speaker லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
speaker லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

சனி, 29 செப்டம்பர், 2012

பேரவைத்தலைவர் செயக்குமார் பதவி விலகல் - T.N.Speaker Jayakumar Resigned

29 Sep 2012 01:10:44 PM IST




தமிழக சபாநாயகர் டி. ஜெயக்குமார் ராஜினாமா 

சென்னை, செப்., 29 : தமிழக சட்டப் பேரவையின் சபாநாயகராக இருந்த டி. ஜெயக்குமார் திடீரென இன்று தனது பதவியை ராஜினாமா செய்துள்ளார்.

இனி, அவரது பணிகளை துணை சபாநயாகராக உள்ள பி. தனபால் கவனிப்பார் என்றும், தமிழக அரசு அனுப்பியுள்ள செய்திக் குறிப்பில் கூறப்பட்டுள்ளது.

அதிமுக அமைச்சரவையில் ஏற்கனவே அமைச்சராக இருந்த டி. ஜெயக்குமார், சபாநாயகர் பதவியில் இருந்து விலகியிருப்பதற்கான காரணம் தெரிவிக்கப்படவில்லை.
++++++++++ 


சபாநாயகர் பதவியில் இருந்து ஜெயக்குமாரின் விலகலுக்கு காரணம்?

First Published : 29 Sep 2012 04:23:18 PM IST


சென்னை, செப்., 29 : அதிமுகவில் அமைச்சர்கள் மாற்றம் என்பது சர்வ சாதாரணம். தற்போது சபாநயாகருக்கும் அதே நிலை என்பதுபோல, தமிழக சட்டப்பேரவை சபாநாயகர் டி. ஜெயக்குமார் இன்று தனது பதவியை ராஜினாமா செய்துள்ளார்.ராஜினாமா கடிதம் பெறப்பட்டதும், உடனடியாக அரசு கெசட்டிலும் வெளியாகி, செயலாளர் ஊடகங்களுக்கு செய்திக் குறிப்பும் அனுப்பியுள்ளார்.இந்த திடீர் ராஜினாமாவுக்குக் காரணம் என்ன என்று தமிழக மக்கள் குழம்பியுள்ளனர்.கடந்த 18ம் தேதி டி. ஜெயக்குமாரின் பிறந்த நாள், சென்னையில் மிக மிக மிக கோலாகலமாகக் கொண்டாடப்பட்டுள்ளது. இதில் ஜெயக்குமாரின் ஆதரவாளர்கள் அதிக தடபுடல் காட்டியுள்ளனர். மேலும், ஜெயக்குமாரின் ஜாதகத்தில், முதல்வராகும் யோகம் இருப்பதாக வந்த தகவலால், ஜெயக்குமார் உள்ளிட்டோர் அடுத்த சி.எம். நான்தான் என்ற அளவிற்கு அதிகாரத் தோரணை காட்டி வந்துள்ளனர். இது மட்டும் அல்லாமல், பிறந்த நாள் அன்று வாழ்த்துச் சொல்ல வந்த மேயரையும், அமைச்சர் பன்னீர்செல்வத்தையும் வெகு நேரம் காக்க வைத்து பார்க்காமலேயே திருப்பி அனுப்பியுள்ளார் ஜெயக்குமார். இவை போதாதா... இது பற்றி எல்லாம் முதல்வருக்கு தகவல் தெரிவிக்கப்பட, உடனடியாக பதவி விலகல் நடந்துள்ளது என்று ஒரு தரப்பு கூறுகிறது. இது ஒருபுறமிருக்க, ஜெயக்குமாரின் ஆதரவாளர்களை அதிமுக கட்சியில் இருந்து விலக்கியதால் பதவி விலகியதாக ஜெயக்குமார் தரப்பு செய்தியை பரப்பி வருவது மறுபக்கம்.
++++++++++++++++++++++++++++
 
மாலை மலர்
 
சென்னை, செப். 29-

சென்னை ராயபுரம் தொகுதியில் இருந்து சட்டசபைக்கு தேர்ந்து எடுக்கப்பட்டவர் டி.ஜெயக்குமார். முந்தைய அ.தி.மு.க. ஆட்சிக் காலங்களில் அமைச்சராக பணியாற்றிய அவர், கடந்த ஆண்டு மே மாதம் அ.தி.மு.க. ஆட்சி பொறுப்பேற்றபோது சட்ட சபை சபாநாயகராக நியமிக்கப்பட்டார்.

