confusiont in priority to tamil medium : தமிழ் வழி நியமன முன்னுரிமை அறிவிப்பில் குழப்பம்

அரசாணைக்கிணங்கத் தமிழ்வழி படித்தோர் என்பது குறிப்பிட்ட பணிக்கான கல்வித் தகுதியில் தமிழ்வழி பயின்றிருக்க வேண்டும் என்பதுதான். எனவே, குழு ௨ இன் அடிப்படைக் கல்வித் தகுதி பட்ட வகுப்பாக உள்ளமையால் பட்ட வகுப்பில் தமிழில்  தேறியிருக்க வேண்டும். ஆனால், அரசு  இதனை மாற்ற வேண்டும். குறிப்பிட்ட கல்வித் தகுதியில் தமிழ் வழி பயின்றோர் இல்லாத பொழுது அதற்குக் குறைந்த கல்விநிலையில் தமிழ் வழி பயின்றோருக்கும் முன்னுரிமை தர வேண்டும். மேலும்  இதனை ௮௦ விழுக்காடாக உயர்த்துவதே நீதியாகும் என்பதைப் புரிந்து கொள்ள வேண்டும். 

அன்புடன் இலக்குவனார் திருவள்ளுவன்

தமிழ் வழியில் படித்தோருக்கு வேலைவாய்ப்பு: நியமன முன்னுரிமை அறிவிப்பில் குழப்பம்

First Published : 31 Dec 2010 01:57:29 AM IST

Last Updated :

