கருத்துகள் - views: விழுப்புரம்

நாம் அன்றாடம் பயன்படுத்தும் கைப்பேசி முதல் கணிணி வரை, நமக்குத் தெரியாமலே நம்மைப் பற்றிய தகவல்களைத் தனியார் நிறுவனங்கள் திரட்டி, அதன் மூலம் அதிக ஆதாயம் பெற்று விடுகின்றனர். இதனைத் தடுக்கவும், பல தொழில்நுட்பங்களை மக்களாகிய நாம் கற்றுக் கொள்ளவும், நம் அனைவரின் தன்னுரிமையை/அந்தரங்கத்தைக் காப்பதுமே இந்தக் கணியன் கட்டற்ற (மென்பொருள் விடுதலை) நாளின் முதன்மை நோக்கம்.

அனைவரும் வாரீர்! தொழில்நுட்பத்தைப் பற்றிய புரிதலையும், அதனை எவ்வாறு பயன்படுத்துவது என்பதைப் பற்றிய விழிப்புணர்வையும் இலவசமாகப் பெற்று செல்லுங்கள்.

முற்றிலும் இலவசம்..!

பின் குறிப்பு:

வரும்போது பதிவோட்டி(Pen-drive) கொண்டு வந்து கணியனை(மென்பொருளை) இலவசமாகப் பெற்றுக் கொள்ளுங்கள் நண்பர்களே!

–சீனிவாசன்

விழுப்புரம் கட்டற்ற மென்பொருள் குழும

புதன், 7 ஆகஸ்ட், 2013

இயங்கும் பொறி மிதிகையில் கூடுகட்டி வசிக்கும் குருவி

ஓடும் பைக்கில் கூடு கட்டி 3 ஆண்டாக வசிக்கும் குரு

பைக்கில், கூடுகட்டி, மூன்று ஆண்டுகளாக, அதில் வசித்து வருகிறது, ஒரு குருவி. இப்போது அதில் முட்டையிட்டுள்ளது.

விழுப்புரம் மாவட்டம், செஞ்சி அருகே உள்ள நெகனூர் புதூர் கிராமத்தை சேர்ந்தவர் குப்பன், 60. ஓய்வு பெற்ற கிராம நிர்வாக அலுவலர். கடந்த, 10 ஆண்டுகளாக, ஒரே பைக்கை பயன்படுத்தி வருகிறார். ஒருநாள், பைக்கை, "ஸ்டார்ட்' செய்த போது, "டூல்ஸ் பாக்ஸ்' உள்ளே இருந்து, குருவி ஒன்று பறந்து சென்றது. குருவி, அதில் கூடு கட்டி வசித்ததைக் கண்ட அவர், அதை கலைக்கவில்லை. தினமும் மாலையில், பைக்கை, வீட்டில் கொண்டு வந்து விட்ட சிறிது நேரத்துக்குள், பைக்கில் கட்டியிருந்த கூட்டுக்குள், குருவி வந்து அடைந்து விடும்; இரவில் வீடு திரும்ப நேரமானால், அருகே உள்ள மரத்தில், காத்திருந்து, பைக் வந்த பின், அடைந்து கொள்ளும். ஒரு முறை, பைக்கை பழுது நீக்க விட்ட போது, ஊழியர்கள், கூட்டை பிய்த்து எறிந்து விட்டனர். அதை, குருவி பொருட்படுத்தவில்லை; பைக்கில் அதே இடத்தில், மீண்டும் கூடு கட்டி அடையத்துவங்கியது. இதன் பின், குப்பன் பைக்கை சர்வீசுக்கு விடுவில்லை; தானே கழுவி சுத்தம் செய்து கொள்கிறார்; டூல்ஸ் பாக்சையும் திறப்பது இல்லை. பைக்கில் கட்டிய கூட்டில், மூன்று ஆண்டுகளாக, குருவி வசிக்கிறது. கடந்த, 4ம் தேதி, பைக்கில் செஞ்சி வந்தார் குப்பன். திரும்பி செல்ல முயன்றபோது, குருவி முட்டை ஒன்று, பைக் அருகே உடைந்து கிடந்தது. உடனே, டூல்ஸ் பாக்சை திறந்து பார்த்தார். அங்கு ஒரு முட்டை இருந்தது. பைக்கை ஓட்டிய போது, அதிர்வில், கூட்டில் இருந்து விழுந்துள்ளது. இப்போது, அந்த முட்டையை பாதுகாப்பதில் தீவிரம் காட்டுகிறார். முட்டையில் இருந்து, குஞ்சு வெளியே வந்தபின், பைக்கை வெளியே எடுத்தால், குஞ்சுக்கு உணவு எப்படி கிடைக்கும் என்பது தான், இப்போது குப்பனின் கவலை.

செவ்வாய், 26 அக்டோபர், 2010

ஏழு கன்னியர் சிற்பத்தின் கல்லில் 300 ஆண்டுகள் பழமையான கல்வெட்டு எழுத்துகள்

First Published : 26 Oct 2010 01:00:54 AM IST

விழுப்புரம் திரு.வி.க. வீதி அய்யனார் கோயில் ஏழு கன்னியர் சிற்பத்தில் காணப்படும் கல்வெட்டு.

