முதலாம் உலகத் தொல்காப்பிய ஆராய்ச்சி மாநாட்டில் இலக்குவனார் விருது முதலிய விருதுகள் வழங்கப் பெறும்

 

ஃஃ      இலக்குவனார் திருவள்ளுவன்      30 April 2024      அகரமுதல

முதலாம் உலகத் தொல்காப்பிய ஆராய்ச்சி மாநாட்டில் இலக்குவனார் விருது முதலிய விருதுகள் வழங்கப் பெறும்.

கனடா தொரண்டோ நகரில் புரட்டாசி 04, 05 & 06, 2055 / 20, 21 & 22.09.2024 ஆகிய நாள்களில் முதலாம் உலகத் தொல்காப்பிய ஆராய்ச்சி மாநாடு நடைபெற உள்ளது. மாநாட்டின் பொழுது பின் வருமாறு விருதுகள் வழங்கப் பெறும். தகுதியானவர்கள் தங்கள் தகைமை குறித்த விரவங்களை அனுப்பலாம். பிறரும் தக்கவர்கள் பற்றிய விவரங்களை அனுப்பலாம். அனுபப் வேண்டிய மின்வரி thamizh.kazhakam@gmail.com

1. இலக்குவனார் விருது

தொல்காப்பியத்தைப் பிற மொழிகளில் மொழி பெயர்த்தவர்களுக்கும் தொல்காப்பியம் குறித்த ஆராய்ச்சி நூல்கள், ஆராய்ச்சிக் கட்டுரைகள் வெளியிட்டடவர்களுக்கும் இருபதாம் நூற்றாண்டுத் தொல்காப்பியர் எனப் போற்றப்பெறும் தமிழ்ப்போராளி பேராசிரியர் முனைவர் சி.இலக்குவனார் பெயரில் இலக்குவனார் விருதுகள் வழங்கப்பெறும்.

2. தொல்காப்பியச் சுடர் விருது

தொல்காப்பியர் புகழையும் தொல்காப்பியத்தையும் பல்வேறு வகைகளில் பரப்பி வருவோருக்கும் அமைப்பினருக்கும் தொல்காப்பியச் சுடர் விருதுகள் வழங்கப் பெறும்.

3. தொல்காப்பிய நன்மணி விருது

முதலாம் உலகத் தொல்காப்பிய ஆராய்ச்சி மாநாட்டில் கட்டுரை அளிக்கும் தொல்காப்பிய ஆர்வலர் ஒவ்வொருவருக்கும் தொல்காப்பிய நன்மணி விருது வழங்கப் பெறும்.

விருது பெற விரும்புவோர் தங்களின் பணி குறித்த குறிப்புகளுடன் பெயர், முகவரி, மின்வரி, பேசி எண் ஆகிய விவரங்களையும் கடவுச்சீட்டு அளவிலான ஒளிப்படத்துடன் thamizh.kazhakam@gmail.com என்னும் மின்வரிக்கு வைகாசி 17, 2055/ 30.05.2024 ஆம் நாளுக்குள் அனுப்ப வேண்டுகிறோம்.

இரு பக்க ஆய்வுச் சுருக்கம் tolcanada@gmail.com மின்வரிக்கு வந்து சேர வேண்டிய நாள் 01.05.2024 இற்கு முன் என அறிவிக்கப்பட்டுள்ளது. எனினும் எழுத்து மூலமாக நீட்டிப்பு கேட்பவர்களுக்கு 10-5-2024(சித்திரை 27) வரை காலம் நீடிக்கப்படும். கருத்தரங்கம் தொடர்பான பிற விவரங்களை https://www.tolkappiyam.ca இணையத் தளத்தில் காண்க. ஐயப்பாடு இருப்பின் 9884481652(இலக்குவனார் திருவள்ளுவன்) எண்ணிற்குத் தொடர்பு கொள்க.

இலக்குவனார் திருவள்ளுவன்                                  முனைவர் செல்வநாயகி

ஒருங்கிணைப்பாளர்                                                   தலைவர்

இலக்குவனார் இலக்கிய இணையம்                    தொல்காப்பிய மன்றம், கனடா

https://www.facebook.com/watch/?mibextid=oFDknk&v=859229232634552&rdid=87T1eZ41fWZexdvn

குறிப்பு : கலைஞர் தொ.கா. வேந்தர் தொ.கா., தமிழன் தொ.கா. மதிமுகம் தொ.கா., செம் தொ.கா., 5 அலைவரிசை தொ.கா., புதிய தலைமுறை தொ.கா., வெளிச்சம் தொ.கா., குமுதம் ஊடகம், தினமணி, தினமலர், தமிழ் இந்து, மேலும் செய்தியாளர் கூட்டத்திற்கு வந்திருந்த அனைத்து ஊடகத்தினருக்கும் ஊடக நிறுவனங்களுக்கும் நன்றி.

தமிழ் வளர்ச்சித்துறை விருதுகள் அறிவிப்பு

 அகரமுதல

இலக்குவனார் திருவள்ளுவன்      26 January 2022      No Comment

தமிழ் வளர்ச்சித்துறை விருதுகள் 

தமிழுக்கும், தமிழ் வளர்ச்சிக்கும் பாடுபடும் தமிழறிஞர்களைச் சிறப்பிக்கும் வகையில் தமிழக அரசு பல்வேறு விருதுகளை வழங்கிச் சிறப்பித்து வருகிறது. அந்த வகையில், 2021ஆம் ஆண்டிற்கான தமிழ் வளர்ச்சித்துறை விருதுகளை முதல்வர் மு.க.தாலின் அறிவித்துள்ளார். இதுகுறித்துத் தமிழக அரசு செய்திக்குறிப்பில் பின்வருமாறு தெரிவித்துள்ளது.

தமிழ் மொழி – இலக்கிய வளர்ச்சிக்கும் தமிழ்மன்பதை உயர்வுக்கும் தொண்டாற்றிப் பெருமை சேர்த்த தமிழ்ப் பேரறிஞர்கள், தன்னலமற்ற தலைவர்கள் பெயரில், தமிழ்நாடு அரசு பல்வேறு விருதுகளை ஏற்படுத்தி வழங்கிவருகிறது.