சென்னை, டிச.30: தமிழ்நாடு அரசுப் பணியாளர் தேர்வாணையத்தின் குரூப் 2 எழுத்துத் தேர்வு குறித்த அறிவிப்பாணையில், தமிழ் வழியில் படித்தோருக்கு அரசு வேலைவாய்ப்புகளில் நேரடி நியமனங்களில் 20 சதவீத இட முன்னுரிமை என்ற அரசாணை குறித்து போதிய விளக்கம் அளிக்கப்படாதது மாணவர்களை குழப்பத்தில் ஆழ்த்தியுள்ளது.இந்த அரசாணை குறித்த அரசின் விளக்கத்துக்காக காத்திருப்பதாக டி.என்.பி.எஸ்.சி. குறிப்பிட்டுள்ளது. எனவே, இதுகுறித்து தமிழக அரசு உரிய அறிவுறுத்தல் அளிக்க வேண்டும் என்று கோரிக்கை எழுந்துள்ளது.தமிழ் வழியில் படிக்கும் மாணவர்களுக்கு அரசு வேலைவாய்ப்புகளில் நேரடி நியமனங்களில் 20 சதவீத முன்னுரிமை அளிக்கப்படும் என்று முதல்வர் கருணாநிதி அறிவித்தார். இதுதொடர்பான அரசாணை தமிழக அரசால் செப்டம்பர் 30-ம் தேதி வெளியிடப்பட்டது. இப்போது அறிவிக்கப்பட்டுள்ள தமிழ்நாடு அரசுப் பணியாளர் தேர்வாணையத்தின் (டி.என்.பி.எஸ்.சி.) குரூப் 2 எழுத்துத் தேர்வு அறிவிப்பாணையில், தமிழ் வழியில் படித்தோருக்கான 20 சதவீத வேலைவாய்ப்பு முன்னுரிமை குறித்து அரசின் விளக்கத்துக்கு காத்திருப்பதாகக் குறிப்பிடப்பட்டுள்ளது.தமிழ் வழியில் படித்தோர் என்பது, எந்தப் படிப்பு கணக்கில் எடுத்துக் கொள்ளப்படும் என தெளிவுப்படுத்தவில்லை. தமிழ் வழிப் படிப்பு என்பது பிளஸ் 2 வரையா அல்லது இளநிலைப் படிப்பு வரையா என்பது குறித்து விரிவான அறிவிப்பு இல்லாததால், மாணவர்கள் குழப்பத்தில் ஆழ்ந்துள்ளனர்.எனவே இதுபற்றி போதிய விளக்கத்தையும், 20 சதவீத இடங்களில் எத்தனை பணியிடங்கள் கிடைக்கும் என்பதை தமிழ்நாடு அரசுப் பணியாளர் தேர்வாணையம் விளக்கிட வேண்டும்.தமிழக மாணவர்களைப் பொறுத்தவரையில் பிளஸ் 2 வரையில் தமிழ் வழியிலும், இளநிலைப் படிப்பை ஆங்கில வழியிலும்தான் பெரும்பாலானோர் படித்துள்ளனர். அறிவியல் பாடம் பெரும்பாலும் ஆங்கில வழி மூலமே கற்பிக்கப்பட்டு வருகிறது. தமிழ் வழிப் படிப்பு எதுவரை என்ற அளவுகோலில், பிளஸ் 2 வரை என்று கணக்கில் எடுத்துக் கொண்டால் ஏராளமான மாணவர்கள் பயன் பெறுவர் என்று மாணவர்களும், தமிழ் ஆர்வலர்களும் கோரிக்கை வைத்துள்ளனர்.800 பணியிடங்கள்: சுமார் 4,300 பணியிடங்களில் அரசு வேலைவாய்ப்பு நேரடி நியமனங்களில் 20 சதவீத முன்னுரிமை அரசாணையின்படி, சுமார் 800 பணியிடங்களுக்கு மேல் கிடைக்கும் என எதிர்பார்க்கப்படுகிறது.ஒரே நாளில் யு.பி.எஸ்.சி. - டி.என்.பி.எஸ்.சி தேர்வு: தமிழ்நாடு அரசுப் பணியாளர் தேர்வாணையத்தின் உதவி வணிக வரி ஆணையர், உதவி வேலைவாய்ப்பு அலுவலர், உதவி பிரிவு அலுவலர், வருவாய்த் துறை உதவியாளர் உள்ளிட்ட 4,300-க்கும் அதிகமான காலி பணியிடங்களுக்கான குரூப்-2 எழுத்துத் தேர்வு குறித்த அறிவிப்பு வியாழக்கிழமை வெளியிடப்பட்டது.இத்தேர்வுக்கான எழுத்துத் தேர்வு 2011 ஜூன் 12-ம் தேதி நடைபெறும் என அறிவிக்கப்பட்டுள்ளது. இதற்கான விண்ணப்பங்களை அனுப்ப கடைசி நாள் 2011 பிப்ரவரி 12-ம் தேதி என குறிப்பிடப்பட்டுள்ளது.ஐ.ஏ.எஸ்., ஐ.பி.எஸ்., உள்ளிட்ட அகில இந்திய சிவில் சர்வீஸ் தேர்வுக்கான முதல்நிலை எழுத்துத் தேர்வு குறித்த தேர்வு அட்டவணையும் மத்திய அரசுப் பணியாளர் தேர்வாணையத்தின் (யு.பி.எஸ்.சி.) இணையதளத்தில் ஏற்கெனவே வெளியிடப்பட்டுள்ளது. இதில் முதல்நிலைத் தேர்வு ஜூன் 12-ம் தேதி நடைபெறும் என அறிவிக்கப்பட்டுள்ளது. இதில் டி.என்.பி.எஸ்.சி. எழுத்துத் தேர்வும், யு.பி.எஸ்.சி.யின் முதல்நிலைத் தேர்வும் ஒரே தேதியில் நடைபெற உள்ளன. டி.என்.பி.எஸ்.சி.யின் இந்த குரூப் 2 எழுத்துத் தேர்வு அறிவிப்பு, யு.பி.எஸ்.சி. தேர்வு எழுதும் மாணவர்கள் மத்தியில் கவலையை ஏற்படுத்தியுள்ளது.

