சென்னை, ஜூலை 22: முல்லைப் பெரியாறு பிரச்னை தொடர்பாக வைகோ தலைமையில் ம.தி.மு.க.வினர் மதுரையில் ஆகஸ்ட் 17-ம் தேதி உண்ணாவிரதப் போராட்டம் நடத்த உள்ளனர். ம.தி.மு.க. மாவட்டச் செயலாளர்கள், ஆட்சிமன்றக் குழு, அரசியல் ஆலோசனைக் குழு உறுப்பினர்கள் கூட்டம் சென்னை எழும்பூரில் உள்ள அக் கட்சி தலைமையகத்தில் வெள்ளிக்கிழமை நடைபெற்றது. அவைத் தலைவர் திருப்பூர் சு.துரைசாமி தலைமை தாங்கினார். பொதுச்செயலாளர் வைகோ, பொருளாளர் மாசிலாமணி, துணைப்பொதுச் செயலாளர்கள் நாசரேத் துரை, மல்லை சத்யா, துரை.பாலகிருஷ்ணன் உள்பட நிர்வாகிகள் பங்கேற்றனர். கூட்டத்தில் நிறைவேற்றப்பட்ட தீர்மானங்கள்: அண்ணா பிறந்த நாளான செப்டம்பர் 15-ல் திருநெல்வேலியில் திறந்த வெளி மாநாடு நடத்தப்படும். முல்லைப் பெரியாறில் தமிழக உரிமைக்காகவும், கேரள அரசின் அக்கிரமப் போக்கைத் தடுக்கவும் மதுரையில் ஆகஸ்ட் 17-ம் தேதி உண்ணாவிரதப் போராட்டம் வைகோ தலைமையில் நடத்துவது என்பது உள்பட தீர்மானங்கள் நிறைவேற்றப்பட்டன.
ஆகஸ்ட் 17 அன்று தமிழகத்தின் தார் சாலைகள் அனைத்தும் மதுரை நோக்கி திரும்பட்டும்.
By பாஞ்சை வேந்தன்
7/23/2011 8:58:00 AM
வைகோ என்றால் ஈழப்பிரச்சினைப்பத்தி மட்டும் தான் பேசுவார் என்று ஒரு கூட்டம் அவதூறு பரப்பிக்கொண்டு திரிகிறது. முல்லை பெரியாறு அணைக்காக விடாமல் போராட்டம் நடத்தியவர்கள் அய்யா பழ.நெடுமாறனும், வைகோவும் தான். மஞ்சத்துண்டுக்காரனோ, அவன் மகன் தொடைநடுங்கியோ ஒரு தடவை கூட பெரியாறு அணைக்காக போராட்டம் நடத்தியது இல்லை. தமிழருக்காக என்றும் போராடும் வைகோ அவர்கள் தன்னிகரற்ற தலைவராக விரைவில் உயர்வார்.
காந்தி வழியில் உண்ணா நோன்பு இருந்த திலீபனுக்கு நேர்ந்த கதியை அறிந்தவர்கள் உண்மையான உண்ணா நோன்பை மேற்கொள்வார்களா? உண்ணா நோன்பை மதிக்காத அரசிடம் இப்படித்தான் நடந்து கொள்வார்கள். உண்ணா நோன்பு என்ற பெயரில் ஏதோ வேடிக்கை நிகழ்ச்சியாகக் கூட்டம் கூடினால் போதும் என்பதே இவர்களின் எண்ணம். எனவே கட்டுரையாளர் கவலைப்பட்டுப் பயனில்லை. காந்தியக் கொள்கைகளை முதலில் அரசு மதிக்கட்டும்.
