ஏரியில் குதித்து ஆறு பேரை மீட்டெடுத்த அமைச்சர்!

ஏரியில் குதித்து ஆறு பேரை மீட்டெடுத்த அமைச்சர்!

• 
• 

விவரங்கள்

வெளியிடப்பட்டது: புதன்கிழமை, 18 செப்டம்பர் 2013 13:02

கர்நாடக மாநிலத்தின் தொடக்கக் கல்வித் துறை அமைச்சராக இருக்கும் கிம்மனே ரத்னாகர் (61) , ஏரி ஒன்றில் குதித்து, ஆறு உயிர்களைக் காப்பாற்றியுள்ளார்.

தனது சொந்த ஊரான  தீர்த்தஹள்ளியில் இருந்து பெங்களூர் சென்று கொண்டிருந்த அமைச்சர், பெகுவள்ளி ஏரியை அடைந்தபோது மாருதி ஸ்விப்ட் சிற்றுந்து ஒன்று ஏரியில் மூழ்கிக் கொண்டிருப்பதைப் பார்த்துள்ளார்.

உயிர்கள் தத்தளிப்பதைக் கண்ணுற்ற அமைச்சர் உடனடியாக  அவரது பாதுகாவலர் ஹல்ஸ்வாமி, ஓட்டுநர் சந்திரசேகர், பாதுகாப்பு வாகனத்தின் ஓட்டுநர் கிருஷ்ணமூர்த்தி ஆகியோர் சகிதம் ஏரிக்குள் குதித்து 55 வயது பெண் உள்பட மூன்று பெரியவர்களையும் மேலும் மூன்று குழந்தைகளையும் மீட்டுள்ளனர்.பின்னர் உடனடியாக மருத்துவர் ஒருவரை அமைச்சர் அழைத்து முதலுதவி செய்யவும் பணித்துள்ளார்.

மருத்துவர் வந்து, அமைச்சர் மற்றும் ஊழியர்களால் காப்பாற்றப்பட்ட உதய்குமார்(40), அவரது மனைவி சுமா(35), 14 மற்றும் 8 வயது மகன்கள், உதயின் தாய் கீதா(55), உறவினரின் 3 வயது குழந்தை ஆகியோருக்கு சிகிச்சை அளித்துள்ளார். 

அதன் பிறகு உதய்குமார் குடும்பத்துக்கு உணவும் வாங்கிக் கொடுத்து, உதய்க்கு தனது உடைகளையும் அளித்து விட்டு அமைச்சர் பெங்களூருக்குப் புறப்பட்டுச் சென்றுள்ளார்.

அமைச்சர் கிம்மனே ரத்னாகருக்கு உதய்குமார் குடும்பத்தினர் இதயம் நெகிழ்ந்து நன்றி தெரிவித்துள்ளனர்.

1000 ஆண்டுகள் பழமையான சிவன் கோவில் மீட்பு!

1000 ஆண்டுகள் பழமையான சிவன் கோவில் மீட்பு! ஜூன் 28,2013 காஞ்சிபுரம்: ஆரியம்பாக்கத்தில் புதைந்து கிடந்த, ஆயிரம் ஆண்டுகள் பழமை வாய்ந்த சோழர்கள் கால, ஈஸ்வரன் கோவிலை, தொல்லியல் துறையினர் கண்டெடுத்து உள்ளனர். காஞ்சிபுரத்தில் இருந்து ஸ்ரீபெரும்புதூர் சாலையில் உள்ளது ஆரியம்பாக்கம் கிராமம். இக்கிராமத்தின் வடக்குப் பகுதியில், தரை மட்டத்தில் இருந்து 20 அடி உயரத்திற்கு, மண் மேடாக இருந்து. இதன் மீது 5 அடி உயரம் கொண்டு சிவலிங்கமும், மூன்றரை நீளமும், ஒன்றரை அடி உயர நந்தி சிலையும் இருந்தது. இதன் அடியில் பழமையான கற்கோவில் இருக்கும் என, கிராம மக்களின் நம்பிக்கையாக இருந்து வந்தது. இந்நிலையில், இக்கிராமத்தை சேர்ந்த கண்ணன், சுரேஷ் ஆகியோர், தொல்லியல் துறை ஆணையருக்கு தகவல் தெரிவித்தனர். இதைத் தொடர்ந்து ஆய்வு பணி நடந்தது. இதுகுறித்து, தொல்லியல் துறை காப்பாட்சியர் லோகநாதன் கூறியதாவது: ஆரியம்பாக்கத்தில் உப்புக்கற்களால் கட்டப்பட்ட சிவன்கோவில் புதைந்து கிடப்பது கண்டெடுக்கப்பட்டது. ஆயிரம் ஆண்டுகள் பழமையான இக்கோவிலில், கருவறையும், அர்த்த மண்டபமும் உள்ளது. கட்டடத்திற்கு பக்கவாட்டில் கூழாங்கற்களும் பதிக்கப்பட்டுள்ளன. நில நடுக்கம் மற்றும் இயற்கை சீற்றங்களால் கோவில் கட்டங்கள் சேதமடையாமல் இருக்க, கூழாங்கற்கள் பயன்படுத்தப் பட்டிருக்கலாம். இக்கோவில் பல்லவர்கள் காலத்தின் இறுதியிலும், சோழர் காலத்தின் துவக்கத்திலும் கட்டப்பட்டிருக்கலாம். இவ்வாறு அவர் கூறினார்.

