குரு பூசை, அரசியல், சாதி த் தலைவர்களின் வருகைக்குத் தடை: உயர்நீதிமன்றம் அறிவுரை

குரு பூசை, அரசியல், சாதி த் தலைவர்களின் வருகைக்கு த் தடை: உயர்நீதிமன்றம்  அறிவுரை

சென்னை: "குரு பூஜை கொண்டாட்டங்களுக்கு தடை விதிப்பது பற்றி, அரசு தீவிரமாக பரிசீலிக்க வேண்டும்' என, சென்னை ஐகோர்ட் அறிவுறுத்தியுள்ளது.

திருநெல்வேலி மாவட்டம், நெற்கட்டான் செவ்வாயல் கிராமத்தில், ஒண்டி வீரன் நினைவகத்துக்கு, தமிழ் புலிகள் இயக்கத்தினர், வாகனங்களில் செல்வதை தடுக்கக் கூடாது என, போலீசாருக்கு உத்தரவிடக் கோரி, சென்னை உயர் நீதிமன்ற மதுரை கிளையில், சிவகுமார் என்பவர் மனு தாக்கல் செய்தார். சிவகிரி தாலுகாவில், நெற்கட்டும்சேவல் கிராமத்தில், மாமன்னார் பூலித்தேவன் பிறந்த நாள் கொண்டாட்டத்துக்கு அனுமதி கோரியும், போலீஸ் பாதுகாப்பு கோரியும், பூலித்தேவன் நினைவு அறக்கட்டளை சார்பில், மனு தாக்கல் செய்யப்பட்டது. ராமநாதபுரம், பரமக்குடியில், தியாகி இமானுவேல் சேகரனின் நினைவகத்துக்கு வருபவர்களுக்கு, போலீஸ் பாதுகாப்பு, அடிப்படை வசதிகளை வழங்கக் கோரி, விஜயா என்பவர், மனு தாக்கல் செய்தார்.

இம்மனுக்களை விசாரித்த, நீதிபதி கிருபாகரன் பிறப்பித்த உத்தரவு: ஜாதி வர்ணம் பூசப்படாத ஒரே தலைவர், மகாத்மா காந்தி தான். மற்ற தலைவர்களை எல்லாம், எப்படியோ ஒரு வழியில், ஜாதி மற்றும் மத அடிப்படையில், அடையாளம் காணப்படுவது துரதிர்ஷ்டவசமானது. மிகப் பெரிய தலைவர்கள் எல்லாம், ஜாதி தலைவர்களாக சுருக்கப்பட்டு விட்டனர். இதை, அந்த தலைவர்கள் உயிருடன் இருக்கும் போது, நினைத்து பார்த்திருக்க மாட்டார்கள். இந்த வழக்குகளைப் பொறுத்தவரை, தங்கள் தலைவர்கள் இந்த சமூகத்துக்கு ஆற்றிய பங்கை நினைவுகூரும் வகையில், கொண்டாட்டங்களை நடத்துவதாகவும், அரசியல் கட்சிகளின் தலைவர்கள், சமுதாய தலைவர்கள், தலைவர்களுக்கு அஞ்சலி செலுத்த வருவதாகவும், வாடகை வாகனங்களில் வருவதற்கு, போலீசார் கட்டுப்பாடுகள் விதிப்பதாகவும், தெரிவிக்கப்பட்டது.

தமிழகத்தின் தென் பகுதிகளைப் பொறுத்தவரை, ஜாதி ரீதியாக பதற்றம் கொண்டது. அசம்பாவிதம் ஏதும் நடந்தால், பதற்றம் மற்றும் சட்டம் - ஒழுங்கு பிரச்னை ஏற்படும். ஒவ்வொரு ஆண்டும், புதிய தலைவர்கள், கதாநாயகர்கள், ஜாதி தலைவர்களாக உருவாகின்றனர். அவர்களின் பெயரில் கொண்டாட்டம் நடத்துகின்றனர். இதற்கு பெயர், "குரு பூஜை' என்கிறனர். இந்த விழாக்களை, அந்தந்த ஜாதியில் உள்ளவர்கள், தங்கள் பலத்தைக் காட்டும் விதத்தில் செயல்படுகினறனர். விடுதலைப் போராட்ட வீரர்கள், எந்த ஜாதியாக இருந்தாலும், அவர்களை கவுரவிக்க வேண்டும் என்பதில், சந்தேகமில்லை. உண்மையில் பார்த்தால், அவர்கள் செய்த நல்ல காரியங்களுக்காக அவர்களை கவுரவிக்கவில்லை; ஜாதி அடிப்படையில் கவுரவிக்கின்றனர்.

