அரங்கேற்றம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
அரங்கேற்றம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், 4 ஜனவரி, 2021

புதுச்சேரியில் பறையிசை ஆட்ட பயிற்சிப் பட்டறையும் அரங்கேற்றமும்

     04 January 2021      No Comment



புதுச்சேரியில் பறையிசை ஆட்ட பயிற்சிப்

பட்டறையும் அரங்கேற்றமும்!

புதுச்சேரியில் பள்ளி மாணவ மாணவியருக்கான இரண்டு நாள் பறை இசைப் பயிற்சி முகாம், மார்கழி 18, 2051 / 02.01.2021 அன்று  அரங்கேற்றத்துடன் நிறைவு பெற்றது.

பெண்ணாடம் – திருவள்ளுவர் கலைக்குழு, புதுச்சேரி திருக்குறள் மன்றம் ஆகிய இரு அமைப்புகளின் சார்பில். தமிழ்த்தேசியப் பேரியக்கப் புதுச்சேரி செயலாளர் திரு. இரா.வேல்சாமி தலைமையில் புதுச்சேரி வேலுராம்பட்டு அறிவர் பள்ளியில்  நடைபெற்ற இந்த இரண்டு நாள் முகாமை பெண்ணாடம் – திருவள்ளுவர் கலைக்குழு தோழர்கள் இரண்டு நாட்கள் இங்கேயே தங்கி நடத்தி வைத்தனர்.

திருவள்ளுவர் கலைக்குழு தலைவர் தோழர் தே. இளநிலா தலைமையில் கடந்த 01.01.2020 அன்று காலை தொடங்கிய பயிற்சியைத் திருவாட்டி தெய்சி, திருவாட்டி செல்வி காமராசு ஆகியோர் குத்துவிளக்கேற்றித் தொடங்கி வைத்தனர்.

 தொடர்ந்து நேற்று (02.01.2020) இரண்டாம் நாளாகப் பயிற்சி தொடர்ந்து நிலையில், மாலையில் அரங்கேற்ற விழாவுடன் பயிற்சி முகாம் நிறைவுற்றது.

அரங்கேற்ற விழாவில், தமிழ்த்தேசியப்  பேரியக்கத் தலைமைச் செயற்குழு உறுப்பினர் தோழர் க. முருகன், தொழில் முனைவர் ப. தமிழ்முத்து பராங்குசம், இலட்சுமி உணவளிப்புப் பணியக உரிமையாளர் திரு. முத்துராமன், “குரலற்றவர்களின் குரல்” நிருவாகி திரு. அசோக்குராசு ஆகியோர் சிறப்பு அழைப்பாளர்களாகப் பங்கேற்று, பறை இசைப் பயிற்சி பெற்ற மாணவர்களுக்குச் சான்றிதழ்கள் வழங்கிப் பாராட்டினர்.

 இரு நாட்கள் பயிற்சி பெற்ற மாணவர்களின் அரங்கேற்றப் பறையிசை ஆட்டத்தைக் கண்டு சிறப்பு விருந்தினர்களும் பொதுமக்களும் பெற்றோர்களும் வியந்து பாராட்டினார்கள். சிறப்பான பயிற்சி அளித்த திருவள்ளுவர் கலைக்குழுவின் தலைவர் தே.இளநிலா, செயலாளர் தி.சின்னமணி, பொருளாளர் சி. பிரபாகரன், செ. செந்தமிழ், எ. ஆதித்தியன் முதலான கலைக்குழு உறுப்பினர்களுக்குச் சிறப்பு விருந்தினர்கள் நூலாடைப் போர்த்திப் பாராட்டினர்.

 பயிற்சிக்கு இடமளித்து உதவிய அறிவர் பள்ளி முதல்வர்  சரோ சா பாபு அவர்களுக்கு நூலாடைப் போர்த்தியும், திருவள்ளுவர் படம் பதித்த நினைவுப்பரிசு  வழங்கியும் திருவள்ளுவர் கலைக்குழு தோழர்கள் பாராட்டினர். நிறைவில், திருவள்ளுவர் கலைக்குழுவின் செயலாளர் திரு. தி. சின்னமணி நன்றி கூறினார்.

 இப்பயிற்சி தொடக்கம்தான் என்றும், தொடர்ந்து புதுச்சேரியில் வாரம் ஒருமுறை பறை இசைப் பயிற்சி வழங்கும் வகையில் தொடர் பயிலரங்கம் நடத்தத் திட்டமிடப்படும் எனறும் நிகழ்ச்சி ஏற்பாட்டாளர் திரு. இரா. வேல்சாமி தெரிவித்துள்ளார்

(பேச – 93454 85214).

 

திருவள்ளுவர் கலைக்குழு=

தொடர்புக்கு : 9629206998 புலனம் : 7639573579

முகநூல் : www.fb.com/Thiruvalluvarkalaikuzhu

காணொலிகள் : youtube.com/ Thiruvalluvarkalaikuzhu

 









சனி, 10 ஆகஸ்ட், 2019

செல்வி நிலா தங்கவேலு – அரங்கேற்றம்

அகரமுதல

ஆடி 25,2050 சனி 10.08.2019 மாலை 5.00
இராணி சீதை மண்டபம், அண்ணா மேம்பாலம் அருகில், சென்னை

உரொண்டோ நடன ஆசிரியை திருமதி வசந்தா தானியல் அவர்களின் மாணவியும்
திரு திருமதி மணிவண்ணன் – தேவி இருவரதும் அருமை மகளும்
திரு திருமதி தங்கவேலு – சரோசினி அவர்களின் செல்லப் பேத்தியுமான

செல்வி நிலா தங்கவேலுவின் நாட்டிய அரங்கேற்றம்



ஞாயிறு, 5 மே, 2013

அரங்கேற்று க் காதையின் அரங்கேற்றம் எப்போது?