இன்று காலை ஜெயக்குமார் தனது சபாநாயகர் பதவியை திடீரென ராஜினாமா செய்தார். ராஜினாமா கடிதத்தை அவர் துணை சபாநாயகர் தனபாலிடம் கொடுத்தார்.

இதையடுத்து ஜெயக்குமாரின் ராஜினாமா ஏற்கப்பட்டதாக அரசு தரப்பில் இருந்து அதிகாரப்பூர்வமாக அறிவிக்கப்பட்டது. ஜெயக்குமார் ராஜினாமா தொடர்பாக தமிழக சட்டசபை செயலாளர் ஏ.எம்.பி. ஜமாலுதீன் ஒரு அறிவிக்கை வெளியிட்டுள்ளார். அதில் கூறப்பட்டிருப்பதாவது:-

தமிழக சட்டசபை சபாநாயகர் த.ஜெயக்குமார் இந்திய அரசியலமைப்புச் சட்டம் 179 (பி) பிரிவின்கீழ் 2012-ம் ஆண்டு செப்டம்பர் மாதம் 29-ந்தேதி காலை தன் பதவியை ராஜினாமா செய்துள்ளார். சபாநாயகர் பதவி காலியானதால், அரசியலமைப்புச் சட்டம் 180(1)-வது பிரிவின் கீழ் சபாநாயகர் அலுவலக பணிகளை இனி துணை சபாநாயகர் ப.தனபால் கவனிப்பார்.

இவ்வாறு அதில் கூறப்பட்டுள்ளது.

கடந்த ஆண்டு மே மாதம் 16-ந்தேதி ஜெயக்குமார் சபாநாயகராக பதவி ஏற்றார். கடந்த ஆண்டு மே மாதம் 23-ந்தேதி ஜெயக்குமார் தலைமையில் முதல் சட்டசபை கூட்டத் தொடர் நடந்தது. பிறகு ஜூன் மாதம் முதல் பட்ஜெட் கூட்டத் தொடரை ஜெயக்குமார் நடத்தினார்.

இந்த ஆண்டு ஜனவரி மாதம் கவர்னர் உரைக்கான கூட்டத்தை ஜெயக்குமார் நடத்தினார். கடந்த பிப்ரவரி தொடங்கி ஜூன் முதல் வாரம் வரை அவர் பட்ஜெட் கூட்டத் தொடரை நடத்தினார். அடுத்த மாதம் (அக்டோபர்) தமிழக சட்டசபை வைர விழா நடைபெற உள்ளது. இதற்கான ஏற்பாடுகளை அவர் செய்து வந்தார். இந்த நிலையில் அவர் திடீரென பதவியில் இருந்து விலகி இருப்பது அரசியல் வட்டாரத்தில் ஆச்சரியத்தையும், பரபரப்பையும் ஏற்படுத்தி உள்ளது.

ஜெயக்குமாரின் ராஜினாமா இன்றே தமிழக அரசிதழிலும் அதிகாரப்பூர்வமாக வெளியிடப்பட்டது.
 