திருநெல்வேலி மாவட்டத்தில், பூலித்தேவன், ஒண்டிவீரன், வ.உ.சி., தூத்துக்குடி மாவட்டத்தில் வீரன் அழகுமுத்துகோன், வீரன் சுந்தரலிங்கன், கட்டபொம்மன், ராமநாதபுரம் மாவட்டத்தில், பசும்பொன் முத்துராமலிங்க தேவர், தியாகி இமானுவேல் சேகரனார், சிவகங்கை மாவட்டத்தில், வேலு நாச்சியார், மருது பாண்டியன், திருச்சி மாவட்டத்தில், முத்தரையர் ஆகியோருக்கு, விழாக்கள் நடத்தப்படுகின்றன. இந்த தலைவர்களின் பிறந்த நாள் அல்லது இறந்த நாளை, கொண்டாடுகின்றனர். ஜாதி தலைவர்களாக, இவர்களை சித்தரிக்கின்றனர். இது, அந்த தலைவர்களுக்கு செய்யும் மரியாதை அல்ல. அவர்களை அவதூறு செய்வதாகும். விழாக்கள், கொண்டாட்டங்களால், சட்டம் - ஒழுங்கு பிரச்னை, உயிர் இழப்பு, சொத்துக்கள் சேதம், பதற்றம் ஏற்படுகிறது. சூழ்நிலையை ஆராய்ந்து, தகுந்த நடவடிக்கைகளை போலீசாரால் தான் எடுக்க முடியும். விழாக்கள், கொண்டாட்டங்களை, ஜாதி தலைவர்கள் தான் நடத்துகின்றனர். அரசியல் ஆதாயத்துக்காக, நினைவகங்கள் முன், அரசியல் தலைவர்களும் வரிசையில் நிற்கின்றனர். அரசியல் கட்சித் தலைவர்கள் வரும் போது, தேவையின்றி அந்த விழாக்களுக்கு முக்கியத்துவம் கொடுக்கப்படுகிறது. பொதுமக்கள் நலன் கருதி, இது போன்ற கொண்டாட்டங்களின் போது, அரசியல் கட்சித் தலைவர்கள், அந்த தலைவர்களின் நினைவிடங்களுக்கு செல்லாமல் இருப்பதே, சமூகத்துக்கு அவர்கள் செய்யும் பெரிய சேவை. இதைத் தான், இந்த கோர்ட் எதிர்பார்க்கிறது.

குரு பூஜை கொண்டாட்டங்களால், பொதுமக்களுக்கு தான் இடையூறு, இழப்பு ஏற்படுகிறது. எனவே, குரு பூஜை கொண்டாட்டங்களுக்கு தடை விதிப்பது பற்றி, அரசு தீவிரமாக பரிசீலிக்க வேண்டும். அரசியல் கட்சி தலைவர்கள், ஜாதி தலைவர்கள் செல்வதற்கும், தடை விதிக்க வேண்டும். இந்த கொண்டாட்டங்களுக்கு அதிக முக்கியத்துவம் கொடுப்பதை, மீடியாக்கள் தவிர்க்க வேண்டும். தலைவர்களுக்கு மரியாதை, கவுரவம் செய்ய, அரசியல் கட்சித் தலைவர்கள், ஜாதி தலைவர்கள் விரும்பினால், நினைவிடங்களுக்கு செல்லாமல், மரியாதை செய்யலாம். ஏழைகளுக்கு அன்னதானம், ஆதரவற்றோர், முதியோர் இல்லங்களுக்கு உதவுவது, ஏழை மாணவர்களுக்கு கல்வி உதவி அளிப்பது என, உதவிகளை செய்யலாம். தங்கள் தொண்டர்களையும், இது போன்ற பணிகளில் ஈடுபடுத்தலாம். அதன் மூலம், மறைந்த தலைவர்களுக்கு மரியாதை, கவுரவம் செய்யலாம். மறைந்த தலைவர்களுக்கு கவுரவம் செய்ய முயற்சிப்பதன் மூலம், இருக்கிற சாதாரண மனிதர்களை தொந்தரவு, துன்புறுத்தல் செய்யக் கூடாது. இவ்வாறு, நீதிபதி கிருபாகரன் உத்தரவிட்டுள்ளார்.

உனக்கும் பெப்பே ! உன் அப்பனுக்கும் பெப்பே! மறுத்தது இலங்கை

உனக்கும் பெப்பே ! உன் அப்பனுக்கும்  பெப்பே!

