tholkappiyar லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
tholkappiyar லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், 19 அக்டோபர், 2011

இலக்குவனார் இலக்கிய இணையம், சென்னை
இணைந்து நிகழ்த்தும்
டாக்டர் சி. இலக்குவனார் நூற்றாண்டு உரையரங்கம்
நாள்: 29.9.2011                                                                                காலை 10.00 மணி

தமிழினத் தொன்மையையும் தனித்தன்மையையும் நிறுவும் வகையில் நமக்குக் கிட்டியுள்ள சான்றுகள் மிகச் சிலவே. அவற்றுள் தலையாயது ஒல்காப் புகழ்த் தொல்காப்பியம். மொழி, இலக்கியம், வாழ்வியல் மூன்றனுக்கும் இலக்கணம் கூறும் பண்பாட்டுப் பெட்டகம். இதுபோன்றதோர் இலக்கண நூல் உலகில் எந்த மொழியிலும் தோன்றியது இல்லை. தமிழிலும்கூட இதற்கு நிகரானதோர் இலக்கண நூல் இதுவரை உருவாகவில்லை. தொல்காப்பியத்திற்கு முன்னர்ப் பல்லாயிரக்கணக்கான ஆண்டுகள் இலக்கண இலக்கிய வளம் மிக்கதாய்த் தமிழ் இருந்துவந்திருக்கவேண்டும் என்பதற்கு இதுவே நற்சான்றாய்த் திகழ்கிறது.

தமிழால் வாழ்ந்தோர் பலர்; தமிழுக்காக வாழ்ந்தோர் மிகச் சிலர். அம்மிகச் சிலருள் ஒருவரான பேராசிரியர் சி. இலக்குவனார் நுண்மாண் நுழைபுலம் வாய்ந்த ஆராய்ச்சியாளர், மாணவர்களால் பெரிதும் போற்றப்பட்ட பேராசிரியர், உணர்ச்சிக் கவிஞர், எழுச்சியூட்டும் இதழாளர், தமிழினப் போராளி எனப் பன்முக ஆளுமை வாய்ந்தவர். தமிழின் இரு கண்களாக இலங்கும் தொல்காப்பியத்தையும் திருக்குறளையும் நுட்பமாய் ஆய்வுசெய்து அறிவுலகிற்கு வழங்கியவர். இவர் ஆற்றிய பல்வேறு பணிகளுள் எக்காலத்தும் நிலைத்த புகழ் தருவதாய்த் தமிழின் மேன்மையை உலகிற்கு உணர்த்துவதாய் அமைந்தது அவரது தொல்காப்பிய ஆராய்ச்சியேயாகும். தொல்காப்பியத்தின் அருமைபெருமைகளைப் பிறமொழி அறிஞர்கள் உணரவேண்டுமென்கிற உயரிய நோக்குடன் அதை ஆங்கிலத்தில் செம்மையாக மொழியாக்கம் செய்திருப்பதுடன் மொழியியல் பார்வையில் ஆழமும் விரிவும் பொருந்தியதொரு திறனாய்வையும் வழங்கியிருப்பது அவரது விரிந்த நூலறிவையும் புலமைசார் ஆய்வு அணுகுமுறையையும் பல்லாண்டுக் கடும் உழைப்பினையும் புலப்படுத்தி நிற்கின்றன.


தொடர்ச்சி காண்க   :




செவ்வாய், 20 செப்டம்பர், 2011

ilakkuvanarin pataippumanikal 56-61: இலக்குவனாரின் படைப்பு மணிகள் 56-61

இலக்குவனாரின் படைப்பு மணிகள் 56. தொல்காப்பியர் குறிப்பிடும் ஐயர் வேறு; பிராமணர் வேறு

 

இலக்குவனாரின் படைப்பு மணிகள் 57. களவில் காதலித்தோர் கற்பில் திருமணம் செய்து கொள்ள வேண்டும்

 

