gold medal லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
gold medal லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், 8 அக்டோபர், 2012

உலகப் போட்டியில் தங்கம் வெல்வேன்!"

சொல்கிறார்கள்


"ஒலிம்பிக்கில் தங்கம் வெல்வேன்!"
வீள் வீச்சு வீராங்கனை மோகன லட்சுமி: எனக்கு விளையாட்டு பின்னணி எதுவும் இல்லை என்றாலும், விளையாட்டில் ஏற்பட்ட ஆர்வம் காரணமாக, நான் முதலில் ஹாக்கி விளையாட ஆரம்பித்தேன். ஐந்து ஆண்டுகள், பல போட்டிகளில் ஆடினேன்.ஒரு கட்டத்தில், ஹாக்கி போன்ற ஒரு டீம் ஆட்டத்தில், தனி நபர் திறமையை வெளிப்படுத்த அதிக வாய்ப்பில்லை என தோன்றியது. அப்போது தான், வாள் வீச்சு பயிற்சியாளர் நாக சுப்ரமணியத்தின் அறிமுகம் கிடைத்தது.இந்த விளையாட்டு பற்றி எனக்கு எதுவுமே தெரியாது என்பதால், ஆரம்பத்தில் தயக்கமாக இருந்தது.ஆனால், என் பயிற்சியாளர் அளித்த ஊக்கத்தால், இதில் என்னால், நிலைத்து நிற்க முடிகிறது. 2003ம் ஆண்டு முதல் வாள் வீச்சு விளையாட்டு பிரபலமாகி வருகிறது. தமிழகத்தின் பல மாவட்டங்களிலும், ஆண்களும், பெண்களும் ஆர்வத்துடன் இந்த விளையாட்டில் ஈடுபடுகின்றனர். இதற்கு முக்கியக் காரணம், இது ஒரு தனி நபர் விளையாட்டு, நம் ஊருக்கு புதிது என்பது தான்.இந்த விளையாட்டைப் பொறுத்தவரை, என் உயரம் பெரிய, "பிளஸ் பாயின்ட்!' வாள் வீச்சு கற்றுக் கொள்ள ஆரம்பித்து இரண்டே ஆண்டில், தேசிய சாம்பியன் ஆகியிருக்கிறேன். இதனால், தேசிய, சர்வ தேச அளவில், சாதனைகள் புரிய வாய்ப்புகள் பிரகாசமாக உள்ளன.வாள் வீச்சு விளையாட்டில், நாங்கள் பயன்படுத்தும் வாள், அடிப்பகுதி பருமனாகவும், மேல் பகுதி மெலிதாக கம்பி போலவும் இருக்கும். போட்டியின் போது, பாட்டரியால் இயங்கும் வண்ண விளக்கு, இந்த வாளுடன் இணைக்கப்பட்டிருக்கும், அடுத்தவர் உடம்பில் வாள் பட்டதும், விளக்கு எரியும். அதை வைத்து, தொட்டவருக்கு மதிப்பெண்கள் தரப்படும்.பாயில், சாபர், எபி என, மூன்று வகையான வாள் வீச்சு உண்டு. ஒவ்வொரு வகைக்கும் ஏற்ப, விதிமுறை உண்டு. ஸ்பெயின் நாட்டைச் சேர்ந்த இந்த பாரம்பரிய விளையாட்டு, இன்று உலகம் முழுவதும் பிரபலமாக உள்ளது; ஒலிம்பிக்கிலும் இடம் பெற்று உள்ளது. என் லட்சியமே ஒலிம்பிக்கில் தங்கம் வெல்வது தான்

வெள்ளி, 14 செப்டம்பர், 2012

ஆங்கிலத்தில் சாதித்துக் காட்டினேன் !

