மருந்து லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
மருந்து லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

செவ்வாய், 8 ஜனவரி, 2013

மருந்தில் விளையாடாதீர்கள்

சொல்கிறார்கள்

மருந்து விசயத்தில் விளையாடாதீர்கள்!
குழந்தை நல மருத்துவர் சுப்ரமணியம்: குழந்தைகளுக்கு நோய் கள் வர முக்கிய காரணமே, "இன்பெக்ஷன்ஸ்' தான். 75 சதவீத, "இன்பெக்ஷன்ஸ்' தானாகவே சரியாகி விடும். குழந்தை கஷ்டப்படாமல் இருக்கவே, மேற்கொண்டு மருந்து கொடுக்கிறோம். இந்த மருந்துகள், எந்த அளவுக்கு கொடுக்க வேண்டும் என, மருத்துவருக்குத் தெரியும். அது புரியாமல், பெற்றோர், "குழந்தைக்கு இன்னும் சரியாகலை; வேற மருந்துகள் கொடுங்க' என, கேட்கக் கூடாது. ஒரு குழந்தைக்கு கொடுத்த மருந்தை, இன்னொரு குழந்தைக்கு, அதே உடல் பாதிப்பு இருந்தாலும் கூட, கொடுக்கக் கூடாது; அதே குழந்தைக்கே கூட, மறுபடி அந்த மருந்தை கொடுக்கக் கூடாது.

சிலருக்கு, "சிவியரா' வந்திருக்கலாம். அதே மருந்தாக இருந்தாலும், அதே வியாதியாக இருந்தாலும், டாக்டரைக் கேட்டுக் தருவது நல்லது. டாக்டர் எழுதும் மருந்தும், நீங்கள் தரும் மருந்தும் சரி தானா என, "செக்' பண்ணிய பிறகு, தருவது நல்லது. உதாரணத்திற்கு, ஏற்கனவே, வீட்டில் இருக்கும் பாரசிட்டமால் சொட்டு மருந்தை, காய்ச்சல் கண்ட குழந்தைக்குத் தரக் கூடாது. கொடுக்க வேண்டிய மருந்தின் அளவையும், டாக்டர் தான் முடிவு செய்வார். டாக்டர் பரிந்துரைப்படி, ஐந்து நாள் மருந்து கொடுத்தும், உடல் சரியாகவில்லை என்றால், டாக்டரிடம் தான் செல்ல வேண்டுமே தவிர, 10 நாளுக்கு, நீங்களே மருந்து கொடுக்கக் கூடாது.

எடுத்த எடுப்பிலேயே, சூப்பர் ஸ்பெஷலிஸ்ட்டிடம் போகக் கூடாது. உங்களுக்கு யார் நம்பிக்கையான டாக்டரோ, அவரிடம் போங்கள். தேவைப்பட்டால் மட்டும், அவரே, சூப்பர் ஸ்பெஷலிஸ்ட்க்கு எழுதித் தருவார். மருந்து வாங்கும் போது, ஒவ்வொரு முறையும், காலாவதி தேதி பார்த்து வாங்குங்கள். ஏற்கனவே, வாங்கி வைத்திருந்ததை கொடுப்பதாய் இருந்தாலும், மருந்து காலாவதி ஆகி விட்டதா என்பதை, "செக்' பண்ணிக் கொடுங்கள். மருந்தை பயன்படுத்தும் முறையிலும் கவனம் செலுத்த வேண்டும். தண்ணீர் விட்டுக் கலக்கி சாப்பிட வேண்டியவை; நாக்கிலே வைத்திருந்து சாப்பிட வேண்டி

வியாழன், 21 ஜூன், 2012

உணவே மருந்து! அன்றாடம் 2 மிளகு சாப்பிடுங்கள்


நம்முடைய மூதாதையர்கள் சாப்பிட்ட அனைத்து உணவுப் பொருட்களுமே ஒரு வகையில் நமது உடலுக்கு ஆரோக்கியத்தை அளிக்கும் மருந்தாக இருந்தது. ஆனால் இன்றைக்கு பாஸ்ட்புட் கலாச்சாரத்தில் நாம் அதிலிருந்து விலகி... பெரும்பாலான உணவுகள் நம்முடைய ஆரோக்கியத்தை கெடுக்கும் வகையில் உள்ளன என்பதே கசப்பான உண்மை. இன்றைக்கும் ஆயுர்வேதத்தில் மருந்தாக பயன்படும் பெரும்பாலானவை உணவுப்பொருட்கள் தான்.

