வறட்சி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
வறட்சி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

ஞாயிறு, 9 ஜூன், 2013

வறட்சியிலும் பயிர் வாடாது!

வறட்சியிலும் பயிர் வாடாது!

நீரற்ற வறட்சி க் காலத்திலும், பயிரை பசுமையாக வைத்திருக்கும் கரைசலை இலவசமாக தெளிக்கும், பேராசிரியர் சோழன்: நான், நீடாமங்கலம் வேளாண் அறிவியல் மையத்தின், பேராசிரியர் மற்றும் தலைவராக பணியாற்றுகிறேன். வறட்சியால் நீரின்றி பயிர்கள் வாடுவதை தடுத்து, நீரற்ற காலத்திலும் பயிரை பசுமையாக வைத்திருக்க, கோவை தமிழ்நாடு வேளாண் பல்கலை கழகத்தின், நுண்ணியிரியல் துறை விஞ்ஞானிகள் மூலம், "மெத்தைலோ' பாக்டீரியாவை கண்டுபிடித்தோம். இந்த பாக்டீரியாவால், வறட்சி காலத்திலும் பயிரின் வளர்ச்சியை துரிதப்படுத்தி, விவசாயிகள் நல்ல மகசூல் பெற முடியும்.நீர் பற்றாக்குறையான சமயங்களில், லேசான ஈரம் இருக்கும் போதே ஏக்கருக்கு, 200 மில்லி மெத்தைலோ பாக்டீரியாவை, 200 லிட்டர் நீரில் கலந்து தெளித்தால், அடுத்த, 10 முதல், 12 நாட்களுக்கு, இலையில் உள்ள பச்சையம் மாறாமல், பசுமையாக இருக்கும். பச்சையம் தான், ஒளிச்சேர்க்கைக்கு உதவும். இக்கரைசலை, பயிரின் இலைகளில் மட்டுமே தெளிக்க வேண்டும்.நீர் பற்றாக்குறையால், சம்பா பயிர்கள் பாதிப்படையாமல் காப்பாற்ற தஞ்சை, திருவாரூர், நாகப்பட்டினம் உட்பட, ஐந்து டெல்டா மாவட்டங்களிலும், இந்த பாக்டீரியாவை நெல் பயிர்களின் மீது தெளித்தோம். குழுவாக பிரிந்து, கடந்த டிசம்பர் மாதமே இப்பணியில் ஈடுபட்டதால், நீர் பற்றாக்குறையையும், கோடையின் தாக்கத்தையும் பயிர்களால் சமாளிக்க முடிந்தது. நெல் மட்டுமின்றி, காய்கறி, வாழை, தானியம் என, அனைத்திற்கும் இதை தெளிக்கலாம்.முதன் முறையாக, 36 ஆயிரம் ஹெக்டேர் அளவிலான நிலத்தில், மெத்தைலோ பாக்டீரியாவை பயிரின் இலைகளில் தெளித்தபோது, வறட்சியிலும் பயிர் பசுமையாக வளர்ந்து, விவசாயிகளுக்கு நல்ல பயன் தந்தது. தற்போது, 1.25 லட்சம் ஹெக்டேர் வரை, விவசாயிகளிடம் பணம் பெறாமல், அரசு உதவியுடன் இலவசமாக தெளித்துள்ளோம். தொடர்புக்கு: 0422 6611394.

