புதுச்சேரி படைப்பாளர் இயக்கம்
மகளிர் நாள்
விருதுகள் வழங்கல்
நூற்போட்டிப் பரிசுகள் வழங்கல்
மாசி 08, 2056 சனி 22.03.2025 மாலை 5.30 மணி
இடம் புதுவை தமிழ்ச்சங்கம், வெங்கட்டா நகர், புதுச்சேரி
10 பிரிவுகளில் தமிழ் நூல்களுக்கும் ஓர் ஆங்கிலப் பிரிவிற்கும் மும்மூன்று பரிசுகள் வழங்கு விழா.
பொதுக்கட்டுரைப் பிரிவில் முதல் பரிசு பெறுநர்
இலக்குவனார் திருவள்ளுவன்
புதுச்சேரி பாரதிதாசன் அறக்கட்டளை
தமிழறிஞர் மன்னர்மன்னன் 96 ஆவது பிறந்த நாள்
மாணவர்களுக்கான ஓவியப்போட்டி
புதுச்சேரி பாரதிதாசன் அறக்கட்டளை சார்பில் புரட்சிக்கவிஞர் பாரதிதாசன் அவர்களின் மைந்தரும் முதுபெரும் தமிழறிஞருமான கவிஞர், விடுதலைப் போராட்ட வீரர், தமிழ்மாமணி மன்னர் மன்னன் ( கோபதி) அவர்களின் 96 ஆவது பிறந்த நாள் வரும் 03/11/2023 வெள்ளிக்கிழமை கொண்டாடப்படுகிறது.
இதனை முன்னிட்டுப் புதுச்சேரி பாரதிதாசன் அறக்கட்டளை சார்பில் மாணவர்கள் பங்கேற்கும் ஓவியப்போட்டி நடைபெற ஏற்பாடு ஆகியுள்ளது.
தலைப்பு : கலைகள் வளர்த்திடுவோம்!
( மன்னர் மன்னன் அவர்களின் கவிதை வரி )
எவ்வகை ஓவியமாகவும் இருக்கலாம்.
ஓவியம் வரைய வேண்டிய பொருட்களை மாணவர்கள் கொண்டு வரவேண்டும்.
போட்டியில் பங்கேற்க என்ற 9486748522 புலன எண்ணில் (வாட்சு அப் ) வரும் 18/10/2023 நாளுக்குள் பெயர், வயது, கல்வி, கல்வி நிறுவன விவரம் இவற்றுடன் புலன எண் ( வாட்சுஅப் ) உள்ளிட்ட விவரங்களுடன் பதிவு செய்து கொள்ள வேண்டும்.
1 முதல் 12 ஆம் வகுப்பு வரை பள்ளி மாணவர்கள்- கல்லூரி மாணவர்கள் பங்கேற்கலாம்.
75 மாணவர்கள் மட்டுமே பங்கேற்க முடியும்.முதலில் பதிவு செய்பவருக்கு முன்னுரிமை வழங்கப்படும்.
பங்கேற்கும் அனைவருக்கும் பாராட்டிதழ் வழங்கப்படும்.
பரிசு விவரம்:-
மொத்த பரிசுத்தொகை உரூபாய் 5000/-
(தேர்வு பெறும் பத்து ஓவியங்களை வரைந்த பள்ளி மாணவர் ஏழுபேர் கல்லூரி மாணவர் மூன்று பேர் என ஒவ்வொருவருக்கும் ரூபாய் 500/- வழங்கப்படும் .)
நிகழ்விடம்:
பாவேந்தர் பாரதிதாசன் அரசு அருங்காட்சியகம்,
115, பெருமாள் கோயில் தெரு,புதுச்சேரி -605001.
நாள் : ஐப்பசி 17, 2054 – 03/11/2023 வெள்ளிக்கிழமை
நேரம்: காலை 10 மணி முதல் 12.00 வரை
தொடர்புக்கு
கலைமாமணி முனைவர் கோ. பாரதி
தலைவர்,
பாரதிதாசன் அறக்கட்டளை, புதுச்சேரி
பேசி : 86676 09521.
பங்கேற்க வருக.
04 January 2021 No Comment
புதுச்சேரியில் பள்ளி மாணவ மாணவியருக்கான இரண்டு நாள் பறை இசைப் பயிற்சி முகாம், மார்கழி 18, 2051 / 02.01.2021 அன்று அரங்கேற்றத்துடன் நிறைவு பெற்றது.