பேரறிஞர் அண்ணா விருது – நாஞ்சில் சம்பத்து

மகாகவி பாரதியார் விருது – பாரதி கிருட்டிணகுமார்

பாவேந்தர் பாரதிதாசன் விருது – புலவர் செந்தலை கவுதமன்

சொல்லின் செல்வர் விருது – சூரியா சேவியர்

சிங்காரவேலர் விருது – கவிஞர் மதுக்கூர் இராமலிங்கம்

தமிழ்த்தாய் விருது – மலேசியத் தமிழ் எழுத்தாளர் சங்கம்

அருட்பெருஞ்சோதி வள்ளலார் விருது – முனைவர் இரா. சஞ்சீவிராயர்

சி.பா. ஆதித்தனார் திங்களிதழ் விருது – உயிர்மை – திங்களிதழ்

தேவநேயப்பாவாணர் விருது – முனைவர் கு. அரசேந்திரன்

உமறுப்புலவர் விருது – நா. மம்மது

கி.ஆ.பெ. விருது – முனைவர் ம. இராசேந்திரன்,

கம்பர் விருது – பாரதி பாசுகர்

சி.யு.போப்பு விருது – ஏ.எசு. பன்னீர்செல்வம்

மறைமலையடிகள் விருது – சுகி.சிவம்

இளங்கோவடிகள் விருது – நெல்லைக் கண்ணன்

அயோத்திதாசப் பண்டிதர் விருது – ஞான. அலாய்சியசு

மேலும், இந்தாண்டு முதல் விருது பெறும் ஒவ்வொருவருக்கும் விருதுத்தொகை உரூ1 இலட்சத்தில் இருந்து 2 இலட்சமாக உயர்த்தி வழங்கப்படவுள்ளது. கூடுதலாக, ஒரு சவரன் தங்கப்பதக்கம், விருதுக்கான தகுதியுரை ஆகியன வழங்கிப் பொன்னாடை அணிவித்துச் சிறப்பிக்கப் பெறுவார்கள்.

"தமிழ் எழுத்தாளர்கள் இடையே கருத்து வேறுபாடுகள் அதிகம்'

By dn, சென்னை

First Published : 24 April 2013 04:05 AM IST

• புகைப்படங்கள்

• 
  சென்னை கவிதா பதிப்பகத்தில் நடைபெற்ற உலகப் புத்தக தின விழாவை குத்துவிளக்கேற்றி தொடங்கி வைக்கிறார் எழுத்தாளர் ஜெயகாந்தன். உடன் (இடமிருந்து) நல்லி குப்புசாமி, இளையராஜா, எழுத்தாளர் மாலன், யுஎஸ்எஸ்ஆர் நடராஜன், கவிதா பதிப்பக உரிமையாளர் சொக்கலிங்கம்.

தமிழ் எழுத்தாளர்கள் இடையே கருத்துவேறுபாடுகள் அதிகம். எனவே தான் தமிழுக்கு உரிய விருதுகள் கிடைப்பதில்லை என எழுத்தாளர்கள் சிற்பி பாலசுப்பிரமணியம், மு.மேத்தா ஆகியோர் கூறினர்.
சென்னை பாண்டிபஜாரில் உள்ள கவிதா பதிப்பகத்தில் உலகப் புத்தக தினம் செவ்வாய்க்கிழமை கொண்டாடப்பட்டது.
விழாவை முன்னிட்டு, முதல் விற்பனையை இளையராஜா, எழுத்தாளர் ஜெயகாந்தன் ஆகியோர் தொடங்கி வைக்க, கற்பகம் புத்தகாலய உரிமையாளர் நல்லதம்பி பெற்றுக்கொண்டார்.
நிகழ்ச்சியில் எழுத்தாளர்கள் அசோகமித்திரன், இந்திரா பார்த்தசாரதி, பிரபஞ்சன், சா.கந்தசாமி, சிற்பி பாலசுப்பிரமணியம், மு.மேத்தா, சுகி.சிவம், மாலன், ம.ராஜேந்திரன், டாக்டர் கே.எஸ்., த.ஸ்டாலின் குணசேகரன் உள்ளிட்டோர் வாசகர்களுடன் கலந்துரையாடினர்.
சிற்பி பாலசுப்பிரமணியம், மு.மேத்தா ஆகியோர் கூறியதாவது:
இலக்கியத்துக்கான நோபல், புக்கர் மற்றும் இந்திய அளவிலான உயரிய விருதுகள் தமிழ் எழுத்தாளர்களுக்குக் கிடைக்காததற்குக் காரணம், ஒரு தமிழ் எழுத்தாளர் இன்னொரு தமிழ் எழுத்தாளரை முன்னிறுத்துவதில்லை.
வேறு மொழிகளில் உள்ள எழுத்தாளர்கள், சக எழுத்தாளருக்கு விருது கிடைப்பதற்கான வாய்ப்பு வரும் போது, அதனை தமது மொழிக்குக் கிடைக்கும் விருதாகக் கருதுகின்றனர். கருத்துவேறுபாட்டை மறந்து, விருதைப் பெற்றுத்தர முயற்சி செய்கின்றனர்.
தமிழ் எழுத்தாளர்களுக்கு இடையே கருத்துவேறுபாடு அதிகம். தமிழை முன்னிலைப் படுத்திக் கொள்ளக்கூடிய மனோபாவம் தமிழர்களுக்கு இல்லை. விருதை மொழி அடிப்படையில் பார்க்காமல், தனிப்பட்ட நபருடன் இணைத்துப் பார்க்கின்றனர். இந்திய அளவில் எல்லா எழுத்தாளர்களும் தங்களை முக்கியத்துவப்படுத்துவதற்கான முயற்சிகளை மேற்கொண்டுள்ளனர். தமிழகத்தில் அந்தச் சூழல் இல்லை.
தமிழில் ஒரு நல்ல எழுத்தாளனைப் பற்றி இன்னொரு நல்ல எழுத்தாளன் பேசுவதில்லை. உயர்வாக வைத்துப் பேசப்படுகிற எழுத்தாளர்கள் மத்தியிலும் இதே நிலைதான்.
நேஷனல் புக் டிரஸ்ட் அமைப்பின் தலைவராக இதுவரை தமிழர் யாரும் வந்ததில்லை. மத்திய அரசில் அமைச்சர்களாக இருக்கும் தமிழர்கள், தமிழ் மொழி, கலை, பண்பாட்டோடு எவ்வித தொடர்பும் வைத்துக் கொள்வதில்லை.
சாகித்ய அகாதெமியின் தென் மண்டல தலைமையிடமாக சென்னை இருந்தது. அதனை பெங்களூருக்கு மாற்றிய போது, அதன் பின்னணியில் கன்னட அரசியல்வாதிகளும் இருந்தார்கள். ஆனால் தேசிய நிறுவனம் ஒன்றை ஏன் சென்னையில் இருந்து மாற்றுகிறீர்கள் என தமிழகத்தில் யாரும் கேள்வியெழுப்பவில்லை. அதைப் பிரச்னைக்குரிய விஷயமாகவே கருதவில்லை.
தொல்பொருள் ஆய்வுத்துறையை சென்னையில் இருந்து பெங்களூருக்கு மாற்றம் செய்த போதும், அதனை யாரோ சம்பந்தப்பட்ட விஷயமாகவே இங்குள்ளவர்கள் பார்த்தார்கள்.
தென்னிந்தியாவில் சென்னைக்கான முக்கியத்துவம் குறைக்கப்பட்ட பின்புலத்தில் அரசியல் இருக்கிறது.
இந்தியாவில் உள்ள எந்த மொழி எழுத்தாளர்களுக்கும் தமிழ் எழுத்தாளர்கள் பின்தங்கியவர்கள் இல்லை. சில துறைகளில் முன்னோடிகளாக உள்ளனர். ஆனால், அவர்கள் தங்களை முன்னிலைப்படுத்திக் கொள்வதில்லை என்று சிற்பி, மேத்தா கூறினர்.
நிகழ்ச்சியில், நல்லி குப்புசாமி, சோம. வள்ளியப்பன், பாரதி புத்தகாலயம் நாகராஜன், கீதம் பதிப்பக உரிமையாளர் முத்துசாமி, கவிதா பதிப்பக உரிமையாளர் சொக்கலிங்கம் ஆகியோர் பங்கேற்றனர்.