லேசுபட்டசாதனையல்ல!
நீண்ட கோடை விடுமுறைக்கு பின், பள்ளி செல்லும் குழந்தைகளிடம், பெற்றோர் பின்பற்ற வேண்டிய வழிமுறைகளை கூறும், விஜயலட்சுமி: நான், திருவண்ணாமலை, கண்ணமங்கலம் அரசு ஆண்கள் மேல்நிலை பள்ளியில், ஆசிரியராக பணியாற்றியே, பள்ளி குழந்தைகளின், மனநிலை சார்ந்த தொடர் ஆய்வில் ஈடுபட்டு, அது குறித்த மனோதத்துவ வழிமுறைகளை கண்டறிந்து உள்ளேன். விடுமுறையில், குழந்தைகள் நினைத்த நேரத்தில் தூங்கி எழுந்திரிக்க பழகியிருப்பர்.இதனால், விடுமுறை முடிந்து பள்ளி திறந்ததும், குழந்தைகளை அடிக்காமல், திட்டாமல், அழ வைக்காமல் பள்ளிக்கு அனுப்புவது, முடியாத காரியம். அப்படி அனுப்பினால், அது லேசுபட்ட சாதனையல்ல. தாமதமாக எழுந்திரிக்கும் குழந்தையை திட்டாமல், "இனி சீக்கிரம் எந்திரிச்சா, உனக்கு பிடிச்சத வாங்கி தருவேன்' என, குழந்தையை ஊக்கப்படுத்தலாம்."நீ, நேரத்துக்கு ஸ்கூலுக்கு போகணும்னு, அம்மா உனக்கு உதவி பண்றேன்'னு சொல்லிட்டே, குழந்தைகள் பார்க்கும்படி, பள்ளி சீருடை, பென்சில் பாக்ஸ், புத்தக பை, ஷூ, உணவு பொருட்கள் என, தேவையானதை எடுத்து வைக்கலாம். "ஸ்கூலுக்கு போய் உன் நண்பர்களை பார்க்கும் போது, இந்த சாக்லேட்டுகளை அவர்களிடம் கொடு' என, நாலு சாக்லேட்களை பையில் போட்டால், நண்பர்களை பார்க்கும் உற்சாகத்தில், அழாமல், சீக்கிரமே பள்ளிக்கு செல்லும் ஆர்வம் உருவாகும்."ரொம்ப நாள் கழிச்சு, நண்பர்கள் உன்னை பார்க்க ஆர்வமாக இருப்பர். கோடை விடுமுறையில் டூருக்கு போனோம்ல... அந்த போட்டோக்களை அவர்களிடம் காட்டு' என, பள்ளிக்கு செல்வதை மகிழ்ச்சியான நிகழ்வாக காட்டுங்கள். அதை விட்டுவிட்டு, பார்க், பீச், சினிமாவுக்கு கூட்டிட்டு போறேன்னு பொய் சொல்லி, மீண்டும் பள்ளிக்கே கூட்டிட்டு போனா, ஏற்கனவே அழுது கொண்டிருக்கும் குழந்தைக்கு, இனி ஸ்கூல் என்றாலே எரிச்சல் உண்டாகும் நிலை ஏற்படும்."எப்ப லீவு விடுவாங்க?' என, கேட்பதை விட, "எப்போ பள்ளிக்கு போகப் போறோம்' என, ஆசைப்படும் அளவிற்கு, பெற்றோர் குழந்தைகளிடம் நடந்து கொள்ள வேண்டும்.

வியாழன், 4 ஏப்ரல், 2013

வறட்சியை ப் பார்வையிட்ட அமைச்சர்கள் குழு "ஒருவேளை' சாப்பாட்டு ச் செலவு உரூ. 87 ஆயிரம்





வறட்சியை ப் பார்வையிட்ட அமைச்சர்கள் குழு "ஒருவேளை' சாப்பாட்டுச்  செலவு உரூ. 87 ஆயிரம்

சிவகங்கை மாவட்டத்தில் வறட்சியை பார்வையிட வந்த அ.தி.மு.க., அமைச்சர்கள் குழுவிற்கு மதிய சாப்பாடு செலவு ரூ. 87 ஆயிரத்து 20 ரூபாயாகியுள்ளது. இந்த தொகையை மாவட்டத்தில் உள்ள 12 ஊராட்சி ஒன்றியங்கள்,12 பேரூராட்சிகள், 3 நகராட்சிகளிடம் "பங்கு தொகை' கேட்டு, கடிதம் அனுப்பப்பட்டுள்ளது.
சிவகங்கை மாவட்டத்தில் கடும் வறட்சியால் பாதிக்கப்பட்ட பகுதிகளை பார்வையிட, மார்ச் 16ந்தேதி நிதி அமைச்சர் பன்னீர்செல்வம் தலைமையில் ஆறு அமைச்சர்கள் அடங்கிய குழு வந்து ஆய்வு செய்தனர்.(ரோட்டோரத்தில் மட்டும் சில நிமிடங்கள்). இக்குழுவினருக்கு மதிய உணவு, மாவட்ட ஊரக வளர்ச்சி முகமையிலிருந்து ஏற்பாடு செய்யப்பட்டது. இதற்காக, 87 ஆயிரத்து 20 ரூபாய் செலவாகியுள்ளது. இத்தொகையை எந்த கணக்கில் எழுதுவது என்ற சிக்கல் உள்ளதால், மாவட்டத்தில் உள்ள 12 ஊராட்சி ஒன்றியம்,12 பேரூராட்சி, மூன்று நகராட்சிகள் பங்கிட முடிவெடுக்கப்பட்டது. 12 ஊராட்சி ஒன்றியங்கள்,12 பேரூராட்சிகள் தலா ரூ.2 ஆயிரத்து 417ம், சிவகங்கை, காரைக்குடி, தேவகோட்டை ஆகிய நகராட்சிகள், தலா 9 ஆயிரத்து 670 ரூபாய் , பங்கு தொகையாக வழங்கி, ஒட்டு மொத்த செலவை ஈடு கட்ட முடிவு செய்யப்பட்டுள்ளது. இதற்காக, அந்தந்த பி.டி.ஒ., - பேரூராட்சி செயல் அலுவலர், நகராட்சி ஆணையர்களுக்கு, "பங்கு தொகை' கேட்டு கடிதம் அனுப்பப்பட்டுள்ளது. இதற்கு, அ.தி.மு.க., உள்ளாட்சி தலைவர்கள் இசைவு தெரிவித்துள்ளனர். தி.மு.க.,வினர் தலைவராக உள்ள ஒன்றியம், பேரூராட்சிகளில் கடும் எதிர்ப்பு எழுந்துள்ளது. இதனை, எந்த செலவு கணக்கில் எழுதி, ஈடு கட்டுவதென அதிகாரிகள் திகைத்துள்ளனர். சிவகங்கை மாவட்டத்திலிருந்து, ராமநாதபுரம் மாவட்டத்திற்கு செல்லும் வழியில், இளையான்குடி அருகே சில நிமிடங்கள் மட்டுமே ரோட்டோரத்தில் உள்ள விவசாய நிலங்களை ஆய்வு செய்த இந்த குழுவினரின், சாப்பாட்டு செலவு இவ்வளவா என கலங்கி நிற்கின்றனர் விவசாயிகள்.

