Last Updated :
அரியலூர், ஜன. 26: தமிழகத்தில் ஹிந்தியை திணிக்க மத்திய அரசு முற்பட்ட போது, அதற்காக பல்வேறு போராட்டங்கள் நடத்தியது திமுகதான் என்று மாநில உணவுத் துறை அமைச்சர் எ.வ. வேலு தெரிவித்தார். அரியலூர் ஒன்றிய, நகர திமுக சார்பில் அரியலூரில் திங்கள்கிழமை நடைபெற்ற மொழிப்போர் தியாகிகள் வீரவணக்க நாள் பொதுக்கூட்டத்தில் அவர் மேலும் பேசியது: தமிழுக்காக போராடி உயிர் நீத்தவர்கள் அனைவரும் திமுக கட்சியைச் சேர்ந்தவர்கள். தமிழ் வாழவேண்டுமென்றுதான், தங்கள் உயிரை விட்டார்கள். தற்போது அதிமுகவினர் எம்.ஜி.ஆர். பிறந்த நாள் விழா பொதுக்கூட்டம் நடத்தி வருகின்றனர். தேர்தல் நேரத்தில் மட்டும்தான் எம்.ஜி.ஆர். படத்தை பயன்படுத்தி விழாக்கள் நடத்துவார்கள். ஆட்சியைப் பிடித்துவிட்டால் எம்.ஜி.ஆரை மறந்து விடுவார்கள் என்றார் வேலு. பின்னர், மொழிப்போர் தியாகிகள் மு. அண்ணாமலை, க. தங்கராசு, எம். ஜெயராமன், எஸ். அருணாசலம் ஆகியோருக்கு அமைச்சர் எ.வ.வேலு சால்வை அணிவித்து கௌரவித்தார். கூட்டத்துக்கு, கட்சியின் அரியலூர் ஒன்றியச் செயலர் பி.ஜோதிவேல் தலைமை வகித்தார். நகரச் செயலர் இரா. முருகேசன் முன்னிலை வகித்தார். கூட்டத்தில் மாவட்டச் செயலர் எஸ்.எஸ். சிவசங்கர், முன்னாள் மாநிலங்களவை உறுப்பினர் எஸ்.சிவசுப்பிரமணியன், கட்சியின் பேச்சாளர் ச.அ. பெருநற்கிள்ளி, மாவட்டத் துணைச் செயலர்கள் நா. தனபால், வழக்குரைஞர் எஸ்.வி.சாந்தி, ஒன்றியச் செயலர்கள் இரா. கென்னடி, மு. ஞானமூர்த்தி, பொதுக்குழு உறுப்பினர் பூ. செல்வராஜ், தலைமை செயற்குழு உறுப்பினர் பொன். பக்கிரி, நகர்மன்றத் தலைவர் விஜயலட்சுமி செல்வராஜ், நகர்மன்ற உறுப்பினர்கள் நா. பாபு, ப. மணிவண்ணன், ஆ. குணா உள்ளிட்டோர் கலந்து கொண்டனர். முன்னதாக, நகரப் பொருளர் மா. ராஜேந்திரன் வரவேற்றார். நகரத் துணைச் செயலர் ஆர்.எம். ராமச்சந்திரன் நன்றி கூறினார்.
By Ilakkuvanar Thiruvalluvan
1/28/2010 2:28:00 AM
By Ilakkuvanar Thiruvalluvan
1/28/2010 2:26:00 AM
By anban
1/28/2010 12:37:00 AM
By anban
1/28/2010 12:31:00 AM
By kozhi
1/27/2010 9:36:00 PM
By Indiawala
1/27/2010 6:58:00 PM
By erjp
1/27/2010 5:46:00 PM
By stanley
1/27/2010 2:52:00 PM
உங்கள் கருத்தைப் பதிவு செய்யுங்கள்
