thamizh thaay award to madurai thamizh chankam

தமிழ்ப் புத்தாண்டை முன்னிட்டுத் தமிழ் அறிஞர்களுக்கு விருது : தமிழக அரசு

 தினகரன்      Tuesday

2012-04-11

சென்னை: தமிழ் புத்தாண்டை முன்னிட்டு தமிழ் அறிஞர்களுக்கு விருது வழங்கப்படுகிறது. தமிழ்ப்புத்தாண்டு அன்று சென்னை பல்கலைக்கழகத்தில் நடைபெறும் விழாவில் முதல்வர் ஜெயலலிதா கலந்து கொண்டு விருதுகளை வழங்கி, உரையாற்ற உள்ளதாக தமிழக அரசு அறிவித்துள்ளது. கபிலர் விருது பேராசிரியர் மணவாளனுக்கும், தமிழ்த்தாத்தா உ.வே.சாமிநாத ஐயர் விருது புலவர் ராசுவுக்கும் வழங்கப்படுகிறது. மேலும், சிறந்த பெண்மணிக்கான ஒளவையார் விருது திருமதி ஓய்.ஜி. பார்த்தசாரதிக்கு வழங்கப்படுகிறது. மேலும் தமிழ்த்தாய் விருது மதுரை தமிழ்சங்கத்துக்கு வழங்கப்படுகிறது.

கடந்த 2010ம் ஆண்டில் வெளிவந்த நூல்களில் 27 நூல்கள் சிறந்த நூல்களாக தேர்ந்தெடுக்கப்பட்டுள்ளன. சிறந்த நூலாசிரியர்கள் ஒவ்வொருவருக்கும் 30 ஆயிரம் ரூபாயும், பதிப்பகத்தாரர்களுக்கு நூல் ஒன்றுக்கு 10 ஆயிரம் ரூபாயும் வழங்கப்பட உள்ளது. பரிசுத்தொகையாக ஒரு லட்ச ரூபாய், 8 கிராம் தங்க நாணயம், தகுதிச்சான்று வழங்கப்படும் என கூறப்பட்டு உள்ளது. தமிழ் அறிஞர்களுக்கு பொன்னாடை போர்த்தப்பட்டு கவுரவிக்கப்பட உள்ளனர். மேலும், தமிழ் அறிஞர்களுக்கு பரிசுத்தொகையாக 5 லட்ச ரூபாயும், கேடயமும், பாராட்டு சான்றும் வழங்கப்படும் என அறிவிக்கப்பட்டு உள்ளது

thamizh culprit jeyakandhan about kalaignrar: எழுத்தாளர்கள் மீது பற்றுக் கொண்டவர் கருணாநிதி: செயகாந்தன்

தமிழை இழித்தும் பழிததும் பேசுபவனுக்குத் தரும் விருதுக் காலம் தமிழன்னைக்கு அவமானக் காலம். காந்தனின் கடந்த காலக் கதைப்படைப்புகளை எண்ணி விருது வழங்கியிருக்கலாம். எனினும் கெட்டுப்போன உணவைத் தூக்கித்தான் எறிய வேண்டும். தமிழால் வாழ்ந்தும் தமிழைப் பழிப்பவனுக்குத் தந்த விருது, தமிழைப் பழித்தவனைத் தாய் தடுத்தாலும் விடேன் என்னும் பாவேந்தர் பாரதிதாசன் உறுதிமொழிக்கு முரணானது. தமிழன்னையை வெட்கித்தலைகுனியச் செய்த விருது வழங்கிய காலம் பொற்காலமல்ல; போதாக்காலம். 

வருத்தத்துடன் இலக்குவனார் திருவள்ளுவன்

 

 

எழுத்தாளர்கள் மீது பற்றுக் கொண்டவர் கருணாநிதி: ஜெயகாந்தன்

First Published : 14 Feb 2011 03:12:06 AM IST

Last Updated :

சென்னை, பிப்.13: எப்போதும் எழுத்தாளர்கள் மீது பற்றுக் கொண்டவர் கருணாநிதி என எழுத்தாளர் ஜெயகாந்தன் கூறினார். தமிழக அரசின் சார்பில் கவிஞர் பாரதி விருது பெற்ற எழுத்தாளர் ஜெயகாந்தன் ஆற்றிய ஏற்புரை:தமிழர்களுக்கு இது ஒரு பொற்காலம். கலைஞர்கள் மீதும், தமிழ் மீதும் எல்லை கடந்த அன்பு கொண்டவர் முதல்வர் கருணாநிதி. அந்த அன்பை அவர் முதல்வராக இருப்பதால்தான் வெளிப்படுத்த முடிகிறது. எப்போதும் எழுத்தாளர்கள் மீது பற்றுக் கொண்டவர் அவர். அவர் கடந்த ஐந்து ஆண்டுகளாக தமிழுக்கும், கலைக்கும் செய்த பணிகளை அசை போடுவதற்கு நான் பயின்றுள்ளேன். இன்னும் பல எழுத்தாளர்களை வருங்காலத்தில் அவர் கௌரவப்படுத்த வேண்டும் என்றார்.விழாவில் கவிஞர் வைரமுத்து பேசியது: விருது பெறுவதற்கு ஒரு பெருமை வேண்டும். அவ்வாறு பெறுகிறவர்கள் யார் கொடுத்தாலும் பெற மாட்டார்கள். விருது தருகிறவர் யார் என கேட்பார்கள். அப்படி கேட்டு விருதுகளை நிராகரித்தவர்கள் அதிகம். முதல்வர் கருணாநிதி கொடுத்தால் எந்த கலைஞனும் விருதை ஏற்று கொள்வான். கலைமாமணி விருதை சாதாரணமாக எடுத்துக் கொள்ள வேண்டாம். 1967-ல் அண்ணா கையால் விருது பெற்றவர்தான் முதல்வர் கருணாநிதி. அன்று கலைமாமணி பெற்றவர்; இன்று கலைமாமணி விருது வழங்குகிறார். இந்த விருதுகள் எல்லாம் பெருமைமிக்க விருதுகள். ஜெயகாந்தன் இந்த மேடையில் பேசும் போது, இது தமிழர்களின் பொற்காலம் எனக் குறிப்பிட்டார். முதல்வர் கருணாநிதியின் ஆட்சி ஜெயகாந்தன் குறிப்பிட்டதை போல் தமிழுக்கும், தமிழர்களுக்கும் பொற்காலமாகத்தான் திகழ்கிறது. ஒரு சமுதாயம் உயிரோடு இருப்பது வேறு. உயிர்ப்போடு இருப்பது வேறு. உயிரோடு இருக்க உணவு, பாசம், செல்வம் இருந்தால் போதும். உயிர்ப்போடு இருக்க உணர்வு முக்கியம். அந்த உணர்வுக்கு கலை, கலைஞர்கள் உற்சாகமாக இருக்க வேண்டும். அந்த உற்சாகத்தை கொடுப்பது முதல்வர் கருணாநிதி. இந்த கலைமாமணி பெற்ற படத்தை, விருதை பத்திரப்படுத்தி வைத்துக் கொள்ளுங்கள். பேரன், பேத்தி என உங்கள் பரம்பரை மகிழும் என்றார் கவிஞர் வைரமுத்து.