இராமேசுவரம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
இராமேசுவரம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வியாழன், 4 ஏப்ரல், 2013

மீனவர்கள் மீண்டும் விரட்டியடிப்பு: இலங்கை அட்டூழியம்

நடுக்கடலில் இராமேசுவரம் மீனவர்கள் மீண்டும் விரட்டியடிப்பு: இலங்கை க் கடற்படை அட்டூழியம்
 
இராமேசுவரம், ஏப். 4-

ராமேசுவரம் மீனவர்கள் கடலுக்கு மீன்பிடிக்க செல்லும்போது நடுக் கடலில் இலங்கை கடற்படையினரால் அடிக்கடி தாக்கப்படுவது வாடிக்கையாக நடந்து வருகிறது. மீனவர்களை தாக்குவதோடு, அவர்களது வலைகள் மற்றும் படகுகளை இலங்கை கடற்படையினர் சேதப்படுத்தி வருகின்றனர். 16 நாட்களாக நாட்களாக வேலை நிறுத்த போராட்டத்தில் ஈடுபட்ட ராமேசுவரம் மீனவர்கள் கடந்த 2 நாட்களாகத்தான் கடலுக்கு மீன்பிடிக்க சென்று வருகிறார்கள்.

இந்த நிலையில் நேற்று 580 விசைப்படகுகள் கடலுக்கு செல்ல டோக்கன் பெற்றன. ஆனால் 400 படகுகள் மட்டுமே மீன் பிடிக்க சென்றன. ஒரு படகுக்கு 5 பேர் வீதம் சென்றனர். அவர்கள் நடுக்கடலில் இரவில் மீன்பிடித்து கொண்டிருந்தபோது அங்கு இலங்கை கடற்படையினர் வந்துள்ளனர். அவர்கள் ராமேசுவரம் மீனவர்களை மீன்பிடிக்க விடாமல் விரட்டியடித்தனர். அவர்களது பொருட்களையும் சேதப்படுத்தியதாக கூறப்படுகிறது.

இதனால் மீனவர்கள் ஏமாற்றம் அடைந்தனர். இன்று பகலில் கரைக்கு திரும்பிய அவர்கள் இலங்கை கடற்படையின் தாக்குதல் பற்றி புகார் கூறினர். தாக்குதல் சம்பவம் தொடர்ந்து நடைபெற்று வருவது மீனவர்களிடையே அச்சத்தையும், சோகத்தையும் ஏற்படுத்தி உள்ளது.

வியாழன், 18 அக்டோபர், 2012

தமிழ்நாடு இந்தியாவில் இல்லையா?தமிழக மீனவர்கள் மீது இலங்கை மீண்டும் வெறி த் தாக்குதல்

கச்சத்தீவு அருகே இராமேசுவரம் மீனவர்கள் மீது இலங்கை க் கடற்படை மீண்டும் வெறி த் தாக்குதல்
கச்சத்தீவு அருகே ராமேசுவரம் மீனவர்கள் மீது இலங்கை கடற்படை மீண்டும் வெறி தாக்குதல்
ராமேசுவரம், அக். 18-

கடலுக்கு மீன் பிடிக்க செல்லும் ராமேசுவரம் மீனவர்கள் மீது இலங்கை கடற்படையினர் தொடர்ந்து தாக்குதல் நடத்தி வருவதும், மீன்பிடி வலைகளை அறுத்தும் கடலில் வீசி எறிவதும் வாடிக்கையாகி விட்டது. இதனால் மீன் பிடிக்க செல்லும் மீனவர்கள் அச்சம் அடைந்துள்ளனர். இந்த நிலையில் கச்சத்தீவு அருகே மீன் பிடிக்க சென்ற 5 மீனவர்களை இலங்கை கடற்படையினர் மீண்டும் தாக்கி விரட்டியடித்துள்ளனர்.

ராமேசுவரத்தில் இருந்து நேற்று 530 படகுகளில் 2500 மீனவர்கள் மீன் பிடிக்க சென்றனர். சில மீனவர்கள் கச்சத்தீவு அருகே சென்றபோது இலங்கை கடற்படையினர் குட்டி படகுகளில் அங்கு வந்தனர். அவர்கள் ராமேசுவரம் மீனவர்களை பார்த்து இங்கு மீன் பிடிக்க வரக்கூடாது என்று எத்தனை முறை சொல்வது என கூறி விரட்டியடித்தனர். ராஜேந்திரன் என்பவரது படகில் இருந்த 5 மீனவர்களை அவர்கள் சரமாரியாக தாக்கியதாக கூறப்படுகிறது.

இலங்கை கடற்படையினரின் தாக்குதலுக்கு பயந்து மற்ற மீனவர்கள் மீன் பிடிக்காமல் கரை திரும்பினர். இலங்கை கடற்படையினரின் அட்டகாசத்தை தடுக்க மத்திய-மாநில அரசுகள் நடவடிக்கை எடுக்க வேண்டும் என மீனவர்கள் கோரிக்கை விடுத்துள்ளனர்.