இலக்குவனாரின் படைப்பு மணிகள் 58. உரையாசிரியர் தாம் அறிந்தவற்றையெல்லாம் நூலினுள் புகுத்த முயலுதல் பெருந்தவறு

 

இலக்குவனாரின் படைப்பு மணிகள் 59. நச்சினார்க்கினியர் தமிழர் வாழ்வியல் நெறியை மறைத்து விட்டார்

 

இலக்குவனாரின் படைப்பு மணிகள் 60. தொல்காப்பியரைப் பெண்ணுலகம் நாளும் போற்றுதல் வேண்டுமன்றோ?

 

இலக்குவனாரின் படைப்பு மணிகள் 61. நல்லரசின் போர்க்கொள்கை

 


சனி, 27 நவம்பர், 2010

தொல்காப்பிய காலத்தை விஞ்ஞான அடிப்படையில் ஆய்வு மேற்கொள்ள வேண்டும்

தொல்காப்பியர் காலக் கல்வெட்டு எதுவும் இல்லை. மேலும், செம்மொழி மத்திய நிறுவனம்தான் கோவிலூர் மடத்துடன் இணைந்து (திசம்பர் ௨௬,௨௭,௨௮,௨௦௦௯) நடத்திய தொல்காப்பியர்  கால  ஆய்வுக்  கருத்தரங்கத்தில்   தமிழண்ணல் தலைமையில் கூடிய அறிஞர் குழு தொல்காப்பியர் காலம் கி.மு.௭ ஆம்  நூற்றாண்டு என அறிவித்தது. அதிகாரிகள் மாறும் பொழுதெல்லாம் ஆய்வு முடிவை மாற்ற வேண்டும்  என இயக்குநர் பொறுப்பு எண்ணுகிறாரா? அப்படியாயின்  அந்த ஆய்வு முடிவை  ஏற்கவில்லை எனத் தெரிவிக்கட்டும்.  அல்லது முந்தைய முடிவு எதுவும் தெரியாமல் பேசுகிறாரா?தே.தொ.நு.ஆ.ப.ஆ.(National Institute of Technical Teachers' Training and ரெசெஅர்ச்) நிறுவன இயக்குநரின் கூடுதல் பொறுப்பில் அவர் தமிழார்வலராக இருப்பினும் வைப்பது தவறு என்றாகிறது. தமிழறிஞர்களின் பொறுப்பில் செம்மொழித் தமிழாய்வு நிறுவனம் விடப்பட்டால் இப்படித்தான்  நிகழும் என்று சொல்லாமல் ‌சொல்வதற்கு நன்றி. 
வருத்தத்துடன் இலக்குவனார் திருவள்ளுவன்

