ஏன் ஒன்றுக்கும் உதவாத ‘திராவிட’ எதிர்ப்பு?

ஏன் ஒன்றுக்கும் உதவாத ‘திராவிட’ எதிர்ப்பு? முதலில் திராவிட வரலாறு தெரிந்து கொள்வோம்: பென்னாகரம் தமிழ்ச்செல்வன்

 மீனகம்  பதியப்பட்ட நாள்April 23rd, 2012 நேரம்: 18:58

திராவிடமும் தமிழ்த்தேசியமும்

திராவிடக் கட்சிகள் அசைக்க முடியாமல் ஐம்பது ஆண்டுகாலம் தமிழகத்தில் கோலோச்சி இருக்கிறதென்றால் அதன் வீரியம் இன்றைய தலைமுறை வரை தாக்கத்தை ஏற்படுத்தியிருக்கிறதென்றால் இன்றைய திராவிட இயக்கங்களும் திராவிட இயக்கத்தலைவர்களும் மட்டும் காரணமில்லை. குறைந்தது நூறாண்டுகள் சென்றாவது அரசியல் வரலாற்றை ஆய்வு செய்யவேண்டும்.

நிகழ்கால அரசியல் அரங்கில் பெருமளவிலான விவாதங்கள் நடப்பது, “இன்றைய தேவை திராவிடக் கொள்கையா? தமிழ்த்தேசியக் கொள்கையா?” என்பதில்தான். திராவிடக் கட்சிகளுக்கு தனியாக திராவிடக் கொள்கையென இல்லையென்பதையும் அதன் செயற்பாடுகளும் கொள்கையும் தமிழ்த்தேசியத்தை நோக்கிதான் உள்ளது என்பதனையும் ‘திராவிடம் எங்களுக்கான அரசியல் பெயர்தான் என்பதனையும் எனது முந்தைய இரு கட்டுரைகளில் (பார்க்க www.thamilinchelvan.wordpress.com) விளக்கியுள்ளதால் திராவிடக் கட்சிகளின் செயற்பாட்டு அலசலை மட்டும் இவ்வேளையில் காணலாம்.

அதற்கு முன் இரண்டு வாதங்கள். இங்கே எந்த திராவிட கட்சியினரும் தன்னை ‘திராவிடன்’ என்று கூறிக்கொள்வதில்லை. ‘திராவிடன்’ என்பது தேசியம் அல்ல. அது ஒரு குறியீட்டு பெயர். அதேபோல திராவிட தேசியம் என்றேல்லாம் யாரும் கோரவில்லை. ‘திராவிடம்’ என்பது மொழிக் குடும்பத்தின் பெயர்தான், அதையும் நாம் கூறிக்கொள்ளத்தேவையில்லை என எனது முந்தைய கட்டுரைகளில் தெளிவுப்படுத்தியுள்ளேன்.

வட இந்தியாவில் பெரும் அரசியல் புரட்சியாளர்கள், அரசியல் தளகர்த்தர்கள் என அறியப்படும் ராம்விலாஸ் பஸ்வான், ஜோதி பாசு, சரத் பவார் போன்றவர்கள் தங்கள் சாதிப்பெயரை தன்னுடன் இணைத்தே வாழ்ந்துள்ளதை காணலாம். பல ஆண்டுகளாக இந்திய அரசியல் வரலாற்றில் எண்ணற்ற ‘போஸ்’களும், ‘படேல்’களும் ‘சாஸ்திரி’களும் ‘பானெர்ஜி’களும் நிறைந்து சாதியப் பெயரோடு அரசியல் புரட்சிகள் புரிந்ததையும் பார்க்கிறோம். இங்கே தமிழகத்தில் சாதிக்காக கட்சி நடத்தும் ராமதாஸ், ஜான்பாண்டியன் உள்ளிட்டவர்கள் கூட சாதிப்பெயரை தங்களுடன் இணைத்துக்கொள்ளாமல் இருப்பதையும் காண்கிறோம். இத்தகைய புரட்சிகர மாற்றம் ஏற்பட திராவிட இயக்கத்தின் பங்கு அளப்பெரியது. ஓர் நாளில் நிகழ்ந்துவிடவில்லை இம்மாற்றம். அதற்கான உழைப்பும் அர்ப்பணிப்பும் சொல்லிலடங்காதவைகள்.

இவ்வளவு ஏன், 1951 ஆம் ஆண்டு தந்தை பெரியாரின் வகுப்புரிமை போராட்டத்தின் விளைவால்தானே இந்திய அரசியல் சட்டமே திருத்தப்பட்டது. பார்ப்பனிய ஏகாதிப்பத்தியத்திற்கு எதிரான போரை நடத்தி தமிழனின் அடிமைத்தனத்தை உணர்த்தியது திராவிட இயக்கமன்றி வேறு யார்?

இந்தியா முழுக்க இடஒதுக்கீட்டு முறைக்கு எதிரான அலை உருவானாலும், தமிழகத்தில் இருந்து மட்டும் புரட்சிகர குரல் ஒலிக்கும். அவ்வளவு அழுத்தமாக புரட்சி விதைகள் இங்கே விதைக்கப்பட்டுள்ளது என்பதனையும் அதற்கு திராவிட இயக்கங்களின் அளப்பரிய தியாகங்களையும் நாம் மறந்துவிட முடியாது.

தமிழகத்தில் தனது மகனையோ மகளையோ கல்லூரிகளில் சேர்க்கப்போகும் தருவாயில் தனது பிள்ளைக்கு இடஒதுக்கீட்டு முறையில் ‘இந்த’ கல்லூரியில் ‘இந்த’ துறையில் இடம் கிடக்கும் என பெருமைபடும் தந்தையும் தாயும் பிள்ளைகள் படித்து முடித்தவுடன் இட ஒதுக்கீட்டு முறையை விமர்சிப்பதை நாம் கண்டுகொண்டுதானே இருக்கிறோம்.

இட ஒதுக்கீட்டு முறையில் வாய்ப்பினை பெற்று பெரியாரின் திராவிட கழகத்தினால் விழிப்புணர்வு பெற்று பயனடைந்து, இன்று இடஒதுக்கீட்டு முறைக்கு எதிரான வசனத்தை திரைப்படங்களில் வைக்கும் திரைப்பட இயக்குநர்களையும் பார்த்துக்கொண்டுதானே இருக்கிறோம்.

