ஆர்ப்பாட்டம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
ஆர்ப்பாட்டம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், 22 செப்டம்பர், 2021

ஒன்றிய அரசை எதிர்த்து ஆர்ப்பாட்டம்



ஒன்றிய அரசை எதிர்த்துத் திராவிட இயக்கத் தமிழர் பேரவை ஆர்ப்பாட்டம்

 ஒன்றிய அரசின் மக்கள் பகைப் போக்கை எதிர்த்து 20.09.21 காலை 10 மணிக்குச் சென்னை கோடம்பாக்கத்தில் உள்ள திராவிட இயக்கத் தமிழர் பேரவை அலுவலகத்திற்கு முன்பு கருப்புக்கொடி ஏந்தி ஆர்ப்பாட்டம் நடைபெற்றது.

பொதுச் செயலாளர் சுப.வீரபாண்டியன் தலைமையில் மாநிலத் துணைப் பொதுச்செயலாளர் சிங்கராயர், பொருளாளர் இளங்கோவன், தலைமை நிலையச் செயலாளர் எடுவின், பேரவை உறுப்பினர்கள் ஆர்ப்பாட்டத்தில் பங்கேற்றனர்.

சனி, 1 பிப்ரவரி, 2020

வலிந்து காணாமல் ஆக்கப்பட்டோர் இலங்கை அதிபருக்கு எதிரான பிரித்தன் ஆர்ப்பாட்டம்



வலிந்து காணாமல் ஆக்கப்பட்டோர் குறித்து இலங்கை அரசுத் தலைவர் பொறுப்புத் துறப்பு!

பிரித்தானிய மக்கள் ஒன்றுபட்ட கண்டன ஆர்ப்பாட்டம்!