தொல்காப்பிய காலத்தை விஞ்ஞான அடிப்படையில் 
ஆய்வு மேற்கொள்ள வேண்டும்

First Published : 27 Nov 2010 01:21:25 PM IST


தஞ்சாவூர், நவ. 26:  தொல்காப்பியத்தின் காலத்தை கல்வெட்டு, செப்பேடுகளைக் கொண்டு விஞ்ஞான அடிப்படையில் ஆய்வு செய்து, அதன் காலத்துக்கு இறுதி விளக்கம் கொடுக்க வேண்டும் என்றார் சென்னை செம்மொழித் தமிழாய்வு மத்திய நிறுவன இயக்குநர் ச. மோகன்.தமிழ்ப் பல்கலைக்கழகத்தில், பல்கலைக்கழக மொழிபெயர்ப்புத் துறை, சென்னை செம்மொழித் தமிழாய்வு மத்திய நிறுவனம் ஆகியன சார்பில் தமிழ்க் காப்பிய, நீதி இலக்கிய மொழிபெயர்ப்புகள் சிக்கல்களும், தீர்வுகளும் என்ற தலைப்பில் வெள்ளிக்கிழமை நடைபெற்ற தேசியக் கருத்தரங்க நிறைவு விழாவில் அவர் மேலும் பேசியது:மொழிபெயர்ப்பதும், அதன் அர்த்தங்களை சுவை குன்றாமல் கொண்டு வருவதும் மிகக் கடினமான பணி என்றாலும், அவசியம் செய்ய வேண்டிய பணியாகும். தமிழகத்தில் ஆராய்ச்சிக் கட்டுரைகளின் மொழிபெயர்ப்பு மிக அரிதாக உள்ளது. சங்க இலக்கியத்தில் நம்முடைய கருத்துச் செல்வங்கள், தொழில்நுட்பங்கள், வாணிபம் ஆகியவற்றுக்கு சரியான மொழிபெயர்ப்பு தேவை.   தமிழில் கற்பு என்ற சொல்லுக்கு உண்மையான மொழிபெயர்ப்பு இதுவரை செய்யவில்லை. இதையே ஆராய்ச்சிக்கு எடுத்துக் கொள்ளலாம். ராமாயணத்தை படிப்பவர்களின் மனநிலையைப் பொருத்து கருத்துகளில் வித்தியாசம் காணப்படும். ஆனால், அறிவியல் தொழில்நுட்பத்தை யார் படித்தாலும் ஒரே அர்த்தம்தான். மொழியைப் படிக்கும் போது சுவையோடு படிக்க வேண்டும். அதற்கு சுவை குன்றாமல் மொழிபெயர்க்க வேண்டும்.தமிழ்ச் சங்க இலக்கியங்களை மற்ற மொழியில் மொழிபெயர்ப்பது, பிற மொழிகளிலுள்ள சிறந்த படைப்புகளை தமிழ் மொழிக்கு மொழிபெயர்ப்பது, சுவடிகளைப் பாதுகாத்து அதிலுள்ள கருத்துகளை கணினியில் பதிவு செய்வது உள்ளிட்ட பணிகளில் தமிழகம் மட்டுமன்றி கர்நாடகம், ஆந்திரம் உள்ளிட்ட பிற மாநிலங்களில் உள்ள தமிழ்த் துறையினர் ஈடுபட்டுள்ளனர்.   தமிழ்மொழி செம்மொழித் தகுதி பெற்ற பிறகு வெளிநாடுகளில் உள்ள தமிழறிஞர்கள் மொழி வளர்ச்சியில் கூடுதல் கவனம் செலுத்தி வருகின்றனர். இலங்கைத் தமிழர்கள் நிறைய வெளியீடுகளை வெளியிட்டு தமிழ் மொழிக்குத் தொண்டாற்றி வருகின்றனர்.