இவர்களது கூற்றைப்பார்க்கும் பொழுது தோழர் மதிமாறனின் “என்ன செய்து கிழித்தார் பெரியார்” கவிதைதான் நினைவுக்கு வருகிறது.

இவர்களுக்கு அரசியல் தெரியாமல் இல்லை. சந்தர்ப்பவாதிகளாக இருக்க பழகிக்கொண்டார்கள். இவர்களுக்கும் பெரியாரையும் திராவிடக் கட்சிகளையும் எதிர்க்கும் மற்றவர்களுக்கும் என்ன வித்தியாசம்?

தமிழகத்தில் இன்றளவும் தமிழ்த்தாய் பள்ளிக்கூடங்கள் நடத்தப்படுவது திராவிட இயக்கத்தினர்களால்தான். கொளத்தூர் மணி அண்ணன் சொல்வது போல தமிழ்த்தேசியவாதிகள் என்றும் திராவிடக் கட்சியினர் என்று சொல்லிக்கொள்பவர்கள் நடத்தும் தாய்தமிழ் பள்ளிக்கூடங்கள் பட்டியலை எடுத்தாலே யார் தமிழ்மொழிக்கு சேவை செய்கிறார்கள் என்று தெரியும். யேல் பல்கலைக்கழகம் சென்று அமெரிக்கர்களுக்கு திருக்கிறள் பாடம் நடத்தி தமிழின் பெருமையை பறைச்சாற்றியவன் திராவிட இயக்கத்தின் தலைவன்தான். திருக்குறளின் பெருமையை அரசியல் தளங்களிலும் பொது மக்களின் நெஞ்சங்களிலும் விதைத்தவர்கள் திராவிட இயக்கதினர்தான் என்பதனை மறந்துவிட முடியாது. தமிழ்மொழி மீது இன்றைய தலைமுறை பெரும் ஈர்ப்பில் திகழ்வதற்கும் தமிழிலக்கிய சொற்பொழிவுகளை மேடைதோறும் கேட்க முடிவதற்கும் இன்றைய திராவிட இயக்கத்தின் பேச்சாளர்களும் மேடைகளும்தானே காரணம்.

தமிழீழ விடுதலைப்போராட்டத்திற்கு தமிழகத்தில் இருந்து பெரும்துணையாக இருந்து பங்காற்றியது திராவிட இயக்கத்தினர்தான் என்பதனை யாராலும் மறுக்கமுடியுமா? கொடும் சிறைவாசத்தையும் சொல்லண்ணாத் துயரங்களையும் தாங்கிக்கொண்டு களம் நின்றவர்களும் வீதிகளில் அரசியல் போர் புரிந்தவர்களும் திராவிட இயக்கத்தினர்தானே. ஏன், இன்று கூட தமிழ்த்தேசியம் பேசும் அனைத்து தலைவர்களுக்கும் ‘பாலர்’ பள்ளிக்கூடம் திராவிட இயக்கம்தானே.

இன்று தமிழீழ விடுதலைப்புலிகளுக்கு ஆதரவாக யார் வேண்டுமானாலும் பேசலாம். ராஜீவின் மரணத்திற்கு பிறகு பல அடக்குமுறைகளுக்கு ஆளானபொழுதும் தமிழக மக்களிடத்தில் தமிழின தாக்கத்தை தக்கவைத்தது திராவிட இயக்கம்தானே. கருணாநிதி தமிழின உணர்ச்சியை தக்கவைத்தாரோ இல்லையோ அவரது பெயரையும் ஆட்சியையும் காரணம்காட்டி தமிழ்த்தேசியத்திற்கான தாக்கத்தை கற்றுக்கொண்டவர்களும் தமிழ்த்தேசியத் தாக்கத்தை விதைத்தவர்களும் ஏராளம். இதனை யாரும் மறக்கவும் முடியாது மறைக்கவும் முடியாது.

‘முள்ளிவாய்க்கால்’ நேரங்களில் வீதியில் அடிபட்டவனும் மிதிபட்டவனும் திராவிட இயக்கத்தின் தொண்டர்கள்தானே. இதில் விடுதலைச் சிறுத்தைகள் மட்டும் விதிவிலக்கு. அண்ணன் திருமாவளவன் அவர்களின் இன்றைய அரசியல் செயற்பாடுகள் விமர்சனத்திற்கு உள்ளானாலும் பாமர மக்களின் நெஞ்சத்தில் தமிழ்த்தேசிய விதையை விதைத்தவர் என்ற நோக்கில் அவரை மதிக்காமல் இருக்கமுடியாது.

‘முள்ளிவாய்க்கால்’ காலத்தில் இந்திய இராணுவ வாகனத்தை தடுத்து பெரும்போர் புரிந்தவர்கள் திராவிட இயக்கத்தினர்தான் என்பதனை இன்றைய நவீன தமிழ்த்தேசியவாதிகள் உணரவேண்டும்.

ஓர் அழிவிற்கு பிறகு புது சித்தாந்தங்கள் பிறப்பதும் அவ்வழிவில் இருந்து புது தலைமுறையும் தலைமைகளும் கட்சிகளும் உருவாவது இயற்கை. அவர்கள் செயற்திட்டங்களும் கொள்கைகளும் சரியாக நிற்கும்வரை மக்கள் ஆதரவு பெருகிக்கொண்டுதான் இருக்கும். ஆனால், அவர்களை வளர்த்துவிட்ட மரத்தினை வெட்டிவிட்டுத்தான், தங்கியிருந்த வீட்டை இடித்துவிட்டுத்தான் புதிய தளத்தை அமைப்பேன் என்பது பைத்தியக்காரத்தனமாக இல்லையா?

இன்றைய காலத்தில் நமது தேவை தமிழ்த்தேசியக் கொள்கையா? திராவிடக்கொள்கையா? என்ற வாதமே வீணானது. திராவிடம் என்பது அரசியல் பெயர். அதன் பெயர்க்காரணத்திற்கான களமும் அரசியலும் வேறு. தமிழ்த்தேசியத்திற்கான களமும் அரசியலும் வேறு. இரண்டையும் ஒன்றோடு ஒன்று சேர்த்து வீணான குழப்ப அரசியலை செய்ய முன்வருவது நமது கழுத்தை நாமே அறுத்துக்கொள்ளும் பைத்தியக்காரத்தனத்திற்கு ஒப்பானதாகும்.

