k.anbazhagan லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
k.anbazhagan லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

சனி, 14 மே, 2011

அன்பழகன் முதல் தமிழரசி வரை 18 தி.மு.க. அமைச்சர்கள் தோல்வி

இனமானப் பேராசிரியர் அவர்கள் கூர்த்த மதியும் செயல்திறனும் பேச்சாற்றலும் எழுத்தாற்றலும் மிக்கவர். தனது மூத்த நிலையை விட்டுக் கொடுத்து மூன்றாம் நிலைக்குத் தள்ளப்பட்ட பொழுது அதனை ஏற்றதால் மக்களால் தள்ளப்பட்டாரா எனத் தெரியவில்லை.வெற்றியும் தோல்வியும் வீரனுக்கு அழகு  என்றாலும் அவரது தோல்வி வருத்தத்திற்குரியதுதான். அதுபோல் உபயதுல்லா அவர்கள், எளிமையும் கொடை உணர்வும் மிக்க்வர்.எனினும்  பன்றியோடு சேர்ந்த கன்று நிலைக்குத் தி.மு.க. சென்றமையால், இவர்கள் தோல்வியைத் தழுவினர். எனவே, கட்சியின் தலைமைப் பொறுப்பிற்குப் பேராசிரியர் வர வேண்டும்.  கலைஞர் தன் குடும்பத்தினர்  கட்சியின் முதன்மைப் பொறுப்பு எதிலும்  வராமல் பார்த்துக் கொள்ளவேண்டும். நாட்டு நலனுக்காகவும் தமிழியம் காக்கப்படவும் இவை தேவை. திருநாவுக்கரசர தனிப்பட்ட செல்வாக்கு உள்ளவராக இருப்பினும் சேராத இடம்  தனில் சேர்ந்து தமி்ழ்ப்பகைக்குத் துணை புரிந்துள்ளமையால் தோல்வியைத் தழுவி உள்ளார். இதனை அனைவரும் பாடமாகக் கொள்ள வேண்டும். 
அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்! 