 

வெள்ளி, 3 ஆகஸ்ட், 2012

சுசில் குமார் சிண்டே தேர்வு

மக்களவை முன்னவர் எனக் குறிப்பிடுங்கள். மக்களவைத் தலைரவாக திருவாட்டி மீராகுமார்தான் தொடருகிறார்.   அன்புடன் இலக்குவனார் திருவள்ளுவன் / தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்! /


தற்போதைய செய்திகள்
மக்களவைத் தலைவராக சுசில் குமார் சிண்டே தேர்வு

First Published : 03 Aug 2012 04:46:53 PM IST தினமணி


புது தில்லி, ஆக., 3 : நாடாளுமன்றத்தின் மக்களவைத் தலைவராக உள்துறை அமைச்சர் சுஷில் குமார் ஷிண்டே தேர்வு செய்யப்பட்டுள்ளார்.முன்பு மத்திய நிதியமைச்சராக இருந்த பிரணாப் மக்களவைத் தலைவராக இருந்தார். அவர் தனது பதவியை ராஜினாமா செய்து குடியரசுத் தலைவராக பதவியேற்றதைத் தொடர்ந்து அந்த பதவிக்கு கடும் போட்டி ஏற்பட்டது.இந்நிலையில், உள்துறை அமைச்சராக 2 நாட்களுக்கு முன்பு பதவியேற்றுக் கொண்ட சுஷில் குமார் ஷிண்டே மக்களவைத் தலைவராக தேர்வு செய்யப்பட்டுள்ளார்.

சனி, 28 மே, 2011

C.M.'s interesting story about speaker: ஸ்பீக்கர்' இனி ஓட வேண்டாம் பேரவையில் முதல்வரின் சுவையான பேச்சு

சுவையாகத்தான் உள்ளது. பேரவையில்  அவையை நடத்துநருக்கு மட்டுமே பேசும் உரிமை உள்ளது. பிறருக்கு அவர்  இசைவு அளித்தால் மட்டுமே பேசும் உரிமை உண்டு.  எனவே, அவையை நடத்துநர்
பேசுநர் (speaker)  என அழைக்கப்பட்டார். இச் சொல் கி.பி.௧௪௦௦ இல் பழக்கத்தில் வந்துள்ளது. விருப்பம் தெரிவித்துப் போட்டியிட்டு வென்றபின் ஓட வேண்டிய தேவையில்லை. எனினும் மன்னர் அல்லது அரசியிடம்  அவரது விருப்பத்தைப் பேரவை மறுத்தததைத் தெரிவிக்கும சூழலை உணர்ந்து இது போன்ற கதை வந்திருக்கும் போலும்.
அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்!


ஆளும் கட்சியும் எதிர்க்கட்சியும் தங்கள் அவைத்தலைவராக  ஏற்றுக் கொள்வதற்கு அடையாளமாகவும் யாரது ஆதரவில் வெற்றி பெற்றிருந்தாலும் ஆளும்கட்சி எதிர்க்கட்சி என்ற பாகுபாடில்லாமல் அவையை நடத்த வேண்டும் என்பதை உணர்த்துவதற்காகவும் இரு கட்சியைச்  சேர்ந்தவர்களும் அவரை அழைத்து அமரச் செய்கிறார்கள்.  இங்கிலாந்தில் பல கட்சி ஆட்சி முறை கிடையாது. பல கட்சி ஆட்சி முறை  இருப்பதால் நம் நாட்டில் ஏற்கப்பட்ட முதன்மை எதிர்க்கட்சித்  தலைவர் அழைத்துச் செல்கிறார். அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்!

