robot லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
robot லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், 3 அக்டோபர், 2012

சிந்தனை + பேச்சு = எந்திரன் ; thinking + speech = robot

சிந்தனை + பேச்சு =  எந்திரன் (ரோபோ)

ரோபோக்கள் பற்றி அதிகம் கேள்விபட்டிருக்கிறோம். மனிதர்கள் செய்யும் வேலைகளை, ரோபோ செய்வதையும் பார்த்திருக்கோம். விஞ்ஞான வளர்ச்சியின் உச்சகட்டமாக இன்னும் 3 ஆண்டுகளில் சுயமாக சிந்தித்து, பேசும் ரோபோக்களை பார்க்கப் போகிறோம்.

இவை மனிதனிடம், உரையாடவும், விவாதங்களில் பங்கேற்கவும் இருக்கிறது என்றால் நம்புவீர்களா. நம்பித்தான் ஆக வேண்டும். அதற்கான ஆய்வை ஸ்காட்லாந்தில் உள்ள அபெர்டீன் பல்கலை துவக்கியுள்ளது. இந்த ஆராய்ச்சி சாத்தியமானால், உலகமே வியப்படையும். இந்த புத்தசாலித்தனமான தொழில்நுட்பம், மனிதனின் வாழ்க்கை முறையையே மாற்றிவிடும். இது பற்றி அபெர்டீன் பல்கலை தலைமை ஆராய்ச்சியாளர், டாக்டர் வாம்பெர்டோ கூறுகையில், "இதற்கான சாப்ட்வேர் இன்னும் 3 ஆண்டுகளில் கிடைக்கும்,' என நம்பிக்கையுடன் கூறுகிறார். மனிதனின் வழிகாட்டுதல் இல்லாமல், தானாகவே சிந்தித்து, இவை இயங்கக் கூடியவை.

இந்த ரோபோவிடம், ஒரே நேரத்தில் ஒருவர் மட்டும் கலந்துரையாட முடியும். பேசும் ரோபோக்களைப்போல, பேசும் திறன் கொண்ட கம்ப்யூட்டர்கள் தயாரிப்பதற்கான முயற்சியில் விஞ்ஞானிகள் ஈடுபட்டுள்ளனர். இந்த தொழில்நுட்பங்கள் வெற்றி அடைந்தால், மனிதர்களின் அன்றாட வாழ்க்கையில் மாற்றங்கள் உருவாகும். விண்வெளி, ஆழமான கடல், அணு உலை பாதுகாப்பு போன்றவற்றில் தற்போது ரோபோக்கள் பயன்படுத்தப்படுகின்றன. இந்த ரோபோக்களை விட, புதிய ரோபா அதிக திறன் மிக்கது.

குறிப்பிட்ட பணியை மனிதன் செய்யச் சொல்லும்போது, அது முடியாவிட்டால், "எனக்கு தெரியவில்லை' என இந்த ரோபோக்கள் பதில் சொல்லும். இந்த ஆய்வு வெற்றியடையும் நாளை, உலக மக்கள் எதிர்பார்த்து காத்துக் கொண்டிருக்கின்றனர்.
பாதுகாப்பு ஏற்பாடு


சுய சிந்தனை கொண்ட ரோபோக்களால் எதிர்காலத்தில், மனித குலத்திற்கே ஆபத்து வரும் அபாயம் இருக்கிறது என்றும் ஒரு கருத்து உள்ளது. எக்காலத்திலும் அப்படி ஒரு சூழ்நிலை வந்து விடக் கூடாது என்பதற்காக, புதிய ரோபோக்களில் சில பாதுகாப்பு ஏற்பாடுகள் செய்யப்படுகின்றன.
1.இந்த ரோபோக்கள், மனிதனை எந்நேரத்திலும் எதிர்க்காது. தேவைப்பட்டால், மனிதர்கள் இவற்றை அழிக்கும் வண்ணம் உருவாக்கப்பட உள்ளது.
2.தானாக எந்த வேலையையும் செய்யாமல், மனிதனின் உத்தரவுகளை மட்டுமே இவை செயல்படுத்தும்.
3.ரோபோவுக்கு ரோபோக்களே பாதுகாப்பாக இல்லாமல், மனிதர்களால் மட்டுமே பாதுகாப்பு உறுதி செய்யப்படும்.

ரோபோ வரலாறு:
ரோபோக்களின் வரலாறு பழமையானது. புராண காலங்களிலே, செயற்கை மனிதர்களின் கதாபாத்திரங்களை உருவாக்கினர். அவற்றின் தற்கால வடிதான் ரோபோ. ஜப்பானியர்களே நவீன ரோபோக்களை உருவாக்கினர். முதல் ரோபோவை, 1954ம் ஆண்டு ஜார்ஜ் தேவோல் என்பவர் வடிவமைத்தார். அதை முதலில் "யுனிமேட்' என அழைத்தனர். இது 1960ம் ஆண்டு ஜெனரல் மோட்டார்ஸ் நிறுவனத்துக்கு விற்கப்பட்டது. இது வெப்பமான உலோக துண்டுகளை கையாள பயன்படுத்தப்பட்டது.