 நிலைமையின் முதன்மைத்துவம் கருதிப் பிரித்தானியத் தலைமயமைச்சரின்அலுவலகத்தின் முன் அமைப்புகள் ஒன்றுபட்டு குறுகிய கால அவகாசத்தில் ஏற்பாடு செய்யப்பட்ட ஆர்ப்பாட்டத்தில் நூற்றுக்கணக்கான மக்கள் உணர்வுடன் கலந்து கொண்டனர்.
 வலிந்து காணாமல் ஆக்கப்பட்டோர் பொருண்மையைப் புறம் தள்ளி பொறுப்புக் கூறலை கைவிட முற்படும் இலங்கை அரசின் செயலைக் கண்டிப்பதுடன் இலங்கை அரசினை  ‘பன்னாட்டுக் குற்றவியல் நீதிமன்றத்தில்’ அல்லது அதற்கு நிகரான  ‘பன்னாட்டு நீதிப் பொறிமுறை’ ஒன்றின் முன் நிறுத்த வேண்டும் என்ற கோரிக்கையைப் போராட்டத்தில் கலந்துகொண்டவர்கள் தமது கோரிக்கையாக முன்வைத்து 29 சனவரி 2020அன்று 4 மணியிலிருந்து 7 மணி வரை பிரித்தானியத் தலைமயமைச்சரின் அலுவலகத்தின் முன் ஆர்ப்பாட்டம் நடைபெற்றது. இவ் ஆர்ப்பாட்டத்தில் தமிழ்த் தகவல் நடுவம் (TIC), நாடு கடந்த தமிழீழ அரசாங்கம் (TGTE), பிரித்தானியத் தமிழர் பேரவை (BTF), பல்வேறு புலம்பெயர் அமைப்புகள், பொதுமக்கள், இறுதி இனப்படுகொலைப் போரில் பல இன்னல்களைச் சந்தித்து சாட்சியாளர்களாக இருப்பவர்கள் உணர்வுடன் கலந்து கொண்டனர்.
 11 வருடங்களின் முன் இதே நாளில் (29 சனவரி 2009) தன்னைத் தற்கொடையாக்கிய தமிழ்நாட்டு உறவு ஈகி முத்துகுமாரனின் நினைவுகளுக்கு அஞ்சலி செலுத்தப்பட்டது.
 மாணவர் பேரவையின் தலைவரும் தமிழ்த் தேசியச் செயல்பாட்டாளருமான பொ. சத்தியசீலன உரையாற்றும் போது பிரித்தானியத் தமிழர் பேரவையின் அழைப்பை ஏற்றுக் குழுமியிருந்த அனைத்து  அமைப்புகளுக்கும் நன்றி தெரிவித்தார். மேலும், தமிழ் மக்களுக்கு ஒரு நாடு வேண்டும், அது தமிழீழமாக அமைய வேண்டும் என்ற போராட்டங்கள் நடைபெற்றுக் கொண்டிருக்கின்றது. இந்தக் காலக்கட்டத்திலேயே வலுக்கட்டாயமாகக் காணாமல் ஆக்கப்பட்டவர்களுக்காக ஆயிரம் நாட்களைத் தாண்டியும் தாயகத்தில் போராடிக் கொண்டிருக்கும் மக்களும் புலம்பெயர் நாடுகளில் போராடிக் கொண்டிருக்கும் மக்களும் இலங்கை அரசாங்கத்திடம் நீதி வேண்டி போராடிக் கொண்டிருக்கும் சமயத்தில் இறுதி இனப்படுகொலைப்போரில் யாரும் கைது செய்யப்படவில்லை, எல்லாரும் இறந்து விட்டார்கள் என இலங்கை அரசுத்தலைவர் கூறும் கூற்று கண்டிக்கப்பட வேண்டியது. மேலும் பொதுநலவய நாடுகள் அமைப்பிலிருந்து இலங்கையைத் தடை செய்ய வேண்டும்” என்ற கோரிக்கையை முன் வைத்தார்.
 பிரித்தானிய த் தமிழர் பேரவையின் மனித உரிமைகள் செயலணியின் உதவிப் பொறுப்பாளரும் இளம் செயற்பாட்டாளருமான வேந்தனா கூறும்போது “நானும் இறுதி இனப்படுகொலைப்போரின் சான்றாளர். அதில் யுத்தத்தில் நாம் பல இன்னல்களைச் சந்தித்தித்தோம். இலங்கை இராணுவ முகாம் நோக்கி ஆயிரத்துக்கும் மேற்பட்ட மக்கள் வந்து கொண்டிருந்தார்கள். ஆனால் அவர்கள் வரும் வழியிலேயே கைதுசெய்யப்பட்டனர். நாம் முகாமுக்குள் வரும்போது அவர்களில் பாதிப் பேரைக் காணவில்லை. இராணுவத்திடம் கையளிக்கப்பட்டவர்கள் பெரும்பாலானோர் கொல்லப்பட்டனர் என்றால் அதற்கான ஆதாரம் எங்கே? இலங்கை அரசாங்கமே அவர்களுக்கு என்ன நடந்தது என்பதற்கான முழுப் பொறுப்பும் உடையது. மேலும் இன்றைய போராட்டம் போன்று நாம் மேலும் அனைவரும் ஒன்றாக ஓங்கிக் குரல் கொடுத்து எமக்கான நீதியை வென்றெடுப்போம்” என்றார்.