பெரியாரின் திராவிட கட்சியின் வழியில் வந்த கட்சிகள் ‘திராவிட’ என்ற பெயரையும் புதிதாக முளைக்கும் தமிழ்த்தேசிய கட்சிகள் ‘தமிழர்’ என்ற பெயரையும் தாங்கி நிற்கட்டுமே. மாற்றங்கள் உருவாவது இயற்கைதானே. ஏன் ஒன்றுக்கும் உதவாத ‘திராவிட’ எதிர்ப்பு?

நாம் இங்கே முரண்படுவதால் நமக்குள் பிளவுபடுவதால் நாம் எதனையும் சாதித்துவிடமுடியாது என்பதனை அனைவரும் நினைவில் கொள்க. நமது கொள்கையிலும் இலக்கிலும் தவறுகள் ஏற்படும்பொழுது ஒவ்வொருவரும் சுட்டிக்காட்ட உரிமை உண்டு. அது நம்மை இணைப்பதற்கும் நம்மை வலிமைப்படுத்துவதற்குமாக இருக்க வேண்டுமே தவிர அங்கிருந்து சிதைவதற்காக இருக்கக்கூடாது.

கருணாநிதியும் ஜெயலலிதாவும் செய்த தவறுக்கெல்லாம் திராவிட இயக்கத்தின் தவறாக சித்தரிக்க முயலவேண்டாம் என கூறினால், மிகப்பெரிய அரசியலை இந்த இரண்டு பேரோடு மட்டும் முடிச்சி போட்டு தப்பித்துக்கொள்ள வேண்டாம் என எதிர்ப்பு குரல் கேட்கிறது. ஒன்றை சொல்லிக்கொள்கிறேன், கருணாநிதி, ஜெயலலிதா, எம்ஜியார் தான் கடைசி ஐம்பது ஆண்டுகள் அரசியல் புரிந்ததும் ஆட்சியில் இருந்ததும். அண்ணாவின் காலத்திலும் பெரியாரின் காலத்திலும் நாம் அழிந்துவிடவில்லை. தமிழ்த்தேசிய உணர்ச்சி குன்றி இருந்திருக்கவில்லை. ஆக, நாம் அண்ணா, பெரியாருக்கும் பின் ஆட்சியில் இருந்தவர்களைத்தானே குறை கூற முடியும்.

மேடைகளில் முழங்கும் நவீன தமிழ்த்தேசியவாதிகளே! மீண்டும் மீண்டும் உரக்கச் சொல்லிக்கொள்ள விரும்புகிறேன். உங்களை யாரும் ‘திராவிடன்’ என அழைக்க விரும்பவில்லை. எந்த திராவிட இயக்கத்தினரும் தன்னை தமிழன் எனதான் அழைத்துக்கொள்கிறானே தவிர திராவிடன் என அழைத்துக்கொள்வதில்லை.

திராவிட இயக்கத்தின் கடந்த கால பங்கை மதிக்கிறோம், இன்றைய தமிழகத்தின் தமிழினத்தின் இழிநிலைக்கு காரணம் திராவிட இயக்கங்கள்தான். திராவிட இயக்கங்கள் உருவாகாமல் தமிழ்த்தேசிய அரசியல் இயக்கங்கள் உருவாகி இருந்தால் நாம் எதையும் இழந்திருக்க மாட்டோம் என சிலர் வாதிடுகின்றனர். திராவிட இயக்கங்கள் தோன்றி செய்ய முடிந்ததை செய்திருக்கிறது. இன்று தமிழ்த்தேசிய இயக்கங்கள் முளைவிடுகிறதென்றால் அவர்கள் செய்யவேண்டியதை செய்யட்டுமே. யாரும் தடுக்கப்போவதில்லையே. அதனைவிடுத்து நாங்கள் இருந்திருந்தால் அதனை செய்திருப்போம் இதனை செய்திருப்போம் என்பது அரசியலற்ற வாதமாகவேபடுகிறது.

அடுத்து தமிழன் யார் என இரத்தப் பரிசோதனை செய்யும் குணம் தமிழகத்தில் அதிகமாக நடந்துவருகிறது. வீட்டுமொழியை வைத்து இழிவுபடுத்தும் குணமும் அதிகமாகிவிட்டது. ஒரு வைகோவிற்காக விஜயகாந்த்களை ஏற்றுக்கொள்ளமுடியாது என அறிவிக்கும் தமிழ்த்தேசியவாதிகளே ஒன்றை தெரிந்துகொள்ளுங்கள். தமிழின தமிழக நலனுக்கு பாடுபடும் ‘வைகோ’க்களும் இங்கு நிறைய இருக்கிறார்கள் தமிழ்ப்பேசும் தாய் தகப்பனுக்கு பிறந்துவிட்டு தமிழினத்திற்கு எதிராய் இருக்கும் ‘வாசன்’களும் ‘சிதம்பரம்’களும் இங்கு இருக்கிறார்கள். நாம் யாரை வரவேற்கிறோம் யாரை எதிர்க்கிறோம் என்பதே இங்கு முக்கியம். அதனைவிடுத்து இரத்தப் பரிசோதனை செய்வதால் தமிழ்த்தேசியம் வளர்ந்துவிடாது.

அண்ணன் கொளத்தூர் மணி அவர்களின் உரையை இங்கு நினைவுபடுத்தி நிறைவு செய்கிறேன். “ஆட்டம் (Atom) என்ற சொல்லுக்கு லத்தீனில் பிளக்கமுடியாதது என்று பொருள். Dalton’s atomic theory சொல்கிறது…Atom is indivisible (அணு பிளக்கமுடியாதது) என்பதுதான். அப்போது நிலவிய விஞ்ஞான கொள்கை. ஆனால், இப்போது அதை புரோட்டான், எலக்ட்ரான், நியூட்ரான் என பிரிக்கமுடியும் என்பதும், பிளக்கும்போது வெளிப்படும் அணுஆற்றலில் இருந்து பல்வேறு ஆக்க வேலைகளையும் அழிவு வேலைகளையும் செய்யமுடியும் என்று கண்டுபிடித்துவிட்டார்கள். அணுவைப் பிளக்கமுடியாது என்று கருதிக்கொண்டிருந்த காலத்தில், பிளக்கமுடியாதது என்ற பொருளுள்ள Atom என்ற சொல்லை, பிளக்கமுடியும் என்று தெரிந்த பின்னாலும் Atom என்பதை மாற்றவில்லை. ஒரு சொல்லில் ஏற்றப்பட்டிருக்கும் உள்ளடக்கம் என்பதுதான் முக்கியம். அப்படித்தான் பெரியார், திராவிடர் என்ற சொல்லிற்கு ஓர் உள்ளடக்கத்தைக் கொடுத்துள்ளார்.

