7,000 வளைகள் கண்டுபிடிப்பு: ஒரே நாளில் 587 எலிகள் "காலி'

7,000 வளைகள் கண்டுபிடிப்பு: ஒரே நாளில் 587 எலிகள் "காலி'

தினமலர்

சென்னை: எலியைக் கட்டுப்படுத்த, மாநகராட்சி வைத்த மருந்து சாப்பிட்டு, 587 எலிகள் ஒரே நாளில் இறந்துள்ளன. இருளர் இனத்தவர் உதவியுடன் எலிகளை பிடிக்க திட்டமிட்டுள்ளதாக மாநகராட்சி தெரிவித்துள்ளது.

சென்னை திருவல்லிக்கேணி கஸ்தூரிபாய் மகப்பேறு மருத்துவமனையில், குழந்தை சடலத்தை எலி கடித்த விவகாரம் பெரும் பரபரப்பை ஏற்படுத்தியது. கவனக்குறைவாக ஈடுபட்டதாக, இரண்டு டாக்டர்களும், மருத்துவ ஊழியர்களும் தற்காலிக பணி நீக்கம் செய்யப்பட்டனர். நிலைமையை உணர்ந்த அரசு, "மருத்துவமனைகளுக்குள் இயங்கும் நடமாடும் உணவகங்கள் மூடப்படும். எலி ஒழிப்பு நடவடிக்கைகள் மாநகராட்சியுடன் இணைந்து தீவிரப்படுத்தப்படும். இதில் இருளர் இனத்தைச் சேர்ந்தவர்களும் ஈடுபடுத்தப்படுவர்' என அறிவித்தது. இதையடுத்து, எலி ஒழிப்பு நடவடிக்கையில் மாநகராட்சி இறங்கியுள்ளது. கஸ்தூரிபாய் மருத்துவமனை மட்டுமின்றி, சென்னை முழுவதும் எடுத்த நடவடிக்கைகளில், ஒரே நாளில் 587 எலிகள் இறந்துள்ளதாக மாநகராட்சி தெரிவித்துள்ளது.

இதுகுறித்து மாநகராட்சி வெளியிட்ட அறிக்கை:

எலி ஒழிப்புக்கு சென்னை நகரம் முழுவதும் 240 குழுக்கள் அமைக்கப்பட்டுள்ளன. ஒரு குழுவில் மூன்று பணியாளர்கள் உள்ளனர். 28 அரசு மருத்துவமனைகள், 47 மாநகராட்சி மருந்தகம், நகர நல்வாழ்வு மையங்கள், 77 மார்க்கெட்டுகள், 33 பஸ் நிலையங்கள், 80 சேமிப்பு கிடங்குகள், மக்கள் அதிகம் கூடும், வணிக வளாகம் போன்ற இடங்களில், 7,031 எலி வளைகளில், எலிக்கொல்லி மருந்து வைக்கப்பட்டன.

நேற்று காலை, அந்த இடங்களை ஆய்வு செய்தபோது, 587 எலிகள் இறந்த நிலையில், கண்டெடுக்கப்பட்டு, புதைக்கப்பட்டன. மேலும், 15 நாட்கள் தீவிர எலி ஒழிப்பு பணி மேற்கொள்ளப்படும். இவ்வாறு மாநகராட்சி தெரிவித்துள்ளது. எலி ஒழிப்பில், இருளர் இனத்தைச் சேர்ந்தவர்கள் ஈடுபடுத்தப்படுவார்களா என மாநகராட்சி அதிகாரி ஒருவரிடம் கேட்டபோது, ""அரசு இருளர் இனத்தை சேர்ந்தவர்களை ஈடுபடுத்த அறிவுறுத்தியுள்ளது. இதுகுறித்து, இன்று சுகாதாரத் துறை செயலர் தலைமையில் கலந்தாய்வுக் கூட்டம் நடக்கிறது. அவர்களை எந்த வகையில் பணிக்கு பயன்படுத்துவது என்றும்; ஊதிய விவகாரம் குறித்தும் முடிவு செய்யப்படும்,'' என்றார். மதுரை அரசு மருத்துவமனையில், ஊழியர்கள் நடத்திய எலி வேட்டையின் போது, பாம்பு சிக்கியது.

