medical treatment லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
medical treatment லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

செவ்வாய், 28 ஆகஸ்ட், 2012

குறைவான கட்டணத்தில் நிறைவான மருத்துவம்!



குறைவான கட்டணத்தில் நிறைவான மருத்துவம்!

"டிரஸ்ட்' மருத்துவமனை மூலம், குறைந்த கட்டணத்தில் மருத்துவ சிகிச்சை அளிக்கும் ஜீவானந்தம்: நான், 1980ல் மருத்துவம் முடித்து, ஈரோட்டில் பயிற்சி செய்ய ஆரம்பித்த நாட்களில், வசதியான நண்பர்களுடன் பழகும் வாய்ப்பு கிடைத்தது. அவர்களிடம் பணம் இருந்தது; என்னிடம் ஆர்வமும், திட்டமும் இருந்தது. எனவே, ஏதாவது செய்ய வேண்டும் என விரும்பினோம்.
அப்போது, மெட்ரிக் பள்ளிகள் முளைத்திருந்த நேரம். குறைவான கட்டணத்தில், தரமான கல்வியை வழங்கும் நோக்கில், 20 பேர், ஆளுக்கு, 5,000 ரூபாய் போட்டு, ஒரு தனியார் மெட்ரிக் பள்ளியை ஆரம்பித்தோம். இப்போது ஈரோட்டில், வாடகை இடத்தில், மற்ற பள்ளிகளை விட, குறைவான கட்டணத்துடன் அந்தப் பள்ளி வெற்றிகரமாக இயங்குகிறது.
இதே அடிப்படையில் உருவாக்கப்பட்டது தான், டிரஸ்ட் மருத்துவமனைத் திட்டம். 25 மருத்துவர்கள், 25 பொதுமக்களுடன், 4.5 கோடி ரூபாய் முதலீட்டில், 2001ம் ஆண்டில் இந்த மருத்துவமனை உருவானது.
இங்கு, அனைத்து விதமான நடைமுறைகளும் வெளிப்படையாக நடைபெறும். மருந்துப் பொருட்களின் விலை, சிகிச்சைக்கான செலவு, ஆக்சிஜன் வைத்தால் எவ்வளவு கட்டணம் என, அனைத்து விவரங்களும் அறிவிப்புப் பலகையில் இருக்கும்; எதுவும் மறைமுகம் இல்லை.
மருந்து, மாத்திரைகளை மக்களே வாங்கி வரலாம். சிகிச்சை முடிந்து திரும்பச் செல்லும் போது, மீதம் உள்ள மருந்து, மாத்திரைகளைக் கொடுத்து, பணம் வாங்கிக் கொள்ளலாம்.
கட்டணத்தையும் முடிந்த வரை குறைவாகவே நிர்ணயிக்கிறோம். பொது வார்டில் சேர்ந்து ஒரு நாள் சிகிச்சை பெற, மருத்துவரின் ஆலோசனைகளையும் சேர்த்து, நாங்கள் வாங்குவது, 150 ரூபாய் தான். இது, அரசு மருத்துவமனையில் கம்பவுண்டருக்குக் கொடுக்கும் லஞ்சத்திற்குச் சமம்.
குறைவான லாபம் வைத்து நடத்தப்படும் இந்த மருத்துவமனையில், எங்களுக்கு நல்ல லாபம் கிடைக்கிறது. தரமான, இலவச மருத்துவம் அனைவருக்கும் கிடைக்க வேண்டும். ஆனால், நம் அரசு, தனியார் மருத்துவத்தை ஊக்குவிக்கும் அளவிற்கு, அரசு மருத்துவமனைகளில் அக்கறை செலுத்துவது இல்லை.

வியாழன், 2 பிப்ரவரி, 2012

T.B.can be cured by continous treatment:தொடர் சிகிச்சையால் குணப்படுத்தலாம்!