திராவிட சகாப்தம் முடியாது: முதல்வர் கருணாநிதி

First Published : 01 Aug 2010 12:43:17 AM IST

Last Updated : 01 Aug 2010 01:36:07 AM IST

சென்னை, ஜூலை 31: ஓர் ஆட்சி முடியலாம்; ஆனால், திராவிட சகாப்தம் முடியாது என்று முதல்வர் கருணாநிதி பேசினார்.சென்னையை அடுத்த மீஞ்சூரில் கடல்நீரைக் குடிநீராக்கும் திட்டத்தை சனிக்கிழமை தொடங்கிவைத்து முதல்வர் கருணாநிதி பேசியது:சென்னை மக்களுக்கு குடிநீர் வசதியை எப்படி ஏற்படுத்தித் தருவது, அவர்களுக்கு தட்டாமல், தவறாமல் தாகத்துக்குத் தேவையான தண்ணீரை அளிக்க யோசித்தபோது  உருவானதுதான் இந்தத் திட்டம். காங்கிரஸ் ஆட்சியிலேயே கூட பல திட்டங்கள் நிறைவேற்றப்பட்டபோதும், குடிநீர்த் தேவையைப் போக்க இன்னும் பல திட்டங்கள் தேவைப்பட்டன. இதனால், மறைந்த நண்பர் தங்கப்பனை தலைவராகக் கொண்டு குடிநீர் வடிகால் வாரியம் தொடங்கப்பட்டது.ஓர் இரவில் 12 ஆயிரம் குழாய்கள்இதன் மூலம் ஓரளவு குடிநீர் தேவை தீர்க்கப்பட்டது. மறைந்த வேலூர் நாராயணன், சென்னை மாநகர மேயராக இருந்தபோது வறட்சி கடுமையாகத் தாக்கியது. குடிநீர் இல்லாமல் மக்கள் சங்கடப்பட்டனர். அப்போது நான் முதல்வராக இருந்தேன். அந்த சமயத்தில் சென்னை நகரம் முழுவதும் ஒரே நாள் இரவில் 12 ஆயிரம் குழாய்கள் அமைக்கப்பட்டன. சென்னை மக்களின் தேவைகளை, அதிலும் குறிப்பாக தண்ணீர் தேவைகளை தீர்த்துவைக்கக் கூடிய ஆர்வமும், அக்கறையும் எனக்கு பலமடங்கு உள்ளது. இந்த 12 ஆயிரம் குழாய்கள் ஒரே நாள் இரவில் அமைக்கப்பட்டும் கூட சென்னை நகரின் குடிநீர் தேவை என்பது தீர்ந்தபாடில்லை.கிருஷ்ணா நீர் வேண்டும் என்று கேட்டு ஆந்திர அரசோடு பேச்சுவார்த்தை நடத்தினோம். எம்.ஜி.ஆர். ஆட்சிக் காலத்திலேயே கூட இதற்கான முயற்சிகள் நடந்தன. அப்போது வராத தெலுங்கு கங்கை தி.மு.க. ஆட்சியில் கொண்டுவரப்பட்டது.அந்தத் திட்டம் ஓரளவுக்கு வெற்றிகரமாக முடிந்து, சென்னை நகர மக்களுக்கு கிருஷ்ணா நீரும் கிடைத்தது. ஆனாலும், குடிநீர்ப் பிரச்னை தீரவில்லை; காரணம், மக்கள்தொகைப் பெருக்கம்.கிருஷ்ணா நீரும் சரியாக கிடைக்கவில்லை என்ற நிலை வந்தபோது, நமது கவலையை உணர்ந்து புட்டபர்த்தி சாய்பாபா நேரில் வந்து தெலுங்கு கங்கை திட்டத்தில் உள்ளகுறைகளை அகற்ற முயற்சி செய்வதாகக் கூறினார். இந்தத் திட்டத்தை முழுமைப்படுத்த அவரும் முயற்சிகள் மேற்கொண்டார்.பக்கத்து மாநிலங்களின் தயவு தேவைதமிழகத்தில் நீர், நில வளம் நிரம்ப இருப்பதாக அழகுக்காக சொல்கிறார்கள். ஆனால், நீர் வளம் இல்லாத மாநிலமாக தமிழ்நாடு உள்ளது. தண்ணீருக்காக பக்கத்து மாநிலங்களைதேடிச் செல்ல வேண்டிய நிலை உள்ளது. ஆந்திரத்தில் கிருஷ்ணா நீரும், கர்நாடகத்தில் காவிரியின் தயவும் தேவைப்படுகிறது. பக்கத்து மாநிலங்கள் உதவினால்தான் தண்ணீர் தேவை நிறைவேற்றப்படும் என்ற நிலை உள்ளது.அதனால் ஏற்படும் சண்டை, சச்சரவுகளை நீங்கள் அறிவீர்கள். அண்டை மாநிலங்களில் நல்லுறவு வைத்திருப்பதால், தண்ணீரில் நம்முடைய பங்கைப் பெற நியாயமான, சட்ட ரீதியான வழிகளைக் கையாள்கிறோம்.அண்டை மாநிலங்களுடன் நட்புறவு கொண்டு தேவைகளை நிறைவேற்றி வருகிறோம். மழை இல்லாவிட்டால் தென்னகம் முழுவதும் தண்ணீர்த் தேவையை பூர்த்தி செய்ய முடியாத நிலை உள்ளது. கர்நாடகத்தில் மழைபொழிந்தால்தான் நமக்கு தண்ணீர் தருவோம் என்கிறார்கள். மழை பொய்த்துவிட்டால் தண்ணீர் தேவையைப் பூர்த்தி செய்ய பெரிய முயற்சிகளைச் செய்ய வேண்டும் என நினைத்து அதில் ஈடுபட்டு பெற்றுள்ள வெற்றிகளில் இதுவும் ஒன்று.நீர் வளம் இல்லாவிட்டால், நில வளமும் இருக்க முடியாது. தண்ணீர்த் தேவையைப் பூர்த்திசெய்ய நிறைவேற்றப்படும் காரியங்களில் இதுவும் ஒன்று.  கடல் நீரை குடிநீராக மாற்றி சென்னை நகர மக்களுக்கு இங்கு கொடுக்கிறார்கள். இதுபோன்ற திட்டங்களை அரசு தொடர்ந்து நிறைவேற்றி வருகிறது.ஆட்சி தொடரும்நெமிலி பகுதியில் இதுபோன்ற ஒரு திட்டத்தை சென்னையின் பயன்பாட்டுக்குக் கொண்டுவரப்போவதாக துணை முதல்வர் மு.க.ஸ்டாலின் கூறியிருக்கிறார்.  இதேபோன்று ஒகேனக்கல் கூட்டுக் குடிநீர்த் திட்டமும் 2011-12 ஆம் ஆண்டில் நிறைவேற்றப்படும் என்று கூறப்பட்டுள்ளது.இந்த ஆட்சிக்கே இன்னும் ஓராண்டு ஆயுள்தானே! இரண்டாண்டு காலத்தில் எப்படி இந்தத் திட்டம் நிறைவேறும் என்ற கேள்வி எழலாம். ஓர் ஆட்சி முடியலாம்; ஆனால், திராவிட சகாப்தம் முடியாது.இதுபோன்ற ஆட்சிகள் என்னுடைய தலைமையிலோ, அல்லது வேறு யார் தலைமையிலேயோ தொடரும்; திராவிட என்ற அடைமொழியை முன்னதாகக் கொண்ட எல்லாக் கட்சிகளுக்கும் இது பொருந்தாது.திராவிடம் என்பது ஓர் இன உணர்வு. இதைக் கொண்டு ஆட்சியின் வழியாக பல திட்டங்கள் நிறைவேற்றப்பட்டு வருகின்றன. இதுபோன்ற ஒரு அரசுக்குத் தொடர்ந்து ஆதரவளிக்க வேண்டும் என்றார் முதல்வர் கருணாநிதி.துணை முதல்வர் மு.க.ஸ்டாலின் இந்த நிகழ்ச்சிக்கு தலைமை வகித்தார்.மீன்வளத் துறை அமைச்சர் கே.பி.பி. சாமி, தலைமைச் செயலாளர் கே.எஸ்.ஸ்ரீபதி, சென்னை குடிநீர் வாரியத்தின் மேலாண் இயக்குநர் சிவதாஸ் மீனா, நகராட்சி நிர்வாகம் மற்றும் குடிநீர் வழங்கல் துறைச் செயலாளர் அசோக்வர்தன் ஷெட்டி, சென்னை வாட்டர் டிசாலிநேசன் லிமிடெட் இயக்குநர் எஸ்.ராமச்சந்திரன் உள்ளிட்டோர் நிகழ்ச்சியில் பங்கேற்றனர்.சென்னையை அடுத்த மீஞ்சூரில் அமைக்கப்பட்டுள்ள கடல்நீரைக் குடிநீராக்கும் நிலையத்தை சனிக்கிழமை தொடங்கிவைக்கிறார் முதல்வர் கருணாநிதி. உடன் (இடமிருந்து) சென்னை குடிநீர் வாரிய மேலாண் இயக்குநர் சிவதாஸ் மீனா, நகராட்சி நிர்வாகம் மற்றும் குடிநீர் வழங்கல் துறை செயலாளர் அசோக்வர்தன் ஷெட்டி, துணை முதல்வர் மு.க. ஸ்டாலின், தலைமைச் செயலாளர் கே.எஸ்.ஸ்ரீபதி, மீன்வளத் துறை அமைச்சர் கே.பி.பி. சாமி, சென்னை மாநகர மேயர் மா. சுப்பிரமணியன்.