சென்னை அரசு மருத்துவமனையில், இறந்த குழந்தையை எலிகள் கடித்ததைத் தொடர்ந்து, மதுரை அரசு மருத்துவமனையிலும் எலிகளை ஒழிக்க, டீன் மோகன் தலைமையில் ஆலோசனை நடந்தது. அதன்படி, நேற்று மருத்துவமனை வளாகத்திற்குள் திரிந்த 12 நாய்களை, ஊழியர்கள் பிடித்தனர். எலிகளையும் பிடிக்க, குழு அமைக்கப்பட்டது. மருத்துவமனை வளாகத்திலுள்ள சிற்றுண்டி சாலைகள், விடுதிகளில் கழிவுகளே இல்லாதபடி, வளாகத்தை பராமரிக்க வேண்டும். பார்சல் சாப்பாடுகள் வழங்கக் கூடாது; சாப்பாடு அறையில் வந்து சாப்பிடுவோருக்குத் தான், உணவு வினியோகிக்க வேண்டும். விடுதி மாணவியர் அறைக்கு, உணவுப் பொருட்களை கொண்டு சென்று, உண்பதை தவிர்க்க வேண்டும் என, அறிவுறுத்துதல்கள் வழங்கப்பட்டன. அடிக்கடி ஆய்வு மேற்கொள்ளவும் முடிவு செய்யப்பட்டது. நேற்று வளாகத்தில், கழிவு நீரேற்றும் புதர்கள் நிறைந்த பகுதியில், எலி வேட்டை நடந்தது. மதியம் வரை எலிகள் பிடிபடாத நிலையில், பாம்பு ஒன்று பிடிபட்டது. தொடர்ந்து எலிகளைத் தேடும் வேட்டை நடந்தது.

தலையங்கம்: நல்லவேளை, நாம் பிழைத்துக் கொண்டோம்!