 சொல்கிறார்கள்



சமூக நல மருத்துவர் ரம்யா அனந்தகிருஷ்ணன்: இந்தியாவில், 40 சதவீதம் மக்களுக்கு காசநோய்த் தொற்று, அவர்களின் உடலுக்குள்ளேயே இருக்கிறது. ஆனால், இந்தத் தொற்று, எப்போது நம் உடலில் எதிர்ப்பு சக்தி குறைகிறதோ, அப்போது, காசநோயாக மாறிவிடும். சர்க்கரை நோய் உடையவர்கள், எய்ட்ஸ் நோயால் பாதிக்கப்பட்டவர்கள், சத்தான உணவைச் சாப்பிடாதவர்கள் போன் றோருக்கு, காசநோய்க் கிருமி பாதிப்பை ஏற்படுத்துகிறது. காசநோய் பெரும்பாலும், நுரையீரலில் தோன்றுகிறது. இவர்களின் சளியைப் பரிசோதனை செய்தால், அதில் காசநோய்க் கிருமி இருக்கும். ஒரு சிலருக்கு, கழுத்தில் கட்டி போன்றும், எலும்புகள், மூளை நரம்புகளில் காசநோய் தோன்றலாம். நுரையீரல் பாதிக் கப்பட்டவர்கள் இருமும் போதும், தும்மும் போதும், பக்கத்தில் இருப்பவர்களுக்கும், காற்றில் அந்தத் தொற்று பரவும். காசநோய் என்பது, 100 சதவீதம் குணப்படுத்தக்கூடிய நோய் தான். ஆறு மாதம் தொடர் சிகிச்சையின் மூலம், ஒருவரை காசநோயிலிருந்து குணப்படுத்திவிட முடியும். ஒருவருக்கு, தொடர்ந்து இரண்டு வாரங்களுக்கும் மேலாக இருமல், மாலை நேரங்களில் காய்ச்சல், பசி யின்மை, எடை குறைதல் மற்றும் நெஞ்சு வலி தோன்றினால், கட் டாயம் அவர்களது சளியைப் பரிசோதனை செய்ய வேண்டும். காசநோய் பரம்பரையாய் வருவதல்ல. ஆனால், காசநோய் இருப்பது கண்டறியப்பட்டால், நம்மையும், நம்மைச் சுற்றி இருப்போரையும் நாம் தற்காத்துக் கொள்ள, உடனடி சிகிச்சை எடுத்துக் கொள்வது மிகவும் அவசியம்.

வெள்ளி, 22 ஜூலை, 2011

No free except educaion and medical treatment - Ramdoss: கல்வி, மருத்துவம் தவிர வேறு இலவசங்கள் கூடாது:இராமதாசு

சரியான கருத்து. கல்வியும் மருத்துவமும் எவ்வகைப்பாகுபாடுமின்றி எல்லார்க்கும் எளிதில் கிடைக்கும் நிலை வர வேண்டும். அரசு அன்பளிப்பாகத தர எண்ணும் பொருள்களைத் தரமான நிலையில் குறைந்த விலையில் அனைவருக்கும் கிடைக்க ஏற்பாடு செய்ய வேண்டும். 
அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்!

