"யோகா டாக்டராகணும்!'
யோகாவில் சர்வதேச சாம்பியன் பட்டம் வென்றுள்ள சபரிதா: சிறு வயதில், எனக்கு இதயத் துடிப்பு அதிகமாக இருந்தது. அதை யோகா மூலம் சீராக்கலாம் என்ற மருத்துவரின் ஆலோசனையினால், யோகா பயிற்சிக்கு சென்றேன்.யோகா சென்டரில் நிறைய குழந்தைகள் இருப்பர், அங்கு சென்றால் விளையாடலாம் என்பதே, என் ஆர்வமாக இருந்தது. ஆனால், யோகா போட்டிகளுக்கு செல்ல ஆரம்பித்த போதுதான், இது விளையாட்டல்ல, சாதிக்க வேண்டிய களம் என்று புரிந்தது.ஏழு வயதிலேயே, மாநில அளவிலான போட்டிகளில், முதல் பரிசு வாங்கினேன். மாவட்டம், மாநிலம், தேசிய, சர்வதேச அளவில் என வெற்றிகள், தொடர்கின்றன. நான் வீட்டில் இருப்பதை விட, யோகா சென்டரில் இருக்கும் நேரம் தான் அதிகம். தினமும் காலை, மாலை பயிற்சி எடுப்பேன்.இதில், எனக்கு இவ்வளவு ஆர்வம் ஏற்பட, என் பயிற்சியாளர், மாதவன் சார் தான் காரணம். பல சிரமமான ஆசனங்களை அவர் செய்யும்போது, அனைவரும் ஆச்சர்யமாகப் பேசுவர்.
அதே போல, என்னையும் பேச வேண்டும் என ஆசைப்பட்டு, பயிற்சிகள் எடுத்தேன்; இப்போது பேசுகின்றனர்.புதுச்சேரியில் நடந்த சர்வதேச போட்டியில், 19 வயதுக்கு கீழ் உள்ள பிரிவில் நான் சாம்பியன் ஆனேன். பின், சீனா, ரஷ்யா, ஹாங்காங் என, நடந்த கடுமையான போட்டிகளிலும், சாம்பியன் பட்டம் வென்றேன். இதுவரை, மாநில அளவில், 15 தங்கம், தேசிய அளவில், 10 தங்கம், தெற்கு ஆசிய நாடுகள் அளவில் இரண்டு தங்கம், சர்வதேச அளவில் ஒரு தங்கம் பெற்றிருக்கிறேன். யோகாவில் நேச்சுரோபதி படித்து, யோகா டாக்டராக வேண்டும் என்பதே என் ஆசை.இப்போதே, என் நண்பர்கள் மற்றும் பக்கத்து வீட்டில் உள்ளவர்களுக்கெல்லாம், இடுப்பு வலி, கை, கால் வலி நீங்க, யோகா சொல்லிக் கொடுத்து, குணம் பண்ணிவிடுகிறேன்.
கருத்துகள் இல்லை:
கருத்துரையிடுக