ilakkuvanar nuutraandu vizhaa லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
ilakkuvanar nuutraandu vizhaa லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
செவ்வாய், 14 டிசம்பர், 2010
ஞாயிறு, 4 ஏப்ரல், 2010
புதன், 17 மார்ச், 2010
தன்மானத் தமிழ் மறவர் சி.இலக்குவனார் நூற்றாண்டு விழா, ஒரு கண்ணோட்டம்!
---பழமைபேசி
வரலாறு காணாதபடி, பெரும் பனிப்பொழிவு ஆட்கொண்ட பூமியில், இளவேனிற் காலம் திரும்பியிருந்தது. கூடவே, மலையெனக் குவிக்கப்பட்ட பனிப்பொழிவும் முழுவதுமாய்க் கரைந்து விட்டிருந்தது. குளிரில்லாத இதமான காற்று தழுவிய நேரமது; பிற்பகல் சரியாக மணி இரண்டு!!
மேரிலாந்து மாகாணத்தில் இருக்கும் கொலம்பியா நகரம். அமெரிக்காவிலேயே முனைவர்கள் அதிகமாக வாழும் ஊர் இதுவாகத்தான் இருக்கும்! அந்நகரத்தின் மைய நூலகத்தில் தன்மானத் தமிழ் மறவர் சி.இலக்குவனாருக்கு நூற்றாண்டு விழாவும், புறநானூற்றுக் கருந்தரங்க நிகழ்ச்சியும்.
சிகாகோ நகரில் இருந்து முனைவர் ஃபிரான்சிஸ் முத்து அவர்களும், மருத்துவர் இளங்கோ அவர்களும் முன்னதாகவே வந்து குழுமி இருந்தார்கள். மருத்துவர் அவர்கள், கையோடு புத்தகங்களைக் கொண்ர்ந்து அங்கே பார்வையாளர்களுக்காக வைத்திருந்த காட்சி அனைவரையும் வெகுவாகக் கவர்ந்தது. மனமுவந்த நன்கொடையோடு புத்தகங்கள் இடம் மாறிக் கொண்டு இருந்தது.
கண்மூடித் திறப்பதற்குள் அரங்கம் ஆயத்த நிலைக்கு வந்தது எப்படி என்றே புரியவில்லை. காலநேரம் தவறாமை என்பது முனைவர் பிரபாகர் அய்யா அவர்களின் தாரகமந்திரம் எனப் பலர், சிலாகித்துக் கொண்டு இருந்ததையும் காண முடிந்தது.
தமிழாசான் திரு.கொழந்தைவேல் இராமசாமி அவர்களுடன் இணைந்து மற்றவர்களும் தமிழ்வாழ்த்தைப் பாட, நிகழ்ச்சியானது துவங்கியது. வட அமெரிக்கத் தமிழ்ச்சங்கப் பேரவைத் தலைவர் முனைவர் முத்துவேல் செல்லையா அவர்கள் தலைமை உரையாற்றியும், விழாவைத் தொகுத்தும் வழங்கினார்கள்.
புறநானூறு காட்டும் சங்ககாலத் தமிழகம் எனும் தலைப்பில் உரையாற்ற, முனைவர் ஃபிரான்சிஸ் முத்து அவர்களுக்கு விழாத் தலைவர் அழைப்பு விட்டதைத் தொடர்ந்து, அவர் மேடைக்கு வந்து சங்ககாலத்தை பாடற்சான்றுக்ளுடன், சமத்துவம் வாய்ந்த சமுதாயம் எப்படிச் சங்க்காலத்தில் சிறந்தோங்கியது என்பதை வெகு அழகாக விளக்கினார்.
அகம், புறம் என்பதற்கு அவர் அளித்த விளக்கம் அனைவரையும் கவர்ந்தது. கூடவே, அன்றைய காலத்தில் இலக்கிய வரம்பு என ஒன்று எவ்வாறெல்லாம் கடைபிடிக்கப்பட்டது என்பதையும் தெளிதமிழில் விளக்கிக் கூறினார்.
முனைவர் ஃபிரான்சிஸ் முத்து அவர்களுக்கு அடுத்தபடியாகப் பேச வந்தார், இலக்கிய வட்டத் தலைவர், முனைவர் திரு.இர,பிரபாகரன் அவர்கள். எப்படி வாழ வேண்டும் என்பதைச் சொல்கிறது திருக்குறள்; சங்ககாலத்தில் எப்படி வாழ்ந்தார்கள் என்பதைச் சொல்கிறது புறநானூறு என்று எவருக்கும் விளங்கும்படியாக, அடுக்கடுக்காக செறிவான இலக்கிய மேற்கோள்களைக் காண்பித்து, அனைவரையும் இலக்கிய மழையில் நனைய வைத்தார் இவர்.
கொடை எவ்வாறு போற்றப்பட்டது என்பதையும், புரவலர்களும் புலவர்களும் எப்படி வாழ்ந்தார்கள் என்பதையும் அங்கு கூடியவர்கள் கண்முன்னே, காட்சிகளாகக் கொண்டு வந்து நிறுத்தினார் என்று சொன்னால், அது மிகையாகாது. மொத்தத்தில், சங்ககாலமென்பது தமிழகத்தின் பொற்காலம் என, அவர் தனது சொற்பொழிவை முடிவுக்கு கொண்டு வந்த போது, குழுமியிருந்த அனைவரும் சங்ககாலத்திற்கே நாம் சென்றுவிடக் கூடாதா என ஏக்கப் பெருமூச்சு விட்டனர்.
அடுத்தபடியாக, கோவை மாவட்டத்தில் இருந்து வந்திருந்த நல்லாசிரியர் திரு. கு.பெ. வேலுச்சாமி அவர்களைப் பேச வருமாறு தலைவர் அவர்கள் அழைப்புவிட, தமிழ்க்கடலே வந்து அனைவர் முன்னும் தோன்றியது.
புறநானூறு கூறும் வாழ்வியல் கருத்துகள் என்ற தலைப்பில் பேச வந்த நல்லாசிரியர் அவர்கள், வாழ்வின் அகக்கூறுகளையும் புறக்கூறுகளையும் வெகு அழகாக, அற்புதமான சொல்லாடலில் விளக்கினார். அறம் என்பது பண்டமாற்று அல்ல என அவர் அழுத்தம் திருத்தமாகச் சொல்லியபோது, அரங்கத்தினர் ஞானோதயம் பெற்றது போன்ற ஒரு அகச்சூழலுக்கு ஆட்பட்டனர்.
நல்லாசிரியர் திரு.கு. பெ. வேலுச்சாமி அவர்களை அடுத்து, நூற்றாண்டு விழா நாயகர், தமிழ்க்காவலர் சி.இலக்குவனார் அவர்களின் புதல்வி, முனைவர்.இ. மதியழகி மனோகரன் அவர்களை, ஆசிரியர் தலைவர் என்ற வகையிலே, பல போராட்டங்களை முன்னின்று நடத்தியதில், ஐந்து முறை சிறை சென்ற்வர் இவர் என அறிமுகம் செய்து வைக்கப்பட்டதும், பலத்த கரவொலியோடு மேடைக்கு வந்தார் முனைவர். இ.மதியழகி மனோகரன் அவர்கள்.
