சென்னை, நவ.30: "ஈ.வி.கே.எஸ். இளங்கோவன் மீது முதல்வர் கருணாநிதி நடவடிக்கை எடுக்காவிட்டால் மக்களே அவரை அடக்கும் நிலை உருவாகும்' என்று இலங்கைத் தமிழர் பாதுகாப்பு இயக்கத்தின் ஒருங்கிணைப்பாளர் பழ. நெடுமாறன் எச்சரிக்கை விடுத்துள்ளார்.
இது குறித்து திங்கள்கிழமை அவர் வெளியிட்ட அறிக்கை:
இலங் கையில் படுகொலை செய்யப்பட்ட ஈழத் தமிழர்களுக்கு அஞ்சலி செலுத்தும் வகையில் வைக்கப்பட்டிருந்த பேனர்களையும், சுவரொட்டிகளையும் கிழித்தெறிந்து பகிரங்கமாக நடத்தப்பட்ட அராஜகத்தை வன்மையாகக் கண்டிக்கிறேன்.
சட்டத்தை கையில் எடுத்துக் கொண்டு கலவரத்தில் ஈடுபட்டவர்களைக் கைது செய்ய வேண்டிய முதல்வர் கருணாநிதி, அவர்களுக்குப் பாதுகாப்பு கொடுப்பது கண்டிக்கத்தக்கது.
தடை செய்யப்பட்ட விடுதலைப் புலிகள் இயக்கத்துக்கு ஆதரவாகப் பேசுவது சட்டப்படி குற்றமல்ல என்று மாவட்ட நீதிமன்றங்கள் முதல் உச்ச நீதிமன்றம் வரை பல தீர்ப்புகள் வழங்கியுள்ளன. அதனை மதிக்காமல் நடந்து கொண்டவர்கள்தான் நீதிமன்றத்தை அவமதித்தவர்களாகின்றனர்.
ஈழத் தமிழர்கள் விஷயத்தில் காங்கிரஸ் தலைமை செய்த தவறுகள் காரணமாகவே ஈ.வி.கே.எஸ். இளங்கோவன் உள்ளிட்ட முக்கியத் தலைவர்கள் தோற்கடிக்கப்பட்டனர். இதனை உணராத இளங்கோவனின் செயல்கள் தமிழகத்தில் காங்கிரûஸ குழிதோண்டி புதைத்துவிடும்.
தமிழகத்தின் அரசியல் பண்பாட்டின் இலக்கணமாகத் திகழ்ந்த ஈ.வெ.கி. சம்பத்தின் நற்பெயருக்கு இளங்கோவனின் செயல் பெரும் இழுக்கைத் தேடித்தந்துள்ளது.
இத்தகைய செயல்களை முதல்வர் கருணாநிதி வேடிக்கை பார்ப்பாரேயானால் மக்களே முன்வந்து அவற்றை அடக்கும் நிலை உருவாகும் என்று எச்சரித்துள்ளார் நெடுமாறன்.
12/1/2009 2:56:00 AM
12/1/2009 2:54:00 AM
