பெண்களின் ஆட்சி!

பெண்களின் ஆட்சி!

ஊராட்சி மன்ற ப் பணியை ச் சிறப்பாக ச் செய்ததற்காக, மன்மோகன் சிங் மற்றும் ஜெயலலிதாவிடம் பரிசு பெற்ற, சுதா மணிரத்தினம்: நான், கடலூர் மாவட்டம், காட்டுமன்னார்கோவில் அருகேயுள்ள நாட்டார்மங்கலத்தின், ஊராட்சி மன்றத் தலைவியாக இருக்கிறேன். பட்டதாரி ஆசிரியையாக பணியாற்றியதால், ஊருக்கு, பல தொண்டுகள் செய்து வந்தேன். ஊர் மக்களின் வற்புறுத்தலால், ஆசிரியர் பணியை ராஜினாமா செய்து, 2011ம் ஆண்டு நடைபெற்ற உள்ளாட்சி தேர்தலில், ஊராட்சி மன்றத் தலைவியாக, போட்டியின்றி தேர்ந்தெடுக்கப்பட்டேன். எங்கள் ஊராட்சியில், 100 சதவீதமும் பெண் உறுப்பினர்களே என்பது, கூடுதல் சிறப்பு. பெண்களை உள்ளாட்சி பொறுப்புகளில் அமர்த்திவிட்டு, "பெண்களுக்கு எதுவும் தெரியாது' என்று தாங்களாகவே, "தலைவர்' என, தம்பட்டம் அடிக்கும் அகம்பாவ ஆண்களின் தலையில், குட்டுகிற வகையில் செயல்பட வேண்டும் என, தீர்மானித்து செயல்பட்டேன்.மக்கும் குப்பை, மக்காத குப்பை என, மக்களை வீடுகளிலேயே பிரிக்க வைத்து, பிளாஸ்டிக் பயன்பாட்டைக் குறைத்தேன். அரசு உதவியுடன் குடிசைகளை அகற்றி, "கான்கிரீட்' வீடு மற்றும் கழிப்பறைகளை கட்டித் தந்தேன். சுய உதவி குழு மூலம், பெண்களை ஒன்றிணைத்து, நிரந்தர வேலைவாய்ப்பிற்கான பயிற்சி தந்து, சுயதொழில் துவங்கவும் உதவினேன். இதனால், பெண்களின் திறன் வளர்ந்ததோடு, அவர்களின் குடும்ப வருமானத்தையும், அதிகரிக்கச் செய்தேன். நான் எடுக்கும் ஒவ்வொரு நல்ல முயற்சிக்கும், ஊர் மக்கள், நன்கு ஒத்துழைத்தனர். இதனால், கிராம நிர்வாகம் மற்றும் சிறப்பான செயல்பாட்டிற்காக, "பஞ்சாயத் சஷாக்திகரன் புரஸ்கார்' என்ற விருதை, பிரதமர் மன்மோகன் சிங்கிடமும்; சமீபத்தில், சிறந்த ஊராட்சிக்கான விருதை, ஜெயலலிதாவிடமும் பெற்றேன். டில்லியில் செயல்படும், "இன்ஸ்டிடியூட் ஆப் சோஷியல் சயின்ஸ்' நிறுவனத்தின், "சிறந்த பெண் ஊராட்சித் தலைவர்' விருதும்; மாநில அளவில் வழங்கப்படும், "கிராமிய ரத்னா விருது'ம் பெற்றேன்

கூட்டணியில் இருந்து வெளியேறியது திமுக

By Sriram Senkottai, சென்னை

First Published : 19 March 2013 11:14 AM IST

• புகைப்படங்கள்

• 

ஐ.மு.கூட்டணியில் இருந்து வெளியேறுவதாக திமுக தலைவர் கருணாநிதி அறிவித்தார்.

சென்னை அண்ணா அறிவாலயத்தில் செய்தியாளர்களைச் சந்தித்த மு.கருணாநிதி, மத்தியில் ஆளும் ஐக்கிய முற்போக்குக் கூட்டணியில் இருந்து வெளியேறுவதாகத் தெரிவித்தார்.

மத்திய ஆளும் அரசின் அமைச்சரவையில் இருந்தும், ஐக்கிய முற்போக்குக் கூட்டணியில் இருந்துமே திமுக வெளியேறுவதாகத் தெரிவித்தார் கருணாநிதி.

மேலும், செய்தியாளர்களிடம் பேசியபோது, இலங்கைக்கு எதிரான அமெரிக்க அரசின் தீர்மானத்தை மத்திய அரசு நீர்த்துப் போகச் செய்துவிட்டது என்று கவலை தெரிவித்தார் திமுக தலைவர் கருணாநிதி.

தமிழ் கலாசாரங்களை அழித்தொழிக்கும் செயல்களில் இலங்கை அரசு ஈடுபட்டு வருகிறது. அதற்குத் துணை போகும் மத்திய அரசில் இருந்து திமுக விலக முடிவு செய்துள்ளது என்று அவர் கூறினார்.

இருந்தாலும், செய்தியாளர்களின் கேள்விகளின் போது,

உங்களின் இந்த முடிவை மறுபரிசீலனை செய்வீர்களா என்று கேட்டார் ஒரு செய்தியாளர். அதற்கு கருணாநிதி,

இன்னும் நாள் இருக்கிறது. இன்று இருக்கிறது, நாளை இருக்கிறது, வரும் 21ம் தேதி வரை நேரம் இருக்கிறது. இதற்கு இடையில், நாங்கள் முன் நிறுத்திய மத்திய அரசு நாடாளுமன்றத்தில் விவாதித்து தீர்மானம் கொண்டு வந்தால், கருத்துகளை மாற்றிக் கொள்ளவும் தயாராக இருக்கிறோம் என்றார்.

எனவே நாடாளுமன்றத் தீர்மானத்தைப் பொறுத்து முடிவு என்று அவர் கூறினாலும் கூட, ஒட்டுமொத்தமாகப் பார்க்கும்போது, அமெரிக்காவின் தீர்மானத்தின் மீது இன்றே இறுதி முடிவு எடுத்திருக்க வேண்டும். கால அவகாசம் குறைவாக இருப்பதால், அது இயலாது. ஆகவே, திமுகவின் விலகல் முடிவு மறுபரிசீலனைக்கு உட்பட வாய்ப்பில்லை என்றே தெரிகிறது.

கடந்த 9 ஆண்டுகளாக மத்தியில் ஆளும் கூட்டணியில் அங்கம் வகித்த திமுக, தற்போது விலகியிருக்கிறது என்பது குறிப்பிடத்தக்கது.

கருணாநிதியின் இந்த அறிவிப்பினைத் தொடர்ந்து தொண்டர்கள் மகிழ்ச்சிப் பெருக்கில் பட்டாசுகளை வெடித்து மகிழ்ந்தனர்.