வரையறை:

ரோபோ என்பதற்கு, மனிதன் இடும் கட்டளைகளை, நிறைவேற்றும் இயந்திர மனிதன், என பொதுவாக கூறலாம். ரோபோ எனும் சொல்லை முதன்முதலில் செக் குடியரசு எழுத்தாளர் காரெல் கேபெக் என்பவர் 1920ம் ஆண்டு பயன்படுத்தினார். அவரது ஆர்.யு.ஆர்., எனும் நாடகத்தில் ரோபோ கதாபாத்திரத்தை அறிமுகம் செய்தார். மனிதர்கள் போல் தோற்றம் கொண்ட இயந்திரங்கள், தொழிற்சாலையில் வேலை செய்வது போல், காட்சி அமைத்திருந்தார். ரோபோ என்பதற்கு செக் மற்றும் ஸ்லாவிக் மொழிகளில் கடும் தொழில், கடும் உழைப்பு என பொருள்.

வகைகள்
மனிதனால் செல்ல முடியாத இடங்கள், விண்வெளி ஆகியவற்றுக்கு இந்த வகை ரோபோக்கள் பயன்படுத்தப்படுகின்றன. இவை மனிதனை விட, சிறப்பாக பணியை முடிக்கின்றன.
அறுவடை ரோபோ:
விவசாய பணிகளில், ரோபோக்கள் ஈடுபடுத்தப்படுகின்றன. இவை மனிதர்களை விட, வேகமாக செய்யக் கூடியவை. இதனால் மனிதத் தேவை குறைகிறது என்ற கருத்தும் உள்ளது.



தொலை தூரம் செல்லும் ரோபோ:




வீடுகளில் ரோபோ:

தோட்டத்தை பராமரித்தல், தரையை துடைத்தல், முதியோருக்கு உதவியாக இருத்தல் போன்ற வீட்டு தேவைகளுக்காகவும் ரோபோக்கள் வடிவமைக்கப்படுகின்றன. இவை வீட்டில் பல்வேறு பொழுதுபோக்கு அம்சங்களுக்காகவும் பயன்படுகின்றன.
சுத்திகரிப்பு ரோபோ:
ராணுவ பயன்பாட்டில் ரோபோக்களின் பயன்பாடு குறித்து தினமும் பல ஆராய்ச்சிகள் நடந்த வண்ணம் இருக்கின்றன. மனித உயிரிழப்புகள் வெகுவாக குறைக்கப்படும் என்பதால் எல்லா நாடுகளும் ராணுவ ரோபோ தயாரிப்புக்காக அதிகளவில் நிதி ஒதுக்குகின்றன. எல்லைப் பாதுகாப்பு, வெடிகுண்டுகளை செயலிழக்கச் செய்தல், ஆகியவற்றுக்காக ராணுவத்தில் ரோபோக்கள் பயன்படுத்தப்படுகின்றன.


ஆழ்குழாய், கால்வாய் ஆகியவற்றில் சுத்திகரிக்க இவ்வகை ரோபோக்கள் பயன்படுத்தப்படுகின்றன. மனிதனுக்கு தீங்கு ஏற்படுத்தக்கூடிய கதிர்வீச்சு பரவும் இடங்கள், நச்சு வாயு வெளிவரும் இடங்களில் இதன் பயன்பாடு இன்றியமையாததாக உள்ளது.
ராணுவ ரோபோ:


வியாழன், 28 அக்டோபர், 2010

கோவில்பட்டி மாணவர் கண்டுபிடித்த "ரோபோ'

