பொறியியல் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
பொறியியல் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், 24 ஜூன், 2013

என் பிள்ளை இப்பொழுது பொறியியல் படிக்கின்றான்

என் பிள்ளை  இப்பொழுது பொறியியல் படிக்கின்றான
நமது தினமலர் இணையதள வாசகர்கள் வெறும் பார்வையாளர்கள் மட்டுமில்லை, நிஜமாகவே உதவி தேவைப்படும்போது, உலகின் எந்த மூலையில் இருந்தாலும் கைநீட்டி உதவுவார்கள் என்பதற்கான அடையாளம்தான் கோகுல கண்ணன்.
யார் இந்த கோகுல கண்ணன் என்பதை தெரிந்து கொள்ள கடந்த வருடம் வெளியான கட்டுரையின் சுருக்கத்தை பார்த்துவிடுவது நல்லது.
கோகுல கண்ணனின் தாயார் பெயர் கே.பிருந்தா தேவி
அன்றாடம் வயிற்றுப்பாட்டிற்கே அல்லல்பட்டாலும், தான் பெற்ற பிள்ளைகளை படிக்கவைத்து ஆளாக்க நினைக்கும் கனவுகளுடன் வளம்வரும் ஆயிரக்கணக்கான ஏழை குடும்பத்து தாய்மார்களின் பிரதிநிதி இவர்.
தற்போது சென்னை திநகர், முத்துரங்கன் சாலை, வரதராஜன் தெரு, கதவிலக்கம் 26ல் குடியிருக்கும் இவர் படிப்பதில் ஆர்வமாக இருந்தாலும் சூழ்நிலை காரணமாக சென்னையில் உள்ள ஒரு ஒட்டல் தொழிலாளிக்கு திருமணம் செய்துவைக்கப்பட்டவர்.
குடிசை வீட்டில் அன்புக்கு குறைவில்லாமல் குடும்பம் நடத்தியவருக்கு மூன்று குழந்தைகள், தனது குழந்தைகளை நன்கு படிக்கவைக்கவேண்டும் என்பதுதான் இவரது வாழ்நாளின் லட்சியம், ஆசை எல்லாம். இதற்காக தனது கணவரின் ஊதியம் (மாதம் 3 ஆயிரம் ரூபாய்) போதாது என்பதால் நாலைந்து வீடுகளில் வேலை செய்துவரும் சம்பாத்தியம் மூலம் பிள்ளைகளை படிக்க வைக்கிறார், பெற்றவளின் சிரமம்பார்த்து பிள்ளைகளும் நன்கு படித்துவருகின்றனர்.
இதில் மூத்தவன் கோகுல் கடந்த ஆண்டு பிளஸ் டூவில் 938 மார்க்குகள் வாங்கியிருந்தான், கவுன்சிலிங்கில் இவன் கேட்ட சென்னை குன்றத்தூர் ஸ்ரீமுத்துக்குமரன் என்ஜீனியரிங் கல்லூரியே கிடைத்துவிட்டது.
ஆண்டுக்கு ரூ.50 ஆயிரம் தே‌வை:
எல்லா சலுகையும் போக வருடத்திற்கு 50 ஆயிரம் ரூபாய் வரை செலவாகும் என்ற நிலை. அவ்வளவு பணத்தை மொத்தமாக பார்த்தேயிராத பிருந்தாவிற்கு என்ன செய்வது என்பது புரியவில்லை. தான் வேலை பார்த்துவரும் வீடுகளில் கடன் கேட்டார். காலை 4 மணிக்கு எழுந்து இரவு 10 மணிவரை இடுப்பொடிய வேலை செய்பவர், "இன்னும் இரவெல்லாம் கூட வேலை செய்கிறேன்' என் புள்ளை படிச்சா போதும் கொஞ்சம் பணம் கொடுங்க என்று கண்கலங்கிய நிலையில்தான் என் வீட்டு கதவையும் தட்டினார்.அந்த தாயின் கனவை நிறைவேற்ற நான் என்னால் முடிந்த தொகையை கொடுத்ததுடன் என் கடமை முடிந்ததாக நினைத்துவிடாமல், அவரது நிலமையை நிஜக்கதை பகுதியில் பிரசுரித்து வாசகர்களிடம் முடிந்த உதவியை கேட்டிருந்தோம்.வாசகர்கள் பலரும் படித்துவிட்டு நல்ல மனதுடன் உதவினார்கள், வாசகர்கள் தங்கள் வியர்வை சிந்தி சம்பாதித்த அனுப்பிய பணத்தின் மதிப்பை அறிந்து கோகுலும் முதல் வருடத்தை நன்றாக படித்து முடித்துள்ளான் அவனது மதிப்பெண்களும் முதல் தரத்திலேயே உள்ளது.