First Published : 27 Oct 2010 01:24:26 AM IST

Last Updated : 27 Oct 2010 01:37:41 AM IST

சாதாரண பொதுஜனத்தின் நலனையும் ஒட்டுமொத்த சமுதாயத்தின் நியாயமான கோரிக்கைகளையும் எதிர்த்து மேல்முறையீடு செய்யும் மனத்துணிவு மக்களால் மக்களுக்காக மக்களாட்சி முறையில் தேர்ந்தெடுக்கப்பட்ட அரசுக்கு இருப்பதுதான் வேடிக்கை, விசித்திரம்.சென்னை, தியாகராய நகர் வெங்கட்நாராயணா சாலையில் உள்ள விளையாட்டுத் திடல் மற்றும் பூங்காவின் கீழே வாகன நிறுத்தச் சுரங்கம் அமைக்கவுள்ளதாக சென்னை மாநகராட்சி திட்டமிட்டபோது, அதை எதிர்த்து உயர் நீதிமன்றத்தில் ஒரு பொதுநல வழக்குத் தொடுக்கப்பட்டது. அந்த வழக்கில் மாநகராட்சியின் தீர்மானம் சரியல்ல, ஏற்கெனவே சுற்றுச்சூழல் பாதிக்கப்பட்டுள்ள சென்னையில் இவ்வாறு இருக்கின்ற பூங்காக்களைச் சேதப்படுத்துவது தவறு என்று நீதிமன்றம் சென்னை மாநகராட்சியின் முடிவுக்கு எதிராகத் தீர்ப்பு வழங்கியது.ஆனாலும், சென்னை மாநகராட்சி அதை எதிர்த்து உயர் நீதிமன்றத்தின் தீர்ப்பை ரத்து  செய்யக்கோரி உச்ச நீதிமன்றத்தில் மனுச் செய்தது. ஆனால், உச்ச நீதிமன்றம் இந்த வழக்கை அனுமதிக்காமல் தொடக்க நிலையிலேயே தள்ளுபடி செய்துவிட்டது.இந்த வழக்கை விசாரித்த நீதிபதிகள் ஜி.எஸ். சிங்வி, ஏ.கே. கங்குலி இருவரும் இந்த மனுவைத் தள்ளுபடி செய்ததுடன் சென்னை மாநகராட்சி வெட்கப்படும்படியான கேள்விகளையும் கேட்டுள்ளனர். இப்போது கார்களை நிறுத்த இடம்தேடி அலையும் சென்னை மாநகராட்சி தியாகராய நகரில் முறையான அனுமதிபெறாமல் கட்டப்பட்ட கட்டடங்களை அனுமதிப்பதும், அந்த அத்துமீறிய கட்டடங்களைப் பின்னர் முறைப்படுத்துவதையும்தானே தொடர்ந்து செய்து கொண்டிருக்கிறது என்று நீதிபதிகள் கேட்ட கேள்விக்கு சென்னை மாநகராட்சி என்னதான் பதில் சொல்லிவிட முடியும்?சென்னை மாநகரில் கடந்த 12 ஆண்டுகளில் பெருகிவிட்ட கார்களின் எண்ணிக்கை காரணமாகத்தான் இந்த வாகன நிறுத்தச் சுரங்கத்தை அமைக்க மாநகராட்சி தீர்மானித்தது என்று சென்னை மாநகராட்சிக்காக வாதாடிய மூத்த வழக்குரைஞர் முகுல் ரகோத்கி கூறியதுடன், இந்தப் பூங்கா மற்றும் விளையாட்டுத் திடல் அதே நிலையில் பராமரிக்கப்படும் என்றும் உறுதி அளிக்கப்பட்டுள்ளது என்று கூறியபோது, மாநகராட்சியின் உறுதிமொழிகளின் புனிதம் பற்றி நாங்கள் நன்றாக அறிவோம் என்று கேலியாகவே பதில் அளித்துள்ளனர் நீதிபதிகள். முறையான அனுமதியின்றி கட்டடங்களைக் கட்ட அனுமதித்தீர்களே, அங்கே வாகனங்கள் நிறுத்தும் இடம் இல்லையா? என்றும் கேட்டுள்ளனர்.மேலும், தில்லியில் கன்னாட் பிளேஸில் உள்ள பாலிகா பஜார் போன்று சென்னை மாநகராட்சியும் இத்திட்டத்தைத் திறம்படச் செய்யும் என்று கூறியபோதும்கூட நீதிபதிகள் ஏற்க மறுத்து, அங்கே மூச்சுத் திணறுகிறது. பாலிகா பஜாரின் உள்ளே சுவாசிப்பதே கடினம் என்றும் அங்கே இருந்த பூங்கா இப்போது எங்கே என்றும் பதில் கேள்வி எழுப்பினர். நல்லவேளை நீதிமன்றம் என்று ஒன்று இருக்கிறதால் நாம் பிழைத்தோம். ஒரு வர்த்தகத் திட்டம் தடை செய்யப்பட்டு, மக்கள் நியாயம் வென்றிருக்கிறது.சாலை என்பது முதலில் மக்களுக்காகத்தான். வாகனங்களுக்காக அல்ல. நான் வரி செலுத்துகிறேன், சாலையில் வாகனத்தை நிறுத்தக் கட்டணம் தருகிறேன் என்பதெல்லாம் மிக அதிகமாக வாகனங்கள் புழங்கும் வெளிநாடுகளில்கூட எடுபடாத வாதங்கள். மக்கள் நடக்கவும், சைக்கிளில் செல்லவும் வழிவிட்டதுபோக, மீதி இடம் இருந்தால்தான் கார்கள் நிறுத்த இடம் ஒதுக்கப்படும்.