 
ஆதலால், நாம் சரியான உணவுப்பொருட்களை, சரியான விதத்தில் சமைத்து சாப்பிட்டால் நாம் மருத்துவரை அணுக வேண்டிய அவசியமில்லை. முதலில் கீரை வகைகளை பார்க்கலாம்.
 
கீரைகளை நீரில் நன்றாக கழுவிவிட்டு சமைக்கவேண்டும். பழங்காலத்தில் இரவில் கீரையை சாப்பிடக்கூடாது என்பார்கள். அதற்கு காரணம் இருந்தது. அதாவது கீரைகளில் சிறுசிறு பூச்சிகள் அதிகம். இரவு என்றால் நமக்கு தெரியாது என்பதால் அப்படி சொன்னார்கள். கீரைகள் அனைத்துமே ரத்த விருத்தியை உண்டாக்கும்.
 
தூதுவளை கீரையை சாப்பிட்டால் இருமல், சளி மாறும். அகத்திக்கீரையை சாப்பிட்டால் கடுப்பு மாறும். கொத்தமல்லிக்கீரையை சாப்பிட்டால் சுக்ல விருத்தி உண்டாகும். கரி சலாங்கண்ணிக் கீரையை சாப்பிட்டால் கண்களுக்கு பலம் கிடைக்கும். சிறுகீரை சாப்பிட்டால் கண்புகைச்சல் குறையும். புதினா சாப்பிட்டால் பசியை தூண்டும். கீழா நெல்லியை சாப்பிட்டால் மஞ்சள் காமாலை நோய் மறையும்.
 
இதேபோல் பால் மற்றும் பால் பொருட்களும் நமது உடலுக்கு பலவிதத்தில் பலன் தருகின்றன. பசும்பால் தாதுக்கள் மற்றும் ஆண்மையை அதிகரிக்கும். எருமைப்பால் புத்தியை மந்தம் அடையச்செய்யும். ஆட்டின் பால் சாப்பிட்டால் ரத்தப்போக்கு நோய்கள் குறையும். மோர் சாப்பிட்டால் மூலநோய் குணமாகும். வெண்ணை ஆண்மையை பெருக்கும். நெய் சாப்பிட்டால் புத்தி, ஞாபக சக்தி, ஆயுள் ஆகியவை அதிகரிக்கும். கரும்புச்சாறு ஆண்மையை உண்டாக்கும். தேன் கண்களுக்கு நல்லது. நல்லெண்ணை குளிர்த் தன்மை உடையது.
 
நீர் மனிதனுக்கு இன்றியமையாதது. கொதிக்க வைத்து ஆறிய நீர் மிகவும் நல்லது. குழந்தைகள், வாதநோயாளிகள், பத்தியமுள்ளவர்களுக்கு புழுங்கல் அரிசி நல்லது. அவல் பலத்தை அதிகரிக்கும். கோதுமை ஆண்மையை பெருக்கும். வெந்தயம் கசப்பு சுவை உடையது. சீதக்காய்ச் சலுக்கு சிறந்தது. சர்க்கரை நோயைக் கட்டுப்படுத்தும். எள் எலும்புகளுக்கு பலம் தரும். கூந்தலுக்கு வலுவை தரும். இதை சாப்பிட்ட பின் குளிர்ந்த நீரை அருந்த வேண்டும்.
 
உளுந்து உணவுப் பொருட்களில் சிறந்தது. ஆண்மையை பெருக்கும். பெண்களுக்கு இடுப்புக்கு வலிமை கொடுக்கும். மாதவிலக்கை சீராக்கும். இதை சாப்பிட்டால் உடல் பருக்கும். அதேபோல் சவ்வரிசியும் சுக்லத்தை அதிகரிக்கும்.
 