சங்க இலக்கியத்தில் கூறப்பட்டுள்ள 5 தினைகளின் கருப்பொருள், உரிப்பொருள்களை இன்றைய சூழலியல், சுற்றுச்சூழல் துறை கூறி வருகிறது. சங்க இலக்கியத்தில் ஆழமான கருத்துகளை, தொழில்நுட்பங்களை, செய்திகளை வெளிக் கொண்டு வர வேண்டும். தமிழ்மொழி வளர்ச்சிக்குத் தேவையானவற்றை செய்ய எவ்வளவு நிதியுதவி வேண்டுமானாலும் செம்மொழித் தமிழாய்வு மத்திய நிறுவனம் அளிக்கத் தயாராகவுள்ளது.தமிழ்ப் பல்கலைக்கழகத்திலிருந்து ஏராளமான திட்டங்கள் வர வேண்டும். முக்கிய ஆராய்ச்சிகளில் ஈடுபட வேண்டும். மொழிபெயர்ப்புத் துறை நல்ல எதிர்காலத்தை கொடுக்குமெனில், இளைஞர்கள் இந்தத் துறையில் அதிகம் ஈடுபட வேண்டும் என்றார் மோகன்.விழாவுக்கு பல்கலைக்கழகத் துணைவேந்தர் ம. ராசேந்திரன் தலைமை வகித்து பேசியது:மொழிபெயர்ப்பு என்பது மொழி மட்டுமன்றி உடல் சார்ந்ததாகவும் உள்ளது. வணக்கம் கூறுதல், அசைவுகளில், பதில் கூறுவதில்கூட மொழிபெயர்ப்பு இருக்கிறது. மொழிபெயர்ப்பு என்பது ஒரு மொழி. சொல், பொருள் என்ன என்பதை அறிந்து பார்த்தால் பொருளை மொழியாக்குகிறோம் என்பதை உணர முடியும்.ஒரு மொழியில் உன்னதமாகக் கருதப்படும் இலக்கிய நயம், சொல்லாட்சி போன்றவை பிற மொழியில் மொழிபெயர்க்கும் போது அப்படியே கொண்டு வர வேண்டும். கடந்த காலங்களில் மொழிபெயர்ப்புகள் மதம், நீதி, காப்பியக் கதைக்கு, அரசியல் சார்பாக இருந்தது. தற்போது வியாபார ரீதியில் மொழிபெயர்ப்பு உள்ளது. மொழிபெயர்ப்பு இல்லாமல் உலகம் இல்லை என்ற நிலை உள்ளது.தமிழ்ப் பல்கலைக்கழக வலைதளம் மறுசீரமைக்கப்படுகிறது. உலகத் தமிழ்ச் செம்மொழி மாநாட்டில் "கடலுக்குள் சென்ற பூம்புகார், தென்குமரி கண்டம் அகழாய்வு செய்யப்படும்' என்று முதல்வர் கருணாநிதி தெரிவித்தார்.அதனடிப்படையில், தமிழ்ப் பல்கலைக்கழகத்தில் வெள்ளிக்கிழமை நடைபெற்ற ஆட்சி மன்றக் கூட்டத்தில் பூம்புகார், தென்குமரிக் கண்டம் ஆகியன குறித்து அகழாய்வு செய்ய முடிவெடுக்கப்பட்டுள்ளது. பேராசிரியர் நல்லத்தம்பி தலைமையில் குழு அமைக்கப்பட்டுள்ளது. இந்த அகழாய்வு மூலம் தமிழர்கள், தமிழின் தொன்மை தெரிய வரும் என்றார் ராசேந்திரன்.விழாவில் மொழிபெயர்ப்புத் துறைத் தலைவர் ச. ராதாகிருஷ்ணன், மொழிபெயர்ப்பாளர் அ. சச்சிதானந்தம் உள்ளிட்டோர் பங்கேற்றனர். மாணவர் சீ. வெங்கடேஷ் வரவேற்றார். சே. முரளி நன்றி கூறினார்.