Email

Print

Delicious

Digg

Facebook

Twitter

கருத்துக்கள்

கலைஞர் காலம் என்றோ தி.மு.க. காலம் என்றோ சொலலாமல் திராவிடர் காலம் எனக் கூறுவதன் மூலம் திராவிடக் கட்சிகள் ஆட்சியில் அமரலாமே தவிர 67இல் விரட்டியடிக்கப்பட்ட காங்.எக்காலமும் ஆட்சியில் அமராது என விளக்கியுள்ள கலைஞருக்குப் பாராட்டுகள். ஆனால், பல இடங்களில் திராவிடம் என்பது தமிழை மட்டுமே குறிக்கிறது. இவ்வாறான உரைகளில் தமிழ்க்குடும்பத்தைக் குறிக்கிறது. ஆனால், தமிழ்க் குடும்ப மொழியினர் இவ்வாறு தங்களைச் சொல்லிக் கொள்வதில்லை. எனவே, திராவிடத்தைத் தூக்கி எறிவதே நன்று. இனிமேல் தமிழியத்தைத் தாங்கிப் பிடிப்போம். 
அன்புடன் இலக்குவனார் திருவள்ளுவன்

By Ilakkuvanar Thiruvalluvan
8/1/2010 2:22:00 AM

ஜெயலலிதா நிறைவேற்றிய வீராணம் திட்டத்தை பற்றி கருணாநிதி ஒரு வார்த்தை பேசவில்லையே ,ஏன் ?இதுதான் கருனாகநிதியின் காய்தல் ,உவத்தல் இல்லாத செயல்பாடா ?

By Er.L.C.NATHAN
8/1/2010 1:52:00 AM

உங்கள் கருத்தைப் பதிவு செய்யுங்கள்

சாதக, பாதகங்களை ஆராய்ந்து தான் தி.மு.க., முடிவெடுத்தது ஜெ., குற்றச்சாட்டுக்கு அமைச்சர் துரைமுருகன் விளக்கம்

பிப்ரவரி 24,2010,00:00 IST

சென்னை:"முல்லைப் பெரியாறு அணை தொடர்பான குழுவில் இடம்பெறுவதால் ஏற்படும் சாதக, பாதகங்களை எண்ணிப் பார்த்து தான் தி.மு.க., முடிவு எடுத்தது. இது, கோர்ட்டுக்கு எதிர்ப்பானது அல்ல' என்று சட்ட அமைச்சர் துரைமுருகன், எதிர்க்கட்சித் தலைவர் ஜெயலலிதாவுக்கு பதிலளித்துள்ளார்.அமைச்சர் துரைமுருகன் வெளியிட்ட அறிக்கை:

முல்லைப் பெரியாறு அணை தொடர்பான வழக்கு சுப்ரீம் கோர்ட்டில் நடந்தது. தமிழகம், அணையின் நீர்மட்டத்தை 136 அடியில் இருந்து 142 அடியாக உயர்த்திக் கொள்ளலாம் என, சுப்ரீம் கோர்ட் 2006 பிப்ரவரியில் தீர்ப்பு வழங்கியது. அந்த தீர்ப்பை முடக்கும் வண்ணம் கேரள அரசு, "கேரளா பாசன மற்றும் பாதுகாப்பு திருத்தச் சட்டம் -2006' என்ற சட்டத்தை, சட்டசபையில் நிறைவேற்றியது.

