பெண்கள் அலை பேசி வைத்திருந்தால் தண்டத் தொகை

பெண்கள் அலை பேசி  வைத்திருந்தால் தண்டத் தொகை: பீகாரில் பஞ்சாயத்து முடிவு

பாட்னா: பீகாரில் உள்ள, ஒரு கிராமத்தில், "இளம் பெண்கள் மொபைல் போன் பயன்படுத்தினால், 10 ஆயிரம் ரூபாயும், திருமணமான பெண்கள், வீட்டுக்கு வெளியில், மொபைல் போன்களை பயன்படுத்தினால், 2,000 ரூபாயும் அபராதம் விதிக்கப்படும்' என, பஞ்சாயத்து நிர்வாகம், உத்தரவு பிறப்பித்துள்ளது.
ராஜஸ்தான், அரியானா, உ.பி., உள்ளிட்ட மாநிலங்களில் உள்ள, சில கிராமங்களில், இளம் பெண்கள், மொபைல் போன்களை பயன்படுத்துவதற்கு, ஏற்கனவே தடை விதிக்கப்பட்டுள்ளது. ஆனாலும், "கிராம நிர்வாகத்தின் உத்தரவை மீறுவோர் மீது, கடுமையான நடவடிக்கை எடுக்கப்படும்' என்று தான், அறிவிக்கப்பட்டதே தவிர, என்ன மாதிரியான நடவடிக்கை எடுக்கப்படும் என்பது பற்றி, பகிரங்கமாக அறிவிக்கவில்லை.இந்நிலையில், பீகார் மாநிலம், கிசான்கஞ்ச் மாவட்டத்தில் உள்ள, சுந்தர்பதி என்ற கிராமத்தை சேர்ந்த, பஞ்சாயத்து நிர்வாகிகளின் கூட்டம், நேற்று முன்தினம் நடந்தது. இதில், எடுக்கப்பட்ட முடிவு குறித்து, அந்த கூட்டத்துக்கு தலைமை வகித்த, முகமது மன்சூர் ஆலம் கூறியதாவது:இளம் பெண்கள், மொபைல்போன் பயன்படுத்துவதற்கு தடை விதித்து, பஞ்சாயத்து கூட்டத்தில் முடிவு எடுக்கப்பட்டுள்ளது. இதன்படி, இளம் பெண்கள், மொபைல் போன் பயன்படுத்தியது கண்டு பிடிக்கப்பட்டால், அவர்களுக்கு, 10 ஆயிரம் ரூபாய் அபராதம் விதிக்கப்படும்.திருமணமான பெண்கள், தங்களின் வீடுகளுக்கு வெளியில், மொபைல் போன் பயன்படுத்தியது தெரியவந்தால், அவர்களுக்கு, 2,000 ரூபாய் அபராதம் விதிக்கப்படும். அதே போல், பெண்கள், சாலையோரங்களில் குளிப்பதற்கும் தடை விதிக்கப்பட்டுள்ளது.எங்கள் கிராமத்தை சேர்ந்த பெரியவர்களில் பெரும்பாலோனார், இந்த அபராதம் விதிப்பதற்கு, வரவேற்பு தெரிவித்துள்ளனர். மொபைல்போன் பயன்படுத்துவது, சமுதாயத்துக்கு கேடு விளைவிக்கும் செயல். இளம் பெண்கள், காதல் வலையில் விழுவதற்கு, இது காரணமாக இருக்கிறது.இவ்வாறு முகமது மன்சூர் ஆலம் கூறினார்.