நாடு கடந்த தமிழீழ அரசாங்க அரசவை உறுப்பினர் சந்துரு குருலிங்கம் தனது உரையில் “காணாமற் போனவர்களின் குடும்பங்களுக்குத், தங்களுடைய அன்புக்குரியவர்களுக்கு நடந்தவற்றின் முடிவு தெரியாதவிடத்து ‘உண்மையை அறிவதற்கான உரிமை’ இருக்கிறது என்பதைப் பன்னாட்டுச்  சட்டம் அங்கீகரிக்கிறது. மேலும் கட்டாயமாகக் காணாமற் போகச் செய்யப்படும் குற்றத்திலிருந்து அனைத்து மக்களையும் பாதுகாப்பதற்கான பன்னாட்டு  உடன்படிக்கையில் 2015 திசம்பர் 15 அன்று இலங்கை  கையொப்பமிட்டுள்ளது. இந்த உடன்படிக்கையின் 21 ஆவது பிரிவின்படி, காணாமற் போனவர்களின் குடும்பங்கள் தொடர்ந்து பாதிக்கப்படுவதை ஏற்றுக் கொள்வதோடு அவ்வாறு பாதிக்கப்பட்டவர்களுக்குக் ‘காணாமற் போனவர்களுக்கு நடந்தது என்ன என்ற உண்மையை அறிந்து கொள்வதற்கான உரிமையையும்’ அளிக்கிறது. “  
“இலங்கை அரச படைகளிடம் ஒப்படைக்கப்பட்ட ஆயிரக்கணக்கானோர் இப்போது உயிருடன் இல்லை என்பதை எந்த அடிப்படையில் இலங்கை ஆட்சியாளர்கள் வெளியிடுகின்றனர் என்ற உண்மையைப் பகிரங்கமாக வெளிப்படுத்த வேண்டும். அதனை த் தட்டிக் கழிக்குமானால், அது காணாமற் போனவர்களின் குடும்பங்களின் துன்பத்தை நீடிக்கச் செய்வதோடு, அவர்களது மனித உரிமைகள் மீறப்படும் குற்றத்தையும், பன்னாட்டுச் சட்டத்தின்கீழ்ப் பல்வேறு கடப்பாடுகளிலிருந்தும், மனித உரிமைகள் அவையின் தீர்மானம் ‘A/HRC/RES/31/1’ முன்வைத்த கடப்பாடுகளிலிருந்தும் தவறிவருவதை உள்ளடக்கியதாக இருக்கும். பன்னாட்டுக் குற்றவியல் நீதிமன்றம், இதற்கு நிகரான ஓர் பன்னாட்டு நீதிப் பொறியமைவின் மூலம் மட்டுமே தமிழர்கள் நீதியைப் பெறமுடியும் என்பதோடு இலங்கையைப் பன்னாட்டு நீதிமன்றத்தின் முன்பு நிறுத்துமாறு பன்னாட்டுச் சமூகத்தை வேண்டுவோம்” என்றார்.
 வரலாற்று மையத்தைச் சேர்ந்த சங்கீதன் உரையாற்றும்போது ” இலங்கை அரசாங்கத்தின் இராணுவத்தினர் படுகொலையானது வெறும் எண்ணிக்கையில் மட்டுமல்ல, அவர்கள் பல மனித உரிமை மீறல்களை ஏற்படுத்தி இருக்கிறார்கள். கடைசி இனப்படுகொலைப்போரில் கூட மத போதகர்களோடு போனால் எமக்கு பாதுகாப்பாக இருக்கும், ‘ICRC’ ஊடாகச் சரணடைந்தால் பாதுகாப்பு என்று இராணுவத்திடம் சரணடைந்ததவர்கள் எங்கே? குடும்பமாகச் சரணடைந்ததவர்கள் எங்கே? கொல்லப்பட்டனர் என்பதன் பொருள் என்ன? எமக்கான நீதி எங்கே? இந்த இக்கட்டான நிலையில் எமது போராட்டத்தை மேலும் வலுப்படுத்த வேண்டும்” என்றார். மற்றும் இராணுவத்தால் இழைக்கப்பட்ட மனித உரிமை மீறல்கள் பற்றிய செய்திகளைத் தெளிவுபடுத்தினார்.
அஃகேனம் அறக் கட்டளையைச் சேர்ந்த சீவன் “எல்லா அமைப்புகளும் ஒன்று சேர்ந்து நம் மக்களுக்கான நீதி வேண்டி ஒன்றாகக் குரல் கொடுப்பதைப் பார்க்கும் பொழுது மகிழ்ச்சியாக இருக்கிறது. இப்பொழுது புலம்பெயர் தமிழ் மக்களிடம்தான் எமது விடுதலையென்பது தங்கியிருக்கிறது என்பதை எல்லாரும் தெரிந்து கொள்ள வேண்டும். புலம்பெயர் மக்களை – குறிப்பாகப் பிரித்தானியா வாழ் தமிழ் மக்களைப் பார்த்து இப்பொழுது  அதிபர் இராசபச்ச பயப்படுகின்ற காலகட்டத்தில் இருக்கின்றார்.  இலங்கையைப் புறக்கணியுங்கள்(Boycott). என்பதை வலியுறுத்துகிறேன். இலங்கையிலிருந்து இறக்குமதி செய்யும் பொருட்களையோ விடுமுறைக்காக இலங்கை செல்வதையோ முடிந்தவரை தவிர்க்க வேண்டும். பொருளாதார வழியில்  பாரிய விளைவுகளை ஏற்படுத்துவது மூலம் உலக நாடுகளின் பார்வைக்கு எடுத்துச் செல்ல முடியும். சிங்கள மக்களுக்கு எங்களின் வலிகளும், இழப்புக்களும் தெரியவில்லை. அதனால் எங்களுக்கு கிடைக்க வேண்டிய நீதி கிடைக்காமல் இருக்கின்றது. நாம் என்றும் ஒற்றுமையுடன் பலமாகப் போராடினால்தான் எம் தேசம் எமக்கு கிடைக்கும்” என்றார்.
 இந்த நிகழ்வினில் ‘கெட்டி உருக்கள்’(Getty images) என்ற பிரித்தானிய ஊடகமும் உக்கிரைன் நாட்டின் ஊடகமும் பிரித்தானியத் தமிழர் பேரவையின் இளையோர் செயல்பாட்டாளர்களைச் செவ்வி எடுத்துள்ளன.