கோவில்பட்டி, அக். 27:    வீட்டு வேலைகளை செய்வதற்குதான் "ரோபோ' பயன்படும் என  அறிந்திருக்கிறோம். இப்போது, ராணுவத்தில் பாதுகாப்பு இயந்திர மனிதனாக  செயல்படும் ரோபோவை உருவாக்கியுள்ளார் கோவில்பட்டி மாணவர் கி.ராஜ்குமார். கோவில்பட்டி வ.உ.சி. நகரைச் சேர்ந்த ராஜ்குமார், சிவகாசி அருகேயுள்ள செவல்பட்டி பி.எஸ்.ஆர். பொறியியல் கல்லூரியில் மின்னியல் மற்றும் மின்னணுவியல் துறை  இறுதி ஆண்டு படித்து வருகிறார். இந்த ரோபோவின் செயல்பாடுகள் குறித்து கோவில்பட்டி கஸ்தூரிபாய் மழலையர்  மற்றும் துவக்கப் பள்ளியில் ராஜ்குமார் புதன்கிழமை விளக்கம் அளித்தார். அவர்  கூறியதாவது: "பாதுகாப்பு இயந்திர மனிதன் 2010' என்ற இந்த ரோபோவை ராணுவத்தில் பயன்படுத்தலாம். தட்ப வெட்ப நிலைகள் மாறும் இடங்களிலும், மலைப்  பிரதேசங்களிலும், பாலைவனங்களிலும் சோலார் தகட்டின் மூலமாக இந்த ரோபோ  இயங்கும். வயர்லெஸ் மூலமாக இதை இயக்கலாம். இதிலுள்ள கேமராவானது அனைத்து  திசைகளிலும் சுழலக்கூடியது. மேலும், தொலைவில் இருந்தாலும் தெளிவான காட்சிகளைக் காட்டும். இமேஜ் பிராசஸ் டெக்னாலஜி மூலம் மேலை நாடுகளில் இந்த தொழில்நுட்பம்  ராணுவத்தில் பயன்பாட்டில் உள்ளது. நம்நாட்டில் இந்த தொழில்நுட்பத்தைப்  பயன்படுத்தி இயந்திரம் உருவாக்கப்பட்டால், அந்நிய சக்திகளின் ஊடுருவலை  முழுவதுமாகத் தடுக்க இயலும். விஃபி (ரஐஊஐ) இணைப்பு மூலமாகவும், செயற்கைக்கோள் மூலமாகவும் இதை  இயக்கலாம். மாற்றுத் திறனாளிகள் இதை செக்யூரிட்டி சிஸ்டமாகவும் பயன்படுத்தலாம். மத்திய, மாநில அரசுகள் நிதி உதவி செய்தால், "பாதுகாப்பு இயந்திர மனிதன் 2010' என்ற இந்த ரோபோவை இன்னும் சிறந்த முறையில் தயாரித்து பயன்பாட்டுக்கு  கொண்டு வருவேன் என்றார் அவர். ராஜ்குமாரின் தந்தை கிருஷ்ணசாமி. இவர் வியாபாரம் செய்து வருகிறார். தாய்  சீத்தாம்மாள், கோவில்பட்டி தமிழ்நாடு மின்சார வாரிய அலுவலகத்தில் வருவாய்  மேற்பார்வையாளராகப் பணியாற்றி வருகிறார். இவருக்கு கணேஷ்குமார் (15) என்ற  சகோதரர் உள்ளார்.பாராட்டு:  ரோபோவை கண்டுபிடித்த மாணவர் ராஜ்குமாருக்கு பள்ளியில் பாராட்டு  விழா நடைபெற்றது. ஓய்வு பெற்ற மாவட்ட உணவு வழங்கல் அதிகாரி கிருஷ்ணசாமி  தலைமை வகித்தார். பிரில்லியன்ட் சோஸியல் வெல்ஃபேர் சேரிடபிள் டிரஸ்ட் செயலர் மனோகரன்,  தூத்துக்குடி மாவட்ட நர்சரி மற்றும் மெட்ரிக் பள்ளி சங்கச் செயலர் கமலக்கண்ணன்,  பாலாஜி நர்சரி மற்றும் பிரைமரி பள்ளித் தாளாளர் ராஜ் ஆகியோர் முன்னிலை வகித்தனர். கோவில்பட்டி வட்ட வழங்கல் அதிகாரி முருகானந்தம், தொழிலதிபர் ஜேக்கப் ராஜாமணி ஆகியோர் பாராட்டி பரிசுகளை வழங்கினர்.
கருத்துக்கள்

உங்கள் கருத்தை முதலாவதாகப் பதிவு செய்யுங்கள்

உங்கள் கருத்தைப் பதிவு செய்யுங்கள் *

வியாழன், 22 ஜூலை, 2010

டாக்டர்கள் உதவியின்றி அறுவைச் சிகிச்சை செய்யும் ரோபோ


வாஷிங்டன், ஜூலை 21: டாக்டர்களின் வழிகாட்டுதலுடன் நோயாளிக்கு அறுவைச் சிகிச்சை செய்யும் ரோபோ என்பது புதிதல்ல. இதுபோன்ற ரோபோக்களை பல ஆண்டுகளுக்கு முன்பே விஞ்ஞானிகள் வடிவமைத்துவிட்டனர். ஆனால் டாக்டர்களின் உதவியே இல்லாமல் நோயாளியிடம் அறுவைச் சிகிச்சை மேற்கொள்ளும் ரோபோவை தற்போது அமெரிக்க விஞ்ஞானிகள் கண்டுபிடித்து சாதனை நிகழ்த்தியுள்ளனர்.  அமெரிக்க டியூக் பல்கலைக்கழகத்தின் உயிரி பொறியியல் துறை விஞ்ஞானிகளின் இத்தகைய கண்டுபிடிப்பு மருத்துவப் புரட்சி என்றே கருதப்படுகிறது. சமீபத்தில் பல நோயாளிகளுக்கு அறுவைச் சிகிச்சையை செய்ய வைத்து இந்த ரோபோவை விஞ்ஞானிகள் சோதித்தனர். இந்தச் சோதனை வெற்றி பெற்றது. எனினும், இந்த ரோபோவால் தற்போதைய நிலையில் சிறிய சிறிய அறுவைச் சிகிச்சையை மட்டுமே செய்ய இயலும். இதன் தொழில்நுட்பத்தை மேம்படுத்தினால் எத்தகைய சிக்கல் மிகுந்த அறுவைச் சிகிச்சையையும் இந்த ரோபோவால் செய்துவிட முடியும் என்று அதை வடிவமைத்த விஞ்ஞானிகள் நம்பிக்கை தெரிவித்துள்ளன