அரங்கேற்று க் காதையின் அரங்கேற்றம் எப்போது?

கல்லூரிகளிலும், பல்கலைக்கழகங்களிலும் இலக்கியங்கள் கற்பிக்கப்படும் முறை பெரிதும் கவலைக்கிடமாகவே உள்ளது. தமிழார்வலர்களைப் பெரிதும் வருத்தும் செய்தி சிலப்பதிகாரத்தில் வரும் "அரங்கேற்றுகாதை'யை நீக்கிவிட்டு அவ்விலக்கியத்தைக் கற்பிப்பதாகும். பல்கலைக்கழகங்களும் கல்லூரிகளும் சிலப்பதிகாரத்தைப் பாடத்திட்டத்தில் சேர்க்கும்போது "அரங்கேற்றுகாதை நீங்கலாக' என்றே குறிப்பிட்டுள்ளன.
அரங்கேற்றுகாதைதான் தமிழிசை பற்றியும் தமிழ்க் கூத்துக் கலையைப் பற்றியும் நாம் அறிந்து கொள்வதற்கான மிக அதிகமான செய்திகளையும் நுணுக்கங்களையும் கூறுகிறது. தமிழில் எஞ்சியிருக்கும் இசை பற்றிய நூல்களில் முதல் நூலாக இருப்பது சிலப்பதிகாரமும் அதன் அங்கமாகிய அரங்கேற்று காதையுமே. இதைப் பின்பற்றியே ஆபிரகாம் பண்டிதரின் கருணாமிருதசாகரமும், விபுலானந்தரின் யாழ் நூலும், ராமனாதனின் சிலப்பதிகார (இசை பற்றிய) ஆய்வும், வீ.ப.கா. சுந்தரம் மற்றும் குடந்தை சுந்தரேசனாரின் ஆய்வுகளும் இன்னோரன்ன பல ஆய்வுகளும் எழுந்தன. நம்மிடையே எஞ்சியிருக்கும் "இசைக்கருவூலம்' அரங்கேற்றுகாதைதான். தமிழ் மொழியின் ஆத்மாவாகவும், சமயத்தின் ஆத்மாவாகவும் இருக்கும் அரங்கேற்றுகாதை, பல்கலைக்கழகப் பாடத்திட்டக் குழுவினரால் நீக்கப்பட்டிருக்கிறது.
பேரறிஞர் அண்ணா "அரங்கேற்றுகாதை ஏன் கற்பிக்கப்படுவதில்லை' என்று கேட்டு, "தகுதியுள்ள ஆசிரியர்கள் இல்லை' எனவறிந்து அதிர்ச்சியுற்று, குடந்தை சுந்தரேசனாரிடம் அரங்கேற்றுகாதை பற்றிக் கேட்டறிந்து நிலைமையைச் சீர்செய்ய வேண்டுமெனக்கூறி 45 ஆண்டுகள் ஆகின்றன. ஆயினும், அரங்கேற்றுகாதை பாடத்திட்டத்திலிருந்து நீக்கப்பட்ட நிலையே நீடிக்கிறது.
முத்தமிழ் என்ற சொல்லைத் தொடர்ந்து பயன்படுத்துகின்றனரே தவிர, அரங்கேற்று காதையைக் கற்பிக்கும் ஆசிரியர்களைத் தமிழிசை இயக்கமும் பல்கலைக்கழகங்களும் இதுவரை கண்டறியவில்லை; உருவாக்கவில்லை.
இளங்கோவடிகளால் மாதவியின் அரங்கேற்றம் நிகழ்ந்தது. ஆனால், பல்கலைக்கழகங்களால் "அரங்கேற்றுகாதை' இன்னும் அரங்கேற்றப்படவில்லை. இந்நிலைக்கு முற்றுப்புள்ளி வைத்து, அரங்கேற்றுகாதையைப் பாடத்திட்டத்தில் சேர்த்து கற்பிக்க வேண்டும். இலக்கியப்புலம் இசைப் புலத்துடன் இணைந்து செயல்பட வேண்டும். அதற்குத் தேவையான ஆசிரியர்களைப் பயிற்றுவிக்க வேண்டும். இதைச் செய்தால் அரங்கேற்றுகாதை அரங்கேறும்.
ராவ்சாஹேப் கே.கோதண்டபாணிப் பிள்ளை என்பவர், அய்ஸ்ரீண்ங்ய்ற் பஹம்ண்ப் ஙன்ள்ண்ஸ்ரீ என்ற ஆங்கிலக் கட்டுரையில் "இசை மொழியின் ஆத்மா' என்று கூறியுள்ளார்.
தமிழ் இலக்கியம் பயிலும் மாணவர்கள் தமிழிசையின் பாலபாடத்தையாயினும் பயில வேண்டும். தமிழ்மொழி தனது ஆத்மாவைத் திரும்பப்பெற வேண்டும்.