பிகார் தேர்தல் தோல்வியால் துவண்டுவிடவில்லை:இராகுல் காந்தி

பீகாரில் காங். தோல்வி முழுக்க முழுக்க இராகுலின் அணுகுமுறையாலும் மக்களையும் காங்.ஒரு கழிசடைக்கட்சி  என்பதையும் புரிந்து கொள்ளாத மனமுதிர்ச்சியற்ற தன்மையாலும் மூத்தவர்களை மதிக்காத போக்காலும்  ஏற்பட்டது என்பது உண்மைதான். என்றாலும் வெற்றி மேடையில் ஏறிய எல்லாருமே தோல்விப் படிகளைக் கடந்தவர்கள்தாம். எனவே, செய்தியாளரிடம் கீழே விழுந்தும்  மீசையில் மண் ஒட்டவில்லை எனச் சமாளிப்பது போல் அல்லாமல் அவர் தன் செயல்பாடுகளையும் தேசிய இனங்களுக்கு எதிராகச் செயல்படும் ஊழலின் ஒட்டு மொத்த உருவம் காங்.கின் செயல்பாடுகளையும் ஆராய்ந்து தோல்வியை எதிர் கொள்ளும் துணிவு  பெற வேண்டும். வெற்றியும் தோல்வியும் முயற்சியுடையோருக்கு அழகே. 

அன்புடன் இலக்குவனார் திருவள்ளுவன்

பிகார் தேர்தல் தோல்வியால் துவண்டுவிடவில்லை: ராகுல் காந்தி

First Published : 03 Dec 2010 01:28:36 AM IST

Last Updated :

புது தில்லி, டிச. 2: பிகார் தேர்தலில் காங்கிரஸýக்கு ஏற்பட்ட படுதோல்வியால் துவண்டுவிடவில்லை என்று காங்கிரஸ் கட்சியின் பொதுச் செயலரும் நாடாளுமன்ற உறுப்பினருமான ராகுல் காந்தி கூறியுள்ளார்.நாடாளுமன்றத்துக்கு வெளியே செய்தியாளர்கள் கேட்ட கேள்விக்கு வியாழக்கிழமை பதிலளித்த அவர் மிகச் சுருக்கமாக இந்த ஒரு வரியை மட்டுமே கூறினார். பிகாரில் 243 தொகுதிகளில் 4 தொகுதிகளில் மட்டுமே காங்கிரஸôல் வெற்றி பெற முடிந்தது. இது அக்கட்சிக்கும் ராகுல் காந்திக்கும் ஏற்பட்ட பெரிய பின்னடைவாக கருதப்படுகிறது. ஏனெனில் பிகார் தேர்தல் தொடர்பான அனைத்து முடிவுகளையும் நேரடியாக ராகுல் காந்தியே எடுத்தார். ராஷ்ட்ரீய ஜனதா தளம், லோக் ஜன சக்தி போன்ற கட்சிகள் காங்கிரஸýடன் கூட்டணி ஏற்படுத்திக் கொள்ள முன்வந்த போதும் அவற்றை உதாசீனப்படுத்திவிட்டு தனித்து போட்டியிடுவது என்ற முடிவை எடுத்தார் ராகுல்.மேலும் 22 சட்டப் பேரவைத் தொகுதிகளுக்கு சென்று தீவிர பிரசாரத்திலும் ஈடுபட்டார் அவர். ராகுல் காந்தி பிரசாரம் செய்த தொகுதி ஒன்றில் கூட காங்கிரஸ் வெற்றி பெறவில்லை. இதையடுத்து ராகுல் காந்தியின் அணுகுமுறைகள் குறித்து கட்சிக்குள்ளேயே விமர்சனங்கள் எழுந்தன. கட்சித் தலைவர் சோனியா காந்தி பிகார் தேர்தல் முடிவு குறித்து கருத்து தெரிவிக்கையில், "பிகாரில் கட்சியை மறு கட்டமைப்புக்கு உள்படுத்த வேண்டும் என்பதையே இந்த முடிவுகள் காட்டுகின்றன' என்றார்.  எனினும் முடிவுகள் வெளியாகி ஒரு வார காலத்துக்கு மேலாகியும் ராகுல் எந்த கருத்தும் வெளியிடாமல் இருந்தார். இந்நிலையில் இது குறித்து ஊடகங்களுக்கு முதல் முறையாக வியாழக்கிழமை கருத்து தெரிவித்துள்ளார் என்பது குறிப்பிடத்தக்கது.