அன்பழகன் முதல் தமிழரசி வரை 18 தி.மு.க. அமைச்சர்கள் தோல்வி

First Published : 14 May 2011 03:42:19 AM IST


சென்னை, மே 13: தமிழக சட்டப்பேரவைத் தேர்தலில் தி.மு.க. மூத்த அமைச்சர் க.அன்பழகன் உள்பட 18 அமைச்சர்கள் தோல்வியடைந்தனர்.முதல்வர் கருணாநிதி, நிதியமைச்சர் க.அன்பழகன் உள்பட மொத்தம் 28 அமைச்சர்கள் தி.மு.க. சார்பில் போட்டியிட்டனர். இவர்களில் 8 பேர் மட்டுமே வெற்றியடைந்துள்ளனர். மீதமுள்ள 2 தொகுதிகளில் முடிவு அறிவிக்கப்படவில்லை.முதல்வர் கருணாநிதி, துணை முதல்வர் மு.க.ஸ்டாலின், அமைச்சர்கள் துரைமுருகன், தங்கம் தென்னரசு, டி.பி.எம். மைதீன்கான், சுப.தங்கவேலன், கா.ராமச்சந்திரன், ஐ.பெரியசாமி ஆகியோர் வெற்றி பெற்றுள்ளனர்.திருவண்ணாமலை, திருப்பத்தூர் ஆகிய தொகுதிகளின் முடிவுகள் வெள்ளிக்கிழமை நள்ளிரவு வரை அறிவிக்கப்படவில்லை. இந்தத் தொகுதிகளில் முறையே அமைச்சர்கள் எ.வ.வேலு, கே.ஆர்.பெரிய கருப்பன் ஆகியோர் முன்னிலையில் இருந்தனர்.வீரபாண்டி எஸ்.ஆறுமுகம் அதிக அளவாக 35,079 வாக்கு வித்தியாசத்தில் தோல்வியடைந்தார். தோல்வியடைந்த அமைச்சர்கள் விவரம் (தொகுதி, வெற்றிபெற்றவர், வாக்கு வித்தியாசம்):க.அன்பழகன் (வில்லிவாக்கம்) - ஜே.சி.டி. பிரபாகரன் (அ.தி.மு.க.) - 10,782.கே.பி.பி.சாமி (திருவொற்றியூர்) - கே.குப்பன் (அ.தி.மு.க.) - 27,318.பரிதிஇளம்வழுதி (எழும்பூர்) - நல்லதம்பி (தே.மு.தி.க.) - 202.தா.மோ.அன்பரசன் (பல்லாவரம்) - ப.தன்சிங் (அ.தி.மு.க.) - 17,374.க.பொன்முடி (விழுப்புரம்) - சி.வி.சண்முகம் (அ.தி.மு.க) - 12,097.எஸ்.வீரபாண்டி ஆறுமுகம்(சங்ககிரி) - விஜயலட்சுமி பழனிச்சாமி (அ.தி.மு.க.) - 35,079.கே.என்.நேரு (திருச்சி தெற்கு) - என்.மரியம்பிச்சை (அ.தி.மு.க.) - 7,179.என்.செல்வராஜ் (மணச்சநல்லூர்) - டி.பி.பூனாட்சி (அ.தி.மு.க.) - 19,190.எஸ்.என்.எம்.உபயதுல்லா (தஞ்சாவூர்) - எம்.ரெங்கசாமி (அ.தி.மு.க.) - 7,329.கே.கே.எஸ்.எஸ்.ஆர்.