Siddha Medical Faculty in Trincomalee to come under Colombo University

[TamilNet, Thursday, 20 October 2011, 06:52 GMT]
The Colombo government is taking steps to bring the Siddha Medical Faculty now under the Trincomalee campus of the Eastern University with the University of Colombo. Academics in the East blame the move as a design of cultural genocide by Colombo that seeks to undermine the traditional medical science of the Tamil country. The transfer of the Faculty to Colombo will be affecting the education in the eastern province, complains R.Thurairatnam, a member of the Eastern Provincial Council (EPC) in a memorandum sent to SL Minister of Higher Education.

Mr.Thurairatnam has appealed to the Higher Education Minister not to interfere in the EUSL administration for political gains and to serve the people of Eastern province without affecting their education.

58 students are now undergoing a three-year course in the Siddha Medical Faculty at the Trincomalee campus of the Eastern University.

The University Grant Commission has allocated funds to enroll 20 students every year for this course.

The EUSL administration is now led by a Competent Authority, a Sinhala person, who receives instructions from Colombo overriding the authority of the EUSL's Vice Chancellor, who is a Tamil.

சித்த மருத்துவத்துக்கு மாற வேண்டும்

சித்த மருத்துவத்துக்கு மாற வேண்டும்

First Published : 06 Aug 2011 11:09:19 AM IST

Last Updated :

புதுச்சேரி, ஆக. 5: பாரம்பரிய சித்த மருத்துவத்துக்கு பொது மக்கள் அனைவரும் மாற வேண்டும் என்று புதுச்சேரி வனம் மற்றும் வன விலங்குகள் துறையின் துணை வனப் பாதுகாவலர் ஏ.அனில்குமார் தெரிவித்துள்ளார். புதுச்சேரி கள விளம்பர அலுவலகம் மற்றும் தமிழ்நாடு பாரம்பரிய சித்த வைத்திய மகா சங்கம் சார்பில் சித்த மருத்துவமும், மருத்துவ மூலிகைகளும் என்ற தலைப்பில் கண்காட்சி மற்றும் கருத்தரங்கம் லாஸ்பேட்டையில் உள்ள புதுச்சேரி பல்கலைக்கழக சமுதாயக் கல்லூரியில் வெள்ளிக்கிழமை நடந்தது. வனம் மற்றும் வன விலங்குகள் துறையின் துணை வனப் பாதுகாவலர் ஏ.அனில்குமார் கலந்துகொண்டு, 70 வகை மூலிகைகள் இடம்பெற்ற கண்காட்சியை தொடங்கிவைத்தார்.அப்போது அவர் பேசியது: சித்த மருந்துகளுக்கு மூலப் பொருளாக இருப்பது தாவரங்கள். இந்த மூலப் பொருள்கள் மனிதனுடைய நோய் எதிர்ப்புச் சக்தியை அதிகரிக்கின்றன. ஆங்கில மருந்துகளுக்கு மூலப் பொருளாக இருப்பது வேதிப் பொருள்கள். இவற்றைப் பயன்படுத்துவதால் பக்க விளைவுகள் ஏற்பட வாய்ப்பு அதிகம். அதனால் பாரம்பரியமான சித்த மருத்துவத்தை பயன்படுத்த மக்கள் முன்வர வேண்டும் என்றார்.புதுச்சேரி மொழியியல் பண்பாட்டு ஆராய்ச்சி நிறுவன இயக்குநர் சீ.பக்தவச்சல பாரதி: மனிதனின் இன்றைய வாழ்க்கை முறை இயற்கை மற்றும் பாரம்பரியத்தில் இருந்து விலகியும், மாறுபட்டும் இருக்கிறது. நாம் ஐரோப்பிய வாழ்க்கை முறைக்கு அடிமைப்பட்டு இருக்கிறோம். அவ்வாறே அலோபதி மருத்துவ முறைக்கும் ஆட்பட்டுள்ளோம். ஆனால் திராவிட மருத்துவ முறை தனித்தன்மையும் சிறப்புத் தன்மையும் வாய்ந்தது. சித்த மருத்துவம் அறிவியல் பூர்வமான முறையில் அமைந்துள்ளது. இந்த அசலான மருத்துவ முறையை நாம் மீண்டும் பரவலாக்க வேண்டும் என்றார்சாகித்ய அகாதெமி விருது பெற்ற எழுத்தாளர் பாவண்ணன்: பாடப் புத்தகக் கல்வியை விட பள்ளிக்கு அப்பாற்பட்ட பண்பாட்டுக் கல்விதான் மனிதனை முழுமையாக்குகின்றன. இன்று நாம் பயன்பாட்டைத்தான் முதன்மையானதாக பார்க்கிறோம்.நமக்கு பயன்படாத எதையும் நாம் ஒதுக்கி விடுகிறோம். மரங்கள் மனித வாழ்விற்கு இன்றியமையாதவை. ஏட்டுக் கல்வி மரத்தை நேசிக்க கற்றுத் தரவில்லை. ஒரு மரம் தாயையும் தந்தையையும்விட முக்கியமானது என்று உணரும் போதுதான் இயற்கையை பாதுகாக்கத் தோன்றும் என்றார்.தமிழ்நாடு பாரம்பரிய சித்த வைத்திய மகாசங்கத்தின் மாநிலத் தலைவர் வைத்தியர் கே.பி.அருச்சுனன்: ஆயிரக்கணக்கான ஆண்டுகள் பாரம்பரியமிக்க சித்த வைத்தியம் உணவே மருந்து, மருந்தே உணவு என்ற தத்துவத்தின் அடிப்படையில் அமைந்துள்ளது. இன்றைய பல்வேறு விதமான தொற்றாத நோய்களின் பெருக்கத்திற்கு காரணம் நம் உணவு முறையில் ஏற்பட்ட மாற்றம்தான். இன்றைக்கு மனிதரின் நோய் எதிர்புச் சக்தி வெகுவாக குறைந்துள்ளது. இக்குறையை போக்க சித்த மருத்துவம்தான் ஒரே வழி என்றார்.களவிளம்பர அலுவலர் தி.சிவக்குமார், கல்லூரிகளின் என்.எஸ்.எஸ். ஒருங்கிணைப்பாளர் ஆர்.வாசுகி, சமுதாயக் கல்லூரி முதல்வர் கே.எஸ்.குமாரி, என்.எஸ்.எஸ். திட்ட அலுவலர் அரங்க.முருகையன், வேலூர் வைத்தியர் ப.செல்வம் உள்ளிட்டோர் கலந்துகொண்டனர்.