வெள்ளி, 22 மார்ச், 2019

தமிழ்நாட்டுக் கல்வி உரிமை – ஆர்ப்பாட்டம்

அகரமுதல



பங்குனி 09, 2050/ சனி / 23.03.2019
முற்பகல் 09.00 முதல் நண்பகல் 12.00 வரை

வள்ளுவர் கோட்டம், சென்னை

தமிழ்வழிக் கல்வி இயக்கம் – 8015562644

வியாழன், 22 ஆகஸ்ட், 2013

பொதுநல மாநாட்டைப் புறக்கணிக்க பாசக ஆர்ப்பாட்டம்

நாடகமாயினும் பாராட்டுவோம்! கொலையாளிகள் நாட்டில் கொலையாளி தலைமையில் நடைபெறும் கூட்டாளி ஒத்துழைப்பிலான மாநாடு நிறுத்தப்படுவது நன்மை பயக்கும். ஆதலின், நாடகமாயினும் பாராட்டுவோம்! அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்!/

பொதுநல மாநாட்டை ப் புறக்கணிக்க வலியறுத்தி 24-இல் பாசக ஆர்ப்பாட்டம்

இலங்கையில் நடைபெறும் காமன்வெல்த் மாநாட்டை இந்தியா புறக்கணிக்க வலியுறுத்தி வரும் ஆகஸ்ட் 24-ஆம் தேதி பாஜக சார்பில் தமிழகம் முழுவதும் ஆர்ப்பாட்டம் நடைபெறும் என அக்கட்சியின் மாநிலத் தலைவர் பொன். ராதாகிருஷ்ணன் தெரிவித்துள்ளார்.இது குறித்து அவர் வெளியிட்ட அறிக்கையில் கூறியிருப்பதாவது:
வரும் நவம்பரில் இலங்கையில் நடைபெறவுள்ள காமன்வெல்த் நாடுகளின் மாநாட்டில் பங்கேற்குமாறு அந்நாட்டு வெளியுறவுத் துறை அமைச்சர் ஜி.எல். பெரீஸ், பிரதமர் மன்மோகன் சிங்கிற்கு நேரில் அழைப்பு விடுத்துள்ளார்.இலங்கையில் லட்சக்கணக்கான தமிழர்கள் இனப்படுகொலை செய்யப்பட்டதற்கு காரணமான அந்நாட்டு அதிபர் ராஜபட்சவுக்கு தண்டனை வழங்க வேண்டும் என உலக நாடுகள் வலியுறுத்தி வருகின்றன.இந்நிலையில் இலங்கையில் நடைபெறும் காமன்வெல்த் நாடுகளின் மாநாட்டில் இந்தியா பங்கேற்கக் கூடாது என தமிழகத்தில் உள்ள அரசியல் கட்சிகள் மற்றும் தமிழ் அமைப்புகளைச் சேர்ந்தவர்கள் வலியுறுத்தி வருகின்றனர்.
தமிழக மக்களின் உணர்வுகளுக்கு மதிப்பளித்து இலங்கையில் நடைபெறவுள்ள காமன்வெல்த் நாடுகளின் மாநாட்டில் இந்தியாவின் சார்பில் யாரும் பங்கேற்கக் கூடாது. அதோடு காமன்வெல்த் அமைப்புக்கு இலங்கை அதிபர் தலைமை வகிக்கும் வரை அதிலிருந்து இந்தியா விலகி இருக்க வேண்டும்.இதனையும் மீறி மாநாட்டில் பங்கேற்றால், தமிழர்களுக்கு இழைக்கப்பட்ட அநீதியை இந்தியா அங்கீகரித்ததாகிவிடும். எனவே, மாநாட்டில் இந்தியா பங்கேற்கக் கூடாது என்பதை வலியுறுத்தி  ஆகஸ்ட் 24-ஆம் தேதி தமிழகம் முழுவதும் ஆர்ப்பாட்டங்கள் நடைபெறும்.
"மெட்ராஸ் கபே' படத்தை திரையிடக் கூடாது:இலங்கைத் தமிழர்களின் துயரங்களை அறியாமல், அவர்களை தீவிரவாதிகளைப்போல சித்தரித்து மெட்ராஸ் கபே என்ற பெயரில் திரைப்படம் எடுத்திருப்பது கண்டனத்துக்குரியது. இப்படத்தை தமிழகம் மட்டுமல்ல, நாட்டில் எங்கும் திரையிட அனுமதிக்கக் கூடாது  என பொன். ராதாகிருஷ்ணன் கேட்டுக் கொண்டுள்ளார்.

