அன்னிய முதலீடு லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
அன்னிய முதலீடு லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், 14 நவம்பர், 2012

அயல்நாட்டு முதலீடு பற்றிக் (குடும்பத்தினருடன்?)கலந்துபேசி முடிவெடுப்போம் : கலைஞர்

அன்னிய முதலீடு பற்றி ஆலோசித்து முடிவெடுப்போம் : கருணாநிதி

(குடும்பத்தினருடன்தானே!  தெரியுமே!)

First Published : 14 November 2012 02:27 PM IST
சில்லறை வணிகத்தில் அன்னிய முதலீட்டை அனுமதிப்பது குறித்து வியாபாரிகளின் நலனை முன்வைத்து ஆலோசித்து முடிவெடுப்போம் என்று திமுக தலைவர் கருணாநிதி கூறியுள்ளார்.
இன்று செய்தியாளர்களை சந்தித்த திமுக தலைவர் கருணாநிதியிடம் செய்தியாளர்கள், அன்னிய நேரடி முதலீடு பிரச்சினையை முன் வைத்து இடதுசாரிக் கட்சிகளும், வேறு சில கட்சிகளும் இணைந்து தீர்மானம் கொண்டு வந்து, அதன் மீது வாக்கெடுப்பு நடத்த வேண்டுமென்று கோரிக்கை வைக்கப் போவதாகத் தெரிவித்திருக்கிறார்களே, அந்தக் கோரிக்கையை தி.மு.க. வும் சேர்ந்து ஆதரிக்குமா? என்று கேட்டதற்கு, கருணாநிதி, "அன்னிய நேரடி முதலீடுகளைப் பற்றி திராவிட முன்னேற்றக் கழகம் தனது பாராளுமன்றக் கட்சி உறுப்பினர்களையெல்லாம் அழைத்து கலந்து பேசி, கழகத்தின் சார்பில் எங்கள் கருத்துக்களைத் தெரிவிப்போம் என்று கூறினார்.
இதிலே “சஸ்பென்ஸ்” ஆக சொல்கிறீர்கள். நம்பிக்கை இல்லாத் தீர்மானம் கொண்டு வந்தால், தி.மு.க. அதை ஆதரிக்குமா? மாற்றம் இருக்குமா? “சஸ்பென்ஸ்” ஆக என்ன காரணத்தால் சொல்கிறீர்கள்? என்று செய்தியாளர் கேட்டதற்கு, நான் நூறு திரைப்படங்களுக்கு மேல் கதை வசனம் எழுதியிருக்கிறேன். அந்தப் படங்களில் “சஸ்பென்ஸ்” இருந்தால் தான், அந்தப் படம் நன்றாக ஓடும் என்று பதிலளித்தார்.
செய்தியாளர், அன்னிய நேரடி முதலீடு சிறு வியாபாரிகளைப் பெரிதும் பாதிக்கும் என்று சொல்கிறார்கள். இந்தப் பிரச்சினையில் நீங்கள் தெளிவான முடிவைச் சொல்ல வேண்டும். அதிலே ஏன் சஸ்பென்ஸ்? என்று கேள்வி எழுப்பியதற்கு, தமிழ்நாட்டிலே உள்ள சில்லரை வியாபாரிகளும், நடுத்தர வியாபாரிகளும் அன்னிய நேரடி முதலீடு தங்களைப் பெரிதும் பாதிக்கும் என்று சொல்லுகிறார்கள். அவர்களின் நலன்களை முன் வைத்துத் தான் இதைப் பற்றி நாங்கள் ஆலோசித்து முடிவெடுப்போம் என்று கருணாநிதி கூறினார்.

ஞாயிறு, 23 செப்டம்பர், 2012

சில்லரை வணிகத்தில் அன்னிய முதலீடு: பாதிப்பு என்ன?

சில்லரை வர்த்தகத்தில் அன்னிய முதலீடு: வியாபாரிகளுக்கும், பொதுமக்களுக்கும் ஏற்படும் பாதிப்பு என்ன?
சில்லரை வர்த்தகத்தில் அன்னிய முதலீடு: வியாபாரிகளுக்கும், பொதுமக்களுக்கும் ஏற்படும் பாதிப்பு என்ன?
சென்னை, செப். 23-

சில்லரை வர்த்தகத்தில் 51 சதவீத அளவுக்கு அன்னிய நேரடி முதலீட்டுக்கு மத்திய அரசு அனுமதி அளித்தது. இதற்கு சில்லரை வர்த்தகர்களும், விவசாயிகளும், அரசியல் கட்சிகளும் கடும் எதிர்ப்பு தெரிவித்து வருகின்றன. இதற்காக நாடு முழுவதும் கடை அடைப்பு போராட்டம் கடந்த 20-ந்தேதி நடைபெற்றது.

ஆனால், மத்திய அரசு பின்வாங்க மறுத்துவிட்டது. அதேசமயம், அன்னிய நேரடி முதலீடு மூலம் ஏற்படும் நன்மைகள் குறித்து விளம்பரம் செய்தது. ஒரு கோடிக்கும் அதிகமான புதிய வேலைவாய்ப்புகள் உருவாக்கப்படும்.

அன்னிய நேரடி முதலீட்டில் 30 சதவிகித பொருள்களுக்கான சிறு தொழில்கள் மற்றும் சிறு உற்பத்தியாளர்களால் எடுத்துக்கொள்ளப்படும். இப்படி பல்வேறு நன்மைகள் கிடைக்கும் என்று மத்திய அரசு வக்காலத்து வாங்கி உள்ளது.

ஆனால், அன்னிய நேரடி முதலீட்டில் நன்மைகளைவிட, பாதிப்புகளே அதிகம் என்று வியாபாரிகள் வாதிடுகின்றனர். வியாபாரிகள் தெரிவிக்கும் காரணங்கள் வருமாறு:-

1. இந்தியாவில் 5 கோடி வணிகர்கள் பாதிக்கப்படுவார்கள்.

2. லாப பகிர்வு மற்றும் முதலீட்டு விகிதாச்சாரம் நிர்ணயிக்கப்படவில்லை.

3. விலைகள் அதிகரித்து, பொருளாதார ரீதியில் பின்தங்கியுள்ள வகுப்பினர் கடுமையாக பாதிக்கப்படுவார்கள்.

4. வர்த்தகத்தில் சில்லரை வணிகர்கள் இழப்பை சந்திக்க நேரிடும்.

5. வெளிநாட்டு நிறுவனங்களின் சந்தைகள் வெகு தொலைவில் அமைக்கப்படுவதால் போக்குவரத்து செலவுகள் அதிகரிக்கும்.

6. தொழிலாளர் பாதுகாப்பு மற்றும் கொள்கைகள் தெளிவுபட குறிப்பிடவில்லை.

7. பணவீக்கம் அதிகரிக்கும்.

8 சில்லரை வர்த்தகத்தில் அன்னியமுதலீட்டை அனுமதிப்பதன் மூலம், இந்தியா மீண்டும் அடிமைப்படும்.

இவ்வாறு வணிகர்கள் கூறுகின்றனர்.