வியாழன் கிரகத்தில் தண்ணீர்” நாசா விஞ்ஞானிகள் கண்டுபிடிப்பு

வியாழன் கிரகத்தில் தண்ணீர்” நாசா விஞ்ஞானிகள் கண்டுபிடிப்பு

Chennai வெள்ளிக்கிழமை, நவம்பர் 18, 1:07 PM IST

 

முந்தைய பதிவுகள் 5

இமெயில் பிரதி

வாஷிங்டன், நவ.18-

 

வியாழன் கிரகத்தில் தண்ணீர் உள்ளது என நாசா விஞ்ஞானிகள் கண்டுபிடித்துள்ளனர். சூரிய குடும்பத்தில் மிகப் பெரிய கிரகம் வியாழன், இங்கு பல சந்திரன்கள் உள்ளன. எனவே, வியாழன் கிரகம் குறித்து ஆய்வு நடத்த அமெரிக்காவின் நாசா விண்வெளி மையம் கடந்த 1989-ம் ஆண்டில் கலிலியோ விண்வெளி ஓடத்தை அனுப்பியது. அந்த ஓடம் வியாழன் கிரகத்தின் மேற்பரப்பை ஆய்வு செய்தது.

 

அதில் அங்கு ஐஸ்கட்டி படிவங்கள் ஓரளவு இருப்பது தெரிய வந்தது. அது மிக தெளிவாக தெரியாததால் அங்கு தண்ணீர் இருப்பது சந்தேகம் என கருதினர். இந்த நிலையில், வியாழன் கிரகத்தில் உள்ள “யூரோப்பா” என்ற சந்திரனில் தண்ணீர் இருப்பது உறுதியாக தெரிய வந்துள்ளது. “யூரோப்பா”வில் 10 கி.மீட்டர் அளவுக்கு கனமான ஐஸ்கட்டி படிவங்கள் உள்ளன.

 

அவை 3 கி.மீட்டர் ஆழத்துக்கு படிந்து உள்ளன. இதன் மூலம் அங்கு பெரிய கடல்களும் ஏரிகளும் இருக்க வாய்ப்பு உள்ளது. இந்த தகவலை அமெரிக்காவின் டெக்சாஸ் பல்கலைக்கழகத்தின் விண்வெளி இயற்பியல் நிறுவன தலைவர் பிரிட்னி தெரிவித்துள்ளார். 

 

 

Friday, November 18,2011 03:34 PM, வீட்டுகுருவி said: நல்ல வேல அங்க பெட்ரோல் இருப்பதுபோல் கண்டுபிடிக்கலா...இப்போதைக்கு வியாழன் தப்பிச்சது இக்கருத்துக்கு உங்கள் கருத்து .....?

Friday, November 18,2011 02:52 PM, Raja said: இது ஒரு நல்லகண்டுபிடிப்புதன் ஆனால் இந்த பயங்கரவாத செயல்களை இவுலகில் நடத்தும் அமெரிக்கா அங்கேயும் சென்று தாக்குதல் நடத்தி அனைத்தையும் அளித்து நாசமாக்கி விடுவார்கள் இது அனைவருக்குமே தெரிந்த விஷயம். On Friday, November 18,2011 02:54 PM, Aswin said : ஆமாம் இது சரியான செய்திதான் இக்கருத்துக்கு உங்கள் கருத்து .....?

Friday, November 18,2011 02:51 PM, விஜயகாந்த் said: அய்யா........இந்த தகவல் தந்த உங்களுக்கு எங்கள் கரிமேட்டு கருவாயன் நற்பணி மன்றம் சார்பாக நன்றி தெரிவித்துகொள்கிறோம்........ஏன் என்றல் வர வர எங்கள் அய்யாவுக்கு உள்ளூர் தண்ணி ஒத்துகொள்வதில்லை...அதனால் ஒரு மாற்றத்துக்கு “வியாழன் கிரகத்து தண்ணீர்” குடித்து பார்க்கலாம் என்று ஒரு ஆர்வ கோளாறு........."மாத்தி யோசி".......வாழ்க நாசா.......வளர்க எங்கள் கேப்டன் விஜயகாந்த்... On Friday, November 18,2011 03:14 PM, sathriyan said : எங்கள் தானை தலைவன் மாண்புமிகு நரசிம்மாவை தரக்குறைவாக பேச அனுமதிக்க மாட்டோம் . இப்படிக்கு கரிமேடு கரிவாயன் கள் இக்கருத்துக்கு உங்கள் கருத்து .....?