ராமச்சந்திரன் (அருப்புக்கோட்டை) - வைகைச்செல்வன் (அ.தி.மு.க.) - 11,538.கீதா ஜீவன் (தூத்துக்குடி) - சி.த.செல்லபாண்டியன் (அ.தி.மு.க.) - 26,193.பூங்கோதை ஆலடி அருணா (ஆலங்குளம்) - பி.ஜி. ராஜேந்திரன் (அ.தி.மு.க.) - 299.சுரேஷ்ராஜன் (கன்னியாகுமரி) - கே.டி.பச்சைமால் (அ.தி.மு.க.) - 17,804.பொங்கலூர் நா.பழனிச்சாமி (கோவை தெற்கு) - ஆர்.துரைசாமி (அ.தி.மு.க.) - 27,796.உ.மதிவாணன் (கீழ்வேளூர்) - பி.மகாலிங்கம் (சி.பி.எம்.) - 724.தமிழரசி (மானாமதுரை) - ம.குணசேகரன் (அ.தி.மு.க.) - 14,020.மு.பெ.சாமிநாதன் (மடத்துக்குளம்) - சி.சண்முகவேலு (அ.தி.மு.க.) - 19,669.எம்.ஆர்.கே.பன்னீர் செல்வம் (குறிஞ்சிப்பாடி) - ஆர். ராஜேந்திரன்(அதிமுக) -23,848.முக்கியப் பிரமுகர்களின் வெற்றி, தோல்வி விவரம்: அம்பாசமுத்திரம் தொகுதியில் போட்டியிட்ட பேரவைத் தலைவர் ஆவுடையப்பன், 24,609 வாக்குகள் வித்தியாசத்தில் அ.தி.மு.க. வேட்பாளர் இசக்கி சுப்பையாவிடம் தோல்வியடைந்தார்.அ.தி.மு.க. பொருளாளரும், எதிர்க்கட்சித் துணைத் தலைவருமான ஓ.பன்னீர்செல்வம் போடிநாயக்கனூர் தொகுதியில் தி.மு.க. வேட்பாளர் எஸ்.லட்சுமணனைவிட 29,906 வாக்குகள் வித்தியாசத்தில் வெற்றி பெற்றார்.சிதம்பரம் தொகுதியில் தி.மு.க. கூட்டணியில் போட்டியிட்ட மூவேந்தர் முன்னேற்றக் கழகத் தலைவர் ஜி.எம்.ஸ்ரீதர் வாண்டையார் 2,879 வாக்குகள் வித்தியாசத்தில் தோல்வியடைந்தார்.காங்கிரஸ் சார்பில் அறந்தாங்கியில் போட்டியிட்ட முன்னாள் மத்திய அமைச்சர் சு.திருநாவுக்கரசர் அ.தி.மு.க. வேட்பாளர் எம்.ராஜநாயகத்திடம் 16,656 வாக்குகள் வித்தியாசத்தில் தோல்வியடைந்தார்.அ.தி.மு.க. கொறடா கே.ஏ. செங்கோட்டையன் கோபிச்செட்டிப்பாளையம் தொகுதியில் 41,192 வாக்குகள் வித்தியாசத்தில் வெற்றி பெற்றார்.கடையநல்லூர் தொகுதியில் போட்டியிட்ட காங்கிரஸ் கொறடா பீட்டர் அல்போன்ஸ், அ.தி.மு.க. வேட்பாளர் பி.செந்தூர் பாண்டியனிடம் 16,086 வாக்குகள் வித்தியாசத்தில் தோற்றார்.

