B.S.N.L. லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
B.S.N.L. லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், 8 அக்டோபர், 2012

அகலலை வசதியுள்ள தொலை பேசியில் காட்சி வசதி அறிமுகம்

அகலலை  வசதியுள்ள   தொலை பேசியில் காட்சி வசதி அறிமுகம்
பிராட்பேண்ட் வசதியுள்ள  பி.எஸ்.என்.எல். டெலிபோனில் வீடியோ வசதி அறிமுகம்
சென்னை, அக் 8-

தகவல் தொழில்நுட்பத்துறையில் நாளுக்கு நாள் மாற்றங்கள் ஏற்பட்டு வருகின்றன. உலகின் எந்த மூளையில் இருந்தாலும் நொடிப்பொழுதில் தொடர்பு கொள்ளக்கூடிய தகவல் தொழில்நுட்ப சாதனங்கள் உள்ளன.

பிராட்பேண்ட் வசதி உள்ளவர்கள் வெளிநாடுகளில் உள்ளவர்களிடம் கம்ப்யூட்டர் மூலமாக தொடர்பு கொண்டு பேசலாம். வெப் மூலம் இரு முனைகளில் உள்ளவர்கள் முகங்களை பார்த்து நேரில் பேசுவது போல இன்டர்நெட் வழியாக பேசமுடியும். இருவரின் உருவமும் கம்ப்யூட்டர் ஸ்கிரீனில் தெரியும்.

இந்த வசதியை வீட்டில் இருந்தோ, அல்லது கம்ப்யூட்டர் மையங்களில் இருந்தோ பெறலாம். தற்போது அதைவிட நவீனமயமாக டெலிபோனில் தொடர்பு கொண்டாலே எதிர் முனையில் உள்ளவர்களின் உருவம் டெலிபோனில் வீடியோ படம்போல் தெரியும்.

இந்த நவீன வசதியை பி.எஸ்.என்.எல். விரைவில் அறிமுகப்படுத்த உள்ளது. இதுபற்றி தமிழ்நாடு சர்க்கிள் பி.எஸ்.என்.எல். தலைமை பொது மேலாளர் முகமது அஷ்ரப்கான் கூறியதாவது:-

பி.எஸ்.என்.எல். பிராட் பேண்ட் வசதியுடன் கொண்ட தரைவழி டெலிபோன் சந்தாதாரர்கள் இதை தங்களது டெலிபோனில் பேசுபவர்களின் உருவத்தை நேரில் பார்த்தவாறு பேசும் வசதி இன்னும் 3 மாதத்தில் அறிமுகம் செய்கிறது.

அதற்கான நவீன வசதியுடன் கூடிய டெலிபோனை பொறுத்தினால் பேசுபவர்களின் உருவத்தையும் குரலையும் கேட்கலாம். இந்த வசதி ஏற்கனவே பி.எஸ்.என்.எல். வடக்கு, மற்றும் மேற்கு மண்டலங்களில் செயல்பாட்டில் உள்ளது.

இன்டர்நெட் வசதியுடன் வீடியோ கால் வசதிக்கான கருவியை பொருத்தினால் இந்த வசதியை பெறலாம். சென்னை உள்பட தமிழகத்தின் அனைத்து பகுதிகளுக்கும் இந்த வசதி விரைவில் வர உள்ளது.

பி.எஸ்.என்.எல். கட்டமைப்பு வசதிகள் மேம்படுத்தப்பட்டு வருகிறது. 3ஜி இணைப்புகளுக்கு 1000 டவர்கள் மூலம் சேவை வழங்கப்படுகிறது. மேலும் 500 டவர்கள் அமைக்கப்படுகின்றது. 1140 கிலோ மீட்டர் தூரத்திற்கு ஆப்டிக் பைபர் கேபிள் போடப்படுகிறது.

இவ்வாறு அவர் கூறினார்.

