மருத்துவர்கள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
மருத்துவர்கள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

செவ்வாய், 23 அக்டோபர், 2012

மூளை ,காச, நோயாளிகளுக்குப் புதிய பண்டுவம்: நவீன முறையில் சில்லாங் மருத்துவர்கள்அறுவை

மூளை டி.பி., நோயாளிகளுக்கு புதிய சிகிச்சை:நவீன முறையில் ஷில்லாங் டாக்டர்கள் ஆபரேஷன்
மூளையில் ஏற்பட்ட டி.பி., நோயால், அதில் உற்பத்தியாகும் திரவங்கள், உடலின் பிற பாகங்களுக்கு செல்லாமல் தடுக்கப்படும் ஆபத்தை, ஷில்லாங் மருத்துவமனை டாக்டர்கள், புதுமையான அறுவை சிகிச்சை மூலம் சரி செய்துள்ளனர்.மூளையில், டி.பி., நோய் ஏற்படுவதன் மூலம், "ஹைட்ரோசெபலஸ்' என்ற, உயிருக்கு மிகவும் ஆபத்தான பாதிப்பு
ஏற்படுகிறது. மூளையில் சுரக்கும் திரவங்கள், உடலின் பிற பாகங்களுக்குச் செல்லாமல் தடுக்கப்படுவதால், உயிருக்கே ஆபத்தாக முடிய வாய்ப்பு உள்ளது.

இதைத் தவிர்க்க, மூளையிலிருந்து தனியே, குழாய் மூலம் திரவங்கள், "பெரிடோனியம்' என்ற, அடிவயிற்று பகுதிக்கு கொண்டு வரும், அறுவைசிகிச்சையை, 1956ல், டாக்டர் யார்சாகாரே என்பவர் மேற்கொண்டார். அதில், சில குறைபாடுகள் இருந்ததால், அதை யாரும் பரவலாகப் பயன்படுத்தவில்லை. டி.பி., நோயால், பெரிடோனியமும் பாதிக்கப்படும் சூழ்நிலையில், இந்தச் சிகிச்சையை செய்ய முடியாத நிலை ஏற்பட்டது.
இந்நிலையில், ஷில்லாங், தனியார் மருத்துவமனையில் பணியாற்றும், மூளை நரம்பியல் வல்லுனர், டாக்டர் பெர்னார்ட் டிரெஞ்ச் லிங்டோ, 41, மற்றும், வயிற்றுக் கோளாறுகளுக்கான, அறுவை சிகிச்சை வல்லுனர், டாக்டர் முகமது ஷாம்சுல் இஸ்லாம், 58, யார்சாகாரே முறையில், சிறிய மாற்றத்தை மேற்கொண்டனர்.

மூளையிலிருந்து நேரடியாக, தனி குழாயை, அடிவயிற்றுக்குக் கொண்டு வருவதற்குப் பதிலாக, அந்தத் திரவத்தை, தலையிலிருந்து, இருதயத்திற்குச் செல்லும், ஆக்சிஜன் அல்லாத ரத்தத்தை எடுத்துச் செல்லும் நரம்பில் சேர்த்தனர். இதற்காக, அறுவை சிகிச்சை செய்தனர். மேலும், நுரையீரல் மற்றும் நுரையீரல் சுற்றுச்சுவரின் இடைப்பட்ட இடத்திலும், சிறுநீரகக் குழாயிலும் சேர்த்து விட்டனர்.இறுதியில், இந்தக் குழாய், பித்தப்பையில் முடிவடையும் வகையில், அறுவை சிகிச்சை மேற்கொள்ளப்பட்டது.

இந்த முறையில், 11 மற்றும் எட்டு வயது, சிறுமிகள் இருவருக்கு, அறுவை சிகிச்சை செய்துள்ளனர். 20011ல், அவர்களுக்கு அறுவை சிகிச்சை மேற்கொள்ளப்பட்டது; இதுவரை எந்த பாதிப்பும் இல்லை.இந்த வெற்றிகர அறுவை சிகிச்சையை மேற்கொண்ட டாக்டர்களின் பெயரில், அந்த அறுவை சிகிச்சைக்கு, "வி.சி.ஷன்ட்' என பெயர் சூட்டப்பட்டுள்ளது. இந்த முறையை, ஐரோப்பிய நாடுகளின், மூளை நரம்பியல் இதழான, "அக்டா நியூரோசிரர்ஜிகா' அங்கீகரித்து, இதழில் வெளியிட்டுள்ளது