வியாழன், 31 மார்ச், 2011

Rules of E.C. should be amended - Prof.K.Anbazhagan: தேர்தல் ஆணைய விதிகளைத் திருத்த வேண்டும்: க. அன்பழகன்

பேராசிரியரின் கருத்து சரிதான். எனினும் இனப்படுகொலைக்கட்சியான காங.உடன் சேர்ந்திருப்பததுதானே  சிக்கல். மேலும். அனைவருக்கும் அனைத்து நிலையிலும் கட்டணமற்ற கல்வியைக் கொண்டுவர முயல வேண்டும். அத்ற்கான அறிவிப்பைத் தேர்தல் அறிக்கையில் சேர்க்க வேண்டும்.  
அன்புடன் இலக்குவனார் திருவள்ளுவன் 
/ தமிழே விழி! தமிழா விழி! 
/ எழுத்தைக் காப்போம்!  மொழியைக் காப்போம்! இனத்தைக் காப்போம்! 

தேர்தல் ஆணைய விதிகளைத் திருத்த வேண்டும்: க. அன்பழகன்

புதுக்கோட்டை, மார்ச் 30: தேர்தல் ஆணையத்தின் கட்டுப்பாடற்ற போக்கைத் தடுத்து நிறுத்தும் வகையில், அதன் விதிமுறைகள் திருத்தப்பட வேண்டும் என்றார் மாநில நிதியமைச்சர் க. அன்பழகன்.புதுக்கோட்டை சட்டப்பேரவைத் தொகுதி திமுக வேட்பாளர் பெரியண்ணன்அரசை ஆதரித்து, செவ்வாய்க்கிழமை இரவு சின்னப்பா பூங்காவில் நடைபெற்ற பிரசார பொதுக் கூட்டத்தில் அவர் மேலும் பேசியது:வேறு பணிகளில் வேகம் காட்டும் தேர்தல் ஆணையம், வாக்கு எண்ணிக்கை நடத்துவதில் மட்டும் தாமதம் செய்கிறது. சாலையில் செல்லும் வாகனங்களை நிறுத்துகிறார்கள். அதுகுறித்துக் கேட்டால், தங்களுக்கு அதிகாரம் இருப்பதாகக் கூறுகிறார்கள். அவர்களுக்கு உரிமையையும், அதிகாரத்தையும், சுதந்திரத்தையும் கொடுத்ததே நாம்தான்.தேர்தல் நடத்துகிறவர்களை யாரும் கட்டுப்படுத்தக் கூடாது என்பதற்காக கொண்டு வரப்பட்டதுதான் தேர்தல் விதிமுறைகள். ஆனால், தற்போது நடைபெறும் சம்பவங்களைப் பார்க்கும் போது, தேர்தல் ஆணைய விதிமுறைகளில் மாற்றம் செய்வதற்கு, அரசியலமைப்புச் சட்டத்தில் திருத்தம் கொண்டு வர வேண்டிய அவசியம் ஏற்பட்டுவிட்டதாகத் தோன்றுகிறது.ஆசிரியர்கள், அரசு ஊழியர்களில் 10 சதம் பேர் மட்டுமே தங்களுக்கு சில உரிமைகள் கிடைக்கவில்லை என்று கூறி, ஆட்சி மாற்றம் வேண்டும் என்று பேசலாம். ஆனால், தற்போதைய ஆட்சி தொடர வேண்டும் என்பதுதான் மக்களின் விருப்பம்.இலவசங்கள் இன்று அவசியமாகிவிட்டன. இலவசங்கள் என்பது கேடல்ல. பெற முடியாதவர்களுக்கு அதைக் கிடைக்கச் செய்கிறோம். பெற்றுக் கொள்ள உரிமையுள்ளவர்களுக்கு வழங்கப்படுவதுதான் இலவசம்.இலவச அரிசி வழங்குவதால் செலவாகும் கோடிக்கணக்கான ரூபாயை இழப்பாகக் கருதவில்லை. சமுதாயத்துக்கு செய்யும் செலவாகவே கருதுகிறோம். அதனால்தான் பட்டினிச் சாவு, ராப்பிச்சை என்ற வார்த்தைகள் ஒழிந்துபோயின. மக்களிடமிருந்து வாக்குகளைப் பெறுவதுடன், அவர்களது பிரச்னைகளையும், துயரத்தையும் தீர்ப்பது திமுக அரசுதான்.இந்தியாவிலேயே குழந்தைகள் நல்ல கல்வி அறிவு பெற்றிருப்பதும், ஏழை மக்களுக்கு வீடுகள் கட்டித் தருவதும், அதிக எண்ணிக்கையில் பேருந்துகளை இயக்குவதும், ஆண்- பெண் விகிதாசாரத்தில் பெண்கள் அதிகம் படித்திருப்பதும், உயர்தரமான சிகிச்சைகள் கொடுப்பதும், மிகப் பெரிய தனியார் மருத்துவமனைகள் இருப்பதும், குறிப்பாக, புத்திசாலிகள் அதிகமாக இருப்பதும் தமிழகத்தில்தான். தமிழக நியாய விலைக் கடைகளின் செயல்பாடுகளைப் போல, மற்ற மாநிலங்களிலும் செயல்படுத்த வேண்டும் என்று உச்ச நீதிமன்றம் பாராட்டுத் தெரிவித்துள்ளது. ஆனால், இந்த ஆட்சி தொடரக் கூடாது என்று ஜெயலலிதாவும், விஜயகாந்தும் மட்டுமே கூறி வருகின்றனர். அவர்களின் பிரசாரம் மக்களிடம் எடுபடாது என்றார் அன்பழகன்.