இந்தச் சட்டத்தை எதிர்த்து ஜெயலலிதா, சுப்ரீம் கோர்ட் போனாராம். அந்த வழக்கை கருணாநிதி முறையாக நடத்தவில்லை என்ற குற்றச்சாட்டை கூறியிருக்கிறார். 2006 மார்ச் 31ம் தேதி தமிழக அரசின் சார்பில், சுப்ரீம் கோர்ட்டில் சிவில் வழக்கு தொடர ஒரு மனுவை ஜெயலலிதா போட்டாரே தவிர, அந்த மனுவுக்கு ஒரு நம்பரை கூட வாங்க வில்லை. நம்பர் போடாத வழக்கு விசாரணைக்கே வராது.

தி.மு.க., அரசு அமைந்த பின் தான், அந்த மனுவுக்கு நம்பர் வாங்கி, அதை கோர்ட் விசாரணைக்கு தகுதியுள்ளதாக்கி, வழக்கையும் நடத்தி வருகிறோம். ஜெயலலிதா காலத்தில் இந்த முல்லைப் பெரியாறு வழக்கில் வாதாடிய அதே வக்கீலும் சேர்ந்து தான் இப்போதும் தமிழகத்துக்காக வாதாடி இருக்கின்றனர். ஜெயலலிதா ஆட்சியில் வக்கீல்கள் வாதம் சிறப்பாக இருக்குமாம், கருணாநிதி ஆட்சியில் சிறப்பாக இருக்காதாம். இது என்ன வாதமோ?

இவ்வழக்கை அரசியல் சாசன பிரிவுக்கு சுப்ரீம் கோர்ட் அனுப்பிய போது நாம் ஏன் எதிர்க்கவில்லை என்கிறார் ஜெயலலிதா. இவ்வழக்கை, எந்த பிரிவு "பெஞ்ச்' விசாரிக்க வேண்டுமென முடிவு செய்வது நீதிமன்றத்தின் உரிமை. அதை நாம் எதிர்க்க முடியாது. இவ்வழக்கு இரு மாநிலம் சம்பந்தப்பட்ட பிரச்னை.இதில் அரசியல் சட்ட சம்பந்தப்பட்ட விவகாரங்களும் அடங்கியிருக்கிறது என்று கோர்ட் கருதினால் அதை அரசியல் சாசன பெஞ்சுக்கு மாற்றும் முழு அதிகாரம் நீதிமன்றத்துக்கு தான் உண்டே தவிர அதை எதிர்ப்பதில் எந்த பயனும் இல்லை.

ஐவர் குழுவில் தமிழகம் இடம்பெறாவிட்டால் முந்தைய தீர்ப்புக்கு எதிரான கேரளாவின் சட்டத்தை தமிழக அரசு ஆதரிப்பதாக அர்த்தம் ஆகிவிடாதா?' என்று ஜெயலலிதா கேள்வி எழுப்பியுள்ளார்.கேரள அரசு பிறப்பித்த சட்டம் சரியா, இல்லையா என்பதை ஆராய அல்ல இந்த ஐவர் குழு; மீண்டும் அணையின் பலத்தை சோதித்து பார்க்க, நீரின் உபயோகத்தை கண்டறிய என்று தான் சுப்ரீம் கோர்ட் கூறியிருக்கிறது.

ஐவர் குழுவில் இடம்பெறாவிட்டால் அது எப்படி கேரள சட்டத்துக்கு ஆதரவாகி விடும்?இன்னும் சொல்லப்போனால், இந்த ஐவர் குழுவை வரவேற்றிருக்கிறார் கேரளா முதல்வர். அதுமட்டுமல்ல, இந்த குழு அமைக்கப்பட்டதால், சுப்ரீம் கோர்ட்டின் முந்தைய தீர்ப்பு ரத்தாகி விட்டது என்றும், தன் கருத்தை தெரிவித்திருக்கிறார். இப்போது புரிகிறதா ஜெயலலிதாவுக்கு, ஐவர் குழு யாருக்கு சாதகம் என்று?

இந்திய அரசியல் சட்டத்தின் மீது பதவிப் பிரமாணம் எடுத்துக் கொண்ட முதல்வர், சுப்ரீம் கோர்ட் அரசியல் சாசன பெஞ்ச் தீர்ப்பை விமர்சிக்கலாமா என்றும் ஜெயலலிதா கேள்வி கேட்டிருக்கிறார். சுப்ரீம் கோர்ட்டில் உள்ள ஒரு பெஞ்ச் அல்ல, சுப்ரீம் கோர்ட்டே அரசியல் சட்டத்தின் பாதுகாவல் அரண் தான்.

அந்த சுப்ரீம் கோர்ட், பெரியாறு அணை பிரச்னையில் ஒரு தீர்ப்புச் சொல்லி, அதை இரண்டு முறை மீண்டும் உறுதி செய்து தீர்ப்பளித்த பின்பும், அந்தத் தீர்ப்பை முடக்கும் வகையில் கேரளா ஒரு திருத்த சட்டத்தை நிறைவேற்றி விட்டதே, அதற்கு கேரளா அரசு பெற்றிருக்கிற தண்டனை என்ன?ஒரு குழுவில் இடம் பெறுவதும், பெறாமல் இருப்பதும் நமது விருப்பம். நாட்டு நலன் கருதி, குழுவில் பெறுவதால் ஏற்படும் சாதக, பாதகங்களை எண்ணிப் பார்த்து இது நாம் எடுத்திருக்கிற முடிவு. நீதிமன்றத்துக்கு எதிர்ப்பானது அல்ல.

முல்லைப் பெரியாறு பிரச்னையில் தீர்வு காண வேண்டும் என்பதற்காக, பிரதமர், கேரளா முதல்வர்களுடன் எட்டு முறைக்கு மேல் முதல்வர் கருணாநிதியே நேரடியாக பேச்சு வார்த்தை நடத்தியிருக்கிறார். ஜெயலலிதா தன் ஆட்சியில் ஒரு முறையேனும் இப்படி கலந்து உரையாடியது உண்டா?