சொல்கிறார்கள்


 ஆங்கிலப் பேச்சாற்றலில், சர்வதேச அளவில், தங்க விருது பெற்ற தமிழ்ப் பெண், ஸ்ருதி: லண்டன், "கேம்ப்ரிட்ஜ்' பல்கலைக் கழகம் சர்வதேச அளவில் நடத்திய போட்டி அது. ஒன்றரை ஆண்டுகளுக்கு முன், போட்டிக்கான நடைமுறைகள் துவங்கி விட்டன. அதன்படி, உலகம் முழுவதும் ஒவ்வொரு துறையிலும், ஆங்கிலத்தின் ஆதிக்கம், தொடர்பு மொழியாக அதன் விரிந்த பயன்பாடு உள்ளிட்ட அம்சங்கள் குறித்து, சென்னையில், "டெஸ்ட்' எழுதினேன்.இப்படி அடுத்தடுத்த நிலையில் நிறைய தேர்வுகள். அனைத்து தேர்வுகளிலும், பாசான பிறகு, லண்டனில் இறுதித் தேர்வு நடந்தது. உலகம் முழுவதுமிருந்து, 100 பேர் கலந்து கொண்டனர். ஆங்கிலத்தை, "ஸ்டைலாக' பேசுவது, வேகம், உச்சரிப்பு என, போட்டியின் விதிமுறைகளில் கடுமை அதிகம். முதலில், கேள்விகளுக்கு பதில் சொல்ல வேண்டும். நான், மக்கள் தொடர்புத் துறையில் (பி.ஆர்.,), முதுகலை முடித்துள்ளேன். அதனால், அந்தத் துறையில், தொடர்பு மொழியாக, ஆங்கிலத்தை எப்படிப் பயன்படுத்துவது என்பதை விளக்கக் கூறினர். என்னோடு, ஆசிய, ஐரோப்பிய நாடுகளைச் சேர்ந்தவர்களும் போட்டியிட்டனர். நடுவராக, "கேம்ப்ரிட்ஜ்' பல்கலையின் ஆங்கிலப் பேராசிரியர் சைமன் ரைட் அமர்ந்திருந்தார். பேசி முடித்து, நான் மேடையை விட்டுக் கீழே இறங்கிய போது, கைதட்டி ரசித்தவர், என் அருகே வந்து, "எக்சலென்ட்' என்று தட்டிக் கொடுத்தார். இது, மிகப்பெரிய கவுரவம். அப்போதே, என் வெற்றி உறுதியாகி விட்டது. இங்கிலாந்தில் உள்ள பத்திரிகைகள், "ஆசிய நாடுகளின் மிகச் சிறந்த இளம் ஆங்கிலப் பேச்சாளர்' என, எனக்கு முக்கியத்துவம் கொடுத்து செய்தி வெளியிட்டிருந்தன. உலகப் புகழ் பெற்ற, "லண்டன் ஸ்கூல் ஆப் பிசினஸ்' நிறுவனத்தில், எம்.பி.ஏ., படிக்க வேண்டும் என்ற என் கனவும், இந்தப் போட்டியின் மூலம் நிறைவேறி இருக்கிறது. இதற்கு, "கேம்ப்ரிட்ஜ்' பல்கலையே ஸ்பான்சரும் செய்கிறது!

புதன், 22 பிப்ரவரி, 2012

I will not come back without medal : "பதக்கம் வாங்காமல் திரும்ப மாட்டேன்!'