செவ்வாய், 14 டிசம்பர், 2010

Central stands by the supports of states : மாநிலங்களின் ஆதரவால்தான் மத்திய அரசு நிலைக்கிறது: க. அன்பழகன்

தமிழர் தமிழராக வாழ்வது குறித்தும் கூட்டாட்சிக் குறித்தும் பேராசிரியர் அருமையாக உரையாற்றியுள்ளார். இளைய தலைமுறையினர் அதை உணர்தல் வேண்டும். பாரட்டுகளுடன் இலக்குவனார் திருவள்ளுவன்

மாநிலங்களின் ஆதரவால்தான் மத்திய அரசு நிலைக்கிறது: க. அன்பழகன்

சென்னை, டிச.13: மாநில அரசுகளின் ஆதரவால் தான் மத்திய அரசு நிலைக்கிறது என்று தமிழக நிதியமைச்சர் க. அன்பழகன் தெரிவித்தார்.மாநில திட்டக் குழு துணைத் தலைவர் மு. நாகநாதன் எழுதிய "இந்திய கூட்டாட்சியில் அதிகாரம் குவிப்பா? பகிர்வா?' என்ற நூலை திங்கள்கிழமை வெளியிட்டு, நிதியமைச்சர்க. அன்பழகன் பேசியதாவது: நாங்கள் பிரிவினை கோரவில்லை. உன்னோடு சேர்ந்து வாழ்வதற்கு இப்போது எங்களுக்கு தடையில்லை. ஆனால், நீ எங்ளை அடிமைப்படுத்துவதை நாங்கள் ஏற்கமாட்டோம் என்று எண்ணி துணிக என்ற தலைப்பில் அண்ணா விளக்கம் அளித்துள்ளார். இதுதான் திமுகவின் நெறிமுறைகளுக்கு அடிப்படையானது.  ஜனநாயகத்தைக் காப்பாற்றுவதா அல்லது பிரிவினை கேட்பதா என்ற நிலை அண்ணாவுக்கு ஏற்பட்டது. அப்போது, இந்த இயக்கத்தை வளர்த்த ஜனநாயகத்தைக் காப்பாற்றாமல் பிரிவினை கேட்பதில் என்ன பொருள் உள்ளது என்று அந்தக் கோரிக்கையை அண்ணா கைவிட்டார். தமிழன் என்ற உணர்வுடன் தமிழகத்தில் எத்தனை பேர் உள்ளனர். மக்கள் தொகை கணக்கெடுப்பின்போது நாங்கள் தமிழர் என்று கூறுவோர் 45 சதவீதத்தை எட்டினால் பெரிய சாதனை. தமிழரை தமிழராக்குவதுதான் பெரியாரின் முயற்சி. தமிழர், தமிழராக வாழ முடியும் என்று எடுத்துக்காட்டுவது தான் அண்ணாவின் முயற்சி.  தமிழ் நம் தாய்மொழி என்று உயர்த்துவதுதான் பாரதிதாசனின் முயற்சி. ஆனால், இந்த அடிப்படைக் கருத்துகள் மக்களை முழுமையாகச் சென்று சேர்ந்ததா என்பது இன்றும் கேள்விக் குறியாக உள்ளது. இதை உணர்ந்தாலும் அதை ஏற்பார்களா என்பதும் சந்தேகமே. பிரிவினையை மக்கள் ஏற்கமாட்டார்கள் என்பதை திருமாவளவன் போன்றவர்கள் தேர்தலில் தனித்துப் போட்டியிட்டால் தெரியவரும். நமக்கு குழி பறித்து நம்மை வீழ்த்துகின்ற சக்திகள் தான் சுற்றி இருக்கின்றன. இன்றும் தமிழன் என்று சொல்லிக் கொண்டு தமிழகத்தில் கருணாநிதி ஆட்சி நடத்துவதா என்று கேட்கின்றவர்கள் தான் நாட்டில் உள்ளனர். தமிழாய்ந்த தமிழ்மகன்தான் தமிழ்நாட்டில் முதல்வராக இருக்க வேண்டும் என்று பாரதிதாசன் கூறியுள்ளார். இதற்கு எடுத்துக்காட்டு கருணாநிதி. பெரும்பான்மை இருக்கலாம். சில நேரத்தில் சிறுபான்மை ஆகலாம். நமக்கு பெரும்பான்மை செல்வாக்கு என்பது சட்டப்பேரவையில் எண்ணிக்கை அடிப்படையில் கிடைத்தால் கூட, அது சிறுபான்மை ஆட்சியாகத் தான் பலரால் சித்தரிக்கப்படும்.  