ஞாயிறு, 11 ஆகஸ்ட், 2013

திருப்பதி, காளஅத்தியை தமிழ்நாட்டுடன் இணைக்கக் கோரி ஆர்ப்பாட்டம்

திருப்பதி, காளஹஸ்தியை
தமிழ்நாட்டுடன் இணைக்க கோரி ஆர்ப்பாட்டம்


திருப்பதி, காளஅத்தியை தமிழ்நாட்டுடன் 
இணைக்க க்  கோரி ஆர்ப்பாட்டம்
சென்னை, ஆக. 11-

திருப்பதி, காளஹஸ்தி, சித்தூர், சத்தியவேடு மற்றும் கேரள மாநிலத்தில் உள்ள இடுக்கி ஆகிய பகுதிகளை தமிழ்நாட்டுடன் இணைக்க கோரி தமிழர் நில மீட்பு ஆர்ப்பாட்டம் சென்னை வள்ளுவர் கோட்டம் அருகே இன்று நடைபெற்றது. தமிழர் எழுச்சி இயக்கம் சார்பில் நடைபெற்ற இந்த ஆர்ப்பாட்டத்துக்கு பொதுச் செயலாளர் வேலுமணி தலைமை தாங்கினார்.

துணை பொதுச் செயலாளர் எழிலன், தியாகு, தமிழக வாழ்வுரிமை கட்சி துணை பொதுச் செயலாளர் சத்ரியன் து.வெ.வேணுகோபால், தொழிற்சங்க தலைவர் சைதை சிவராமன், தென் சென்னை மாவட்ட அமைப்பாளர் ஜோசுவா, வில்லிவாக்கம் தேவராஜ், இளைஞரணி அப்துல் மற்றும்  அருகோ, பாவேந்தன், கண்ணன், அருணபாரதி, தெய்வமணி உள்பட பல்வேறு தமிழ் அமைப்பை சார்ந்த பிரமுகர்கள் ஆர்ப்பாட்டதில் பங்கேற்றனர்.

இதில் பொதுச் செயலாளர் வேலுமணி பேசியதாவது:-

ஆந்திராவில் தெலுங்கானா புதிய மாநிலம் அமையும் நேரத்தில் சித்தூர் மாவட்டத்தில் தமிழர் பெரும் பான்மையாக வாழும் பகுதிகளை தமிழ்நாட்டுடன் இணைக்க வேண்டும் என்று கோரிக்கை வலுத்துள்ளது. அங்கு தமிழர்கள் அதிகம் வாழும் திருப்பதி, காளகஸ்தி, புத்தூர், சத்தியவேடு, சித்தூர், நெல்லூர் பகுதிகளை தமிழ்நாட்டுடன் இணைக்க அங்குள்ள மக்கள் விரும்புவதால் மத்திய அரசு இந்த பகுதியை தமிழ்நாட்டுடன் இணைக்க நடவடிக்கை எடுக்க வேண்டும்.

