south koriya லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
south koriya லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வியாழன், 12 ஜனவரி, 2012

சொல்கிறார்கள்
"புடவையை ஆச்சரியமாக பார்த்தனர்!' 


தென் கொரியாவில், உலகளவிலான பல்கலைக் கழக மாணவியருக்கிடையே நடந்த அழகிப் போட்டியில், மூன்றாமிடம் பிடித்த சென்னை மாணவி ஸ்வேதா ஸ்ரீதர்: எங்க குடும்பத்தில் டாக்டர்களும், வழக்கறிஞர்களும் தான் அதிகம். அதே வழியில் வந்த நான், சட்டப்படிப்பை தேர்ந்தெடுத்தேன். தமிழ்நாடு டாக்டர் அம்பேத்கர் பல்கலைக் கழகத்தில் படித்துக் கொண்டே, விளம்பரப் படங்களில் நடித்தேன். இதன் தொடர்ச்சி தான் அழகிப் போட்டி. இது, அழகை மட்டும் எதிர்பார்க்கும் போட்டியல்ல; நீச்சல் உடையில் போஸ் கொடுப்பதெல்லாம் கிடையாது. ஒவ்வொரு நாளும், ஒவ்வொரு ஊருக்குப் போக வேண்டும். மொத்தம், 17 நாட்களில், 20 சுற்றுக்களாகப் போட்டி நடந்தது. முதல் சுற்றில், "கிம்ச்சி' என்கிற கொரியாவின் பாரம்பரிய உணவின் செய்முறையை சமைத்துக் காட்ட வேண்டும். வேக வைத்த முட்டைக்கோசிற்குள் அரைத்த மிளகாயை அடைப்பது தான், "கிம்ச்சி'யின் அடிப்படை. உலக வெப்பமயமானதால், தென்கொரியாவில் குளிரின் அளவு இப்போது அதிகமாகிவிட்டது. அதனால், உலக வெப்பமயமாதல் பிரச்னை பற்றி பேச சொன்னார்கள். தென் கொரியாவின் எல்லையில் உள்ள, "க்வாச்சன்' என்ற கிராமத்துக்கு சென்றோம். முன்பு வட கொரியாவுடனான போரில் சிதறிய, துப்பாக்கிக் குண்டுகளை உருக்கிச் செய்யப்பட்ட ஒரு மணி, அங்கே கட்டப்பட்டிருக்கிறது. அதனுடன், அவரவர் நாட்டிலிருந்து கொண்டு சென்ற கற்களைப் போட்டு, ஒரு சிறு கோபுரத்தை நிறுவினோம். இதன் மூலம், நாங்கள் அக்கிராமத்தின் அமைதித் தூதுவர்களாக அறிவிக்கப்பட்டோம். இது போன்ற பணிகளில் போட்டியாளர்கள், எவ்வளவு நேர்த்தியாக செயல்படுகிறோம் என்பது தான், வெற்றியைத் தீர்மானிக்கும். மொத்தம், 63 நாடுகளிலிருந்து மாணவியர் வந்திருந்தனர். நான் கட்டியிருந்த புடவையைப் பார்த்து, அனைவரும் ஆச்சரியப்பட்டனர். யோகா, சக்கராசனத்தில் உடம்பை வளைத்து நான் நின்றதைப் பார்த்து வியந்தனர். மொத்தத்தில், இதை ஜாலியான பயணமாகத்தான் நினைத்தேன். அந்த அணுகுமுறை தான், என்னை ஜெயிக்க வைத்தது.

செவ்வாய், 7 செப்டம்பர், 2010

வெளியுறவு அமைச்சக பணியில் மகளுக்கு சலுகை: தென் கொரிய அமைச்சர் ராஜிநாமா


சியோல், செப்.6: தென் கொரிய வெளியுறவு அமைச்சர் யு மிங்-வான் தனது பதவியை ராஜிநாமா செய்துள்ளார். வெளியுறவு அமைச்சக விதிமுறைகளை மீறி தனது மகளுக்கு சிறப்புச் சலுகைகள் காட்டியதாக இவர் மீது எழுந்த புகாரைத் தொடர்ந்து அவர் தனது பதவியை ராஜிநாமா செய்துள்ளார்.தனது ராஜிநாமா கடிதத்தை அதிபர் லீ மிங்-பாக்-கிற்கு அனுப்பியதாகக் கூறப்படுகிறது. கடந்த ஒரு வாரத்தில் லீ அமைச்சரவையிலிருந்து பதவி விலகும் நான்காவது அமைச்சர் யு மிங் வான் என்பது குறிப்பிடத்தக்கது. இது அரசியல் ரீதியில் லீ-க்கு பெரும் பின்னடை ஏற்படுத்தியுள்ளது.அமைச்சரின் மகளுக்கு சலுகை காட்டிய விவரம் வெளியுறவு அமைச்சகத்துக்கு முன்னரே தெரியும் என்று அதிகாரிகள் தெரிவித்துள்ளனர். இருப்பினும் தணிக்கையாளர்கள் சோதனைக்கு பின்னரே இந்த விஷயம் வெளிச்சத்துக்கு வந்துள்ளது. வெளியுறவு அமைச்சகத்தின் சில பணிகளை நிறைவேற்றுவது தொடர்பாக ஐந்து பேரடங்கிய குழு நேரடித் தேர்வு நடத்தியது. இதில் மூன்று பேர் வெளியுறவு அமைச்சகத்தைச் சாராதவர்கள்.நேரடித் தேர்வு முடிவில் வெளியிலிருந்து வந்த மூன்று பேர் மற்றொரு போட்டியாளருக்குஅதிக மதிப்பெண் அளித்துள்ளனர். ஆனால் அமைச்சகத்தைச் சேர்ந்த அதிகாரிகள் அமைச்சரின் மகளுக்கு அதிக மதிப்பெண் அளித்துள்ளனர். முடிவில் அமைச்சரின் மகளுக்கு இந்தப் பணி ஒப்படைக்கப்பட்டுள்ளது. அமைச்சக அதிகாரிகள் பாரபட்சமாக நடந்து கொண்டது தெரியவந்துள்ளது.1973-ம் ஆண்டு வெளியுறவுத் துறை பணியில் சேர்ந்தவர் யு மிங். தனது அமைச்சகத்துக்கும், அமைச்சக நண்பர்களுக்கும் தொந்தரவு கொடுத்துவிட்டதாகவும், அதற்காக அனைவரிடமும் மன்னிப்புக் கோருவதாக யு மிங் தெரிவித்துள்ளார். 
கருத்துக்கள்

விவரம் தெரியாத கொரியா அமைச்சர். இந்திய அரசியல்வாதிகளிடம் வந்து பாடம் கற்றுக் கொள்ள வேண்டும். அரசியல்வாதிகளின் இலக்கணத்திற்கே களங்கம கற்பித்து விட்டார் என்று இந்திய அரசியல் வாதிகள் வருத்தப்பட்டுக் கொண்டுள்ளனர். இப்பொழுது ஒன்றும் காலம் கடந்து விடவில்லை. இதைக் கொண்டே எவ்வாறு மீண்டும் அமைச்சர் பதவி பெறுவது என்பது குறித்துத்த் தெரிந்து கொள்ள இந்தியா வரட்டும் யு-மிங்-வான் 
பாராட்டுடன் இலக்குவனார் திருவள்ளுவன்
By Ilakkuvanar Thiruvalluvan
9/7/2010 4:29:00 AM
உங்கள் கருத்தைப் பதிவு செய்யுங்கள் *