not included the name of tamil maruthuvam: மூன்று மாவட்டங்களில் மருத்துவக் கல்லூரிகள்: தமிழக அரசு அறிவிப்பு

இந்தியா என்ற பெயரில் தமிழ் பல இடங்களில் அழிக்கப்பட்டு வருகிறது. அதுபோல் தமிழ்நாட்டில் தமிழ் மருத்துவம் என்று சொல்லாமல் இந்திய மருத்துவம் என்று சொல்வது தவறு. பல்கலைக்கழகத்தின் பெயரில் தமிழ் மருத்துவம் என்பது இடம் பெற வேண்டும் அதுபோல் மத்திய அரசின் விளம்பரங்களில் மாற்று மருத்துவமாக ஓமியோபதி மட்டுமே குறிக்கப்படுகின்றது. தமிழ் மருத்துவத்தையும் குறிப்பிடச் செய்ய வேண்டும். 

அன்புடன் இலக்குவனார் திருவள்ளுவன்.

தமிழகம்

மூன்று மாவட்டங்களில் மருத்துவக் கல்லூரிகள்: தமிழக அரசு அறிவிப்பு

First Published : 08 Jan 2011 03:58:58 AM IST

Last Updated :

13-வது சட்டப் பேரவையின் 15-வது கூட்டத் தொடரை வெள்ளிக்கிழமை தொடங்கி வைத்து உரையாற்றும் ஆளுநர் சுர்ஜித் சிங் பர்னாலா.