இதே போல் கேரள மாநிலத்தில் உள்ள இடுக்கி பகுதிகளையும் தமிழகத்துடன் இணைக்க வேண்டும். இந்தியாவில் மொழி வாரியாக மாநிலம் பிரியும் போது இந்த பகுதிகள் விருப்பம் இன்றி ஆந்திரா-கேரளாவுடன் இணைக்கப்பட்டு விட்டது. இங்குள்ளவர்களில் அதிகம் பேர் தமிழ்மொழி பேசும், தமிழ் கலாச்சாரத்தை கொண்டவர்களாக உள்ளனர். எனவே மத்திய அரசு தெலுங்கானா மாநிலத்தை உருவாக்கும் போது, ஆந்திரா, கேரளாவில் தமிழ்பேசும் பகுதிகளை தமிழகத்துடன் இணைக்க நடவடிக்கை எடுக்க வேண்டும்.

இவ்வாறு அவர் கூறினார்.

செவ்வாய், 30 ஜூலை, 2013

மன்மோகன்சிங் வருகை - கருப்புக் கொடி ஆர்ப்பாட்டம்: வைகோ

 மன்மோகன்சிங் வருகையை எதிர்த்துக் கருப்புக் கொடி ஆர்ப்பாட்டம்: வைகோ

தமிழகத்திற்கு ஆகஸ்ட் 2ஆம் தேதி வரும் பிரதமர் மன்மோகன்சிங்க்கு அவரது வருகையை எதிர்த்து கருப்பு கொடி ஆர்ப்பாட்டத்தில் பங்கெடுக்க ம.தி.மு.க.வினருக்கு வைகோ அழைப்பு விடுத்துள்ளார்.
இது குறித்து அவர் வெளியிட்டுள்ள அறிக்கையில் கூறியிருப்பதாவது:-
இலட்சக்கணக்கான ஈழத் தமிழர்களை, பச்சிளம் குழந்தைகள், தாய்மார்கள் உள்ளிட்ட, தமிழ்க் குலத்தை ஈவு இரக்கம் இன்றி, உலகம் தடை செய்த குண்டுகளை விமானப் படை கொண்டு வீசியும், மருத்துவ மனைகள் உள்ளிட்ட அனைத்துப் பகுதிகளிலும் இராணுவத் தாக்குதல் நடத்தியும், கொடூரமாகப் படுகொலை செய்த சிங்கள இனவாத இராஜபக்சே அரசுக்கு, முப்படைத் தளவாடங்களைத் தந்தும், தமிழர் இன அழிப்புப் போரில் அனைத்து உதவிகளைச் செய்தும், தமிழ் இனப்படுகொலையின் கூட்டுக் குற்றவாளியான காங்கிரஸ் தலைமை தாங்கும் இந்திய அரசு, தொடர்ந்து ஈழத் தமிழர்களுக்கு வஞ்சகமும் துரோகமும் செய்து வருகிறது.
சுதந்திரத் தமிழ் ஈழத்துக்கான பொது வாக்கெடுப்புக் கோரிக்கைக்கு உலக அரங்கில் ஆதரவு உருவாகும் சூழலைப் பாழ்படுத்தும் நோக்கோடு, 13 ஆம் சட்ட த்திருத்தம் என்ற மாய்மால வேலையில் இந்திய அரசு ஈடுபடுகிறது. இனப்படுகொலை நடத்திய சிங்கள அரசை அனைத்து உலக நீதிமன்றத்தின் குற்றவாளிக் கூண்டில் நிறுத்த வேண்டும் என்ற குரல் தாய்த் தமிழகத்திலும், தரணி எங்கும் மான உணர்வு உள்ள தமிழர்கள், மனித உரிமை காப்பாளர்கள் நெஞ்சில் ஓங்கி ஒலிக்கும் நிலையை மாற்றுவதற்காகவே, காமன்வெல்த் மாநாட்டை நவம்பர் 17, 18 தேதிகளில் கொடியவன் ராஜபக்சே தலைமையில் நடத்துவதற்கு இந்திய அரசு மிகத் தீவிரமாகச் செயல்பட்டு வருகிறது.
அதன்மூலம், கூண்டில் நிறுத்தப்பட்டு, தண்டனை பெற வேண்டிய கொலைபாதகன் ராஜபக்சே, இரண்டு ஆண்டுகளுக்கு காமன்வெல்த் அமைப்புக்கே தலைவர் ஆகி விடுவான். நீதியை புதைகுழிக்கு அனுப்பவே இந்திய அரசும், சிங்கள அரசும் வஞ்சகமாகச் செயல்படுகின்றன. தமிழர்களின் புதைகுழியின் மீது, காமன்வெல்த் மாநாடா? தமிழ்க் குலத்தின் மரண ஓலம் ஒலித்த இடத்தில் மாநாடா? என்று, துடிக்கத் துடிக்கக் கொல்லப்பட்டவர்களின் இரத்தத் துளிகள் ஆவேசக் குரல் எழுப்புகின்றன. மரண நெருப்புக்குத் தங்கள் உயிர்களைப் பலியிட்ட முத்துக்குமார் உள்ளிட்ட தியாக மாமணிகள் கொதிக்கும் குமுறலோடு கேட்கின்றனர்.நமது தொப்புள்கொடி உறவுகளை, நமது குருதிச் சொந்தங்களைக் கொன்று குவித்த சிங்கள இராணுவத்துக்கு இன்னும் இந்தியாவில் பயிற்சி கொடுக்கின்றார்கள்.