தமிழில் படித்தவருக்கு அரசு வேலை: முதல் நியமன உத்தரவை வழங்கினார் முதல்வர்

First Published : 09 Jul 2010 04:05:47 PM IST

Last Updated : 09 Jul 2010 04:09:54 PM IST

சென்னை, ஜூலை 9- தமிழில் படித்தவர்களுக்கு அரசுப் பணியில் முன்னுரிமை வழங்கப்படும் என்ற அறிவிப்பின்படி முதல் நியமனமாக பொ. பேதுரு என்பவருக்கு நகல் பெருக்கியாளர் (ஜெராக்ஸ் ஆபரேட்டர்) பணிக்கான நியமன உத்தரவை அவரிடம் இன்று முதல்வர் கருணாநிதி வழங்கினார்.
சென்னை உயர் நீதிமன்றத்தில் அரசு தலைமை வழக்கறிஞர் அலுவலகத்தில் அவர் நகல் பெருக்கியாளராக நியமிக்கப்பட்டுள்ளார்.
இத்தகவல் தமிழக அரசு இன்று வெளியிட்டுள்ள செய்திக் குறிப்பில் தெரிவிக்கப்பட்டுள்ளது.
தமிழில் படித்தவர்களுக்கு அரசுப் பணியில் முன்னுரிமை வழங்கப்படும் என்று சமீபத்தில் கோவையில் நடைபெற்ற உலகத் தமிழ்ச் செம்மொழி மாநாட்டில் முதல்வர் அறிவித்திருந்தார் என்பது குறிப்பிடத்தக்கது.

கருத்துக்கள்

அவசரப்படுத்தி விளம்பரப்படுத்தியிருக்க வேண்டா. மேலும் பல நியமனங்கள் ஆனபின்பு வந்திருந்த போட்டியாளர்களில் தமிழ்வழி படித்தவர்களுக்கு முன்னுரிமை அடிப்படையில் கொடுத்த பணியிடங்கள் என்ற அளவில் விரிவாக வெளியிட்டிருக்க வேண்டும். பொறுப்புள்ள பணி ஒன்றில் தமிழ்வழி பயின்றவர் என்ற அடிப்படையில் முன்னுரிமை அளித்து நியமனம் வழங்கியிருந்தால் பெருமை கொள்ளவும் வாய்ப்பாக இருந்திருக்கும். இப்பொழுது் அடிப்படைப்பணி (கடைநிலைப்பணியை)யைப் போன்ற பணிகளுக்குத்தான் தமிழில் படித்தால் வேலை கிடைக்கும் என்ற தவறான எண்ணம் ஏற்படும். மேலும் அரசாணை பிறப்பிக்காமலேயே தமிழில் படித்தவர் என்ற முன்னிரிமை அடிப்படையில் இப்பொழுது வேலை வழங்கியிருந்தால் இதற்கு முன்பு இந்த நடை முறையைப் பின்பற்றாதது ஏன் என்ற வினாவும் வெளிவரும். கருணை அடிப்படைப்ப ணியமர்த்தம்போல் தோன்றும் இப்பணியமர்த்தத்திற்குரிய பணியிடம் பெயர் ஒளிப்பட இயக்கியர் என்பதாகும். நகல் பெருக்கியாளர் என்பது முன்பு வெட்டச்சுத்தாள் (stencil paper)மூலம் படிப்பெருக்கியில் படிகள் எடுக்கும் பணியிடத்தைக் குறிப்பதே. வேதனையுடன் இலக்குவனார் திருவள்ளுவன்

By Ilakkuvanar Thiruvalluvan
7/10/2010 3:38:00 AM

டேய் நாதாரி புதியவன் ராஜ்,உங்க தலைவர் ...தமிழிலில் படித்தவருக்கு ..ஒரு கல்லூரி விரிவுரையாளர் பதவியோ ..அல்லது ஒரு உயர்த்த அரசு பதவியோ ...தகுதியின் அடிப்படையில் வழங்கி இருந்தால் பெருமை படலாம்...இதற்கு...ஏனடா ...இந்த விளம்பரம்....பண்ணாடைகள...