சித்திரைப் புத்தாண்டு விருதுகள்: முதல்வர் வழங்கினார்

By Sriram Senkottai, சென்னை

First Published : 15 April 2013 11:30 AM IST

• புகைப்படங்கள்

• 

தமிழ்ப் புத்தாண்டினை முன்னிட்டு, கம்பர், உ.வே.சா, கபிலர் விருதுகளை பெருமக்களுக்கு இன்று வழங்கினார் முதல்வர் ஜெயலலிதா.
இதுகுறித்த செய்திக் குறிப்பு:

தமிழ்நாடு முதலமைச்சர் ஜெயலலிதா, இன்று (15.04.2013) தலைமைச் செயலகத்தில், தமிழ்ப் புத்தாண்டை முன்னிட்டு தமிழுக்கு நற்தொண்டாற்றிவரும் தில்லித் தமிழ்ச் சங்கத்திற்கு 2013-ஆம் ஆண்டிற்கான தமிழ்த்தாய் விருதினையும், கவிஞர் முத்துலிங்கத்துக்கு கபிலர் விருதினையும், பேராசிரியர் ம.வே.பசுபதிக்கு உ.வே.சா விருதினையும், முனைவர் பால.இரமணிக்கு கம்பர் விருதினையும், முனைவர் ம.லோகநாயகிக்கு சொல்லின் செல்வர் விருதினையும் வழங்கினார்.

கடந்த 2012-ஆம் ஆண்டில், தமிழகத்திலும் பிற மாநிலங்களிலும் வாழும் தமிழர்கள், தங்களது பண்பாட்டு வேர்களைக் காத்து, தமிழ் மொழி, இலக்கியம், கலை ஆகியவற்றை போற்றி வளர்த்திடும் வண்ணம் தமிழ்ச் சங்கங்கள் / குழுமங்கள் போன்ற  அமைப்புகளை உருவாக்கி சிறப்பாக செயல்படச் செய்வதை  ஊக்குவிக்கும் வகையில், தமிழ்த்தாய் விருதினை ஏற்படுத்தினார் முதல்வர்.

இவ்வாண்டு (2013)க்கான தமிழ்த்தாய் விருதை புது டெல்லியில் சிறப்புடன் தமிழ்ப் பணியாற்றி வரும் தில்லித் தமிழ்ச் சங்கத்திற்கு வழங்கி, விருதுக்கான தொகை 5 லட்சம் ரூபாய், கேடயம் மற்றும் தகுதிச் சான்றிதழ் ஆகியவற்றை தில்லித் தமிழ்ச் சங்கத்தின் பொதுச் செயலாளர் ஆர்.முகுந்தன், இணைச் செயலாளர் பி.இராகவன் ஆகியோரிடம் முதல்வர் வழங்கினார்.

கடந்த ஆண்டு ஏற்படுத்தப்பட்ட கபிலர் விருதை, மரபுச் செய்யுள் மற்றும் கவிதைப் படைப்புகளைப் புனைவதில் வல்லவரான கவிஞர் முத்துலிங்கத்துக்கும், உ.வே.சா விருதை, ஓலைச் சுவடிகள் அரிய கையெழுத்துப் படிகள் மற்றும் கிடைத்தற்கரிய நூல்களைத் தொகுத்து தமிழுக்கு வளம் சேர்க்கும் வகையில் பதிப்புப் பணிகளை மேற்கொண்டு வரும் பேராசிரியர் ம.வே.பசுபதிக்கும், இவ்வாண்டு புதிதாக உருவாக்கப்பட்ட கம்பர் விருதை, கம்பராமாயணத்தின் உயரிய கருத்துக்களைப் பரப்பி வரும் தமிழறிஞரான முனைவர் பால. இரமணிக்கும், சொல்லின் செல்வர் விருதை, சிறந்த இலக்கியப் பேச்சாளரான முனைவர் ம. லோகநாயகிக்கும் முதல்வர் இன்று வழங்கினார். முதல்வரிடமிருந்து  விருதாளர்கள் ஒவ்வொருவரும் விருதுக்கான தொகை ஒரு லட்சம் ரூபாய், ஒரு சவரன் தங்கப் பதக்கம், தகுதிச் சான்றிதழ் மற்றும் பொன்னாடை ஆகியவற்றை மகிழ்ச்சியுடன் பெற்றுக் கொண்டு தங்களது நெஞ்சார்ந்த நன்றிகளைத் தெரிவித்துக் கொண்டனர்.