"ஸ்பீக்கர்' இனி ஓட வேண்டாம் பேரவையில்
முதல்வரின் சுவையான பேச்சு

First Published : 28 May 2011 02:33:05 AM IST


சென்னை, மே 27: பேரவைத் தலைவரை ஆங்கிலத்தில் அழைக்கும் "ஸ்பீக்கர்' என்கிற வார்த்தை வந்தது எப்படி என்கிற தகவலை வரலாற்றுப் பின்னணியுடன் சுவைபடக் கூறினார் முதல்வர் ஜெயலலிதா. இது, பேரவையில் இருந்த அனைவரின் கவனத்தையும் ஈர்த்தது.புதிதாகத் தேர்ந்தெடுக்கப்பட்ட பேரவைத் தலைவர், துணைத் தலைவரை வாழ்த்தி, சட்டப் பேரவையில் முதல்வர் ஜெயலலிதா வெள்ளிக்கிழமை ஆற்றிய உரையின் போது இந்த சுவாரஸ்ய தகவலைக் கூறினார். அவர் பேசியது:பேரவைத் தலைவராக ஒருமனதாக தேர்ந்தெடுக்கப்பட்டதாக அறிவிக்கப்படவுடன் அவை முன்னவரும், எதிர்க்கட்சித் தலைவரும், பேரவைத் தலைவரின் கரங்களைப் பிடித்து அழைத்துச் சென்று தலைவருக்கான இருக்கையில் அமர வைப்பது மரபாகும். இது சம்பிரதாயமாக நடைபெறுகின்ற ஒரு நடைமுறை.இந்தப் பழக்கம் எப்படி வந்தது? என்பதை எடுத்துச் சொன்னால் அனைவருக்கும் மிகவும் சுவாரஸ்யமாக இருக்கும். இந்த மரபுக்குப் பின்னால் ஒரு பெரிய வரலாறே இருக்கிறது. நம்முடைய இந்திய ஜனநாயகம் என்பது பிரிட்டிஷ் ஜனநாயகத்தைப் பின்பற்றியே அமைக்கப்பட்டது.இங்கிலாந்து நாட்டில் உள்ள நாடாளுமன்றம் எவ்வகையில் அமைக்கப்பட்டதோ அதே வகையில் அமைக்கப்பட்டது தான் இந்திய நாடாளுமன்றமும், இந்திய சட்டப் பேரவைகளும். அங்கே இங்கிலாந்து நாட்டில் பல நூற்றாண்டுகளுக்கு முன்பே நாடாளுமன்றம் வந்து விட்டது. அது மன்னராட்சி இருந்த காலம். சர்வ வல்லமை படைத்த மன்னரும் இருப்பார். நாடாளுமன்றமும் இருக்கும்.இங்கே இந்தியாவில் அந்த முறையைப் பின்பற்றிய போது மன்னர் இல்லை. ஜனாதிபதி இருக்கிறார். நாடாளுமன்றம் இருக்கிறது. அந்தக் காலத்தில் இங்கிலாந்து நாட்டில் மன்னர் ஏதாவது ஒரு காரியத்தைச் செய்ய வேண்டுமென்று விரும்புவார். அதற்கு நாடாளுமன்றத்தின் அனுமதி வேண்டும். பெரும்பாலும் நாடாளுமன்றத்தில் உறுப்பினர்கள் மன்னருடைய விருப்பத்தை நிராகரித்து விடுவார்கள். இந்தச் செய்தியை யார் போய் மன்னரிடம் கூறுவது? அவர் தான் பேரவைத் தலைவர்.மரணதண்டனை கிடைக்கும்: அத்தகைய தலைவருக்கு நாடாளுமன்றத் தலைவர் என்று பெயரை வைக்காமல் ஸ்பீக்கர் என்று பெயர் வைத்தார்கள். நாடாளுமன்றத்தின் கருத்து என்னவோ அதைச் சென்று மன்னரிடம் எடுத்துக் கூறுபவர்தான் ஸ்பீக்கர். நாம்தான் இங்கே பேரவைத் தலைவர் என்று அழைக்கிறோமே தவிர, இன்று வரை அங்கே இங்கிலாந்தில் ஸ்பீக்கர் என்றுதான் அழைக்கிறார்கள்.மன்னர் விரும்பிய செயலை நாடாளுமன்றம் நிராகரிக்கும் போது அந்தச் செய்தியை ஸ்பீக்கர் சென்று துணிச்சலுடன் மன்னரிடம் கூறும்போது என்ன நடக்கும்? சில காரியங்கள் செய்வதற்குத்தான் மன்னருக்கு நாடாளுமன்றத்தின் அனுமதி வேண்டுமே தவிர, அந்த ராஜ்யத்தில் உள்ள எந்தப் பிரஜைக்கும் மரண தண்டனை விதிக்கும் அதிகாரம் மன்னருக்கு உண்டு.ஆகவே தான், விரும்பியது நடக்காது என்று ஸ்பீக்கர் எடுத்துரைப்பார். உடனே மன்னர் அவருக்கு மரண தண்டனை விதிக்கும்படி உத்தரவிடுவார். தலையை வெட்டி எடுங்கள் என்று ஆணையிடுவார்.இது பலமுறை நடந்தால் யாருமே அந்த ஸ்பீக்கர் பதவிக்கு வர விரும்ப மாட்டார்கள். ஆகவே, புதிதாக நாடாளுமன்றம் அமையும்போது, ஒரு ஸ்பீக்கரை தேர்ந்தெடுக்கும் போது இன்னார்தான் ஸ்பீக்கர் என்று அறிவித்தவுடன் அவர் உடனே தப்பித்தால் போதும், தலை தப்பித்தால் போதும் என்று ஓட்டம் பிடிப்பார்.அப்போது அவை முன்னவரும், எதிர்க்கட்சித் தலைவரும் அவரை ஓட விடாமல் தடுத்து நிறுத்தி அவர் கைகளைப் பிடித்து இழுத்து வந்து ஆசனத்தில் அமர வைப்பார்கள். இதுதான் அந்தக் காலத்தில் இருந்துவந்த மரபு. காலப்போக்கில் அதுமாறி இப்போது ஜனநாயக முறை ஏற்பட்ட பிறகு ஸ்பீக்கர் இப்போது ஓட்டம் பிடிக்க வேண்டிய அவசியமும் இல்லை. ஸ்பீக்கரின் தலையை எடுங்கள் என்று சொல்லக்கூடிய மன்னரும் இங்கே இல்லை. ஆனால், அவை முன்னவரும், எதிர்க்கட்சித் தலைவரும் பேரவைத் தலைவரின் கரங்களைப் பிடித்து ஆசனத்தில் அமர வைக்கும் மரபு மட்டும் அப்படியே இருக்கிறது. நீங்கள் தப்பித்தால் போதும் என்று ஓட்டம் பிடிக்கும் சூழ்நிலையை எந்த நாளிலும் நாங்கள் (ஆளும் கட்சியினர்) உருவாக்க மாட்டோம் என முதல்வர் ஜெயலலிதா கூறிய போது பேரவையில் பலத்த சிரிப்பொலி எழுந்தது.
 +++++++++++++++++++++++++++++++++++++++++++++++++++++++++++++++++++++++++
கையை பிடித்து உட்கார வைக்கும் மரபு ஏன்? ஜெ., கூறிய ருசிகர கதை