By Rajendran
7/9/2010 11:33:00 PM

சொன்னதை செய்வோம் செய்வதை சொல்வோம் என்ற தி.மு.க. வின் கொள்கைக்கு ஏற்ப தமிழில் படித்தவருக்கு வேலையில் முன்னுரிமை என்று சொன்ன வாக்குறுதியை காப்பாற்றிய கலைஞருக்கு பாராட்டுக்கள். முன்னுரிமையில் பேதுருவுக்கு அரசு வேலை கிடைத்துள்ளது. அவர் அதை மகிழ்வுடன் ஏற்றுக்கொண்டுள்ளார். நல்ல விசயங்கள் காமாலை கண்களுக்கு தெரிவதில்லை அதான் வழக்கம் போல தூற்றுகிறார்கள்.

By புதியவன் ராஜ்
7/9/2010 9:32:00 PM

Xerox operator? For this you need only to push some buttons. One need not need Tamil. Even a lay man can operate. Xerox also will come in any language and not only in classical Tamil. What for this dramas? Appoint vice chancellors, professors,teachers, Chief Secretaries, secretaries etc., if Tamil need to be respected. Appointing a xerox operator is just to see the opposition and court cases, RTI applications etc. rushing for the act and to stop the drama, citing the cases.

By karunakaran
7/9/2010 8:12:00 PM

வேலை அவருக்கு எதன் அடிப்படையில் கொடுக்கப்பட்டது . அவர் கட்சிகாரரா , வேலைக்கு அவர் மபு செய்திருந்தாரா , அவர் தமிழில் எதுவரை படித்திருக்கிறார் . இல்லை இந்த பெயரில் வேலை பெறுவதற்கு எதாவது செலவு செய்தாரா. நல்ல தமிழ் நாடு , வேலை ஆணையைக் கூட விழா நடத்திக் கொடுப்பது. பொது நல வழக்குப் போட நல்ல காரணம். ஆனால் தலைவிதி தமிழனுக்கு , கூத்தாடி கூத்தாடி , போட்டு உடைக்கிறாண்டி கருப்புக் கண்ணாடி. கண்ராவி

By ambalavanan
7/9/2010 7:57:00 PM

only can do karunanithi, play like this ugly ugly drama, see what this posting xerox operator, what a shame man. 60 lack employee has been with out any job. please dont issue like this news please.

By riyas ksa
7/9/2010 6:53:00 PM

தலைவா போதும் உங்கள் தமிழ் பற்று, தமிழும் திராவிடமும் பேசி, இந்தியா ஆத்திரம் அடைந்து லட்சகனக்கான தமிழர்களை கொன்றுவிட்டது, இன்னும் கோடிக்கணக்கான தமிழர்கள் சாவுக்கு வழி செய்து விடாதீர்கள்.

By CH
7/9/2010 4:49:00 PM

அவனவன் இங்கிலிஷ்ல படுச்சுப்புட்டு ..வக்கீல் ஆகுறான்!!!...தமிழன் தமிழ்ல படுச்சுப்புட்டு அந்த வக்கீலுக்கு பியுனாவும் ::பெல்பாயாவும் ...கக்கூஸ் கூட்டவும் பணி நியமனம் பெற்று இன்புறுகிறான் ! எண்ணற்ற மொழிகளில் புலைமை பெறுவதில் தவறில்லையடா தமிழா !!!!! நீ கிணற்றுத் தவளையாக இருந்து குண்டிச் சட்டிக்குள் குதிரை ஒட்டாதேட என் இன்பத் தமிழா !!! @ rajasji

By rajasji
7/9/2010 4:15:00 PM

உங்கள் கருத்தைப் பதிவு செய்யுங்கள்

தமிழில் படித்தவர்களுக்கே வேலையில் முன்னுரிமை ​: 'தினமணி' ஆசிரியர் வலியுறுத்தல்

First Published : 23 Mar 2010 01:31:47 AM IST

Last Updated :

மதுரை யாதவர் கல்லூரியில் திங்கள்கிழமை நடைபெற்ற தமிழ் உயராய்வு மைய வெள்ளி விழாவில் சிறப்புரையாற்றுகிறார் "தினமணி' ஆசிரியர் கே.வைத்தியநாதன்.​ உடன் ​(இடமிருந்து)​ கல்லூரி முதல்வர் பி.ரெங்கன்,​​ செயலர் க.ப.நவநீதகிருஷ்ணன்,​​ தமிழ் உயராய்வு மையத் தலைவர் வீ.மோகன்.