பிரதமருக்கும், மத்திய நீர்வளத் துறை, பாதுகாப்புத் துறை அமைச்சர்களுக்கும், முல்லைப் பெரியாறு பிரச்னை குறித்து 15 முறை கடிதங்களை முதல்வர் எழுதியிருக்கிறார். ஆனால், ஜெயலலிதா எழுதிய கடிதங்கள் மூன்றே மூன்று தான். இந்த லட்சணத்தில் கருணாநிதி உரிமையை விட்டு விட்டதாக அறிக்கை வேறு விடுகிறார்.இவ்வாறு துரைமுருகன் தெரிவித்துள்ளார்.

வாசகர் கருத்து

திராவிட என்ற சொல்லை தமிழ் நாட்டு கட்சிகள் பேட்டர்ன் போட்டு கொண்டுள்ளன. நமது பழைய கலாசாரம் என்ன என்று தெரியாமல் பிதற்றி கொண்டு இருக்கிறார்கள். ஒன்பது மணிக்கு ஒயின் ஷாப்க்கு போனால் தெரியும் நமது கலாச்சார வழி தோன்றல்கள். நமது அரசியல் வாதிகள் உரம் போட்டு வளர்ப்பது மக்களின் முட்டாள் தனத்தை தானே.

by P Ram,Jakarta,Indonesia 24-02-2010 18:05:23 IST

நன்றி துரைமுருகன் அவர்களே! '''' சுப்ரீம் கோர்ட்டே அரசியல் சட்டத்தின் பாதுகாவல் அரண் தான்'''' என்று சொன்னதற்கு. இதை தலைவர் காதிலும் போடுங்கள் ; ஏனெனில், சுப்ரீம் கோர்ட் தீர்ப்பை ,நம் கட்சி காரர் தொழிலுக்கு இடைஞ்சல் ஆகா இருந்தால் ஏற்க மறுக்கிறோம் அல்லவா !!

by FG Smith,London,United Kingdom 24-02-2010 18:01:49 IST

முக்கியமான விஷயங்களில் எல்ல கட்சியினரையும் கலந்து முடிவெடுபதுதான் நல்லது .

by G Divaharan,Tirunelveli,India 24-02-2010 09:55:49 IST

ippadiye 1voru alukum vilakam koduthu time wast pannama kadamaiyai seithal makalukku nallathu

by m rajaram,sivaganga,India 24-02-2010 09:55:39 IST

என்ன அய்யா சொல்ல வறீங்க. இப்பிடி மாத்தி மாத்தி அறிக்கை விடாம எதாவது பண்ணி தொலைங்க. எப்ப தான் போட்டி போட்டு மக்களுக்கு நல்லது செய்வீங்களோ? கலைஞர் இப்ப தான் துரைமுருகனுக்கு வாய தொறக்க உத்தரவு குடுத்தாரு போல இருக்கு. நீங்க ஆஸ்திரேலியால காலேஜ் கட்டுரீங்கலாமே அது உண்மையா? நம்ம தமிழ்நாடு மாணவர்களுக்கு உள் ஒதுக்கீடு / வெளி ஒதுக்கீடு எதாவது கொடுங்க சார். உங்களை வாழ வச்ச தமிழ் மக்களுக்கு தண்ணி மட்டுமாவது கொடுங்க.

by RK Sudhan,dubai,United Arab Emirates 24-02-2010 09:14:34 IST

போதும் மூடு...நீ எவ்ளோ கேவலமானவன் நு தெரியும்.வேலூர் ல நீ அடிக்கிற கூத்து எங்களுக்கு தெரியும்

by SD சத்,okc,ok,United States 24-02-2010 08:11:22 IST

திருவள்ளுவன் சென்னை எழுதியிருக்கிறத பார்த்தா தமாஷா இருக்கு. யார ஆரியதாசர்கள்னு சொல்றார்னு புரியலை. இந்த பிரச்சனைல எங்கேர்ந்து ஆரியர் திராவிடர் பிரச்சனை வந்தது? ஏதோ வீராவேசமா கருத்து சொல்லணுமேனு உளறி கொட்டினா மாதிரி இருக்கு.

by வெங்கடேசன்,Chennai,India 24-02-2010 07:21:59 IST

அய்யா துறைசிங்கம், உங்க அறிக்கையில் ஒன்றும் என்னை போன்ற பாமரன் மண்டையில் ஏறவில்லை. ஜெ திட்டிய அறிக்கை தான் இது.

by mokka சாமீ,jawa,Indonesia 24-02-2010 07:08:35 IST

முல்லை பெரியார் பிரச்சனையில் கேரளாவின் சட்டத்தை எதிர்த்து ஜெயலலிதா அரசு மார்ச் 31ல் சுப்ரீம் கோர்ட்டில் வழக்கு போட்டதாக துரைமுருகனே கூறுகிறார், இந்நிலையில் சரியாக மே மாதம் 16ஆம் தேதி மைனாரிட்டி திமுக அரசு பதவியேற்றது. நானும் வழக்கறிஞர் என்ற முறையில் எனக்கு தெரிந்தவரை, வழக்கு நம்பர் ஆகி விசாரணைக்கு வர ஒரு மாதத்துக்கு மேல் ஆகும், அந்த ஒரு மாத இடைவெளியில் மைனாரிட்டி அரசு பதவிக்கு வந்துவிட்டது. ஆகவே வழக்கை மேற்கொண்டு நடத்தவேண்டிய பொறுப்பு கருணாநிதி&கோ வசம் மாற்றப்படுகிறது. துரைமுருகனுக்கு போதுமான அறிவு இல்லை என்பதால்தான் பொதுப்பணிதுறை பறிக்கப்பட்டு திமுகவில் ஓரம் கட்டப்பட்டு விட்டார். இழந்த பதவியை மீட்க தரம் இல்லாத அறிக்கை விட்டு தடுமாறுகிறார்.