இந்தியாவின்   அறிவுரையை மறுத்தது இலங்கை

By dn, கொழும்பு

First Published : 11 March 2013 03:57 AM IST

• புகைப்படங்கள்

• 

ஐ.நா. மனித உரிமைகள் தீர்மானம் தொடர்பாக அமெரிக்காவுடன் பேச்சுவார்த்தை நடத்துமாறு இந்தியா அளித்த ஆலோசனையை இலங்கை நிராகரித்து விட்டது.
இலங்கையில் அரசுக்கும், விடுதலைப்புலிகளுக்கும் இடையில் நடைபெற்ற இறுதிக்கட்டப் போரின்போது பெரிய அளவில் மனித உரிமை மீறல்கள் நடைபெற்றதாக குற்றச்சாட்டு எழுந்தது. இது குறித்தும், போர்க் குற்றங்கள் குறித்தும் சுதந்திரமான, சர்வதேச விசாரணை நடத்தப்பட வேண்டும் என்று ஐ.நா. மனித உரிமைக் கவுன்சிலில் அமெரிக்கா கொண்டு வந்துள்ள தீர்மானத்தில் வலியுறுத்தியுள்ளது. தீர்மானத்தின் நகல்கள் கடந்த 7ஆம் தேதி பல்வேறு நாடுகளின் பிரதிநிதிகளுக்கும் விநியோகிக்கப்பட்டன. இது குறித்து அமெரிக்காவுடன் பேச்சு நடத்தி இரு தரப்பும் ஏற்கத்தக்க தீர்மானம் நிறைவேற வழிகாணுமாறு இலங்கைக்கு இந்தியா ஆலோசனை தெரிவித்தது. ஆனால், இந்த யோசனையை இலங்கை திட்டவட்டமாக நிராகரித்து விட்டது.
இது தொடர்பாக, அமெரிக்கப் பிரதிநிதி எய்லீன் டானஹு வெள்ளிக்கிழமை ஏற்பாடு செய்த கூட்டத்தில் இலங்கையைச் சேர்ந்த ரவிநாதா ஆர்யசின்ஹா பேசியது: அமெரிக்காவுடன் பேச்சு நடத்த எங்கள் நாடு உத்தேசிக்கவில்லை. அமெரிக்கத் தீர்மானத்தின் சாராம்சத்தை இலங்கை முற்றிலுமாக நிராகரிக்கிறது. கடந்த ஆண்டு (2012) மார்ச் மாதம் அமெரிக்க ஆதரவுடன் கொண்டுவரப்பட்ட தீர்மானத்தை இலங்கை அங்கீகரிக்கவில்லை. ஆனால் அத்தீர்மானத்தில், சாதகமான ஓர் அம்சம் இருந்தது. இலங்கை அரசின் ஒப்புதலின் பேரில் மட்டுமே மனித உரிமைகளுக்கான ஆணையர் அலுவலகம் ஆலோசனை வழங்க வேண்டும் என்பதே அது. இந்த விஷயத்தில் என்ன நடவடிக்கை எடுத்தோம் என்பது குறித்து அறிக்கை தருமாறு மனித உரிமை கவுன்சில் மேற்கண்ட அலுவலகத்தைக் கேட்டுக் கொண்டது. ஆனால், இதற்கு மாறாக மனித உரிமைகளுக்கான ஆணையர் நவி பிள்ளை செயல்பட்டுள்ளார். அவர் மனித உரிமை கவுன்சிலுக்கு அளித்த அறிக்கையில் உள்ள பரிந்துரைகள் அனைத்தும் தன்னிச்சையாகவும், தேவையின்றித் தலையிடுவதாகவும், அரசியல் உள்நோக்கம் கொண்டதாகவும் உள்ளன.
இலங்கையில் போர்ப் படிப்பினைகள் மற்றும் நல்லிணக்க ஆணையத்தின் பரிந்துரைகளை அமல்படுத்தும் செயல்திட்டம் மூலம் மேற்கொள்ளப்பட்டு வரும் மறுசீரமைப்புப் பணிகளுக்கு நவி பிள்ளை உரிய அங்கீகாரம் அளிக்கவில்லை.
தவறுகளைக் கொண்ட தீர்மானம்: நவி பிள்ளை அளித்த பாரபட்சமான அறிக்கையை அமல்படுத்த வேண்டும் என்று அமெரிக்கா இப்போது கொண்டுவந்துள்ள வரைவுத் தீர்மானம் கோருகிறது. இது, கடந்த ஆண்டு நிறைவேற்றப்பட்ட தீர்மானத்தைக் கருத்தில் கொள்ளாததோடு, அதிலிருந்து முற்றிலுமாக விலகிச் சென்றுள்ளது.
ஒரு நாட்டுக்கு ஐ.நா. பார்வையாளர்கள் வருகை புரிவது என்பது சம்பந்தப்பட்ட நாட்டின் ஒப்புதல் அல்லது அழைப்பின் பேரில் மேற்கொள்ளப்பட வேண்டும் என்று ஐ.நா. பொதுச் சபை மற்றும் மனித உரிமை கவுன்சில் இயற்றிய தீர்மானங்களுக்கு மாறாக அமெரிக்காவின் இப்போதைய தீர்மானம் அமைந்துள்ளது. பல்வேறு மனித உரிமைகள் விவகாரத்தில், ஐ.நா. பார்வையாளர்கள் எந்தக் கட்டுப்பாடும் இன்றி இலங்கைக்கு செல்ல அனுமதிக்கப்பட வேண்டும் என்று அமெரிக்கத் தீர்மானம் கூறுகிறது.
தீர்மானம் என்ற பெயரில், சில நாடுகளின் பெயர்களைக் குறிப்பிட்டு, அவமானப்படுத்தி அவற்றை தனிமைப்படுத்துவது தேவையற்றது. குறிப்பாக, இலங்கை 30 ஆண்டு காலப் போருக்குப் பின் மறுசீரமைப்புப் பணிகளில் கணிசமான முன்னேற்றத்தை எட்டியுள்ள நிலையில், இந்த அணுகுமுறை தேவையில்லை என்றார் ரவிநாதா ஆர்யசின்ஹா.
வஞ்சகச் சுவாமியின்   ஒழிப்பு  முயற்சி தோல்வி
இதனிடையே, போர்க்குற்றம் தொடர்பாக சர்வதேச விசாரணை கோருவதை வலியுறுத்த வேண்டாம் என்று அமெரிக்காவுக்கு அழுத்தம் கொடுக்க ஜனதா கட்சித் தலைவர் சுப்பிரமணியன் சுவாமி முயற்சி மேற்கொண்டார்.
ஆனால், சுவாமி மற்றும் இலங்கைப் பிரதிநிதிகள் ஆகியோரின் முயற்சிகள் வெற்றி பெற்றதாகத் தெரியவில்லை.