கடத்தப்படும் மாடுகளை மீட்க ப் போராடும் அமைப்பு

கடத்தப்படும் மாடுகளை மீட்க ப் போராடும் அமைப்பு

மனிதர்களை ப் போலவே, விலங்குகளையும் துன்புறுத்தினால், தண்டிக்க சட்டம் உள்ளது. ஆனால், அதை பற்றிய விழிப்புணர்வு இல்லாததால், தினசரி ஆயிரக்கணக்கான மாடுகள், நாய்கள் இறைச்சிக்காக சட்டவிரோதமாக கடத்தப்பட்டு கொல்லப்படுகின்றன. இதை, தடுக்க பிராணிகள் ஆர்வலரும், இளம் தொழில் அதிபருமான அருண், "பீப்புள் பார் கேட்டில் இன் இந்தியா' (பி.சி.ஐ.,) என்ற அமைப்பை துவக்கி போராடி வருகிறார்.

அவரிடம் பேசியதில் இருந்து....

உங்கள் அமைப்பை பற்றி சொல்லுங்களேன்...?

இறைச்சிக்காக, விலங்குகள் கடத்தப்படுவது சமீபகாலமாக அதிகரித்துள்ளது. அவற்றில், மாடு, ஆடு, பூனைகளே அதிகளவில் கடத்தப்படுகின்றன. இது, சட்டப்படி குற்றம். கடந்த 10 ஆண்டுக்கு முன்பை விட, தற்போது ஆடு மற்றும் மாடுகளின் எண்ணிக்கை சரிபாதியாக குறைந்துள்ளது. தமிழகத்தில், மொத்தம், 10 சதவீத ஆடுகளே உள்ளன. இப்படியே விலங்குகள் குறைந்து கொண்டே போனால், உணவு சங்கிலி சுழற்சி முறை மாறுபடும். விலங்குகள் இல்லாமல், மனிதர்களால் வாழ முடியாது. மனிதர்களுக்கு, உரிமை மீறல் வரும்போது, போராடி நியாயம் கேட்க முடியும். ஆனால், ஐந்து அறிவு ஜீவராசிகள், தங்களை துன்புறுத்தினால், அழுவதை தவிர வேறு ஒன்றும் செய்ய முடியாது. இதையே, பலமாக வைத்து கொண்டு, பலர் கோபம் வரும்போது, பிராணிகளை அடிப்பதை வழக்கமாக்கி கொண்டுள்ளனர். மாடுகள் கடத்தப்படுவதை தடுக்க, தான் பி.சி.ஐ., அமைப்பை துவக்கினோம்.

பிராணிகள் கொல்லப்படுவதில் சட்டவிரோத நடைமுறைகள் உள்ளனவா?