புறநானூற்று நெறியில் தமிழறிஞர் இலக்குவனார் எனும் தலைப்பில் பேசிய, தமிழறிஞரின் புதல்வி, தன் தந்தையார் எப்படி எல்லாம் தமிழுக்காக, தமிழ் இனத்துக்காக உழைத்தார் என்பதையும், கொடைக் குணத்தை எப்படி எல்லாம் வெளிப்படுத்தினார் என்பதையும் மற்றவர்களோடு பகிர்ந்து கொண்டார்.
இடைவேளை நேரம் அறிவிக்கப்பட்டு, வந்திருந்த அனைவருக்கும் சிற்றுண்டி அளிக்கப்பட்டது. குறித்த நேரத்தில், நிகழ்ச்சிகள் நடைபெற வேண்டும் என்பதில் அனைவருமே திண்ணமாக இருந்தபடியால், அடுத்ததாகக் குறித்த நேரத்தில், செந்தமிழ்க் காவலர் பேராசிரியர் இலக்குவனார் எனும் தலைப்பில் பேச வந்தவர் முனைவர் அரசு செல்லய்யா அவர்கள்.
முனைவர் அரசு செல்லய்யா அவர்கள், பேராசிரியரின் பங்களிப்புகள் ஒவ்வொன்றையும் நேர்த்தியாக எடுத்துக் கூறி, அவர் எப்படியெல்லாம் போராடுவோரிடம் போராடி, இணக்கமாக இருக்க வேண்டியவரிடத்து இணக்கமாக இருந்து, தமிழுக்கும் தமிழனுக்கும் பங்காற்றினார் என்பதை விவரித்தார்.
சொற்பொழிவு என்ற முறையிலே, இறுதியாக, இவர் ஒரு செயல்வீரர் என்ற முன்னுரையோடு, தன்மானத் தமிழ் மறவர் இலக்குவனார் எனும் தலைப்பில் பேச வந்தார் பதிவர் பழமைபேசி.
வந்தவர், வந்த வேகத்திலேயே, தமிழையும் தமிழனையும் தமிழ்நாட்டிலேயே இரண்டாந்தரமாக நடத்தும் போது, தன்மானத் தமிழ் மறவர் வழியில் நின்று நாம் ஏன் போராடக் கூடாது என உணர்ச்சி வயப்படலானார். அதைத் தொடர்ந்து, தன்மானத் தமிழ் மறவர் பற்றிய செய்திகளைப் பகிர்ந்து கொண்ட பின்னர், வாய்ப்புக் கொடுத்த தமிழ்ச் சங்கப் பேரவைக்கு நன்றி ந்வில்ந்து தனது உரையை முடித்துக் கொண்டார் பழமைபேசி என்கிற மணிவாசகம்.
விழாத் தலைவர் அவர்களால் துடிப்பான உரை என வர்ணிக்கப்பட்ட பழமைபேசியின் உரையைத் தொடர்ந்து, அனைவரும் பேரார்வத்துடன் எதிர்நோக்கிக் கொண்டிருந்த, நாஞ்சில். திரு. பீற்றர் அய்யா அவர்களின் புறநானூறு - வினா விடை விளக்கம் எனும் பல்லூட நிகழ்ச்சி மிகுந்த எழுச்சியோடு உயிர்த்தது.
முனவர். ஜெயந்தி சங்கர் அவர்கள் இலக்குவனார் அணிக்குத் தலைமை ஏற்றும், திரு. கொழந்தைவேல் இராமசாமி அவர்கள் பாவாணர் அணிக்குத் தலைமை ஏற்றும் இருந்தார்கள். இரு அணியினருமே, புறநானூற்றுப் பாடல்களை நன்கு கற்றாய்ந்து வந்திருந்தனர்.
வினாவுக்கு விடை என்பதோடு மட்டுமில்லாமல், மேலதிக விளக்கங்களை அளித்ததின் மூலம், வந்திருந்தோருக்கும் புறநானூற்றுச் சுவையை அளித்த பெருமை, நாஞ்சில் பீற்றர் அய்யா அவர்களையும், இலக்கிய வட்டத் தலைவர் முனைவர் பிரபாகர் அவர்களைச் சாருமென்பதில் இருவேறு கருத்துகள் இருக்க முடியாது.
நிகழ்ச்சியானது முடிபை நெருங்கிவிட, நல்லதொரு நிகழ்ச்சி முடிபுக்கு வந்து விட்டதே என அனைவரும் அங்கலாய்த்துக் கொண்டனர்.
அரங்கம் நிறைந்து, இடவசதி நெருக்கமாக இருந்ததால், அடுத்த முறை பெரிய அரங்கில்தான் வைக்க வேண்டும் என அனைவரும் ஒருமித்த குரலில் கூறிக் கொண்டனர்.
இறுதியாக, வாசிங்டன் வட்டாரத் தமிழ்ச்சங்கத்தின் தலைவி, திருமதி. கல்பனா மெய்யப்பன் அவர்கள் நன்றி நவில, விழா இனிதே முடிவுற்றது. கூடவே, மீண்டும் இந்நாள் எப்போது வாய்த்திடுமோ என்ற எண்ணத்தினூடே ஒருவொருக்கொருவர் பிரியா விடை பெறலாயினர்.
மேரிலாந்து மாகாணத்தில் இருக்கும் கொலம்பியா நகரம். அமெரிக்காவிலேயே முனைவர்கள் அதிகமாக வாழும் ஊர் இதுவாகத்தான் இருக்கும்! அந்நகரத்தின் மைய நூலகத்தில் தன்மானத் தமிழ் மறவர் சி.இலக்குவனாருக்கு நூற்றாண்டு விழாவும், புறநானூற்றுக் கருந்தரங்க நிகழ்ச்சியும்.
சிகாகோ நகரில் இருந்து முனைவர் ஃபிரான்சிஸ் முத்து அவர்களும், மருத்துவர் இளங்கோ அவர்களும் முன்னதாகவே வந்து குழுமி இருந்தார்கள். மருத்துவர் அவர்கள், கையோடு புத்தகங்களைக் கொண்ர்ந்து அங்கே பார்வையாளர்களுக்காக வைத்திருந்த காட்சி அனைவரையும் வெகுவாகக் கவர்ந்தது. மனமுவந்த நன்கொடையோடு புத்தகங்கள் இடம் மாறிக் கொண்டு இருந்தது.
கண்மூடித் திறப்பதற்குள் அரங்கம் ஆயத்த நிலைக்கு வந்தது எப்படி என்றே புரியவில்லை. காலநேரம் தவறாமை என்பது முனைவர் பிரபாகர் அய்யா அவர்களின் தாரகமந்திரம் எனப் பலர், சிலாகித்துக் கொண்டு இருந்ததையும் காண முடிந்தது.