விழுப்புரம், அக். 25: விழுப்புரம் திரு.வி.க. வீதி அய்யனார் கோயிலில் இருந்த ஏழு கன்னியர் சிற்பத்தின் கீழ்ப் பகுதியில் 300 ஆண்டுகள் பழமைவாய்ந்த கல்வெட்டு எழுத்துகள் கண்டுபிடிக்கப்பட்டது. ÷திரு.வி.க. வீதியில் உள்ள பாண்டி அழகர் அய்யனார் கோயிலில் திருப்பணி நடந்து வருகிறது. ÷இங்குள்ள மிகவும் பழமை வாய்ந்த ஏழுகன்னியர்களின் புடைப்புச் சிற்பத்தில் கல்லெழுத்து வாசகங்கள் இருப்பதை விழுப்புரம் கல்வெட்டு ஆராய்சியாளர்கள் சி.வீரராகவன், மங்கையர்க்கரசி ஆகியோர் கண்டறிந்துள்ளனர். ÷எழுத்தாளர் கோ. செங்குட்டுவன் அளித்த தகவலின் பேரில், கோயில் பரம்பரை அறங்காவலர் ஏ.சி. குமார் முன்னிலையில் களஆய்வு மேற்கொள்ளப்பட்டது. ÷இது குறித்து கல்வெட்டு ஆய்வாளர்கள் கூறியிருப்பது: தமிழகத்தில் பெண் தெய்வ வழிபாட்டில் ஏழு கன்னியர்கள் வழிபாடு என்பது கி.பி. 8-ம் நூற்றாண்டு முதல் சிறந்தோங்கி வந்துள்ளது. ÷சிவாலயங்களில் தென்திசை திருச்சுற்று மேடையில் அறுபத்து மூவர் சிற்பங்கள் அமைந்த பகுதியிலேயே கன்னியர்களான மகேஸ்வரி, பிரம்மி, இந்திராணி, வைஷ்ணவி, கெüமாரி, வராகி, சாமுண்டேஸ்வரி ஆகியோர் இடம் பெற்றிருப்பர். ÷இவர்களுடன் முழுமுதற் கடவுளான கணபதியாரும், வீரபத்திரர் யோகப்பட்டம் அணி செய்ய யோகாசனத்தில் அமர்ந்த நிலையில் அமைத்திருப்பர். ÷பாண்டி அழகர் அய்யனார் திருக்கோயிலில் ஒரே பலகைக்கல்லில் செதுக்கப்பட்ட கன்னியர்கள் சுகாசனத்தில் அமர்ந்துள்ளனர். வலது காலை மடக்கி, இடது காலை தொங்கவிட்ட நிலையில் அமர்ந்து, இவர்கள் அருள்பாலிக்கின்றனர். ÷வலக்கரங்களில் தாமரை மொட்டுகளை ஏந்தியுள்ளனர். இடக்கரங்கள் அவரவர் தொடைகளில் தாங்கியுள்ளனர். இவர்களது தலைகளில் உள்ள கொண்டைகள் இடப்பக்கம் முடியப்பட்டுள்ளன. ÷அழகே உருவான இந்த ஏழு கன்னியர்களின் புடைப்பு சிற்பத் தொகுதியில் கணபதியாரோ, வீரபத்திரரோ இடம்பெறவில்லை. ÷சிற்பத்தின் கீழ்ப்பக்கம், அடிப்பக்கம், வலப்பக்கங்களில் ஏழு வரிகளில் கல்வெட்டு பொறிக்கப்பட்டுள்ளது. ÷மங்கலச் சொல்லான ஸ்வஸ்திஸ்ரீ என்ற சொல்லோ, மன்னர்களின் பெயரோ, அவர்களின் மெய்கீர்த்தியோ அல்லது ஆட்சியாண்டோ இதில் இல்லை. ÷அன்றாடம், கணபதியார் வழிபாடு நடத்துவதற்கும், ரிஷபம் அமைக்கவும், அமுதுபடி செய்யவும், திருவிழா நடத்துவதற்கும், சந்தி மற்றும் அணையா நந்தா விளக்கெரிக்கவும், தனித்தனியே பொற்காசுகள் வழங்கப்பட்டதையும் கல்லெழுத்து வாசங்கள் கூறுகின்றன. ÷எழுத்தமைதியைக் கொண்டு இதன் காலம் கி.பி. 16, 17-ம் நூற்றாண்டு எனலாம். தமிழகத்தில் குறிப்பாக விழுப்புரத்தில் கல்லெழுத்து வாசங்களுடன் கூடிய ஏழு கன்னியர்களின் சிற்பத் தொகுதி இதுவரைக் கண்டறியப்படவில்லை. இப்படி கண்டறியப்பட்டது இதுவே முதல்முறை என்று ஆய்வாளர்கள் தெரிவித்துள்ளனர்.