Friday, November 18,2011 02:33 PM, kusumban said: நல்ல முயற்சி.௨௨ எஅர்ஸ் இதற்கு இக்கருத்துக்கு உங்கள் கருத்து .....?

சூரியனை நெருங்கி வரும் வியாழன்: ஆர்வமூட்டும் வானியல் நிகழ்வு

சூரியனை நெருங்கி வரும் வியாழன்: ஆர்வமூட்டும் வானியல் நிகழ்வு

First Published : 28 Oct 2011 08:59:43 PM IST

சென்னை, ஆக்.28: சூரியனுக்கு அருகே வியாழன் கிரகம் நெருங்கி வரும் நிகழ்வு நாளை நடக்கவுள்ளதால் பூமிக்கு எந்த ஆபத்தும் இல்லை. இதனை பெரியார் அறிவியல் தொழில்நுட்ப மையத்தின் செயல் இயக்குநர் அய்யம்பெருமாள் தெரிவித்தார்.சென்னையில் வெள்ளிக்கிழமை செய்தியாளர்களிடம் பேசியபோது அவர் தெரிவித்ததாவது:சூரியக் குடும்பங்களில் உள்ள கிரகங்களில் வியாழன் கிரகம் மிகப் பெரிது. சூரியனைச் சுற்றும் போது 398.9 நாள்களுக்கு ஒரு முறை சுற்றுப் பாதையில் சூரியனுக்கு நேர் எதிரில் வியாழன் கிரகம் வருகிறது. இப்படிப்பட்ட நிகழ்வு இன்று (29-ந் தேதி) நடக்கவுள்ளது. இதனை நாம் பூமியில் இருந்தே எளிதாகக் காணலாம்.பொதுவாக பூமிக்கும் வியாழனுக்கு இடையே உள்ள தூரம் 92 கோடி கிலோ மீட்டர். ஆனால் சூரியனுக்கு நேர் எதிராக வியாழன் வரும்போது பூமிக்கும் வியாழனுக்கும் இடையேயுள்ள தூரம் மிகவும் குறைந்து விடும். இந்த தூரம் 92 கோடி கிலோ மீட்டரிலிருந்து இருந்து 59.3 கோடி கிலோ மீட்டராக குறையும் என்று கணிக்கப்பட்டுள்ளது. இவை நேர் எதிரில் வருவதால் வியாழன் மீது சூரிய ஒளி முழுவதும் படுவதாலும், பூமிக்கு அது நெருங்கி வருவதாலும் வியாழன் கிரகத்தை பூமியில் இருந்து தெளிவாகப் பார்க்க முடியும். சூரிய உதயம் மற்றும் அஸ்தமனம் ஆகிய நேரங்களில் வியாழன் கிரகம் வெளிச்சமாகக் காணப்படும். இந்த நிகழ்வு ஒரு மாதத்திற்கு மேலாக தொடரும் என்றாலும் நம்மால் மூன்று நாள்களும் தெளிவாக வியாழன் கிரகத்தை பார்க்கலாம். இதனை நேரடியாகவும், டெலஸ்கோப் வழியாகவும் பார்க்கலாம். வானம் தெளிவாக இருந்தால் 29 முதல் 31-ந் தேதி வரை இரவு 7 மணியில் வியாழன் கிரகத்தைப் பார்க்கலாம். பெரியார் அறிவியல் தொழில்நுட்ப மையத்தில் பிர்லா கோளரங்க நிர்வாகம் சிறப்பான ஏற்பாடுகளை செய்துள்ளது. இதே போன்றொரு நிகழ்வு கடந்த ஆண்டு செப்டம்பர் 21-ம் தேதி நடந்தது. அடுத்ததாக 2012-ம் ஆண்டு டிசம்பர் 2-ம் தேதியும் மீண்டும் இந்த நிகழ்வு நடக்கும் என்றார் அவர்.