மதுரை, ​​ மார்ச் ​ 22:​ தமிழில் படித்தவர்களுக்கே அரசு அலுவலகங்களில் வேலையில் முன்னுரிமை அளிக்கப்பட வேண்டும் என்று "தினமணி' ஆசிரியர் கே.வைத்தியநாதன் வலியுறுத்தினார்.மதுரை,​​ யாதவர் கல்லூரியில் தமிழ் உயராய்வு மையத்தின் வெள்ளி விழா திங்கள்கிழமை நடைபெற்றது.​ இதில் "மாணவர் முன்னேற்றத்தில் இதழ்களின் பங்கு' எனும் தலைப்பில் அவர் ஆற்றிய சிறப்புரை:இன்றைக்கு தமிழ் மற்றும் தமிழ் உணர்வின் நிலை என்பது மிகவும் கவலை கொள்ளச் செய்வதாக உள்ளது.சமுதாயத்தில் நிலை பிறழ்ந்த செயல்களை,​​ தவறான செய்திகளை,​​ நடைமுறைகளைப் பற்றி கவலைப்படாமல்,​​ எது நடந்தாலும் பரவாயில்லை என்று வீணாக இருக்கின்றோமே,​​ ஏன் இந்த கையறு நிலை என்று நான் வருத்தப்படுவதுண்டு.எந்த ஒரு சமுதாயமும் சுய சிந்தனை இல்லாததாகிவிட்டால்,​​ தவறான செய்திகள்,​​ தவறான நிகழ்வுகள்,​​ வழிமுறைகள் காணப்படும்போது அதுபற்றி கவலைப்படாமல் இருந்துவிட்டால்,​​ அதுதான் அந்த சமுதாயத்துக்கு ஏற்படுகின்ற மிகப் பெரிய ஆபத்து.பேராபத்து எதுவென்றால் கவலைப்படாமல் இருப்பது.​ தவறு செய்தால் கூட தவறில்லை.​ ஆனால்,​​ தவறு செய்கிறோம் என்று தெரிந்திருந்தும் அதுபற்றி கவலைப்படாமல் இருப்பதுதான் பெரும் தவறாகும்.நாம் தமிழைப் படித்தால் வாழ்ந்து விட முடியுமா?,​​ தமிழ் படித்தால் எனக்கு வேலை கிடைக்குமா என்று கேட்கின்ற ஒரு அவல நிலை தமிழருக்கும்,​​ தமிழகத்துக்கும் ஏற்பட்டுவிட்டதே என்று நினைக்கும்போதும்,​​ இதைப் பற்றி கவலையின்றி இருக்கிறோமே என்று நினைக்கும்போதும் உண்மையிலேயே மனம் வேதனைப்படுகிறது.தமிழகத்தில் இரண்டாயிரம் ஆண்டுகளுக்கு முன்பே வட மொழி இருந்தது.​ அதனால் தமிழ் அழிந்ததா,​​ இல்லை தமிழ் இலக்கியங்கள் குறைந்திருந்ததா?​ சங்க இலக்கியங்கள்,​​ சிலப்பதிகாரம் வரவில்லையா?1,100 ஆண்டுகளுக்கு முன் தமிழகத்தில் இஸ்லாமியப் படையெடுப்புகள் நிகழ்ந்தபோதும் தமிழ் அழியவில்லை.​ 800 ஆண்டுகளுக்கு முன் நாயக்கர்கள் படையெடுப்பு ஏற்பட்டது.​ அதன் பின் மராத்தியர்கள் 500 ஆண்டுகள் ஆட்சி செய்தபோதும்,​​ தமிழ் பாதிக்கப்படவில்லை.ஆனால், ​​ வெறும் 250 ஆண்டுகள்தான் ஆங்கிலேய ஆட்சி இருந்தது.​ நம்முடைய பேச்சு,​​ உடை,​​ நடை,​​ பாவனை,​​ உணவுப் பழக்கம் என அத்தனையும் மேற்கத்திய கலாசாரமாக மாறிவிட்டதே ஏன்?இந்தியாவுக்குள் ஆங்கிலேயர் நுழைந்த போது அவர்கள் போட்ட முதல் சட்டமே ஆங்கிலம் படித்தவர்களுக்கே அரசு வேலைகளில் முன்னுரிமை என்பதுதான்.நாம் என்ன செய்திருக்க வேண்டும்?​ நாட்டின் விடுதலைக்குப் பிறகு அத்தனை மாநிலங்களிலும்,​​ அந்தந்த மாநில மொழிகளில் படித்தவர்களுக்கே அரசு வேலையில் முன்னுரிமை என்றல்லவா சட்டம் இயற்றப்பட்டிருக்க வேண்டும்.ஆனால்,​​ நமது ஆட்சியாளர்களுக்கு அது பற்றிய சிந்தனை இல்லை.​ அதற்காக நாம் குரல் கொடுக்க வேண்டிய நேரம் வந்துவிட்டது.கடந்த 30 ஆண்டுகளாக நாளிதழ்கள்,​​ வார இதழ்கள்,​​ மாத இதழ்கள் ஆகியவை சமுதாயச் சிந்தனை இன்றி வியாபாரச் சிந்தனையை மட்டுமே கொண்டுள்ளன.​ ​ சமுதாயத்தின் பிரச்னைகளை பிரதிபலிப்பதுதான் பத்திரிகைகளின் பணி.தேவையில்லாத செய்திகளையும்,​​ ஆபாசமான படங்களையும் கொண்டு பத்திரிகைகள் வெளிவருமானால் அவற்றைப் புறக்கணிக்க வேண்டியது இளந்தலைமுறையினரின் கடமையாகும் என்றார்.பின்னர், ​​ சமூக மேம்பாட்டுக்கு இதழ்களின் பங்கு குறித்து பல்வேறு மாணவர்களின் கேள்விகளுக்கு "தினமணி' ஆசிரியர் வைத்தியநாதன் பதில் அளித்தார்.