பயறு வகைகள் உடலுக்கு நல்லது. தானியங்களில் பயறு சிறந்தது. பாசிப்பயறு நோயாளிகளுக்கு நல்லது. வேர்க்கடலையை வெல்லம் சேர்த்து சாப்பிட்டால் உடல் வளரும், ஆண்மை உண்டாகும். பாதாம் பருப்பு உடலுக்கு புஷ்டியை தந்து, ஆண்மையைப் பெருக்கும். பெருஞ்சீரகம் பசியைத் தூண்டி, வயிற்று நோயை அகற்றும். பெருங்காயம் தேக வாயுவை குறைத்து, வயிற்று நோய்களுக்கு மிகச் சிறந்த மருந்தாகவும் அமைகிறது. மஞ்சள் ரத்ததை சுத்திகரிக்கும். புண்களை ஆற்றும். மிளகு இருமல், சளியை குறைக்கும். தினமும் இரண்டு மிளகை சாப்பிட்டால் இருதயநோய் வராது.
 
சேனைக்கிழங்கை சமைத்து சாப்பிட்டால் ரத்தமில்லா மூலம் குணமாகும். இஞ்சி வயிற்றை சுத்தம் செய்யும். கத்திரிப் பிஞ்சு வயிற்று வலிக்கு நல்லது. கோவைக்காயை சமைத்து சாப்பிட்டால் வாய்ப்புண் மறையும். அதேபோல் மணத்தக்காளி கீரையை சமைத்து சாப்பிட்டால் வயிற்றுப் புண் குணமாகும். தேங்காய் குளிர்ச்சித்தன்மை உடையது. தோல் நோய்களைக் குணமாக்கும் சக்தி உண்டு. வெள்ளரிப்பிஞ்சு உடலுக்கு மிகவும் நல்லது. வாழையின் அனைத்துப் பகுதிகளும் நமக்கு பயன்படுகின்றன. வாழைப்பூ ரத்த மூலத்திற்கு சிறந்தது. வாழைப்பிஞ்சு சர்க்கரை நோய்க்கு நல்லது. அனைத்து வகை காய்கறிகளும் நமது உடலுக்கு மிகவும் நல்லது.
 
ந

புதன், 1 ஜூலை, 2009

அழகிரியின் முயற்சியில் ராஜீவ் காந்தி மருந்துத் திட்டம்



புது தில்லி, ஜூன் 30: மத்திய ரசாயனம் மற்றும் உரத் துறை அமைச்சர் மு.க.அழகிரி முயற்சியில் ராஜீவ் காந்தி மருந்துத் திட்டம் அறிமுகப்படுத்தப்படுகிறது. மக்களுக்கு தரமான மருந்துகள் குறைந்த விலையில் கிடைப்பதற்கும், குறைந்த விலையில் மருந்து தயாரிக்கும் நிறுவனங்களை ஊக்கப்படுத்துவதாகவும் இந்தத் திட்டம் அமையும். இத் திட்டத்தின்கீழ் மருந்து வாங்கும் மாநில அரசுகளின் மருத்துவத் துறைக்கு மத்திய அரசு மானியம் வழங்கும். மாநில அரசுகள் பொதுப் பெயர் மருந்துகளையே வாங்க வேண்டும். அவற்றையே அரசு மருத்துவமனைகளில் மருத்துவர்கள் பரிந்துரைக்க வேண்டும். இத் திட்டம் தொடக்கத்தில் தமிழ்நாடு மற்றும் ராஜஸ்தானில் அமல்படுத்தப்படும். இதற்கு நிதி ஒதுக்கீடு செய்ய நிதியமைச்சர் பிரணாப் முகர்ஜி ஒப்புதல் அளித்துள்ளார் என மத்திய அரசு வெளியிட்ட செய்திக் குறிப்பில் தெரிவித்துள்ளது.
கருத்துக்கள்

தொடரட்டும் நற்பணி! பெரும்பாலான மருந்துகள் 30 மடங்கிற்கும் மேலாக விற்கப்படுவதாக மத்திய அரசு பன்முறை தெரிவித்துள்ளது. எனவே, தரமான மருந்துகள் அடக்கவிலைக்குக் கிடைக்க நடவடிக்கை எடுக்கட்டும்! எளியோரின் நலமான வாழ்வு மலரட்டும்! அன்புடன் இலக்குவனார் திருவள்ளுவன்

By Ilakkuvanar Thiruvalluvan
7/1/2009 4:10:00 AM