தமிழாசான் திரு.கொழந்தைவேல் இராமசாமி அவர்களுடன் இணைந்து மற்றவர்களும் தமிழ்வாழ்த்தைப் பாட, நிகழ்ச்சியானது துவங்கியது. வட அமெரிக்கத் தமிழ்ச்சங்கப் பேரவைத் தலைவர் முனைவர் முத்துவேல் செல்லையா அவர்கள் தலைமை உரையாற்றியும், விழாவைத் தொகுத்தும் வழங்கினார்கள்.
புறநானூறு காட்டும் சங்ககாலத் தமிழகம் எனும் தலைப்பில் உரையாற்ற, முனைவர் ஃபிரான்சிஸ் முத்து அவர்களுக்கு விழாத் தலைவர் அழைப்பு விட்டதைத் தொடர்ந்து, அவர் மேடைக்கு வந்து சங்ககாலத்தை பாடற்சான்றுக்ளுடன், சமத்துவம் வாய்ந்த சமுதாயம் எப்படிச் சங்க்காலத்தில் சிறந்தோங்கியது என்பதை வெகு அழகாக விளக்கினார்.
அகம், புறம் என்பதற்கு அவர் அளித்த விளக்கம் அனைவரையும் கவர்ந்தது. கூடவே, அன்றைய காலத்தில் இலக்கிய வரம்பு என ஒன்று எவ்வாறெல்லாம் கடைபிடிக்கப்பட்டது என்பதையும் தெளிதமிழில் விளக்கிக் கூறினார்.
முனைவர் ஃபிரான்சிஸ் முத்து அவர்களுக்கு அடுத்தபடியாகப் பேச வந்தார், இலக்கிய வட்டத் தலைவர், முனைவர் திரு.இர,பிரபாகரன் அவர்கள். எப்படி வாழ வேண்டும் என்பதைச் சொல்கிறது திருக்குறள்; சங்ககாலத்தில் எப்படி வாழ்ந்தார்கள் என்பதைச் சொல்கிறது புறநானூறு என்று எவருக்கும் விளங்கும்படியாக, அடுக்கடுக்காக செறிவான இலக்கிய மேற்கோள்களைக் காண்பித்து, அனைவரையும் இலக்கிய மழையில் நனைய வைத்தார் இவர்.
கொடை எவ்வாறு போற்றப்பட்டது என்பதையும், புரவலர்களும் புலவர்களும் எப்படி வாழ்ந்தார்கள் என்பதையும் அங்கு கூடியவர்கள் கண்முன்னே, காட்சிகளாகக் கொண்டு வந்து நிறுத்தினார் என்று சொன்னால், அது மிகையாகாது. மொத்தத்தில், சங்ககாலமென்பது தமிழகத்தின் பொற்காலம் என, அவர் தனது சொற்பொழிவை முடிவுக்கு கொண்டு வந்த போது, குழுமியிருந்த அனைவரும் சங்ககாலத்திற்கே நாம் சென்றுவிடக் கூடாதா என ஏக்கப் பெருமூச்சு விட்டனர்.
அடுத்தபடியாக, கோவை மாவட்டத்தில் இருந்து வந்திருந்த நல்லாசிரியர் திரு. கு.பெ. வேலுச்சாமி அவர்களைப் பேச வருமாறு தலைவர் அவர்கள் அழைப்புவிட, தமிழ்க்கடலே வந்து அனைவர் முன்னும் தோன்றியது.
புறநானூறு கூறும் வாழ்வியல் கருத்துகள் என்ற தலைப்பில் பேச வந்த நல்லாசிரியர் அவர்கள், வாழ்வின் அகக்கூறுகளையும் புறக்கூறுகளையும் வெகு அழகாக, அற்புதமான சொல்லாடலில் விளக்கினார். அறம் என்பது பண்டமாற்று அல்ல என அவர் அழுத்தம் திருத்தமாகச் சொல்லியபோது, அரங்கத்தினர் ஞானோதயம் பெற்றது போன்ற ஒரு அகச்சூழலுக்கு ஆட்பட்டனர்.
நல்லாசிரியர் திரு.கு. பெ. வேலுச்சாமி அவர்களை அடுத்து, நூற்றாண்டு விழா நாயகர், தமிழ்க்காவலர் சி.இலக்குவனார் அவர்களின் புதல்வி, முனைவர்.இ. மதியழகி மனோகரன் அவர்களை, ஆசிரியர் தலைவர் என்ற வகையிலே, பல போராட்டங்களை முன்னின்று நடத்தியதில், ஐந்து முறை சிறை சென்ற்வர் இவர் என அறிமுகம் செய்து வைக்கப்பட்டதும், பலத்த கரவொலியோடு மேடைக்கு வந்தார் முனைவர். இ.மதியழகி மனோகரன் அவர்கள்.
புறநானூற்று நெறியில் தமிழறிஞர் இலக்குவனார் எனும் தலைப்பில் பேசிய, தமிழறிஞரின் புதல்வி, தன் தந்தையார் எப்படி எல்லாம் தமிழுக்காக, தமிழ் இனத்துக்காக உழைத்தார் என்பதையும், கொடைக் குணத்தை எப்படி எல்லாம் வெளிப்படுத்தினார் என்பதையும் மற்றவர்களோடு பகிர்ந்து கொண்டார்.
இடைவேளை நேரம் அறிவிக்கப்பட்டு, வந்திருந்த அனைவருக்கும் சிற்றுண்டி அளிக்கப்பட்டது. குறித்த நேரத்தில், நிகழ்ச்சிகள் நடைபெற வேண்டும் என்பதில் அனைவருமே திண்ணமாக இருந்தபடியால், அடுத்ததாகக் குறித்த நேரத்தில், செந்தமிழ்க் காவலர் பேராசிரியர் இலக்குவனார் எனும் தலைப்பில் பேச வந்தவர் முனைவர் அரசு செல்லய்யா அவர்கள்.
முனைவர் அரசு செல்லய்யா அவர்கள், பேராசிரியரின் பங்களிப்புகள் ஒவ்வொன்றையும் நேர்த்தியாக எடுத்துக் கூறி, அவர் எப்படியெல்லாம் போராடுவோரிடம் போராடி, இணக்கமாக இருக்க வேண்டியவரிடத்து இணக்கமாக இருந்து, தமிழுக்கும் தமிழனுக்கும் பங்காற்றினார் என்பதை விவரித்தார்.
சொற்பொழிவு என்ற முறையிலே, இறுதியாக, இவர் ஒரு செயல்வீரர் என்ற முன்னுரையோடு, தன்மானத் தமிழ் மறவர் இலக்குவனார் எனும் தலைப்பில் பேச வந்தார் பதிவர் பழமைபேசி.
வந்தவர், வந்த வேகத்திலேயே, தமிழையும் தமிழனையும் தமிழ்நாட்டிலேயே இரண்டாந்தரமாக நடத்தும் போது, தன்மானத் தமிழ் மறவர் வழியில் நின்று நாம் ஏன் போராடக் கூடாது என உணர்ச்சி வயப்படலானார். அதைத் தொடர்ந்து, தன்மானத் தமிழ் மறவர் பற்றிய செய்திகளைப் பகிர்ந்து கொண்ட பின்னர், வாய்ப்புக் கொடுத்த தமிழ்ச் சங்கப் பேரவைக்கு நன்றி ந்வில்ந்து தனது உரையை முடித்துக் கொண்டார் பழமைபேசி என்கிற மணிவாசகம்.