சென்னை, ஜன. 7: கடலூர், ராமநாதபுரம், திண்டுக்கல் ஆகிய மூன்று மாவட்டங்களில் மருத்துவக் கல்லூரிகள் தொடங்கப்படும் என்று தமிழக அரசு அறிவித்துள்ளது.  13-வது சட்டப்பேரவையின் 15-வது கூட்டத் தொடரை ஆளுநர் பர்னாலா வெள்ளிக்கிழமை தொடங்கி வைத்தார். முன்னதாக, அதிமுக, மதிமுக, இடதுசாரிக் கட்சியினர் அமளியில் ஈடுபட்டதால் வெளியேற்றப்பட்டனர். இதைத் தொடர்ந்து ஆளுநர் உரையாற்றினார். அதில் பல்வேறு முக்கிய திட்டங்கள் அறிவிக்கப்பட்டன.  "மாவட்டந்தோறும் மருத்துவக் கல்லூரி' என்ற நோக்கத்தை நிறைவேற்றும் வகையில், ராமநாதபுரம், கடலூர், திண்டுக்கல்லில் அரசு மருத்துவக் கல்லூரிகள் தொடங்கப்படும்.  இதன்மூலம், தகுதியுடைய மருத்துவர்களின் எண்ணிக்கை எதிர்காலத்தில் கணிசமாக உயர வாய்ப்புள்ளது என்று ஆளுநர் தனது உரையில் தெரிவித்தார்.  இந்திய மருத்துவ,  ஹோமியோபதி பல்கலைக்கழகம்  சித்த, ஆயுர்வேத, யுனானி, யோகா இயற்கை மருத்துவம், ஹோமியோபதி ஆகிய ஐந்து பிரிவுகளுக்கான மருத்துவக் கல்லூரிகளை அரசே நடத்தி வருகிறது. பாரம்பரியம்மிக்க இந்திய மருத்துவத்தையும், ஹோமியோபதி மருத்துவத்தையும் வளர்த்தெடுக்க, இப்போதுள்ள 6 அரசு இந்திய மருத்துவ, ஹோமியோபதி கல்லூரிகளையும், 26 தனியார் கல்லூரிகளையும் உள்ளடக்கி இந்திய மருத்துவ, ஹோமியோபதி பல்கலைக்கழகம் கன்னியாகுமரி மாவட்டத்தில் இந்த ஆண்டு தொடங்கப்படும் என ஆளுநர் தனது உரையில் தெரிவித்தார்.  புதிய கல்லூரிகள்  காஞ்சிபுரம் மாவட்டத்தில் உள்ள நெம்மேலி, தூத்துக்குடி மாவட்டம் நாகலாபுரம், தருமபுரி மாவட்டம் அரூர், விழுப்புரம் மாவட்டம் கள்ளக்குறிச்சி, விருதுநகர் மாவட்டம் திருச்சுழி ஆகிய 5 இடங்களில் புதிதாக கலை, அறிவியல் கல்லூரிகள் தொடங்கப்படும். நாகப்பட்டினம், திருவாரூர், தஞ்சை மாவட்டத்தினர் பயன்பெறும் வகையில் நாகை மாவட்டம் கீழ்வேளூரில் புதிதாக விவசாயக் கல்லூரி தொடங்கப்படும்.  தோட்டக்கலைப் பல்கலைக்கழகம்  வேளாண்மையின் எதிர்காலம் என்று கருதப்படும் தோட்டக்கலைக்காக தனியே, "தோட்டக்கலைப் பல்கலைக்கழகம்' கிருஷ்ணகிரியில் இந்த ஆண்டு தொடங்கப்படும்.  80 ஆயிரம் மாணவர்கள்  முதல் தலைமுறை பட்டதாரிகளுக்கான தொழிற்கல்விக் கட்டணத்தை அரசே ஏற்கும் என்று அறிவிக்கப்பட்டிருந்தது. இந்தத் திட்டத்தின் கீழ் 80,450 மாணவர்கள் இந்த ஆண்டு பயன்பெற்றுள்ளதாக ஆளுநர் உரையில் தெரிவிக்கப்பட்டுள்ளது.  பிற முக்கியத் திட்டங்கள்  கிராமப்புறங்களில் மட்டுமல்லாது நகர்ப்புற ஏழைகளுக்கும் கான்கிரீட் வீடுகள் கட்டிக் கொடுக்கப்படும் என ஆளுநர் உரையில் அறிவிக்கப்பட்டுள்ளது. மேலும், அரசின் விருப்புரிமையில் வீடுகள், மனைகள் ஒதுக்கீடு செய்யும் முறையை தமிழக அரசு ரத்து செய்துள்ளது.  