சுதந்திரப் போராட்டக் காலத்தில் சர்வ வல்லமை படைத்த ஆங்கில அரசாங்கத்தையே கதிகலங்க வைத்தது காந்தியின் உண்ணாவிரத அறப்போராட்டங்கள்தான். அவர் ஒருநாள், இருநாள் அல்ல, கோரிக்கை நிறைவேறும்நாள் வரை அஹிம்சை வழியில் தன் உடலை வருத்தி, உண்ணாநோன்பு இருந்து பலமுறை வெற்றி கண்டுள்ளார். அவரின் சக்திமிக்க அறப்போராட்டமாம் உண்ணாவிரதப் போராட்டத்தை, நாடு முழுவதும் உள்ள அரசியல்வாதிகள் மற்றும் பிற சங்கத்தினர், பொதுநல அமைப்புகள் இப்போது கேலிக்கூத்தாக்கி வருகின்றனர். அந்தவகையில், அண்மையில் தமிழ்நாடு தொடக்கப்பள்ளி ஆசிரியர் இயக்கங்களின் கூட்டு நடவடிக்கைக் குழுவான டிட்டோஜேக் சார்பில், ஒருநபர் குழுவில் கைவிடப்பட்டுள்ள மத்திய அரசுப் பள்ளி ஆசிரியர்களுக்கு இணையான ஊதியம் மற்றும் தர ஊதியத்தை வழங்கக் கோரி, மாநிலம் முழுவதும் மாவட்ட அளவிலான உண்ணாவிரதப் போராட்டங்களை நடத்தினர். அதில், திருநெல்வேலி மாவட்டம் ஆலங்குளத்தில் நடந்த ஆசிரியர்களின் உண்ணாவிரதம் கேலிக்கூத்தின் உச்சவடிவமாக இருந்தது.பொதுவாக உண்ணாவிரதம் என்பது, காலை 7 மணிக்குத் தொடங்கி, மாலை 5 மணிவரை உண்ணாநோன்பிருந்து போராடுவது வழக்கம். ஆனால், இங்கு நடந்த உண்ணாவிரதம் தொடங்கியதே காலை 11 மணிக்குத்தான். அடுத்த ஒரு மணி நேரத்துக்குள் போராட்டப் பந்தலில் இருந்து ஆசிரியர்கள், கும்பல் கும்பலாக வெளியேறி, அருகில் இருந்த கடைகளில் தேநீர் குடிக்கத் தொடங்கினர். உண்ணாவிரதத்தில் இருந்த தலைவர்கள் போராட்டப் பந்தலுக்குள் வந்து அமருமாறு பலமுறை ஒலிபெருக்கியில் வேண்டுகோள் விடுத்துக்கொண்டே இருந்தனர். ஆனால், அதை ஆசிரியர்கள் பொருள்படுத்தவே இல்லை. பகல் ஒரு மணி அளவில் போராட்டப் பந்தலுக்குள் இருந்த பெண் ஆசிரியர்கள் பாதிக்கும் மேற்பட்டோர் புறப்பட்டுச் சென்று விட்டனர். அதேநேரம் அப்போதுதான் உண்ணாவிரதம் தொடங்குவதுபோல, மாவட்டத்தின் மற்ற பகுதிகளில் இருந்து வந்த ஆசிரியர்கள் வேன் போன்ற வாகனங்களில் வந்து இறங்கிப் போராட்டத்தில் பங்கேற்றனர். தொடர்ந்து போராட்டம் நடந்து கொண்டிருக்கும்போதே, ஆசிரியர்கள் பந்தலுக்குள் வருவதும் போவதுமாக இருந்தனர்.இதைப் பார்த்துக் கொண்டிருந்த பொதுமக்கள் அரசியல்வாதிகளைவிட ஆசிரியர்கள் இவ்வளவு மோசமாக நடந்துகொள்கிறார்களே எனப் பேசிக்கொண்டனர். மேலும், எந்த ஓர் அரசியல் மேடையானாலும் ஏதாவது ஒருவகையில் போலீஸôரைத் தரக்குறைவாகப் பேசுவது வழக்கம். ஆலங்குளம் காவல்நிலையம் அருகில் நடந்த இந்த உண்ணாவிரதத்தில் பேசிய மாநிலப் பொறுப்பில் உள்ள ஒரு தலைவர், போலீஸôரை ஒருமையில் பேசினார். இதைக் கண்டு அங்கிருந்த போலீஸôர், சமுதாயத்துக்கு முன்மாதிரியாக இருக்க வேண்டிவர்களே இவ்வாறு பேசுகின்றனரே என மனம் வெதும்பினர். ஆசிரியர்கள் தங்களது ஊதியஉயர்வு உள்ளிட்ட பல்வேறு கோரிக்கைகளை அரசுக்குத் தெரிவிக்க விரும்புவது அவர்களது உரிமை. ஆனால், அரசியல்வாதிகள் நடத்தும் உண்ணாவிரதப் போராட்டங்களில் எந்தவித நடைமுறையும் எப்படி கடைப்பிடிக்கப்படுவதில்லையோ, அதேபோல ஆசிரியர்கள் நடத்திய இந்தப் போராட்டத்திலும் அவர்கள் நடந்து கொண்டவிதம் பார்வையாளர்கள் மத்தியில் அதிருப்தியை ஏற்படுத்தியது. அறவழியில் தேசப்பிதா காந்திஜி கையாண்ட சக்திவாய்ந்த உண்ணாவிரதப் போராட்டத்தை கேலிக்கூத்தாக்கி, கொச்சைப்படுத்தியது நியாயமா?