- சிறப்பு ச் செ ய்தியாளர், தினமலர் -


ஞாயிறு, 2 டிசம்பர், 2012

"வறட்சியிலும்பணம் ஈட்டும் சவுக்கு!'

 


"வறட்சியிலும்பணம் ஈட்டும் சவுக்கு!'
பத்மஸ்ரீ விருது பெற்ற விவசாயி வெங்கடபதி: என் சொந்த ஊர், புதுவை மாநிலத்திலுள்ள கூடப்பாக்கம். "கேசுரினா ஜிங்குனியானா' எனும் சவுக்கு வகையில், ஒரு ரகத்தை எடுத்து, கல்பாக்கம் அணு மின் நிலையத்தில், கதிர்வீச்சு செய்து, புதிய வகை, ஹைபிரிட் சவுக்கை உருவாக்கினேன்.கதிர்வீச்சு செய்து வளர்த்த சவுக்கு, நன்கு பலன் கொடுத்தது. அதிலிருந்து இனவிருத்தி செய்ததோடு, சவுக்கின் இலைகளில் கன்றுகளை உருவாக்க ஆரம்பித்தேன். இந்த வகை சவுக்கை பொறுத்தவரைக்கும், பூவும் பூக்காது; காயும் காய்க்காது.சவுக்கு பயிரிடுவதற்கு முன், மண் பரிசோதனை செய்து கொள்வது அவசியம்.

நான் கண்டுபிடித்த புதிய வகை இனம், 50 ஆண்டுகளுக்கு மேல் பலன் தரும். பயிர் செய்து, ஐந்து ஆண்டுகளுக்கு பின், அறுவடை செய்யும் போது, பூமிக்கு மேல், 0.5 அடியை விட்டுவிட்டு, வாளால் அறுத்து விடுவேன். அறுத்த மரத்திலிருந்து வரும் துளிர்களில், நல்ல கிளையைச் தேர்ந்தெடுத்து, மற்ற துளிர்களை அப்புறப்படுத்தி விடலாம். ஐந்து ஆண்டுகள் சென்ற பின், மீண்டும் அறுவடை செய்யலாம்.

சாதாரண நாட்டு சவுக்கு மரங்கள், புயல், மழைக் காலங்களில் அடியோடு சாய்ந்து அழிந்து விடும். ஆனால், வீரிய சவுக்கு, கடும் வறட்சியிலும் வளரக் கூடியவை. தரிசு நிலங்களில் நல்ல வருவாய் கிடைக்க வழிவகுக்கும்.ஒரு ஏக்கருக்கு, 40 ஆயிரம் ரூபாய் செலவு செய்தால், 200 டன் மகசூல் கிடைக்கும். 1 டன் சவுக்கு, 2,500 ரூபாய்க்கு சந்தையில் விற்கப்படுகிறது. ஐந்தாண்டு முடிவில், குறைந்தபட்சம், 1.50 லட்சம் ரூபாய் வருமானம் கிடைக்கும்.கடும் வறட்சியிலும் அதிக லாபம் கிடைக்கும் வகையில், ஹைபிரிட் சவுக்கு வகையைக் கண்டுபிடித்து, வெற்றிகரமாக பயிர் செய்ததற்காக, கடந்த ஆண்டு, அரசு, பத்மஸ்ரீ விருது கொடுத்து கவுரவித்தது. ஹைபிரிட் சவுக்கு கன்றுகளை வளர்த்து, விவசாயிகளுக்கு, ஒரு கன்று, 3 ரூபாய்க்கு விற்பனை செய்கிறேன்.தொடர்புக்கு: 94432 26611