கருத்துக்கள்

காலங்காலமாக நாட்டுப் பற்றாளர்கள் வேண்டுவதைத் தினமணி ஆசிரியர் வலியுறுத்தியுள்ளதற்குப் பாராட்டுகள். அவர் அரசிடம் நெருக்கமாக உள்ளதால் தமிழைச் சொல்லி ஆட்சிக்கு வந்ததற்காகவாவது தமிழ் வழி பயின்றவர்களுக்கும் தமிழைப் பயின்றவர்களுக்கும் வேலையில் முன்னுரிமை அளிக்கப்படும் என அரசை அறிவிக்கச் செய்ய முயல வேண்டும். தமிழுக்காகப் பல போராட்டங்களை நடத்திய திமுக ஆட்சியே தமிழைப் புறக்கணித்தால் வேறுயார்தான் தமிழை அரியணையில் ஏற்றுவார்கள்? செம்மொழி மாநாட்டுக் குழுவில் இடம் பெற்றுள்ள ஆசிரியர் மாநாட்டுக்கு முன்னதாக மிக விரைவில் இதற்கான சட்டம் இயற்ற அரசிடம் வற்புறுத்தி வெற்றி காண வேண்டும். தமிழ் மொழி வளர்ச்சி தமிழினக் காப்பு முதலியவற்றில் கருத்து செலுத்தும் ஆசிரியருக்குப் பாராட்டுகள்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
3/23/2010 2:46:00 AM

உங்கள் கருத்தைப் பதிவு செய்யுங்கள்