ஞாயிறு, 6 ஜூன், 2010

தொல்காப்பியத்தை உலகுக்கு அறிவிக்கத் தவறிவிட்டோம்

"தொல்காப்பியத்தை உலகுக்கு அறிவிக்க தவறிவிட்டோம்'



சிவகாசி, ஜூன் 5: தொல்காப்பியம் குறித்து உலகுக்கு அறிவிக்க நாம் தவறிவிட்டோம் என, உலகத் தமிழ் ஆராய்ச்சி நிறுவனத்தின் மேனாள் மதிப்புறு இயக்குநர் ச.வே. சுப்பிரமணியன் தெரிவித்தார்.சிவகாசி அய்யநாடார் ஜானகி அம்மாள் கல்லூரி முதுகலை தமிழ்த் துறை மற்றும் காரைக்குடி தமிழ் சக்தி ஆய்வு மன்றமும் இணைந்து, காலந்தோறும் தமிழ் இலக்கியங்கள் மற்றும் இரா. பாலசுப்பிரமணியன் படைப்புகள் குறித்து பன்னாட்டு கருத்தரங்கை சனிக்கிழமை நடத்தின.இதில், உலகத் தமிழ் ஆராய்ச்சி நிறுவனத்தின் மேனாள் மதிப்புறு இயக்குநர் ச.வே. சுப்பிரமணியன் சிறப்புரையாற்றியதாவது:40 ஆயிரம் ஆண்டுகளுக்கு முந்தையது தமிழ் காலம். கி.மு. 10-ம் நூற்றாண்டு தமிழ் இலக்கிய காலம் எனக் கூறலாம். நமது சோம்பல்தனத்தால் தொல்காப்பியம் குறித்து உலகுக்கு அறிவிக்கத் தவறிவிட்டோம்.தொல்காப்பியத்துக்கு முன் எந்தவொரு இந்திய இலக்கியமும் பிறந்திருக்க முடியாது. எனவே, தமிழ் குறித்து ஆய்வு செய்வதற்கு ஏராளமான விஷயங்கள் உள்ளன.தற்போதுள்ள பேராசியர்களுக்கு தமிழில் எத்தனை நூல்கள் உள்ளன என்ற விவரம் தெரியவில்லை. இது மிகவும் வருந்தத்தக்க விஷயம். தமிழில் நிகண்டு அடிப்படையில் அகராதி வரவில்லை. தமிழ் மிக இனிமையானது, மேன்மையானது. தமிழை நேசிப்போம் என்றார் அவர்.
கருத்துக்கள்
உண்மையான கருத்து. படித்தவர்கள்கூடத் தொல்காப்பியம் பற்றி அறிந்திருக்க வில்லை. அறிந்ததாகஎண்ணுபவர்கள்கூட அதன் காலம், சிறப்பு, முதலானவற்றை அறிந்திருக்கவில்லை. பேராசிரியர் சி.இலக்குவனார் தாம் மாணவனாய் இருக்கும் பொழுதே தொல்காப்பியத்தின் சிறப்பைப் பிறருக்கு உணர்த்தும் தொண்டில் இறங்கினார். பின் வாழ்நாள் முழுவதும் தொல்காப்பிய விழாக்கள், வகுப்புகள், உரைகள், கருத்தரங்கங்கள், நூலகள், ஆங்கில மொழிபெயர்ப்பு எனப் பலவகையில் தொல்காப்பியத்தை உலகில் பரப்ப அரும்பணிகள் ஆற்றினார்.அவரது ஆங்கிலத் தொல்காப்பியத்தை அரசே அச்சிட்டு உலக நாடுகளின் கல்வியகங்களுக்கும் நூலகங்களுக்கும் அனுப்ப வேண்டும். நம் வரலாற்றின் திறவுகோல் தொல்காப்பியமே எனப் பேராசிரியர் நிறுவியுளள்மையால் அதனைப் பரப்புவது நம் கடமை.
அன்புடன் இலக்குவனார் திருவள்ளுவன்



புதன், 23 டிசம்பர், 2009

தொல்காப்பியர் கால ​ஆராய்ச்சி கருத்தரங்கு



சென்னை, ​​ டிச.​ 22:​ கோவிலூர் மடாலயமும்,​​ செம்மொழித் தமிழாய்வு மத்திய நிறுவனமும் இணைந்து நடத்தும் தொல்காப்பியர் கால ஆராய்ச்சிக் கருத்தரங்கு சனிக்கிழமை ​(டிச.​ 26) தொடங்குகிறது.காரைக்குடி கோவிலூர் மடாலயத்தில் உள்ள கோவிலூர் ஆண்டவர் திருமண மண்டபத்தில் காலை 10 மணிக்கு தொடங்கவுள்ள இந்த ஆராய்ச்சி கருத்தரங்கில்,​​ தொல்காப்பியர் காலம் தொடர்பாக அறிஞர்கள் தெரிவித்த கருத்துக்களும்,​​ கால எல்லையும் தீர்மானமாகக் கொண்டு வரப்பட உள்ளன.மூன்று நாள்கள் நடைபெறும் இந்தக் கருத்தரங்கில் கோவிலூர் மடாலய மேலாண்மை மைய நிர்வாகி மெய்யப்பன்,​​ கோவிலூர் ஆதீனம் சீர் வளர் சீர் நாச்சியப்ப ஞான தேசிக சுவாமிகள்,​​ செம்மொழித் தமிழாய்வு மத்திய நிறுவன பொறுப்பு அலுவலர் பேராசிரியர் க.ராமசாமி,​​ கருத்தரங்க அமைப்பாளர் பேராசிரியர் ஆறு.​ அழகப்பன்,​​ திருவண்ணாமலை ஆதீனம் குன்றக்குடி பொன்னம்பல அடிகளார் ஆகியோர் பங்கேற்கின்றனர்.
கருத்துக்கள்