மார்க்சிஸ்ட், விடுதலைச் சிறுத்தைகள் உள்ளிட்ட கட்சிகள் தொடர்ந்து வலியுறுத்தி வந்த பஞ்சமி நிலங்களை மீட்க வேண்டும் என்ற கோரிக்கையை ஏற்றுக் கொண்டுள்ளது. பஞ்சமி நிலங்களை மீட்பது குறித்து ஆய்வு செய்ய உயர் நீதிமன்ற ஓய்வு பெற்ற நீதிபதி தலைமையில் குழு அமைக்க அரசு முடிவு செய்துள்ளது.  சென்னை, கோவை, மதுரை, திருச்சி, ஈரோடு, ஓசூரில் 1100 ஏக்கரில் குறைந்த, நடுத்தர வருவாய்ப் பிரிவினருக்கு குடியிருப்புகள், மனைகள் உருவாக்கத் திட்டமிடப்பட்டுள்ளதாக ஆளுநர் உரையில் தெரிவிக்கப்பட்டுள்ளது.  சத்துணவுத் திட்டத்தில் பாமாயிலுக்குப் பதிலாக தேங்காய் எண்ணெய் பயன்படுத்தவும் முடிவு செய்யப்பட்டுள்ளது. சுற்றுலா மையங்களை அழகுப்படுத்தவும், அடிப்படை வசதிகளை மேம்படுத்தவும் ரூ. 450 கோடியில் சிறப்புத் திட்டம் வகுக்கப்படும் என்று ஆளுநர் தனது உரையில் கூறினார்.  சென்னையில் அறிவியல் பெருநகரம் அமைக்கப்படும் என்றும், மெட்ரோ ரயில் திட்டத்தின் 2-வது கட்டமாக மூலக்கடை-திருமங்கலம், மூலக்கடை-திருவான்மியூர், லஸ்-ஐய்யப்பன்தாங்கல் வழியாக பூந்தமல்லி வரை பாதைகள் அமைப்பது பற்றியும் திட்ட ஆய்வு மேற்கொள்ளப்படும் என ஆளுநர் உரையில் கூறப்பட்டுள்ளது.    ஆளுநர் உரையின் சிறப்பம்சங்கள்தமிழக சட்டப்பேரவையில் ஆளுநர் சுர்ஜித் சிங் பர்னாலா வெள்ளிக்கிழமை ஆற்றிய உரையின் சிறப்பு அம்சங்கள்:   *  கடலூர், திண்டுக்கல், ராமநாதபுரத்தில் புதிய மருத்துவக் கல்லூரிகள்.  *  நகர்ப்புற ஏழைகளுக்கும் கான்கிரீட் வீடுகள் திட்டம்.  அரசின் விருப்புரிமையில் வீடுகள், மனைகள் ஒதுக்கீடு செய்யும் முறை ரத்து.   *  பஞ்சமி நில மீட்பு குறித்து ஆய்வு செய்ய உயர் நீதிமன்ற ஓய்வுபெற்ற நீதிபதி தலைமையில் குழு அமைக்க முடிவு.   *  நாகை, திருவாரூர், தஞ்சாவூர், கடலூர் மாவட்டங்களில் வெள்ளப் பாதிப்புகளை நிரந்தரமாகத் தடுத்திட சிறப்புத் திட்டம்.   *  பச்சிளம் குழந்தைகளுக்காக ரூ.10 கோடியில் தீவிர அவசர சிகிச்சைத் திட்டம்   *  கிருஷ்ணகிரியில் தோட்டக்கலை பல்கலைக்கழகம்.   *  சென்னை, கோவை, மதுரை, திருச்சி, ஈரோடு, ஒசூரில் 1,100 ஏக்கரில் குறைந்த, நடுத்தர வருவாய்ப் பிரிவினருக்கு குடியிருப்புகள், மனைகள் உருவாக்கத் திட்டம்.   *  சேலம், நாமக்கல், திருச்சி மாவட்டங்களில் நிலத்தடி நீரைச் செறிவூட்ட சிறப்புத் திட்டம்.   *  சத்துணவுத் திட்டத்தில் பாமாயிலுக்குப் பதில் தேங்காய் எண்ணெய் பயன்படுத்த முடிவு.   *  சுற்றுலா மையங்களை அழகுப்படுத்தவும், அடிப்படை வசதிகளை மேம்படுத்தவும் ரூ.450 கோடியில் சிறப்புத் திட்டம்.   *  கள்ளக்குறிச்சி, நெம்மேலி, நாகலாபுரம், அரூர், திருச்சுழி ஆகிய இடங்களில் புதிதாக கலை, அறிவியல் கல்லூரிகள்.   *  நாகை மாவட்டம் கீழ்வேளூரில் விவசாயக் கல்லூரி.   *  சென்னையில், மூலக்கடை - திருமங்கலம், மூலக்கடை - திருவான்மியூர், லஸ் - ஐயப்பன்தாங்கல் வழியாக பூந்தமல்லி வரை புதிய பாதைகளில் மெட்ரோ ரயில் விடுவது குறித்து திட்ட ஆய்வு.