by N பாலகிருஷ்ணன் ,Ramnad,India 24-02-2010 06:59:53 IST

அறைவேக்கட்டுத்தனமான அறிக்கை விடுவதில் ஜெயாவை யாரும் மிஞ்ச யாராலும் முடியாது

by P Amal,Castries,Saint Lucia 24-02-2010 04:58:38 IST

ஐயோ! ஐயோ! ஏன்தான் இப்படி வேண்டுமென்றே குழப்புகிறார்களோ! ஐவர் குழு வாயிலாக அணை வலிமையற்று உள்ளதாகக் கூறச் சொன்னால் கேரள அரசின் சட்டம் சரியென்றுதானே உ நீ ம சொல்லும்? உ நீ ம தீர்ப்புகளையே கேரள அரசு மீறும் பொழுது அதன் தீர்ப்பை எதிர்ப்பது ஒன்றும் தவறல்லவே! காங்கிரசு வாயை மூடிக் கொண்டிருக்கச் சொன்னதால்தான் திமுக அரசு தவறான முடிவை எடுத்துத தானும் குழம்பி மக்களையும் குழப்புகிறதோ! தமிழக நலன்கைள விட்டுக் கொடுப்பதே தமிழக ஆட்சியாளர்களின் பொழுது போக்கு என்றானபிறகு நாம் என்ன செய்ய முடியும்? இந்திய அரசியலில் ஆரியர்களின் செல்வாக்கும் ஆரியத்தில் ஊறிய மலையாளிகள் செல்வாக்கும் மிகுதியாக உள்ளமையால் ஆரியதாசர்களான திராவிடம் அடிபணிந்து கிடக்கிறது.எனவே, கட்சி அரசியல்களுக்கு அப்பாற்பட்டு ஒன்றுபட்டு நம் உரிமைகளை மீட்டு வெற்றி பெற வேண்டும்.

by I. thiruvalluvan,chennai,India 24-02-2010 04:52:25 IST

DMK,only,was part of Central Govt,for more than 13 years,as against AIADMK of 10 months.Why DMK has not influnced in Mullai Periyaru,eventhough,DMK had Environment Ministry?

by R Karuppiah Sathiyaseelan,Kinshasa,Congo (Zaire) 24-02-2010 03:38:51 IST

அறிக்கையில் ஜேஜே வை நக்கல் செய்வதை தவிர்த்து பார்த்தால், அறிக்கையில் சாதகமான அம்சத்தையும் பாதகமான அம்சத்தையும் காணோம்.

by B Sivanesan,London,United Kingdom 24-02-2010 03:05:26 IST

பச்சை சீலைக்கு சரியான நெத்தியடி பதில்! ஆனா அந்த கூட்டத்துக்குதான் ஒரு மண்ணும் தெரியாதே! கும்மாளம் போட தோழியோட திராட்சை தோட்டத்துக்கு போக விடாம பண்ணிட்டாங்க,இப்போ கொடநாட்டுகும் போக வழி இல்லை!

by S செந்தில் ,India,India 24-02-2010 03:03:19 IST

உலகத் தமிழ் செம்மொழி மாநாடு:
வள்ளுவர் படத்துடன் "இலச்சினை' வெளியீடு

First Published : 24 Oct 2009 12:55:30 AM IST

Last Updated :

சென்னை, அக். 23: உலகத் தமிழ் செம்மொழி மாநாட்டுக்கான இலட்சினை (லோகோ) சுனாமி பேரலைகள் சூழ திருவள்ளுவரின் படத்துடன் வெளியிடப்பட்டுள்ளது. தலைமைச் செயலகத்தில் இதை முதல்வர் கருணாநிதி வெள்ளிக்கிழமை வெளியிட்டார்.
இதன் சிறப்பம்சங்கள் குறித்து, தமிழக அரசு வெள்ளிக்கிழமை வெளியிட்ட செய்தி:
""கடல்கோள்களை எதிர்கொண்டு, காலவெள்ளத்தைக் கடந்து சீரிளமைத் திறத்தோடு தமிழ்மொழி திகழ்கிறது என்பதைக் குறிக்கும் வகையில் சுனாமி அலைகளும், திருவள்ளுவர் திருவடிகளில் சுருளும் அழகிய பின்னணியில் இலச்சினை உருவாக்கப்பட்டுள்ளது.
திருவள்ளுவர் தனது மூன்று விரல்களில் காட்டிக் கொண்டிருக்கும் வகையிலான சிலை இதில் இடம்பெற்றுள்ளது. அறம், பொருள், இன்பம் என அவர் காட்டிய முப்பாலைக் குறிப்பிடும் வகையில் மூன்று விரல்களுடன் அமைக்கப்பட்டுள்ளது.
சிந்துவெளி நாகரிகச் சின்னங்கள்... உலகத் தொன்மையான நான்கு நாகரிகங்களில் திராவிட நாகரிகமாகிய சிந்துவெளி நாகரிகமும் ஒன்று.
அதன் சின்னங்களும், குறியீடுகளும் திருவள்ளுவர் சிலையைச் சுற்றியுள்ள மேல்வட்டத்தில் இடம்பெற்றுள்ளன. இலச்சினையில் ஏழு குறியீடுகள் அமைக்கப்பட்டுள்ளன. ஏழு என்பது தமிழர்களுக்கு உரிய சிறப்பான எண்ணாகும்.
இந்த மாநாட்டின் எடுத்துரைக் குறிப்பாக (மோட்டோ) "பிறப்பொக்கும் எல்லா உயிர்க்கும்' என்பது அமைந்துள்ளது'' என்று அரசின் செய்திக்குறிப்பில் தெரிவிக்கப்பட்டுள்ளது.

கருத்துக்கள்

திராவிடம் என்பது பிற்காலத்த அயலவர்களால் தமிழுக்கு இடப்பெற்ற பெயர். சிந்து வெளி நாகரிகம் தமிழ் நாகரிகம் என்று சொல்வதே அறிவியல், வரலாற்று அடிப்படையிலான உண்மையாகும். செம்மொழி மாநாடு நடத்தும் பொழுது கூடத் தமிழின் சிறப்பும் பெயரும் புறக்கணிக்கப்படுவது மிகவும் வருந்தத்தக்கது. இனிமேலாவது தமிழர் நாகரிகத்தைத் தமிழர் நாகரிகம் எனறே குறிக்க வேண்டுமேயன்றித் திராவிடர் நாகரிகம் என்று குறிக்கக்கூடாது. இவ்வாறு வரலாற்றுப்பிழை புரிவோர் மாநாட்டுக் குழுவில் இடம் பெற்றால் செம்மொழித் தமிழ் மாநாடு என்று நடத்துவதில் பொருள் இல்லை என்பதை உரியவர்கள் உணர வேண்டும்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
10/24/2009 3:14:00 AM

உங்கள் கருத்தைப் பதிவு செய்யுங்கள் *