இந்த பகுதியில் மேலும்

தமிழக முதல்வர் மலேசியாவுக்கு வர வேண்டும்!

நல்லாட்சி அளித்தால் மக்கள் தவறுகளை மன்னித்து விடுவார்கள்: நரேந்திர மோடி

இந்தியாவின் யோசனையை நிராகரித்தது இலங்கை

போப் தேர்வுக்காக கார்டினல்கள் கூட்டம்

ஏப்ரல் 14இல் வெனிசூலா அதிபர் தேர்தல்

அரசு நிர்வாகத்தில் சீர்திருத்தம்: சீன அரசு அறிவிப்பு

நீதிமன்ற தீர்ப்பை எதிர்த்து எகிப்தில் கலவரம்: 2 பேர் சாவு

தேசிய ஜனநாயகக் கட்சி தலைவராக சூச்சி மீண்டும் தேர்வு

கிறிஸ்தவர் வீடுகளுக்கு தீவைத்ததாக 150 பேர் கைது

பாகிஸ்தானில் கிறிஸ்தவர்கள் குடியிருப்பு மீது தாக்குதல்

கென்யா அதிபர் தேர்தலில் துணைப் பிரதமர் வெற்றி

சீன புதிய அதிபருடன் மன்மோகன் சந்திப்பு?

ஐ.நா. அமைதி குழுவினரை விடுவித்தனர் சிரியா புரட்சிப் படையினர்

இலங்கைக்கு எதிரான தீர்மானம்: ஐ.நா. மனித உரிமைகள் கவுன்சிலில் அமெரிக்கா தாக்கல்

வெளிநாடுவாழ் தமிழ் எழுத்தாளர்களுக்கும் தாயகம் அங்கீகாரம் தர வேண்டும்!