ஆனால், நம்நாட்டில் தலைகீழாக நடக்கிறது. பொதுமக்கள் பயணம் செய்யும் பேருந்துகள், இந்த வாகன நெரிசலைக் காரணம் காட்டி வேறு பாதையில் செல்வதற்கும், பேருந்து நிறுத்தங்களை நீண்ட தூரத்துக்கு மாற்றுவதற்கும் அதிகாரிகள் வேட்டியை வரிந்துகட்டிக்கொண்டு வருகிறார்கள். கார்கள் மட்டுமே நேரடியாக கடைவாசல் வரைபோய், வாடிக்கையாளர்களைக் கடைவாசலில் இறக்கிவிட்டு சாலைக்கு இடையூறாக நிறுத்த அனுமதிப்பார்கள். வசதியில்லாத மக்களோ, எங்கேயோ நிறுத்தப்பட்ட பேருந்திலிருந்து இறங்கி, இந்த இடையூறுகளைக் கடந்து வந்தாக வேண்டும்.வசதி இருப்பவர்களுக்கு மேலும் வசதி. வசதி இல்லாதவர்களுக்கு மேலும் வசதி குறைப்பு. இதுதான் சுதந்திர இந்தியாவில் கடந்த 20 ஆண்டுகளாக நாம் நேர்கொள்ளும் விபரீதம். இதன் நேரடிப் பாதிப்பை பெருகிவரும் குடிசைப் பகுதிகளும், அதிகரித்துவரும் மாவோயிஸ்ட் தாக்குதல்களும் உணர்த்துகின்றன.இந்தத் தீர்ப்பு ஏதோ சென்னை மாநகருக்கு மட்டுமே உரியதாகப் பார்க்கப்படக்கூடாது. இதே சிக்கல் தமிழ்நாட்டில் உள்ள அனைத்து மாநகராட்சிகளிலும் ஏற்பட்டுவிட்டது. சில மாநகராட்சிகள் பல அடுக்கு வாகன நிறுத்தக் கட்டடங்களைக் கட்ட முனைப்புக் காட்டி வருகின்றன. ரயில்வே நிர்வாகம்கூட, முக்கிய இடங்களில் பல அடுக்கு வாகன நிறுத்த மையங்களை அமைக்கத் தனியாரை ஊக்கப்படுத்துகிறது. அதாவது ""கட்டு-பராமரி-பின்னர் கொடு'' எனும் ஒப்பந்தத்தில் தொடங்க தனியாரை அழைக்கிறார்கள். இத்தகைய வாகன நிறுத்தும் இடங்கள் மூலம் அதிகம் சம்பாதிக்க முடியும் என்பதை நமது அரசியல்வாதிகள் புரிந்து வைத்திருக்கிறார்கள். ஒரு மணி நேரத்துக்கு கார்களுக்கு ரூ. 50 வரை கட்டணம் வசூலிக்க முடியும் என்பதால், இத்தகைய முயற்சிகளில் தனியாரை -அல்லது தங்கள் பினாமிகளை- இறக்கிவிட்டு, அதன் மூலம் கொள்ளைலாபம் பார்க்க நினைக்கிறார்கள். நகரில் ஓர் இடத்தை விலைக்கு வாங்கி இதுபோல வாகன நிறுத்தும் இடங்களைத் தங்களது சொந்தச் செலவில் நடத்துவதைக்காட்டிலும் அரசுக்குச் சொந்தமான இடங்களில் சமூகநோக்கு என்கிற போலி காரணத்தைக்கூறி, ஊர்ப்பணத்தில் கொழிக்க அரசியல்வாதிகள் முற்பட்டிருக்கிறார்கள்.எந்த மாநகராட்சி என்றாலும், அங்குள்ள பல அடுக்கு மாடிக் கட்டடங்களின் தரைதளம், அவர்கள் சமர்ப்பிக்கும் வரைபடத்தின்படி, வாகன நிறுத்தும் இடமாகக் காட்டப்படும். ஆனால் நடைமுறையில் அங்கும் கடைவிரிப்பதும், கிடங்காகப் பயன்படுத்தும் போக்கும்தான் தொடர்கிறது. இந்தக் குற்றத்துக்காக எந்தக் கட்டட உரிமையாளர்கள் மீதும் எந்த ஒரு மாநகராட்சியாலும் நடவடிக்கை எடுக்கப்படுவதில்லை.வீட்டில் கார் நிறுத்தவே இடமில்லை என்றாலும் கார் வாங்கி, தெருவில் நிறுத்திவைத்து, இரவில் போர்வைபோட்டு மூடி வைத்து, சாலையில் செல்வோருக்கு இடையூறாக நிற்கும் கார்கள்தான் நகரங்களில் அதிகம்.கார் நிறுத்த இடம் இருப்பவர்களுக்கு மட்டுமே கார் வாங்க முடியும் என்று சட்டம் வந்தால்? வராது. வர விடமாட்டார்கள். இந்த அரசும் ஆட்சியும் கார்களில் பயணிப்பவர்களால் கார் தயாரிப்பாளர்களின் லாபத்துக்காக நடத்தப்படும் ஆட்சியாக இருக்கும்போது பாதசாரிகளின் நலன் பேணப்படாமல் இருப்பதில் வியப்பென்ன இருக்கிறது!