.-நமது கவுகாத்தி செய்தியாளர்-

வெள்ளி, 17 ஜூலை, 2009

பயிற்சி மருத்துவர்கள் போராட்டம் : திரும்பப் பெற்றனர்



சென்னை, ஜூலை 16: பயிற்சி டாக்டர்கள் தங்களது உதவித் தொகை உயர்வு போராட்டத்தை வியாழக்கிழமை (ஜூலை 16) விலக்கிக் கொண்டனர்.முதல்வர் கருணாநிதி மீது நம்பிக்கை வைத்து தங்களது போராட்டத்தைத் திரும்பப் பெற்றுள்ளதாகக் கூறிய பயிற்சி டாக்டர்கள், அவரை வெள்ளிக்கிழமை சந்திக்கின்றனர்.
(முழுச் செய்திக்கு மேலே சொ டுக்குக)
கருத்துக்கள்

குறிப்பிட்ட விளம்பரத்தில், 'வேறு கோரிக்கை இருப்பின் அதற்கான பேச்சு வார்த்தைக்கு வந்தால் அதற்கும் தயார்' என முதல்வர் அறிவித்ததாகக் குறிப்பிடப்பட்டுள்ளது. சட்ட மன்றத்திலேயே முதல்வர் 'பரிசீலனை என்றாலேயே கிடையாது என்றுதான் பொருள்' எனப் பேசியுள்ளார். எனவே, அரசு போராட்டத்தை நசுக்கி விட்டதாக எண்ணாமல், பிற மாநிலங்களுக்கு முன்மாதிரியாக இருக்க வேண்டும் என்பதை உணர்ந்து மருத்துவக் கல்விக்காகச் செலவிடும் காலத்தை நினைத்து அக்காலத்தில் குடும்பத்திற்கும் உதவும் சூழல் இவர்களுக்கு இருப்பதைப் புரிந்து , அனைத்து வகை மருத்துவப் பயிற்சியாளர்களுக்கும் உதவித் தொகையை உயர்த்த வேண்டும். போராடினாலே எதிர்க்கட்சியினர் அல்லது எதிர்க்கட்சியின் தூண்டுதலில் நடத்துபவர்கள் என்று எண்ணாமல், ' அழுத பிள்ளைதான் பால குடிக்கும' என்ற சூழலில் நம் நாடு உள்ளதாலும் கிளர்ச்சியே கருத்தை வலியுறுத்தும் கருவியாகப் போய்விட்டதாலும், பெருந்தன்மையுடன் நடந்து கொண்டு, யாரையும் தண்டிக்காமல் உடனே பயிற்சித் தொகையை உயர்த்தி உடனடி நடைமுறைக்குக் கொண்டு வரவேண்டும்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
7/17/2009 3:43:00 AM

செவ்வாய், 7 ஜூலை, 2009

பயிற்சி மருத்துவர்கள் வேலைநிறுத்தம் செய்வது சரிதானா?:
அமைச்சர் கேள்வி
தினமணி


சென்னை, ஜூலை 6: அரசு மருத்துவக் கல்லூரிகளில் பணிபுரியும் பயிற்சி டாக்டர்கள், பட்ட மேற்படிப்பு மாணவர்கள் தொடர்ந்து வேலைநிறுத்தம் செய்வது சரிதானா என்று சுகாதாரத் துறை அமைச்சர் எம்.ஆர்.கே. பன்னீர்செல்வம் கேள்வி எழுப்பியுள்ளார்.
கருத்து
''மக்களாட்சி முறையில் கிளர்ச்சிகள் என்பன குறைகளைத் தெரிவிக்கும் ஒரு கருவி. ஆட்சியாளர்கள் கிளர்ச்சியாளர்களை ஒடுக்காமல் காரணங்களைக் கண்டறிந்து அவற்றைக் களைய வேண்டும்'' என்றார் செந்தமிழ்ச் செம்மல் பேராசிரியர் சி.இலக்குவனார் அவர்கள். எனவே, பயிற்சி மருத்துவர்களின் குறைகளைக் களையாமல் அவர்கள் போராட்டத்தை நாடும் வகையில் நடந்து கொண்ட அரசு மீதுதான் குற்றமே தவிர, பயிற்சி மருத்துவர்கள் மீதன்று. தனியாருடன் ஒப்பிடாமல் முன் மாதிரியாக அரசு இருக்க வேண்டும். வரிப்பணம் செலுத்தப்படுவது அரசிற்கேயன்றித் தனியாருக்கு அல்ல. எனவே, ஏட்டுப் படிப்பை முடித்து விட்டு நாட்டுப் பணியைத் தொடங்கும் பயிற்சி மருத்துவர்களுக்கு வழங்கப்படும் தொகையைப் பிச்சையாகக் கருதாமல் உழைப்பிற்கான ஊதியமாகக் கருதுவதே முறையாகும்.

அன்புடன் இலக்குவனார் திருவள்ளுவன்
By Ilakkuvanar Thiruvalluvan
7/7/2009 3:50:00 AM