ஞாயிறு, 26 டிசம்பர், 2010

D.M.K Speaker do not take any action. So People only take strong action from the two M.L.A's. If D.M.K give seat these two M.L.A's in coming election. People should teach lesson to D.M.K as well as these two dogs.
By S.Kannan
2/23/2010 4:46:00 PM
இலக்குவனார் திருவள்ளுவன் அவர்களே ! தி.மு.க.காரனுக்கு மனசாட்சி இருக்கா ? அது இல்லாதவன் தானே கரை வேட்டி ஆக முடியும் !!! விஷயம் தெரியாத ஆளாக இருக்கிறீர் நீங்கள்.
By pannadai pandian
2/23/2010 11:09:00 AM
விளக்கம் கேட்டல், வழக்கு மன்றம் செல்லச் சொல்லி இழுத்தடித்தல் என்று காலங் கடத்தாமல் உடனே இருவரையும் பதவி நீக்கம் செய்வதே முறையாகும். கொள்கை எதுவும் இல்லாமல் சந்தர்ப்ப நலன்களுக்காகக் காட்சி மாறுபவர்களுக்கு இதுவே தண்டனை. ஆளுங் கட்சி யினர், தாம் எதிர்க்கட்சியாக இருந்தால் இச்சூழலில்என்ன முடிவு எடுப்போம் என எண்ணிப் பார்த்து எதிர்க்கட்சியின் கோரிக்கையை ஏறபதே முறையாகும். அன்புடன் இலக்குவனார் திருவள்ளுவன்
By Ilakkuvanar Thiruvalluvan
2/23/2010 3:36:00 AM
உங்கள் கருத்தைப் பதிவு செய்யுங்கள் *

