கொழும்பு, செப்.1- இலங்கையைச் சேர்ந்த தமிழ் பத்திரிகையாளர் திசைநாயகத்துக்கு 20 வருட சிறைத் தண்டனை வழங்கப்பட்டிருப்பது தொடர்பாக அமெரிக்கா அதிருப்தி தெரிவித்துள்ளதாக தகவல்கள் வெளியாகியுள்ளன.
''இலங்கையில் ஊடக சுதந்திரம் பெரும் நெருக்கடிக்கு உள்ளாகியுள்ளது. திசைநாயகத்தின் தண்டனை விவகாரத்தில் மேல்முறையீடு தொடர்பான நடவடிக்கைகளை நாங்கள் கூர்ந்து கவனித்து வருகிறோம். அவருக்கு வழங்கப்பட்டுள்ள தண்டனை அதிருப்தியை அளிப்பதாக உள்ளது. மேலும், திசைநாயகத்தின் பாதுகாப்புக்கு தேவையான அனைத்து நடவடிக்கைகளையும் எடுக்குமாறு இலங்கை அரசைக் கேட்டுக்கொள்கிறோம்'' என்று அமெரிக்க வெளியுறவுத்துறை உதவி செய்தித் தொடர்பாளர் ராபர்ட் வுட் கூறியுள்ளதாக இலங்கைத் தமிழர் ஆதரவு இணையதளங்களில் செய்திகள் வெளியாகியுள்ளன.
திசைநாயகத்துக்கு வழங்கப்பட்ட தண்டனைக்கு ஆசிய மனித உரிமைகள் அமைப்பு, இலங்கை ஜனநாயக பத்திரிகையாளர் அமைப்பு, எல்லைகள் இல்லாத செய்தியாளர்கள் அமைப்பு ஆகியவை ஏற்கெனவே எதிர்ப்புத் தெரிவித்துள்ளன.
9/2/2009 3:58:00 AM
9/1/2009 10:35:00 PM
9/1/2009 7:50:00 PM
9/1/2009 6:06:00 PM
9/1/2009 5:49:00 PM
9/1/2009 4:54:00 PM
9/1/2009 4:51:00 PM
9/1/2009 3:58:00 PM