Email

Print

தலையங்கம்: நல்லவேளை, நாம் பிழைத்துக் கொண்டோம்! target=_blank>Delicious

தலையங்கம்: நல்லவேளை, நாம் பிழைத்துக் கொண்டோம்! &url=http://www.dinamani.com/edition/Story.aspx?SectionName=Editorial&artid=323724&SectionID=132&MainSectionID=132&SEO=&Title=தலையங்கம்: நல்லவேளை, நாம் பிழைத்துக் கொண்டோம்! target=_blank>Digg

தலையங்கம்:-நல்லவேளை,-நாம்-பிழைத்துக்-கொண்டோம்! target=_blank>Facebook

தலையங்கம்:-நல்லவேளை,-நாம்-பிழைத்துக்-கொண்டோம்!+http://www.dinamani.com/edition/story.aspx?artid323724>Twitter

கருத்துக்கள்

மக்கள் நலன் கண்ணோட்டத்தில் எழுதப்பெற்ற அருமையான தலையங்கம். இனியேனும் திருந்துமா உரிய அமைப்புகள்? திருந்துவார்களா ஆட்சியாளர்கள்? 
அன்புடன் இலக்குவனார் திருவள்ளுவன்

By Ilakkuvanar Thiruvalluvan
10/27/2010 3:21:00 AM

உங்கள் கருத்தைப் பதிவு செய்யுங்கள் * Tamil English

பெயர்ப்பலகைகளில் தமிழ், குழந்தைகட்குத் தமிழ்ப் பெயரிடுதல் முதலான செயற்பாடுகளின் மூலம் தமிழ் வளர்ச்சி நலனில் கருத்து செலுத்தும் மாநகராட்சித் தலைவர் உடனே ஆங்கிலவழிக் கல்வித் திட்டத்திற்கு மூடுவிழா நடத்த வேண்டும். அதற்கு மாற்றாகத தமிழ் வழிக் கல்வியைத் தரமான நிலையில் வழங்கவும் மாநகராட்சிப் பள்ளிகளின் கட்டமைப்பு வசதிகளைப்  பெருக்கவும் நடவடிக்கை எடுக்க வேண்டும். செமமொழி மாநாட்டை நடத்திவிட்டு தாய்த்தமிழைத்  துரத்துவது முறைதானா? சரிதானா?அறம்தானா? அன்புடன் இலக்குவனார திருவள்ளுவன்

+++++++++++++++++++++++++++++++++++++++++++++++++++++++++++++++++++++++++++

 

Font Size மாநகராட்சி பள்ளிகளில் ஆங்கில வழி பாடம் - 03-07-2010 சென்னை: “சென்னை மாநகராட்சியில் மேலும் 15 பள்ளிகளில் ஆங்கில வழிப்பாடம் தொடங்கப்படும்,” என்று மேயர் சுப்ரமணியன் தெரிவித்தார். சென்னை மாநகராட்சி பள்ளிகளுக்கு அவசர தேவைகளை பூர்த்தி செய்யும் வகையில் நிதி கொடுக்கப்படுமென்று பட்ஜெட்டில் அறிவிக்கப்பட்டது. அதன்படி நேற்று நுங்கம்பக்கம் பெண்கள் மேல்நிலைப்பள்ளியில் நடந்த நிகழ்ச்சியில் மேயர் சுப்ரமணியன் மாநகராட்சி பள்ளிகளுக்கு தேவையான நிதிகளை வழங்கினார். அவர் கூறியதாவது: தனியார் பள்ளிகளில் அவசர தேவைகளுக்கு நிதி ஒதுக்கீடு செய்வது போல், சென்னை மாநகராட்சி பள்ளிகளுக்கும் அவசர தேவைகளை பூர்த்தி செய்யும் வகையில் நிதி ஒதுக்க முடிவு செய்யப்பட்டது. அதன்படி 120 தொடக்கப்பள்ளிகளுக்கு 3,000 ரூபாயும், 97 நடுநிலைப் பள்ளிகளுக்கு 5,000 ரூபாயும், 37 உயர்நிலைப் பள்ளிக்குக்கு 10 ஆயிரம் ரூபாயும், 30 மேல்நிலைப் பள்ளிக்கு 15 ஆயிரம் ரூபாயும் வழங்கப்படுகிறது. மாநகராட்சியின் 284 பள்ளிகளுக்கு அவசர தேவைக்கு உபயோகப்படுத்திக் கொள்ளும் வகையில், 16 லட்சத்து 65 ஆயிரம் ரூபாயை அந்த பள்ளி தலைமை ஆசிரியர்களுக்கு வழங்கப்பட்டுள்ளது. சென்னை மாநகராட்சியின் பள்ளிகளில் கடந்த ஆண்டு 15 தொடக்கப் பள்ளிகளில் ஆங்கில வழி பாடம் தொடங்கப்பட்டது. துவங்கிய போது 756 மாணவ, மாணவியர் சேர்ந்தனர். இந்த ஆண்டு ஆயிரம் பேருக்கு மேல் ஆங்கில வழிப்பாடத்தில் சேர்ந்துள்ளனர். ஆங்கில வழி பாடத்திட்டத்திற்கு பெற்றோர் மத்தியில் ஆதரவு இருப்பதால், இந்த ஆண்டு மேலும் தொடக்கப் பள்ளிகளில் ஆங்கில வழி பாடம் தொடங்கப்படும். இவ்வாறு மேயர் கூறினார்.