சொல்கிறார்கள்



மாற்றுத் திறனாளிகளுக்கான விளையாட்டில், மாநில, தேசிய அளவில் விருதுகளை குவித்துள்ள இந்து: என் கால்கள் இரண்டும் வளைந்துள்ளது என்று, பிறந்த ஒன்பதாவது மாதத்திலேயே அறுவை சிகிச்சை செய்தனர்; ஆனாலும் சரியாகவில்லை. கால்களை தரையில் ஊன்றி, நேராக நடக்க முடியாது என்று, மருத்துவர்கள் கூறிவிட்டனர். நான் தத்தித் தத்தி நடந்தேன்; வளர்ந்தேன்.ஏழு வயது இருக்கும் போது, பள்ளியில் விளையாட்டுப் போட்டி நடந்த போது, ஓட்டப் பந்தயத்தில் பெயர் கொடுத்தேன். "உன்னால் முடியுமா?' என்று பெற்றோர் வேதனைப்பட்டனர்; வெளியில் சிலர் கேலி செய்தனர். எதையும் பொருட்படுத்தாமல், மற்ற பெண்களுடன் போட்டி போட்டு வெற்றி பெற்றேன். அப்போது தான், என் மேல் எனக்கு நம்பிக்கை வந்தது.அப்பா புக் பைண்டிங் வேலை செய்கிறார். தெருத்தெருவாக போய் புடவை விற்கிறார் அம்மா. இப்படி, வறுமைக்கு நடுவில் வாழ்க்கையை நகர்த்திக் கொண்டிருந்த போது தான், நாகராஜன் சாரை பார்க்க நேர்ந்தது. என் திறமையை அடையாளம் கண்டு, எனக்கு பயிற்சியளிப்பவர். மாவட்ட, மாநிலப் போட்டிகளில் ஜெயித்த பதக்கங்கள் மூலம், அவருக்கு நன்றி சொன்னேன்.கர்நாடகாவில் நடந்த ஒரு போட்டியை, என்னால் மறக்கவே முடியாது. அங்கு போட்டிக்காக வந்தவர்கள், நவீன உபகரணங்களுடன் பயிற்சி செய்து கொண்டிருந்தனர். ஆனால் நான், பெரிய கல்லை வட்டு எறிதலுக்கும், நீளமான குச்சியை ஈட்டி எறிதலுக்கும் பயன்படுத்தினேன். போட்டியின் போது தங்கம், வெள்ளி என்று பரிசுகளை அள்ளினேன். பயிற்சிக்கு கருவியை விட, மன உறுதி தான் முக்கியம் என்று, அப்போது புரிந்து கொண்டேன்.போட்டிக்குப் போனால், ஒரு பதக்கமாவது வாங்காமல் திரும்பியதே இல்லை. ஒலிம்பிக்கில் தங்கம் வாங்க வேண்டும், பேஷன் டிசைனர் ஆக வேண்டும், என் பெற்றோரை நன்றாக பார்த்துக் கொள்ளணும். இது தான் என் லட்சியம்!

சனி, 9 அக்டோபர், 2010

19-வது தங்கம் சுட்டது இந்தியா

தில்லியில் நடைபெற்று வரும் காமன்வெல்த் விளையாட்டுப் போட்டிகளி்ல் இந்தியாவின் பதக்க வேட்டை தொடர்கிறது. பெண்களுக்கான மல்யுத்தப் போட்டியில் 67 கிலோ எடைப்பிரிவில் இந்திய வீராங்கனை அனிதா தங்கப் பதக்கம் வென்றார். இதையடுத்து, இந்தியா இதுவரை 19 தங்கப் பதக்கங்களை வென்றுள்ளது.இன்று நடந்த மகளிர் வில்வித்தைக் குழுப் போட்டியில் இந்திய மகளிரணி தங்கப் பதக்கம் வென்றது. இந்த நிலையில், 50 மீட்டர் ரைபிள் துப்பாக்கி சுடும் போட்டியில் ககன் நரங், இம்ரான் ஹசன் இணை மேலும் ஒரு தங்கப் பதக்கத்தை வென்றது. இந்தக் குழு முந்தைய காமன்வெல்த் சாதனையையும் முறியடித்தது.இன்று, 25 மீட்டர் அதிவிரைவு கைத்துப்பாக்கிச் சுடும் போட்டியில் இந்திய வீரர் விஜய்குமார் தங்கப் பதக்கம் வென்றுள்ளார்.மேலும், மல்யுத்தப் போட்டியில் இந்திய வீரர் அல்கா தோமர் தங்கப் பதக்கம் வென்றார்.
கருத்துக்கள்

வீரர்களுக்குப் பாராட்டுகள். தினமணி சுட்டது என்றெல்லாம் தமிழ் மரபிற்கு மீறித்தலைப்பு போடுவதை நிறுத்தி வென்றது என்றே போடலாமே! 
அன்புடன் இலக்குவனார் திருவள்ளுவன்
By Ilakkuvanar Thiruvalluvan
10/9/2010 5:02:00 AM
Australia 40 over gold medals....
By kk
10/8/2010 6:10:00 PM
very nice carry on.
By bala
10/8/2010 1:39:00 PM
உங்கள் கருத்தைப் பதிவு செய்யுங்கள் *