"தன்மானத் தமிழன்" என்பதுபோய் "மானம் கெட்ட தமிழர்கள்" என்று மாறியதற்கு காரணமே இதுபோன்ற உதவாக்கரை ஆசிரியர்கள்தான்! தன்மானம், நாட்டுப்பற்று,பரோபகாரம்,மதநல்லிணக்கம், அரசியல் அறிவு, சுய சிந்தனை என்று எத்துனையோ நல்ல விசயங்களை மாணவர்களிடம் கற்பிப்பதை விடுத்து, எட்டுசுரைக்காயை மட்டுமே போதிப்பதல்ல கல்வி! கல்லூரியை முடிதவர்களிடம் கூட மேற்சொன்ன விஷயங்கள் இல்லாதபோது வேறென்ன சொல்வது!
By வருத்ததுடன் ஒரு தமிழன்!
11/27/2010 5:19:00 PM
இந்த ஆசிரியர்கள் முதல்வரின் லேடஸ்ட் உண்ணாவிரதத்திளிருந்து "சிற்றுண்டிக்கு பின் ,மதிய உணவு வேளைக்கு முன்" என்ற உண்ணாவிரதப் போராட்ட நிலையை எடுத்துள்ளார்கள் போலும்!! நல்ல காமெடி!
சென்னை, மார்ச் 24: அரசு பணியிடங்களில் தங்களை நியமிக்க வலியுறுத்தி கவின் கலை பட்டதாரிகள் சங்கத்தினர் வெள்ளிக்கிழமை (மார்ச் 26) குடும்பத்துடன் ஒரு நாள் அடையாள உண்ணாவிரதம் இருக்க உள்ளதாக அறிவித்துள்ளனர்.இது குறித்து சென்னையில் புதன்கிழமை செய்தியாளர்களிடம் அச்சங்கத்தின் தலைவர் பெ. அய்யாவு கூறியது:சென்னை மற்றும் கும்பகோணத்தில் தமிழக அரசின் கலை பண்பாட்டுத் துறையின் கீழ் இயங்கி வரும் கவின் கலைக் கல்லூரிகளில் ஓவியப் படிப்பு பட்டம் பெற்ற எங்களுக்கு அரசுத்துறையில் சரியான வேலைவாய்ப்பு இல்லை. இந்த கல்லூரிகளில் 5 ஆண்டு ஓவியப் படிப்பு முடித்து 'பி.எஃப்.ஏ.' பட்டம் பெற்றவர்களான எங்களை அரசுப் பணிகளில் அமர்த்தாமல் தமிழக அரசின் பள்ளிக் கல்வித்துறையால் நடத்தப்படும் 'டி.டி.சி.' எனும் மூன்று மாதகாலப் பயிற்சிப் பெற்றவர்களுக்கு அரசுப் பணிகளில் முன்னுரிமை அளிக்கப்படுகிறது. கவின் கலைக்கல்லூரிகளில் ஓவியப் பட்டப்படிப்பு படித்தவர்களுக்கு அரசு பணி இல்லாத நிலை உருவாகியுள்ளதால் எங்களின் வாழ்வாதாரம் முற்றிலுமாக பாதிக்கப்பட்டுள்ளது.எனவே தமிழக அரசு, கவின் கலைக் கல்லூரிகளில் ஓவியப் பட்டப்படிப்பு முடித்தவர்களுக்கு அரசு பள்ளி மற்றும் கல்லூரிகளில் ஓவிய ஆசிரியர் பணிகளை நியமிக்க வலியுறுத்தி குடும்பத்துடன் உண்ணாவிரதம் மேற்கொள்ள உள்ளோம் என்று தெரிவித்தார்.
கருத்துக்கள்
1.எண்ணற்ற ஓவிய ஆசிரியர் பணியிடங்கள் ஒழிவாக உள்ளன. அவற்றில் கவின்கலைப் பட்டதாரிகளையே நியமிக்க வேண்டும். 2. தொழில் நுட்பத் துறையால் நடத்தப்படும் ஓவியத் தேர்வினை நிறுத்த வேண்டும். 3. தேவையெனில் கவின்கலைக் கல்லூரிகளில் குறுங்கால ஓவியப் பயிற்சி அளிக்கலாம். 3. கவின்கலைக் கல்லூரிகள் குடிகாரர்களின் கூடாரமாகவும் கயவர்களின் புகலிடமாகவும் மாறி வருவதாகக் கடந்த பல ஆண்டுகளாக முறையீடுகள் வருகின்றன. அப்போக்கை நிறுத்த வேண்டும். 4. பணி மூப்பின் அடிப்படையில் இல்லாமல் செல்வாக்கு அடிப்படையில் பதவி உயர்வுகள் வழங்கப்படுகின்றன. இதனையும் மாற்ற வேண்டும். இத்தகைய கவின்கலை அன்பர்களின் குறைகளைக் களைய வேண்டும்.