பெயர்ப் பலகைகள் தமிழில் இல்லாதது வெட்கக்கேடானது: மேயர்

First Published : 16 Apr 2010 02:27:35 AM IST

Last Updated :

சென்னை, ஏப். 15: தமிழகத்தின் தலைநகரான சென்னையில் வணிக நிறுவனங்களின் பெயர்ப் பலகைகள் தமிழில் இடம்பெறாதது வெட்கக்கேடானது என்று மேயர் மா. சுப்பிரமணியன் கூறினார்.சென்னை மாநகராட்சியில் உள்ள வணிக நிறுவனங்களின் பெயர் பலகைகளில், மே 31}ம் தேதிக்குள் தமிழுக்கு பிரதான இடம் கொடுக்கப்பட வேண்டும் என்று சென்னை மாநகராட்சி உத்தரவிட்டுள்ளது. இதுதொடர்பாக பல்வேறு வணிக சங்கங்களின் நிர்வாகிகளுடன் சென்னையில் வியாழக்கிழமை ஆலோசனைக் கூட்டம் நடந்தது. இதற்கு தலைமை வகித்த மேயர் பேசியது:கர்நாடகம், ஆந்திரம், மகாராஷ்டிரம் உள்ளிட்ட பிற மாநிலங்களில் அந்தந்த மாநில மொழிகள்தான், வணிக நிறுவனங்களின் பெயர்ப் பலகைகளில் பிரதானமாக இடம் பிடித்துள்ளன. ஆனால், தமிழகத்தில் ஆங்கிலம்தான் பிரதான இடம்பிடித்துள்ளது. ஜூன் 23}ம் தேதி கோவையில் உலகத் தமிழ் செம்மொழி மாநாடு நடைபெற உள்ளது. எனவே, அதற்கு முன்னதாக மாநிலத்தின் தலைநகரான சென்னையில் அனைத்து வணிக நிறுவனங்களின் பெயர்ப் பலகைகளிலும் தமிழ் பிரதானமாக இடம்பெற வேண்டும். இதற்கான கடைசி தேதி நீட்டிக்கப்படமாட்டாது. ஜூன் 1}ம் தேதி முதல் தமிழுக்கு பிரதான இடம் கொடுக்காத பெயர்ப் பலகைகள் அப்புறப்படுத்தப்படும் என்றார்
+++++++++++++++++++

இப் பொழுதாவது இந்த முடிவிற்கு வந்ததற்குப் பாராட்டுகள். சென்னை என்றி ல்லாமல் தமிழ்நாடு முழுவதும் நடை முறைப்படுத்த உரியவர்கள் நடவடிக்கை எடுக்க வேண்டும். அரசாணைக்கிணங்க ஒரே பெயர்ப்பலகையில் தமிழும் ஆங்கிலமும் (தேவையெனில் பிற மொழியும்) 5: 3 : (2) என இருக்க வேண்டும். அரசு அலுவலகப் பெயர்ப் பலகைகளே அவ்வாறு இல்லை. எளிய முறையில் செயல்படுத்த பல வழிகள் உள்ளன. அவ்வாறு செயல்படுத்தாமல் ஆரவார அறிக்கைகளுடன் நின்று விடக் கூடாது. தமிழ்நாட்டின் தமிழ்த் தெருவில் தமிழ்தான் இல்லை என்னும் அவல நிலையைப் போ க்க எடுக்கும் முயற்சிகளுக்குப் பாராட்டுகள். பாராட்டுகளுடன் இலக்குவனார் திருவள்ளுவன்

By ilakkuvanar thiruvalluvan
4/17/2010 2:55:00 AM

சென்னையில் 50 முக்கிய சாலைகளுக்கு தமிழறிஞர்களின் பெயர் சூட்ட திட்டம்

First Published : 16 Mar 2010 03:03:48 AM IST

Last Updated :

