scholarship லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
scholarship லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

சனி, 6 அக்டோபர், 2012

பெண்கள் உயர்கல்வி பெற கல்வி உதவித்தொகை

பெண்கள் உயர்கல்வி பெற கல்வி உதவித்தொகை

First Published : 03 October 2012 11:20 AM IST
பெண்கள் பல்வேறு துறைகளில் அதிகாரம் பெற ஊக்கப்படுத்துவதற்காகவும் உயர் கல்வி பெறவும்  பேர் அண்ட் லவ்லி நிறுவனம் உதவித்தொகை வழங்கவுள்ளது. இந்துஸ்தான் யூனிலீவர் லிமிடெட் நிறுவனத்தின் சமூக பொறுப்பு என்ற வகையில் இந்த உதவித்தொகை வழங்கப்படுகிறது.
10வது ஆண்டில் காலடி எடுத்துவைத்துள்ள பேர் & லவ்லி அறக்கட்டளை நாடு முழுவதிலுமிருந்தும் பெண்களிடமிருந்து உயர்கல்வியை மேற்கொள்வதற்காக பேர் & லவ்லி கல்வி உதவித்தொகை திட்டத்திற்கான விண்ணப்பங்களை பெறுகிறது. இந்த ஸ்காலர்ஷிப் திட்டம் மற்றும் விண்ணப்ப செயல்முறைகள் குறித்த தகவல்கள் www.fairandlovely.in என்ற தளத்தில் கிடைக்கப்பெறும்.
கல்வித்தகுதி: பத்தாம் வகுப்பு மற்றும் பனிரெண்டாம் வகுப்பு அகியவைகளில் குறைந்தபட்சம் 60 சதவிகித மதிப்பெண்களை பெறுவதே இதற்கான குறைந்தபட்ச தகுதியாகும்.
விண்ணப்பிக்கும் முறை; www.fairandlovely.in என்னும் தளத்திலிருந்து விண்ணப்பங்கள் பதிவிறக்கம் செய்து பூர்த்தி செய்து சமர்பிக்கலாம். ஆர்வமுள்ள பெண்கள் 1800 220 130 என்னும் கட்டணமில்லா எண்ணை தொடர்பு கொள்ளலாம்.
விண்ணப்பங்களை சமர்பிப்பதற்கான இறுதித் தேதி 30 அக்டோபர், 2012 ஆகும். பின்வரும் முகவரிக்கும் விண்ணப்பங்கள் தபாலில் அனுப்பப்படலாம்: பேர் & லவ்லி ஸ்காலர்ஷிப்  2012, பேர் & லவ்லி அறக்கட்டளை, தபால் பெட்டி எண்.11281, மரைன் லைன்ஸ் தபால் அலுவலகம், மும்பை – 400 020

புதன், 25 நவம்பர், 2009

மாணவர்களுக்கு இணையதளம் மூலம் கல்வி உதவித் தொகை



உதவித் தொகையை இணையதளம் மூலம் வழங்கும் சேவையை தொடங்கி வைக்கிறார் அமைச்சர் கே.கே.எஸ்.எஸ்.ஆர்.ராமச்சந்திரன்.
சென்னை, நவ. 24: மாணவர்களுக்கு கல்வி உதவித் தொகை வழங்கும் சேவை இணையதளம் (edistrict.tn.gov.in) மூலம் தொடங்கப்பட்டுள்ளது. இந்த இணையதளம் மூலம் மாணவர்களிடம் இருந்து பெறப்படும் விண்ணப்பங்களை இணையதளத்தின் மூலம் கல்லூரி முதல்வர்களால் பதிவு செய்யப்படும். இதன்பின், மாவட்ட பிற்படுத்தப்பட்டோர் அலுவலரால் பரிசீலிக்கப்பட்டு ஒப்புதல் செய்யப்படும். பின்னர், இணையதளத்தின் மூலம் விவரங்கள் அறிந்து அதற்கேற்ப கல்வி உதவித்தொகை வழங்கப்படும். இதன் காரணமாக தேவையற்ற தாமதம் தவிர்க்கப்படும். மாணவர்கள் தங்களது விண்ணப்பங்கள் எந்த நிலையில் உள்ளது; யாரிடம் உள்ளது; எப்போது கிடைக்கும்; எவ்வளவு உதவித் தொகை கிடைக்கும் என்ற விவரங்களை தாங்களாகவே இணையதளம் மூலம் அறிந்து கொள்ள வழிவகை செய்யப்பட்டுள்ளது. இதைத் தொடர்ந்து, ஆதிதிராவிடர் மற்றும் பழங்குடியின மாணவர்களின் கல்வி உதவித் தொகையும் இந்த முறையில் வழங்கப்படும் என்று அரசு உயரதிகாரிகள் தெரிவித்தனர். இந்த நிகழ்ச்சியில், பிற்படுத்தப்பட்டோர் நலத் துறை அமைச்சர் கே.கே.எஸ்.எஸ்.ஆர்.ராமச்சந்திரன், தகவல் தொழில்நுட்பத் துறை அமைச்சர் பூங்கோதை உள்ளிட்ட பலரும் கலந்து கொண்டனர்.
கருத்துக்கள்

பாராட்டிற்குரிய முயற்சி. பொதுவாக உதவித் தொகைகள் கல்வி ஆண்டின் இறுதியில் வழங்கப்படுகிறது.இதன் மூலம் காலத்தாழ்ச்சியைத் தவிர்த்து கல்வியாண்டு தொடக்கத்திலேயே வழங்க நடவடிக்கை எடுக்கலாம். கல்வி நிலையங்கள் தாங்களாகவே எடுத்துக் கொள்ளும கையூட்டும் இருக்காது. பள்ளிக்கூடங்களில் பெற்றோர்க்குத் தெரியாமல் மாணவர்களுடன் கூட்டணி வைத்துக் கொண்டு பொய்க் கையொப்பம் இட்டு மோசடி செய்வதும் நிறுத்தப்படும். பொதுவாக இதுபோன்ற இணை தளங்களில் விவரம் தரப்படும் என்று தெரிவிப்பார்களே தவிர, பரிசீலனையில் உள்ளது என்ற பொது விவரம்தான் வழங்கப்பட்ட பின்னரும் இருக்கும். அவ்வாறில்லாமல் உடனுக்குடன் விவரங்களைப் பதிய நடவடிக்கை எடுக்க வேண்டும். உதவித் தொகை தரும் பிற துறைகளும் இதனைப் பின்பற்ற ‌வேண்டும்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
11/25/2009 2:33:00 AM
உங்கள் கருத்தைப் பதிவு செய்யுங்கள் *