ஞாயிறு, 21 பிப்ரவரி, 2010

அழகிரி என்னை சந்திக்கவில்லை: மக்களவைத் தலைவர் மீரா குமார்



புது தில்லி, பிப்.20: மக்களவையில் தமிழில் பேசுவது தொடர்பாக மத்திய அமைச்சர் அழகிரி இதுவரை தன்னை சந்திக்கவில்லை என்று மக்களவைத் தலைவர் மீரா குமார் சனிக்கிழமை தெரிவித்தார்.இதுகுறித்து அவர் மேலும் கூறியது: மக்களவையில் தமிழில் பேசுவதற்கு அனுமதி அளிப்பது குறித்து ஆலோசிப்பதற்காக என்னை சந்திக்க வருமாறு மத்திய அமைச்சர் அழகிரிக்கு கடந்த இரண்டு மாதங்களுக்கு முன்பே அழைப்பு விடுத்திருந்தேன். ஆனால் இதுவரை அவர் என்னை சந்திக்கவில்லை. நாடாளுமன்றத்தில் 14 மொழிகளில் பேசுவதற்கான வசதி உள்ளது. இந்த வசதி தமிழில் வேண்டுமென்றால் முன்னதாகவே நோட்டீஸ் கொடுக்க வேண்டும். மக்களவைத் தலைவரின் அனுமதிக்கு பிறகு அந்த வசதி அளிக்கப்படும் என்றார் மீரா குமார்.
கருத்துக்கள்

உறுப்பினர்கள் முன்கூட்டித் தெரிவித்து விட்டுப் பேசும் வாய்ப்புஎன்பது தவறானது. அமைச்சர்கள் உட்பட அனைவருமே முன்னறிவி்ப்பின்றி இந்தி மொழி போல் தத்தம் தாய்மொழி யில் பேசும் உரிமை அளிக்கப்பட வேண்டும். தமிழ் இந்தியக் கூட்டரசின் மொழியாக அறிவிக்கப்பட்டு நாடாளுமன்றங்களில் இடம் பெற வேண்டும். இது தனிப்பட்டவரின் சிக்கல் அன்று. உறுப்பினருக்கு ஆங்கிலம் தெரியாமை தவறன்று; தாய்மொழியில் பேசத் தெரியாவிட்டால்தான் வெட்கப்பட வேண்டும். இச்சிக்கலில் அழகிரி தடம் புரண்டு, தான் பேசியது தவறாக ஊடகங்களில் வந்து விட்டது என்று சொல்லி விட்டார். எனவே, அவர் இவரைச சந்தித்தாலும் சந்திக்காவிட்டாலும் பெரும் மாற்றம் எதுவும் நிகழப் போவதில்லை. தமிழர்கள் தம் தேசிய மொழியான தமிழில் நாடாளுமன்ற அவைகளில் பேசும் உரிமையை அரசமைப்பு அடிப்பபடையில் வழங்க வேண்டும்.

By Ilakkuvanar Thiruvalluvan
2/21/2010 6:31:00 AM
உங்கள் கருத்தைப் பதிவு செய்யுங்கள் *

Latest indian and world political news information