சென்னை, மார்ச் 15: கோவையில் நடைபெற உள்ள உலகத் தமிழ் செம்மொழி மாநாட்டுக்கு சிறப்பு சேர்க்கும் வகையில், சென்னை மாநகராட்சியில் உள்ள 50 முக்கிய சாலைகளுக்கு தமிழறிஞர்களின் பெயர்களைச் சூட்ட திட்டமிடப்பட்டுள்ளது.
மாநகராட்சியின் 2010}2011}ம் ஆண்டு நிதிநிலை அறிக்கையில் இதற்கான அறிவிப்பு வெளியிடப்பட்டது. இதுகுறித்து மேயர் மா. சுப்பிரமணியன் கூறியது:
1968}ல் சென்னையில் நடைபெற்ற முதல் உலகத் தமிழ் மாநாட்டை சிறப்பிக்கும் வகையில் சென்னை மெரீனா கடற்கரையில் தமிழறிஞர்களின் சிலைகள் நிறுவப்பட்டன.
இதுபோல் இப்போது கோவையில் நடைபெற உள்ள உலகத் தமிழ் செம்மொழி மாநாட்டை சிறப்பிக்கும் வகையில் சென்னை மாநகராட்சியில் உள்ள 50 முக்கிய சாலைகளுக்கு தமிழறிஞர்களின் பெயர்கள் சூட்டப்படும்.
சென்னை மாநகராட்சி ஆற்றியுள்ள சிறப்புப் பணிகளான கல்வி, சுகாதாரம், குடும்பநலம், அழகிய பூங்காக்கள், பாலங்கள் ஆகியவற்றைச் சித்திரிக்கும் வகையில் அலங்கார ஊர்தி ஒன்று மாநகராட்சி சார்பில், கோவை செம்மொழி மாநாட்டுக்கு அனுப்பி வைக்கப்படும்.
மேலும் திருவள்ளுவரைப் போற்றும் வகையில் "வாயில் தோறும் வள்ளுவம்' என்ற திட்டம் அறிமுகப்படுத்தப்பட உள்ளது. இதன்படி சென்னை மாநகராட்சியின் அனைத்து அலுவலகங்களின் வாயில்களிலும் ஒரு திருக்குறள் அதன் பொருளோடு, நிரந்தரப் பலகையில் பொறித்து வைக்கப்படும் என்றார்.

கருத்துக்கள்

வாயில் தோறும் வள்ளுவம் என்பது பாராட்டக் கூடிய முயற்சி. பிறரும் இதனைப் பின்பற்ற வேண்டும். 2) ஒயிட்சு சாலை என்பதை வெள்ளைக் குடி நாகனார் சாலை என்றும் பிளாக் தெருவைக் கார் நாற்பது தெரு அல்லது காரியாசான் தெரு என்றும் இவை போன்று பிற மொழி பெயர் தாங்கிய தெருக்களின் பெயர்களையும் சாதிப் பெயர் தாங்கிய தெருக்களின் பெயர்களையும் மாற்ற வேண்டும் என்று முன்பே நான் தெரிவித்து இருந்தேன். எனவே, 50 தமிழறிஞர்கள் பெயரைச் சூட்டுவதற்குப் பாராட்டுகள். எனினும் 50 என்னும் இலக்கு இல்லாமல் சாதிப் பெயர் தாங்கிய, பிற மொழிப் பெயர் தாங்கிய அனைத்துத் தெருக்களின் பெயர்களையும் மாற்ற வேண்டும். 3) இலக்கிய நூல்களின் பெயர்களையும் , தொல்காப்பியத் தெரு, குறிஞ்சிப் பாட்டுத் தெரு என்பன போன்று சூட்ட வேண்டும்.

அன்புடன் இலக்குவனார் திருவள்ளுவன்

By ilakkuvanar thiruvalluvan
3/16/2010 7:15:00 AM

IT WILL TAKE DECADES BEFORE THE NAMES OF TOM,DICK AND HARRY WILL GET FAMILIARISED. IT IS ALL UNWANTED THINGS DONE IN KARUNA;S STYLE. ANYWAY TAMIL NADUPEOPLE ARE USED TO HIS QUIXATIC BEHAVIOUR.s

By Rajamangalam
3/16/2010 7:12:00 AM

உங்கள் கருத்தைப் பதிவு செய்யுங்கள்