"வீல்சேரில்பயணிக்கும்எங்கள் கனவு!'உடல் இயக்கம் குறைந்தாலும், மனம் தளராத சகோதரிகள், இயல்இசை வல்லபி, வானவன் மாதேவி:எங்கள் சொந்த ஊர், சேலத்திலுள்ள சிவதாபுரம்.மனித உடலில், பல லட்சம் செல்கள் இறந்து, புது செல்கள் பிறக்கும் என்பது எல்லாருக்கும் தெரியும்.ஆனால், "மஸ்குலர் டிஸ்ட்ரபி' என்னும், தசைச்சிதைவு நோயால் பாதிக்கப்பட்டவர்களுக்கு, உடலிலுள்ள செல்கள் இறக்கும்; மீண்டும் பிறக்காது. இதனால், ஒவ்வொரு உறுப்பும் செயலற்று போகும்.எங்கள் இரண்டு பேருக்கும், பத்து வயது இருக்கும் போது தான், நோய்க்கான அறிகுறி தெரிய ஆரம்பித்தது.

வேகமாக நடக்க முடியாது; மெதுவாக நடந்தாலும், அடிக்கடி கீழே விழுந்து விடுவோம்; கனமான பொருட்களை தூக்க முடியாது. இப்படி கொஞ்சமாக இருந்த பிரச்னை, மெல்ல வளர்ந்து, இன்று வீல்சேரில் உட்கார வைத்திருக்கிறது. தனியா டியூஷன் படிச்சு, பிளஸ் 2 முடித்து, தொலைதூரக் கல்வியில், டி.சி.ஏ., செய்தோம். ஐ.ஏ.எஸ்., இன்ஜினியரிங் படிக்கணும் என்பது, எங்களோட கனவாக இருந்தது.

இப்ப எங்களோட பொழுதுபோக்கு, புத்தக வாசிப்பு தான்.இந்நோயால் பாதிக்கப்பட்ட, ஏழைக் குழந்தைகளின் நிலை, ரொம்ப பரிதாபம். அன்றாடம் கூலி வேலைக்குச் செல்பவர்களின் குழந்தைகளைப் பராமரிப்பதற்காகவே, ஒரு டிரஸ்ட் துவங்க வேண்டும் என, யோசித்தோம். எங்கள் பெற்றோரும், முழு ஒத்துழைப்பு கொடுத்தனர். டிரஸ்ட் கட்டுவதற்கான முழு முயற்சியில் ஈடுபட்டோம்; 2009ம் ஆண்டு, "ஆதவ் டிரஸ்ட்' ஆரம்பித்தோம்.

இந்த டிரஸ்ட் மூலம், நோயாளிகளுக்கான விடுதி மற்றும் நோயை குறித்த ஆராய்ச்சி மையமும் கட்டவேண்டும் என்பது, எங்களுடைய மற்றொரு முயற்சி.
எங்களை ஆதரித்து, சில நல்ல உள்ளங்கள் நன்கொடை அளித்தனர்; அதை வைத்து, ஒரு வீட்டை வாடகைக்கு எடுத்து, கம்ப்யூட்டர் சென்டரும், நூலகமும் வைத்திருக்கோம். மொபைல்: 99763 99403

சனி, 6 அக்டோபர், 2012

வறட்சியை அடையாளம் காட்டுவதில் சொதப்பல்


தஞ்சாவூரில் மாவட்டத்தில், வறட்சியால் பாதிக்கப்பட்ட பகுதிகளுக்கு, மத்திய குழுவினரை, அழைத்து செல்வதில், மாவட்ட அதிகாரிகள் கோட்டை விட்டதால், தமிழகத்திற்கு உரிய நியாயம் கிடைக்குமா என்ற கேள்வி எழுந்துள்ளது. டெல்டா மாவட்டங்களில் சம்பா சாகுபடிக்கான காவிரி நதிநீர் தேவை குறித்து, மத்திய குழுவினர் நேற்று ஆய்வுப்பணியை துவக்கினர்.
விருந்தில் கவனம்:


ஆய்வு பணிகள் விரிவாகவும் நடக்கும் என, விவசாயிகள் எதிர்பார்த்துக் கொண்டு இருக்கும் நிலையில், நேற்றைய ஆய்வு பணி விமரிசையாக மட்டுமே நடந்தது. முதலில், மத்திய குழுவினர் கல்லணை சென்று, அங்கு மேட்டூர் அணையில் இருந்து வெளியேற்றப்படும் காவிரி நீர் அளவை ஆய்வு செய்வார்கள் என, தெரிவிக்கப் பட்டது. இதையடுத்து படை, பரிவாரங்களுடன் அதிகாரிகளும், பத்திரிகையாளர்களும் அங்கு திரண்டனர். அங்குவந்த மத்திய குழுவினருக்கு, மாவட்ட அதிகாரிகள் தரப்பில், சந்தனமாலை அணிவித்து மரியாதை வழங்கப் பட்டது. இதை தொடர்ந்து, தடபுடல் விருந்து வைபம் துவங்கியது.
தஞ்சாவூரில் உள்ள பிரபல தனியார் ஓட்டலில் இருந்து வரவழைக்கப் பட்ட "வெஜிடபிள் பிரைட் ரைஸ்', "கடாய் சிக்கன்', சப்பாத்தி, "பன்னீர் பட்டர் மசாலா', காவிரி ஆற்று கட்லா மீன் வறுவல், சாதம், மீன் குழம்பு, சாம்பார், ரசம், தயிர், சேமியா பால் பாயாசம் உள்ளிட்ட உணவு வகைகள் விருந்தில் இடம்பெற்றன. பத்திரிகையாளர்கள், மாவட்ட அதிகாரிகள் மற்றும் அவர்களது உதவியாளர்களுக்கு வடை, பாயசம் உள்ளிட்ட சைவ விருந்துடன், மீன் வறுவல் கூடுதலாக வழங்கப் பட்டது. இதை முடித்த பின், மத்திய குழுவினர், அங்கு ஆய்வு ஏதும் செய்யாமல், சாப்பிட்டு முடித்த கையுடன், கடம்பன்குடி, பூதலூர், கள்ளப்பெரம்பூர், உள்ளிட்ட பகுதிகளை ஆய்வு செய்தனர். மாலை 6.45 மணியளவில் ஆய்வை முடித்துக்கொண்டு தஞ்சாவூரில் ஓய்வெடுத்தனர். இன்று தஞ்சாவூரில் இரண்டு இடங்களை மட்டுமே ஆய்வு செய்ய திட்டமிட்டுள்ள மத்திய குழுவினர், அதை தொடர்ந்து, திருவாரூர் மற்றும் நாகை மாவட்டத்தில் ஆய்வுப்பணிகளை மேற்கொள்ள செல்லவுள்ளனர்.
கோட்டைவிட்ட அதிகாரிகள்:


தஞ்சாவூரில் மத்திய குழுவினர்
நேற்று ஆய்வு செய்த கிராமங்கள் அனைத்தும் கல்லணையை ஒட்டிய பகுதிகள். இந்த பகுதிகளில் நிலத்தடி நீராதாரம், இருப்பதால், அதை பயன்படுத்தி, நெற்பயிருக்கு மாற்றாக, வாழை, சோளம், கம்பு உள்ளிட்டவை பயிரிடப் பட்டு உள்ளன. ஆனால், தஞ்சாவூரில், காவிரி, கொள்ளிடம் ஆறுகளின் கால்வாய்கள் செல்லும் பல பகுதிகளில், தண்ணீரின்றி, பல ஏக்கர் நிலங்கள் வறண்டு கிடக்கின்றன. மத்திய குழுவினரை, அங்கு அழைத்து சென்றிருந்தால், மக்களை சந்தித்தும், அப்பகுதிகளை பார்வையிட்டும், அவர்கள் வறட்சி நிலையை அறிந்துக்கொள்ள வசதியாக இருந்திருக்கும். சரியான திட்டமிடல் இல்லாததால், மத்திய குழுவினர் அங்கு அழைத்து செல்லப்படவில்லை. இதனால், டெல்டா மாவட்டங்களின் உண்மையான வறட்சி நிலையையும், நீர் தேவையையும் மத்திய குழுவினர் அறிந்துக்கொள்ள முடியாத நிலை ஏற்பட்டது. இன்றும் ஆய்வுப்பணி மூன்று மாவட்டங்களில் தொடரவுள்ளதால், இனியாவது தமிழக அதிகாரிகள் கவனத்துடன் செயல்படவேண்டும் என்ற எதிர்பார்ப்பு விவசாயிகள் மத்தியில் எழுந்து உள்ளது.
-
தினமலர் செ ய்தியாளர்