கருத்துகள் - views: இரத்தம்

இரத்தம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வியாழன், 4 ஜூலை, 2013

மலத்தில் இரத்தம் வெளியேறினால் மருத்துவரை அணுக வேண்டும்

புகைப்படங்கள்

வாந்தி மற்றும் மலத்தின் வாயிலாக ரத்தம் வெளியேறினால் மருத்துவமனைக்கு சென்று பரிசோதனை மேற்கொள்ள வேண்டும் என்று ஃபோர்டிஸ் மலர் மருத்துவமனையின் இரைப்பை, குடல் மருத்துவ நிபுணர் டாக்டர் ஆர்.ரவி தெரிவித்தார்.

சென்னையில் ஃபோர்டிஸ் மலர் மருத்துவமனையில் "இரைப்பை குடல் ரத்த கசிவு மையத்தை' சுகாதாரத்துறை அமைச்சர் கே.சி.வீரமணி புதன்கிழமை தொடங்கி வைத்தார்.

அப்போது செய்தியாளர்களிடம் டாக்டர் ஆர்.ரவி கூறியதாவது: இரைப்பை மற்றும் குடலில் ஏற்படும் ரத்தக் கசிவானது, ரத்த வாந்தியாகவோ அல்லது மலத்தில் ரத்தம் கலந்தோ வெளிபடுகிறது.

சில நேரங்களில் வயிறு மற்றும் இரைப்பையிலேயே தேங்கிவிடும். இதன் காரணமாக ரத்தம் நிறம் மாற்றமடைந்து வாந்தியெடுக்கும்போது, காபி தூள் போலவும் அல்லது மலத்தில் கருப்பு நிறத்தில் தார்போலவும் தோற்றமளிக்கக் கூடும். இதன் காரணமாக நோயாளிகள் தலை சுற்றல், மயக்கமடைதல், மூச்சுவிட இயலாத நிலை, பலவீனம் போன்ற அறிகுறிகள் தென்படும்.

இரைப்பை குடல் ரத்த கசிவு உயிருக்கு அச்சுறுத்தல் விளைவிக்ககூடிய தன்மையைக் கொண்டிருப்பதால், பாதிக்கப்பட்டவர்கள் உடனடியாக மருத்துவரை அணுக வேண்டும்.

இந்த இரைப்பை குடல் ரத்த கசிவு மையத்தில் செரிமானப் பாதையில் காணப்படும் குறைபாடுகள் மற்றும் நோய்களைக் கண்டறிந்து சிகிச்சை அளிக்கப்படும் என்றார் டாக்டர் ஆர்.ரவி.
இந்நிகழ்ச்சியில், மருத்துவமனையின் மண்டல இயக்குநர் விஜயரத்னா, இரைப்பை குடலியல் துறை நிபுணர் டாக்டர் பி.பாசுமணி ஆகியோர் பங்கேற்றனர்.