அமெரிக்காவில் கூட்டாட்சி கொள்கை மகத்தான வெற்றியைப் பெற்றுள்ளது. இதற்கு கூட்டாட்சி ஏற்படும் முன்னர் சுதந்திரமாக இருந்த ஒவ்வொரு மாநிலமும் சேர்ந்து கூட்டாட்சியை ஏற்படுத்தின. ஆங்கிலேயர் காலத்தில் ஒரு வைசிராய் தலைமையில் தனித் தனியாக இருந்த மாகாணங்களின் நிர்வாகம் இருந்தது. சமரச முயற்சியாக உத்தரப்பிரதேசத்தில் முஸ்லிம் முதல்வராக வர வேண்டும் என்ற யோசனையை நேரு ஏற்கவில்லை. இதனால் தான் பிரிவினை கோரிக்கை வலுப்பெற்றது. இப்போது மத்திய அரசு, மாநிலங்களை மதிக்கும் நிலை ஏற்பட்டுள்ளது. கடந்த காலங்களில் மத்திய அரசு 100-க்கும் மேற்பட்ட முறை மாநில அரசுகளைக் கலைத்தது. ஆனால், இப்போது அது முடியாது. மாநிலங்கள் நினைத்தால் மத்திய அரசை கவிழ்க்க முடியும் என்ற நிலை ஏற்பட்டுள்ளது. கூட்டாட்சி கொள்கையின்படி மத்தியில் அதிகாரங்கள் குவிந்துகொண்டே போகக் கூடாது. இதனால் தான் இலங்கையில் இப்போதை விளைவு ஏற்பட்டது. இதேபோல மாநிலங்களில் வட்டார உணர்வு காரணமாகத்தான் ஏதேனும் ஒரு வகையில் தெலங்கானா போராட்டம் தொடர்கிறது. அவர்கள் ஏற்கெனவே சமஸ்தானமாக இருந்த காரணத்தால் அந்த உணர்வு மேலோங்கி தெலங்கானா கோரி போராடுகின்றனர். இது தவறு என்று வாதிட முடியாது. பிரெஞ்சுக்காரர்கள் ஆண்டதற்காகவே அங்குள்ள மக்களின் உரிமைகளுக்கு தனிச்சிறப்பு அளிக்கப்பட்டுள்ளது. முன்பு மத்தியில் ஒரே கட்சி ஆட்சியிருந்ததால் மாநிலங்களை மதிக்க வேண்டிய தேவை இல்லாமல் இருந்திருக்கலாம். ஆனால், இப்போது அத்தகைய நிலை இல்லை. மாநில கட்சிகள் ஆதரவு அளித்து மத்தியில் ஆட்சி அமைப்பது இக்காலத்தில் உள்ளது. மாநிலத்தில் சுயாட்சி, மத்தியில் கூட்டாட்சி என்பது இன்று இல்லாவிட்டாலும் நாளை நடைமுறையில் கொண்டுவர வேண்டியது என்பது எனது நம்பிக்கை. மாநில அரசுகளின் பெருந்தன்மையால் தான் மத்திய அரசு நிலைக்கிறது.  மாநில அரசு பெருமளவு கைகொடுத்து, மத்தியில் ஓர் அரசு தேவை என்று கருதுவதால் மத்திய அரசு நிலைக்கிறது. இப்போதும் காலம் மாறுகிறது. எனினும், நம் உரிமைகள் நிலைக்கும் என்றார் அமைச்சர் அன்பழகன்.  இதில் நூலாசிரியரும், திட்டக் குழுத் துணைத் தலைவருமான மு. நாகநாதன், விடுதலைச் சிறுத்தைகள் கட்சியின் தலைவர் தொல். திருமாவளவன் எம்.பி., உள்ளிட்டோர் பங்கேற்றனர்.

