nammazhvar லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
nammazhvar லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, 21 செப்டம்பர், 2012

பதுக்க விடக் கூடாது!'



சொல்கிறார்கள்

பதுக்க விடக் கூடாது!' 

 இயற்கை வேளாண் விஞ்ஞானி நம்மாழ்வார்: கடந்த, 1969ல், பசுமை புரட்சி ஏற்பட்ட காலத்தில் இருந்தே, தமிழகம், உணவுப் பற்றாக்குறை மாநிலமாகத் தான் இருக்கு. பஞ்சாபில் இருக்கிறவங்க, அரிசியே சாப்பிடறதில்லை. தமிழகத்துக்கு ஏற்றுமதி பண்றதுக்காகவே, அவங்க அரிசி உற்பத்தி பண்றாங்க. ஆந்திராவில் இருந்து பொன்னி வருது. கர்நாடகத்தில் இருந்து டீலக்ஸ் பொன்னி வருது. இந்தியா முழுதும் நல்லா இருந்தா, நாம அதைப் பத்தி கவலைப்படாம, இறக்குமதி பண்ணிருவோம். இந்தியா முழுதும், இன்னிக்கு, 28 சதவீதம் மழை குறைவுன்னு அரசே சொல்லுது. தஞ்சை, திருவாரூர், நாகை மாவட்டங்கள்ல, நாலரை லட்சம் ஏக்கர்ல, நெல் பயிர் பண்றோம். அறுவடையின் போது தான், நெல் பற்றாக்குறை வரும். ஆனா, விதைக்கும் போதே பற்றாக்குறைன்னு சொல்றாங்க. இது எப்படி? இது முழுக்க முழுக்க பதுக்கல்! விலை உயர்வுக்கு, பதுக்கல் மிக முக்கியக் காரணம். உணவுப் பொருளை அரசு பதுக்க விடக் கூடாது. இரண்டாவதா, பருவ மழை பெய்யலியே தவிர, அங்கங்கே கொஞ்சமா மழை பெய்துட்டு தான் இருக்கு. புன்செய் பயிர்களுக்கு, இந்த மழை போதும். நெல்லுக்கு தேவையான தண்ணீர்ல, பத்துல ஒரு பங்குக்கும், குறைவா இருந்தா போதும். இந்த தானியங்கள் நல்லா விளையும். புன்செய் பயிர்களான கேழ்வரகு, கம்பு, சோளம் போன்ற, சத்துள்ள தானியங்களை பயிரிட, மக்களிடையே ஆர்வத்தை, அரசு தூண்ட வேண்டும். மூன்றாவதாக, ஒற்றை நாற்று சாகுபடி மூலம், நெல் விளைச்சலை, இரண்டு பங்கு கூட்ட முடியும். அரசாங்கம் நடத்தின பல, "மாதிரி வயல்'களிலேயே, விளைச்சல் இரட்டிப்பாகி, இது உறுதிபடுத்தப்பட்டிருக்கு. அரசு அதிகாரிகளுக்கு, போதிய பயிற்சி கொடுத்து, எங்கெல்லாம் நெல் பயிராகுதோ, அங்கெல்லாம், இந்த ஒற்றை நாற்று சாகுபடி முறையை அறிமுகப்படுத்தினா, குறைஞ்ச இடத்திலேயே, இரண்டு பங்கு நெல் உற்பத்தியை பெருக்க முடியும். இந்த மூன்றையும் செஞ்சாலே, உணவுப் பொருள் பற்றாக்குறையால் ஏற்படுகிற விலைவாசியை கட்டுப்படுத்தலாம். 

வியாழன், 10 செப்டம்பர், 2009

விவசாயத் துறை பின்னடைவுக்கு
பசுமைப் புரட்சியே காரணம்:
நம்மாழ்வார் குற்றச்சாட்டு



சென்னை, செப்.9: இந்தியாவில் விவசாயத் துறையில் ஏற்பட்டுள்ள கடுமையான பின்னடைவுக்கு பசுமைப் புரட்சி ஏற்படுத்திய விளைவுகளே காரணம் என இந்திய இயற்கை உழவர் இயக்க நிறுவனர் கோ. நம்மாழ்வார் குற்றம்சாட்டியுள்ளார்.

சென்னையில் இன்று நடைபெற்ற "தமிழ்நாடு வேளாண்மை மன்றச் சட்டம்' பற்றிய கருத்தரங்கில் நம்மாழ்வார் பேசியபோது இவ்வாறு தெரிவித்தார்.

ஒரு வேலி நிலத்தில் 1000 கலம் நெல் மகசூல் எடுத்த பெருமைக்குரியவர்கள் நம் விவசாயிகள். இதனை கல்லணையில் உள்ள கரிகாலன் சிலை அருகில் உள்ள பாடல் வரிகள் மூலம் நாம் அறியலாம்.

ஆனால் பசுமைப் புரட்சியின் மூலம்தான் விவசாய உற்பத்தி அதிகரித்து என தவறான தகவல்களைப் பரப்புகிறார்கள்.

பசுமைப் புரட்சி என்பது சந்தைக்கான உற்பத்தியை நோக்கமாகக் கொண்டது. தேவையற்ற இடுபொருட்களைப் பயன்படுத்த விவசாயிகள் பழக்கப்படுத்தப்பட்டுள்ளனர். இந்திய வயல்களில் ஆண்டுக்கு 90 ஆயிரம் டன் பூச்சிக் கொல்லி மருந்துகள் பயன்படுத்தப்படுகின்றன. நம் மண் மட்டுமின்றி உணவும் நஞ்சாகி விட்டது. இதனை உண்ணும் மனிதர்களுக்கும், மாடுகளுக்கும் பல்வேறு வியாதிகள் வருகின்றன.

இன்றைய விவசாயத் துறையின் நெருக்கடிகளுக்கு இந்த பசுமைப் புரட்சியின் விளைவுகளே காரணம் என்றார் நம்மாழ்வார்.


கருத்துக்கள்

Dinamani, it's great that you are dare to publish such kind of Good News.

By ssd
9/9/2009 9:31:00 PM

Ayya, Ninga intha mannukku saithuvarum uthavikku kodanakodi Nanri Dhinakaran

By DHINAKARAN
9/9/2009 8:21:00 PM

நம்மாழ்வார் அய்யா அவர்களே! உலகம் முழுக்க நீங்களும், உங்கள் உலக நண்பர்களும் செய்துவரும் இந்த தன்னலமற்ற விழிப்புணர்வுப் பணி என்றும் தொடரட்டும். பூச்சிக்கொல்லி மருந்து, மற்றும் உரக் கம்பெனி முதலாளிகளுக்காக மட்டுமே செயல்பட்டு வரும் நம் அரசாங்கம், வந்திருக்கும் ஆபத்தை இப்போதாவது உணரட்டும். தற்சார்புடன், தன்னிறைவோடு வாழ்ந்த விவசாயிகளை, தற்குறி முதலாளிகளிடம் அடகு வைத்த பசுமைப் புரட்சி ஒழியட்டும். பதினைந்து வருடங்களுக்கு முன், உங்களொடு பேசிய போதுதான் நான் உண்மை மனிதனானேன். இதைப் போன்ற செய்திகளையும் வெளியிடும் தினமணிக்கு நம் வாழ்த்துக்கள்!

By Murugadoss K
9/9/2009 7:46:00 PM

Why our govt is not considering the facts and the suggestions provided by Namalvazar. He is a graduate from Agri university.

By kuku
9/9/2009 7:40:00 PM
உங்கள் கருத்தைப் பதிவு செய்யுங்கள் *