நல்ல முயற்சி. பாராட்டுகள். தமிழின் சிறப்பை வேண்டுமென்றே பின்னுக்குத்தள்ளுவோரகளையும் போலியாக மிகையாகப் புகழ்ந்து உண்மை வரலாற்றை மறைப்போரையும் புறக்கணித்துவிட்டு நடுநிலையுடன் ஆராய்ந்துநலல முடிவெடுக்க வேண்டுகோள். தமிழ்க்கடல் மறைமலை யடிகள் தலைமையில் திருவள்ளுவர் ஆண்டு குறித்து எடுத்த முடிவு திருவள்ளுவர் தெ்ாடர் ஆண்டைப் பின்பற்ற பயனு்ள்ளதாக அமைந்துள்ளது. அதுபோல் ஒல்காப் புகழ் தொல்காப்பியர் ஆண்டைத் தமிழறிர்ஞர்கள் வரையறுக்கட்டும். அன்புடன் இலக்குவனார் திருவள்ளுவன்

By Ilakkuvanar Thiruvalluvan
12/23/2009 3:30:00 AM
உங்கள் கருத்தைப் பதிவு செய்யுங்கள் *

செவ்வாய், 1 டிசம்பர், 2009

திரு​ம​ணம் கட்​டா​யப் பதிவு எப்​படி? பதி​வுத்​துறை விளக்​கம்



சென்னை, ​ நவ.30: தமி​ழ​கத்​தில் நவம்​பர் 24}ம் தேதிக்​குப் பிறகு நடை​பெ​றும் அனைத்து திரு​ம​ணங்​க​ளும் கட்​டா​ய​மா​கப் பதிவு செய்ய வேண்​டும் என்ற சட்​டம் அம​லுக்கு வந்​துள்​ளது.
​ இது​கு​றித்து,​ திரு​ம​ணங்​க​ளின் தலை​மைப் பதி​வா​ளர் மற்​றும் பதி​வுத் துறை தலை​வர் அளித்​துள்ள விளக்​கம்:​
​ தமி​ழ​கத்​தில் நவம்​பர் 24}ம் தேதி முதல் நடை​பெ​றும் அனைத்து மதங்​க​ளைச் சார்ந்த திரு​ம​ணங்​க​ளை​யும் கட்​டா​ய​மா​கப் பதிவு செய்ய வேண்​டும் என்​பது சட்​ட​மாக்​கப்​பட்டு உள்​ளது.
​ இந்து திரு​ம​ணச் சட்​டம்,​ இந்​திய கிறிஸ்​துவ திரு​ம​ணச் சட்​டம்,​ சிறப்​புத் திரு​ம​ணச் சட்​டம்,​ முகம்​ம​தி​யர்​கள் ஷரி​யத் திரு​ம​ணச் சட்​டம் மற்​றும் வேறு எந்த தனிப்​பட்ட சட்​டங்​க​ளின் கீழ் திரு​ம​ணம் பதிவு செய்​தி​ருந்​தா​லும் அதை கட்​டா​ய​மா​கப் பதிவு செய்ய வேண்​டும்.
​ இந்​தச் சட்​டப்​படி,​ சார் பதி​வா​ளர்​கள் அனை​வ​ரும் திரு​ம​ணப் பதி​வா​ளர்​க​ளாக நிய​மிக்​கப்​பட்​டுள்​ள​னர். இதற்​கான படி​வங்​கள் அனைத்து பதிவு அலு​வ​ல​கங்​க​ளி​லும் வழங்​கப்​ப​டும்.