கருத்துகள்(5)

subramanya swamy is not related to this he is a traiter of bloody rajapakshe kick out s s swamy ettappa son

பதிவுசெய்தவர் yuvaraj  03/11/2013 06:48 இதற்கான பதில் முறையற்ற கருத்து

..சு.சாமி எப்போதுமே இலங்கைத் தமிழ் விரோதி . அதை அவர் மறுத்தது இல்லை .இப்போதும் அதை தொடர்கிறார். இதில் நாம் ஏமாறவில்லை. ஆனால் உலகத் தமிழர் தலைவர் ,தோணி கவிந்தாலும் அதில் பயனிப்பவரை காப்போம் ,அவரை கரை சேர்ப்போம் என்று கூறி பல லக்ஷம் தமிழர்களும்[ இளங் குமரன் பாலகுமாரன படுகொலைக்கு உள்பட]கொன்று குவித்து ராஜபக்சே கொலைவெறியை கண்டிக்காமல் [ தான் பதவியில் இருந்தபோது ]ஒன்றும் நடக்கவில்லை இன்றுவரை காங்கிரஸின் அடிவருடியாக இருப்பவரை என்ன சொல்ல !அந்த காங்க்றேச்ஸ் ஆட்சி அவர் கொடுத்த பிச்சை அல்லவா /

பதிவுசெய்தவர் ர.கிருஷ்ணமுர்த்தி  03/11/2013 07:36 இதற்கான பதில் முறையற்ற கருத்து

பிளஸ் எங்க தமிழ் ஈனத்தை காப்பாத்துங்க எங்க ஈனம் அழிநதுபோகுது. இயேசுஅப்பா இன்னும் ஏன் மெளனம் ? இரத்தத்துக்கு பழி வாங்குவேன் என்றிரே..... இப்படிக்கு, தேவனை நம்பியிருக்கும் தமிழன்

பதிவுசெய்தவர் paulshathrak  03/11/2013 08:08 இதற்கான பதில் முறையற்ற கருத்து

தமிழனுக்கு எந்த ஒரு தேவனும் ......உம் தேவையில்லை. எங்கு இருந்து வருகிறது இந்த இனவெறி.. தமிழனுக்காக நிற்க நினைத்தால் மனிதனாக நில், நரகரீகமாக நிற்காதே....

பதிவுசெய்தவர் தமிழன்  03/11/2013 09:16 இதற்கான பதில் முறையற்ற கருத்து

வணக்கம், சிங்களவர்கள் எப்போதுமே அடாவடிதனத்துடனே செயல்படுவார்கள். நம் மத்ய அரசின் கூற்றின் படியே வைத்து கொண்டிருந்தால், ராணுவ மற்றும் ஆயுத உதவியோ செய்திருக்க கூடாது. இலங்கையில் தமிழ் இனத்தவர்களுக்கு பதிலாக ஒரு சிங் இனத்தவர் அழிக்கபட்டிருந்தால் இந்த பதில்தான், நம் மத்திய அரசின் பதிலாக இருக்குமா. . ? இந்தியர்களாகிய நாம் யோசித்து பார்க்கவேண்டும். நம்மவர்கள் நிலையினால் மற்ற ஐ.நா உறுப்பினர்களும் பின்வாங்குவார்கள். இந்த பிரேரனையும் பலனிக்க போவதில்லை. இவர்களை நம்பி தமிழக மாணவர்களும் பாதிக்க உள்ளனர். இவ்வளவு போராட்டத்திற்கு பிறகும் மத்திய அரசு அசைவாதக தெரியவில்லை. அவர்களே முடிவெடுக்க வேண்டும். 

ஹஹஹஹஹஹஹஹஹஹஹஹஹஹஹஹ

ஐ.நா. மனித உரிமை கவுன்சில் தீர்மானம் : அமெரிக்காவுடன் பேச்சு நடத்த இலங்கை மறுப்பு - இந்தியாவின் ஆலோசனையை நிராகரித்தது

பதிவு செய்த நாள் : திங்கட்கிழமை, மார்ச் 11, 10:53 AM IST

புதுடெல்லி, மார்ச். 11-

இலங்கையில் ராணுவத்துக்கும், விடுதலைப்புலிகளுக்கும் இடையில் நடந்த இறுதி கட்டப் போரில் மிகப் பெரிய அளவில் மனித உரிமை மீறல்கள் நடந்ததாக குற்றச்சாட்டு எழுந்தது. போர்க் குற்றங்கள் குறித்து சுதந்திரமான சர்வதேச விசாரணை நடத்தப்பட வேண்டும் என்று ஐ.நா. மனித உரிமை கவுன்சிலில் அமெரிக்கா தீர்மானம் கொண்டு வந்தது.

இதுகுறித்து அமெரிக்காவுடன் பேச்சுவார்த்தை நடத்தி இரு தரப்பும் ஏற்கத்தக்க தீர்மானம் நிறைவேற்ற வழி காணுமாறு இலங்கைக்கு இந்தியா ஆலோசனை தெரிவித்தது. இந்தியாவின் இந்த ஆலோசனையை இலங்கை அரசு நிராகரித்துவிட்டது.