பெண்ணாடம் – திருவள்ளுவர் கலைக்குழு, புதுச்சேரி திருக்குறள் மன்றம் ஆகிய இரு அமைப்புகளின் சார்பில். தமிழ்த்தேசியப் பேரியக்கப் புதுச்சேரி செயலாளர் திரு. இரா.வேல்சாமி தலைமையில் புதுச்சேரி வேலுராம்பட்டு அறிவர் பள்ளியில் நடைபெற்ற இந்த இரண்டு நாள் முகாமை பெண்ணாடம் – திருவள்ளுவர் கலைக்குழு தோழர்கள் இரண்டு நாட்கள் இங்கேயே தங்கி நடத்தி வைத்தனர்.
திருவள்ளுவர் கலைக்குழு தலைவர் தோழர் தே. இளநிலா தலைமையில் கடந்த 01.01.2020 அன்று காலை தொடங்கிய பயிற்சியைத் திருவாட்டி தெய்சி, திருவாட்டி செல்வி காமராசு ஆகியோர் குத்துவிளக்கேற்றித் தொடங்கி வைத்தனர்.
தொடர்ந்து நேற்று (02.01.2020) இரண்டாம் நாளாகப் பயிற்சி தொடர்ந்து நிலையில், மாலையில் அரங்கேற்ற விழாவுடன் பயிற்சி முகாம் நிறைவுற்றது.
அரங்கேற்ற விழாவில், தமிழ்த்தேசியப் பேரியக்கத் தலைமைச் செயற்குழு உறுப்பினர் தோழர் க. முருகன், தொழில் முனைவர் ப. தமிழ்முத்து பராங்குசம், இலட்சுமி உணவளிப்புப் பணியக உரிமையாளர் திரு. முத்துராமன், “குரலற்றவர்களின் குரல்” நிருவாகி திரு. அசோக்குராசு ஆகியோர் சிறப்பு அழைப்பாளர்களாகப் பங்கேற்று, பறை இசைப் பயிற்சி பெற்ற மாணவர்களுக்குச் சான்றிதழ்கள் வழங்கிப் பாராட்டினர்.
இரு நாட்கள் பயிற்சி பெற்ற மாணவர்களின் அரங்கேற்றப் பறையிசை ஆட்டத்தைக் கண்டு சிறப்பு விருந்தினர்களும் பொதுமக்களும் பெற்றோர்களும் வியந்து பாராட்டினார்கள். சிறப்பான பயிற்சி அளித்த திருவள்ளுவர் கலைக்குழுவின் தலைவர் தே.இளநிலா, செயலாளர் தி.சின்னமணி, பொருளாளர் சி. பிரபாகரன், செ. செந்தமிழ், எ. ஆதித்தியன் முதலான கலைக்குழு உறுப்பினர்களுக்குச் சிறப்பு விருந்தினர்கள் நூலாடைப் போர்த்திப் பாராட்டினர்.
பயிற்சிக்கு இடமளித்து உதவிய அறிவர் பள்ளி முதல்வர் சரோ சா பாபு அவர்களுக்கு நூலாடைப் போர்த்தியும், திருவள்ளுவர் படம் பதித்த நினைவுப்பரிசு வழங்கியும் திருவள்ளுவர் கலைக்குழு தோழர்கள் பாராட்டினர். நிறைவில், திருவள்ளுவர் கலைக்குழுவின் செயலாளர் திரு. தி. சின்னமணி நன்றி கூறினார்.
இப்பயிற்சி தொடக்கம்தான் என்றும், தொடர்ந்து புதுச்சேரியில் வாரம் ஒருமுறை பறை இசைப் பயிற்சி வழங்கும் வகையில் தொடர் பயிலரங்கம் நடத்தத் திட்டமிடப்படும் எனறும் நிகழ்ச்சி ஏற்பாட்டாளர் திரு. இரா. வேல்சாமி தெரிவித்துள்ளார்
(பேச – 93454 85214).
திருவள்ளுவர் கலைக்குழு=
தொடர்புக்கு : 9629206998 புலனம் : 7639573579
முகநூல் : www.fb.com/Thiruvalluvarkalaikuzhu
காணொலிகள் : youtube.com/ Thiruvalluvarkalaikuzhu