இப்போது இரண்டாம் வருட படிப்பு துவங்க உள்ளது இரண்டாம் வருட படிப்பிற்கான கட்டணம் ரூபாய் ஐம்பத்து நான்காயிரத்து நானூற்று ஐம்பது ரூபாயாகும், இந்த வருடத்திற்காக நான் எனது பங்காக என்னால் முடிந்த பணத்தை கொடுத்து கணக்கை துவங்கியுள்ளேன் வாசகர்கள் தங்களால் முடிந்ததை வழங்கலாம்.மாணவன் கோகுல கண்ணனின் தாயார் கே.பிருந்தாதேவியின் வங்கி கணக்கிற்கே தங்களால் இயன்ற பணத்தை அனுப்பலாம். கே.பிருந்தாதேவி, கணக்கு எண்:1278 155 0000 94707, கரூர் வைஸ்யா பாங்க், அசோக்நகர் கிளை, சென்னை-83. வங்கியின் ஐஎப்எஸ்சி கோட் எண்: கேவிபிஎல்0001278.
பிருந்தாதேவியிடம் பேசுவதற்கான போன் எண்:9444073157. உங்களால் ஒரு ஏழை மாணவன் தானும் படித்து தன் தம்பிகளையும் படிக்கவைப்பான் என்ற நம்பிக்கை வந்துள்ளது மேலும் ,ஒரு ஏழை, எளிய தாயின் கனவும் நனவாகிக்கொண்டு இருக்கிறது. நன்றி வாசகர்களே. நன்றி!
குறிப்பு: மாணவன் கோகுலகண்ணன் வாங்கிய மதிப்பெண் பட்டியல்,அவனது இரண்டாம் வருடத்திற்கான அனுமதி கடிதம் ஆகியவைகளை போட்டோ கேலரி பகுதியில் பார்க்கலாம்.
-எல்.முருகராசு

செவ்வாய், 9 ஏப்ரல், 2013

வேளாண் பணியில் விறுவிறுப்பு காட்டும் பொறியியல் பட்டதாரி

http://img.dinamalar.com/data/large/Tamil_News_large_685822.jpg

வேளாண் பணியில் விறுவிறுப்பு காட்டும் பொறியியல் பட்டதாரி

காரைக்குடி :விவசாயத்தை வேண்டாமென ஒதுக்கி வரும் நிலையில், இன்ஜினியரிங் பட்டம் பெற்றும், பாழ்பட்ட நிலத்தை பண்பட்டு உழுது, அறுவடை செய்து வருகிறார், காரைக்குடி முத்துப்பட்டிணத்தை சேர்ந்த இளைஞர் ஒருவர்.

காரைக்குடி முத்துப்பட்டிணத்தை சேர்ந்தவர் சிவபாண்டியன். விவசாய குடும்பத்தில் பிறந்த இவர்,இன்ஜினியரிங் மெக்கானிக்கல் படிப்பை கடந்த 2010-ல் நிறைவு செய்தார். "ஒயிட் காலர்' வேலைக்காக, சென்னைக்கு பறக்காமல், தந்தை அமல்ராஜ் பார்த்த விவசாயத்தை பார்க்க முற்பட்டார். உடன் பிறந்த சகோதரர்கள் ஏழுபேர், சகோதரிகள் ஐந்து பேர்.காரைக்குடி அருகே கோவிலூர் பகுதியில், இவர்களுக்கு சொந்தமான 15 ஏக்கர் நிலத்தில், தற்போது கோடை விவசாயம் மேற்கொண்டு வருகிறார்.

பட்டதாரியான சிவபாண்டியன் கூறும்போது: விவசாயம் செய்வதால் மன நிறைவு பெறுகிறது. கடின உழைப்பு என்பதை, விவசாயத்தில் கற்று கொள்ளலாம். யாரிடமும் கை கட்டி வேலை பார்ப்பதை விடுத்து, நம்மால் 10 பேருக்கு வேலை கொடுக்க முடிகிறது. மெக்கானிக்கல் இன்ஜினியரிங் முடித்துள்ளதால், நடவு மிஷின், அறுவடை மிஷின், கதிரடிக்கும் மிஷின்என விவசாயத்தில் தற்போது வரை உள்ள, நவீன கருவிகள் வரை இயக்குவேன்.இயற்கை உரத்துக்கு முன்னுரிமை கொடுத்து, மாட்டுச்சாணம், மண்புழு உரம் ஆகியவற்றை மட்டுமே போட்டு வருகிறேன். வழக்கமாக முதல் போக அறுவடையில், ஏக்கருக்கு 40 மூடை நெல் கிடைக்கும். கடந்த முறை மழையின்மையால் 20 மூடை கிடைத்தது.தற்போது, இரண்டாம் போகமான கோடை விவசாய பணிகளை மேற்கொண்டு வருகிறேன்.கண்மாய் வெட்டுக்கு (நூறுநாள் வேலை) கூலியாட்கள் சென்று விடுவதால், நடவு உள்ளிட்ட வேலைகளுக்கு ஆள் கிடைப்பதில் சிரமம் உள்ளது.உழுதவன் கணக்கு பார்த்தால், உழவுக்கு கூட மிஞ்சாது, என்பது தற்போதைய நடைமுறையில் சாத்தியம். இருந்தாலும் மன நிறைவு, இந்த விவசாயத்தில் தான் உள்ளது,என்றார்.