4 தமிழ் அறிஞர்களுக்கு  ச் செயலலிதா விருது வழங்கினார்

பதிவு செய்த நாள் : திங்கட்கிழமை, ஏப்ரல் 15, 12:32 PM IST

 

   

சென்னை, ஏப்.15-

தலைமைச் செயலகத்தில் இன்று காலை நடந்த விழாவில் முதல்-அமைச்சர் ஜெயலலிதா 4 தமிழ் அறிஞர்களுக்கு விருதுகளையும், டெல்லி தமிழ்ச்சங்த்துக்கு தமிழ் தாய் விருதும் வழங்கி கவுரவித்தார். சென்னை வெலிங்டன் சீமாட்டி கல்லூரி வளாகத்தில் 2 வாரம் நடைபெற உள்ள சித்தரை தமிழ் புத்தாண்டு புத்தக திருவிழாவையும் தொடங்கி வைத்தார்.

இதுகுறித்து தமிழக அரசு வெளியிட்டுள்ள செய்தி குறிப்பில் கூறியிருப்பதாவது:-

முதல்-அமைச்சர் ஜெயலலிதா கடந்த 2012-ம் ஆண்டில், தமிழகத்திலும் பிற மாநிலங்களிலும் வாழும் தமிழர்கள், தங்களது பண்பாட்டு வேர்களைக் காத்து, தமிழ் மொழி, இலக்கியம், கலை ஆகியவற்றை போற்றி வளர்த்திடும் வண்ணம் தமிழ்ச் சங்கங்கள், குழுமங்கள் போன்ற அமைப்புகளை உருவாக்கி சிறப்பாக செயல்படச் செய்வதை ஊக்குவிக்கும் வகையில், தமிழ் விருதினை ஏற்படுத்தினார்.

அதன்படி இன்று முதல்-அமைச்சர் ஜெயலலிதா, தலைமைச் செயலகத்தில், இவ்வாண்டு (2013)க்கான தமிழ்த்தாய் விருதை இந்தியத் தலைநகராம் புதுடெல்லியில் சிறப்புடன் தமிழ்ப்பணியாற்றி வரும் தில்லித் தமிழ்ச் சங்கத்திற்கு வழங்கி, விருதுக்கான தொகை 5 லட்சம் ரூபாய், கேடயம் மற்றும் தகுதிச் சான்றிதழ் ஆகியவற்றை தில்லித் தமிழ்ச் சங்கத்தின் பொதுச் செயலாளர் ஆர்.முகுந்தன், இணைச் செயலாளர் பி.இராகவன் ஆகியோரிடம் வழங்கினார்.

கடந்த ஆண்டு ஏற்படுத்தப்பட்ட கபிலர் விருதை மரபுச் செய்யுள் மற்றும் கவிதைப் படைப்புகளைப் புனைவதில் வல்லவரான கவிஞர் முத்துலிங்கத்துக்கும், உ.வே.சா. விருதை ஓலைச் சுவடிகள் அரிய கையெழுத்துப் படிகள் மற்றும் கிடைத்தற்கரிய நூல்களைத் தொகுத்து தமிழுக்கு வளம் சேர்க்கும் வகையில் பதிப்புப் பணிகளை மேற்கொண்டுவரும் பேராசிரியர் ம.வே.பசுபதிக்கும், இவ்வாண்டு புதிதாக உருவாக்கப்பட்ட கம்பர் விருதை, கம்பராமாயணத்தின் உயரிய கருத்துக்களைப் பரப்பி வரும் தமிழறிஞரான முனைவர் பால.இரமணிக்கும், சொல்லின் செல்வர் விருதை, சிறந்த இலக்கியப் பேச்சாளரான முனைவர் ம.லோகநாயகிக்கும் முதல்-அமைச்சர் ஜெயலலிதா இன்று வழங்கினார்.

முதல்-அமைச்சரிடம் இருந்து விருதாளர்கள் ஒவ்வொருவரும் விருதுக்கான தொகை ஒரு லட்சம் ரூபாய், ஒரு சவரன் தங்கப் பதக்கம், தகுதிச் சான்றிதழ் மற்றும் பொன்னாடை ஆகியவற்றை மகிழ்ச்சியுடன் பெற்றுக் கொண்டு முதல்-அமைச்சருக்கு தங்களது நெஞ்சார்ந்த நன்றிகளைத் தெரிவித்துக் கொண்டனர்.

முதல்-அமைச்சர் தொடர்ந்து, சென்னை வெலிங்டன் சீமாட்டி கல்லூரி வளாகத்தில் இரண்டுவார காலம் நடைபெற உள்ள சித்திரைத் தமிழ்ப் புத்தாண்டு புத்தகத் திருவிழாவினை காணொலிக் காட்சி மூலம் தொடங்கி வைத்தார்.

நிகழ்ச்சியில், பள்ளிக்கல்வி, விளையாட்டு மற்றும் இளைஞர் நலத்துறை அமைச்சர், தலைமைச் செயலாளர், தமிழ் வளர்ச்சி மற்றும் செய்தித் துறை செயலாளர், தமிழ் வளர்ச்சி இயக்குநர், தமிழ் நூலில் வெளியீடு மற்றும் தமிழ் நூல் விற்பனை மேம்பாட்டுக் குழுமப் பொறுப்பாளர் மற்றும் அரசு உயர் அலுவலர்கள் கலந்து கொண்டனர்.

இவ்வாறு அதில் கூறப்பட்டுள்ளது.

கொள்கைமணி ஆ.கோ.குலோத்துங்கன் விருதுகள்

திருவள்ளுவன் இலக்குவனார் shared Maraimalai Ilakkuvanar's status.