இது தொடர்பாக அமெரிக்க பிரதிநிதி எய்லீன் டானஹு ஏற்பாடு செய்த கூட்டத்தில் இலங்கையை சேர்ந்த ரவிநாதா ஆர்ய சின்ஹா பேசியதாவது:-

அமெரிக்காவுடன் பேச்சு நடத்த எங்கள் நாடு உத்தேசிக்கவில்லை. அமெரிக்க தீர்மானத்தின் சாராம்சத்தை இலங்கை முற்றிலுமாக நிராகரித்தது. ஒரு நாட்டுக்கு ஐ.நா. பார்வையாளர்கள் வருவது அந்த நாட்டின் ஒப்புதல் அல்லது அழைப்பின் பேரில் மேற்கொள்ளப்பட வேண்டும் என்று ஐ.நா. பொதுச்சபை மற்றும் மனித உரிமை கவுன்சில் இயற்றிய தீர்மானங்களுக்கு மாறாக அமெரிக்காவின் தீர்மானம் உள்ளது.

மனித உரிமைகள் விவகாரத்தில் ஐ.நா. பார்வையாளர்கள் எந்த கட்டுப்பாடும் இன்றி இலங்கைக்கு செல்ல அனுமதிக்கப்பட வேண்டும் என்று அமெரிக்கா தீர்மானம் கூறுகிறது. தீர்மானம் என்ற பெயரில் சில நாடுகளின் பெயர்களை குறிப்பிட்டு அவமானப்படுத்தி அவற்றை தனிமைப்படுத்துவது தேவையற்றது.

30 ஆண்டு கால போருக்கு பிறகு இலங்கை மறு சீரமைப்பு பணிகளில் கணிசமான முன்னேற்றத்தை எட்டியுள்ள நிலையில் இந்த அணுகுமுறை தேவையில்லை.

இவ்வாறு அவர் பேசினார்.

இதற்கிடையே ஐ.நா. மனித உரிமை கவுன்சிலில் இலங்கைக்கு எதிராக அமெரிக்கா கொண்டு வந்துள்ள தீர்மானத்தை இந்தியா ஆதரிக்க வேண்டும் என்று மனித உரிமை கண்காணிப்பு குழு கேட்டுக் கொண்டுள்ளது.

இது தொடர்பாக மனித உரிமை கண்காணிப்பு குழுவின் தெற்கு ஆசிய இயக்குனர் மீனாட்சி கங்குலி கூறியதாவது:-

இலங்கையில் நடந்த இறுதிக்கட்ட போரின் போது பாதுகாப்பான பகுதி என்று ஏமாற்றி அதில் தஞ்சம் புகுந்த இலங்கை தமிழர்களை ராணுவம் குண்டு வீசி கொன்றது. ஆண்கள் மற்றும் பெண்கள் பாலியல் ரீதியாக துன்புறுத்தப்பட்ட ஆவணப் படங்களை தயாரித்து வைத்துள்ளோம்.

இலங்கை அரசுக்கு எதிரான தீர்மானத்தை பல நாடுகள் ஆதரிக்க முன் வந்துள்ளன. இந்த தீர்மானத்தை இந்தியாவும் ஆதரிக்க வேண்டும்.

இவ்வாறு அவர் கூறினார்.

அறிவுரை பெறத் தயங்காதீர்!'

அறிவுரை பெறத் தயங்காதீர்!'