விழாத் தலைவர் அவர்களால் துடிப்பான உரை என வர்ணிக்கப்பட்ட பழமைபேசியின் உரையைத் தொடர்ந்து, அனைவரும் பேரார்வத்துடன் எதிர்நோக்கிக் கொண்டிருந்த, நாஞ்சில். திரு. பீற்றர் அய்யா அவர்களின் புறநானூறு - வினா விடை விளக்கம் எனும் பல்லூட நிகழ்ச்சி மிகுந்த எழுச்சியோடு உயிர்த்தது.
முனவர். ஜெயந்தி சங்கர் அவர்கள் இலக்குவனார் அணிக்குத் தலைமை ஏற்றும், திரு. கொழந்தைவேல் இராமசாமி அவர்கள் பாவாணர் அணிக்குத் தலைமை ஏற்றும் இருந்தார்கள். இரு அணியினருமே, புறநானூற்றுப் பாடல்களை நன்கு கற்றாய்ந்து வந்திருந்தனர்.
வினாவுக்கு விடை என்பதோடு மட்டுமில்லாமல், மேலதிக விளக்கங்களை அளித்ததின் மூலம், வந்திருந்தோருக்கும் புறநானூற்றுச் சுவையை அளித்த பெருமை, நாஞ்சில் பீற்றர் அய்யா அவர்களையும், இலக்கிய வட்டத் தலைவர் முனைவர் பிரபாகர் அவர்களைச் சாருமென்பதில் இருவேறு கருத்துகள் இருக்க முடியாது.
நிகழ்ச்சியானது முடிபை நெருங்கிவிட, நல்லதொரு நிகழ்ச்சி முடிபுக்கு வந்து விட்டதே என அனைவரும் அங்கலாய்த்துக் கொண்டனர்.
அரங்கம் நிறைந்து, இடவசதி நெருக்கமாக இருந்ததால், அடுத்த முறை பெரிய அரங்கில்தான் வைக்க வேண்டும் என அனைவரும் ஒருமித்த குரலில் கூறிக் கொண்டனர்.
இறுதியாக, வாசிங்டன் வட்டாரத் தமிழ்ச்சங்கத்தின் தலைவி, திருமதி. கல்பனா மெய்யப்பன் அவர்கள் நன்றி நவில, விழா இனிதே முடிவுற்றது. கூடவே, மீண்டும் இந்நாள் எப்போது வாய்த்திடுமோ என்ற எண்ணத்தினூடே ஒருவொருக்கொருவர் பிரியா விடை பெறலாயினர்.
ஞாயிறு, 14 மார்ச், 2010
தலை வணங்காத் தமிழ்ச் சிங்கம்
பேராசிரியர்இலக்குவனார்
டாக்டர் ப. காளிமுத்து எம்.ஏ., பிஎச்.டி. விடுதலை ஞாயிறுமலர் 13-03-2010
 |
தமிழகம் ஏறக்குறைய மறந்துவிட்ட நிலையில் பேராசிரியர் இலக்குவனாரின் நூற்றாண்டு விழாவை நினைவுபடுத்தி வரலாற்றைத் திருப்பிப் பார்க்க வைத்திருக்கிறது திராவிடர் கழகம்! மற்றவர்கள் செய்யாததை, மற்றவர்-களால் செய்ய முடியாததைத் திராவிடர் கழகம் செய்து காட்டும் என்று தமிழர் தலைவர் முழங்கிவருவது எவ்வளவு பொருத்தமுடைய வரலாற்று உண்மை என்பதைத் தமிழ் கூறும் நல்லுலகம் உணர்ந்துகொள்ள வேண்டும். பேராசிரியர் இலக்குவனாரைப் பற்றி எவரும் நினைக்காது போய்விட்டனரே என்று வருந்திக் கொண்டிருந்த நேரத்தில் விடுதலை ஏடு இலக்கு-வனாரைப் பற்றி மிக அருமையான முறையில் எழுதி எம்மை மகிழ்வித்தது!
தமிழக வரலாற்றில் ஒரு திருப்பு முனையை ஏற்படுத்தியது 1965 ஆம் ஆண்டு இந்தி எதிர்ப்புப் போராட்-டமாகும். இப்போராட்டம் மதுரையில் கால்கொண்டு பெரும் புரட்சியாக வெடிப்பதற்குப் பேராசிரியர் இலக்கு-வனாரும் காரணமாவார். இந்தி ஆதிக்கத்தை எதிர்த்து மதுரையிலிருந்து சென்னை வரை நடைப்பயணம் மேற்கொள்ளவிருந்த பேராசிரியர் இலக்குவனாரை அன்றைய காங்கிரசு அரசு இந்தியப் பாதுகாப்புச் சட்டத்தில் (ஞிமிஸி) கைது செய்து சிறையில் அடைத்-தது. இதனால் மாணவர் உலகம் கொந்-தளித்தது. இந்தி எதிர்ப்புப் போராட்-டம் தீவிரமடைந்தது.
மாண்புமிகு கலைஞர் நடத்தி வந்த முத்தாரம் இதழின் முன் அட்டையில் சிறைக்கம்பிகளுக்குள் இலக்குவனார் இருப்பதைப் போன்று பெரிய படம் ஒன்றை வெளியிட்டுத் தமிழ்த் தாயே சிறையில்! என்று அதற்குத் தலைப்புக் கொடுத்திருந்தார். மாண்புமிகு கலைஞர் அவர்கள் பேராசிரியர் இலக்குவனாரின் மாணவர் என்பது குறிப்பிடத்தக்கது.
விடுதலையாகி வெளியே வந்தபோது பேராசிரியர் இலக்குவனார்க்குப் பேரதிர்ச்சி காத்திருந்தது. காங்கிரசுக் கட்சி முதலமைச்சராக இருந்த பக்தவத்சலத்தின் தொல்லை தாங்க முடியாமல், கருமுத்து தியாகராசர் விருப்பமின்றிப் பேராசிரியர் இலக்கு-வனாரை வேலையிலிருந்து விலக்கி விட்டார். காங்கிரசாட்சியின் வரலாற்-றில் தமிழ் இன உணர்வு கொண்டோர் பணிநீக்கம் செய்யப்படுவதும் ஊர் ஊராய் இட மாற்றம் செய்யப்படுவதும் அன்று வாடிக்கையாக இருந்தது!