6 minutes ago

கண்ணியம் ஆ.கோ.குலோத்துங்கன் அறிஞர் அண்ணா அவர்களால் கொள்கைமணி எனப் போற்றப்பெற்றவர் (3 photos)

திருவள்ளுவன் இலக்குவனார் shared Maraimalai Ilakkuvanar's status.

7 minutes ago

கவிஞர் ஏர்வாடியார் கண்ணியம் விருது பெறுகிறார் (2 photos)

விருதாளர்கள் அனைவருக்கும் வாழ்த்துகள். அவர்கள் தத்தம் பணிகளை மேலும் ஊக்கமுடன் தொடர உற்சாகம் ஊட்டுவதாக விருதுகள் அமைகின்றன. குற்றம் குறை கூறாதபடி நடுநிலையுடன் ஆராய்ந்து தொடர்து தொண்டாற்றிய துறைகளின் அடிப்படையில் விருது வழங்கும் தமிழ் வளர்ச்சித்துறைக்கும் பிற துறைகளுக்கும் தமிழக அரசிற்கும் பாராட்டுகள். அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்!/

+++++++++++++++++++++++++++++++++++++++++++++++++++++++++++++++++++++++++

திருவள்ளுவர் விருது, பெரியார் விருது முதலான தமிழக அரசின் விருதுகள் அறிவிப்பு

By Sriram Senkottai, சென்னை

First Published : 12 January 2013 09:23 AM IST

• புகைப்படங்கள்

• 

திருவள்ளுவர் விருது. பெரியார் விருது, அம்பேத்கர் விருது உள்ளிட்ட தமிழக அரசின் விருதுகள் இன்று அறிவிக்கப்பட்டன.
இது குறித்து அரசு வெளியிட்ட செய்திக் குறிப்பில்...
தமிழ்ப் பேரறிஞர்கள் பெயராலும், தன்னலமற்ற தலைவர்கள் பெயராலும் தமிழ்நாடு அரசு ஏற்படுத்தியுள்ள திருவள்ளுவர் விருது உட்பட பல்வேறு விருதுகளைப் பெற்றிட தகுதியான பெருமக்களின் பெயர்களை முதலமைச்சர் ஜெயலலிதா அறிவித்துள்ளார்.
விருதுகள் பெறுவோர் பற்றிய விவரம்:
திருவள்ளுவர் விருது : கலைமாமணி டாக்டர் ந.முருகன்(சேயோன்)
தந்தை பெரியார் விருது : டாக்டர் கோ.சமரசம்
அண்ணல் அம்பேத்கர் விருது : தா.பாண்டியன்
பேரறிஞர் அண்ணா விருது : கே.ஆர்.பி.மணிமொழியன்
பெருந்தலைவர் காமராசர் விருது :சிங்காரவடிவேல்
மகாகவி பாரதியார் விருது : பாரதிக் காவலர் கு.ராமமூர்த்தி
பாவேந்தர் பாரதிதாசன் விருது : பேராசிரியர். முனைவர் சோ.ந.கந்தசாமி
தமிழ்த்தென்றல் திரு.வி.க.விருது : முனைவர் திருமதி பிரேமா நந்தகுமார்
முத்தமிழ்க்காவலர் கி.ஆ.பெ.விசுவநாதம் விருது : முனைவர் நா.இராசகோபாலன் (மலையமான்)
இந்த விருதுகள் 15.1.2013 அன்று தேனி மாவட்டம் லோயர் கேம்பில் நடைபெறும்  கர்னல் ஜான் பென்னிகுவிக் நினைவு மணிமண்டபம் திறப்பு விழா, திருவள்ளுவர் திருநாள் மற்றும் தமிழக அரசின் விருதுகள் வழங்கும் விழாவில் முதலமைச்சரால்  வழங்கப்படும்.
விருது பெறுவோர், தலா 1 லட்சம் ரூபாய்க்கான காசோலை, ஒரு சவரன் தங்கப் பதக்கம் மற்றும் விருதுக்கான தகுதியுரைச் சான்றிதழ் ஆகியவை வழங்கி கௌரவிக்கப் படுவார்கள். மேலும், அகவை முதிர்ந்த தமிழறிஞர்களுக்கு நிதியுதவி அரசாணைகளையும் முதல்வர் ஜெயலலிதா வழங்குவார் என்று அரசின்செய்திக் குறிப்பில் கூறப்பட்டுள்ளது.
++++++++++++++++++++++++++++++++++++++++++++++++++++++++++++++++++++

தேனி அருகே 15- ஆம் நாள் பென்னிகுவிக் மணி மண்டபத்தை ச்  செயலலிதா திறந்து வைக்கிறார்: 

9 பேருக்கு அரசு விருது வழங்குகிறார்

Chennai சனிக்கிழமை, ஜனவரி 12, 9:49 AM IST

சென்னை, ஜன. 12-

தமிழக அரசு வெளியிட்டுள்ள செய்தி குறிப்பில் கூறப்பட்டு இருப்பதாவது:-

மேற்குத் தொடர்ச்சி மலையில் பெய்யும் மழை நீர், முல்லையாறு மற்றும் பெரியாறு என்ற ஆறுகளாக கேரள  மாநிலத்தில் ஓடி வீணாகக் கடலில் கலப்பதைத் தவிர்க்க உருவாக்கப்பட்ட முல்லைப் பெரியாறு அணை மூலம் இந்த மாவட்டங்களுக்கு பாசனத்திற்குத் தேவையான தண்ணீர் கிடைக்கப் பெறுகிறது. மேலும், இந்த மாவட்டங்களின் குடிநீர் தேவையும் இந்த அணை மூலம் பெருமளவு நிறைவு செய்யப்படுகிறது. 