மருத்துவர் தேவாம்பிகை: பெண் வாழ்க்கையில் பருவம் அடைவது இயல்பானதும், முக்கியமானதும் கூட; அதே போல் உரிய சமயத்தில், "மெனோபாஸ்' வருவதும் இயற்கையானது."மெனோபாஸ்' என்றால், மாத விலக்கு நின்று விடும் என்று மட்டும், எல்லாருக்கும் தெரியும்; சிலர், நோய்கள் வரத் துவங்கி விடும் என்று பயப்படுவர். பயப்படவும் வேண்டாம்; அதை, உதாசீனப்படுத்தவும் வேண்டாம்.முன்பு, 45 வயதில், "மெனோபாஸ்' வரும்; இப்போது, 55 வயதிற்கு மேல் தான், "மெனோபாஸ்' வருகிறது.இந்த காலகட்டத்தில், "ஓவரி' என்ற சூலகத்தின் செயல்பாடு குறைந்து, மாத விலக்கு சுழற்சி முறையற்றதாக மாறி, சில காலம் கழித்து, முற்றிலுமாக நின்று விடும்.ஆனால், சிலருக்கு, 35 வயதில் கூட, "மெனோபாஸ்' வந்து விடும். இது அபூர்வம் தான். இதை, "ப்ரிமெச்சுர் மெனோபாஸ்' என, குறிப்பிடுவர்."ஓவரி'யில் கட்டி போன்ற பிரச்னைகள் இருந்தாலோ, "ஓவரி'யை அறுவை சிகிச்சை மூலம், அகற்றி இருந்தாலோ அல்லது கீமோதெரபி, ரேடியோதெரபி போன்ற சிகிச்சைகள் அளிக்கப்பட்டு இருந்தாலோ, "ப்ரீமெச்சூர் மெனோபாஸ்' வரலாம்.அதற்கான அறிகுறிகளாக, மாதவிலக்கு சுழற்சி முறையில் ஒழுங்கின்மை ஏற்படும்; மாதக்கணக்கில் தள்ளிப் போகும். அதிகமாக வியர்க்கும்; தூக்கமின்மை, அடிக்கடி சோர்வு, மறதி போன்றவை ஏற்படும். ஓராண்டு காலம் வரவில்லை என்றால், "மெனோபாஸ்' என, எடுத்து கொள்ள வேண்டும். பெண்களின் உடலில் சுரக்கும், "ஈஸ்ட்ரோஜன்' என்ற ஹார்மோன் குறைந்து விடுவதால், தாம்பத்திய உறவின் போது, அசவுகரியமும், வலியும் உண்டாகும். இதனால், கருத்தரிக்க முடியாது.சிலருக்கு, முகத்தில் ரோமங்கள் வளரக்கூடும். தலைமுடி உதிர்வு, எடை அதிகரித்தல் போன்ற தொல்லை எல்லாருக்கும் ஏற்படாது; ஆனால், சிலருக்கு வரலாம்.வயது, 45க்கு மேல் ஆகிவிட்டால், "மெனோபாஸை' எதிர்கொள்ள மனதளவில் தயாராகுங்கள். இது, இயற்கையாக நிகழக் கூடியது. ஓர் ஆண்டுக்கு ஒருமுறை, "ஹெல்த் செக்-அப்' செய்து கொள்ளுங்கள். மகப்பேறு மருத்துவரை அணுகி, ஆலோசனை பெறத் தயங்காதீர்.
"மணல்கொள்ளைவேட்டை தொடரும்!'

மணல் கொள்ளையரை வேட்டையாடும், சுடலைக்கண்ணு:தூத்துக்குடி மாவட்டம், ஸ்ரீவைகுண்டம் அருகே உள்ள, அனவரதநல்லூர் கிராமம் தான், என் சொந்த ஊர். பிளஸ் 2 வரை படித்திருக்கேன். எனக்கு, 50 ஏக்கர் நிலம் இருக்கு. காலங்காலமாக விவசாயம் செய்திட்டிருக்கோம்.முத்தாலங்குறிச்சியில், 2005ல் மணல் குவாரி அமைக்க, அரசு அனுமதி கொடுத்தது. அதோடு நிற்கவில்லை; பக்கத்தில் இருக்கிற கிராமம் முழுவதும், 20, 25 அடி ஆழத்தில் தோண்டி மணல் எடுத்தனர்.இதுகுறித்து, கலெக்டரிடம் மனு கொடுத்தும் பலனில்லை.மதுரை கோர்ட்டில் மனு கொடுத்து, ஆதாரங்களை சேகரிக்க, கேமராவை வாங்கி, இரவும் பகலும், வயல்களில் பதுங்கி இருந்து, போட்டோ எடுத்தேன். ஆதாரங்களை வைத்து, கோர்ட், முத்தாலங்குறிச்சி குவாரியை மூட உத்தரவிட்டது. இது தான், என் முதல் வெற்றி. இதைப் போல், மற்ற ஊரையும் காப்பாற்ற வேண்டும் என்ற ஆதங்கம், எனக்கு இருந்தது.இரண்டு பொக்லைன் மட்டும் பயன்படுத்த வேண்டும்; 1 மீட்டர் ஆழத்துக்கு மேல் அள்ளக் கூடாது; காலை, 7:00 மணி முதல், மாலை, 5:00 மணி வரை தான் ஓட்டணும்; ஆற்றுக்குள் தடம் போடக் கூடாது என, கோர்ட்டில் தீர்ப்பு வழங்கப்பட்டது. இது, எனக்கு கிடைத்த பெரிய வெற்றி.திருச்சியில், 20 கி.மீ., தூரத்திற்கு, ஆற்றுக்குள் கிராவல் ரோடு போட்டிருந்தனர். ரோட்டை அகற்ற, மனு போட்டு, உத்தரவு வாங்கினேன்.தாமிரபரணியை விட, காவிரி மணல் கொள்ளை அதிகம். கரூர் முதல், நாகப்பட்டினம் வரை, காவிரி கரையிலேயே, 10 நாட்கள் கண்காணித்தேன். ஒவ்வொரு குவாரியிலும், திருவிழா கூட்டம் போல், 20, 30 பொக்லைன்கள் நின்றன.இதைத் தடுக்க, அரசு உத்தரவு பெற்ற குவாரிகள் குறித்து, ஒவ்வொரு மாவட்டமாக, லிஸ்ட் எடுத்தேன். கையில் தூக்கு சட்டி, அதற்குள் கேமரா வைத்து, போட்டோ எடுப்பேன்.உள்ளூர் மக்கள் துணையுடன், 43 குவாரிகளுக்கும் ஆதாரத்தை சேகரித்தேன்."காவிரி நீர்வள ஆதார அமைப்பு' உருவாக்கி, அதன் மூலம் கோர்ட்டுக்கு போனேன். வெற்றி கிடைத்தது. இதையடுத்து, மக்கள் எனக்கு பாராட்டு விழா நடத்தினர். பணம் தரவும் முன்வந்தனர்.எனக்கு, பணம் முக்கியம் இல்லை. மணல் என்பது, இயற்கை நமக்கு கொடுத்திருக்கும் சொத்து; அதை அழிய விடக் கூடாது.

