கொழும்பு, ஆக.28- போரில் தொடர்பில்லாத பொதுமக்களை முகாம்களில் இருந்து வெளியேற அனுமதிக்க வேண்டும் என்று இலங்கை உச்சநீதிமன்றம் கூறியுள்ளதாக தகவல்கள் வெளியாகியுள்ளன.
வவுனியா அரசு முகாமில் தங்க வைக்கப்பட்டுள்ள வன்னிப் பகுதியைச் சேர்ந்த ஒரு குடும்பத்தினர் தாக்கல் செய்த மனுவின் அடிப்படையில் மேற்கண்ட உத்தரவை இலங்கை உச்சநீதிமன்றம் வழங்கியுள்ளதாக இலங்கைத் தமிழர் ஆதரவு இணையதளங்களில் செய்திகள் வெளியிடப்பட்டுள்ளன.
வன்னியைச் சேர்ந்த சோபிகா சுரேந்திரநாதனும் அவரது பெற்றோரும் முகாமில் தங்க வைக்கப்பட்டுள்ளதாகவும், அந்த குடும்பத்திற்கு கொழும்பு மற்றும் யாழ்ப்பாணத்தில் மொத்தம் 3 வீடுகள் உள்ளதாகவும் கூறப்படுகிறது. எனினும், அவர்கள் முகாமில் தங்க வைக்கப்பட்டதன் அவசியம் என்ன என்பது குறித்து அக்குடும்பத்தினர் இலங்கை உச்சநீதிமன்றத்தில் மனுத் தாக்கல் செய்திருந்தனர். இதையடுத்து, போரில் தொடர்பில்லாத பொதுமக்களை முகாம்களில் இருந்து வெளியேற அனுமதிக்க வேண்டும் என்று உச்சநீதிமன்றம் உத்தரவிட்டுள்ளதாக தகவல்கள் வெளியாகியுள்ளன.
மேலும், முகாமில் தங்க வைக்கப்பட்டுள்ளவர்களை மற்ற குடிமக்களைப் போல சமமாக நடத்த வேண்டும் என்றும் உச்சநீதிமன்றம் சுட்டிக் காட்டியுள்ளதாக அந்த இணையதளங்களில் கூறப்பட்டுள்ளது.
அன்புடன் இலக்குவனார் திருவள்ளுவன்
8/29/2009 3:59:00 AM
8/29/2009 2:15:00 AM
8/29/2009 12:13:00 AM
8/28/2009 4:55:00 PM