தென்தமிழ் நாட்டுக்கு எமனாக அணுஉலையும் அமைத்துவிட்டு, தமிழகத்தில் உற்பத்தியாகும் மின்சாரத்தை கடல் வழியில் சிங்களவனுக்குக் கொடுக்கவும் வேலை நடக்கிறது.தாய்த் தமிழகத்து மீனவர்களை சிங்களக் கடற்படை நாள்தோறும் பன்னாட்டுக் கடல் பரப்பிலும், நமது கடலிலும் தாக்குவதும், சுட்டுக்கொல்வதும், நம் மீனவர்களைக் கைது செய்து சித்ரவதை செய்வதும் அன்றாட நிகழ்வுகள் ஆகிவிட்டன.ஈழத்தமிழர்களுக்கும், தாய்த் தமிழகத்துக்கும் மன்னிக்க முடியாத துரோகம் இழைக்கும் இந்தியாவின் ஐக்கிய முற்போக்குக் கூட்டணி அரசின் தலைமை அமைச்சர் மன்மோகன் சிங், ஆகஸ்டு 02 ஆம் தேதி தமிழ்நாட்டுக்கு வரப்போகிறார்.
கொழும்பில் காமன்வெல்த் மாநட்டை நடத்துவதற்கு முனைப்பாக செயல்படும் இந்திய அரசின் தமிழ் இன துரோகத்தைக் கண்டித்தும், சிங்களக் கடற்படைத் தாக்குதலைத் தடுத்து, தமிழக மீனவர்களைக் காக்க வேண்டிய கடமை ஆற்றாத துரோகத்தைக் கண்டித்தும், பிரதமக்கு கண்டனத்தையும், எதிர்ப்பையும் தெரிவிக்கும் விதத்தில், ஜனநாயக அறவழியில் திருச்சி விமான நிலையத்திற்கு எதிரே ஆகஸ்டு 02 ஆம் தேதி வெள்ளிக்கிழமை அன்று மறுமலர்ச்சி திராவிட முன்னேற்றக் கழகத்தின் சார்பில் கருப்புக்கொடி அறப்போராட்ட ஆர்ப்பாட்டம் நடைபெறும் என தனது அறிக்கையில் கூறியிருக்கிறார்.

சனி, 23 பிப்ரவரி, 2013

நால்வர் தூக்கு த் தண்டனை ஆர்ப்பாட்ட ஒளிப்படங்கள்

நால்வர் தூக்கு த் தண்டனை ஆர்ப்பாட்டம்


  
P1070372.JPGP1070372.JPG
149K   View   Share   Download  
P1070375.JPGP1070375.JPG
138K   View   Share   Download  
P1070377.JPGP1070377.JPG
188K   View   Share   Download  
P1070378.JPGP1070378.JPG
129K   View   Share   Download  
P1070381.JPGP1070381.JPG
183K   View   Share   Download  
P1070386.JPGP1070386.JPG
184K   View   Share   Download  
P1070394.JPGP1070394.JPG
195K   View   Share   Download  
P1070396.JPGP1070396.JPG
189K   View   Share   Download  
P1070413.JPGP1070413.JPG
143K   View   Share   Download  
P1070428.JPGP1070428.JPG
138K   View   Share   Download  
P1070430.JPGP1070430.JPG
165K   View   Share   Download  
P1070433.JPGP1070433.JPG
161K   View   Share   Download  
P1070434.JPGP1070434.JPG
148K   View   Share   Download  
P1070436.JPGP1070436.JPG
148K   View   Share   Download