"மகப்பேறு மருத்துவரிடம் அறிவுரை கேளுங்கள்

சொல்கிறார்கள்

"மகப்பேறு மருத்துவரிடம்ஆலோசியுங்கள்!' 

:கர்ப்பிணிப் பெண்கள், தலைமுடிக்கு, "டை' பயன்படுத்துவது குறித்து, தோல் டாக்டர் க. உதயசங்கர்: நீங்கள் உபயோகிக்கும், "டை'யானது, "அம்மோனியா ப்ரீ' மற்றும் "வெஜிடபிள் பேஸ்டு' என்பதாக இருந்தால், பிரச்னை இல்லை. "டை' பாக்கெட்டில், இதைப் பற்றிய குறிப்புகள் இருக்கும்.ஆனால், கர்ப்பமாக இருக்கும் போதோ, கர்ப்பம் தரிப்பது தொடர்பாக, ஏதேனும் சிறப்பு மருந்துகளோ, சிகிச்சைகளோ எடுத்துக் கொள்பவராக இருந்தால், நீங்கள் உபயோகிக்கும், "டை' குறித்து, உங்கள் மகப்பேறு மருத்துவரிடம், ஆலோசிப்பது நல்லது.ஏனெனில், "வெஜிடபிள் பேஸ்டு' எனப்படும் சில, "ஹேர் டை'களில், மருந்து அல்லது மாத்திரைகளுடன், ஒவ்வாமையை உண்டாக்கக் கூடிய, வேதிப் பொருட்கள் சேர்க்கப்பட்டிருக்கக் கூடும்.நிரந்தர நிறமூட்டிகள், வீரியமானவை என்பதால், ஹென்னா அடிப்படையிலான, தற்காலிக சாயங்களைப் பயன்படுத்துவது நல்லது.மருத்துவப் பரிசோதனைகளின் கீழ், கர்ப்பிணிப் பெண், "ஹேர் டை' உபயோகிப்பது, அவருக்கோ, அவர் வயிற்றில் இருக்கும் சிசுவுக்கோ பாதிப்பு ஏற்படுத்துவதாக, இதுவரை, நிரூபணம் ஆகவில்லை. ஆனால், அதுகுறித்த உங்களின் தடுமாற்றமோ, தயக்கமோ, பதற்றமோ, உடலையும், உள்ளத்தையும் பாதிக்கலாம்.எனவே, மேற்சொன்ன எச்சரிக்கைகளை பின்பற்றி, தெளிவு பெறலாம். பயன்படுத்தும், "டை' காரணமாக, ஏதேனும் அரிப்பு, தடிப்பு, நீர் வடிதல் தென்பட்டால், உடனடியாக உபயோகத்தை நிறுத்தி விட்டு, மருத்துவ ஆலோசனையைப் பெறுவது அதி அவசியம்.