திங்கள், 13 செப்டம்பர், 2010


தனிமனிதர் எவரும் தமிழைவிட பெரியவரில்லை: நிதியமைச்சர் க. அன்பழகன் பேச்சு
First Published : 12 Sep 2010 11:56:46 AM IST


புதுக்கோட்டை, செப். 11:  தனிமனிதர் எவரும் தமிழைவிட பெரியவரில்லை என்றார் நிதியமைச்சர்  க. அன்பழகன்.  புதுக்கோட்டையில் வெள்ளிக்கிழமை இரவு திமுக இலக்கிய அணிச் செயலரும் முன்னாள் சட்டப்பேரவை உறுப்பினருமான ரா.சு. கவிதைப்பித்தனின் கவிதை நூலை வெளியிட்டு மேலும் அவர் பேசியது:  ""மொழிகளுக்கு எல்லாம் ஆதிமொழியாக தமிழ் திகழ்கிறது. வடமொழியிலிருந்தே மொழிகள் பிறந்தன என்றும் வடமொழியின் துணையின்றி தமிழ் மொழி இயங்காது என்றும் கூறப்பட்ட பொய், புரட்டுகளையெல்லாம் பொய்யாக்கி, தமிழ் மொழி தனித்தியங்கும் வலிமையுடையது என மொழி அறிஞர்கள் நிரூபித்ததால் இன்று செம்மொழியாகத் திகழ்கிறது தமிழ்.   தனி மனிதர் எவரும் தமிழைவிட பெரியவரில்லை. நாமெல்லாம் தமிழன் என்ற பெருமையையும் திராவிடன் என்ற உணர்வையும் கட்டிக் காக்க வேண்டும்.  தற்காலக் கவிதைகளைப் படிக்க முடிவதில்லை: கவிதைகளை விரும்பிப் படிப்பவன் நான். பாரதியார், பாரதிதாசன் கவிதைகளைப் படிக்கும்போது ஒரு வரியைக்கூட விட முடியாது. ஆனால், தற்போது வெளிவரும் கவிதைகள் அப்படி இல்லை. நாலு வரி படித்தால் அதற்கு மேல் படிக்க முடிவதில்லை.  சிறப்புமிக்க ஒரு மொழியை நாம் பெற்றுள்ளோம். அதைக் கையாளும்போது வரலாற்று பிரக்ஞை தேவை. மொழியால் வாழும் கவிஞர்களுக்கு, தங்கள் கவிதைகள் மூலமாக சமுதாயத்தைச் சீர்திருத்தும் ஆற்றல் தேவை.  கவிஞர்கள் எண்ணத்தில் உதிக்கும் கருத்துகள் நல்லவையாக இருந்தால் அவை மக்களை நல்வழிப்படுத்தும். எதிர்மறையாக இருந்தால், கவிதையும் தடம் புரளும்; அதைப் படைத்தவரும் நிலைக்க முடியாமல் காலத்தால் அடித்துச் செல்லப்படுவார். இதை உணர்ந்து கவிஞர்கள் செயல்பட வேண்டும்'' என்றார் அன்பழகன்.  முன்னதாக கவிதை நூலை அவர் வெளியிட, மத்திய நிதித் துறை இணை அமைச்சர் எஸ்.எஸ். பழநிமாணிக்கம் பெற்றுக்கொண்டார்.   விழாவுக்கு, முன்னாள் மத்திய அமைச்சர் எஸ். ரகுபதி தலைமை வகித்தார்.
கருத்துக்கள்

எம்.ஜி.ஆர், ஜெயா ஆட்சிக் காலங்களில் தமிழுக்காக, தமிழ் இனத்திற்காக தங்கள் கவிதைகளில் கனல் கக்கிய மேத்தா, வைரமுத்து, அப்துல் ரகுமான் உள்ளிட்ட பல கவிஞர்கள் இன்று கிடைக்கும் மேடைகளில் எல்லாம் அரச குடும்பத்தினரை துதி பாடும் புலவர்கள் போல் மாறிவிட்ட கொடுமை கண்டு சீறியுள்ளார், இனமானப் பேராசிரியர்.
By சிங்களன்
9/12/2010 11:55:00 PM
Anbazhagan has at last revealed his inner opinion on poems written as prose by so called poets.
By K.Thirumalairajan
9/12/2010 8:27:00 PM
மலையாளியோ தெலுங்கரோ அல்லது கன்னடரோ தான் திராவிடர் என்று கூறுவதில்லை. சென்னை மாகானம் இருந்தபோது இவை அணைத்தும் ஒன்றாக இருந்தது திராவிடம் என்ற சொல் பயன்பாடு சரி. ஆனால், மொழிவாரியாக மாநிலங்கள் பிரிவதை அது தடுக்க முடிவயவில்லை, மலையாளி தெலுங்கர் மற்றும் கன்னடரிடம் இன உணர்வை தோற்றுவிக்க வில்லை. மொழி உணர்வே தனி மாநிலங்களுக்கு வழிவகை செய்தது. தமிழ்நாட்டில் திராவிடம் தமிழரை பிற மொழிகாரர்கள் ஏமாற்றி ஆளவே அது உதவியது உதவுகிறது. உங்களுக்கு இன உணர்வு இருந்திருந்தால் ஈழத் தமிழர்களை படுகொலைக்கு உடைந்தையாக இருந்திருப்பீர்களர்? ஈழத்தமிழர் வேறு நாம் வேறு என்றுதானே கோவை தேர்தல் கூட்டத்தில் பேசினார் இவர். திரவாவிடனாக இல்லாமல் தமிழனாக இருந்தால் இனப்படுகொலை நடந்தேரியிருக்குமா? திராவிடம் என்பது ஏய்த்து பிழைக்கவே!
By Unmai
9/12/2010 5:05:00 PM
உங்கள் கருத்தைப் பதிவு செய்யுங்கள்