மிகுந்த தொல்லைக்கிடையே குறள்நெறி இதழை விடாது நடத்தி-வந்தார் இலக்குவனார். அவருக்குப் பொருளுதவி செய்ய வேண்டும் என்று மாணவர்களும் தமிழ் அன்பர்களும் கூடி முடிவு செய்தோம். மதுரை அமெரிக்கன் கல்லூரிப் பேராசிரியர் பொன். தினகரன் தலைமையில் ஒரு குழு அமைக்கப்-பட்டது. இலக்குவனாரின் அன்புக்குரிய மாணவராக விளங்கிய திரு.வீ. முத்து-சாமி அவர்கள் பொருளாளராக இருந்-தார். அல்லும் பகலுமாய் அலைந்து மாணவர்களும், மற்றையோரும் பொருள் திரட்டினர்.
நிதியளிப்பு விழாவிற்குப் பேரறிஞர் அண்ணா வந்திருந்தார். மதுரை தமுக்-கம் கலையரங்கில் விழா மிகச்சிறப்பாக நடந்தது. அண்ணா, இலக்குவனார்க்கு நிதிவழங்கிச் சிறப்புரையாற்றினார். இலக்குவனாரின் பணிகளையெல்லாம் மனந்திறந்து பாராட்டிய அண்ணா, வேலை போய்விட்டது என்று கவலைப் படாதீர்கள்; 67_ இல் தி-.மு. கழகம் ஆட்சிப் பொறுப்பேற்கும். அப்போது பேரா. இலக்குவனார்க்கு உயர்ந்த பதவி வழங்கப்படும் என்ற அறிவிப்பை வெளி-யிட்டார். கலையரங்கமே கையொலி-யால் அதிர்ந்து போயிற்று!
அண்ணா அறிவித்ததைப் போலவே தி.மு.க. ஆட்சிக்கு வந்தது. சென்னை மாநிலக்கல்லூரியின் தலைமைத் தமிழ்ப் பேராசிரியராக இலக்குவனார் நியமிக்-கப்பட்டார். தமிழ் நெஞ்சங்கள் மகிழ்ந்-தன!
ஓராண்டுக் காலம் மாநிலக் கல்லூரியில் பணியாற்றி விட்டு, அதன் பின்னர் ஆந்திராவிலுள்ள உசுமானி-யாப் பல்கலைக் கழகப் பேராசிரிய-ரானார் இலக்குவனார்.
எதிர்பாராத விதமாக அறிஞர் அண்ணா நோய்வாய்ப்பட்டார். அண்ணா மறைந்த நாளன்று பேரா-சிரியர் இலக்குவனார் நேராக என் அறைக்கு வந்துவிட்டார். (அப்போது திருவல்லிக்கேணி விக்டோரியா மாணவர் விடுதியில் நான் தயங்கியி-ருந்தேன். அது மாநிலக் கல்லூரியின் மாணவர்-விடுதி) என் அறையே கண்ணீ-ரால் நிறைந்திருந்ததைக் கண்ட பேராசிரியர், ஒரு குழந்தையைப் போலத் தேம்பித் தேம்பி அழுதார். அவருக்கு நாங்கள் ஆறுதல் சொல்ல வேண்டிய-தாகிவிட்டது.
இதற்குச் சில திங்கள் முன்பாக இலக்குவனாரின் இனிய மாணவரான திரு. வீ. முத்துசாமி அவர்களையும் மதுரை தியாகராசர் கல்லூரி நிருவாகம் பணி நீக்கம் செய்துவிட்டது. பேரா-சிரியர் இலக்குவனார் தொலைபேசி-யில் என்னை அழைத்து முத்துசாமிக்கு உதவுங்களையா என்றார். பேரா-சிரியர் மிகவும் மனம் வருந்தியிருந்தார் என்பதை அவருடைய குரல் உணர்த்-தியது. திரு.வீ.மு. அவர்கள் மாசில்லாத தமிழன்பர், தன்மான உணர்ச்சி மிக்க-வர். தந்தை பெரியார் மீது அளவற்ற அன்பு கொண்டவர். பேராசிரியர் இலக்கு-வனார் என்னைத் தொலை பேசியில் அழைத்துப் பேசிக் கொண்-டிருந்த போதே திரு. வீ.மு. அவர்கள் என்னைப் பார்ப்பதற்கு வந்துவிட்டார்.
உடனடியாக அவரை அழைத்துக் கொண்டு தமிழர் தலைவரிடம் சென்று நிலைமையை விளக்கினேன். தமிழர் தலைவரின் நன்முயற்சியால் இரண்டே நாட்களில் திரு. வீ.மு. அவர்களுக்கு அரசினர் கல்லூரியில் விரிவுரையாளர் பணி கிடைத்தது. பேராசிரியர் இலக்குவனார் பெரிதும் மகிழ்ச்சி அடைந்தார்.
ஊசுமானியாப் பல்கலைக் கழகத்திலிருந்து தமிழகத்திற்குத் திரும்பிய பேராசிரியர் இலக்குவனார் தமிழ்நாட்டில் உள்ள ஒரு பல்கலைக் கழகத்தின் துணைவேந்தர் ஆவதற்குப் பெரிதும் முயற்சி செய்தார். இரவு பகலாகப் பல்வேறு துறை வல்லுநர்-களையும் நாடாளுமன்ற, சட்டமன்ற உறுப்பினர்களையும் சந்தித்துத் தன் பெயரைத் துணை வேந்தர் பதவிக்குப் பரிந்துரைக்குமாறு கேட்டுக் கொண்டார். பேராசிரியரின் பையைத் தூக்கிக் கொண்டு அவரைப் பின் தொடர்ந்து நான் ஓடினேன்!
பேராசிரியர் இலக்குவனார் தமிழுக்-காகவும், தமிழ் இனத்திற்காகவும் பல்வேறு ஈகங்களைச் செய்தவர். அவர் கேட்காமலேயே துணைவேந்தர் பதவியை நாம் அவருக்குக் கொடுத்-திருக்க வேண்டும். அவர் கேட்டும் அது கிடைக்காது போயிற்று. ஆடை-யில் அழுக்குப் படாமல் தமிழ்த்-தொண்டு செய்தவர்களுக்குத் துணை-வேந்தர் பதவி கிடைத்தது. திராவிடர் இயக்க வரலாற்றில் நாம் கவனிக்காமல் விட்ட அறிஞர் பெருமக்கள் பலராவர். அது தனி ஆய்விற்குரியது! சிறையில் வாடிய செந்தமிழ்ச் சிங்கமாம் இலக்குவனார்க்குத் துணை வேந்தர் பதவி மட்டுமல்ல, எந்தப் பதவியும் கிட்டவில்லை. அவரையும் மொழி-நூல் மூதறிஞர் தேவநேயப் பாவாண-ரையும் பன்மொழிப்புலவர் அப்பாத்-துரையாரையும் நாம் சரியாகப் பயன்-படுத்திக் கொள்ளாமல் போய்-விட்டோம்.
