேணடும். சிவபுண்ணியம் (இந்திய கம்யூனிஸ்ட்): போராட்டத்தில் ஈடுபடுவோரை ஒடுக்குவதில் தி.மு.க. அரசின் அணுகுமுறையில் மாற்றம் தெரிகிறது. சமச்சீர் கல்வி, பள்ளி - கல்லூரிகளில் கட்டணக் கொள்ளையைத் தடுத்தல் ஆகிய மாணவர்களின் கோரிக்கைகளில் எந்தவிதத் தவறும் இருப்பதாகத் தெரியவில்லை.
கருத்துக்கள்

அரசின் கொள்கைக்கு உடன்பாடாகத்தான் மாணாக்கர்கள் வந்துள்ளனர். அரசு இப்படிப்பட்ட கோரிக்கைகளை வரவேற்க வேண்டும். வந்திருந்தவர்களில் சார்பாளர்கள் சிலரையாவது தலைமைச் செயலகத்திற்குள் நுழைய இசைவளித்து உரியவர்களைச் சந்திக்க ஏற்பாடு செய்ய வேண்டும். மாணாக்கர்கள் அல்லாதவர்கள் எனப்படுவோர அஞ்சல் வழியிலோ வேறு வகையிலோ கற்பவர்களாகக் கூட இருக்கலாம். எவ்வாறாயினும் இளைஞர்கள் அரசின் கொள்கைனை விரைவில் நடைமுறைப்படுத்தும் கோரிக்கையுடன்தான் வந்துள்ளனர். காவல்துறையினர் ஏவலில் அரசு இயங்கினால் ஆட்சிக்குத்தானே அவலம். எனவே அனைவர் மீதான வழக்குகளை நீக்க வேண்டும். இனி இதுபோல் வருபவர்களை ஒழுங்கு படுத்தி நமது கோரிக்கைகளைச் செவி கொடு்த்துக் கேட்டார்கள் என்ற நிறைவுடன் திரும்பிப் போகும் வண்ணம் அரசின் நடவடிக்கைகள் இருக்க வேண்டும்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
7/16/2009 7:26:00 AM

கோட்டை முன்பு பேரணி நடத்த முயன்ற மாணவர்கள் மீது போலீஸ் தடியடி



சென்னை, ஜூலை 14: சமச்சீர் கல்வி முறை உள்ளிட்ட பல்வேறு கோரிக்கைகளை, வலியுறுத்தி தலைமைச் செயலகம் (கோட்டை) நோக்கி, பேரணி நடத்த முயன்ற மாணவர்கள் மீது போலீஸôர் செவ்வாய்க்கிழமை தடியடி நடத்தினர். இதில், மாணவிகள் உள்பட 19 பேர் காயம் அடைந்தனர். இந்தச் சம்பவம் தொடர்பாக 10 மாணவிகள் உள்பட 70 பேர் கைது செய்யப்பட்டுள்ளனர். தமிழகம் முழுவதும் சமச்சீர் கல்வி முறையை அமல்படுத்த வேண்டும், தனியார் பள்ளிகளில் கட்டணக் கொள்ளையைத் தடுக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி இந்திய மாணவர் சங்கத்தைச் (எஸ்.எஃப்.ஐ.) சேர்ந்த 120 பேர் தலைமைச் செயலகம் நோக்கி ஊர்வலம் நடத்த முடிவு செய்தனர். இதற்கு அனுமதி மறுக்கப்பட்டதால், தடையை மீறிச் செல்ல திட்டமிட்டனர்.
....................
................
விரிவான செய்திக்குக் கோடிட்ட வரிகளைச் சொடுக்குக!