நிறைய...கடவுளுக்கு நேர்த்தி கடனாக வெட்டப்படும், ஆடு மற்றும் மாடுகளுக்கு, மருத்துவரின் அனுமதி சான்றிதழ் இருக்க வேண்டும். ஆனால், கிராமப்புறங்களில் நேர்த்திக்கடன் என்ற பெயரில், ஆடு மற்றும் மாடுகள் சட்ட விரோதமாக கொல்லப்படுகின்றன. அதேபோல், சட்டவிரோதமாக, ஆந்திரா, தமிழகத்தில் இருந்து கேரளாவுக்கு ஆயிரக்கணக்கான மாடுகள், லாரிகளில் கடத்தப்படுகின்றன. அவற்றில் கருவுற்ற மாடுகளும் ஈவிரக்கமின்றி கடத்தப்படுகின்றன. இவற்றின் இறைச்சி, வெளிநாடுகளுக்கும் ஏற்றுமதியாவதாக கூறப்படுகிறது.

இது தொடர்பாக பி.சி.ஐ., யின் பணிகள் என்னென்ன?

இந்த அமைப்பில், சென்னையில் மட்டும் 200 பேர் ஆர்வலர்களாக இணைந்துள்ளனர். இவர்களின் உதவியோடு, இதுவரை, கடத்தப்பட்ட 650 மாடுகளை மீட்டுள்ளோம். தமிழகம் முழுவதும், விலங்குகள் கடத்தப்படுவதற்கு எதிராக, 20 வழக்குகள் நிலுவையில் உள்ளன. மேலும், பிராணிகள் வளர்ப்பு பற்றி விழிப்புணர்வு ஏற்படுத்துகிறோம். குறிப்பாக, வீட்டில் வளர்க்கப்படும் நாய்கள் தொலைந்து போவதை தடுக்க, புதிய நடைமுறையை அறிமுகப்படுத்தியுள்ளோம். தீபாவளி போன்ற பண்டிகை நாட்களில், பட்டாசு சத்தத்தை கேட்டு நாய்கள் தொலைந்து போகும். உரிமையாளர்கள் நாயின் அடையாளத்தை விளம்பரப்படுத்தி, தேடுதல் வேட்டையில் ஈடுபடுவர். இதை தடுக்க, நாயின் கழுத்தில், பெல்ட் அணிவித்து, அடையாள அட்டை தொங்கவிடப்படும். இதில், உரிமையாளர் பெயர், தொடர்பு எண், நாயின் பெயர் உள்ளிட்ட விவரங்கள் அச்சிடப்பட்டிருக்கும். இதன் மூலம், தொலைந்து போனாலும், நாய்களை கண்டுபிடித்து விடலாம். இந்த அடையாள அட்டை பெற, 300க்கும் மேற்பட்டோர், பி.சி.ஐ.,யில் பதிவு செய்துள்ளனர்.

செல்ல பிராணிகள் வளர்ப்பு பற்றி?

செல்ல பிராணிகள் வளர்ப்பு குறித்து, போதிய விழிப்புணர்வு இல்லை. நாய், பூனை, குருவி போன்றவற்றையே, அதிகளவில் செல்ல பிராணிகளாக வளர்க்க விரும்புகின்றனர். ஆனால், அவற்றுக்கான தடுப்பூசி, உணவு முறை தெரியாமல் வளர்ப்பதால், தொற்று வியாதிகள் வருகின்றன. நாய்களுக்கு, 3 மாதத்தில் தடுப்பூசியும், ஒரு ஆண்டில், கருத்தடை சிகிச்சையும் செய்வது அவசியம். சர்க்கரை, உப்பு, மிளகாய் போன்றவை அதிகமுள்ள உணவு பொருட்களை தரக்கூடாது. குறிப்பாக, "சாக்லெட்' கொடுக்கவே கூடாது. ஆனால், இது தெரியாமல், பெரும்பாலோர் நாய்களுக்கு சாக்லெட்டுகளையே அதிகம் கொடுக்கிறார்கள். இதனால், நாய்களுக்கு கல்லீரல் பிரச்னை வரும். நாய் வளர்ப்பில் முக்கியமானது, வயதான நாய்களை தெருவில் விடுவதை தவிர்க்க வேண்டும். காரணம்... பாசத்தோடு வளர்க்கப்படும் நாய்கள், தெரியாத இடங்களில் கைவிடப்பட்டால், அன்புக்காக ஏங்கி ஏங்கியே செத்து போகும்.

தொடர்புக்கு : 76670 66666/ 97910 45790