பேராசிரியர் இலக்குவனார் தொல்-காப்பியத்தை ஆய்வு செய்து டாக்டர் பட்டம் பெற்றவர். அவருடைய ஆய்-வேட்டை இரண்டு முறை திருப்பி அனுப்பிவிட்டார்கள். தொல்காப்பியரின் காலம் கி.மு. ஏழாம் நூற்றாண்டிற்கு முற்பட்டது என்று இலக்குவனார் தம் ஆய்வேட்டில் நிறுவியிருந்தார். இக் கருத்தினை ஏற்காத_விரும்பாத பார்ப்-பனச் சார்புடைய தேர்வுக்குழுவினர் தொல்காப்பியர் காலத்தைக் கி.பி. இரண்டாம் நூற்றாண்டிற்குக் கொண்டு-வருமாறு தெரிவித்தனர். ஆனால் பேரா. இலக்குவனார் தம் கருத்தை மாற்றிக் கொள்ளாமல், டாக்டர் பட்டத்தை விடத் தொல்காப்பியர் காலமே இன்றியமை-யாதது என்று கருதினார். அதனால் மேலும் பல சான்றுகளை எடுத்துக் காட்டித் தொல்காப்பியர் காலம் கி.மு. ஏழாம் நூற்றாண்டிற்கு முற்பட்டது என்று துணிவுடன் எடுத்துக் கூறினார். வேறுவழியின்றிப் பேராசிரி யரின் கருத்தை ஏற்றுக் கொண்டு சென்னைப் பல்கலைக் கழகம் அவருக்கு டாக்டர் பட்டம் வழங்கியது.
பேராசிரியர் இலக்குவனாரின் ஆய்வேடு _ ‘Tholkappiam in English with ciritical studies’ என்னும் தலைப்பில் நூலாக வெளிவந்துள்ளது. அந்தக் காலத்தில் தமிழைப் பற்றி ஆராய்ச்சி செய்தாலும் ஆங்கிலத்தில்தான் ஆய்-வேட்டை எழுதித்தரவேண்டும். பேரறி-ஞர் அண்ணா இந்நூலுக்கு அணிந்துரை வழங்கியுள்ளமை குறிப்பிடத்தக்கதாகும்.
அண்ணா மேல் நாட்டுச் சுற்றுப் பயணம் மேற்கொண்டபோது தொல்-காப்பியத்தையும் திருக்குறளையும் உடன் எடுத்துச் சென்றார்கள். பேராசிரியர் இலக்குவனார் ஆங்கிலத்தில் மொழி-பெயர்த்த தொல்காப்பியத்தை மதுரையி-லிருந்து வரவழைத்து அதனைக் கொண்டு சென்றார். அண்ணாமலைப் பல்கலைக் கழக வடமொழிப் பேராசிரி-யாக இருந்த பி. சுப்பிரமணிய சாஸ்திரியும் தொல்காப்பியத்தை ஆங்கிலத்தில் மொழிபெயர்த்துள்ளார். எது சிறந்தது, எது நம்முடையது என்பதை அண்ணா நமக்கு அடையாளம் காட்டுவதற்காக இலக்குவனார் மொழி பெயர்த்த தொல்காப்பியத்தை எடுத்துச் சென்றார் என்பதை அன்பர்கள் உற்று நோக்க வேண்-டும். யேல் பல்கலைக் கழக மாண-வர்களுக்கு இலக்குவனாரின் புத்தகத்-தையே அண்ணா பரிசாக அளித்துள்-ளார் என்பது குறிப்பிடத்தக்கதாகும்.
சென்னை மாநிலக் கல்லூரியில் இலக்குவனார் பணியாற்றியபோது அவரிடம் பயின்ற மாணவர்கள் அவரு-டைய படத்தைத் தமிழ்த்துறையில் திறந்து வைக்க வேண்டும் என்று விரும்பினார்கள். அப்போது மாநிலக் கல்லூரித் தமிழ்ப் பேரவையின் மாணவர் தலைவராக நான் தேர்வு செய்யப்பட்டிருந்தேன். பேராசிரியரிடம் படத்திறப்பு நிகழ்ச்சியைப் பற்றிக் கலந்துரையாடினேன். முதலமைச்சர் மாண்புமிகு கலைஞர் அவர்களை அழைத்துத் தன் படத்தைத் திறக்குமாறு பேரா. இலக்குவனார் அறிவுறுத்தினார். மாண்புமிகு முதல்வர் அவர்களுக்கு நேரம் கிடைக்காது போனமையால் மாண்புமிகு மதியழகன் அவர்களையும் அமைச்சர் கோவிந்தசாமி அவர்களை-யும் அழைத்து வந்து இலக்குவனாரின் படத்தையும் திருவள்ளுவர் படத்தையும் திறந்து வைத்து விழாவைச் சிறப்புடன் நடத்தினோம்.
கல்வி அமைச்சராக இருந்த நாவலர் நெடுஞ்செழியன் பயிற்றுமொழிச் சிக்கல் வந்தபோது ஆங்கிலத்திற்குச் சார்பாகச் சில கருத்துகளைத் தெரிவித்திருந்தார். கொதிப்படைந்து போன பேரா. இலக்-குவனார், உடனே தமிழ் நாவலர் ஆங்கி-லத்தின் காவலராகிவிட்டார் என்று துணிவுடன் அறிக்கை வெளியிட்டுப் பரபரப்பை ஏற்படுத்தினார். (அறிஞர் வ.சுப.மாணிக்கம் அவர்களும் கூட நாவலரின் கருத்தைக் கண்டித்து நீண்ட-தோர் அறிக்கையை வெளியிட்டார். அந்த அறிக்கை அன்பர்கள் யாரிட-மாவது இருந்தால் அதன் நகல் ஒன்றினை எனக்கு அனுப்பி உதவுமாறு வேண்டுகிறேன்.) பேரா. இலக்குவனார் தம்மைக் கண்டித்து அறிக்கை வெளி-யிட்டுவிட்டாரே என்று நாவலருக்கு அவர்மீது வருத்தம்!
பேரா. இலக்குவனார் யாருக்கும் அஞ்சாது தம் கருத்துகளை வெளிப்-படுத்தியவர். பதவிக்காகத் தம் கருத்து-களை அவர் ஒருபோதும் மாற்றிக் கொண்டதில்லை. தமிழ்மொழியை ஆரியத்-தின் பிடியிலிருந்து விடுவிப்ப-தற்காக உழைத்த பெருமகன் அவர். தன் மகனுக்கு மறைமலை என்று பெயர் சூட்டி மகிழ்ந்தவர். தன்மான உணர்ச்சி மிக்கவர். தமிழுக்குத் தீங்கு வருகிறது என்றால் அதனைக் களைவதற்காக களம் அமைத்தவர். பணியிழப்பைப் பற்றியோ சிறைச்சாலையைப் பற்றியோ அவர் சிறிதும் கவலைப் பட்டதில்லை.
தந்தை பெரியார் தமிழைக் காட்டு-மிராண்டி மொழி என்று கூறியவுடன் சிலருக்குச் சினம் பொத்துக் கொண்டு வந்தது. இந்து நாளிதழில் கூட அவர்கள் தந்தை பெரியாரின் கருத்தைக் கண்டித்துக் கடிதம் எழுதினார்கள். பேரா. இலக்குவனார் அவர்களை அழைத்துத் தந்தை பெரியார் ஏன் அவ்-வாறு கூறினார் என்பதை அவர்களுக்கு எடுத்துக் கூறித் தெளிவுபடுத்தினார். அடடா அவசரப்பட்டு இந்துவுக்கு எழுதிவிட்டோமே என்று வருத்தப்-பட்ட பேராசிரியர்களை நான் அறி-வேன்.