இந்த முல்லைப்பெரியாறு அணை பிரிட்டிஷ் பொறியாளர் கர்னல் ஜான் பென்னி குவிக் அவர்களால்  1895 ஆம் ஆண்டில் கட்டி முடிக்கப்பட்டது. அன்னாரது பணியைப் பாராட்டும்வகையிலும்,  தமிழக மக்களின் சார்பில் நன்றியைத் தெரிவிக்கும் வகையிலும், கர்னல் ஜான் பென்னிகுவிக் அவர்களது வெண்கலத் திருவுருவச் சிலையுடன் கூடிய  நினைவு மணிமண்டபம் நிறுவப்படும் என்று முதல்-அமைச்சர் ஜெயலலிதா கடந்த 8.1.2012 அன்று அறிவித்தார்.

இந்த நினைவு மணி மண்டபம், இயற்கைச்சூழல் நிறைந்த மலைப்பாங்கான இடத்தில் அனைவரும் கண்டு களிக்கக் கூடிய வகையில் எழில்மிகு  தோற்றத்தில் ரூபாய் 1 கோடியே 25 லட்சம் மதிப்பீட்டில் கட்டி முடிக்கப்பட்டுள்ளது. இந்த நினைவு மணிமண்ட பத்தை முதல் - அமைச்சர் ஜெயலலிதா 15-ந்தேதி அன்று தேனி மாவட்டம் லோயர் கேம்பில் திறந்து வைக்கிறார்.  

மேலும், தமிழ்ப் பேரறிஞர்கள் பெயராலும், தன்னலமற்ற தலைவர்கள் பெயராலும் தமிழ்நாடு அரசு ஏற்படுத்தியுள்ள திருவள்ளுவர் விருது உட்பட பல்வேறு விருது களைப்பெற்றிட தகுதியான பெருமக்களை முதல்- அமைச்சர் ஜெயலலிதா அறிவித்துள்ளார்.

செம்மொழி த் தமிழ் விருதுகள்: பிரணாப்  வழங்கினார்

Bydn, புது தில்லி

First Published : 22 December 2012 02:19 AM IST

• புகைப்படங்கள்

• 
  நிகழ்ச்சியில் (வலமிருந்து) தொல்காப்பியர் விருது பெற்ற சி. கோவிந்தராசனார், இளம் அறிஞர்களுக்கான விருது பெற்ற மு. ராமகிருஷ்ணன், ச. செந்தமிழ்ப்பாவை, அ. லட்சுமி தத்தை, சு. மாதவன் ஆகியோருடன் குடியரசுத் தலைவர் பிரணாப் முகர்ஜி, மத்திய மனித ஆற்றல் துறை அமைச்சர் பல்லம் ராஜு, இணையமைச்சர் ஜித்தின் பிரசாத்.

2008-09 ஆண்டுக்கான செம்மொழி தமிழ் விருதுகளை குடியரசுத் தலைவர் பிரணாப் முகர்ஜி வெள்ளிக்கிழமை வழங்கினார்.
குடியரசுத் தலைவர் மாளிகையில் நடைபெற்ற நிகழ்ச்சியில், தமிழ் மொழி வளர்ச்சிக்காக சேவையாற்றிவரும் 92 வயது புலவர் சி. கோவிந்தராசனாருக்கு "தொல்காப்பியர் விருது' வழங்கப்பட்டது.
அ. லட்சுமி தத்தை, சு. மாதவன், மு. ராமகிருஷ்ணன், ச. செந்தமிழ்ப்பாவை ஆகியோருக்கு "செம்மொழி தமிழ் இளம் அறிஞர்' விருது வழங்கப்பட்டது.

வெளிநாட்டவர் பிரிவில், "குறள் பீடம்' விருதுக்குத் தேர்வு பெற்ற பிரான்ஸýவா குரோ இந்த நிகழ்ச்சியில் பங்கேற்கவில்லை. விருது பெற்றவர்களின் விவரம்:

தொல்காப்பியர் விருது: 1920-ம் ஆண்டு ஜூலை 1-ம் தேதி பிறந்த புலவர் சி. கோவிந்தராசனார், திருச்சியில் வசித்து வருகிறார்.

கரந்தை தமிழ்க் கல்லூரி, தமிழவேள் உமாமகேஸ்வரனார் கரந்தை கலைக் கல்லூரி ஆகியவற்றில் சுமார் 30 ஆண்டுகள் தமிழ் பணியாற்றினார்.

மதுரை காமராஜர் பல்கலைக்கழகத்தில் 10 ஆண்டுகள் சிறப்பு நிலை ஆராய்ச்சியாளராகப் பணியாற்றினார். நாட்டின் தலைசிறந்த தொல்லியல் அறிஞராக விளங்குகிறார்.

இவரது ஆய்வில்தான், இரண்டாயிரம் ஆண்டுகளுக்கு முன்பு சேரன் செங்குட்டுவன் கட்டிய கண்ணகி கோட்டம், நாமக்கல் அருகே உள்ள கொல்லிமலையை ஆட்சி செய்த சங்க கால நாயகனான வல்வில் ஓரி சிலை, முல்லைக்கு தேர் தந்த பாரி மன்னன் வாழ்ந்த பறம்பு மலை ஆகியவை கண்டுபிடிக்கப்பட்டன.

"கண்ணகி கோட்டம்', "கண்ணகியர் அடிச்சுவட்டில், புகார் முதல் காஞ்சிவரை' ஆகியவை இவர் எழுதிய பிரபல நூல்களாகும்.