​ திரு​ம​ணம் நடை​பெற்ற 90 நாள்​க​ளுக்​குள் ரூ.100 கட்​ட​ணத்​து​டன் திரு​ம​ணம் நடை​பெற்ற இடம் அமைந்​துள்ள எல்​லைக்கு உட்​பட்ட திரு​ம​ணப் பதி​வா​ள​ரி​டம் பதிவு செய்ய வேண்​டும். திரு​ம​ணத்​துக்​கான சாட்​சி​க​ளின் முக​வரி மற்​றும் அடை​யாள சான்று நகல்​களை இணைக்க வேண்​டும்.
​ திரு​ம​ணப் பதிவு மறுக்​கப்​பட்​டால்,​ அதன் மீது 30 நாள்​க​ளுக்​குள் மாவட்​டப் பதி​வா​ள​ரி​டம் மேல் முறை​யீடு செய்​ய​லாம். அதில்,​ திருப்தி இல்​லா​விட்​டால் அடுத்த 30 நாள்​க​ளுக்​குள் பதி​வுத் துறை தலை​வ​ரி​டம் மேல்​மு​றை​யீடு செய்​ய​லாம். அவ​ரது உத்​த​ரவே இறு​தி​யா​னது.
​ வழக்​கும்...அப​ரா​த​மும்...: நவம்​பர் 24}ம் தேதி முதல் நடை​பெ​றும் அனைத்து திரு​ம​ணங்​க​ளும் அவை எந்த சாதி மற்​றும் மத​மாக இருப்​பி​னும் உரிய நாளில் பதிவு செய்ய வேண்​டும்.
​ அவ்​வாறு பதிவு செய்​யா​வி​டில் அல்​லது தவ​றான தக​வல் அளிக்​கப்​பட்​ட​தாக அறி​யப்​பட்​டால் அல்​லது விதி மீறல் இருந்​தால் சம்​பந்​தப்​பட்ட நபர்​கள் மீது குற்ற வழக்கு தொட​ரப்​பட்டு நிரூ​பிக்​கப்​பட்​டால் அப​ரா​தம் விதிக்​கப்​ப​டும் என்று பதி​வுத் துறை தலை​வர் எச்​ச​ரித்​துள்​ளார்.
​ மேலும் விவ​ரங்​க​ளுக்கு

tnreginet.net என்ற இணை​ய​த​ளத்​தில் தெரிந்து கொள்​ள​லாம்.​

கருத்துக்கள்

தொல்காப்பியர் காலத்திற்கு முன்பிருந்தே திருமணப் பதிவு தமிழ்நாட்டில் இருந்து வந்துள்ளது. அவ்வாறு பதிந்தவர்கள்தான் கரணம்/கருணம் எனப்படும் கணக்கப்பிள்ளைகள்.பின்னர் இவர்கள் சிற்றுர் ஆட்சி தொடர்பான பிற பணிகளையும் பார்த்தனர். வழி வழியாக வந்த இப்பணி முறையைத்தான் மக்கள் திலகம் ஒழித்து விட்டு சிற்றூர் ஆட்சி அலுவலர் பதவிகளை உருவாக்கினார். திருமணப் பதிவைக் கட்டாயமாக ஆக்கி நடைமுறைப்படுத்தும் பதிவுத் துறைக்கும் அரசிற்கும் பாராட்டுகள்.

அன்புடன் இலக்குவனார் திருவள்ளுவன்.

By Ilakkuvanar Thiruvalluvan
12/1/2009 3:40:00 AM
உங்கள் கருத்தைப் பதிவு செய்யுங்கள்