யாருக்கும் தலைவணங்காது வாழ்ந்த தன்மானத் தமிழ்ச் சிங்கமாம் பேரா-சிரியர் இலக்குவனாரின் நூற்றாண்டு விழாவைத் தமிழக அரசு சிறப்புடன் நடத்தவேண்டும் என்பது தமிழன்பர்-களின் வேண்டுகோளாகும்
ஞாயிறு, 28 பிப்ரவரி, 2010
பிரான்சு : பிரான்சு கம்பன் கழகத்தின் சார்பில் பொங்கல் விழா, செந்தமிழ்க் காவலர் முனைவர் சி. இலக்குவனார் நூற்றாண்டு விழா ஆகியன ஜனவரி 14ம் தேதியன்று பரி நகரின் புற நகராம் கார்ழ் லே கொனெசு நகரில் சிறப்பாகக் கொண்டாடப்பட்டன. மார்க் தம்பி, தனசெல்வி மார்க் தம்பி (இருவருமே பேரா. பெஞ்சமின் லெபோவின் மாணாக்கர்கள்) மங்கல விளக்குக்கு ஓளி ஊட்டினர். பிரான்சு கம்பன் கழகத்தின் நிறுவனரும், தலைவருமான கவிஞர் பாரதிதாசன் இறை வணக்கம், தமிழ்த் தாய் வாழ்த்து பாடினார். சிறப்பு விருந்தினர்கள் பேரா. ப. தசரதன், பரி நகரில் உள்ள இந்தியத் தூதரக அதிகாரி நாராயணன், கார்ழ் லே கொனெசு நகரின் நகரத் தந்தை மெளரைஸ் லெஃபேவிரிவ் மேடையில் அமர்ந்தனர். பிரான்சு கம்பன் கழகத்தின் பிரஞ்சுப் பிரிவுச் செயலர் செவாலியே சிமோன் யூபர்ட் எழுதி அனுப்பிய வரவேற்பு உரையைக் கம்பன் கழகப் பொருளாளர் தணிகா சமரசம் படித்து அனைவரையும் வரவேற்றார்.
தலைமை தாங்கிய பேரா. ப. தசரதன், நகரத் தந்தையையும் இந்தியத் தூதரக அதிகாரியையும் பிரஞ்சு மொழியில் அறிமுகம் செய்தார். பிறகு பொங்கலைப் பற்றிப் பிரஞ்சிலும் தமிழிலும் தலைமை உரையாற்றினார். பின், நகரத் தந்தை கழகத்தை வாழ்த்திப் பிரஞ்சு மொழியில் பேசினார். அம்மொழி அறியாதோர் புரிந்துகொள்வதற்காக அதனை மொழி பெயர்த்தவர் பேரா. ப. தசரதன். நகரத் தந்தைக்குப் பொன்னாடை போர்த்திப் பரிசளித்து மரியாதை செய்தனர். அதன்பின் தமிழிசை பொழியத் தொடங்கியது வசீகரக் குரல் எடுத்து வண்ணத் தமிழ்ப் .பாடல்களைப் பாடி மகிழ்வித்தவர் இராதா சிரீதரன். நூற்றாண்டு விழா நாயகர் செந்தமிழ்க் காவலர் பேராசிரியர், முனைவர் சி. இலக்குவனார் 'புலவரில் சிறந்தவர் ' என்று பாராட்டி எடுப்பு, தொடுப்பு, முடிப்பு எனச் சிறப்பாக இசைப் பாடல் எழுதி அனுப்பி இருந்தார் புதுவைக் கவிஞர் தே. சனார்த்தனன். இவர் கவிஞர் பாரதிதாசனுக்குத் தந்தையார். இப்பாடலைத் இராதா பாடிய இனிமையைக் கேட்டு அவையே கிறங்கிப் போனது. சிறப்பாக இசை விருந்து அளித்த இராதா சிரீதரனுக்குப் பொறுப்பாகப் பொன்னாடை கம்பன் கழகத்தின் சார்பாகப் போர்த்தியவர் ஜெசிந்தா சந்தானா.
குழந்தைகளுக்கான ஓவியப் போட்டி, பெரியவர்களுக்கான கோலப் போட்டி முடிவுகள் வெளியிடப்பட்டன. கோலப் போட்டியில் முதல் பரிசை வென்ற பூங்குழலி பெருமாளுக்கு இந்தியத் தூதரக அதிகாரி நாராயணன் பொன்னாடையும் பரிசும் அளித்தார். இரண்டாம் பரிசு பெற்றவர் சரோசா தேவராசு. அவருக்குப் பொன்னாடை, பரிசு அளித்தவர் பேரா. ப. தசரதன்.'செந்தமிழ்க் காவலர்' என்ற தலைப்பில் விழா நாயகர் பற்றிச் சிறப்புரை ஆற்றத் தென்றலாய் வந்தார் பேரா. பெஞ்சமின் லெபோ. தமக்கே உள்ள பைந்தமிழை இழைத்துப் பகை இல்லா நகைச் சுவையைக் குழைத்துக் கேட்டார்ப் பிணிக்குந் தகையவாய்க் கேளாரும் வேட்பப் பேசிய பேச்சால், அருவி எனப் பெருகி வந்த அருந்தமிழ்ச சொல் வீச்சால் அவையைக் கவர்ந்தார். புறநானூறு ஏன் படிக்க வேண்டும் என்பதை விளக்கிய அவர், அதே காரணங்களுக்காகவே செந்தமிழ்க் காவலர், இலக்கணச் செம்மல் பேராசிரியர், முனைவர் சி. இலக்குவனார் வாழ்க்கை பற்றியும் தமிழர்கள் தெரிந்துகொள்ளவேண்டும் என வலியுறுத்தினார். இலக்குவனார் ஆற்றிய அரும் பணிகளைப் பற்றித் தென்றலாய்ப் பேசினார்;
பேரா. பெஞ்சமின் லெபோ. சிறப்பாசிரியராகவும் கவிஞர் பாரதிதாசனை ஆசிரியராகவும் கொண்டு வெளிவரும் கம்பன் இலக்கிய, இலக்கணத் திங்கள் இதழ், முனைவர் சி. இலக்குவனார் நூற்றாண்டு விழா மலர் ஒன்றை வெளியிட ஏற்பாடு செய்து இருந்தது. அந்த மலரை கம்பன் கழகச் செயற்குழு உறுப்பினர் அசோகன் வெளியிட, சிவப்பிரகாசம் , இலங்கை வேந்தன் பாண்டுரங்கன், ஆதி ஞானவேல், குமார் அமல்ராசு, முசாவித் முகமத், செயசீலன் ஆகியோர் பெற்றுக் கொண்டனர். இதனைத் தொடர்ந்து 'தைமகள் வருகவே, தமிழ் நலம் தருகவே' என்ற தலைப்பில் கவிமலர் நிகழ்ச்சி நடைபெற்றது.