கோவிந்தராசனாருக்கு கலைமாமணி விருது வழங்கி தமிழக அரசு கௌரவித்துள்ளது. அவரது தமிழ்ச் சேவையை சிறப்பிக்கும் வகையில் தொல்காப்பியர் விருது, பாராட்டு பத்திரம், ரூ. 5 லட்சம் பொற்கிழி, நினைவுப் பரிசு ஆகியவற்றை குடியரசுத் தலைவர் பிரணாப் முகர்ஜி வழங்கினார்.
குறள் பீடம் விருது: திருக்குறள், பரிபாடல் ஆகிய நூல்களை பிரெஞ்சில் மொழியாக்கம் செய்தவர் பிரான்ஸýவா குரோ (79). அந்நாட்டில், பாரிஸ் பல்கலைக்கழகத்தின் கீழ் உள்ள உயர் ஆராய்ச்சி நிறுவனத்தில் தென்னிந்திய வரலாறு மற்றும் மொழியியலுக்கான பேராசிரியராகப் பணிபுரிகிறார்.
சங்க கால தமிழில் இருந்து தற்கால தமிழ் வரையிலான இவரது ஈடுபாடு, பல்வேறு தமிழ்ப் படைப்புகளை பிரெஞ்ச் மொழிக்கு கொண்டு சென்றுள்ளது. இவர் பரிபாடல், திருக்குறள் காமத்துப்பால் ஆகியவற்றை பிரெஞ்ச் மொழியில் மொழியாக்கம் செய்துள்ளார்.
இளம் அறிஞர்களுக்கான விருது: இளம் தமிழ் அறிஞர்களிடையே தமிழ் ஆராய்ச்சித் திறனை வளர்க்கும் வகையில் கீழ்க்கண்ட நான்கு பேருக்கு தலா ரூ. ஒரு லட்சம் பொற்கிழி, விருது வழங்கப்பட்டது.
அ. லட்சுமி தத்தை (39): புதுச்சேரி லாஸ்பேட்டை சமுதாயக் கல்லூரியில் உதவிப் பேராசிரியராகப் பணிபுரிகிறார். தமிழ்க் குடும்பம், நாவலும் சமூகமும், சமணம் ஆகியவை இவரது குறிப்பிடத்தக்க படைப்புகளாகும்.
மு. ராமகிருஷ்ணன் (41): செம்மொழி தமிழாய்வுக்கான மத்திய நிறுவனத்தில் இணை ஆய்வறிஞராகப் பணிபுரிகிறார். தமிழில் எட்டு கட்டுரைகளையும், இரண்டு நூல்களையும் இவர் எழுதியுள்ளார்.
சு. மாதவன் (43): திண்டிவனம் அரசு கலை கல்லூரியில் துணைப் பேராசிரியராக பணிபுரிகிறார். தமிழ் இலக்கியம், சமூகம் சார்ந்த 25 கட்டுரைகள், "தமிழ் அற இலக்கியங்களும் புத்த சமண அறங்களும்', "பன்முகத் தமிழியல்', "இந்திய சமூகம் - மார்க்கமும், பெரியாரும்' என்பவை இவரது குறிப்பிடத்தக்க படைப்புகளாகும்.
ச. செந்தமிழ்ப்பாவை (44): காரைக்குடி அழகப்பா பல்கலைக்கழகத்தில் தமிழ்த் துறையின் இணை பேராசிரியராகப் பணிபுரிகிறார். இவரது வழிகாட்டுதலில் மூன்று பேர் பிஎச்.டி. பட்டம் பெற்றுள்ளனர். சங்ககால தமிழ் எழுத்துகள் தொடர்பான இவரது தேடலும் ஆய்வும், "செம்மொழி தமிழ் இளம் அறிஞர்' விருதுக்கு இவரை தகுதி பெறச் செய்துள்ளன.
இந்தியில் தமிழ் வரலாறு: அறிஞர்கள் அதிருப்தி
குடியரசுத் தலைவர் மாளிகையில் நடைபெற்ற செம்மொழி தமிழ் விருது வழங்கும் நிகழ்ச்சியில், தமிழ் மொழியின் பாரம்பரியத்தை மத்திய அரசு அதிகாரியொருவர் ஹிந்தி மொழியில் அறிவித்தார். விருது பெறுவோரின் குறிப்புகளும் ஹிந்தி மொழியிலேயே வாசிக்கப்பட்டன.
இது, விருது பெற வந்த தமிழ் அறிஞர்கள் மற்றும் ஆர்வலர்களிடையே சலசலப்பை ஏற்படுத்தியது.
"தமிழ் மொழிக்கான உயரிய விருது வழங்கும் விழாவை, குறைந்தபட்சம் திருக்குறளை வாசித்தாவது தொடங்கியிருக்க வேண்டும்' என்று நிகழ்ச்சியில் பங்கேற்ற தமிழ் அறிஞர்கள் தங்கள் அதிருப்தியை வெளியிட்டனர்.

9 அறிஞர்களுக்கு விருதுகள் திருவாவடுதுறை ஆதீனம் வழங்கினார்

9 அறிஞர்களுக்கு விருதுகள் திருவாவடுதுறை ஆதீனம் வழங்கினார்

தினமணி First Published : 14 Aug 2012 12:06:32 AM IST

விழாவில் அறிஞர்களுக்கு பட்டம் வழங்கி ஆசி கூறும் திருவாவடுதுறை ஆதீன கர்த்தர் 23-வது குருமகா சந்நிதானம் சீர்வளர்சீர் சிவப்பிரகாச தேசிக பரமாச்சரிய சுவாமி