திங்கள், 18 மார்ச், 2013

இலங்கையில் தமிழர்கள் சிந்திய இரத்தம் வீண் போகாது: வைகோ

இலங்கையில் தமிழர்கள் சிந்திய ரத்தம் வீண் போகாது. மாறாக உலகத் தமிழர்களிடையே பெரும் எழுச்சியை ஏற்படுத்தியுள்ளது என மறுமலர்ச்சி திராவிட முன்னேற்றக் கழக பொதுச் செயலாளர் வைகோ தெரிவித்தார்.
இலங்கை அதிபர் ராஜபக்சே மீதான மனித உரிமைக் குற்றங்களைக் கண்டித்து எண்ணூர் அசோக் லேலண்டு ஆலை தொழிலாளர்கள் கூட்டமைப்பு சார்பில் ஒரு நாள் உண்ணாவிரதப் போராட்டம் நடைபெற்றது. இதில் வைகோ கலந்து கொண்டு பேசியதாவது,
1987-ல் இலங்கை அரசை எதிர்த்து திலீபன் உண்ணாவிரதம் இருந்து தனது உயிரை மாய்த்தார். அதன் பிறகு கிட்டு நடுக்கடலில் கொல்லப்பட்டார். கடந்த ஆண்டு இசைப் பிரியா கொல்லப்பட்டார். அன்றிலிருந்து இன்றுவரை இலங்கையின் அடாவடிகளை இந்திய அரசு கண்டித்தது உண்டா. உலக நாடுகளில் போர்க்குற்றங்களுக்கு எதிராக பல நாடுகளின் ராணுவ அதிகாரிகள் தண்டிக்கப்பட்டுள்ளனர். ஆனால் திட்டமிடப்பட்ட, கட்டமைக்கப்பட்ட இனப் படுகொலையை இலங்கை நடத்தியது. இதனைத் தட்டிக்கேட்க வேண்டிய இந்தியா இலங்கையைக் காப்பாற்ற உலக நாடுகளை ஒன்று திரட்டுகிறது. இதற்கு காரணம் இலங்கையில் இனப்படுகொலையை நடத்தியதே இந்தியாதான். இந்த துரோகம் 1987-லேயே தொடங்கிவிட்டது. இந்திய அமைதிப்படைத் தளபதியை சந்திக்க பிரபாகரன் வரும்போது அவரைச் சுட்டுக் கொல்லும்படி இலங்கைக்கான இந்தியத் தூதர் தீட்சித் மூலம் அப்போதைய இந்திய அரசு உத்தரவிட்டது. இது அத்தளபதி எழுதிய நூலில் குறிப்பிட்டுள்ளார். விடுதலைப் புலிகளை ஒழிப்போம் எனக் கூறிக்கொண்டு அப்பாவிப் பெண்கள், குழந்தைகள், முதியவர்களை கொண்டு குவித்துள்ளனர். இந்தியா ஆயுதம் வழங்கி, விமானத் தளங்களைப் புதிப்பித்து, ரேடார்கள் மூலம் கண்காணித்து இந்தியா உதவி செய்தது. அதனால் இந்தியாதான் இலங்கை இனப் படுகொலையை நடத்தியது என நாங்கள் தொடர்ந்து கூறி வருகிறோம். இவ்வாறு நான் தெரிவித்து வரும் குற்றச்சாட்டுக்களுக்கு எதிராக தேச விரோத வழக்குகள் பதிவு செய்யப்பட்டுள்ளன. இதில் நான் தண்டிக்கப்பட்டால் மகிழ்ச்சி அடைவேன்.
இலங்கையில் தமிழர்கள் சிந்திய ரத்தம் வீண் போகாது. தமிழகத்தில் முத்துக்குமார் உள்ளிட்ட 17 பேர் உயிர்த் தியாகம் செய்துள்ளனர். இவர்களுடைய தியாகத்தையடுத்து தற்போது மாணவர்கள் மேற்கொண்டுள்ள போராட்டம் மூலம் ஈழத்தமிழர்களின் வாழ்வு முள்ளிவாய்க்காலோடு முடிந்துவிடவில்லை. தமிழர்களின் வாழ்வுரிமையை நிலை நாட்ட பொதுவாக்கெடுப்பு நடத்தி தனிஈழம்பெற உலக நாடுகள் முன் வர வேண்டும். இதற்கான முயற்சிகளை உலகத் தமிழர்கள் அனைவரும் முன்னெடுத்துச் செல்ல வேண்டும் என்று கூறினார்.

வியாழன், 30 ஆகஸ்ட், 2012

குருதி (Blood)

- இலக்குவனார் திருவள்ளுவன்

ஆகத்து 30, 2012 13:40 இந்தியத் திட்ட நேரம்

குருதி (blood) உடலில் ஓடும் செந்நிற நீர்மம். எனவே, செந்நீர் என்றும் சொல்லப்பெறும். சிவப்புநிறத்தைக் குறிக்கும் அரத்தம் என்னும் சொல்லும் இதனடிப்படையில் இரத்தம் என்னும் சொல்லும் குருதியைக் குறித்து வழங்கப்படுகின்றன.

உணவுப்பொருள்கள், மூச்சு வளிகள், உரனிகள்(vitamin) ஆகியவற்றை ஓரிடத்திலிருந்து மற்றோர் இடத்திற்கு எடுத்துச் செல்லக் குருதியோட்டம் பயன்படுகின்றது. நுரையீரலில் இருந்து அனைத்து மெய்ம்மிகளுக்கும் உயிர்வளியை எடுத்துச் செல்வதும் திரும்புகையில் மெய்ம்மிகளில் இருந்து கரிவளியை நுரையீரலுக்கு எடுத்துவந்து மூக்கு வழியே வெளியேற்றுவதும் குருதிதான். குருதி ஓட்டத்தின் துணை இன்றி உடலின் எப்பகுதியும் இயங்க முடியாது. குருதி ஓட்டம் நின்றால் உடல் இயக்கம் நின்று விடும்.

விரிவிற்கு :

http://thiru-science.blogspot.in/2012/08/blood.html