சார நாயகி கோபாலக் கிருட்டிணனின் பரத நாட்டியம் அனைவரையும் கவர்ந்தது. கம்பன் கழகத்தின் பிரஞ்சுப் பிரிவுச் செயலர் செவாலியே சிமோன் யூபர்ட், சார நாயகி கோபாலக் கிருட்டிணனுக்குப் பொன்னாடை அணிவித்தார். பின்னர் பிரான்சு கம்பன் கழகத்தின் நிறுவனரும் தலைவருமான கவிஞர் பாரதிதாசன் நடுவராக அமரப் பட்டி மன்றம் தொடங்கியது. 'தமிழர், தமிழ்ப் பண்பாட்டை வளர்க்கிறார்களா? குலைகிறார்களா?' என்னும் தலைப்பில் பட்டிமன்றம் நடைபெற்றது. வளர்க்கின்றார்கள் என்ற அணியில் சிமோன் இராசேசுவரி, சரோசா தேவராசு, எலிசபெத் அமல்ராசு வாதிட்டனர். குலைக்கின்றார்கள் என்ற அணியில் எதிர்வாதம் செய்தவர்கள்: லூசியா லெபோ, ஆதிலட்சுமி வேணுகோபால், பூங்குழலி பெருமாள். நடுவர் கவிஞர் பாரதிதாசன், பண்பாடு என்றால் என்ன, தமிழ்ப் பண்பாடு என்பது என்ன என்று நன்கு விளக்கினார். பின் இரு தரப்பும் சூடும் சுறுசுறுப்புமாக நகைச்சுவை கலந்து வாதிட்டனர். இறுதியாக, தமிழர்கள் தமிழ்ப் பண்பாட்டை வளர்க்கத்தான் செய்கிறார்கள் என்று தீர்ப்பு கூறிக் கைத் தட்டல்களை அள்ளிச் சென்றார் கவிஞர் பாரதிதாசன். கழகத்தின் பொருளாளர் தணிகா சமரசம் நன்றி உரை கூறினார்.
இறுதி நிகழ்ச்சியாகக் குலுக்கல் நடைபெற்றது. வெற்றி பெறாதவர்கள் கை தட்ட வெற்றி பெற்றவர்கள் மகிழ்ச்சியோடு பரிசுகளை வாங்கிச் சென்றனர். முன்னின்று குலுக்கலை நடத்தித் தந்த பேரா. பெஞ்சமின் லெபோ. முதல் பரிசு தங்கக் காசு என்று அறிவித்துவிட்டு, உடனடியாக இல்லை இல்லைஅது தங்கக் காசு இல்லை என்று சொன்னதும் அவை அமைதி ஆனது. அவர் தொடர்ந்தார்: 'ஆம் அது தங்கும் காசு இல்லை. விற்பதற்காகக் கடையில் வைத்திருந்தவரிடம் அது தங்கவில்லை, அதனை வாங்கி வந்தவரிடமும் அது தங்கவில்லை, பரிசு பெற்றவரிடமும் அது தங்கப் போவது இல்லை... அப்படி இருக்கையில் அதனைத் தங்கும் காசு, தங்கக் காசு என்று எப்படிச் சொல்வது? எனவே அது எங்கும் தாவும் காசு! ' என்றவுடன் கைதட்டல்கள் அரங்கை அதிர வைத்தது. விழாவும் இனிதே நிறைவடைந்தது.
- தினமலர் வாசகர் புதுவை எழில்
பிரான்சு கம்பன் கழகத்தாரின் அனைத்து வகைத் தமிழ்ப் பணிகளும் பாராட்டிற்கு உரியவனவாக உள்ளன. தந்தை பெரியார் அவர்களால் தமிழர் தளபதி என அழைக்கப்பெற்ற செந்தமிழ்ச் செம்மல் பேராசிரியர் சி.இலக்குவனார் அவர்களின் நூற்றாண்டு விழாவைக் கடல் கடந்தும் சிறப்பாக நடத்தியுள்ளமை உண்மைத் தமிழுணர்வு உலகில் இன்னும் அழியவில்லை என்பதைக் காட்டுகிறது. செய்திகளை நமக்கு அளித்த வாசகர் புதுவை எழில் அவர்களுக்கும் செய்திகளையும் படங்களையும் வெளியிட்ட தினமலருக்கும் பாராட்டுகள்.
அன்புடன் இலக்குவனார் திருவள்ளுவன்
சனி, 23 ஜனவரி, 2010
முனைவர் சி.இலக்குவனார் நூற்றாண்டு விழா
தமிழ்ப் புத்தாண்டுப் பொங்கல் பெருவிழா
முனைவர் சி.இலக்குவனார்
நூற்றாண்டு விழா
நாள்: தி.பி.2041 தை 11 '' 24.01.2010 ஞாயிறு காலை 9.30 மணி முதல்
இடம்: பாலாசி திருமண மண்டபம், மறைமலை நகர்
காலை:
சிறப்புரை &
மொழிப்போர் மறவர் முனைவர் சி.இலக்குவனார் உருவச் சின்னம் வழங்கல் :
தோழர் பெ.மணியரசன்,
பொதுச் செயலர், தமிழ்த் தேசப் பொதுவுடைமைக் கட்சி
மாலை பட்டி மன்றம்
நடுவர் பேராசிரியர் சுப.வீரபாண்டியன்,
பொதுச் செயலர், திராவிட இயக்கத் தமிழர் பேரவை
இங்ஙனம்
வள்ளுவர் மன்றம். பெரியார் அண்ணா இலக்கியப் பேரவை
மறைமலை நகர் 603 209
(பேராசிரியர் சி.இலக்குவனார் படைப்புகளையும் அவர் பற்றிய படைப்புகளையும் அறிய காண்க:
http://ilakkuvanar.org)
முனைவர் சி.இலக்குவனார்
நூற்றாண்டு விழா
நாள்: தி.பி.2041 தை 11 '' 24.01.2010 ஞாயிறு காலை 9.30 மணி முதல்
இடம்: பாலாசி திருமண மண்டபம், மறைமலை நகர்
காலை:
சிறப்புரை &
மொழிப்போர் மறவர் முனைவர் சி.இலக்குவனார் உருவச் சின்னம் வழங்கல் :
தோழர் பெ.மணியரசன்,
பொதுச் செயலர், தமிழ்த் தேசப் பொதுவுடைமைக் கட்சி
மாலை பட்டி மன்றம்
நடுவர் பேராசிரியர் சுப.வீரபாண்டியன்,
பொதுச் செயலர், திராவிட இயக்கத் தமிழர் பேரவை
இங்ஙனம்
வள்ளுவர் மன்றம். பெரியார் அண்ணா இலக்கியப் பேரவை
மறைமலை நகர் 603 209
(பேராசிரியர் சி.இலக்குவனார் படைப்புகளையும் அவர் பற்றிய படைப்புகளையும் அறிய காண்க:
http://ilakkuvanar.org)
இதற்கு குழுசேர்:
இடுகைகள் (Atom)