மயிலாடுதுறை, ஆக. 13: நாகை மாவட்டம், குத்தாலம் ஆதிசங்கரர் பேரவை சார்பில் பல்வேறு துறைகளில் சிறந்து விளங்கும் 9 அறிஞர்களுக்கு விருதுகள் வழங்கும் விழா, நூல் வெளியீட்டு விழா ஆகியன குத்தாலத்தில் ஞாயிற்றுக்கிழமை நடைபெற்றது.  ஆண்டுதோறும் ஆதிசங்கரர் ஜயந்தியை முன்னிட்டு, பல்வேறு துறைகளில் சிறந்து விளங்கும் அறிஞர்களுக்கு குத்தாலம் ஆதிசங்கரர் பேரவை சார்பில் விருதுகள் வழங்கப்பட்டு  வருகின்றன.  12-ம் ஆண்டாக நிகழாண்டில் ஞாயிற்றுக்கிழமை நடைபெற்ற இந்த விழாவுக்கு பேரவையின் நிறுவனரும், தொழிலதிபருமான நல்லி குப்புசாமி தலைமை வகித்தார். பேரவையின் தலைவர் ஏஆர்சி என். விஸ்வநாதன் முன்னிலை வகித்தார்.  விழாவில், குத்தாலம் ராதாசம்பத் எழுதிய ""திருத்துருத்தி புராணம்'' என்னும் நூலினை திருவாவடுதுறை ஆதீன கர்த்தர் 23-வது குருமகா சந்நிதானம் சீர்வளர்சீர் சிவப்பிரகாச தேசிக பரமாச்சாரிய சுவாமிகள் வெளியிட, முதல் பிரதியை நல்லி குப்புசாமி பெற்று கொண்டார்.  இதைத் தொடர்ந்து, காந்தியவாதி குமரி அனந்தனின் தமிழ்ப் பணியை பாராட்டி, அவருக்கு பொற்பதக்கம், மலர் கீரிடம் அணிவித்து ""முத்தமிழ் நாயகர்'' என்னும் சிறப்பு விருதை ஆதீன கர்த்தர் வழங்கினார்.  இதன் பிறகு, தினமணி செய்தி ஆசிரியர் எஸ். பாவை சந்திரன், சிவராமபுரம் பஞ்சமுக ஆஞ்சநேய சேவா டிரஸ்ட் நிறுவனர் வீரராகவ சுவாமிகள், சென்னை வீணை கலைஞர் ரேவதி கிருஷ்ணா, மயிலாடுதுறை வேத சிவாகம பாடசாலை நிறுவனர் ஏ.வி. சுவாமிநாத சிவாச்சாரியர், சென்னை புகைப்படக் கலைஞர் யோகா, அரித்துவாரமங்கலம் ராஜம் பட்டர், சீர்காழி நாகசுர கலைஞர் த. சிவசுப்பிரமணியன், கும்பகோணம் கே.எஸ். மருத்துவமனை நிர்வாக இயக்குநர் மருத்துவர் எஸ். செல்வராஜன் ஆகியோரின் பணிகளைப் பாராட்டி முறையே, பட்டாடை, பொற்கிழி, உருத்திராக்கம் அணிவித்து தெய்வத் தமிழ்மணி, ஆன்மிக சேவாரத்னா, தெய்வத் தமிழிசை மாமணி, சிவ ஆகம வித்யா சரஸ்வதி, புகைப்பட மாமணி, சத்புத்ர மாமணி, நாகசுர கலைமணி, மருத்துவமாமணி என்னும் விருதுகளை வழங்கி, ஆதீன கர்த்தர் ஆசி வழங்கினார்.  விழா நிகழ்ச்சிகளை முதுகலை தமிழாசிரியர் ஆர். செல்வக்குமார் தொகுத்து அளித்தார்.  விழாவில் பேரவையின் செயலர் டாக்டர் பாலாஜி, பொருளாளர் ஜே. ஞானசம்பந்தம், உறுப்பினர்கள் மு. ஜானகிராமன், ராமநாதன் மற்றும் தமிழறிஞர்கள் உள்ளிட்ட பலர் கலந்து கொண்டனர்.  முன்னதாக, ஆதிசங்கரர் பேரவையின் அமைப்பாளர் எம். மணிகண்டன் வரவேற்றார்.

விருதுகள் பெயர்கள் தமிழில் இருக்க வேண்டும்!

பத்மா சுப்பிரமணியம் உள்பட 5 பேருக்கு ஆர்ஷ கலா பூஷணம் விருது

First Published : 07 Nov 2010 01:49:41 AM IST

Last Updated :

கோவை, நவ. 6: பரதநாட்டியக் கலைஞர் பத்மா சுப்பிரமணியம் மற்றும் இசைக் கலைஞர்கள் 4 பேருக்கு ஆனைக்கட்டி ஆசிரமம் ஆர்ஷ வித்யா குருகுலம் சார்பில் ஆர்ஷ கலா பூஷணம் விருது வழங்கப்படுகிறது. கிக்கானி மேல்நிலைப் பள்ளி அரங்கில் தயானந்த சரஸ்வதி சுவாமிகள் ஞாயிற்றுக்கிழமை (நவ.7) விருதுகளை வழங்கி அருளுரையாற்றுகிறார். இசையை வளர்க்கும் வகையில் ஆர்ஷ வித்யா குருகுலத்தில் ஆர்ஷ கலாரங்கம் பிரிவு தொடங்கப்பட்டது. 2007 முதல் ஒவ்வோர் ஆண்டும் நவம்பர் மாதத்தில் இசை விழா நடத்தப்படுகிறது. இசைக் கலைஞர்களை கெüரவிக்கும் வகையில் ஆர்ஷ கலா பூஷணம் விருது வழங்கப்படுகிறது. இதுவரை 13 மூத்த இசைக் கலைஞர்கள் இவ் விருதைப் பெற்றுள்ளனர். இந்த ஆண்டு பரதநாட்டியக் கலைஞர் பத்மா சுப்பிரமணியம், இசைக் கலைஞர்கள் டி.ஆர்.சுப்பிரமணியம் (வாய்ப்பாட்டு), டி.கே.கோவிந்தராவ் (வாய்ப்பாட்டு), எம்.பி.என். பொன்னுசாமி (நாதஸ்வரம்), வலையபட்டி ஏ.ஆர்.சுப்பிரமணியம் (தவில்) ஆகியோருக்கு ஆர்ஷ கலா பூஷணம் விருது வழங்கப்படுகிறது. சென்னை மியூசிக் அகாதெமி தலைவர் என்.முரளி, இசைக் கலைஞர் அனுராதா ஸ்ரீராம் உள்ளிட்ட பலர் பங்கேற்கின்றனர்.

Email

Print

Delicious

Digg

Facebook

Twitter

கருத்துகள்

ஆர்ச கலா என்னும் பொழுது ஏதோ ஆரியக் கலை எனப் படிப்பதுபோல் தோன்றுகிறது. தமிழில் விருதுகளை வழங்குவதே விருதினை மக்கள் போற்றுவதற்கு வழி வகுக்கும். தமிழ் நாட்டில் இருந்து கொண்டு தமிழில் விருதுகளை வழங்காதவர்களும் அதனைப் பெறுபவர்களும் எங்ஙனம் தமிழ்க்கலைகளை வளர்ப்பார்கள் என்று எதிர்பார்கக் இயலும்? வெட்கக்கேடாக உள்ளது. வேதனையுடன் இலக்குவனார் திருவள்ளுவன்

By Ilakkuvanar thiruvalluvan
11/7/2010 3:53:00 AM

உங்கள் கருத்தைப் பதிவு செய்யுங்கள் * Tamil English