கல்வி, மருத்துவம் தவிர வேறு இலவசங்கள் கூடாது: ராமதாஸ்

First Published : 22 Jul 2011 03:23:05 AM IST

Last Updated : 22 Jul 2011 04:19:44 AM IST

மாநில துணைப் பொதுச் செயலர் பொன்.கங்காதரன் தலைமை தாங்கினார். மாநில தலைவர் ஜி.கே.மணி, முன்னாள் மத்திய அமைச்சர் ஏ.கே.மூர்த்தி, முன்னாள் சட்டமன்ற உறுப்பின
 காஞ்சிபுரம், ஜூலை 21: தமிழகத்தில் கல்வி மற்றும் மருத்துவம் தவிர வேறு எதுவும் இலவசமாக வழங்கக் கூடாது என்று பாமக நிறுவனர் ராமதாஸ் வலியுறுத்தினார்.  காஞ்சிபுரம் மேற்கு மற்றும் தெற்கு மாவட்ட பொதுக் குழுக் கூட்டம் வியாழக்கிழமை நடைபெற்றது. இக் கூட்டத்தில் பங்கேற்ற அவர் மேலும் கூறியது:  தமிழ்நாட்டில் நடப்பது அரசியலே அல்ல, அரிசியல். ரூபாய்கு 3 படி அரிசி, ரூபாய்க்கு ஒரு படி அரிசி, ஒரு ரூபாய்க்கு ஒரு கிலோ அரிசி, இப்போது 20 கிலோ இலவச அரிசி என்று அரசியல் இப்போது அரிசியலாக மாறியுள்ளது.  இலவச மிக்ஸி கிரைண்டர், டி.வி. கொடுப்பதில் எங்களுக்கு உடன்பாடு இல்லை.  கல்வியும், மருத்துவமும் தவிர வேறு எதையும் இலவசமாக கொடுக்கக்கூடாது. கல்வியை இலவசமாக கொடுத்து, வேலைவாய்ப்பை உருவாக்கினால், இலவசமாக கொடுக்கும் பொருள்களை அவர்களே வாங்கிக் கொள்வார்கள்.  சங்க காலத்தில் தமிழர்கள் வீரத்துடன் போருக்கு சென்றனர். தற்போது தமிழர்கள் பாருக்கு செல்கின்றனர். கல்விக் கூடங்களை அரசு நடத்த வேண்டும். ஆனால் அது தனியாரிடம் விடப்படுகிறது.  ஆனால் டாஸ்மாக் மதுக்கடைகளை அரசு நடத்துகிறது. இதனால்தான் போருக்கு சென்ற தமிழன் பாருக்கு செல்லும் நிலை உருவாகியுள்ளது.  விவசாயிகள் பலர் நகப்புறங்களை நோக்கி நகரத் தொடங்கியுள்ளனர். விவசாய நிலங்கள் ரியல் எஸ்டேட்டுகளாக மாற்றப்படுகின்றன. எந்தக் காரணத்துக்காகவும் விவசாய நிலங்களை எடுக்கக் கூடாது என்று நாங்கள் விவசாயிகளுக்காக தொடர்ந்து குரல் கொடுத்து வருகிறோம்.  தமிழகத்தில் பாமக தோல்வி அடைந்ததற்கு பலர் பல்வேறு காரணங்களை கூறினர்.  இளைஞர்கள் நம் கட்சியில் இருந்திருந்தால் இந்தத் தோல்வி நமக்கு ஏற்பட்டிருக்காது. உடனடியாக அவர்களை கட்சியில் சேர்க்கும் முயற்சியில் இறங்குங்கள்.  அரை குறை சமச்சீர் கல்வி: ஏற்கெனவே சமச்சீர் கல்வி கொண்டு வரப்பட்டபோதே நான் சமச்சீர் கல்வி அரைகுறையாக கொண்டு வரப்படுகிறது.  இது சமச்சீர் கல்வி அல்ல சமரச கல்வி என்றும் கூறியிருந்தேன். முத்துக்குமரன் கமிட்டி அறிக்கையை முழுமையாக அமல்படுத்த வேண்டும் என்றும் கூறினேன். அந்த அரைகுறை சமச்சீர் கல்வியையும் அமல்படுத்தாமல் தடுக்கும் முயற்சியில் தற்போதுள்ள அதிமுக அரசு ஈடுபட்டுள்ளது.  உச்ச நீதிமன்றத்தில் என்ன தீர்ப்பு வரும் என்று தெரியவில்லை. சமச்சீர் கல்வியை தமிழகத்தில் அமல்படுத்தாவிட்டால் பாமகவினர் வீதியில் இறங்கி போராடுவர் என்றார் ராமதாஸ்.