செவ்வாய், 30 நவம்பர், 2010

பணிக்குறைபாடு பற்றித் தெரிவிக்க ௧௫௦௦ அல்லது ௧௫௦௩ இற்குப்பேசும் பொழுது எப்பொழுதும் பதிவுக் குரல்தான் கேட்கின்றது. முதலில் அதனைச் சரி செய்து உடனுக்குடன் குறைகளைக் களைந்தாலே இதன் இணைப்பை யாரும் துறக்க மாட்டார்கள். அன்புடன் இலக்குவனார் திருவள்ளுவன்
பி.எஸ்.என்.எல். எஸ்.டி.டி.யில் புதிய சலுகை: நாளை முதல் அமல்

First Published : 30 Nov 2010 01:54:48 AM IST


சென்னை, நவ. 29: பி.எஸ்.என்.எல். தொலைத்தொடர்பு நிறுவனம் சாதாரண தொலைபேசி இணைப்பு வைத்திருப்பவர்களுக்கு எஸ்.டி.டி. வசதியில் புதிய சலுகையை புதன்கிழமை (டிசம்பர் 1) முதல் அமல் செய்கிறது.  சாதாரணத் தொலைபேசி வைத்திருக்கும் பி.எஸ்.என்.எல். வாடிக்கையாளர் நாட்டில் எந்த ஊரிலும் உள்ள வேறொரு சாதாரண தொலைபேசிக்கு எஸ்.டி.டி. மூலம் தொடர்பு கொண்டால் மூன்று நிமிடங்களுக்கு ஒரு யூனிட் என்ற அடிப்படையில் கட்டணம் கணக்கிடப்படும். எந்த நிறுவனத்தின் சாதாரண தொலைபேசியாக இருந்தாலும் இதே கட்டணம்தான் வசூலிக்கப்படும்.  வாடிக்கையாளர் பயன்படுத்தும் தொலைபேசி கட்டண திட்டத்துக்கு ஏற்ப இது ரூ.1 அல்லது ரூ.1.20 ஆக இருக்கும்.  இப்போது இரண்டு நிமிடங்களுக்கு ஒரு யூனிட் என்று அடிப்படையில் கட்டணம் கணக்கிடப்படுகிறது. புதிய சலுகையால் பி.எஸ்.என்.எல். சாதாரண தொலைபேசி வாடிக்கையாளருக்கு எஸ்.டி.டி. வசதியில் 50 சதவீதம் கூடுதல் சலுகை கிடைக்கிறது.  தொலைபேசித் துறையில் போட்டிகள் அதிகரித்துள்ள நிலையில், பி.எஸ்.என்.எல். சாதாரணத் தொலைபேசியை திரும்ப ஒப்படைப்பவர்களின் எண்ணிக்கை அதிகரித்து வருகிறது. இதைத் தடுப்பதற்காக நிறைய திட்டங்களை அந் நிறுவனம் அளித்து வருகிறது.  சென்னையில் சாதாரணத் தொலைபேசி இணைப்பு வைத்திருப்போர் விரும்பினால் அதே கடைசி 5 அல்லது 4 எண்களைக் கொண்ட பி.எஸ்.என்.எல். செல்போன் சிம் கார்டு வழங்கும் திட்டமும் அறிவிக்கப்பட்டுள்ளது.  கட்டணங்கள் பெருமளவு சரிந்துள்ள நிலையில், பி.எஸ்.என்.எல். கூடுதல் சலுகைத் திட்டத்தை இப்போது அறிவித்துள்ளது.  நாட்டில் 3.51 கோடி சாதாரண தொலைபேசி இணைப்புகள் பி.எஸ்.என்.எல். மூலம் இயங்குகின்றன. தொலைபேசி வாடிக்கையாளர்களில் 85 சதவீதம் பேர் பி.எஸ்.என்.எல். நிறுவன சேவையைப் பயன்படுத்துகின்றனர்.  இத் துறையின் வருவாயில் 92 சதவீதம் பி.எஸ்.என்.எல். நிறுவனத்துக்குதான் கிடைக்கிறது. 602 மாவட்டங்களில், 7330 நகரங்கள், 5.6 லட்சம் கிராமங்களை பி.எஸ்.என்.எல். நிறுவனம் தொலைபேசி மூலமாக இணைக்கிறது.